Dok.dato: 25.01.2013 Vår Ref: 2012001529-3 Arkiv: N- Arbeidsreglement Sund kommune Vedtatt i Administrasjonsutvalet i Sund kommune 23.01.2013 Side 1 av 7
Innhald: 1. Omfang 2. Tilsetjing 3. Tilsetjingsbrev/arbeidsavtale 4. Teieplikt 5. Legeattest/politiattest 6. Arbeids- og kviletider og avspasering 7. Ferie 8. Oppmøte/Fråvær 9. Utbetaling og trekk i løn 10. Vanleg orden 11. Behandling av eigedom og utstyr 12. Permisjonar 13. Oppseiing 14. Avskjed 15. Sluttsamtale 16. Anna løna arbeid 17. Lojalitet 18. Gåver 19. Varsling om interne forhold 20. Helse, miljø og tryggleik 21. Bruk av eigen bil i tenesta 22. Informasjon til media 23. Brot på arbeidsavtale og reglement 24. Tolking/tvist og endringar i reglementet 1. Omfang Side 2 av 7
Dette arbeidsreglementet gjeld alle kommunale arbeidstakarar i Sund kommune i eit fast forpliktande arbeidsforhold, jf. Hovudtariffavtala 1. Reglane i reglementet gjeld ikkje når dei strir mot lov, tariffavtalar eller andre avgjerder som er bindande for kommunen. 2. Tilsetjing Arbeidstakaren blir tilsett i Sund kommune med for tida tenestestad i den enkelte eining/verksemdsområde. Tilsetjing skjer på dei løns- og arbeidsvilkår som går fram av gjeldande lover, reglement, tilsetjingsdokument og tariffavtalar. 3. Tilsetjingsbrev/arbeidsavtale Alle tilsette i Sund kommune skal ha sitt tilsetjingsforhold stadfesta gjennom skriftleg arbeidsavtale med kommunen. Hovudarbeidsoppgåver, ansvars- og myndeområde og administrative fullmakter skal vere omtala skriftleg i arbeidsavtala. 4. Teieplikt Alle tilsette i Sund kommune har teieplikt i forhold til forvaltningslova 13, samt eventuelle særlover innafor den einskilde sitt arbeidsfelt. Arbeidstakarar må opptre på ein slik måte at det ikkje kjem i strid med lov eller forskrift. Teieplikta gjeld og etter at den tilsette har slutta i stillinga. 5. Legeattest/politiattest For stillingar/funksjonar der det vert stilt spesielle krav til helse, skal det før ein tar til i stillinga/funksjonen leggast fram tilfredsstillande legeattest. Tilsette som er omfatta av bedriftshelseteneste må rette seg etter dei reglar som gjeld for denne tenesta. For tilsette som skal arbeida med barn, må naudsynt politiattest leggjast fram jf. Helse og omsorgstenestelova 5-4, Opplæringslova 10-9 og Barnevernslova 6-10 6. Arbeids- og kviletider og avspasering For arbeids- og kviletider vert det vist til Arbeidsmiljølova kap. 10 og Hovudtariffavtala kap. 1 4 Overtidsarbeid er arbeid utover ordinær arbeidstid, og skal vere avtalt med den som har mynde til det. Ingen kan pålegge seg sjølv å arbeide overtid. For overtid/meirarbeid som blir kravd kompensert med overtidsgodtgjersle eller avspasering, skal det førast timeliste. Overtidsgodtgjersle (%-tillegg) skal alltid utbetalast. Timar elles kan avspaserast time mot time når det er semje mellom leiar og arbeidstakar. Tidspunktet for avspasering skal avtalast mellom arbeidstakar og næraste leiar, og kan berre finne stad når fråværet ikkje er til vesentleg ulempe for arbeidsgjevar. Side 3 av 7
7. Ferie Avvikling av ferie skal skje i samsvar med Ferielova og Hovudtariffavtalen. Kommunen fastset ferietid etter konferanse med arbeidstakar eller arbeidstakar sin tillitsvald. Ferielista, som omfattar alle tilsette på arbeidsplassen, skal som hovudregel gjerast kjent så tidleg som mogleg og seinast 2 månader før ferien tar til. Arbeidsgjevar pliktar å legge til rette for at tilsette vert gjeve ferie kvart år og tilsette pliktar å avvikle ferie kvart år jf. Ferielova 5 For undervisningspersonale blir lovfesta ferie avvikla i juli månad (4 veker og 1 dag) og avtalefesta ferie vert avvikla i dei delar av året det ikkje går føre seg undervisning jf. Særavtale for skuleverket. I spesielle tilfelle kan det lagast avtale om overføring av ferie til nytt ferieår og/eller forskotsferie. Blir tilsett sjuk i ferien og har ved legeattest dokumentert arbeidsuførheit i minst 5 dagar, blir tilsvarande ferie erstatta. 8. Oppmøte/Fråvær Eit kvart fråvær på grunn av sjukdom, ulykke eller andre årsaker, skal meldast til næraste leiar same dag eller så snart som råd er. Sjukefråvær skal dokumenterast med eigenmelding eller legeattest, for å gi rett til løn under fråværet. Anna fråvær skal avtalast på førehand med næraste leiar eller den som har fullmakt til å gi permisjon/tenestefri. Sjå og kommunen si senioravtale og permisjonsreglement. 9. Utbetaling og trekk i løn Løn vert utbetalt den 12. i kvar månad eller den næraste føregåande virkedagen. Løn for vikartimar og anna tilleggsløn blir utbetalt etterskotsvis i påfølgjande månad. Innleveringsfrist for timelister er den til ei kvar tid gjeldane dato som lønsavdelinga fastset. Arbeidstakar pliktar å kontrollere at det er utbetalt rett løn, og eventuelle feil skal meldast til arbeidsgjevar utan opphald. Trekk i løn kan berre gjerast i dei høve som kjem fram i Arbeidsmiljølova 14-15 Ved tilbakebetaling av for mykje utbetalt løn, skal det lagast skriftleg avtale mellom tilsett og arbeidsgjevar. 10. Vanleg orden Alle arbeidstakarar i kommunen skal vere på avtalt frammøtestad ved arbeidstidas byrjing, i samsvar med arbeidsavtale eller anna oppsett arbeidsplan. Arbeidstakar må etterkome pålegg frå arbeidsleiar og utføra arbeidet sitt på ein best mogleg måte. Arbeidsgjevar kan ikkje gje pålegg som er i strid med vernereglar eller andre føresegner som varetek arbeidstakar sine rettar. Arbeidstakarar kan ikkje forlata arbeidsplassen utan at dette er avtalt eller at det er påkravd ut frå pålagde arbeidsoppgåver. Arbeidstakar må ikkje vere påverka av alkohol eller anna rusande eller bedøvande middel i arbeidstida. Side 4 av 7
Misbruk av alkohol eller andre bedøvande eller rusande middel, kan vere grunn til oppseiing/avskjed. Det sam gjeld for misbruk utafor arbeidstida som påviseleg går ut over arbeidstakar si utføring av arbeidet. Kommunen kan tilby behandlingsopplegg som alternativ til oppseiing/avskjed, jf. retningsliner for AKAN. 11. Behandling av eigedom og utstyr Alt inventar, bilar, maskiner, verkty og anna kommunal eigedom skal behandlast på ein slik måte at det ikkje oppstår unødig slitasje og øydelegging. Skade på kommunen sin eigedom som følgje av forsett eller openbar aktlause, kan krevjast erstatta. Arbeidstakaren skal rette seg etter reglar og pålegg som er gjeve for å trygge liv, helse og eigedom, og bruke det verneutstyr som er påbode etter lov og forskrift. Bruk av kommunen sin eigedom og utstyr til private føremål, kan berre skje ved avtale. 12. Permisjonar Søknad om permisjon skal avgjerast i samsvar med gjeldane lover, avtalar, overeinskomstar og kommunen sitt eige permisjonsreglement. 13. Oppseiing Oppseiing skal vera skriftleg frå begge partar. Arbeidstakar kan krevja skriftleg grunngjeving for oppseiinga. Ved oppseiing frå kommunen skal den innehalda opplysningar om arbeidstakaren sin rett til å krevje forhandling, reisa søksmål, og kva fristar som gjeld. Før ei slik oppseiing kan finna stad skal det konfererast med arbeidstakaren sin tillitsvald. Frist for oppseiing og rettar som arbeidstakar har skal vere i samsvar med gjeldande lover og tariffavtale. Arbeidstakar som har vore sjukmeld i 52 veker eller tilsvarande refusjonsperioden frå NAV og som får rett til arbeidsavklaringspengar (AAP), har permisjon i 1 år frå stillinga si i Sund kommune (vernetid) dersom det er sannsynleg at den tilsette kan kome attende i stillinga si. Permisjon blir gitt i bolkar på tre månader. Når arbeidstakar sluttar har ho/han krav på sluttattest. 14. Avskjed Kommunen kan gje ein arbeidstakar avskjed med påbod om umiddelbart å fråtre stillinga si dersom denne har gjort seg skyldig i grovt pliktbrot eller anna vesentleg misleghald av arbeidsavtala. Avskjed skal meddelast skriftleg og innehalda opplysningar om rett til å krevje forhandling, reisa søksmål, og kva fristar som gjeld. Side 5 av 7
Medan spørsmål om avskjed blir behandla, kan arbeidstakar i heilt spesielle tilfelle bli suspendert frå stillinga si. Vilkår for å kunna foreta suspensjon er at det er naudsynt av omsyn til tenesta at arbeidstakaren straks blir fjerna frå si noverande stilling og at det må vera grunn til å tru at vilkåra for avskjed etter Arbeidsmiljølova 15-14 er tilstades. Arbeidstakar har krav på å få behalda si løn fram til vedtak om avskjed er gjort. Før vedtak om avskjed eller suspensjon er gjort, skal det konfererast med arbeidstakar sin tillitsvald, med mindre arbeidstakaren ikkje ønskjer dette. Ved suspensjon har arbeidstakaren krav på at denne blir grunngjeve. Om arbeidstakar sine vidare rettar, blir det vist til forvaltningslova. 15. Sluttsamtale Når ein arbeidstakar fråtrer si stilling, bør det haldast ein sluttsamtale for at arbeidstakaren sine erfaringar og synspunkt kan koma nye medarbeidarar og organisasjonen til gode. 16. Anna løna arbeid Kommunal arbeidstakar kan ikkje utan løyve ta anna løna arbeid eller starte eiga verksemd som vil vere av eit slikt omfang at det kan gå utover den tilsette si arbeidsyting i Sund kommune. Det same gjeld ekstraarbeid/eigen verksemd som kan medføra inhabilitet etter forvaltningslova kap 2. 17. Lojalitet Alle arbeidstakarar i Sund kommune skal vere lojal mot politiske vedtak. Dette gjeld også vedtekne budsjett. Lojaliteten gjeld også mot avgjerder som er fatta av overordna og mot andre arbeidstakarar uansett nivå i organisasjonen. Med lojalitet meiner ein respekt for andres område for ansvar og mynde, kompetanse og personleg integritet. 18. Gåver Arbeidstakar kan ikkje ta i mot gåver eller påskjønning frå andre enn arbeidsgjevar og kollegar, når dette på nokon måte kan knytast til den tilsette sin funksjon eller arbeid i kommunen. Dette gjeld også testamentariske gåver. Julehelsingar, reklameartiklar og liknande, med verdi inntil 300 kroner, kjem ikkje inn under dette. 19. Varsling om interne forhold Side 6 av 7
Tilsette vert oppfordra til å varsle om kritikkverdige forhold jf. Arbeidsmiljølova 2.4,2.5 og 3.6, samt kommunen sine retningsliner for varsling. Alle tilsette har plikt til å varsle om kriminelle forhold og om forhold der liv og helse er i fare. Sjå også kommunen sin HMS-perm kap. 11. 20. Helse, miljø og tryggleik Alle arbeidstakarar skal gjera seg kjent med krav som står i handbok for systematisk HMS arbeid og rette seg etter alle gjeldande reglar som tar sikte på å ivareta tryggleik og hindra skade på helse og miljø. Arbeidstakarar skal vera upåverka av alkohol, medikament eller andre rusmiddel i tenesta, jf. Kommunens AKAN retningsliner. 21. Bruk av eigen bil i tenesta Når arbeidsgjevar føreset at arbeidstakar nyttar eigen bil i tenesta, skal dette koma tydleg fram i stillingsannonse og arbeidsavtale. Elles kan arbeidstakarar nytta eigen bil i tenesta når dette er avtala med arbeidsgjevar. Bruk av eigen bil i tenesta skal godtgjerast i samsvar med gjeldande avtalar (reiseregulativet) Arbeidstakarar som i teneste vert påført skade på eigen bil, får dekka eigenandel av kommunen. 22. Informasjon til media Rådmannen, rådmannen sin stab og støttefunksjon, einingsleiarar og leiarar for kommunale forretningsbedrifter kan uttala seg på vegne av kommunen. 23. Brot på arbeidsavtale og reglement Brot på arbeidsavtale og/eller kommunens reglement kan få konsekvensar for arbeidsforhold. 24. Tolking/tvist og endringar i reglementet Spørsmål om tolking av reglementet blir handsama av rådmannen. Endringar i reglementet kan gjerast av administrasjonsutvalet. Side 7 av 7