Møteinnkalling Utval: Nærøyfjorden verneområdestyre Møtestad: E-post Dato: 06.06.2019 Tidspunkt: 10:00 Eventuelt forfall må meldast snarast på tlf. 99499753 eller e-post fmsfano@fylkesmannen.no. Vararepresentantar møter etter nærare beskjed.
Saksliste Utvalssaksnr ST 23/19 ST 24/19 Innhald Lukka Arkivsaksnr Godkjenning av innkalling og dagsorden Val av styremedlem til å skrive under protokollen ST 25/19 Uttale frå Nærøyfjorden verneområdestyre - Høyring - Ny 420 kv leidning Sogndal - Aurland 2019/11009
ST 23/19 Godkjenning av innkalling og dagsorden ST 24/19 Val av styremedlem til å skrive under protokollen
Saksframlegg Arkivsaksnr: 2019/11009-0 Sakshandsamar: Anbjørg Nornes Dato: 28.05.2019 Utval Utvalssak Møtedato Nærøyfjorden verneområdestyre 25/19 06.06.2019 Uttale frå Nærøyfjorden verneområdestyre - Høyring - Ny 420 kv leidning Sogndal-Aurland Innstilling frå forvaltar Uttalen i saksframlegget vert sendt som uttale frå Nærøyfjorden verneområdestyre. Saksopplysningar Dokument som bakgrunn for saka: Ny 420 kv leidning Sogndal-Aurland og Sogndal-Ramnaberg. Høyring av konsesjonssøknad og invitasjon til møte, Norges vassdrags- og energidirektorat, 27.03.2019 Stadfestar høyring og utsett høyringsfrist, Norges vassdrags- og energidirektorat, e-post 15.05.2019 Norges vassdrags- og energidirektorat (NVE) har motteke konsesjonssøknad og konsekvensutgreiing frå Statnett for ein ny om lag 49,3 km lang 420 kv leidning mellom Sogndal transformatorstasjon og Aurland kraftverk. I tillegg er det søknad om konsesjon og konsekvensutgreiing for ny leidning på delstrekninga Sogndal-Ramnaberg og Sogndal-Hove. Leidningane frå Sogndal til Aurland ligg i kommunane Sogndal, Lærdal og Aurland. På sørsida av Sognefjorden går leidningen gjennom Bleia-Storebotnen landskapsvernområde. Bygging av ny 420 kv leidning er grunngjeve med at det vil vera naudsynt med fornying av dagens 300 kv leidning for å kunne føra ny kraftproduksjon ut på nettet, og for motverka prisskilnader mellom områda nord og sør for Sognefjorden. Det er i tillegg naudsynt å skifte ut fjordspenna over Sognefjorden og Sogndalsfjorden innan få år på grunn av slitasje. Når dei nye leidningane er sett i drift, er planen å riva dei eksisterande leidningane. I høyringa ynskjer NVE innspel på fylgjande: Kva meiner høyringsinstansane om tiltaket? Er konsekvensane godt nok utgreia? Landskapsvernområde Naturreservat Nærøyfjorden og Bleia-Storebotnen Grånosmyrane, Nordheimsdalen, Bleia
Framlegg til justeringar av planane for å redusere moglege negative verknader av tiltaket. Nærøyfjorden verneområdestyre fekk ikkje høyringsbrevet tilsendt i fyrste utsending. NVE sende høyringssaka til veneområdestyret 15. mai med utsett høyringsfrist til 20. juni 2019. Uttale/vurdering 420 kv leidningen på sørsida av Sognefjorden går gjennom Bleia-Storebotnen landskapsvernområde. Verneføremålet for dette området er «å ta vare på eit vakkert og eigenarta natur- og kulturlandskap frå fjord til fjell. Her utgjer breisen si forming av det gamle slettelandskapet og fjordlandskapet med ein variert vegetasjon og fauna med villrein ein vesentleg del av landskapets karakter» jf. verneforskrifta 2. Kraftlinja går nær grensa til Norheimsdalen naturreservat på deler av strekninga gjennom landskapsvernområdet. Kraftlinja vil vera synleg frå naturreservatet, men vil ikkje gje direkte verknad i naturreservatet. Den nye leidningen skal gå parallelt med eksisterande leidning, men med om lag 20-30 meter avstand. Mastene vert 1 meter høgare, og vil ha større dimensjonar enn eksisterande master. Leidningane vil vera meir synlege på grunn av overgang til tripleks. Kva meiner høyringsinstansen om tiltaket? Oppgradering av kraftlinja frå 300 kv til 420 kv er vurdert å ha stor nasjonal samfunnsmessig nytte. Ein oppgradering av kraftlinja skal vurderast i høve verneforskrifta for Bleia- Storebotnen landskapsvernområde. Oppgradering/fornying av kraftleidning for heving av spenningsnivået er ikkje søknadspliktig når dette ikkje krev vesentlege fysiske endringar i strid med verneføremålet, jf. verneforskrifta 3 punkt 1.2 d). Tiltaket med å bygge ny kraftlinje parallelt med eksisterande linje vil gje vesentlege fysiske inngrep, sjølv om eksisterande kraftlinje skal rivast. Både fysiske tiltak og motorferdsel i anleggsperioden vil vera søknadspliktige tiltak. Statnett må difor søkja om dispensasjon frå verneforskrifta for bygging av ny kv 420, jf. verneforskrifta 3 punkt 1.3 d) og 5. Bleia-Storbotnen landskapsvernområde er eit av 5 verneområde som utgjer verdsarvområdet Vestnorsk fjordlandskap, delområde Nærøyfjorden. Området har fått UNESCO-status som eit naturarvområde. Innskrivingsgrunnlaget er sjølve storforma i landskapet med aktive geologiske prosessar. Området syner alle element av landformer knytt til dei indre delande av dei lengste fjordarmane i verda. Bleia-Storebotnen, eit område som viser breisen si forming av gamalt slettelandskap, er ein vesentleg del av dette landskapet. God forvaltning av desse verneområda er særs viktig då verneområda har ein endå høgare status gjennom å vera eit verdsarvområde. Dette forpliktar all offentleg forvaltning i planlegging av tiltak i verneområda i verdsarvområdet. Er konsekvensane godt nok utgreia? Konsekvensutgreiinga konkluderer med at miljøverknadane etter at nye leidningar er sett i drift og dei gamle er tatt ned, stort sett vil vera som i dag, og at konsekvensane i hovudsak vil vera knytt til anleggsperioden. Anleggsaktiviteten er planlagt slik at den skal medføra minst mogleg uroing. Tiltaket ligg i landskapsregion 15.12 Lågfjellet i Sør-Norge. På grunn av det er ei eksisterande kraftlinje i området i dag, er området gitt middels til høg verdi. Kraftlinja gjev mindre verknad på landskapet om sommaren enn om vinteren. I vinterlandskapet i Bleia- Storebotnen set kraftlinja tydleg preg på landskapet. På avstand vil truleg ikkje dei nye mastene og leidningane gje synleg endring samanlikna med eksisterande kraftlinje. www.nasjonalparkstyre.no/naroyfjorden/ Sakshandsamar Anbjørg Nornes Side 2 av 3
Naturtypen kalkrike område og vegetasjon i fjellet vert berørt i anleggsfasen ved køyring i terrenget og landingsplass for helikopter. Det må planleggjast landing med helikopter utan å opparbeida landingsplassen for helikopter. Konsekvensutgreiinga bygger hovudsakleg på tilgjengeleg kunnskap for området. I Bleia-Storebotnen landskapsvernområde er registreringane av naturtype og artar mangelfulle. Det bør gjennomførast nye registreringar av naturverdiar i landskapsvernområdet. Norsk Institutt for naturforsking (NINA) har utarbeidd Håndbok for sårbarheitsvurdering i verneområde. Denne handboka kan vera eit godt verktøy i feltregistrering av sensitive einheiter. I planlegging av fjerning av eksisterande master og leidningar må den samla belastninga for natur og miljø vurderast. Det bør vurderast om beste metode er full fjerning av alle fundament på mastepunkta, eller konsekvensane vert mindre ved delvis fjerning. Konsekvensane ved køyring i terrenget må særskilt vurderast. I høgfjellet tek det lang tid før køyrespor gror til att, og køyring i terrenget må difor avgrensast mest mogleg. I konsekvensutgreiinga for friluftsliv og ferdsel er flytting av hyttene ved Storebotnvatnet og Ertehaugvatnet nemnt som mogleg avbøtande tiltak for friluftslivet. I utgreiinga er det ikkje framlegg om ny plassering. Ev flytting av hyttene er søknadspliktig tiltak etter verneforskrifta. Det må lagast ei konsekvensutgreiing for tiltaket dersom flytting av hyttene innanfor verneområdet er aktuelt tiltak. Bygging av landingsplassar for helikopter ved mastepunkta i verneområdet må utgreiast. Det må vurderast om det er naudsynt med terrengtilpassing for landing, og om alle baseplassane kan leggjast utanom verneområdet. Avbøtande tiltak som hindrar skade på vegetasjon er viktige tiltak. Til revegetering kan det berre nyttast stadeigen vegetasjon. Det skal ikkje tilførast nye massar frå andre stader. Dette kan føra til spreiing av nye artar i fjellområdet. Framlegg til justeringar av planane for å redusere moglege negative verknader av tiltaket. NVE bør stilla krav om at miljø-, transport- og anleggsplan skal utarbeidast og godkjennast før anleggsstart. Nærøyfjorden landskapsvernområde ber om å få planen til uttale før godkjenning. www.nasjonalparkstyre.no/naroyfjorden/ Sakshandsamar Anbjørg Nornes Side 3 av 3