LEINEBRIS

SCANDIC PARKEN. OMBORDPRODUKSJON. 12.01.2017 PAUL HARALD LEINEBØ Fiskebåts visjon: «Ein miljøvennleg og lønsam fiskeflåte som leverer sunn mat frå godt forvalta bestande i verdas reinaste havområde» Leinebø familia har sidan 1898 vore engasjert i fiskeri med fiskebåt og pr i dag er 5. generasjon skipper om bord. Vi har heile familia engasjert, både på flåteleddet om bord i «Leinebris»og på eksportsida i PHLservice AS, Fosnavåg. Vi applauderer visjonen, og jobber etter den kvar einaste dag. Sjølv starta eg som skipper 22 år gamal, har utallige lineturar og garnsesonger i blodet. Det å oppleve å sjå frå rorhusruta den sprell levande ferske fisken kome over rekka, få den kvitast mogeleg, fryse den fort og finne kunder ute som skjønar og vil betale for desse varene har vore drivkrafta for meg. Linefiske har lange tradisjoner, krev kunnskap og tolmodigheit. Vi egner krokane og fisken må aktivt like agnet vårt, bite på og kjem rasande eller sprellande om bord, vi bløgger den umiddelbart og putter den i tank for utbløding, blodet forsvinn, den vert skinnande kvit. Vi fisker på alle djupter, og tek om bord utallige fiskeslag. Vi driv eit miljøvennleg fiskeri. I all slags vær. Linebåtane handplukkar fisken frå den blå åker. I ung alder solgte eg mine første paller med fisk til USA, der eg såg den jødiske husmora kjøpe «Norwegian longline haddock hooked and line» til ein fantastisk pris. Mykje dyrare enn kjøtt og dobbel til tredobbel pris av annen hyse. «Vår hyse» skulle ho ha, uansett pris. Ei anna oppleving eg hadde tidleg var å sjå husmora i Belgia ta fersk oppdretts-torsk til 360 kr pr kg. Dette har gitt meg insitament til å finne dei best betalte tallerkner for kvalitetsfisken vår, og dei finnest. Nye «Leinebris» er bygd med tanke på å møte framtida på best mogeleg måte.med vår kunnskap ilag med «Urvaag» rederiet, drivande flinke karar frå Averøya har vi hatt muskler til å bygge verdas mest moderne line/garnbåt. Vår felles erfaringer på havet har vi foreina, fått maksimalt kvotegrunnlag for drift, utfordra Skipsdesignar, verft og ikkje minst alle utstyrslevarandøra i alle ledd til å kome med det beste oppdaterte utstyr som finnes pr i dag I Tyrkia hos Tersan var vi tilstades kvar dag, frå morgon til kveld, og fekk skipet akkurat slik vi ville. Så langt ser vi ut til å ha lukkast. Vi er utruleg effektive på havet. Lineflåten har strukturert seg maksimalt, noko som har vore heilt nødvendig for inntjeninga. Antal fartøy er no ca 20. Men få nybygg. Dei fleste produserer kun h/g(fresh frozen). Kun Geir II og Frøyanes har vorte realiserte siste åra, begge med både filet og h/g linjer om bord. For oss vart signering av kontrakta av nye «Leinebris» eit kjempeløft. Heilt nye tal å forhalde seg til i reknskapen og fokus på inntjening meir og meir viktig. God bankforbindelse, særdeles viktig. Innafor vårt budsjett satsa vi først fullt og heilt på ein topp moderne h/g fryse linebåt, og med innfrysningskapasitet på 50 ton pr døgn, og heile 12 store utblødingstanker på prosesslinja + tunell for å ta best mogeleg vare på fisken og produsere kvalitetslinefisk, av mange ulike fiskeslag.

FORTS. Då skipet byrja å ta form i Tyrkia følte vi at noko var feil med heile tankegangen vår. Fleire og fleire godtbetalande kunder eller samarbeidspartnere i utlandet spurte etter produkt vi ikkje kunne skaffe. Etterspørselen etter filet, loins, spesialporsjoner, etc har auka kraftig. Prisane også. Dei best betalande kundane utfordra meg. Kva produkt kan dokke tilby? Svaret vi kunne gi var for passivt. Vi vart meir og meir sikre i vår sak at filet og produkter vil verte ein del av framtida. Saman med høgre kvoter, betre fiskepriser, gode fiskerater, positiv tenking gjorde at vi plutseleg «såg lyset». Vi endra vårt fokus til å skape «Leinebris» som eit verktøy på havet som til ei kvar tid kan levere det produktet kunden etterspør, og samtidig er villige til å betale ein god pris. Fortsatt alt «fresh-frozen», men også bearbeidde produkt. Med andre ord. Snu tankegangen til at vi ikkje bærre er ein fiskebåt som produserer h/g, men være istand til å svare positivt på henvendelse frå kunder i utlandet, levere varene dei vil ha og også kunder frå Norge. Plassen hadde vi om bord og første steg for oss vart å bestille autofrysar med kapasitet på ytterlegare 16-18 ton i døgnet,kunne fryse fast vekt/ fiks weight på h/g produkt, og i tillegg kan denne frysaren fryse vanlege Shatterpack filet produkt. Så invistering av full filet linje m/ utstyr på samme dekk. På shelterdekk nivå, altså ei etasje opp framme, har vi montert IQF el. Singel fisk-frysar, kapasitet på 5 ton i døgnet, dropbad for glassering, pakkelinje,m.m. Med nye «Leinebris» håper vi å treffe den rike kunden som gjerne kan gi oss både 100, 120, 150 NOK pr kg. Vi kan produsere fisken akkurat slik dei vil, og den rette mottakar vil heilt sikkert tene på kvalitet fisk. Vi er fortsatt i startgropa, særleg med filet og bearbeiding av fisken om bord. Første 11 vekene i Barentshavet føre jul fiska vi ca 1200 ton kappa og sløyd kvalitetsfisk. Vi har allereide produsert 40-50 ton cod m/skinn og bein. I tillegg eit par tonn prøveparti i IQF frysaren. Så langt er produkta svært godt motteke i UK. Vi skiper denne veka for 2. gong til kunder som no betaler betre, så her er det potensiale. Når det gjeld IQF torsken har vi gitt til folk rundt oss som kan fisk, dei er unisont positive til fisken og forstår rett og slett ikkje at det er muleg å få slik drivande kvit, fersk og velsmakande torsk. Den er «betre» enn den ferskfisken vi får vinterstida, seier dei. Så her er postensiale. Vi vil gå sakte fram. Sikre at både mannskap og utstyr fungerer, og leite etter dei rette kundane. Vi køyrer med eit mannskap på 16, vanlegvis. Men vi kan auke til 24. For vår del vert det å prøve oss fram i tida som kjem. Inntjeninga vil verte avgjerande for produksjonen om bord. Dersom positiv prisutviklinga held fram er det ikkje utenkeleg at vi fyller opp køyene med kompetent mannskap og køyrer full filetproduksjon. Ein fisk som er skoren i om bord kan selgast direkte til «husmora», «kokken» i resturanten, eller andre og markedet etterspør ferdige produkt, mest muleg klar til eting. Eg personleg trur ikkje at filet åleine er framtida for nye «Leinebris». Eg trur på kombinasjonen, evna til omstilling ombord, evna til raskt å produsere den vara kundane vil ha og samtidig å ha eit stort kontaktnett i fleire marked, land. Også betre utnytting av bi-fangst og det å kunne produsere spesialprodukt vil gi oss auka inntekter. Eg har liten tru på at vi kan basere oss på volumproduksjon, auksjonspris utifrå dagsforma til kjøparane når vi leverer. Nei, vi må ha kunder som er langsiktige, ha stabile priser,vi har nær dialog med og som bestiller varene sine på førehand. Og der er folk som har finanser i orden og kan betale. Forhåpenlegvis tek det ikkje lang tid før husmødrene i USA og Belgia bestiller sine første hysefileter direkte frå «Leinebris», vi er klare. Takk.