STYRESAK GÅR TIL: Styremedlemmer FØRETAK: Helse Vest RHF DATO: 17.08.2018 SAKSHANDSAMAR: Kent E. Wangsvik m. fleire SAKA GJELD: Rapportering frå verksemda per oktober 2018 ARKIVSAK: 2018/194 STYRESAK: 125/18 STYREMØTE: 11.12. 2018 FORSLAG TIL VEDTAK Styret tek rapporteringa frå verksemda per 31. oktober 2018 til etterretning.
Fakta Denne rapporten er utarbeidd med basis i informasjon per 31. oktober 2018. Kommentarar Administrerande direktør si vurdering Helsefaglege indikatorar og sjukefråvær Tabellen viser grad av måloppnåing denne perioden. Oversikt over grenseverdiar er presentert i vedlegget. 2
Statusen på helsefaglege indikatorar per oktober syner at utviklinga når det gjeld ventetider har vore rimeleg stabil i 2018, men ligg framleis for høgt spesielt målt mot regionale mål. Etter ein sommar med lågare elektiv aktivitet, har vi fått ein auke i ventetider og fristbrot. Det samla talet på korridorpasientar innan somatikken har flata ut rundt 1,2 %. Akkumulert økonomisk resultat per føretak Oktober Hittil pr. Oktober Faktisk Budsjett Budsjett avvik Faktisk Budsjett Budsjett avvik Sjukehusapoteka Vest HF 1 207 1 522-314 13 033 10 455 2 578 Helse Bergen HF 5 657 9 101-3 444 48 653 91 001-42 348 Helse Fonna HF 266 3 278-3 012 16 695 33 137-16 442 Helse Førde HF 3 941 2 333 1 608 40 063 23 333 16 730 Helse Stavanger HF 544 6 667-6 123 7 937 66 667-58 730 Reservar/fellestenester/finans 34 884 22 724 12 159 289 922 291 723-1 801 Administrasjon morselskap 882-704 1 586 13 089 1 406 11 682 Helse Vest IKT AS -5 246-5 255 9-8 784-14 543 5 759 Til saman 42 135 39 666 2 470 420 608 503 179-82 571 Alle tall i heile tusen Ventetider Ventetidsutviklinga per oktober 2018 syner at dei gjennomsnittlege ventetidene for alle som starta behandling, innanfor alle tenesteområder, låg på 63 dagar, noko som er ein liten nedgong frå førre månad. Det er normal sesongvariasjon at ventetida auker gjennom sommarmånadene. I oppdragsdokumentet for 2018 er det nasjonale kravet frå HOD at ventetida skal under 50 dagar i gjennomsnitt innan 2021. Ser ein på ventetidsutviklinga på fagområdenivå, sett opp mot dei eigne regionale målsettingane som Helse Vest har satt, ser ein at utfordringane på regionalt nivå no er størst innan somatikken. Dei to seinaste månedane har det vore ein markant nedgong i dei gjennomsnittlege ventetidenee både innan BUP og PHV. Helse Stavanger var det einaste helseføretaket som hadde ventetider som var lengre enn dei regionale målsettingane per oktober. Årsaka til noko lenger ventetider i Stavanger innan BUP har vore mangel på fagfolk, mens årsakene innan somatikk og PHV er meir samansett. Det er store forskjellar i grad av måloppnåing mellom avdelingar og einingar. I Helse Stavanger arbeider kvar einskild avdeling med spesifikke tiltak opp mot eigen situasjon. Avdelings- og einingsvise prosjekt har sett på kva som skuldast feilregistrering, dårleg planlegging og leiing, samt underkapasitet for deretter å sette inn målretta tiltak tilpassa klinikk og situasjon med tydelige ansvarsområde og leiarforankring. Poliklinikkane er i ferd med å implementere endringar med optimal ressursutnytting og lengre planleggingshorisont i tråd med prosjektet "Alle møter" (HV). Helse Stavanger tilset fleire behandlarar på tross av stram økonomi. 3
I Helse Fonna sitt langtidsbudsjett er ei utvikling og styrking av det polikliniske og ambulante tilbodet innanfor BUP gitt høg prioritet. Det skjer no ein omorganisering av tenestene frå spesialiserte team til geografisk inndelt allmennpsykiatriske poliklinikkar samt innføring av forenkla basisutgreiing. Effekt av tiltaka var forventa i løpet av 2. tertial 2018. Samanlikna med nivået i 2017 ligg Fonna lågare no, men det er for tidleg å konkludere med om tiltaka gjev ein permanent positiv effekt på ventetida. Fristbrot Talet på fristbrot låg høgt sist månad. Fristbrota var tett på 3 % for Helse Bergen og Helse Fonna, 3,7% i Helse Førde og 6,5 % i Helse Stavanger. Helse Stavanger har framleis klart flest fristbrot i Kvinne- og barneklinikken. Årsaka er høg pasientpågang, høgt sjukefråvær, og relativt mange medarbeidarar i foreldrepermisjon. Helse Stavanger arbeider vidare med etablerte tiltak til situasjonen er under kontroll, her under utviding av klinisk areal for poliklinikk/dagbehandling, oppgåveforskyving frå lege til sjukepleiar og sekretær, gjennomføring av avansert oppgåveplanlegging for legar og sjukepleiarar, fortløpande tildeling av timar i poliklinikk og del pasientar med tentative timar er redusert. Det er i tillegg sett inn ekstra kapasitet i poliklinikken. Helse Fonna har fristbrot på Urologisk klinikk. Oppfølging av ventelister og planlegging av ressursar er område føretaket har fokus på for å unngå fristbrot. I Helse Bergen er utfordringa med fristbrot særskilt knytta til Klinikk for hovud/hals, avdeling for endokrinologi, Brystdiagnostisk senter og avdeling for plastisk kirurgi. Korridorpasientar Prosentdel korridorpasientar i somatikken har flata ut i kring 1,2 %, og er fortsatt på lågaste nivå sidan september 2017 (1,2%) før noro- og influensaepidemien bidrog til å skape store utfordringar i alle føretak. Innan psykisk helsevern er det framleis svært få pasientar på korridor. Vi ser ein svakt stigande trend etter sommaren, men her er tilfanget av nye pasientar stabilt også i sommarmånadane. Helse Stavanger har hatt ein svak nedadgåande trend, men ligg fortsatt høgt, med ein prosentdel korridorpasientar på 1,8 %. Helse Stavanger ser ein stadig aukende pasientpågang i akuttmottak, i kombinasjon med eit betydeleg høgare tall på utskrivingsklare pasientar, samt aukende behov for isolering. Det viktigaste tiltaka i Mottaksklinikken er etablering av framskutt kompetanse («frå døgn til dag»). Sjukehuset er i kontinuerlig dialog med alle kommunar for å overføre pasientar til kommunehelsetenesta («ekstern plan for høy aktivitet»). Helse Stavanger arbeider med betre intern samhandling rundt flytområde og barrieresenger for å kunne auke det samla pasientbelegget («intern plan for høy aktivitet»). Det er satt i gang preventive tiltak retta mot vinteren 2018-19. 4
Utskrivingsklare pasientar er også ei utfordring i Helse Fonna, men Helse Fonna har etter ein god sommar klart å redusere talet frå 2,5 % til 2 % siste månad. Helseføretaket har fokus på omlegging av pasientforløp frå døgn til dag og styrking av vurderingskompetanse i akuttmottaka. Føretaket har revidert retningslinjene for bruk av obs-post og utarbeidd nye retningslinjer for belegg og korridorpasientar med klinikkvise tiltak. I tillegg blir poster og avdelingar på tvers av sjukehus samkjørt i føretaket. Epikriser Ser ein på utviklinga i prosentdelen pasientar som har fått epikrise innan sju dagar etter utskriving, så har utviklinga vore rimeleg «flat» over fleire år for alle dei fire helseføretaka, både innan psykisk helsevern og somatikk. Helse Førde og deretter Helse Bergen ligg nærmast den nasjonale målsettinga om 100 % utsendt innan sju dagar. I mars klarte Helse Førde 100% innan psykisk helsevern. I Helse Stavanger er det store variasjonar mellom einingane innan psykisk helsevern for vaksne, og dei som arbeider med flest akutte pasientar kjem dårligast ut på målingane. Dette blir no følgt opp med den einskilde avdelingsleiar på månadleg basis. Regional epikrise-mal er ein del av prosjektkandidaten «Vel heim». Det vil vere eit samarbeid mellom prosjektet og føretaka om utarbeiding og endring av den regionale epikrisemalen som skal sikre epikrise «i handa». «Vel heim» planlegg å vere ferdig med sitt prosjekt i løpet av 2020. Sjukefråvær Per oktober 2018 var det samla sjukefråværet for føretaksgruppa Helse Vest på 6,3 %. Det sjukemeldte fråværet for oktober 2018 var på 5,2 %. Frå oktober 2017 til oktober 2018 har både det samla sjukefråværet og sjukemeldt sjukefråvær gått ned med 0,8 % og 0,7 %. Samtidig var det 3,7 % fleire moglege dagsverk i oktober 2018 enn det var i oktober 2017. Oppsummert er det færre sjukefråværsdagsverk i oktober 2018 enn i oktober 2017. Per oktober 2018 hadde 63,01 % av einingane i føretaksgruppa eit totalt sjukefråvær under 5,5 %, og 63,89 % av einingane hadde eit sjukemeldt fråvær under 4,5 %. 5
Heiltid 7 149 fleire medarbeidarar har sidan desember 2010 til november 2018 fått høgare stillingsprosent i føretaksgruppa Helse Vest. Det er 4 842 fleire medarbeidarar som har 100 % stilling og 2 307 fleire som har høgare stillingsprosent. Korrigert gjennomsnittleg stillingsprosent er på 90,33 %. Måltalet er på 89,30 %. HMS Tal meldte hendingar hittil per oktober var ikkje klart ved utarbeiding av styresaka, så dei blir presentert i styremøte. Økonomi og finans Det samla resultatet i føretaksgruppa oktober 2018 er kr 421 mill., kr 83 mill. lågare enn budsjett. Det er ikkje gjort vesentlege endringar i prognosen for året denne månaden. Helse Stavanger Helse Stavanger rapporterer eit positivt resultat i oktober på kr 0,54 mill. som utgjer eit negativt budsjettavvik på kr 6,1 mill. Dei samla driftsinntektene er i oktober om lag kr 7,7 mill. høgare enn budsjettert. Føretaket melder om eit negativt avvik på ISF-inntekter, men likevel høg aktivitet på dagopphald og polikliniske konsultasjonar. Andre inntekter viser eit positivt avvik på kr 5,9 mill. og er knytta til utskrivningsklare pasientar og forskingsprosjekt. Føretaket har denne månaden kr 15,1 mill. høgare totale driftskostnader enn budsjettert. Varekostnadar utgjer eit negativt avvik på kr 6,4 mill. og skuldast i hovudsak H-resept og forbruksmateriale. Føretaket meldar om kr 4,5 mill. i meirkostnadar innan gjestepasientkostnadar. Lønsavviket er positivt med kr 0,2 mill. I lønsavviket er det eit positivt avvik på kr 4 mill. som skuldast lågare lønsoppgjer enn avsett. Føretaket har eit negativt budsjettavvik på om lag kr 58,7 mill. hittil i år per oktober. Totale driftsinntekter er kr 62 mill. høgare enn budsjettert og driftskostnadane er kr 135,1 mill. høgare enn budsjett. Netto finanskostnadar viser meirinntekter på kr 14,5 mill. Det positive driftsinntektsavviket består mellom anna av sal av leilegheiter, eksternfinansierte forskningsprosjekt og høgare inntekt for gjestepasientar innan somatikk og høgare lab/røntgen refusjonar frå Helfo enn rekna med. Meirkostnadane hittil i år per oktober skuldast hovudsakleg eit negativt lønsavvik på kr 75,3 mill. og eit negativt avvik på varekostnadar på kr 40,6 mill., som for det meste gjeld auke i medikamentkostnadar og gjestepasientar. 6
Helse Stavanger har planlagd og satt i gang fleire prosjekter og strukturelle endringar for å betre dei økonomiske resultata. Samstundes er det sett i verk ein kontinuerleg prosess for å sikre at tiltaka gjer ønska effekt. Helse Fonna: Helse Fonna rapporterer om eit overskot på kr 0,27 mill. for oktober, som er kr 3,01 mill. lågare enn budsjettert. Føretaket har denne månaden eit positivt inntektsavvik på kr 6,9 mill. Meirinntektene består hovudsakleg av ISF-inntekter knytta til kostnadskrevjande legemidlar og andre driftsinntekter. Kostnadar til kjøp av varer og tenester viser eit samla negativt avvik på kr 4,3 mill., som for det meste skuldast større varekostnadar knytta til eigen aktivitet enn budsjettert. Personalkostnadane inkludert innleige viser eit negativt avvik på om lag kr 3,32 mill. Avviket skuldast innleige frå byrå og intern vikarbruk. Hittil i år per oktober har Helse Fonna eit positivt resultat på om lag kr 16,7 mill. Dette gjer eit negativt budsjettavvik på kr 16,4 mill. Helse Fonna har fokus på å halde personalkostnadane på planlagd nivå. Nye tilsettingar på pleie- og merkantile stillingar i klinikkane har sidan mai blitt tilsett i eit bemanningssenter, og stillingane skal godkjennast av eit stillingsutval før utlysning. Dette utvalet er nå utvida med ein representant frå økonomiavdelinga. Overtid skal avtalast på førehand dersom det ikkje gjeld situasjonar som kan gå ut over kvaliteten på pasientbehandlinga. Seksjonar og klinikkar skal utarbeide konkrete tiltak for å halde seg innan budsjett for personalkostnadar, og rutinane for planlegging og fordeling av ferie, avspasering og permisjonar skal betrast. Helse Bergen Føretaket melder om eit positivt resultat i oktober på kr 5,7 mill., som er kr 3,4 mill. lågare enn budsjettert. Aktiviteten innan somatikk var i oktober vesentleg høgare enn budsjettert, med eit positivt avvik på nærmare 400 DRG-poeng. Samla ble det meldt eit positivt inntektsavvik på kr 29,5 mill. i oktober. Helse Bergen ble i slutten av september gjort merksam på at det blir satt i verk eit nytt system for å fakturere fylkesdelar lab med tilbakeverkande kraft frå 1. januar 2018. Inntekter frem til og med september blei derfor kreditert og nye fakturaer med lågare satsar sendt ut. Helse Bergen føreset at tapet blir kompensert og har derfor avsett tilsvarande tapt inntekt. 7
Helse Bergen melder om eit meirforbruk på kostnadssida på om lag kr 33 mill. inkludert netto finanskostnad. Føretaket hadde eit negativt avvik på varekostnadane som kan sjåast mot eit vesentleg meirforbruk av Spinraza, som ble godkjent av beslutningsforum i løpet av året på kr. 4,2 mill. Retting av feil i innkjøpssystemet som tidlegare har blitt oppdaga blei satt i produksjon i slutten av oktober. Helse Bergen håper dermed at feila er løyst. Personalkostnadar viser eit negativt budsjettavvik på kr. 18,6 mill. Av dette er overlegepermisjonar kr. 7,4 mill. Høg aktivitet har påverke det negative avviket med tilhøyrande auke i variabel løn. Avvik på andre driftskostnadar skuldast høge kostnadar knytt til utstyr og vedlikehald. Hittil i år per oktober er Helse Bergen sine driftsinntekter kr 70,4 mill. høgare enn budsjettert. Dette kan sjåast mot betydeleg høgare gjestepasientinntekter og positivt avvik på ISF-inntekt psykisk helsevern. Driftskostnadane hittil i år per oktober viser eit negativt budsjettavvik på om lag kr 112,7 mill. Helse Bergen har så langt i år hatt lågare kostnadar innan H-reseptlegemidlar og meirforbruk innan andre områder, men likevel eit positivt avvik på kr 8,2 mill. innan varekostnadar. Føretaket sitt forbruk knytta til Spinraza viser hittil per oktober ein netto kostnad på over kr 13 mill., og er ikkje ein kostnad som Helse Bergen har fått tilført budsjettmidlar for. Løn- og personalkostnadar viser eit negativt avvik hittil i år. Uttak av overlegepermisjonar utgjer så langt i år ein meirkostnad på kr. 33,4 mill. Tidlegare gjennomførte strukturelle endringar blir fortsatt følgt opp. Gjestepasientar somatikk inkludert kurdøgn aukar meir enn planlagd og Helse Bergen har derfor eit negativt avvik på kr. 20,9 mill. innan kjøp av helsetenester. Samstundes melder Helse Bergen at det blir behandla færre gjestepasientar i føretaket. Føretaket følgjer opp koding av medisinsk behandling og medikamentkostnadar for å minimere negativt resultatavvik og følgje opp omstillingsprosessar. Helse Førde: Helse Førde melder i oktober eit positivt resultat på kr 3,9 mill. som er kr 1,6 mill. betre enn budsjettert. ISF-inntektene er kr 2,3 mill. lågare enn budsjettert. Det er eit positivt resultatavvik knytta til H-reseptar og pasientreiser på til saman kr 4,1 mill. Resultatet hittil i år per oktober er kr 16,7 mill. betre enn budsjettert. Største delen av meirinntektene er forklart med positive avvik for høgkostmedisin på kr 19,9 mill. og pasientreiser på kr 9,9 mill. Aktiviteten til føretaket er om lag som forventa per utgangen av oktober. 8
Føretaket melder om kontinuerlig arbeid med tiltak som kan forbetra resultatet og dermed dempe neste års innsparingskrav. Prognose Heile året Prognose Budsjett Budsjett avvik Sjukehusapoteka Vest HF 14 000 12 000 2 000 Helse Bergen HF 90 000 110 000-20 000 Helse Fonna HF 25 000 40 000-15 000 Helse Førde HF 38 000 28 000 10 000 Helse Stavanger HF 45 000 80 000-35 000 Reservar/fellestenester/finans 310 000 150 000 160 000 Administrasjon morselskap 0 0 0 Helse Vest IKT as 1 000 1 000 0 Til saman 523 000 421 000 102 000 Alle tall i heile tusen Helse Vest RHF har oppjustert sin prognose til kr 310 mil., som er kr 160 mill. høgare enn budsjett. I vurderinga av prognosen har Helse Vest RHF tatt høgde for reserven og resultatutviklinga så langt. Helse Vest RHF vurderer at det er risiko knytta til prognosane til helseføretaka og har tatt omsyn til denne risikoen i den oppdaterte prognosen for året. Vedlegg: 1. Tvang i psykisk helsevern 2. Medieanalyse 3. Talgrunnlag og analyser 9
Vedlegg 1 Tvang i psykisk helsevern Dei nasjonale tala viser at Helse Vest har høgast del tvangsinnleggingar med 18 prosent i 1. tert. 2018, og Helse Sør-Øst nest høgast med 17,4 prosent, landet totalt har16,1 prosent. Det er ei negativ endring for heile landet sidan førre kvartal, delen tvangsinnleggingar har gått noko opp. Når det gjeld tvangsmiddelbruk inne i institusjon viser tala at Helse Vest har høgast del pasientar i døgnbehandling med minst eit tvangsmiddelvedtak med 8,5 prosent i 2017, medan Helse Nord har lågast, med 5,4 prosent. Gjennomsnitt i landet er 7,2 prosent. Helse Vest har no utvikla ein rapport om tvang i styringsportalen, med oppdaterte tal, og med utgangspunkt i same talgrunnlag som dei nasjonale. Helseføretaka kan no lettare følgje med på eiga utvikling i bruk av tvang. Tala i tabellen over viser del tvangsinnleggingar av totalt tal innleggingar per månad i heile Helse Vest, utviklinga hittil i 2018 og delen innlagde på tvang i helseføretaka hittil i år. Dei blå søylene viser tal døgninnleggingar, og den grøne streken del innleggingar på tvang, tal per månad. Søylene med ulik farge, viser del tvangsinnleggingar per helseføretak hittil i år. Tal tvangsinnleggingar er teljar og alle innleggingar totalt er nevnar. Delen tvang varierer frå månad til månad avhengig av totalt tal innleggingar og tal på tvangsinnleggingar. På helseføretaksnivå er ikkje dei private ideelle tatt med i berekninga, så i framstillinga vil delen tvang stå frem som høgare for dei helseføretaksområda som har private ideelle som ikkje er med i berekninga, dette gjeld spesielt i Helse Bergen. 10
Tal per 1000 innbyggjar blir ikkje påverka av kor mange som er innlagt totalt, og blir dermed eit meir riktig tal å sjå til når ein skal måle om tvangsinnleggingar går i riktig retning. Tala viser stor variasjon i dei ulike helseføretaksområda. I Helse Førde sitt opptaksområde er det 0,79 tvangsinnleggingar per 1000 innbyggjar hittil i 2018, og 1,86 i Helse Bergen sitt opptaksområde. Tala viser utviklinga frå 2015 til 2018, og at alle helseføretaka går i riktig retning. Tala per 1000 innbyggjar viser at Helse Bergen og Helse Stavanger ligg på omtrent likt nivå. Det er gledeleg å sjå at utviklinga går i retning av mindre bruk av tvang for alle helseføretaka. Rapporten under viser del pasientar i døgnbehandling med minst eit tvangsmiddelvedtak. Rapporten tek for seg tvangsmiddelbruk i institusjon. Tvangsmidlar som kan bli brukt er: Mekaniske tvangsmidlar, beltelegging Isolering Enkeltståande bruk av korttidsverkande legemidlar Kortvarig fastholding Det eine bilde viser tal samla i Helse Vest, medan det andre viser per helseføretak. Dei blå søylene på det øverste bilde viser tal tvangsmiddelvedtak, medan den grøne linja viser del pasientar med minst eit tvangsmiddelvedtak. Tal tvangsmiddelvedtak auka sterkt i oktober, mens del pasientar i døgnbehandling med minst eit tvangsmiddelvedtak gjekk ned. Det kan skyldast at nokre få pasientar blei utsett for mange vedtak om tvang. Rapporten viser at det i Helse Bergen i 2018 blei nytta minst eit tvangsmidel overfor 11,5 % av dei innlagte pasientane, medan det i Helse Førde blei nytta tvang overfor 6,4 % av dei innlagde. 11
Vedlegg 2 Medieanalyse Medieanalysen skal gi ei strukturert kvartalsvis oversikt over medieeksponeringa av Helse Vest RHF og føretaksgruppa. Analysen skal gi innsikt i sakskompleks og om desse har gitt positiv eller negativ publisitet og kva område som får mest merksemd i ein gitt periode. Medieanalysen byggjer på kjeldegrunnlaget som omfattar alle Retriever sine redaksjonelle kjelder, samt sosiale medium (Twitter, Instagram, utvalde bloggar og diskusjonsfora og opne sider på Facebook). I tillegg blir nokre av Helse Vest sine eigne tal for sosiale medium lagde fram. Nøkkeltal For føretaksgruppa Helse Vest er det registrert 1552 artiklar i 3. kvartal 2018. Artiklane har ei rekkjevidde på 133, 7 millionar potensielle lesarar, lyttarar og sjåarar. Det er ein nedgang både i omtale og rekkjevidda frå 1. og 2. kvartal. På same tid går den negative omtalen noko ned. Helse Bergen er mest omtalt (54 prosent), deretter Helse Førde (14 prosent), Helse Stavanger (13 prosent) og Helse Fonna (9). Den resterande delen er omtale av Helse Vest RHF. 12
Fig. 1: Tendens fordelt på helseføretak Redaksjonell omtale i føretaka Helse Bergen får mest omtale i samband med tema knytt til behandling og beredskap. Ei sak som får mykje omtale er Djabrail- saka. Andre saker er knytt til samarbeidet mellom Bergens Tidende og Helse Bergen som presenterer ekspertsjukehuset. Medarbeidarar i Helse Bergen blir også ofte brukt i ekspertutsegn på fleire områder, i fleire kanalar. Helse Førde får merksemd om resultatet som etter første halvår viser eit driftsoverskot på nærmare 30 millionar kroner og ros til medarbeidarane i føretaket som gjer ein kjempejobb. Ei anna positiv sak er at Helse Førde kjem godt ut i Helsedirektoratet sin presentasjon av kvalitetsindikatorar. I kontrast kjem Helse Førde dårlegare ut i saker som omtaler stor ulikhet i behandling av hjerteinfarkt. Ei ulukke på sjukehuset der ein pasient dør, får også mykje omtale. Helse Stavanger får positiv omtale i samband med bygging av det nye sjukehuset. Fyrste spadetak blei tatt i september og prosjektet som bruker digitalisering for å visualisere ulike løysingar blir karakterisert som eit av verdas beste i byggfaglege medier. Helse Stavanger får også omtale for å få fleire innvandrerkvinner til å sjekke seg for livmorhalskreft, samt kraftig redusert beltebruk i psykiatrien. Medarbeidarar ved SUS er og synlege som ekspertar i ulike medier. Helse Fonna får mest omtale innan drift og organisasjon. Mellom anna får føretaket positiv omtale i samband med ei kontrakt med Veidekke om bygging av nytt sjukehusbygg. I ei større sak om tilsyn ved legevakta i Odda finn ein også ein del omtale av Helse Fonna. Negativ omtale 13
blir knytt til påstandar om manglande sikring av registrering ved sædbanken føretaket har ansvaret for. I perioden får saker knytt til Bergensklinikkene også stor merksemd. PR-score PR-score er eit mål på kvalitet i mediedekninga. Den blir vist på ein skala frå 10 til + 10. Scoren blir vurdert ut i frå tendensen i innhaldet (positiv, negativ eller nøytral), lesar, lyttar og sjåartal for det aktuelle mediet, samt treffscore (kor stor rolle Helse Vest spelar i det aktuelle oppslaget). Det er viktig å understreke at ein PR-score skal seie noko om kva som verkar inn på inntrykket befolkninga har av Helse Vest RHF og sjukehusa, men dette må ikkje lesast som ei målsetting om at oppslaga bør vere meir positive eller mindre negative. God mediehandtering og openheit er dei viktigaste prinsippa, uansett vinkling. Det som av lesarane kan bli oppfatta som negativ omtale av sjukehusa kan like gjerne reknast som oppslag som uansett viser og tener openheita og offentlegheita. For 3. kvartal 2018 er totalt 24 prosent av oppslaga med positiv tendens, 67 prosent er nøytrale og 9 prosent negative. Dette gir ein PR-score på 2,2. Sosiale medium Sosiale medium er ein viktig kanal for formidling av nytt frå sjukehusa, samt kommunikasjon og dialog med pasientar, pårørande, medarbeidarar og andre. Rekkjevidda aukar når følgjarane likar eller kommenterer postar ein legg ut, slik at potensielle lesarar er langt større enn følgjarar åleine. Helse Vest blir omtala i totalt 128 innlegg på sosiale medium i 3. kvartal 2018; 55 Twittermeldingar og 51 Facebook-innlegg (rekkjevidda ca. 60 000), 14 blogginnlegg og 8 innlegg på Instagram. Dette er innlegg som er lagde ut av og/eller omtaler føretaka i Helse Vest, men berre omtale frå opne kontoar blir registrert. Av eigen kommunikasjon på Facebook-sida til Helse Vest er det sakene om 4.dagarsmetoden for behandling av psykiske lidingar, om Bergensklinikkene og om etableringa av ekspertutvalet - som har størst rekkjevidde. 14