Gloppen kommune Utval Oppvekstutvalet Møtestad Rygg barnehage/på Søreide Dato 30.05.2018 Tid Kl. 09:00-11:30 Møtebok Følgjande medlemar møtte Bernt Reed Hege Lothe Jostein Arne Røyrvik Svein-Ottar Sandal Venke Kollbotn Gunnvor Sunde Frå SP SV SP KRF KRF SD Forfall/møtte ikkje Frå Følgjande varamedlem møtte Frå Jeffrey Elliott Thomas SP Sigrid Kristhin Støyva SP Andre som møtte Per Arne Strand, oppvekstsjef i alle saker Ugilde Sak Følgjande varamedl. Merknad møtte Svein-Ottar Sandal 024/18 Ingen Heimel for inhabilitet er 6.1b i forvaltninglova Møteleiar: Bernt Reed Underskrift: Bernt Reed Sakliste Sak nr. Sakstittel 022/18 Godkjenning av møteprotokoll, innkalling og sakliste 023/18 Referat og orienteringssaker 024/18 Søknader om gratis skuleskyss grunna farleg skuleveg 025/18 Finansiering barnehageplassar 2018
Gloppen kommune Arkiv: FE - 033 JournalpostID: 18/7305 Saksbehandlar: Anvor Hauge Saksnr. Utval Møtedato 022/18 Oppvekstutvalet 30.05.2018 Godkjenning av møteprotokoll, innkalling og sakliste Vedlegg i saka: 11.04.2018 Protokoll - Oppvekstutvalet - 11.04.2018 Utvalsleiar si tilråding: 1. Oppveutvalet godkjenner møteboka frå sitt møte den 11 april 2018 2. Oppvektutvalet godkjenner innkallinga og saklista til møtet den 30. mai 2018. Møteprotoboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Oppvekstutvalet 30.05.2018 Behandling OPP- 022/18 Vedtak 1. Oppvekstutvalet godkjenner møteboka frå sitt møte den 11 april 2018 2. Oppvekstutvalet godkjenner innkallinga og saklista til møtet den 30. mai 2018. Side 2
Gloppen kommune Arkiv: FE - 033 JournalpostID: 18/7720 Saksbehandlar: Jan Kåre Fure Saksnr. Utval Møtedato 023/18 Oppvekstutvalet 30.05.2018 Referat og orienteringssaker Rådmannen si tilråding Rådmannen legg ikkje fram tilåding i saka. Referatsaker Tittel Forlenging av samarbeidsavtale om pedagogisk psykologisk teneste Referat møte i samarbeidutvalet 30.04.18 Rådmannen si årsmelding for 2017 Avsendar/mottakar Sogn og Fjordane fylkeskommune Anita ÅmotGunvor SundeJanne MyklebustKent Øystein HjelleMerete Hamre Orienteringssaker: Det blir omvising i og orientering om Rygg barnehage. Ordet fritt... Oppvekstutvalet 30.05.2018 Behandling Oppvekstutvalet hadde omvisning og orientering i Rygg barnehage ved styrar Pernille Holmøy. Referatsaker: Oppvekstsjefen orienterte om referatsakene på lista. Orienteringssaker: Oppvekstsjefen orienterte om at det vert lagt fram ei sak om Hyen skule for formannskapet på komande møte. Oppvekstsjefen orienterte om at vi planlegg eit arbeidsmøte med einingleiarane i oppvekst før neste møte i utvalet. Ordet fritt: Bernt Reed, SP vil ha ei sak om barnehagesituasjonen rundt Gloppefjorden til neste møte. Oppvekstutvalet ynskjer å få høve til å uttale seg om byggesak rundt utbygging av gamledelen av Rygg skule. Sak om leksefri skule vart diskutert, oppvekstsjefen vil lage ei innleiande sak om det til neste møte. Side 3
OPP- 023/18 Vedtak Oppvekstutvalet tok saka til orientering. Side 4
Gloppen kommune Arkiv: FA - N06, HIST - 17/432 JournalpostID: 18/7726 Saksbehandlar: Per Arne Strand Saksnr. Utval Møtedato 024/18 Oppvekstutvalet 30.05.2018 Søknader om gratis skuleskyss grunna farleg skuleveg Vedlegg i saka: 30.04.2018 Bekymringsmelding skuleveg Storebrua-Sandane og søknad skuleskyss 14.05.2018 Søknad om gratis skuleskyss grunna farleg skuleveg Rådmannen si tilråding Oppvekstutvalet vedtek gratis skuleskyss for barn på barneskulen som bur på Elvaneset og til avkøyringa til den nye vegen i Selvågane. Vidare vert dagens ordning med skuleskyss for ungdomsskule elevar vidareført for dei som bur i Bukta området innanfor 4 km grensa. Saksutgreiing Bakgrunn for saka Det er kome to søknader om gratis skuleskyss som følgje av farleg skuleveg. Søknader om endringar i skuleskyss skal behandlast av oppvekstutvalet. Rammene for skuleskyss i Gloppen var behandla av oppvekstuvalet i sak 7/10 i 2010. Det var sist skuleskyss vart behandla og gjennomgått politisk, og det vart lagt nokre rammer for skuleskyssen i Gloppen som har vore gjeldande sidan. Etter det har skyssen i ytre Fjellbygda vore utvida for elevar på mellomtrinnet som følgje av farleg skuleveg. Fakta i saka Randi Brynestad Skaaden og Terje Felde søkjer om gratis skuleskyss grunna farleg skuleveg. Dei har ein son som skal byrje i 3. klasse på Sandane skule og er busett på Elvaneset. Dei opplever vegen som svært trafikkbelasta, og kanskje overbelasta i høve vegbreidd og oversiktlegheit. Dei skriv at etter vegen i Selvågane kom vart trafikkmengda frå krysset og rundt Hansensvingen/Elvaneset auka betrakteleg. Dei ser det ikkje som forsvarleg å sende ein 8 åring på denne vegen som forsvarleg. Ole Marius Gloppestad søkjer på vegne av ein ungdomsskule elev om gratis skuleskyss. Dei har adresse Sørstrandsvegen 364 (Arnestad). Gloppestad skriv at etter stenging av Sundebakken og opning av ny tilkomstveg til Åsavegen frå Selvågane Kleivedammen så har trafikken auka betydeleg. Skuleelevane som no syklar/går strekninga Storebru-Sandane møter no biltrafikk både i Sørstrandsvegen rundt Elvaneset og i Åsavegen. Det vert peika på at begge desse vegstubbane er av dårleg standard med kvasse svingar og smal vegbreidde. Vidare vert det peika på at risikoen for mjuke trafikantar har auka, særleg i tidspunkta til og frå skule, når det er mykje trafikk. Foreldra til elevar både på barne- og ungdomsskulen ser seg nøydde til å køyre til og frå skulen i større grad og i samband med fritidsaktivitetar. Noko som igjen aukar biltrafikken endå meir vert det vist til. Ordninga som gjeld i området er at elevar på barneskulen har hatt rett til fri skuleskyss på grunn av farleg skuleveg, sjølv om dei ikkje har vore over grensa på 4 km for fri skuleskyss. Elevane på ungdomsskulen har ikkje hatt gratis skuleskyss før dei bur utanfor 4 km grensa. For avstandar under 4 km langs hovudrute er det kommunen som må definere om det er farleg skuleveg og ta heile kostnaden med skyssen. Opplæringslova 7.1 seier at elevar i 2.-10. trinn som Side 5
bur meir enn fire kilometer frå skulen har rett til gratis skyss. For elevar i 1. årstrinn er skyssgrensa to kilometer. Elevar som har særleg farleg eller vanskeleg skuleveg har rett til gratis skyss utan omsyn til veglengda. I rundskriv Udir -3-09, punkt 12 står: Elevar som har særleg farleg eller vanskeleg skuleveg har rett til gratis skuleskyss utan omsyn til avstand mellom heim og skule. Særleg farleg eller vanskeleg skuleveg vert vurdert med omsyn til trafikktilhøve og klima. Vurderinga må sjåast saman med den enkelte elev sin alder og modnad. Omgrepet «særleg farleg eller vanskeleg» inneber at faren ved å ferdast på denne vegen er utanom det vanlege. Økonomiske konsekvensar for kommunen Kostnad med skyss frå Elvaneset vil utifrå gjeldande reglar verte kommunen sin kostnad. Her må det køyrast med ekstra bil. Ein eksakt kostnad er det pr no vanskeleg å få fram, men berekna frå Firda Billag vil det koste kroner 57.000,- i året. Kostnad med skyss frå Buktaområdet vil vere 544,- i mnd eller 5.440,- i året for kvar ungdom. Her er det vanskeleg å få ei god oversikt på kor mange ungdomar det vil gjelde. Anslagsvis vil det vere snakk om 20 ungdomar som bur i området og vil verte omfatta av skyssen. Samla vil det gje ein ekstra kostnad på om lag kroner 110.000,- i året. Beløpa må dekkast inn over budsjettet til skuleskyss, som må aukast i tråd med vedtaka. Rådmannen si vurdering Når det gjeld søknaden om gratis skyss frå Elvaneset så ligg det innanfor 4 km grensa, så her vil det vere ei vurdering av om det er farleg skuleveg. Vi må behandle alle barn i området likt, sjølv om det her er ein søknad kring eit barn. Det er pr. dato 5 barn i barneskulen i området. Strekninga er alt definert som farleg skuleveg for barn som går i 1-7 klasse, men vurdert som sikker nok for ungdomar på ungdomsskulen. Det er ikkje gode alternativ til å kome seg på skulen her anna enn å følgje vegen eller måtte krysse den for å gå ein sti opp til Åsavegen og følgje den mot skulen. Det er planlagt gang/sykkelveg på strekninga, men den ligg langt fram i tid. Vedtaket frå 2010 om at det er farleg skuleveg på strekninga vil normalt vere forsterka no med at trafikken er auka i området, både som følgje av generell trafikkauke og omlegging av vegar i området som har auka trafikken rundt «Hansen-svingen». Kvaliteten på vegen i form av veidekke har heller ikkje blitt betre siste tida, noko som gjer at bilar og syklistar køyrer litt meir slalom for å unngå dei dårlegaste partia. Det er vel ikkje noko tvil om at vegen ikkje er sikker skuleveg for barn i barneskulealder. Det er ikkje busstopp i området, noko som gjer skuleskyss utfordrande med tanke på praktiske løysingar for skyssen. Det betyr i praksis at det vert ekstraskyss med liten bil på strekninga, der kommunen må ta heile rekninga. Når det gjeld søknaden om gratis skyss for ungdomsskule elevar frå Bukta området må vi behandle alle ungdomsskuleelevar i området likt med tanke på vurderingane. Det er ikkje tvil om at vegen langs Sørstrandsvegen rundt Elvaneset/«Hansen-svingen» er ei dårleg strekning å både gå og sykle. Dei som kjem over Storebrua langs Sørstrandsvegen eller frå Søreidsvegen kan bruke Åsavegen som ein alternativ veg å gå/sykle. Åsavegen er og smal og svingete, men likevel mindre trafikkbelasta og betre å gå/sykle for elevar er byrja på ungdomsskulen og som er meir modne når det gjeld å ferdast i trafikken. Rådmannen si vurdering er at vi held fram dagens ordning som gjeld for området. Begge desse søknadane syner behovet for gode gang og sykkelvegar i området. Det vil opne for at langt fleire kan gå og sykle både til skule og jobb, med dei positive verknadane det har for folkehelsa. --- Side 6
Rådmannen vi ikkje tilrå at den økonomiske ramma til oppvekstutvalet blir auka for å dekke inn dei ekstrakostnadene utvida skuleskyss vil føre til, og legg til grunn at meirutgiftene kan dekkast innanfor utvalet si totalramme. Oppvekstutvalet 30.05.2018 Behandling Svein Ottar Sandal, KRF gjekk frå i behandlinga av saka på grunn av inhabilitet etter 6.1b i forvaltninglova. OPP- 024/18 Vedtak Oppvekstutvalet vedtek gratis skuleskyss for barn på barneskulen som bur på Elvaneset og til avkøyringa til den nye vegen i Selvågane. Vidare vert dagens ordning med skuleskyss for ungdomsskule elevar vidareført for dei som bur i Bukta området innanfor 4 km grensa. Vedtaket var samrøystes. Side 7
Gloppen kommune Arkiv: JournalpostID: 18/7533 Saksbehandlar: Per Arne Strand Saksnr. Utval Møtedato 025/18 Oppvekstutvalet 30.05.2018 Formannskapet Kommunestyret Finansiering barnehageplassar 2018 Rådmannen si tilråding Kommunestyret godkjenner at barnehagetilbodet i Gloppen i 2018 blir utvida som vist i rådmannen si saksutgreiing. Meirkostnaden på om lag kr 1.565.000 blir førebels dekka ved bruk av disposisjonsfondet, men kommunestyret legg likevel til grunn at så mykje som råd av dette beløpet skal finansierast ved omdisponeringar, først om fremst innan oppvekstutvalet sitt budsjettområde. Rådmannen får fullmakt til å gjere nødvendige budsjettendringar. Saksutgreiing Bakgrunn for saka Det var for barnehageåret 2018/2019 fleire søkjarar enn det som det var plass til og lagt til grunn i budsjettet for 2018. Samtidig vart det i samband med suppleringsopptaket hausten 2017, ikkje funne nok plassar rundt Gloppefjorden til at alle som ynskte oppstart frå nyttår 2018 og utover. Fakta i saka Formannskapet vedtok i sak 123/17 å gje rådmannen i oppdrag å sørge for at kommunen har ledige barnehageplassar tidlegast råd frå årskiftet og fram til nytt barnehageår. Søknaden til nytt barnehageår var og større enn det som låg til grunn i budsjettet for 2018, slik at det har vorte oppretta fleire plassar i nokre barnehagar for å møte søknadane og behova så langt det har latt seg gjere. Nokre barn har og fått tidlegare oppstart enn frå nytt barnehageår som er 15. august. Frå barnehageåret 2018/2019 vert plasstala slik: Rygg barnehage 14,2 små og 18,4 store Nordstranda barnehage 12,2 små og 18,4 store Nygård barnehage 9 små og 18 store Austrheim barnehage 8 små og 18 store Bakkelidgrenda barnehage 12 små og 9,4 store I dei kommunale barnehagane er plasstala slik pr. dato. Mona barnehage 29,6 små og 54 store Breim barnehage 18 små og 44 store Hyen barnehage Plasstala er ikkje det same som tal barn, t.d. 60% plass for eit barn vert 0,6 plassar. Status på opptaket pr.dato er at alle som har søkt har fått plass, og nye søknader etter fristen. Det er Side 8
eit barn som har fått tilbod om plass i Breim som primært ynskjer det rundt Gloppefjorden. Vi har ledige plassar i Breim til folk som kjem flyttande og som treng plass. Det er og gjort opptak på plassar frå 1. januar 2019, som vi kjem tilbake til i 2019 budsjettet. Økonomiske konsekvensar for kommunen Fleire barehageplassar og tidlegare oppstart kostar i høve det som låg til grunn i budsjettet for 2018. For dei private barehagane gjeld følgjande finansiering for 2018. Driftstilskot per heiltidsplass - Små barn kr 201 644,- /år eller kr 16 804,-/mnd. - Store barn kr 96 429,- /år eller kr 8 036,-/mnd. Kapitaltilskot per heiltidsplass - Byggeår før 2008 kr 9200,-/år eller kr 767,-/mnd. - Byggeår 2008-2010 kr 15 700,-/år eller kr 1 308,-/mnd. - Byggeår 2011-2013 kr 18 500,-/år eller kr 1 542,-/mnd. - Byggeår 2014-2016 kr 22 500,-/år eller kr 1 875,-/mnd. Det er ikkje lett å setje opp eit oversiktleg reknestykke på meirkostnaden. Det som er gjort er rekneskap pr. mai, lagt til kjente kostnader i juni og juli og plasstalet frå august slik det står over. Meirkostnaden på finansiering av kjøp av barnehageplassar hjå dei private barnehagane vert med det kroner 1.233.282,- For dei kommunale barnehagane er det budsjettert i trå med inntaket, med unntak av i Mona barnehage. I Mona har vi auka kapasiteten med 3 småbarnsplassar. Kostnaden i Mona inkluderar lønn og noko utstyr for å kunne ta imot fleire småbarn. Kostnaden vert kroner 330.000,- for 2018. Samla vert behovet for auka budsjett kroner 1.563.282,-. Budsjett-teknisk må dette dekkast av disposisjonsfondet, men rådmannen vil så langt som råd prøve å dekke meirutgiftene innanfor den ramma som oppvekstutvalet har i dag. Disposisjonsfondet er no på om lag 18,8 mill. Beløpet kjem fram slik: Saldo pr 31.12.2017 15,7 mill Overskot 2017 3,3 mill Budsjettert styrking av fondet 1,7 mill Budsjettert bruk i 2018 1,9 mill Saldo 18,8 mill Rådmannen si vurdering Viss vi ikkje kan tilby nok barnehageplassar, kan vi gløyme ambisjonane om å vere ein attraktiv tilflyttingskommune. Midlane som trenst til dette må derfor settast av, sjølv om vi no ikkje kan vise til anna budsjettdekning enn bruk av disposisjonsfondet. Som sagt ovanfor har rådmannen ambisjonar om å dekke inn i alle fall deler av meirkostnaden utan bruk av fondet, men eg kan i dag ikkje peike på kva utgiftspostar som kan reduserast og/eller kva inntekstspostar som kan aukast for å få dette til. Oppvekstutvalet 30.05.2018 Behandling OPP- 025/18 Vedtak Side 9
Rådmannen si tilråding vart samrøystes innstilt. Side 10