Selje kommune Arkiv: FE-131, HIST-12/934, TI-&13 JournalpostID: 19/3617 Saksbehandlar: Ragna Haaland Saksframlegg Saksnr. Utval Møtedato 094/19 Formannskapet 07.06.2019 027/19 Råd for eldre og funksjonshemma 13.06.2019 Kommunestyret Delavtale mellom Helse Førde og Selje kommune. Samarbeid om den akuttmedisinske kjeda. Bakgrunn for saka: Saka gjeld ny revidert delavtale mellom Helse Førde og Selje kommune som omhandlar den akuttmedisinske kjeda. Samhandlingsforum for den akutt meidisinske kjeda har arbeidd fram eit nytt kapittel 13a i delavtalen som er samrøystes vedteken i Fagrådet og Koordineringsrådet. Likelydande avtalar er underteikna ved Kommunalsjefane/rådmenn i Sogn og Fjordane, og kommunalsjef i Helse og omsorg i Selje underteikna avtalen i januar 2019. Endringane i delavtalen får økonomiske, faglege og organisatoriske konsekvensar for legevaktsarbeidet på dagtid i kommunen og på kveld og helg ved Nordfjord legevakt. Saka omfattar konkrete økonomiske konsekvensar for Nordfjord Legevakt frå 2019, og i prinsippet kvart legekontor i samarbeidskommunane (legevakt på dagtid). Bakgrunn for denne saka er konsekvensar av kompetansekrav i akuttmedisinforskrifta 7,8 og 13. Delavtalen for den akuttmedisinske kjeda mellom kommunane og Helse Førde måtte reviderast på grunn av endringane i akuttmedisinforskrifta frå 2015. Revidering i delavtalen gjeld kapittel 13a. Rådmannen sitt framlegg til vedtak: 1.Orienteringa om økonomiske konsekvensar for Nordfjord legevakt når det gjeld akuttmedisinforskifta vert tekne til vitande 2.Kostnadene som er skisserte i denne saka, vert å innarbeide i budsjettet for 2020 Vedlegg i saka: 21.01.2019 Avtale - Samarbeid om den akuttmedisinske kjeda 1361216 21.01.2019 Følgjebrev 1361217
Formannskapet 07.06.2019: Handsaming: fellesframlegg, foreslått av Stein Robert Osdal, Kristeleg folkeparti 1.Orienteringa om økonomiske konsekvensar for Nordfjord legevakt når det gjeld akuttmedisinforskifta vert tekne til vitande 2. informasjon om kostnadene som er skisserte i denne saka, vert oversendt fellesnemnda for innarbeiding av kostnadane i budsjettet for 2020 i Stad kommune. Røysting: Rådmannen sitt framlegg til vedtak fekk 0 røyster og fall Fellesframlegg frå Selje FS fekk 6 røyster for, samrøystes FS- 094/19 Vedtak: 1.Orienteringa om økonomiske konsekvensar for Nordfjord legevakt når det gjeld akuttmedisinforskifta vert tekne til vitande 2. informasjon om kostnadene som er skisserte i denne saka, vert oversendt fellesnemnda for innarbeiding av kostnadane i budsjettet for 2020 i Stad kommune. Saksopplysningar: Kap 13a er ny i revidert delavtale. Målet med nytt kap er: 1. å etablere systematisk teamtrening i akuttmedisin mellom kommunane og Helse Førde etter BEST-modellen (betre systematisk trening). Systematisk teamtrening gir kompetanseheving både på individ- og systemnivå. Status ved Nordfjord legevakt: Starta med BEST øvingar (samøving mellom ambulanse, lege og sjukepleiar ved Nordfjord legevakt) 2. Auke og betre samhandling i akuttmedisinske situasjonar. Status ved Nordfjord legevakt: Ein har pr i dag ikkje greidd å endre praksisen til utrykking ved akuttmedisinske situasjonar, korkje ved Nordfjord Legevakt eller i kvar kommune på dagtid. Kravet er at lege på vakt skal rykke ut umiddelbart i akutte situasjonar. Kommunane skal legge til rette med organisering og utstyr for dette. Kommunane har ikkje nådd målet om utstyr, utrykkingsbil og følgjepersonell. 3. Sikre større forståing for helsepersonellgrupper sin kompetanse, utstyr, metodar og tiltakskort. Det er strenge krav til kompetanse for personell som arbeider i den akuttmedisinske kjeda: legevakt, ambulanse og AMK. Det er og strenge krav i akuttmedisinforskrifta når det gjeld utstyr. Dette vil få ein kostnad for kommunane både når det gjeld opplæring og utstyr.
Status ved Nordfjord legevakt: Kompetanse: Har utdanna ein fasilitator sjukepleiar Manglar ressursar som sjåfør / følgjepersonell (sjukepleiar) Utstyr: Manglar utrykkingsbil Manglar overvakingsutstyr i bil Manglar kle til personalet ved utrykking Metodar og tiltakskort: Legevakta må ha tilgjengelege verkty, t.d. tiltakskort (prosedyrar for akuttmedisinske hendingar samordne prosedyrar med ambulansetenesta). Sogn og Fjordane arbeider med å innføre same programvare som AMK og ambulansetenesta. Dette vert arbeidd med i samhandlingsforum for den akuttmedisinske kjeden i Sogn og Fjordane. Omfang av krav i akuttmedisinforskrifta. Det er viktig for kommunane å vere klar over at krava i akuttmedisinforskrifta gjeld alle legevakter. Denne saka omhandlar Nordfjord legevakt, men krava er dei same for kvar kommune som har legevakt på dagtid. Når det gjeld fasilitatorar for BEST - øvingar, er kravet å ha to fasilitatorar, lege og sjukepleiar eller to sjukepleiarar i kvar kommune. Berre ein sjukepleiar i heile Nordfjord har til no denne kompetansen. Ho arbeider ved Nordfjord legevakt. Dette er kurs over to dagar, ca 10.000,- pr deltakar. Kvar kommune har ansvar for å ha to fasilitatorar med bakgrunn i at kommunane har legevakt på dagtid. Fordi samarbeidskommunane enno ikkje har fasilitatorkompetanse, har Nordfjord legevakt teke ansvar for at alle legekontor i Nordfjord får ei BEST øving i 2019. Korleis samarbeidskommunane i Nordfjord i det vidare skal organisere utdanning av fasilitatorar, tal på fasilitatorar og øvingar må vi komme nærare attende til. Vurdering: Hovudføremålet med denne saka er å synleggjere kostnadene med bakgrunn i krav i akuttmedisinforskrifta og revidert delavtale om den akuttmedisinske kjeden frå 2019 Kostnadane vil først komme i 2020, og det er difor viktig at kommunane får informasjon om desse stipulerte kostnadene no, for å kunne ta desse med i budsjettarbeidet hausten 2019. Synleggjering av kostnadene får også fram det faglege ansvaret som kvar kommune har når det gjeld akuttmedisin: kompetanse, opplæring, utstyr, metode og tiltakskort. Og vidare kva rolle Nordfjord legevakt skal ha i det vidare når det gjeld opplæring og øving. Er det realistisk at kvar kommune kan ta ansvar for opplæring og øving, eller skal Nordfjord legevakt ta dette ansvaret? Kommunane vil uansett få eit større ansvar for oppgåvene i den akuttmedisinske kjeda. I denne samanhengen viser vi til plan for prehospitale tenester i Helse Førde som vert lagt fram hausten 2019 og til legevaktpilot - prosjektet som varer fram til 2021.
Status Selje legekontor, legevakt på dagtid: Selje kommune har ikkje legevaktsbil eller utstyr til ein slik bil. Legane nyttar eigne bilar og får refundert kilometergodgjerdsle. Lease ein bil til dette føremålet og utstyr vil verte ein stipulert årleg konstnad på ca 100.000,- Kle ved utrykking ca 10.000,- Lisensar årleg auke ca 10.000,- Opplæring årleg ca 10.000,- Når det gjeld utrykking og personell, så har ikkje Selje legekontor alltid sjukepleiar på vakt som kan rykke ut i lag med lege. Økonomiske konsekvensar: Tabellen nedanfor viser konkrete kostnader av tiltak som følgjer av presiseringar i Akuttmedisinforskrifta og i delavtale med Helse Førde om den akuttmedisinske kjeden. Kompetansekrav Økonomi / kostnader Sjåfør helg (ØHDspl) søndag = 40% 7 t laurdag og stilling (fordelt på 3 spl.stud)= ca 130.000,- pr år BEST- øving Utstyr Uttrykkingsbil og leige av garasje Er lagt inn i budsjettet for NLV i 2019 Ca. kr 10.000,- pr.mnd. i leasing / 120.000,- pr år Nærare informasjon om utstyr og kompetanse I 9 i akuttmedisinforskrifta vert det stilt krav til at legevakta er organisert slik at helsepersonell i vakt kan rykke ut umiddelbart. Med bakgrunn i trafikktryggleik og bruk av utstyr i bil, må det vere to ved utrykking. Ved Nordfjord legevakt er det behov for å styrke bemanninga pr i dag kun på helg for å kunne oppfylle dette kravet. Ekstrabemanning omfattar den tida på døgnet det er mest å gjere. Alle tilsette skal ha 1 øving i året på NLV. Betre samhandling mellom lege, sjukepleiar og ambulansepersonell. Aukar kompetanse i akuttmedisin gjennom øvingane. I 9 i akuttmedisinforskrifta er det krav til forsvarleg Andre merknader Dette kan vere eit tiltak for å rekruttere helsepersonell / studentar til distriktet. Etterkvart invitere heimesjukepleia og legekontor med i øvingane. Kan ikkje pålegge legane å bruke
Kle ved utrykking til lege og sjukepleier Overvakingsutstyr i bil Metode og tiltakskort Lisensar for bruk av Blikksund (datasystem) Ca 1000,- pr mnd i leige av garasje / ca 12.000,- pr år Ca 5000 pr sett. Til saman ca.30.000,- Omfattar utstyr for kr 250.000,- Kr 75.000,- stipulert eingongskostnad Kr 25.000,- stipulert i årlege lisensar organisering. Bil i legevakta sikrar at helsepersonell kan rykke ut når ambulansen er på oppdrag. Akuttmedisinforskrifta seier at ein skal kunne rykke ut umiddelbart ved akuttsituasjonar. Det er krav til kommunane at personalet har tilpassa bekledning. Jmf. Delavtalen 13a. Dette er i hovudsak ein eingongskostnad med noko vedlikehald. Legevaktene må ha utstyr til å overvake og behandle pasientar som t.d. corepuls (overvaking av vitale parameter) og O2 utstyr. Prosedyrar i akuttmedisin på App som alle tilsette kan laste ned på telefonen og bruke i akutte situasjonar. Det vert arbeidd med felles avtale. Det vert eingongskostnad på innkjøp, samt årlege lisensar. Kostnaden for Nordfjord legevakt er enno usikker. privatbil på utrykking. Legane brukar i dag eigen bil og køyrer sjølv, noko som i seg sjølv aukar faren for trafikkuhell. Personalet må ha tilpassa bekledning etter årstid. Corepuls er også utstyr i ambulansane. Samarbeider med dei andre LV i Sogn og Fjordane om Blikksund. Oppsummering: Eingongskostnader i 2020 Årlege lønnskostnader frå 2020 Årlege lisensar / leige av bil og garasje frå 2020 Kr 355.000,- 130.000,- årleg Kr 25.000,- / 120.000,- / 12.000,- = 157.000,- Vedlegg: Delavtale mellom Helse Førde og Selje kommune. Samarbeid om den akuttemedisinske kjeda. Revidering nytt kap. 13a