Kommune Styre, råd, utval Møtestad Møtedato Frå kl. 19.30 Til kl. 22.00 Aurland fjellstyret Fjordsenteret 7.2.13 TIL STADES PÅ MØTET Medlemar Erling Nesbø, May Britt Martinsen, Bente Steine, Bjørn Ebne, John Håland. Varamedlemar Ingen Andre Knut Fredrik Øi, Harald Skjerdal. HANDSAMA SAKER Sak nr./år 1/13, 2/13, 3/13, 4/13, 5/13, 6/13, 7/13, 8/13. UNDERSKRIFTER Vi stadfestar med våre underskrifter at blada i møteboka som vi har signert for er førde i samsvar med det som blei fastsett på møtet. UTSKRIFTER Hovudutskrift er sendt til Fjellstyremedlemane og -varamedlemane, Aurland folkebibliotek.
Sak 1/13. Referat og meldingar 1) Møtebok fjellstyremøte den 11.12.12. 2) Statskog SF har skrive under på avtalar om utvist tomt til hytta i Håbergsholene og Berdalsbu 3) Statskog SF brev til Direktoratet for nødkommunikasjon om plassering av basestasjon 4) Høyringsinnspel frå fjellstyret til Hardangervidda villreinutval i samband med utkast til ny driftsplan 5) Brev frå Statskog SF om tiltaksmidlar ROU Hardangervidda/Nordfjella for 2013 6) Aurland fiskeadministrasjon fordeling av fiskekortsalet i 2012 7) Orientering frå møte i Aurland fiskeadministrasjon den 6. februar 8) Årsmøte Aurland hjorteutval den 5. mars 9) Ny heimeside for fjellstyret orientering 10) Samling for fjelloppsynet Gardermoen 13.-14. februar 11) Sel i Nordheimsdalen - brev frå Elin Buene datert 9.12.12. Merknad: Fjellstyret svarar på brevet, og orienterer om kva retningsliner som gjeld (fjellova og forskrift om seter og tilleggsjord i statsallmenning), og korleis saksgangen vert vidare. 12) Planlagt teljing av villrein i Nordfjella sone 1 den 8. februar 13) Planlegging av tidspunkt for fjellstyret si synfaring på hytter. Merknad: Fjellstyret tek sikte på å gjennomføra denne synfaringa i veke 17. 14) Møteplan for 1. halvår: 13. mars ein dag i veke 17 12. juni. 15) Det er kjøpt inn ein ny PC og eit nytt kompaktkamera til fjellstyrekontoret. -varamedlemane, Aurland folkebibliotek.
Sak 2/13. Fjellstyret si årsmelding for 2012 Utkast til årsmelding låg føre. Nokre mindre feil i denne vart retta opp. Fjellstyret si årsmelding for 2012 vert godkjend. Sak 3/13. Fjellstyrerekneskapen for 2012 Rekneskap og revisjonsrapport låg føre. Dette vart gjennomgått. Fjellstyrerekneskapen for 2012 vert godkjend. Sak 4/13. Auke i stillingsprosenten til fjelloppsyn/gjetar Saksutgreiing låg føre. Stillinga som fjelloppsyn/gjetar vert utvida til 100 % stilling frå 1.1.2013. Ordlyden i arbeidsavtalen til Knut Fredrik Øi vert endra i samsvar med dette. Sak 5/13. Regulering av prisar for fiskekort for stong og oter i statsallmenningen Saksutgreiing med framlegg til nye prisar låg føre. Nye kortprisar for fiske med stong og oter i sone 1 Aurland statsallmenning vert: 1 dag: 60,- 3 dagar: 120,- 1 veke: 180,- Sesong: 250,- -varamedlemane, Aurland folkebibliotek.
Sak 6/13. Søknad om godkjenning av vald for elg og hjort - Aurland nordre statsallmenning Breisnes Saksutgreiing låg føre. Handsaming i møtet: I tillegg til at søknaden må godkjennast av eigaren av Breisnes før oversending til kommunen, meiner fjellstyret at Aurland jakt- og fiskelag bør få saka til uttale. Fjellstyret går inn for at det vert sendt søknad om godkjenning av felles vald for Aurland nordre statsallmenning og garden Breisnes når det gjeld elg og hjort. Fjellstyreleiaren får fullmakt til å gjera avtale om mindre endringar i avtaleutkastet som ligg føre, før underskriving. Avtaleutkastet og valdgodkjenningsskjemaet vert sendt til eigaren av Breisnes til godkjenning. Aurland jakt- og fiskelag får oversendt saka til uttale. Sak 7/13. Bestandsplan for hjort i Aurland nordre statsallmenning - oppstart av arbeid Saksutgreiing med utkast til bestandsplan låg føre. Aurland fjellstyre sender utkast til «Bestandsplan for hjort i Nordheimsdalen 2013-2016» ut på høyring med høyringsfrist 4. mars. Sak 8/13. Aurland sikringsradiolag - søknad om tilskot Saksutgreiing vedlagt søknad frå Aurland sikringsradiolag låg føre. Fjellstyret løyver eit tilskot på kr. 10.000 til Aurland sikringsradiolag, i samband med oppgradering av straumforsyninga til basestasjon for sikringsradioen. -varamedlemane, Aurland folkebibliotek, Reimund Loven Breisnes