Månadsbrev for Rosa oktober 2014 Oppsummering/ evaluering av september Språkutvikling Leik Då har også oktober passert, og vi merkar at hausten har kome for alvor. Uteaktiviteter har framleis hatt stor plass hos oss. Vi har gjerne vore ute både på føremiddag og etter soving og fruktstund. Inne har vi prøvd oss på små samlingar der hovudfokus har vore song, men og forteljing knytt til prosjektet vårt. Trygge barn som har funne sin plass er med på å gi dei grunnlag for eit godt læringsmiljø. FN-dagen vart markert med felles samling i aulaen. Kari snakka litt om kva FN står for og vi vart gjort kjende med ulike nasjonalitetar som er representert i barnehagen vår. På avdelinga har vi hengt opp flagg frå dei landa som er representerte i barnehagen. Vi har hatt Stine Teigen som barnehagelærarstudent i denne perioden, Ho har jobba med ulike prosjekt knytt til leiing og nærmiljø. Ei veke har ho teke over som pedagogisk leiar. Kirsten har då vore borte frå avdeling. Har no fått fullført utviklingssamtale med alle dykk foreldre. Kjekt og viktig med eit tett samarbeid. Ute har vi fått utvida taket over soveområdet vårt slik at barna skal bli betre skjerma både mot sol, vind, snø og regn. Både den nonverbale og den verbale kommunikasjonen er viktig for å utvikle eit godt munnleg språk. Dei minste barna brukar gjerne heile kroppsspråket sitt for å gi uttrykk for sine behov og ynskjer. Ved å sette ord på det borna ser, peikar på og snakkar om, ynskjer vi å bekrefta barna sine verbale og nonverbale uttrykk. Stellesituasjonen er eit eksempel på ein situasjon som kan gi rom for å bada barnet i språk ved å ta på og benevne kroppsdeler, klesplagg og liknande. Mange av borna er glade i bøker. Dei yngste har stor glede av å sjå på bileta, medan dei som er litt eldre gjerne vil bli lest for og delta i samtale om detaljar på bileta. Ved song, rim og regler er barna deltakande utfrå sin ståstad. Nokon er mest opptekne av å prøve seg på bevegelsane, medan andre brukar stemma si. Dei eldste klarer gjerne å vere med både på tekst og bevegelse. Leiken har stor plass hos oss og ein stor del av læringa skjer gjennom leiken. Barna er i sterk motorisk utvikling og brukar kroppen sin til å kommunisere med omverda. Vi ser at barna er utforskande og opplever glede ved å meistra motoriske utfordringar. Dette inneber og at det meste av inneleiken hos oss føregår på golvet der barna kan vere i bevegelse og tumle rundt.
Prosjektarbeid Turar/fysisk aktivitet Mål og innhald for november Barna er opptekne av dyra på veggen og tek dei gjerne ned for å snakke om dei. Ved å bruke figurane har vi fortalt eventyret om «Geitekillingen som kunne telje til ti». Vi har og sunge ein del av Prøysen sine songar. I denne perioden har vi hatt småturar i nærmiljøet. Ein del av desse har vore spontanturar i grupper saman med born frå Grøn. Vi har og gått tur med heile gruppa. Firarvogna har vore med for å kunne variere mellom å gå og sitte i vogna. Elles er det og motoriske utfordringar innanfor barnehagen sitt område. Å koma seg opp og ned bakkar, klatre i trapper ved sklia og kome seg over kanten på sandkassen, krev både balanse og grovmotoriske ferdigheiter avhengig av alder og modning. Med støtte og hjelp frå dei vaksne har nokon og prøvd seg på den store sklia,- både spennande og litt skummelt. Halde fram med Prøysenprosjektet Klare sjølv! Fargar Månadens songar: Hompetitten I et bittelite hus Ting å hugse på Det er viktig at barna har gode kle og sko som dei kan bevege seg i. Vottane må vere slik at borna kan bruke fingrane når dei er ute og leikar/jobbar, og dei må vere varme Ta med vått tøy,- også regnkle heim. Er ikkje sikkert dei blir tørre til neste dag om dei vert att i barnehagen Anna informasjon 17. november får vi eit nytt barn på avdelinga. Han heiter Daniel og er eit år. Velkommen til han og hans familie! Telefonnummeret avd. Rosa: 57685781
Uteliv gir rom både for undring og motoriske utfordringar
Det meste av inneleiken føregår på golvet Ut på tur