Askvoll og Holmedal IL

BARNE OG UNGDOMSFOTBALL I Askvoll og Holmedal IL

INNHALDSLISTE Innleiing 2 1. Årlege aktivitetsplanar 3 2. AHIL som klubb ynskjer å 3 3. Trenar/Lagleiar 3 4. Spelar 3 5. Målsetjing aldersfastlagde lag 4 6. Miniputtar 7-10 år 5 7. Lillegutar /Lillejente 11-12 år 8 8. Smågutar 13-14 år 10 9. Småjenter 13-14 år 13 10. Gutar 15-16 år 15 11. Jenter 15-16 år 18 12. Keepertrening 20 13. Hospitering og oppflytting 21 14. Allsidigheit og spesialisering 21

INNLEIING Føremålet med skuleringsplanen er å gagne barne- og ungdomsfotballen i AHIL. Den skal legge grunnlaget for fornuftig og målretta opplæring i eit godt miljø for alle. Planen skal: gje eit godt aktivitetstilbod og vere ei rettesnor for spelarutviklinga i klubben styrke fellesskapen mellom dei aktive, lag og grupper ta vare på fotballen sin sentrale plass blant ungdom i Askvoll kommune skape ein felles plattform og eit felles språk som gjev grunnlag for ei god utvikling Skuleringsplanen er utarbeidd for å støtte trenarar og lagleiarar i deira arbeid i klubben. Den syner kva målsetjing og rammer klubben har sett, for å utvikle gode spelarar i eit godt miljø. SPELARUTVIKLINGSPLANEN er utarbeidd av styret i Askvoll/Holmedal IL og gått gjennom med trenarar og lagleiarar,. 2

1. ÅRLEGE AKTIVITETSPLANAR Skal spelarutviklingsplanen vere eit godt hjelpemiddel for å fremje måla er det nødvendig at: 1. Trenarar og leiarar for kvart lag utarbeidar årsplan og periodeplanar med treningsinnhald - konkurransetilbod og budsjett for aktivitetane. Frist 1.februar. 2. Fotballstyret godkjenner budsjett og planar. Frist 15. februar. 3. Trenarar og lagleiarar, saman med styret, evaluerar sesongen halvvegs og ved sesongslutt. 2. AHIL SOM KLUBB YNSKJER Å gje alle eit tilbod gje alle høve til å verte betre. ha kvalifiserte trenarar og lagleiarar drive aktiv rekruttering og utdanning av trenarar og leiarar utvikle og halde vedlike eksisterande anlegg spele ei naturleg rolle i oppvekstmiljøet i Askvoll kommune 3. KRAV TIL TRENAR / LAGLEIAR levere gyldig politiattest forplikte seg til å arbeide etter skuleringsplanen vere tolmodig i treningsarbeidet og ha langsiktige mål vere eit godt førebilete for spelarane. lære spelarane å respektere og tolerere dommarane, motspelarar, medspelarar og leiarar, utøve Fair play. gje ros og oppmuntring - det verkar positivt og konstruktivt. syne og fortelje kva dei kan gjere betre. vere like oppteken av alle spelarane og gje tilbakemelding ut frå deira nivå føre treningsdagbok vere ansvarleg for nominering av spelarar til sonesamling/sonelag. halde god kontakt med føresette og informer om evt. negative/positive episodar. ta ansvar for at kjefting og skriking frå sidelinja ikkje førekjem.(jfr. foreldrevett-reglane) trenar/lagleiar har hovudansvaret for spelarane si framferd på bana. 3

4. KRAV TIL SPELAR Ha respekt for trenar, medspelarar og elles alle du møter. Møte opp til rett tid ved alle høve og ha med det utstyret du treng Møte til trening - gje beskjed om du ikkje kan kome. Vèr merksam ved instruksjon. Ha gode haldningar - tole både siger og tap. Halde orden i eige og laget sitt utstyr. Ta del i fellesoppgåver som dugnad/loddsal. Utføre oppgåvene med ei positiv innstilling. Ikkje nytte rusmiddel i samband med laget sine aktivitetar. Representere klubben din på ein god måte. Utøve Fair play. 5. MÅLSETJING ALDERSFASTLAGDE LAG Ha eit organisert, sportsleg tilbod i alle aldersklassar. Legge til rette for spelarutvikling. Utvikle spelarar, trenarar og leiarar med gode haldningar på bana, i klubben og i lokalmiljøet. Utvikle kompetanse på trenar- og leiarsida og nytte dette i dei lægre aldersklassane AHIL fotball skal vere ein aktiv deltakar i det lokale idrettsmiljøet. I AHIL skal det vere eit godt, sosialt og positivt miljø for spelarar, trenarar og leiarar. Føresette er viktige støttespelarar i dette arbeidet. Stikkord: Trivsel - tryggleik - sjølvkjensle / sjølvrespekt / sjølvtillit. Samarbeid - medverknad - utfordringar - personleg utvikling. Ansvar - respekt - disiplin toleranse. 4

6. MINIPUTT 7-10 år. a. Innleiing Då dette er det første møtet med den organiserte idretten, vert det viktig å ta omsyn til: Spelarane må bli trygge i miljøet. Spelarane må bli kjende med eit fast innhald i treningane. Spelarane er born og dei treng tid. (TTT- regelen). Spelarane skal etter kvart få faste oppgåver knytt til treningane. Spelarane må få høve til å «prøve «om fotballen er det rette, ikkje stiller for strenge krav til frammøte. Det er viktig å møte opp til rett tid og melde fråvær til kamp. Det er ofte stor skilnad i alder og utvikling. Dette må ein ta omsyn til. Gutar og jenter vert gitt det same tilbodet og vert handsama likt. b. Karakteristikk for aldersgruppa Jamn og harmonisk vekst. Motorisk gullalder startar mot slutten av perioden. Stor aktivitetstrong. Sjølvsentrert - oppteken av seg sjølv, ballen og mål. Tek verbal instruksjon dårleg. Kort konsentrasjonstid. Ideal og forbilde står sterkt. Stort vitebegjær. Kjenslevar for kritikk. Aggresjon rettast mot kameratar c. Trening - og kamptilbod Trening 1-2 gongar i veka, men trening utover 1 gong skal vere allsidig trening(t.d. barneidrett) Treningstid: ca 1 time Spelarane skal ha treningsfri etter sesongen og i juli månad. Spelarane deltek i turneringar sett opp av kretsen. Alle skal ha lik speletid. Rullering på plassane, dette gjeld også keeper. NB! Barnefotball er ikkje heilårsidrett. d. Mål for opplæringa Alle skal ha det moro Skape lyst til balleik på fritida. Skape lyst til allsidig, variert idrettsleg aktivitet. Stor aktivitet på trening. Smågruppe - spel = mykje ballkontakt. Innføring i elementære basisteknikkar Innføring i elementære reglar for omgang med andre personar: toleranse - respekt - disiplin. 5

e. Taktisk-teknisk påverknad Basisteknikk er sjølve grunnmuren i fotballspelet. Viktig å trene med mykje ballkontakt i spel (3-5 på kvart lag, ikkje 8-9). Ein kan etter kvart legge inn meir isolerte tekniske øvingar. Vis rett teknikk. Slike øvingar bør gjentakast på mange treningar og i korte sekvensar. Slik gjentaking vil føre til at ein opplever meistring og framgang. Sentrale basisteknikkar som bør trenast etter kvart: - pasning med begge bein - mottak (demping, ballkontroll) - skot med begge bein - litt heading med lette ballar (tilvenning) - litt føring og nokre enkle finterørsler - innkast, frispark, avspark og hjørnespark. Etter kvart kan ein trene ein teknikk saman med ein annan teknikk, som til dømes: - mottak - pasning - mottak - skot f. Fysisk påverknad Ein bør på kvar trening ha ei kort øving for utvikling av koordinasjon, balanse og kroppskontroll, eventuelt med ball. Ein bør også etter kvart ta med nokre tøyingsøvingar. Mot slutten av perioden bør ein ta med noko hurtigheitstrening i korte sekvensar, og vise litt om løpsteknikk (opp med knea, alle rørsler rett fram, avslappa i skulder, spring på tærne). Ein skal ikkje drive spesiell trening for å betre uthald eller styrke. g. Sosial og haldningsmessig påverknad Å utvikle rett haldning hos spelarane er å sjå på som like viktig som å utvikle god basisteknikk. På dette alderssteget bør fylgjande prioriterast: Toleranse: - inga kjefting på andre, godta at andre kan gjere feil - godta eigne feil - tåle siger og tap Respekt: - for trenar og leiar - for dommarar - lytte når nokon vil sei noko Disiplin: - møte opp presis - gi melding om ein ikkje kan møte til kamp - gjere dei oppgåvene ein får i samband med trening og kamp h. Råd til gjennomføringa Gje mykje ros, kritiser aldri. Skap ein hyggeleg tone. Det er lov å gjere feil i trening og kamp. Gå føre som eit godt døme. Gje korte, klare meldingar og kom raskt i gong. Møt i god tid, ta deg tid til å samle og snakke med spelarane både før og etter trening/kamp. 6

Spesielle og individuelle kommentarar (tilbakemelding) bør ein gje like ofte som generelle og felles kommentarar. (Det er forskjell på å rope Bra og Fin pasning, Karoline ). Kommentaren Du klarte det er fin når nokon lukkast. La spelarane få spele på ulike plassar (rullering) La alle spele like mykje i kamp. Be barna om å røre seg slik at ingen vert ståande fast bak eller framme på bana. i. Aktivitetar Spel mot mål (gjerne breie og låge) i mindre grupper (3-5 spelarar på kvart lag) er den sentrale aktiviteten på dette alderssteget. Se Fotball er gøy (FG) s. 58-66. Skot -, pasning -, føre- og dribleleikar. Se FG s. 76-90. Pasning, føring, mottak, skot. Se FG s. 32-42 og s. 106-124. 7

7. LILLEGUT/LILLEJENTE 11-12 ÅR. a. Karakteristikk for aldersgrupper Jamn og harmonisk vekst. Lik utvikling hos gutar og jenter God utvikling av finmotorikk. Teknisk «gullalder» Dei kan trekke logiske slutningar ut frå verbale utsegn. Kreativiteten blir utvikla. Oppteken av reglar og rettferd. Gunstig alder for påverknad av haldningar. Er lette å leie og påverke. Sjølvkritikken og viljen til å lære aukar. SKULERINGSPLAN b. Trenings- og kamptilbod Trening 1-2 gongar pr veke pluss kamp. Trenar ein to gongar pr veke, kan den eine treninga vere allsidig trening. Treningstid Opptil 90 minutt. Treningsfri i sommarferie og etter sesongslutt. Deltaking i 1-2 innandørsturneringar, t.d. Automarin Cup. Deltaking i 1 turnering om sommaren, t.d. Selje Cup c. Mål for opplæringa Alle skal ha det moro Skape lyst til balleik på fritida. Utvikle basisteknikkar: mottak pasning - skot. Lære grunnleggjande pasningspel. Utvikle evna til toleranse, respekt og disiplin. Det er no naturleg å påleggje spelarane ansvar. d. Taktisk-teknisk påverknad Framleis trene med mykje ballkontakt i spel (3-5 spelarar på kvart lag) Mottak: Pasning: Skot: Kunne dempe ballen med begge bein, helst kunne leggje til rette på eitt tilslag for deretter å kunne slå ein pasning på neste tilslag, sjå «God fotballferdighet»(gff) s. 43. Korte, presise pasningar med begge bein (innside, ytterside, vrist) til medspelar, helst til medspelar i rørsle, sjå GFF s.18. Med strak vrist og med balanse på standfot. Bruke begge bein og halde ballen langs bakken, sjå GFF s.77. Finter: Pasningsfinte og kroppsfinte, sjå GFF s. 68. 8

Gjerne trene ein teknikk saman med ein annan teknikk. Døme. - mottak-pasning - mottak-skot - pasning-skot - pasning-mottak-skot - føre-finte-føre-skot Godt pasningspel bør vektleggast i spel. Stikkord for instruksjon er: overblikk hos ballførar og rørsle hos medspelarar. e. Fysisk påverknad Øvingar for koordinasjon og tøying bør vere fast på kvar trening som før. Hurtigheitstrening og/eller spensttrening i mindre sekvensar. Springeteknikk bør vere eit kort innslag ein gong i veka når tilhøva tillet det. Ein skal ikkje drive spesiell trening for å betre uthald og styrke. f. Sosial og haldningsmessig påverknad. Utvikle vidare evna til å syne toleranse, respekt og disiplin som omtala under miniputtar. Spelarane må no etterkvart lærast til å ta større ansvar for seg sjølve gjennom gode treningsvanar og eigentrening. Spelarane må også etterkvart få større ansvar for utstyr. g. Råd til gjennomføringa Jfr. kapittelet for miniputtar Hovudvekta vert framleis den tekniske delen av fotballdugleiken. Trenaren si oppgåve er først og fremst som tilretteleggar og aktivitetsleiar. Trenaren skal også vere instruktør i utviklinga av teknisk dugleik. Instruksjon i spesielle taktiske moment bør vente. Spelarane bør oppmuntrast til rørsler, og sjølv finne gode løysingar. La dei prøve seg i alle roller på bana. h. Aktivitetar Spel mot store mål i mindre grupper. Sjå «Fotball er gøy» (FG) s. 58-66 Mottaksteknikk. Sjå GFF s. 51. Pasningsteknikk. Sjå GFF s. 36. Skottrening. Sjå GFF s. 88. Trening av finter. Sjå GFF s. 74. (Vel enkle øvingar for trening av teknikk, jfr. GFF). 9

8. SMÅGUTAR 13-14 ÅR A. Karakteristikk for aldersgruppa Store forskjellar i fysisk og mental utvikling. Enkelte har kraftig lengdevekst. Motorikken er i god utvikling. Konsentrasjonsevna er i god utvikling. Mange er psykisk labile. Kreativiteten er i god utvikling. Spelarane er ærgjerrige og lærevillige. Haldningar vert lett skapte. Spelarane blir prestasjonsmedvitne. Spelarane er svært rettferd medvitne. Stor variasjon i prestasjonsevne og humør hos den enkelte spelar. b. Trenings- og kamptilbod 2-3 treningar pr. veke inkludert kampar. Deltaking i innandørsturneringar i november-mars Deltaking i turnering om sommaren, som t.d. Sognefjord Cup. Dei som er aktuelle kretstalent bør trene ein gong pr. veke med gutelag i tillegg. Eigentrening og allsidig idrettsaktivitet enno viktigare. c. Mål for opplæringa Alle skal ha tilbod om trening og kampar. Vidareutvikle tekniske ferdigheiter. I større grad kunne bruke dugleiken rett i taktisk samanheng. Utvikle elementær taktisk forståing Stimulere til at spelarane tek endå større ansvar for si eiga utvikling. Utvikling og rullering er framleis viktigare enn resultat. d. Taktisk og teknisk påverknad Arbeidet med å utvikle teknisk dugleik som mottak, pasning (no også langpasning), skot og finter (sjå lillegut/lillejente) må halde fram. I tillegg bør fylgjande trenast på: Heading: utvikle mot og rett teknikk (sjå GFF s. 91) Vending: hurtige vendingar med og utan motstandar i ryggen (sjå GFF 57) Takling: evna til å ta ballen frå motstandar og til å vinne duellar. 1 mot 1: evna til å utfordre og drible motstandar (sjå GFF s. 67) 2 mot 1: evna til å utnytte 2 mot 1 situasjonar 10

Saman med utvikling av desse ferdigheitene, må spelarane lære seg å bruke ferdigheita si til det beste for laget. Ei vellykka finte, dribling eller vending er bortkasta om spelaren i neste trekk ikkje klarer å utnytte dette til eige lags fordel. Spelarane må no få praktisk innføring i nokre sentrale omgrep i fotball: Forsvar: Angrep: press, sikring, rett side, laget samla rett avstand (breidde, dybde), gjennombrot rørsle skaper rom, samhandling e. Fysisk påverknad Ein kan no starte lett styrketrening (kne, hofte, okle, mage, rygg, overkropp) med kroppen som belastning ein gong pr. veke. Gjerne som sirkel og intervall. Uthaldstrening vil ein få gjennom intensivt spel, men ein kan oppmode spelarane om ein lett joggetur i veka. Unntaksvis uthaldstrening på fellestreningane. Hurtigheitstrening ein gong i veka (10-15 min.). Rørsletrening bør avslutte alle treningar. Øvingar for koordinasjon bør framleis vere ein del av treninga. NB: Store individuelle ulikskapar mellom spelarane. f. Sosial og holdningsmessig påverknad Respekt, disiplin, toleranse og ansvar er stikkord for ei god framferd på og utanfor bana. Ein kan no stille større krav til spelarane si evne til å ta ansvar: - frammøte til trening, klar 5 min. før treninga startar - halde orden i garderobe i eige utstyr - unngå kjefting, krangel og banning, gje ros i staden for kritikk - skulearbeid før trening Ein kan no også stille krav om at spelarane prøver å gjere sitt beste (prestere) ute på bana. Ein kan stille krav til at dei tek ansvar som ballførar, ansvar for å gi ballførar pasningsalternativ, ansvar for rørsle, ansvar for press. g. Råd til gjennomføringa Ein kan no stille krav til kvalitet i utføringa, og ein kan oppdra spelarane til å stille krav til seg sjølv. Inga utvikling gjennom slurv. Det er viktig at spelarane lærer å forstå kor viktig det er med mange repetisjonar med kvalitet. Likeeins at spelarane ser kor viktig det er med god konsentrasjon, interesse og entusiasme i treningsarbeidet. På dette alderstrinnet og oppover er det viktig at treningane har eit hovudmål som blir gjort kjent for spelarane. Aktivitetane må innehalde læringsmoment, som påverkar ein både fysisk og mentalt.. Ros dei spelarane som tek ansvar. Utvikling av einskilde spelarar må framleis vere viktigare enn resultat. På dette alderssteget kan keeper få særskild trening. 11

h. Aktivitetar Spel i mindre grupper (3 mot 3, 4 mot 4, 5 mot 5) må vere den sentrale aktiviteten. Enkelte gonger kan ein legge inn avgrensingar som til dømes berre to tilslag på ballen. Øvingar for mottak, pasning og skot blir her henta frå GFF, men ein vel no dei meir samansette øvingane der ein set teknikken inn i ein taktisk samanheng (samhandling). Aktivitetar for nye teknikkar: - vending: GFF s. 63 - heading: GFF s. 99-1 mot 1: GFF s. 75 Aktivitetar for nye omgrep: - press: GFF s. 132 - sikring: GFF s. 132 - laget samla: spill 11 mot 11 - rett spelavstand (dybde, breidde), gjennombrot, rørsle, samhandling: - spel 5 mot 5 opp til 11 mot 11 12

9. SMÅJENTER 13-14 ÅR a. Karakteristikk for aldersgruppa Store skilnader i fysisk og mental utvikling. Einskilde har kraftig lengdevekst. Motorikken er i god utvikling. Konsentrasjonsevna er i god utvikling. Mange er psykisk labile. Kreativiteten er i god utvikling. Spelarane er ærgjerrige og har lett for å lære. Haldningar blir lett utvikla. Spelarane blir prestasjonsmedvitne. Spelarane er svært opptekne av rettferd. Stor variasjon i prestasjonsevna og humør hos den einskilde spelar. Jentene liker helst å vere to og to saman på trening. For dei fleste jentene startar puberteten i denne perioden. b. Trening - og kamptilbod To treningar pr. veke inkludert kamp. Dei som er aktuelle kretstalent bør trene ein gong pr. veke med jentelaget i tillegg, eller eventuelt smågutelag. Alle må få delta i kampar, men ein kan gjerne la dei beste spele mest utan at det vert «topping» av laget. Ein må legge opp tider for kamp og trening slik at ein unngår at andre ting må veljast vekk. c. Mål for opplæringa Alle skal ha tilbod om trening og kampar. Vidareutvikle tekniske ferdigheiter. I større grad kunne bruke dugleiken rett i taktisk samanheng. Utvikle elementær taktisk forståing Stimulere til at spelarane tek endå større ansvar for si eiga utvikling. Utvikling og rullering er framleis viktigare enn resultat. d. Taktisk og teknisk påverknad I denne perioden, vil dei elementære tekniske detaljane stå sentralt. Prioriter i heile småjenteperioden: - føring av ball - mottak av pasning - pasning med innside - skot 13

e. Fysisk påverknad Ein kan no gjerne starte lett styrketrening ein gong pr. veke som ein del av treninga, spesielt retta mot kne, hofte, okle, mage, rygg. Bruk kroppsvekta som reiskap. Ein bør trene uthald i kombinasjon med transport av ballen. Hurtigheitstrening ein gong i veka. f. Sosial og haldningsmessig påverknad Respekt, disiplin, toleranse og ansvar er stikkord for god oppførsel på og utanfor bana. Ein kan no stille større krav til spelarane si evne til å ta ansvar: - frammøte til trening, klar 5 min. før treninga startar - halde orden i garderobe - halde orden i eige utstyr - unngå kjefting, krangel og banning, legg vinn på å oppmuntre og hjelpe - skulearbeid før trening Ein kan stille krav om at spelarane gjer sitt beste. g. Råd til gjennomføringa Ein kan no stille krav til kvalitet i utføringa, og ein kan lære spelarane til å stille krav til seg sjølv. Ingen framgang gjennom slurv. Viktig at spelarane lærer å forstå kor viktig det er med mange repetisjonar med kvalitet for å få framgang. Likeins at spelarane ser kor viktig det er med god konsentrasjon, interesse og entusiasme i treningsarbeidet. Ros dei spelarane som tek ansvar. Utvikling av einskildspelarar må framleis vere viktigare enn resultat. h. Aktivitetar Spel mot store mål i mindre grupper. Sjå «Fotball er gøy»(fg) s. 58-66. Mottaksteknikk. Sjå GFF s. 51. Pasningsteknikk. Sjå GFF s. 36. Skottrening. Sjå GFF s. 88. Øvingar for ballføring. Sjå FG s. 32-42, og s. 106-124 (Vel enkle øvingar for trening av teknikk, jfr. GFF). 14

10. GUTAR 15-16 år a. Karakteristikk for aldersgruppa Ekstrem vekstperiode Gutane utviklar større muskelstyrke enn jentene Koordinasjonsevna i fin utvikling Sterk vekst av kretslaupsorgana Dårleg harmoni mellom fysisk og mental utvikling Varierande framferd. Pubertetsalder: usikker, sjenert, tøff utad, open aggresjon. Kreativiteten i kraftig utvikling Sterkt sosialt behov b. Trenings og kamptilbod Tre-fire treningar pr. veke inkludert kamp. Treningstilbod også i oktober, november og desember. Deltaking i 2-3 innandørsturneringar Deltaking i t.d. Norway Cup c. Mål for opplæringa Alle skal få eit seriøst tilbod om trening og kampar. Utvikle gode spelarar. Arbeide for forståing av kva som må til for dei som vil bli toppidrettsutøvarar. Utvikle taktisk forståing og teknisk dugleik. Utvikle kreativiteten. Oppmode til sjølvstendige val. d. Taktisk-teknisk påverknad Den tekniske dugleiksstreninga må framleis stå sentralt: - mottak - pasning - skot - heading - vending - tackling - finter - 1 mot 1-2 mot 1 Mottak, pasning og skot bør prioriterast heile tida. Dei øvrige kan trenast på i planlagde periodar, som bør gå fram av den årlege aktivitetsplanen for laget. Nytt no er at ein kan stille store krav til KVALITET, til ei kvar tid. 15

Ein kan også stille større krav til taktiske val ved den enkelte dugleik: mottak vere orientert før mottak (ha neste trekk klart), retningsbestemt mottak i høve ledig rom og vite kvar neste pasning bør slåast pasning prøve gjennombrot, pasning i høve medspelars rørsle skot: når skyte. Plassering. heading: mot mål eller til medspelar, klarering, pasning vending: når vende takling: når takle finte: når finte 1 mot 1 i angrep: når prøve å gå forbi 2 mot 1 i angrep: korleis skape og utnytte slike situasjonar Spelarane må no kunne fylgjande omgrep teoretisk, og trene på dei i praksis: Forsvar: press, sikring, dekke rom, markering, rett side, laget samla, nekte rom Angrep: rett avstand (dybde og breidde), gjennombrot, ballbesitting, rørsle skapar rom, samhandling («timing» mellom rørsle og pasning) e. Fysisk påverknad Lett styrketrening (ankel, kne, hofte, lysk, mage, rygg, overkropp) med kroppen som reiskap 10-15 min. 2 gongar pr. veke. Gjerne som sirkel og intervall. Uthaldstrening vil ein få igjennom intensivt spel, men i tillegg bør ein køyre intervalla 10-15 min. ein gong pr. veke. Som eigentrening bør spelarane ta ein roleg joggetur i veka. Hurtigheitstrening 10-15 min. ein gong pr. veke. Rørsletrening bør avslutte alle treningar og kampar. Øvingar for koordinasjon må framleis vere ein del av treninga. f. Sosial og haldningsmessig påverknad Utvikle forståing for: kva det inneber å bli ein svært god fotballspelar, ein må trene mykje og prioritere vekk mykje. at skule er viktigare enn fotball. at ein har eit ansvar for familie og vener. at ikkje alle kan verte like gode og at alle er viktige likevel. at det finnast alternativ innanfor idretten: trenar, leiar, dommar. at alle har eit ansvar for kvarandre. Viktig å skape haldningar mot mobbing og rus. For dei som vil satse på å utvikle talentet sitt, må ein klargjere kor viktig det er med eigentrening, og hjelpe dei til å få gode rutinar på dette. Sjå dette punktet under smågutar. Det er naturleg å vidareføre dei momenta som er omtala der. 16

g. Råd til gjennomføringa Framleis bør spelarane lære seg fleire roller på bana. Stikkord for brukt spelestil: soneforsvar, «spelande lag», hurtig spel framover, stor rørsle. Men: Spelestil bør ikkje vere fast gjennom heile sesongen, ein bør prøve ulike måtar å spele på i periodar for å utvikle spelarane sine kunnskapar og forståing. Spesielt mot antatt svakare motstand kan ein prøve alternativ. Sentralt i aktiviteten bør kvalitet, ansvar og humør vere. Utvikling av einskildspelarar er framleis viktigare enn resultat. Ta omsyn til at det er store forskjellar mellom spelarane sine ferdigheiter og kroppsleg modning. Å behandle alle likt kan då verte urettferdig. h. Aktivitetar Sjå under smågutar/småjenter. Sjå også «Ungdomsfotball» s. 135-144. Nytt: spel berre med eitt tilslag i tillegg til spel med to tilslag og fritt. Spel med eitt tilslag tvinger ein til å ha neste trekk klart. 17

11. JENTER 15-16 år a. Karakteristikk for aldersgruppa Vekstperiode Jentene utviklar mindre muskelstyrke enn gutane. Koordinasjonsevna er i fin utvikling Sterk vekst av kretslaupsorgan Dårleg harmoni mellom fysisk og mental utvikling Måten å vere på er varierande. Kreativiteten i kraftig utvikling Sterkt sosialt behov b. Trenings og kamptilbod Tre treningar pr. veke inkludert kamp. Få til lik treningstid gutar og jenter. Dei beste får tilbod om trening med smågutelag eventuelt. gutelag ein gong pr. veke i tillegg. Deltaking i innandørsturneringar om vinteren. Deltaking i t.d. Norway Cup c. Mål for opplæringa Alle skal få eit tilbod om trening og kampar. Gje utfordringar til dei som vil bli betre. Utvikle taktisk forståing og teknisk dugleik. Utvikle kreativitet. Oppmode til sjølvstendige val. d. Taktisk-teknisk påverknad Den tekniske dugleikstreninga må framleis stå sentralt: - mottak - pasning - skot - heading - vending - tackling - finter - 1 mot 1-2 mot 1 Mottak, pasning og skot bør prioriterast, medan det andre i aktivitetsplanen for laget kan trenast på i planlagde periodar. Ein kan no stille større krav til KVALITET. Spelarane skal gjere det rette kvar gong. Ein kan også stille krav til taktiske val ved den enkelte dugleik: - mottak: vere orientert før mottak (ha neste trekk klart), retningsbestemt mottak i forhold til ledige rom og kvar neste pasning bør spelast. - pasning: rett val; ta vare på ballen eller prøve gjennombrot, pasning i forhold til medspelars rørsle = spele andre gode 18

- skot: når og kvar. Plassering (ikkje fyre laus og håpe) Spelarane må no kunne fylgjande omgrep teoretisk, og trene på dei i praksis: Forsvar: press, sikring, dekke rom, markering, rett side, laget samla, nekte rom Angrep: gjennombrot, ballbesitting, rørsle skapar rom, samhandling (timing mellom rørsle og pasning) e. Fysisk påverknad Lett styrketrening (okle, kne, hofte, lysk, mage, rygg, overkropp) med kroppen som belastning 10-15 min. 2 gongar pr. veke. Gjerne som sirkel og intervall. Uthaldstrening vil ein få igjennom intensivt spel, men i tillegg bør ein køyre intervalla 10-15 min. ein gong pr. veke. På eigentrening bør spelarane prioritere pasning og mottak. Hurtigheitstrening 10-15 min. ein gong pr. veke. f. Sosial og haldningsmessig påverknad Utvikle forståing for: at satsing for å bli god krev hardt arbeid. at skule er viktigare enn fotball. at ikkje alle kan verte like gode, men er viktige likevel. at alle har eit ansvar for kvarandre og si eiga utvikling. Viktig å skape haldningar mot mobbing og rus. For dei som vil satse på å utvikle talentet sitt, må ein klargjere kor viktig det er med eigentrening, og innarbeide gode rutinar for dette. Sjå dette punktet under småjenter. Det er naturleg å vidareføre dei momenta som der er omtala. g. Råd til gjennomføringa Framleis bør spelarane lære seg fleire roller på bana. Stikkord for mest brukte spelestil: soneforsvar, «spelande lag». Sentralt i aktiviteten bør vere kvalitet, ansvar og humør. Utvikling av enkelte spelarar er framleis viktigare enn resultat. Ta omsyn til at det er store forskjellar mellom spelarane sine ferdigheiter og fysisk modning. Å behandle alle likt kan då verte urettferdig. Godta at det er stor skilnad i dugleik, og motivasjon for å vere med i gruppa h. Aktivitetar Sjå under smågutar. Sjå også «Ungdomsfotball» s. 135-144. Spel med to tilslag og fritt. Spel med eitt tilslag tvinger ein til å tenke neste trekk. 19

12. KEEPERTRENING På lik linje med utespelarar må ein keeper trene på grunnteknikkar frå 10 års alderen. Det er avgjerande at trenarane syner interesse for keeperen si rolle i laget, og kunne instruere i grunnteknikkar. Barn under 10 år kan få instruksjon i grep og grunnstilling. Basisteknikkar som må trenast på er: 10-12 år: 13-14 år: 15-16 år: - grunnstilling - grep: - ballar langs bakken: rett på og til side - ballar i mage- og hovudhøgde: rett på - fallteknikk: langs bakken og kort til side - distribusjon: kast kort og lang, volley - smidigheit - satsteknikk: - langs bakken og langt til side, høge ballar i feltet - fallteknikk: langs bakken og langt til side - grep: langs bakken og langt til side - boksing: ei hand og begge hender - fisting - rørsle sidevegs og bakover - distribusjon: halv volley, dødball, tilbakespel - ein mot ein - feltarbeid - støttespelar og 2.forsvarar - satsteknikk - fallteknikk - spensttrening - hurtigheitstrening - kommunikasjon - kampførebuing 20

13. HOSPITERING OG OPPFLYTTING SKULERINGSPLAN 1. Ein spelar høyrer til den gruppa alderen tilseier. Hospitering skal nyttast for dei spelarane som utmerkar seg. 2. Hospitering og oppflytting er aktuelt for små-gut/jente og gut/jente klassa. I tilfeller med små årskull kan det vere aktuelt å nytte spelarar også frå lægre klassar for å greie å stille lag. 3. Talentfulle gute-/jentepelarar bør hospitere på seniorlag 1-2 gongar pr. veke, men framleis ha gute-/jentetrenar som sin ansvarlege trenar. 4. A-trenar kan disponere spelarar på gute-/jentelag, men må ha ein tett dialog med gute- /jentetrenar med tanke på totalbelastninga i høve reiser og trening. 14. ALLSIDIGHEIT OG SPESIALISERING Fotballspelarar i AHIL vert oppmoda om å drive allsidig idrettsaktivitet frå ung alder. Det er svært positivt både om han/ho får erfaring frå fleire aktivitetar. Gjennom individuelle idrettar vil ein kunne lære god treningsmoral og det å sjølv ta større ansvar for si eiga utvikling. Gjennom andre idrettar vil ein utvikle koordinasjon og balanse som er nyttig i all idrett. Dei yngste bør delta på idrettsskulen. Om ein utøvar opplever kollisjon mellom to idrettar, skal fotballgruppa vere fleksibel. Ei tid kjem for å velje ein idrett, og det vil truleg skje naturleg i tenåra. Fotballgruppa skal ikkje påverke nokon til å slutte med andre idrettar. 21