ARBEIDSREGLEMENT FOR KVITESEID KOMMUNE Godkjent av administrasjonsutvalet i sak 2/12

Transkript

1 ARBEIDSREGLEMENT FOR KVITESEID KOMMUNE Godkjent av administrasjonsutvalet i sak 2/12 Sjå òg arbeidstidsbestemmingane i arbeidsmiljølova og hovudtavtala. For pedagogisk personale sjå arbeidstidsavtala. 1. Omfang Dette arbeidsreglement gjeld alle arbeidstakarar i Kviteseid kommune. 2. Føremål Arbeidsreglementet skal leggje til rette for mest mogeleg einsarta handsaming av dei tilsette. Det skal også sikre arbeidstakarane rettstryggleik og på oversikt over dei reglar som gjeld for arbeidstilhøva i kommunen. 3. Tilsetting Arbeidstakaren vert tilsett i kommunen med, for tida, tenestestad i den einskilde eining/verksemdområde. Tilsetting skjer på dei løns- og arbeidsvilkår som går fram av gjeldande lover, reglement, tilsettingsdokument og tariffavtaler. 4. Arbeidsavtale Ved tilsetting skal det gjerast skriftleg arbeidsavtale. Av arbeidsavtala skal det gå fram kva vilkår og forpliktingar som gjeld for stillinga. Arbeidsavtala skal fylle dei krav som fylgjer av Arbeidsmiljølova Ved tilsetting skal arbeidstakaren få utlevert eit eksemplar av kommunen sitt arbeidsreglement og andre reglement/retningsliner som regulerer arbeidsforholdet. 5. Legeattest og politiattest For stillingar der det er særskilde krav til helse, kan arbeidsgjevar krevje legeattest. For stillingar der det er særskilde krav til politiattest, skal denne leggast fram. 6. Bedriftshelseteneste Alle arbeidstakarar i Kviteseid kommune er omfatta av bedriftshelsetenesta. 7. Arbeids- og kviletider Med arbeidstid vert det her meint den tid arbeidstakar står til disposisjon for arbeidsgjevar (sjå arbeidsmiljølova 10-1). Næraste leiar har ansvaret for at dei tilsette tek pausar til ulike tider slik at det til ein kvar tid er tilsette til stades på jobb. 1

2 Dersom arbeidstida er over 5,5 timar i døgnet, skal arbeidstida avbrytast med minst ei kvilepause/matpause. Arbeidstakarane i Kviteseid kommune har betalt matpause, som er sett til 30 minuttar. Dette tyder at arbeidstakaren også må vera disponibel for arbeidsgjevaren i matpausa, jfr. Arbeidsmiljølova Overtidsarbeid pålagt arbeidstid utover ordinær arbeidstid Overtid skal innskrenkast mest mogeleg og kan berre skje etter pålegg frå arbeidsgjevar, jfr. Arbeidsmiljølova 10-6 og Anna løna arbeid / styreverv og politiske verv. Arbeidstakarane kan ikkje ta på seg anna løna arbeid som vil ha eit slikt omfang at det vil gå ut over arbeidet i kommunen. Det same gjeld ekstra arbeid som fører til at arbeidstakaren vert ugild etter kapittel 2 i forvaltningslova. Ein syner til Etiske retningslinjer for folkevalde & tilsette pkt. 6 om habilitet. Tilsette som ønskjer å ta på seg anna arbeid må melde frå om dette til einingsleiar. For leiarar gjeld særleg varsemd i slike saker. Einingsleiarar og kommunalsjefar bør ikkje ta på seg styreverv eller politiske verv som kan føre til rollekonflikt i høve til eiga leiarstillinga. Leiaren kan ikkje ha styreverv i selskap/organisasjonar som arbeider innafor same fag-/ansvarsområde som vedkomande leiar har, utan godkjenning frå rådmannen. Einingsleiarar og kommunalsjefar kan ikkje vera medlem/varamedlem av det/dei hovudutval som har ansvar for det fagområde som vedkomande er leiar av. Rådmannen tek avgjerd i tvilsspørsmål. 10. Fråvær frå arbeidet Ved fråvær grunna sjukdom, ulukke eller andre årsaker, skal arbeidstakar snarast, og seinast fyrste fråværsdag innan slutten av arbeidsdagen, melder dette til næraste leiar. Gjeld fråværet sjukdom, må arbeidstakaren fylgje reglane om bruk av eigenmelding og sjukmelding slik folketrygda og avtalen om eit inkluderande arbeidsliv viser. Rett til å nytte eigenmelding gjeld arbeidstakarar som har vore tilsett i minst to månader. Eigenmelding må som hovudregel leverast skriftleg fyrste arbeidsdag etter sjukefråværet. Sjukmelding skal leverast til næraste leiar. 11. Ferie Ferie skal avviklast i samsvar med reglane i ferielova og hovudtariffavtala. Ferielista skal leggast fram for tillitsvalde til uttale før godkjenning. Ferielista skal gjerast kjend for dei tilsett innan 1. mai. Næraste leiar har ansvar for å sjå til at alle arbeidstakarane avviklar opptent ferie i løpet av ferieåret. 2

3 11.1 Om overføring av ferie til neste ferieår: Arbeidstakarar som av lovlege grunnar ikkje har fått eller får teke ut opptent ferie i løpet av det regulære ferieåret, kan etter skriftleg godkjenning frå einingsleiar overføre inntil 10 feriedagar (2 veker, 12 virkedagar) etter ferielova, og 4 dagar av tariffavtala ferie, til påfylgjande ferieår. Einingsleiar avgjer til kva tid arbeidstakaren skal ta ut overførte feriedagar. Dersom den tilsette sluttar i stillinga før alle opptente feriedagar er avvikla, skal dei feriedagane som står att, betalast ut som ordinær løn. Primært skal alle feriedagar avviklast før nokon sluttar i stillinga. Arbeidstakarar som blir sjuke(100% arbeidsufør), slik at dei ikkje kan avvikle ferie, kan søkje om å få inntil 12 verkedagar overført til neste ferieår, og evt. resten utbetalt som løn. Dersom den tilsette ikkje krev overføring av feriedagar, så vert ikkje nytta ferie kompensert med løn. Arbeidstakarar over 60 år avgjer sjølve når dei ynskjer å avvikle den ekstra ferieveka, jfr. Arbeidsmiljølova Om å ta ut forskotsferie: Tilsette som etter grunngjeving ynskjer å ta ut opptent ferie før ferieåret tek til, kan etter skriftleg godkjenning frå einingsleiaren få godkjend inntil 12 arbeidsdagar som forskotsferie Særskilde tilhøve, unntak m.v.: Dersom det ligg føre særskilde tilhøve, kan rådmannen gjera unntak frå pkt og Alle unntak skal vera grunngjevne Avgjerdsmynde og klage: Avgjerdsmynde er lagt til den tilsette sin einingsleiar (eventuelt sektorleiar/rådmann for leiarar). Klageinstans er rådmannen v/personalsjefen. Møte der arbeidsgjevaren står som tilskipar skal i den grad det er mogeleg leggjast i ordinær arbeidstid, jfr. Hovudavtala 3-4 og særavtale for Kviteseid kommune kap. 4. Sjå permisjonsreglementet. 12. Utbetaling av løn Løn vert utbetala den 12. i månaden, eller nærmaste verkedag før den 12. Timeløn etter timelister vert utbetala etterskotsvis den 12. i månaden. Timeliste må leverast til einingsleiar. Det vert som hovudregel ikkje utbetala forskot på løn. Den einskilde arbeidstakar skal så langt som det er mogeleg kontrollere at det er utbetalt rett beløp. Eventuelle feil må meldast snarast mogeleg, jfr. arbeidsmiljølova. Frådrag i lønningane kan ikkje gjerast unntatt i fylgjande tilfelle: Lovbestemt trekk. Pensjonsinnskot. Pensjonsinnskot vert trekt frå oppstartsdato. 3

4 Beløp som på førehand er skriftleg avtalt mellom arbeidsgjevaren og arbeidstakaren. Fagforeiningskontingent dersom foreininga ber om det. Erstatning for skade eller tap arbeidstakaren ved forsett eller grovt aktløyse har påført arbeidsgjevar. Bakgrunn for eit slikt trekk er at arbeidstakaren skriftleg erkjenner erstatningsansvar, eller det er slege fast ved dom, eller arbeidstakaren fråtrer stillinga si utan å ha rett til det. Trekk i løn skal avgrensast til den delen av løna som overskyt det arbeidstakaren treng til opphald for seg og sin husstand. 13. Orden Arbeidstakarane skal møte på arbeidsstaden til fastsett arbeidstid og må i arbeidstida ikkje gå frå arbeidet utan avtale. Arbeidstakarane må etterkoma pålegg frå arbeidsleiinga og utføre sitt arbeid på best mogeleg måte. Arbeidsgjevar kan ikkje gje pålegg som er i strid med vernereglar og andre reglar som strir mot arbeidstakarane sine rettar. Arbeidstakarane skal ikkje vera påverka av alkohol eller andre rusmiddel i arbeidstida. 14. Vernereglar og arbeidsmiljø Alt inventar, maskiner og andre køyrety, verkty, materialar m.v. skal handsamast med varsemd og i tråd med dei retningsliner som til ei kvar tid gjeld for denne type verksemd. Arbeidsgjevar og arbeidstakar må rette seg etter reglar og pålegg som er gjeve for å trygge liv, helse og eigedom, og bruke det verneutstyr som det er påbod om etter lov og forskrifter, jfr. Arbeidsmiljølova 2-3. Alle har eit ansvar for å bidra til eit godt arbeidsmiljø. Mobbing på arbeidsplassen er ikkje akseptabelt. 15. Disiplinær reaksjon/ordensstraff Arbeidstakarar kan ileggast disiplinær reaksjon/ordensstraff for: Brot på tenesteplikt eller unnlating av å oppfylle tenesteplikt. Utilbørleg åtferd i eller utanfor tenesta som skader den tillit som er naudsynt for å ha denne type stilling. Som disiplinær reaksjon/ordensstraff kan arbeidstakarar ileggast munnleg eller skriftleg irettesetting/åtvaring. Arbeidstakarar kan vidare som ordensstraff, anten varig eller for ei avgrensa tid, omplasserast til anna stilling. Det vert lagt til grunn at arbeidstakarane vert gjeve høve til å forklare seg før det vert teke stilling til disiplinær reaksjon/ordensstraff. I ein slik situasjon har arbeidstakar har rett til å ha med seg tillitsvald eller ein annan person etter eige ynskje. 4

5 Dokumentasjon på at ein person har fått disiplinær reaksjon/ordensstraff skal leggjast i personalmappa saman med anna dokumentasjon som ligg til grunn for vedtaket. Det gjeld og arbeidstakar si forklaring. I denne dokumentasjon skal det også gå fram når merknaden skal slettast. Merknader skal slettast etter 3 år 16. Oppseiing Ved oppseiing skal denne vera skriftleg anten det er frå arbeidstakar eller arbeidsgjevar. Arbeidsgjevar pliktar å grunngje oppseiing. Ved oppseiing frå arbeidsgjevar skal denne innehalde opplysningar om arbeidstakaren sin rett til å krevje forhandlingar, reise søksmål, og kva fristar som gjeld. Før oppseiing finn stad, skal det gjennomførast ei drøfting med arbeidstakar der han har rett til å ha med seg tillitsvald eller ein annan person etter eige ynskje. Frist for oppseiing skal vera i samsvar med gjeldande reglar i lov og tariffavtale. Om arbeidstakaren sine rettar ved oppseiing, viser ein til Arbeidsmiljølova 15 og Forvaltningslova. Når arbeidstakaren har slutta har han krav på tenestebevis frå kommunen. 17. Avskil og suspensjon Arbeidsgjevar kan gje ein arbeidstakar avskil med påbod om å slutte i jobben umiddelbart dersom han/ho har gjort seg skuldig i grovt pliktbrot eller anna vesentleg misleghald av arbeidsavtala. Avskil skal gjerast skriftleg og innehalde opplysningar om rett til å krevje forhandling, reise søksmål og kva fristar som gjeld. Medan spørsmål om avskil vert handsama, kan arbeidstakaren bli suspendert frå stillinga. Føresetnad for å kunne suspendere, er at det er naudsynt med omsyn til tenesta at arbeidstakaren straks blir fjerna frå stillinga. Det må og vera grunn til å tru at vilkåra for avskil etter Arbeidsmiljølova 66 er til stades. Før vedtak om avskil eller suspensjon vert gjort, skal saka bli drøfta med arbeidstakaren sin tillitsvald med mindre arbeidstakaren sjølv ikkje ynskjer dette. Vedtak om avskil og suspensjon skal grunngjevast. Om arbeidstakaren sine rettar elles viser ein til Forvaltningslova. I spørsmål om avskil viser ein også til Arbeidsmiljølova Sluttsamtale Når ein arbeidstakar sluttar, bør næraste leiar normalt ha ei sluttsamtale med han for at arbeidstakaren sine erfaringar og synspunkt kan koma nye medarbeidarar og organisasjonen til gode. 5

6 19. Teieplikt Når ein sak har fått teieplikt etter lov, andre føresegner, eller når det fylgjer av saken sin art, må ingen arbeidstakar omtale saka til utanforståande jfr. Forvaltningslova f. og etiske retningsliner i kommunen. 20. Tolking av reglementet Spørsmålet om tolking av dette reglement vert handsama av rådmannen. Vedlegg: Arbeidstider i Kviteseid kommune 6