Innebandy Ro/padling SØRAL-løp Treningssenter «For eigen maskin» Ski Golf Dans Tennis Fotball Fjelltrim Volleyball Bridge Årsrapport SØRAL bedriftidrettslag 2006 40 år
Styret STYRET Samansetning i året har vore : Leiar Nestleiar Kasserar Sekretær Styremedlem Bjørn Heimvik Gjermund Skogseth Kirsten Hals Jan Magne Nesse Odd Arnold Hauge Det er i perioden halde eit ordinært årsmøte, 6 styremøter, samt samling for tillitsvalde. Representasjon Einar Oppedal har sete som bedriftsidrettens representant i Idrettsrådet. Steinar Kleven er laget sin representant i Vardhaugselet. Leiar har sete i kretsen sitt fylkesstyre, samt ansvarleg for stedsutvalet i Sunnhordaland. Leiar og Leif Thuland har representert laget/bedrifta i prosjektgruppe under Eit vakrare Husnes. Leiar er laget sin representant i prosjektet ilag med 6 bygder for å tilretteleggja lokalt friluftsliv, deriblant gitt ut brosjyra Turmål i nærområdet. Leiar set i gruppe saman med Husnes båtlag og Kvinnherad Golfklubb for vidareutvikla aktivitetane i SØRAL-parken. Hordaland Mosjon og Bedriftidrettskrets har halde styremøte på Husnes. Aktivt jubileumsår. I tillegg til den høge aktiviteten har ein i jubileumsåret arrangert to samlingar i Kulturhuset med fokus på aktivitet, helse, trim og trivsel. Egen jubileumsturnering med fotball og volleyball er og halde. På stiftelsedagen 28. august var det arrangert tur på den nye stien til Kaldaneset. Alle arrangementa vart flott gjennomført og med god deltakelse. Dugnadsånda har som tidlegare vore bra. Prosjekt som ein har vore ansvarleg for eller medspelar i er: Tursti v/opsangervatnet (ved Statoil og til Kaldaneset), rasteplassen ved nordenden av Opsangervatnet, toalett i Borvika, badeplass Opsangervatnet, tursti i Kaldestadåsen (Røsslandslia) Merking av løypene i fjellet. Skogrydding ved Undarheimselva/Øyrabekkjen. Montert lys ved Kvednabekkjen kunstgrasbane. Stor breiddeaktivitet Aktiviteten i laget sitt 40 arbeidsår har vore god. Laget har dei siste åra hatt rundt 15 ulike aktivitetar. For eigen maskin, fotball, volleyball, innebandy, fjelltrim, dansetrim, golf og trening på treningssenteret er dei gruppene som har flest personar i aktivitet. SØRAL løpet klarte for 6 år på rad å ha godt over 1000 deltakarar. Totalt deltok 1218 personar som berre er 9 personar bak rekorden frå 2002. Arrangementet er ei flott samhandling med elevar og lærarar frå Kvinnherad vidaregåande skule og Husnes ungdomsskule. Sykle til jobben viste igjen at vi er i norgestoppen. Bedrifta vart i år nr 3 for første gang i ny klasse. Fjelltrimresultat vart også i år bra og rundt 150 personar har delteke. To nyskapningar i trimgruppa dette året, tussamørkturar til ukjent turmål og parktrimmen kvar onsdag med turmål i og rundt SØRAL-parken. Nytt av året er tilbod til avdelingane om fysisk opptrening i treningsrommet med kyndig rettleiing av Thoppil. Takk Styret vil få takka alle som har tatt på seg verv og oppgåver utan denne hjelpa kunne vi ikkje hatt eit så breitt og godt tilbud til våre tilsette, pensjonistar, born og unge m.fl i nærmiljøet. Stor takk og til leiinga på SØRAL som aktivt arbeidar i lag med oss om aktivitetane. Takk for godt samarbeid til lærarar og elevar ved KVV for kjempegod jobb med SØRAL-løpet og arbeid med turløypene. Bjørn Heimvik Fotball FOTBALL Det er fortsatt liv i fotballgruppas erfarne mannskap. Sjølv om snittalderen auka jamt i takt med årstida held dei fleste ennå koken. At me fortsatt held mål viste me til gangs med å vinne vår eigen SØRAL-cup for 2. gong på 3 år i starten på 2006. Det er godt og starta med å nemna detta, for utover i sesongen vart det lite edelt metall å skryta av. Me trenar jamt gjennom heile året både innandørs og utandørs. I år tok me i bruk Kvednabekkjen og sidan har me ikkje sett våre bein på gamlemyra i SØRALparken. Ein blir fort godt vant med jamt og fint underlag, og det er utruleg kor kjekt det er å spela fotball når ein veit kva veg ballen sprett. Fotballgruppa til SØRAL BIL har vore med og montert lys på kunstgrasbanen på dugnad. I år har me ikkje arrangert bedriftserie. Grunnen til dette var at det var lite interesse i regionen. Andre helga i september var me representert i årets NM i 7ar fotball for bedriftslag. Me bit som oftast godt frå oss i innleiande runde, men denne gongen rauk me ut med minst mogleg margin (målforskjell). Dermed vart det ikkje spel på oss på Søndagen og me kunne vende nasa heim frå porselensbyen Porsgrunn tidlegare enn planlagt. Seinhaustes feira SØRAL BIL jubileum, og i den forbindelse arrangerte fotballgruppa jubileumsturnering. Her hadde me fokus på at alle som ville skulle få delta, Turneringsformen var 5ar fotball og av sportslege og helsemessige omsyn var laga delt i A- og B-pulja. I førstnemnte var dei profesjonelle bedriftsfotballspelarane, medan amatørane var plassert i ei gruppe for seg. Me deltok som vanleg i Trio sin tradisjonelle Romjuls-cup. (Det er vel ikkje stort meir å seia enn at me deltok.) Tore Sjo
SØRAL BIL 40 år SØRAL BIL 40 ÅR Aktivitetar for alle kvar dag TRIM Trim Trimgruppa har hatt 5 møter (inkl 1 idémyldring). I tillegg kjem ein god del møter i høve SØRAL-løpet og trimveka til Kaldestadåsen mm. Medlemer i gruppa har vore: Tordis Sagstad (leiar), Bjørn Heimvik, Steinar Kleven, Geir Berntzen, Geir Sigmund Saghaug, Ove Sjo og Karina Isaksen Fjelltrim: I 2006 fullførte 150 personar fjelltrimmen Vi har også i år hatt stor hjelp av KVV til merking av løyper i fjellet. Totalt er det ca 18.000 besøk i året i dei blå SØRAL-boksane på dei 10 turmåla våre. Jan O. Yttredal gav på vegne av SØRAL ein flott Oselvar i 40 årsgave til bedriftidrettslaget. For eigen maskin: 177 personar har delteke i til/frå jobb i løpet av året. SØRAL-løpet: KVV og HU deltok som vanleg i skuleløpet. Idrettsklassen v/ KVV var medarrangør igjen, og tok seg av arbeidet med deltakarregistrering, tidtaking mm. Dette gjekk svært greitt i år òg. Totalt 1218 deltakarar på løpet i år. Det er auke frå i fjor, og nesten på nivå med rekorden frå 2002 med 1227 deltakarar. Historia og restane av gamlasago i Undarheimselva er verd å ta vare på. Over 400 personar teltok på samlingane i Kulturhuset. Kaldestadåsen: I år valte me ein ny vri på rekordforsøk til Kaldestadåsen. Me sette av ei heil veke i mai til å setja rekord. Antal registreringar på toppen vart 1514. Me inviterte i år som tidlegare skulane og barnehagane på Husnes og Sunde til å vera med. Det vanka Kaldestadboller og saft til alle som deltok torsdag den veka. Anne Kari Enes frå Kvinnherad Turlag er ein aktiv medspelar. SØRAL BIL, ATV og elevar frå KVV utførte over 1500 timar dugnad på turstiane i 2006.
Sykle til jobben-aksjonen: I år deltok vi i klassen for under 400 tilsette, og som vi trudde på førehand, var det her mykje større konkurranse. Men klarte likevel å bli nummer 3 i den klassen, med 168 deltakarar og 15,49% deltaking i forhold til tilsette og deltakardagar. Totalt på landsbasis vart vi nr. 66 av alle bedrifter som deltok. Beste gruppe på SØRAL vart IT-avdelinga. Dei vart løna med diplom, lunsj og premiar trekt mellom deltakarane. Fellesturar: - Fellestur til Mjelkhaugsteinen - Fellestur til Hardangervidda med 2 overnattinger på Liseth fjellstove. Turane gjekk til Kjeåsen, Vøringfossen (nedi dalen) og til Valurfossen. - Fellestur til Kaldaneset 28.08. Markering av SØRAL B.I.L sitt 40-års jubileum - Tur til Feto/Handelandsdalen som eit ledd i Livsstil-konferansen - Tussatur til Svartatjønn i romjula. - Parktrimmen. (i og rundt SØRAL-parken) - 7 fjellstur i Bergen Vinnar av For eigen maskin i 2006 vart Jarle Haraldsen IT vart beste avdeling/gruppe på SØRAL i Sykle til jobben -aksjonen i 2006. DANS Dans Sidan midten av 80 tallet har SØRAL B.I.L invitert til dans i Kulturhuset Husnes. Dette er eit tilbod som går til alle som liker denne form for aktivitet, ikkje berre fysisk men og for den sosiale trening. Vi har framgjennom åra registrert eit behov for tiltak der ein kan komme i saman, einsemd er og blir eit større problem for alle aldersgrupper. Tilbakemelding vi får på vårt tiltak viser dette. Vi har og tid til ein kaffipause og heimebakte kaker, eit dugnadsbidrag som går på omgang blant dei som deltek. Dansen er ikkje berre for oss eldre, den retter seg mot alle alderstrinn, det er med tilfredsheit vi registrere at gleda er like stor for 40 åringen som dei som er langt opp i 80 åra. Vi er svært heldige som har etablert samarbeid med ein fremragende trekspelar, med elektronisk orkester, og meistrar alt frå tango, sving og reinlendar. Ei stor takk til Kulturhuset Husnes som for ein rimeleg penge stille huset til disposisjon. Dansen er kvar mandag frå kl 19.00 til 21.30. Leif Thuland KLUBBHUSET Klubbhuset Styret si sammensetning Svein Henrik Røssland Trond Willy Hansen Rune Olsen Klubbhuset har gjennom året vore godt nytta av laget og andre ulike leigetakarar. Pensjonistgruppa i SØRAL B.I.L har sine vekentlege samlingar med bridge på programmet. Skulane brukar huset som base når dei arrangerar idrettsdag i SØRAL parken.
Innebandy INNEBANDY I innebandyen har det gått noko rolegare for seg enn dei tidlegare åra. Vi valde å ikkje lenger delta i seriespel i Bergen grunna noko laber oppmøte på borte kampane. Men vi har ikkje lege på latsida. Vi har hatt trening i Husneshallen mandag og fredag frå åtte til ti kvar av dagane. Det har vore noko utskifting av folk og nokon som har kome igjen etter eit års pause. I mars skal ein del av oss delta på ei turnering som skal foregå i Stavanger. I år håpar me både nye og gamle spelarar vil koma og trena med oss. Vi anbefaler på det sterkaste at alle som lurer på kva dei skal ta seg til med no når det regnar som verst og vinden ular ute, tar turen innom Husneshallen på mandagen eller fredagen kl. åtte og prøver å svinge kølla i lag med oss. Kjetil Grønstøl og Jan Tommy K. Skår Bridge BRIDGE Pensjonisten Bridgeklubb (BK) Det er ikkje berre på det fysiske plan SØRAL B.I.L gjev oss pensjonistar tilbud. Bridge er og eit trimtilbod for dei små grå som vi har slite på fram gjennom tida. 3 til 4 bord, det vil sei mellom 12 og 16 personar møtest kvar mandag formiddag i klubbhuset til ei økt ved bordet. Her møtest røynde turneringspelarar og dei meir urøynde i skjønn foreining. Ofte i djup fortvilelse til den store latter, alt etter spillets gang. Praten kring kaffikoppen går i ein like lett tone uansett om ein hamnar på bunn eller topp. Det må være noko spesielt skal ein sløyfe mandagsbridgen, det er et svært godt tiltak for dei som har tid på morgonkvisten. Leif Thuland SØRAL LØPET SØRAL-LØPET 1400 1200 1000 800 600 400 200 0 118 98 82 180 241 291 305 609 105 214 217 154 521 597 867 1093 1227 1194 1200 1157 1218 85 88 91 94 97 00 03 06
Volleyball Golf VOLLEYBALL GOLF Volleyballgruppa har også i 2006 hatt treningstider i Husneshallen ein gong pr. veke (mandag kl 20:00 kl 22:00). Frammøte har vore på rundt 10 personar der damene har vore flinkast å møtt opp. SØRAL-Cup i volleyball vart i 2006 arrangert laurdag 28. januar med 16 påmelde lag. Dette var lag i frå Stord, Odda, Haugesund og Kvinnherad. Trio Volleyballgruppe stod for den tekniske gjennomføringa av cupen. SØRAL stilte med to lag, der det eine kom til kvartfinale. I år deltok SØRAL med eit lag i Stavanger Superhelg helga 17.- 19. mars. Dette er eit bra arrangement med mange gode sportslege prestasjonar så sjølv om det resultatmessig ikkje alltid blir så bra, er dette ei flott oppleving. Laurdag 9. desember vart det arrangert Hobbyvolley på Stord. SØRAL deltok med eit lag som fekk ein flott 1. plass. Det har vært arrangert fleire teorikurs i golf for SØRAL-tilsette gjennom Kvinnherad Golfklubb der dei får moglegheit til å få grøntkort. Laurdag 26. august vart det arrangert SØRAL-open i lag med Kvinnherad Golfklubb. Golfstyre : Ørjan Normann Åge Vik SØRAL OPEN Håvard Skogseth 2006 STEGTELJAR Stegteljar Eit steg i rett retning. Personalavdelinga delte ut stegteljarar til alle frammøtte på samlinga i kulturhuset.