Månadsbrev for Blå, april 2016 Oppsummering/ evaluering av april Me har i april hatt fokus på friluftsliv. Før me starta på denne månaden var det få av oss som visste kva ei grandekule er, no er det begrepet vorte kjent for mange av oss, liten og stor. Barnehagen skal være ein lærande organisasjon. Sitat frå rammeplan «Som pedagogisk samfunnsinstitusjon må barnehagen være i endring og utvikling. Barnehagen skal være en lærende organisasjon slik at den er rustet til å møte nye krav og utfordringer. Kvalitetsutvikling i barnehagen innebærer en stadig utvikling av personalets kompetanse.» No høyrer til stadigheit når me er ute på tur, «sjå, her er ei grandekule». Me har utvikla borna og dei vaksne sin kompetanse med dette vesle prosjektet. Elles har me vore på turar rundt i nærmiljøet, på tampen av månaden var me på besøk i sauefjøsen på Ekrene og fekk sjå at det var komne mange lamb til verda. Språkutvikling Me har delt oss mykje i grupper når me er ute på tur. Me synst då at det er lettare å sjå og ta vare på det einskilde barnet. Det blir snakka om mangt og mykje når me er ute på tur. Frå små ting me finn på bakken, som makkar og nøter til samtalar som kvifor graset kjem opp av bakken og kvifor det er knoppar på trea. Me syng også! Både inne og ute, når me går og når me stoppar. Kanskje lamma på Ekrene vart glade når me song «Bæ, bæ lille lamb» til dei? Ikkje veit eg, men ei lita jenta påstod i allfall det Leik Prosjektarbeid Me har sett som mål på språkutvikling at «Me oppfordrar dikka foreldre til å spørja barnet ditt kva det har gjort på i dag». Me høyrer at nokon av dikka spør om det. Nokon får då utfyllande svar, andre barn seie «veit ikkje» eller «har berre leika». Det kan likevel vere med på å sette i gang tankar i barnet sitt hovud, og plutseleg ein dag kjem det meir om kva barnet har opplevd gjennom dagen. Leiken blir nokre gonger annleis når me er på tur Grupperingane blir gjerne annleis enn når me er i barnehagen. Kanskje ein leikar med eit barn som ein ikkje leikar med elles, og nye vennskap kan bli oppretta, eller at ein ser andre kvalitetar i ein person enn ein elles har gjort. Me ser at borna leikar det som fangar deira interesse. Etter fjøsbesøket vårt til dømes var det fleire «mammasauer» som nokon sa og lamb i barnehagen som fekk mjølk, gras og kos. Me starta april med målet «Gå å finne grandekule». Når me byrja prosjektet vårt var det ingen barn som visste kva ei grandekule var, heller ikkje mange i personalet... No derimot veit dei fleste kva det er Alle borna har i løpet av april gått til elvagranden og funne seg kvar si grandekule. Denne tok dei med tilbake til barnehagen og måla på. Dei
vart så lakka, og no ligg dei utstilt på avdelinga. Me har og hatt som mål å «Skape gode turopplevingar». For å klare det har me erfart at det er best for oss å dele i mindre grupper. Då «ser» me lettare einskildborna, og borna får lettare utfordringar utifrå alder og utvikling. Ein dag tok me med oss pølser på termos og åt maten vår i fellesskap før nokon gjekk tilbake til barnehagen og ei gruppe gjekk i Gåpnaberget. Me har vore i Grindane ca 1 gong i veka, der og delar me ofte i grupper. Ein tysdag tok me med oss nista vår og åt den på arbeidsstova på omsorgsenteret, me snakka med dei og song sangar, det var sett stor pris på! Når me kom stod det 5 isbjørn bamsar på bordet, ein til kvar avdeling i Gaupne barnehage. Tusen takk for dei, dei er vorte kosa mykje med allereie Me reiser på besøk att ein anna dag. Mål og innhald for mai På årsplan for mai står turglede. Me ynskjer difor å fortsetja å «Skape gode turopplevingar» som me har sett som mål for denne månaden. Me fortset med å dele oss mykje i grupper. Nokon gonger har me ulike leikar eller små oppgåver når me er på tur, andre gonger leikar borna slik dei sjølv ynskjer. Me vil bruke Grindane ca 1 gong pr veke, elles Gåpnaberget, Hanaskjeren og andre turar i nærområdet. Når me er på tur snakkar me om det me ser rundt oss. Det kjem snart ut sauer og lamb, hestar snakkar me rett som det er om, blomster og anna som fangar borna si interesse. Torsdag 12. mai kjem Helselaget til oss. Då har me vårslepp med ulike leikar og aktivitetar, som ball i bøtte, sekkeløp, ringspel mm. Helselaget syter for at me får mat denne dagen. Tusen takk til dei som stiller opp, år etter år Fyrste dagen i mai spurde me barnegruppa kva dei tenkjer på når me seier 17. mai? Det var lite eller ingen respons på det. Det er nok likevel nokon som veit litt, men me vil iallfall snakke litt no i dagane før 17. mai at me feirar landet sin bursdag og synge/høyre på «Ja vi elsker dette landet». Bursdagar: Ariam 16.05
Anna informasjon Me har hatt ulike «tema» som har fanga borna si interesse opp igjennom åra. Kan nemna «Hello Kitty» og ikkje minst «Kaptein Sabeltann». Dei siste månadane har «Frost» vore mykje omsnakka. Mange har vore «Elsa» i leik! Fleire av borna på Blå har vore opptekne av dette, med Elsa kjolar, klemmer, matboksar osv. Ei stund var det mykje snakk om dette og nokon (både barn og foreldre) følte dette nesten som eit press at dei og måtte ha «slik kjole» Det synst me ikkje er greitt, me har difor hatt tema oppe i personalgruppa. Me har prøvd å ikkje hatt fokus på at dei er fine og liknande overfor borna, heller fokus på td at det er bokstavar på gensaren/kjolen. Me opplever at «Frost temaet» har roa seg litt i barnegruppa, det er ikkje så mykje snakk om det her no og det er me glade for!! Minner om den lukka facebook gruppe til Gaupne barnehage, der kjem det iblant ut bilete frå kva dei ulike avdelingane i barnehagen driv med. Over: Nokre bileter frå grandekuleprosjektet vårt. Me fann blant anna ut at det er grandekuler rundt 3 av veggene på idrettshallen. «Utan mat og drikke, duger helten ikkje», på bileta ved sida av bakar me rundstykker og lagar grønnsaksuppe.
Me har hatt mange gode turopplevingar og helst på ulike dyr. Her deler me opp kjøttbollar og førebur oss, før me dreg i Grindane for å lage mat på bålpanna. Dei fleste synst det smakte godt