Hardanger folkemuseum Agatunet Ingebrigt Vik museum Voss folkemuseum Hardanger fartøyvernsenter Kunsthuset Kabuso Granvin bygdetun Kvam bygdetun

Transkript

1 Hardanger folkemuseum Agatunet Ingebrigt Vik museum Voss folkemuseum Hardanger fartøyvernsenter Kunsthuset Kabuso Granvin bygdetun Kvam bygdetun PERSONALHANDBOK Består av: Generell informasjon Arbeidsreglement Tilsettingsreglement Permisjonsreglement

2 Velkomen til oss! Dette skrivet gjev informasjon og nyttige opplysningar for deg som er nytilsett ved Hardanger og Voss museum, og du bør jamleg oppdatera deg på innhaldet. Personalhandboka for Hardanger og Voss museum inneheld arbeidsreglement, tilsetjings- og permisjonsreglement og skal vera lett tilgjengeleg for alle tilsette. Når du startar i verksemda vil næraste overordna ta deg med på ei omvising på området. Du vil verta kjend med kollegaer og bygningar samt daglege rutinar i verksemda. Verneombod og brannvernleiar vil i løpet av dei første vekene etter tilsetjinga, informera deg om sine felt. Nytilsette på fartøyvernsenteret vil i tillegg få informasjon frå ungdomsavdelinga om deira arbeid med ungdomane. HVM er ei IA-verksemd (Inkluderande Arbeidsliv), noko som mellom anna gjev utvida rettar til bruk av eigenmelding. Dette gjev på den andre sida den einskilde arbeidstakar eit spesielt ansvar for si eiga helse. HVM er tilknytt Ytre Hardanger Bedriftshelseteneste slik at fast tilsette vil få tilbod om 1. gongs arbeidshelseundersøking og deretter undersøking ca. kvart 3. år. HVM har gode pensjons- og forsikringsordningar for fast tilsette. Personalkonsulenten kan gje deg informasjon om desse. Me vonar du finn deg godt til rette i Hardanger og Voss museum og at du vil trivast på den nye arbeidsplassen din. 2

3 Organisasjonskart for Hardanger og Voss museum Historikk: Hardanger og Voss museum er eit konsolidert museum som består av Hardanger Fartøyvernsenter, Hardanger Folkemuseum, Agatunet, Voss Folkemuseum, Granvin Bygdemuseum, Kunsthuset Kabuso, Kvam Bygdemuseum og Ingebrigt Vik museum. Hardanger og Voss museum er ein ny organisasjon som enno er i rørsle. Dette stiller krav til organisasjonen si evne til prioriteringar og omstilling. For medarbeidarane og for organisasjonen inneber det å søkja etter alternative løysingar og til å visa vilje til endring og omprioriteringar. 3

4 Grunnleggjande prinsipp: Hardanger og Voss museum sin personalpolitikk skal vera forankra i dei lover, reglar og avtalar som regulerer forhold i arbeidslivet. Våre handlingar og avgjerder skal vera forankra i eit verdigrunnlag som særleg vektlegg: - høg etisk standard - klare kvalitetskrav - god intern informasjon og medverknad - respekt for fortruleg informasjon - ansvar for mål og resultat - høg kompetanse hjå alle medarbeidarar og ei målretta kompetanseutvikling - god motivasjon og godkjenning for innsats Etikk Brei tillit og truverde er heilt avgjerande for at me skal kunne nå måla våre. Dette kan me oppnå ved å skapa og vedlikehalda ein kultur som byggjer på høg etisk standard. Både leiarar og medarbeidarar har eit ansvar for å sjå til at lover og reglar vert følgt. Alle har eit ansvar for å stilla høge etiske krav til sitt arbeid både internt og overfor gjester, kundar og samarbeidspartnarar. På den måten skapar og vedlikehelder me tillit til Hardanger og Voss museum. Kollegiale forhold. Tilsette må - syna respekt og omtanke for kvarandre med ærleg og høvisk framferd overfor arbeidsplass og kollegaer. - samarbeida lojalt med kollegaer og andre tilsette innan organisasjonen i tråd med vedtak som er fatta internt og eksternt. - ha god kommunikasjon med kvarandre, og unngå klikkdanning og korridorprat. - støtta og hjelpa kvarandre. - ta usemje opp på lågast mogeleg plan. Dersom det ikkje kan løysast der må næraste overordna/ personalkonsulent koplast inn. - gjera sitt beste for å utvikla eit godt arbeidsmiljø. Hfs Tilsette på ungdomsavdelinga har eit særskilt ansvar ved at dei i sitt arbeid har ein terapeutisk funksjon. Det krevst at tilsette meistrar balansegangen mellom nærleik og 4

5 distanse til ungdomane i arbeidstid og fritid. Tilsette skal vera eit førebilete for ungdomane i tiltaket. Dei må: - skilja klart mellom tilhøve som gjeld arbeid og fritid. - hindra at intime forhold retta mot ungdomane oppstår. - unngå tilhøve som kan verka uheldig bindande mellom tilsette og ungdomane, t.d. personlege gåver, kjøp av tenester o.l. - opptre som vaksne, korrekte og fornuftige menneske i sitt samvær med ungdomane, med tanke på at åtferda skal ha ein førebyggjande positiv effekt. Bruk av alkohol eller andre rusmiddel i samvær med ungdomane er ikkje akseptert. Dette gjeld også i sosialt samvær eller utflukter der ungdomane tek del. Kvalitet Kvalitet i alle ledd skal vera eit konkurransefortrinn for Hardanger og Voss museum. Me skal på alle plan ha som mål å innfri gjester og kundar sine forventningar til kvalitet på våre tenester og produkt. Dette skal prega våre handlingar, haldningar og måten me utfører vårt arbeid på. Alle har eit ansvar for å opptre slik at gjester, kundar og kollegaer opplever vår kvalitet som ein positiv meirverdi. Hardanger og Voss museum har eit ynskje om å framstå som ein mangfaldig og levande organisasjon med eit positivt omdøme. Tilsettes opptreden både innafor og utanfor organisasjonen er avgjerande for at ein får til dette. Informasjon og medverknad. God intern informasjon er ein føresetnad for å kunne levera kvalitet. Leiarane har eit særleg ansvar for at alle tilsette får tilgang til open og relevant informasjon om forhold som har noko å seia for den einskilde sin arbeidssituasjon. Tilsette har og eit ansvar for å innhenta nødvendig informasjon om eigen arbeidssituasjon, og har eit medansvar for god kommunikasjon i alle ledd av verksemda. Dette er viktig m.a. for å skapa eit felles mål for arbeid i verksemda og å skapa motivasjon for gjennomføring av vedtak. Den einskilde har vidare eit særskilt ansvar gjennom sin teielovnad både eksternt og internt. 5

6 Respekt for fortruleg informasjon. Fortrulegheit er ein viktig føresetnad for tillit. Kvar enkelt har teieplikt om alle opplysningar ein får kjennskap til om dei me yter tenester til. Teieplikta gjeld og overfor kollegaer som ikkje har trong for dei aktuelle opplysningane i sitt arbeid. Teieplikta er ikkje til hinder for at ein medarbeidar informerer overordna om forhold i organisasjonen som ein trur å vera i strid med gjeldande lover og reglar. Kompetanse og kompetanseutvikling. Tilsette skal sikrast tilstrekkelege og relevante opplærings- og utviklingsmogelegheiter slik at dei kan innfri dei ulike forventningane som blir stilt til den enkelte. Leiinga har eit ansvar for at forholda er lagt til rette for at tilsette får utfordrande og interessante arbeidsoppgåver, rettleiing, støtte og oppfølging. Den enkelte tilsette har også eit eige ansvar for å halda seg fagleg oppdatert i takt med skiftande behov. Helse Leiarar og tilsette har eit felles ansvar for tilsette si helse. Vurderingar rundt helse, miljø og tryggleik skal inngå i alle avgjerder og handlingar. HVM er ei IA verksemd, og leiarar og tilsette skal følgja dei målsetjingar som gjeld til ei kvar tid. Den einskilde arbeidsplass skal vurderast gjennom vernerundar som er oppsett på møteplan. Det skal fokuserast på fysiske og psykososiale arbeidstilhøve. HVM er knytt opp mot Ytre Hardanger Bedriftshelseteneste. HVM skal ha som mål at tilsette ikkje får fråvær grunna arbeidsbelastning. HVM skal verna sine tilsette mot trugsmål, vald og mobbing på arbeidsplassen. Gjennom ulike velferdstiltak skal trivsel og samhald fremjast. Både leiarar og tilsette har ansvar for dette. HVM aksepterer ikkje bruk av rusmiddel i arbeidstida eller at nokon møter rusa på arbeid. I så fall vil vedkomande bli vist bort frå arbeidsplassen. HVM yter hjelp til tilsette som har rusproblem. Den einskilde leiar skal engasjera seg dersom nokon viser teikn til slike problem. Kvar einskild tilsett har rett til å ta opp slike problem med leiaren sin. 6

7 Personalkonsulenten er AKAN-kontakt i organisasjonen (AKAN = Arbeidslivets kompetansesenter for rus- og avhengighets-problematikk). Det skal gjennomførast medarbeidarsamtalar 1 gong pr. år. Gratis tilgjenge Alle fast tilsette i HVM har gratis tilgjenge til omvisingar på alle avdelingar i HVM, samt på alle museum i Noreg. Det ligg tilgangsbevis til utlån på sekretariatet. Dette gjeld ikkje særlege arrangement. 7

8 ARBEIDSREGLEMENT HARDANGER OG VOSS MUSEUM Definisjonar Med arbeidsgjevar meiner ein i dette reglementet Hardanger og Voss museum (HVM). Tilsette i HVM har sitt tilsettingsforhold på følgjande arbeidsplassar: Hardanger fartøyvernsenter (HFS), Hardanger folkemuseum på (HFU), Agatunet, Voss folkemuseum (VFM) og Kunsthuset Kabuso. Arbeidsplass skal gå fram av arbeidsavtalen. 2 Omfang Dette arbeidsreglementet gjeld alle arbeidstakarar i HVM som er i eit forpliktande arbeidsforhold, jfr. Hovedtariffavtalens 1.2. Reglane i reglementet gjeld ikkje dersom dei strir mot lover, tariffavtalar eller vedtak som er bindande for HVM. 3 Tilsetjing Arbeidstakaren vert tilsett i HVM med for tida -tenestestad i det enkelte museum. Tilsetjinga skjer på dei løns- og arbeidsvilkår som går fram av gjeldande lover, reglement, tilsetjingsdokument og tariffavtalar. 4 Arbeidsavtale Tilsetjing skal meldast skriftleg og det skal lagast skriftleg arbeidsavtale. Av arbeidsavtalen skal det gå fram kva vilkår, rettar og plikter som gjeld for stillinga. Arbeidsavtalen skal fylla dei krav som følgjer av Arbeidsmiljølova. Ved tilsetjing får arbeidstakaren utlevert eit eksemplar av HVM sitt arbeidsreglement og andre reglement/ retningslinjer som regulerer arbeidsforholdet. 5 Legeattest For stillingar der det vert stilt spesielle krav til helse, skal ein før ein tiltrer leggja fram tilfredsstillande legeattest. For stillingar der det vert kravd politiattest, skal slik attest leggjast fram før tilsetjing (ungdomsavdelinga ved HFS). 8

9 6 Ferie Ferietid er lovpålagt, og skal ordnast og avviklast i samsvar med reglane i ferielova og tariffavtale. Alle skal ta ut minimum tre veker samanhengande ferie i løpet av sommarmånadene. Ein kan etter søknad få overført inn til to vekers ferie til året etter. Arbeidsgjevar fastset ferietid etter drøfting med arbeidstakaren. Ferieavviklinga må leggast opp på ein slik måte at ein tek omsyn til administrative funksjonar og formidling, og sikrar kontinuerleg drift i avdelingane. Ferielista skal gjerast kjend minst 2 månadar før ferien tek til. 7 Sjukefråvær Ved fråvær på grunn av sjukdom, ulukke eller anna årsak, skal ein så snart som mogeleg melda frå til næraste leiar. Dersom fråværet skuldast sjukdom må arbeidstakaren følgja dei reglar for bruk av eigenmelding/ sjukemelding/ legeattest mm. som er gitt i folketrygdelova m/forskrifter samt i tariffavtale. HVM er ei IA-bedrift slik at arbeidstakarar har ein utvida rett til å levera eigenmelding. Rutinar for utfylling av desse eigenmeldingane heng som oppslag på kvar einskild avdeling. 8 Utbetaling av løn og feriepengar Tilsette ved HFS og Kunsthuset Kabuso får utbetalt løn den 20. i kvar månad, eller næraste føregåande vyrkedag. Tilsette ved HFU, VFM og Fellesavd. får utbetalt løn den 12. i kvar månad, eller næraste føregåande vyrkedag. Tilsette som er timeløna vert betalt etterskotsvis ved lønsutbetalingsdato. Timeliste må leverast til leiar for attestering, fyrste vyrkedag i påfølgjande månad. For seint innkomne timelister kan vurderast som ikkje gyldige. Det kan utbetalast forskot til timeløna. I særskilde, grunngjevne tilfelle kan det gjevast forskot for fast løna arbeidstakarar. Den enkelte arbeidstakar skal så langt det er mogeleg kontrollere at det er utbetalt riktig beløp. Eventuelle feil må meldast snarast mogeleg. Fråtrekk i lønningane kan ikkje gjerast unntatt i følgjande tilfelle: a. Lovbestemt trekk. b. Pensjonsinnskot og avgift til OU. Pensjonsinnskot vert trekt frå tiltredingsdato. c. Beløp som på førehand er skriftleg avtalt mellom arbeidsgjevar og arbeidstakar. d. Fagforeiningskontingent dersom foreininga ber om det. e. Erstatning for skade eller tap arbeidstakaren forsettleg eller grovt aktlaust har påført arbeidsgjevar. Føresetnaden for slikt trekk er at arbeidstakaren skriftleg erkjenner erstatningsansvar, eller det er fastslått ved dom, eller arbeidstakaren 9

10 rettsstridig sluttar i stillinga si. f. Avtaler som følgjer av permisjonsreglementet. Lønstrekk skal avgrensast til den del av løna som overstig det arbeidstakaren med rimelegheit treng til underhald for seg og sin husstand. 9 Arbeidstid Arbeidstakaren skal møta på arbeidsplassen til fastsett arbeidstid og må i arbeidstida ikkje forlata arbeidet utan avtale. Arbeidstida for tilsette i HVM er 7,5 time pr. dag inkludert lunsj. Normalarbeidstida er For tilsette ved HFS er arbeidstida Andre arbeidstidsordningar må avtalast særskilt. Det er i utgangspunktet ikkje fleksitid ved HVM. For tilsette i turnus gjeld eigne reglar. Den einskilde har høve til å samla opp 37,5 plusstimar og til å ta ut 37,5 minustimar på førehand. Avspasering må avtalast med næraste overordna i god tid på førehand. Pluss- og minustimar ut over dette må avklarast med næraste overordna. Private ærend og telefonar skal gjerast i pausane. Deltaking på ikkje pålagde kurs, seminar og konferansar i arbeidsgjevars regi vert godtgjort dag for dag, reise inkludert. Ved pålagde kurs, seminar og konferansar kjem reisetid i tillegg. Reisa vert godtgjort etter gjeldande regelverk. Regelen gjeld ikkje personar i leiande stillingar og særleg uavhengige stillingar (jf. overeinskomsten) Det vert ikkje gitt overtidstillegg for kurs, seminar og konferansar, heller ikkje laurdags- og sundagstillegg. All kursdeltaking skal godkjennast av næraste overordna i forkant av kurset. Eksterne møter blir godgjort time for time. 10 Permisjon For permisjonar gjeld Arbeidsmiljølova, Museumsovereinskomsten, Hovudavtalen og det permisjonsreglement som HVM har vedtatt. 10

11 11 Alminnelig orden Arbeidstakar må etterkoma pålegg frå leiinga og utføra sitt arbeid på best mogeleg måte. Arbeidsgjevar kan ikkje gje pålegg som er i strid med vernevedtak eller som på anna vis strir mot arbeidstakaren sine rettar. Arbeidstakarar skal ikkje vera påverka av alkohol eller andre rusmidlar i arbeidstida. Nokre avdelingar i HVM held arbeidskle for tilsette. Arbeidskle får ein ved å venda seg til avdelingsleiar som står for rekvireringa av desse. 12 Arbeidsmiljø og vernevedtak HVM skal ha fokus på arbeidsmiljø og sjå til at alle har ein god og trygg kvardag. Alle er forplikta til å bidra til dette. Mobbing på arbeidsplassen er ikkje tillate. Oppdagar ein mobbing er ein pliktig til å melda frå om dette. Arbeidsgjevar og arbeidstakar må retta seg etter vedtak og pålegg som er gitt for å tryggja liv, helse og eigedom, og bruka det verneutstyr som er påbode etter lov og forskrifter (jfr. Arbeidsmiljølova). Alt inventar, maskiner og køyretøy, verktøy, materialar ol. må handsamast med varsemd. Alt verktøy skal attende på plass etter bruk. Skader skal meldast til næraste leiar. Utlån av verktøy skal avtalast med næraste overordna og noterast i ei utlånsbok. Låntakar er ansvarleg for verktøyet. Bruk av verkstadane på fritida skal avklarast med næraste overordna, og skriftleg avtale må underteiknast. Opplæring er kravd for å kunne nytta maskinene. Opplæring er den einskilde sitt ansvar, men skal godkjennast av avdelingsleiar. Verneutstyr skal brukast. Lån av verksemda sine bilar og anna utstyr kan berre skje etter avtale med avdelingsleiar, sjå eige reglement. Arbeidstakarar plikter uavhengig av sitt tilsetjingsforhold å følgja dei reglar som gjeld for røyking på kvar enkelt arbeidsplass. All røyking innandørs og på båtane er strengt forbode. 13 Disiplinær reaksjon/ ordensstraff Arbeidstakarar kan påleggjast disiplinær reaksjon/ ordensstraff for: a. Brot på tenesteplikter eller om ein unnlet å oppfylla tenesteplikter. 11

12 b. Utilbørleg åtferd i eller utanfor tenesta som skader den vørdnad eller tillit som er nødvendig for stillinga. Som disiplinær reaksjon kan arbeidstakar påleggjast munnleg eller skriftleg irettesetjing eller åtvaring. Arbeidstakar kan vidare som reaksjon, enten varig eller for ei avgrensa tid, flyttast til anna stilling. Arbeidstakaren skal gjevast høve til å forklara seg før det vert teke stilling til disiplinær reaksjon. Arbeidstakaren har rett til å få bistand av tillitsvald. Disiplinær reaksjon skal førast i personalmappe. Det skal gå fram når merknaden skal slettast. Merknaden skal slettast etter 3 år. 14 Anna løna arbeid anna verksemd Arbeidstakar kan ikkje utan løyve inneha anna løna arbeid eller driva anna verksemd som vil vera av ein slik karakter og av eit slikt omfang, at det over tid går ut over vedkomande sin habilitet og arbeidsytinga i HVM. Tilsette kan ikkje driva privat verksemd som er i konkurranse med HVM. 15 Informasjon til media Direktør og leiarane for dei einskilde musea, eller den det blir delegert til i det einskilde høve, kan på HVM sine vegner gje opplysningar overfor media. 16 Teielovnad Når ei sak er undergitt teielovnad i forhold til lov, andre reglar eller avgjerder, eller når det følgjer av sakens art, må ingen arbeidstakar omtala saka overfor nokon utanforståande. Alle tilsette ved HFS må underskriva teielovnad. 17 Oppseiing Oppseiing skal vera skriftleg frå begge parter. Arbeidsgjevar pliktar å gje opp grunn til oppseiinga. Ved oppseiing frå arbeidsgjevar skal denne innehalda opplysningar om arbeidstakar sin rett til å krevja forhandlingar, til å reisa søksmål og om kva fristar som gjeld. Før oppseiing finn stad har arbeidstakar rett til å få bistand av tillitsvald i forhold til drøftingar. Oppseiinga skal vera i samsvar med gjeldande regelverk i lover og tariffavtale. Ved fråtreding har arbeidstakaren krav på tenestebevis. 12

13 18 Avskjed Arbeidsgjevar kan gje ein arbeidstakar avskjed med pålegg om straks å forlata arbeidsplassen, dersom vedkomande har gjort seg skuldig i grovt pliktbrot eller anna vesentleg mishald av arbeidsavtalen. Avskjed skal meldast skriftleg og innehalda opplysningar om retten til å krevja forhandling, til å reisa søksmål og om kva fristar som gjeld. Medan spørsmål om avskjed vert handsama, kan arbeidstakaren suspenderast frå stillinga si. Føresetnaden for å kunna foreta suspensjon er at det er nødvendig av omsyn til tenesta at arbeidstakaren straks vert fjerna frå stillinga si, og at det må vera grunn til å anta at vilkåra for avskjed etter Arbeidsmiljølova 66 er til stades. Før det vert gjort vedtak om avskjed eller suspensjon skal det drøftast med arbeidstakaren sin tillitsvalde, med mindre arbeidstakaren ikkje ynskjer dette. Ved suspensjon har arbeidstakaren krav på at denne blir grunngjeven. I spørsmål om avskjed vert det og vist til Arbeidsmiljølova Sluttsamtale Når ein arbeidstakar sluttar i stillinga si, skal det haldast ein sluttsamtale, slik at arbeidstakaren sine røynsler og synspunkt kan koma nye medarbeidarar og organisasjonen til gode. 13

14 TILSETJINGSREGLEMENT. Reglementet byggjer på Landsovereinskomsten for museum og andre kulturinstitusjonar mellom LO/YS og HSH kap. 2.4 Tilsetting i ledig stilling. Reglementet gjeld for alle stillingar i Hardanger og Voss Museum ( HVM ) Tilsettingsmynde: Styret for Hardanger og Voss Museum tilsett Direktør. Direktøren har fullmakt til å tilsette i alle stillingar, bortsett frå i dei avdelingsvise leiarstillingane i HVM. Det er nedsett ei tilsettingsutval til desse stillingane jf. styresak 21/08: Det vert etablert eit tilsettingsutval for rekruttering av leiarstillingar i Hardanger og Voss museum på tre personar. Direktøren i Hardanger og Voss museum og styreleiar skal vera medlem av utvalet. Organisasjonane peikar ut dei tilsette sin representant for kvar utlysing. Utvalet har fullmakt til å tilsetta i følgjande stillingar: Dagleg leiar HFS, styrar HFU/Agatunet, Styrar Voss folkemuseum og fagleg leiar Kabuso. Direktøren sin stillingsinstruks vert endra tilsvarande. Direktøren tilsett i felles stabsfunksjonar. I alle andre stillingar har direktøren delegert tilsettingsmynda til museumsstyrarane/daglege leiarar. Museumsstyrar/dagleg leiar kan i einskilde tilfelle delegere tilsettingsmynde vidare til andre ansvarlege. Oppretting av stillingar: Når ein leiande stilling vert ledig, skal styret for Hardanger og Voss Museum vurdere om den skal oppretthaldast, leggjast ned eller gjerast om. Nye leiarstillingar kan på same måte berre opprettast etter vedtak i styret. Når det gjeld oppretting, endring eller nedlegging av andre stillingar er mynde delegert til direktøren. Kunngjering: Som hovudregel skal alle ledige stillingar lysast ut eksternt. Unntak kan gjerast når Dagleg leiar i samråd med personalkonsulent og tillitsvald kjem til at intern utlysing kan nyttast når det: 14

15 a) er deltidstilsette som ynskjer utviding av stillinga si inntil ledig stillings størrelse b) er omplasseringsmogelegheiter i samband med nedbemanning, attføring mv Med Intern utlysing meines utlysing retta mot tilsette som allereie har eit tilsetjingsforhold i HVM. Personalkonsulent utarbeider stillingsannonse etter nærare avtale med dagleg leiar/avdelingsleiar, og distribuerer annonsen til dei aktuelle kunngjeringsmedia. Alle ledige stillingar leggjast ut på HVM sine heimesider og sendast NAV Vidare skal alle utlysingar kunngjerast internt. Ved utlysing skal søknadsfristen til vanleg vera tre veker, minimum to veker. Stillinga kan lysast ut fleire gongar når det er grunn til dette. Handsaming av søknader: Alle søknadar skal vere skriftleg, men dei kan gjerne vere digitale. Personalkonsulent sendar ut stadfesting til søkjarar på at søknad er motteken. Personalkonsulent utarbeider søkjarliste som sendast dagleg leiar, avdelingsleiar og tillitsvald Søkjarlista er ikkje offisiell. Personalkonsulent kallar i forståing med den med tilsettingsmynde/tilsettingsutval, inn aktuelle søkjarar til intervju. Vurdering av søknader. Tillitsvalde har rett til å uttale seg om tilsetting, overflytting, opprykk og forfremming. Tilsettingsutval: Kvart Museum har sitt tilsettingsutval som består av: arbeidsgjevarrepresentantar peika ut av dagleg leiar Ved HFS skal ein av desse vere avdelingsleiar med personalansvar. - tillitsvald - personalkonsulent som er sekretær for utvalet Dagleg leiar er møteleiar. Dagleg leiar har ansvar for å innhente referansar. Tillitsvalde har uttalerett i tilsetjingsutvalet. 15

16 Drøftingane i tilsetjingsutvalet er underlagt teieplikt. Tilsetting Tilsetting gjerast av den som har fullmakt. Arbeidstakarane tilsettast i HVM, ikkje i det enkelte museum. Målet ved tilsetjinga er å få tilsett den søkjaren som HVM er best tent med i stillinga. Alle søkjarar underrettast når det er tilsett folk i stillinga. Meldinga skal innehalde namnet på den søkjer som er tilsett i stilinga. Tilsettingsvilkår. For alle tilsettingsforhold skal det utarbeidast skriftleg arbeidsavtale (jf. AML ). I arbeidsavtalen skal det stå kva for slags vilkår og forplikting som gjeld for stillinga. Løn fastsetjast ved tilsetting og skal saman med arbeidstid gå fram av arbeidsavtalen. For stillingar der det stillast krav om politiattest må denne leggjast fram før tilsetjing. For nytilsette gjeld alltid ei prøvetid på 6 månader. Tilsetting i vikariat og andre mellombels stillingar, inkludert ringevikarar. Vikariat og andre mellombels stillingar bør lysast ut eksternt når dei overstig 12 månader, og normal tilsettingsprosedyre skal følgjast. For kortare vikariat kan ein vurdere intern utlysing. For vikariat under tre mnd. kan ein vurdera om ein ynskjer å lyse ut. Ved tilsetjing utan utlysing før aktuell kandidat kontaktast, skal tillitsvalde orienterast om den løn stillinga vil bli tilbode i. Tillitsvalde kan innan 3 dagar krevje å få drøfta lønsplasseringa. Det skal takast omsyn til likeløn (Overenstkomsten 2.4.) 16

17 PERMISJONSREGLEMENT 1. Innleiing Permisjonsrettar er heimla i arbeidsmiljøloven, folketrygdloven og hovudtariffavtale. Eksemplar på dette er permisjon ved sjukdom, svangeskap, adopsjon, amming, omsorg for barn under 12 år mv. Her gjeld hovudtariffavtalen 3.16 og 3.17 arbeidsmiljøloven kap. 12 og folketrygdloven kap. 8 og 9, reglar om tidskonto og tilknytte forskrifter. Dette reglementet gjeld for alle fast tilsette ved Hardanger og Voss Museum. Permisjonssøknader avgjerast av museumsstyrar/dagleg leiar eller den han /ho delegerar avgjersle til. Avdelingsleiar skal føra oversikt over fråvær frå arbeid i samband med permisjonar. 2. Permisjonar med løn Landsovereinskomst for museum og andre kulturinstitusjonar 3.19 Velferdspermisjonar med løn, regulerer ein del av rettane på dette feltet. Her står det: Når viktige velferdsgrunnar føreligg kan ein arbeidstakar tilståast velferdspermisjonar med løn inntil 12 arbeidsdagar. Dersom arbeidstakaren sjølv ynskjer og tenesta tillet det, kan arbeidsgjevar samtykke i fleksibelt uttak av permisjonsdagane. For deltidstilsette avkortast talet på dagar forholdsvis i forhold til stillingsstørrelse. Sjukdom i permisjonstida. Dersom arbeidstakar vert sjuk i permisjonstida har ikkje vedkommande aktuell tenesteplikt og har heller ikkje krav på løn under sjukdom. Utdanningspermisjonen kan etter søknad gjerast om til sjukepermisjon dersom sjukdommen førar til at utdanninga ikkje kan fullførast Velferdspermisjonar ved Hardanger og Voss museum Under følgjar ein oversikt over velferdsgrunnar som kan vera grunnlag for å samtykje til permisjon med løn. Alvorleg sjukdom i næraste familie eller andre som står den søkjaren nær. Med næraste familie meiner ein: ektefelle, sambuar, barn, barnebarn, foreldre, besteforeldre, sysken, svigerinne, svoger, svigerforeldre og svigerborn. 17

18 Mengd: 5 dagar Dødsfall og gravferd Ved dødsfall i næraste familie eller ein som står søkjaren nær, kan det gjevast fri på dødsdagen og gravferdsdagen. Dersom arbeidstakar vert engasjert i praktiske gjeremål i samband med dødsfallet kan det bli gitt fri ein dag i tillegg. Finn gravferda stad utanom distriktet kan det i tillegg bli gitt fri for nødvendige reisedagar. Dersom avlidne har stått ein nær, men ikkje høyrer til næraste familie, kan ein gje permisjon etter dei same retningsliner. Gravferd av tilsette i HVM slik at avdelinga kan vera representert. Ved gravferd av nære venner/naboar/godt kjente kan det gjevast fri den aktuelle tida gravferda tek. Naudsynt vitjing hjå lege/tannlege/fysioterapeut/kiropraktor. Andre spesialisttenester etter tilvising frå lege, skal om mogeleg leggjast til fritida. Dersom dette ikkje er mogeleg kan det i rimeleg omfang gjevast fri med løn. Blodgjeving; Fri for å kunne utføre naudsynleg ærend ved næraste blodgjevarsentral. Tilvenning av barn i barnehage gjevast fri opp til 7,5 timer, ved spesielle høve kan dette utvidast (t.d. for aleineforeldre). Følgje av barn første skuledag eller første dag i SFO. Det vert ikkje gitt permisjon for planleggingsdagar i skule/sfo og barnehage. For eige bryllaup vert det gjeve ein dag. Deltaking i frivillig hjelpekorps el. i samband med utrykking. Opp til to dagar knytt til religiøse høgtidsdagar som ikkje er offisielle etter norsk kalender. Det vert gjeve fri eksamensdagen(ane), og ein lesedag der studiet er etter avtale med arbeidsgjevar. 18

19 2.2 Offentlege verv verneombod og AMU Fast tilsette som er pålagt offentlege verv vert løna som vanleg av Hardanger og Voss Museum. For kvart verv må det leggjast fram skriftleg dokumentasjon. Arbeidsgjevar vil krevja refusjon frå det offentlege i ettertid. Jf. AML 33 C Verneombod og AMU - medlemer har rett til å utøve verv i arbeidstida. 2.3 Utdanningspermisjon. Dersom nærare vilkår er oppfylt har arbeidstakar rett til heiltids eller deltidspermisjon i inntil 3 år for å delta i organisert utdanningstilbod. Hardanger og Voss Museum krev bindingstid dersom arbeidstakar får samtykke til permisjon. Bindingstid = permisjonstid. 2.4 Vidareutdanning. Arbeidsgjevar ynskjer å stimulere arbeidstakarane til å ta utdanning/opplæring som bedrifta har behov for. Når ein arbeidstakar har fått aksept for å gjennomføra eit utdanningstilbod med støtte frå HVM skal det utformast ein skrifteleg avtale etter gjevne retningsliner. Retningslinene skal omhandla økonomiske vilkår, bindingstid og evt. Lønsutteljing. 2.5 Permisjon ved avtening av verneplikt. Det vert gjeven permisjon ved avtening av verneplikt. Løn i samsvar med gjeldande avtaleverk. 2.6 Kurs, seminar/konferansar og eksterne møter: Kompensasjon for reiser innanlands er regulert i overeinskomsten 3.5. Kursutgifter og reiseutgifter vert dekka etter avtale på førehand. I rimeleg grad vil ein kursdag som ikkje er pålagt, vere ein arbeidsdag inkl. reise. Ved pålagde kurs/seminar og konferanse kjem reisetid i tillegg. Ved pålagde eksterne møter reknast i rimeleg grad time for time, og reistid kjem i tillegg. 3. Permisjonar utan løn Hardanger og Voss Museum kan gje permisjon utan løn i inntil 1 år. I særskilte tilfelle kan det bli gjeve permisjon i 2 år dersom det er avtala på førehand. Det blir gjeve permisjon etter fylgjande retningslinjer: - Generell permisjonar utan løn kan gjevast etter at ein har vore tilsett i 4 år dersom ein ynskjer å gjere noko anna som er relevant for arbeidet. 19

20 - Dersom ein ynskjer permisjon utan at dette er relevant for arbeidet må ein ha vore tilsett i minimum 6 år. - Småbarnsforeldre som ynskjer å tilbringe meir tid med borna, har krav på dette dersom borna er under 10 år. Føresetnaden er at det kan gjennomførast utan særleg ulempe for bedrifta. - Utdanningspermisjon. Retten til utdanningspermisjon er regulert i AML Arbeidstakar som har vore i arbeidslivet i minst tre år og som har vore tilsett hjå arbeidsgjevaren dei siste to åra har rett til heil eller delvis permisjon i inntil tre år for å delta i organisert utdanningstilbod. Utdanning ut over grunnskule el. vidaregåande opplæringsnivå må vera yrkesrelatert for å gje rett til permisjon. Alle permisjonar skal i utgangspunktet søkjast om skriftleg, men korte permisjonar / fri kan avklarast med næraste overordna munnleg. 20