MØTEINNKALLING SAKLISTE. Sak nr. Arkivsak nr. Tittel 44/11 11/630 RULLERING AV RUSPOLITISK PLAN FOR BALESTRAND KOMMUNE

MØTEINNKALLING Utval: FORMANNSKAPET Møtestad: Rådhuset Møtedato: 09.11.2011 Tid: 09.00 Varamedlemmer møter berre etter nærare innkalling SAKLISTE Sak nr. Arkivsak nr. Tittel 44/11 11/630 RULLERING AV RUSPOLITISK PLAN FOR BALESTRAND KOMMUNE 45/11 11/826 EIGENBETALING FOR HJELP I HEIMEN 2012 46/11 11/834 BETALINGSSATSAR I BARNEHAGANE 2012 47/11 11/835 BETALINGSSATSAR I SFO 2012 48/11 11/836 BETALINGSSATSAR I KULTURSKULEN 2012 49/11 11/827 BETALING FOR VAKTMEISTARTENESTE, MATOMBRINGING OG TRYGGLEIKSALARMAR 2012 50/11 11/838 LEIGESATSAR I BELEHALLI 2012 51/11 11/843 GEBYR 2012 - VATN, AVLØP, FEIING/TILSYN 52/11 11/833 GEBYRREGULATIV RENOVASJON OG SLAMTØMMING 2012 53/11 11/832 GEBYRREGUATIV TIL PLAN OG BYGNINGSLOVA 2012

54/11 11/842 REGULATIV FOR BRUK AV KOMMUNAL KAI 2012 55/11 11/679 BUDSJETT 2012, ØKONOMIPLAN 2012-2015 56/11 10/952 ARBEIDSGRUPPE - FIBERBASERT BREIBAND 57/11 11/824 ELEKTRONISK LØYSING FOR SAKER TIL POLITISK HANDSAMING 58/11 11/828 OPPTAK AV STARTLÅN FOR VIDARE UTLÅN YMSE Balestrand 12.02.14 Harald N. Offerdal Ordførar

Sak 44/11 MØTEBOK Sak nr.: Utval Møtedato 16/11 Utval for oppvekst og omsorg 08.11.2011 44/11 Formannskapet 09.11.2011 / Kommunestyret Sakshandsamar: Ken Heine Bakke Arkiv: 144 Arkivsaknr.: 11/630 RULLERING AV RUSPOLITISK PLAN FOR BALESTRAND KOMMUNE Vedlegg: Bakgrunn: Lovheimel: Vedteken ruspolitisk plan Utkast til ruspolitisk plan for Balestrand kommune av 01.11.2011 Moment til ruspolitisk plan Uttale frå kommunelege Uttale frå NAV Uttale frå folkehelsekoordinator Uttale frå Sagatun skule Uttale frå Sygna SIRUS rapport 2/2011 Utdeling av skjenkeløyver i ny periode Alkohollova SAKSOPPLYSNINGAR Ruspolitisk plan er vedteken i kommunestyre 22.5.2008 i sak 23/08. Denne skal handsamast politisk før ein tek stilling til einskildsøknader om sals- og skjenkekløyve for neste fireårsperiode. VURDERING Det er innhenta innspel frå NAV, kommunelege, den største grunnskulen som inneheld ungdomsskuletrinn, folkehelsekoordinator i kommunen og Sygna vidaregåande skule. Alle unnateke Sygna vidaregåanede skula har svara. Ein forsøker å leggje til grunn nasjonale og lokale konsekvensar av rusmisbruk. Punkt 6.2.2 E) seier: Administrasjonen og utval for oppvekst og omsorg syter for at dei ulike løyvehavarane får delta på møte der ulike sider av praktiseringa av løyva vert drøfta. Her bør ein kanskje vurdere å sende invitasjon til løyvehavarane i eige drøftingsmøte saman med utval for oppvekst og omsorg før ein vedtek ny ruspolitisk plan. Tidsavgrensingar for sal og skjenking Det har det siste året ikkje kome inn søknader om utviding av skjenketid og ein ser difor ikkje dette som noko problem.

Sak 44/11 Det er no tilrådd at sal av alkoholhaldig drikk med inntil 4,7 volumprosent alkohol kan skje i den opningstida som truleg vil vere aktuell for daglegvareforretningane delar av året, dvs til kl 20 på kvardager og kl 18 på laurdager. Dette er i samsvar med det løyvet dei to forretningane i sentrum faktisk har hatt det siste året. I høve til skjenketider, har det ikkje vore registrert problem i tilknyting til dette. Ein tilrår at skjenketida vert sett til 08.00-02.00 for drikk med alkoholinnhald under 22 volumprosent og til 13.00-01.00 for drikk med alkoholinnhald 22 volumprosent og meir slik det har vore i inneverande periode. Stader som får løyve til sal og skjenking Eit anna tema som kan vere vanskeleg å vurdere, er definering av type verksemd som kan få ulike løyve. Det er i gjeldande plan trekt eit skilje mellom restaurant og kafé som kan by på problem i praksis, og det er såleis rådmannen si vurdering at ein nøye bør vurdere dette. Når det gjeld handlingsplan og tiltak, er det rådmannen si vurdering at desse bør vere mest mogeleg realistiske, og at det bør vere fokus på oppfylgjing etter at planen er vedteken. Samarbeidet i SLT (politiråd) og folkehelserådet bør framleis prioriterast. Folkehelsekoordinator peikar på at dette ikkje har fungert dei 3 siste åra og legg stor vekt på at dette arbeidet kjem i gang att. NAV-kontor i kommunen legg til rette for ei bedre oppfylgjing av menneske med rusproblem, ved at kommunale og statlege tenester vert sett meir i samanheng. NAV har opplevd nokre saker der alkoholmisbruk er eit stort problem der det er behov for mykje personleg oppfylgjing samt koordingering med andre instansar i hjelpeapparatet og bruker mykje tid i perioder på desse oppgåvene. NAV har ikkje innrykk av at det er eit spesielt stort synleg rusproblem blant ungdom i Balestrand per no. Når det gjeld ambulerande skjenkeløyve er det gjeve løyve ved alle søknadar og det er spesielt ein søkjar som har gått att her.den staden det har vorte gitt mest ambulerande løyver er det no søkt og gitt ålment løyve for og ein ser soleis at dette ikkje kjem til å vere noko som går att. Alkohol er ei lovleg vare, og mange menneske har stor glede av å nyte alkohol i moderate mengder. Det er dessutan nokså store næringsinteresser knytt til sal og skjenking av alkoholhaldig drikk. Samstundes er det brei semje om at ein med ulike virkemiddel skal avgrense bruken av alkohol. Det har samanheng med at bruk av alkohol medfører skadeverknader for ein del menneske og kan vere årsak til ulukker og dødsfall og ha negative samfunnsmessige effektar gjennom dei samla skadeverknadene. Det vert vist til vedlagt utkast. Saka vert lagt fram utan nærare vurdering eller tilråding. Eit vedtak i saka kan eventuelt utformast slik: Det vert fastsett ruspolitisk plan for Balestrand kommune i samsvar med utkast av 21.10.2011, men med desse endringane som skal innarbeidast i dokumentet: Rådmannen si tilråding:

Sak 45/11 MØTEBOK Sak nr.: Utval Møtedato 17/11 Utval for oppvekst og omsorg 08.11.2011 45/11 Formannskapet 09.11.2011 / Kommunestyret Sakshandsamar: Svein Feidje Arkiv: 231 Arkivsaknr.: 11/826 EIGENBETALING FOR HJELP I HEIMEN 2012 Vedlegg: Bakgrunn: Lovheimel: Lov om sosiale tenester 11-2 Lov om helsetenesta i kommunane 2-3 Forskrift til lov om sosiale tenester m.v. kap. 8 SAKSOPPLYSNINGAR I forskrift til lov om sosiale tenester m.v. er det regulert kva eigenbetaling som kan krevjast i høve til sosiale tenester, heimesjukepleie og opphald i institusjon. Det er ikkje høve til å krevja eigenbetaling for hjelp til å stå opp og legge seg, kle av og på seg, personleg hygiene, toalettbesøk, hjelp til å ete, naudsynt tilsyn og tilsvarande grunnleggjande trong. Dei tenestene det er høve til å krevja eigenbetaling for i denne samanheng er då: - Anna praktisk hjelp og opplæring til eldre, funksjonshemma eller andre med særleg trong for hjelp i heimen. Dette omfattar heimehjelp, husmorvikar og tenester i verna bustad. Også hjelp til daglege gjeremål, herunder også hjelp til snømåking, vedhogging m.v. Forskrifta omfattar ikkje ordinær vaktmeisterteneste, matombringing eller tryggleiksalarm. For desse tenestene kan det fastsetjast eigne betalingsreglar. Det er ikkje høve til å krevja eigenbetaling for: - Støttekontakt etter Lov om sosiale tenester 4-2, bokstav c - Avlasting etter Lov om sosiale tenester 4-2, bokstav b - Omsorgsløn etter Lov om sosiale tenester 4-2, bokstav e.

Sak 45/11 Kommunen kan innanfor gjeldande lover og forskrifter fastsetja reglane for eigenbetaling sjølv. Ein må likevel følgja prinsippet om at eigenbetalinga ikkje kan overstige kommunen sine eigne utgifter (sjølvkost) og elles ikkje vedta høgare eigenbetaling enn at brukarar av tenestene har nok igjen til å oppretthalda ein forsvarleg levestandard, jf. lov om sosiale tenester 11-2. Satsane for eigenbetaling vart sist auka med 3 % med verknad frå 01.01.11. Reglane har ein profil som inneber at storforbrukarar av denne tenesta vert skjerma ved ei abonnementsordning, og det er høve til å fråvika reglane for eigenbetaling i særskilde høve. Med alternative auker på 3, 5 og 8 % vil dei ulike satsane for brukarane av tenestene verte: Skattbar netto inntekt Timesats inntil 7 timar/besøk pr. mnd Ab. for 8 tim./besøk eller meir pr.mnd i dag 3 % 5 % 8 % i dag 3 % 5 % 8 % Inntil 2 G 35 36 37 38 150 2G - 3G 82 84 86 89 701 722 736 757 3G - 4G 141 145 148 152 1 173 1 208 1 232 1 267 4G - 5G 194 200 204 210 1 695 1 746 1 780 1 831 over 5G 216 222 227 233 2 138 2 202 2 245 2 309 Dei som mottek hjelp i heimen med 7 besøk/time eller mindre pr. mnd. betalar ein pris pr. besøk/time. Dei som mottek hjelp i heimen med 8 besøk/timar eller meir pr. mnd. betalar eit fast abonnement pr. mnd. Det faste abonnementskravet vert berre stansa ved avvikling av tilbodet, eller ved samanhengande avbrot på minimum ein månad. Det har tidlegare vore fastsett at rådmannen i særskilde høve kan fråvika reglane for eigenbetaling. Sporadiske besøk til heimar som elles ikkje mottek regelmessig heimesjukepleie/heimehjelp fører ikkje til krav om eigenbetaling. Elles gjeld rundskriv I-46/97: "Endring av forskrift om vederlag for sosiale tenester, heimesjukepleie, og for opphald i institusjon m.v. inntil dette vert avløyst av nye reglar. VURDERING Rådmannen si tilråding: Eigenbetalinga for hjelp i heimen vert auka med... %. Dette fører til slike betalingssatsar for 2012:

Sak 45/11 Skattbar netto inntekt Timesats inntil Ab. for 8 t/besøk 7 t/besøk pr mnd eller meir pr mnd ----------------------------- --------------------- --------------------- Inntil 2 G 2G-3G 3G-4G 4G-5G over 5 G 1. Dei som mottek hjelp i heimen med 7 besøk/time eller mindre pr. mnd. betalar ein pris pr. besøk/time i samsvar med tabellen over. 2. Dei som mottek hjelp i heimen med 8 besøk/timar eller meir pr. mnd. betalar eit fast abonnement pr. mnd. i samsvar med tabellen over. 3. Det faste abonnementskravet vert berre stansa ved avvikling av tilbodet, eller ved samanhengande avbrot på minimum ein månad. 4. Rådmannen kan i særskilde høve fråvika reglane for eigenbetaling. 5. Sporadiske besøk til heimar som elles ikkje mottek regelmessig heimesjukepleie/heimehjelp fører ikkje til krav om eigenbetaling. 6. Elles gjeld rundskriv I-46/97: "Endring av forskrift om vederlag for sosiale tenester, heimesjukepleie, og for opphald i institusjon m.v. inntil dette vert avløyst av nye reglar. 7. Dei nye betalingssatsane gjeld frå 01.01.2012.

Sak 46/11 MØTEBOK Sak nr.: Utval Møtedato 18/11 Utval for oppvekst og omsorg 08.11.2011 46/11 Formannskapet 09.11.2011 / Kommunestyret Sakshandsamar: Kari Rønnestad Arkiv: 231 Arkivsaknr.: 11/834 BETALINGSSATSAR I BARNEHAGANE 2012 Vedlegg: Bakgrunn: Lovheimel: SAKSOPPLYSNINGAR Det skal i samband med budsjettet for 2012 takast stilling til kva satsar som skal nyttast i høve til plass i barnehage. Frå 01.01.12 er den sentralt fastsette maksimalprisen for heil plass i barnehage kr. 2.330 pr. mnd (som for 2011). Frå 01.01.2007 har Balestrand kommune hatt foreldrebetaling i barnehage tilsvarande denne maksimalprisen for heil plass. Dersom kommunen vel å framleis nytte maksimalprisen vert resultatet slik: Dagar/timar tilbod pr veke Sats 2009 Sats 2010 Sats 2011 Sats 2012 2 dagar, 16 t K 930 930 930 930 2 dagar, 18 t 930 930 930 930 2,5 dagar 22,5 t 1.165 1.165 1.165 1.165 3 dagar, 24 t K 1.400 1.400 1.400 1.165 3 dagar, 27 t 1.400 1.400 1.400 1.400 4 dagar, 36 t 1.860 1.860 1.860 1.860 5 dagar, 45 t 2.330 2.330 2.330 2.330 K: Tilbod til dei med kontantstøtte. Satsane for syskjenmoderasjon må i høve til sentrale føresegner oppretthaldast som før, d.v.s. 30 % for barn nr. 2 og 50 % for barn nr.3.

Sak 46/11 For dagbarn er betalinga i dag kr.124 pr. dag inntil 6 timar. For lengre opphald vert det betalt eit tillegg på kr 21 pr. påbegynt time. Ved for sein henting av barn må føresette betale kr. 170 for kvar påbegynt time. VURDERING Rådmannen legg til grunn at ein nyttar maksimalprisen som vert fastsett av Stortinget, og har ut frå dette tilrådd dei satsane som pr i dag fylgjer av statsbudsjettet. Rådmannen si tilråding: 1. Betalingssatsane i barnehagane skal vere i tråd med sentralt fastsett maksimalpris. Dette fører til slike satsar i 2012: Dagar / timer pr. veke Sats 2 dagar, 18 t 930 2,5 dagar 22,5 t 1.165 3 dagar, 27 t 1.400 4 dagar, 36 t 1.860 5 dagar, 45 t 2.330 2. Syskenmoderasjon vert gjeve med 30 % reduksjon for barn nr.2 og 50 % for barn nr.3. 3. For dagbarn inntil 6 timar pr. dag vert betalinga kr 124 pr. dag. For lengre opphald vert det betalt eit tillegg på kr 21 pr. påbegynt time. 4. Det skal vere same foreldrebetalinga for barn over og under 3 år. 5. Ved for sein henting av barn vert det å betale ein sum, kr 170 for kvar påbegynt time. 6. Søknad om heil/delvis friplass vert å sende NAV. 7. Foreldrebetalinga forfell den 12. i kvar månad. 8. Betalinga frå heimane kan regulerast i samband med utarbeiding av budsjett for komande år.

Sak 47/11 MØTEBOK Sak nr.: Utval Møtedato 21/11 Utval for oppvekst og omsorg 08.11.2011 47/11 Formannskapet 09.11.2011 / Kommunestyret Sakshandsamar: Kari Rønnestad Arkiv: 231 Arkivsaknr.: 11/835 BETALINGSSATSAR I SFO 2012 Vedlegg: Bakgrunn: Lovheimel: SAKSOPPLYSNINGAR Det skal i samband med budsjett for 2012 takast stilling til kva satsar som skal nyttast i høve til plass i skulefritidsordninga. Satsane for 2011 har vore sett til kr. 22 pr. time og vart ikkje auka frå 2010. Av tabellen nedanfor går det fram kva satsane vert med ein auke på 5 %, 10 % og 20 %. I dag 5 % 10 % 20 % 22 23 24 26 Det vert tilrådd at ein held fast ved å nytte ein avrunda sats pr time som grunnlag for betalinga i SFO. For dagbarn har det vore ei betaling på kr. 33 pr time. Dersom denne skal auke tilsvarande, vert satsane høvesvis kr 35, kr 36 og kr 40. VURDERING

Sak 47/11 Rådmannen si tilråding: 1. Betalingssatsen for skulefritidsordninga vert auke med.. %. Dette fører til slik betalingssats pr time i 2012: Kr... pr. time. 2. Ved endring i opningstid kan rådmannen endre satsane i høve prinsippet om lik sats pr. time. 3. Det vert betalt for heile og halve timar. 4. Syskenmoderasjon vert gjeve med 30 % reduksjon for barn nr. 2 og 50 % reduksjon for barn nr. 3. 5. For dagbarn vert det betalt kr.. pr. påbegynt time. 6. Søknad om heil/delvis friplass vert å sende NAV 7. Foreldrebetalinga forfell den 12. i kvar månad. 8. Betalinga frå heimane kan regulerast i samband med utarbeiding av budsjett for komande år.

Sak 48/11 MØTEBOK Sak nr.: Utval Møtedato 19/11 Utval for oppvekst og omsorg 08.11.2011 48/11 Formannskapet 09.11.2011 / Kommunestyret Sakshandsamar: Kari Rønnestad Arkiv: 231 Arkivsaknr.: 11/836 BETALINGSSATSAR I KULTURSKULEN 2012 Vedlegg: Bakgrunn: Lovheimel: SAKSOPPLYSNINGAR Tabellen nedanfor viser kva tilbod og betalingssatsar ein har hatt for kulturskulen i 2011, og kva eventuell endring i betaling vil bli ved auke med 3 8 %. Satsar pr. halvår I dag 3 % 5 % 8 % 1. Instrumentalopplæring/ einskildelev 20 min, 2 elevar 30 min 1 310 1350 1380 1410 2. Instrumentalopplæring/ gruppe (3-6 elevar) 45 min 1 170 1210 1230 1260 3.. Kortare kurs 1 t/v, 8-10 veker 720 740 760 780 4 Gruppe - 6 elevar eller meir 60-90 min. 1040 1070 1090 1120 2. Syskenmoderasjon etter reglane: Søsken nr. 1: 15 %, søsken nr. 2 eller fleire: 25% 3. Det er same betalingssats for barn, ungdom og vaksne VURDERING

Sak 48/11 Rådmannen si tilråding: 1. Betalingssatsane for kulturskulen vert auka med.. %. Dette fører til slike satsar for 2012: Instrumentalopplæring/einskildelev 20 min, 2 elevar 30 min Instrumentalopplæring gruppe (3-6 elevar) 45 min Gruppe 6 elevar eller meir 60-90 min. Kortare kurs 1 t/v, 8-10 veker 2. Syskenmoderasjon etter reglane: Søsken nr. 1: 15 %, søsken nr. 2 eller fleire: 25% 3. Det er same betalingssats for barn, ungdom og vaksne

Sak 49/11 MØTEBOK Sak nr.: Utval Møtedato 20/11 Utval for oppvekst og omsorg 08.11.2011 49/11 Formannskapet 09.11.2011 / Kommunestyret Sakshandsamar: Svein Feidje Arkiv: 231 Arkivsaknr.: 11/827 BETALING FOR VAKTMEISTARTENESTE, MATOMBRINGING OG TRYGGLEIKSALARMAR 2012 Vedlegg: Bakgrunn: Lovheimel: Lov om sosiale tenester 11-2 Rundskriv I-46/97 8-3 SAKSOPPLYSNINGAR Ambulerande vaktmeistar utfører ulike oppgåver for eldre og uføre: Montering/registrering av tryggleiksalarmar Oppsetting av hjelpemiddel Matombringing Snømåking/vedhogging/strøing Utsetting av søppeldunkar Henting av dagpasientar Avlesing av straum Småreparasjonar/utbetring i heimar, t.d.: Oppsetting av klesnorer, opphenging av lamper og dusjforheng, utbetring av lekkasjer, vask av vindauge ved vanskeleg tilkomst, klipping av hekk osv. Ein del av oppgåvene som vert utført vert det ikkje krevd eigenbetaling for. Dette er tenestetilbod som kommunen skal ha. For oppgåver som vedhogging og snømåking vert det kravd eigenbetaling med heimel i lov om sosiale tenester 11-2. Ein må ved fastsetjing av timesats ta omsyn til I rundskriv nr.46 / 97 8-3: Eigenbetaling må ikkje overskride kommunens selvkost og tenestemottakeren må selv beholde tilstrekkelig av sin inntekt til å dekke personlige behov og bære sitt ansvar som forsørger.

Sak 49/11 Desse tenestene som fell utanfor ordninga med eigenbetaling for hjelp i heimen er i 2011 prisa til kr 116 per time. Det vil innanfor regelverket vere høve til å auke satsen ein del. Dette er oppgåver som ikkje er lovpålagde og det er heller ikkje alle kommunar som har tilbod om desse tenestene. Helsetunet - korttidsopphald Eigenbetaling etter til ei kvar tid gjeldande forskrifter. Helsetunet - dag/nattopphald Eigenbetaling etter til ei kvar tid gjeldande forskrifter. Matombringing Det vert i dag gjeve tilbod om matombringing etter søknad. Dette vert sett på som eit godt tilbod for dei eldre og gjer at ein sikrar fleire heimebuande variert og næringsrik mat. Det er samstundes enklare for eldre som av ymse årsaker har vanskar med matlaging å bu heime. Tenesta er ikkje vurdert til å kome inn under lov om sosiale tenester i kap. 4. Tenesta kan derfor bli heilt eller delvis stoppa om det er vanskeleg å yte hjelp til alle, t.d. i høgtider, feriar og ved sjukdom. Prisen vart pr 01.01.11 auka frå kr 78 til kr 80 inkludert tilkøyring. Auke i betalingssatsane vil med utgangspunkt i ovannemnde føre til slik endring ved auke på 3 %, 5 % eller 8 %. + 3 % = kr 82 pr middag + 5 % = kr 84 pr middag + 8 % = kr 86 pr middag Tryggleiksalarm Balestrand kommune har avtale om leige av alarmtelefonar. Desse vert formidla av heimetenestene. Tryggleiksalarm kan vere eit tilbod til eldre og/eller funksjonshemma som ved litt hjelp framleis kan bu heime. Med tryggleikstelefonen og den berbare alarmknappen, kan brukaren og pårørande føle større tryggleik når brukaren vel å bu i eigen heim. Om uhellet er ute, trykkjer ein på alarmknappen. Denne sender eit signal til tryggleikstelefonen som automatisk ringjer etter hjelp. Uansett kor ein befinn seg i bustaden, kan ein snakke med den som blir ringt opp og meddele kva som er skjedd. Kan ein ikkje få sagt noko, vil tryggleikstelefonen "fortelje" kven ein er og ein får hjelp i alle tilfelle. For 2011 vart leigeprisen for naudtelefon fastsett til kr 150 pr månad. Kommunen har avtale med Alarmsentralen for Sogn og Fjordane IKS. Dette dekka den kostnaden kommunen har ved leige. Det var då ikkje teke høgd for kommune sine kostnader til administrasjon og fakturering. Denne er for 2011 sett til kr 25 pr månad pr telefon. Oversikt over satsar for 2011: Vaktmeistartenester: kr 116 pr. time Matombringing: kr. 80. pr. middag fritt tilkøyrt

Sak 49/11 Tryggleiksalarm: Kommunen sin leigekostnad, p.t kr 150 pr mnd. med tillegg av administrasjonsgebyr kr 25. VURDERING Rådmannen si tilråding: Det vert fastsett slike betalingssatsar for 2012: Vaktmeistartenester: kr. pr. time Matombringing: kr... pr. middag fritt tilkøyrt Tryggleiksalarm: Kommunen sin leigekostnad vert sett til sjølvkost som p.t er kr 150 pr mnd. med tillegg av administrasjonsgebyr kr 25.

Sak 50/11 MØTEBOK Sak nr.: Utval Møtedato 27/11 Utval for plan og utvikling 08.11.2011 50/11 Formannskapet 09.11.2011 / Kommunestyret Sakshandsamar: Arne Abrahamsen Arkivsaknr.: 11/838 Arkiv: 231 D11 LEIGESATSAR I BELEHALLI 2012 Vedlegg: Framlegg til leigesatsar for 2012 Bakgrunn: Lovheimel: SAKSOPPLYSNINGAR Leigesatsane for Belehalli for tilfeldig utleige vert godkjent av kommunestyret i samband med budsjettet kvart år. Det har vore vanleg å regulere leigeprisane i takt med løns- og prisstigning. Kommunen sine kostnader med drift av Belehalli er i stor grad relatert til løn, energi og vedlikehaldskostnader. Desse kostnadene aukar jamt, og det er ut i frå dette naturleg å auke leigeprisane tilsvarande. VURDERING Leigeprisane for 2012 er i framlegg til leigesatsar sett opp med 5% stigning Rådmannen si tilråding: Balestrand kommune aukar leigesatsane for Belehalli med 5% frå 2011 til 2012 i tråd med vedlagt oppsett over leigesatsar for Belehalli.

Sak 51/11 MØTEBOK Sak nr.: Utval Møtedato 28/11 Utval for plan og utvikling 08.11.2011 51/11 Formannskapet 09.11.2011 / Kommunestyret Sakshandsamar: Åge Skrede Arkiv: 231 Arkivsaknr.: 11/843 GEBYR 2012 - VATN, AVLØP, FEIING/TILSYN Vedlegg: Bakgrunn: Lovheimel: Forslag til gebyr for 2012, vatn, avløp og feiing/tilsyn SAKSOPPLYSNINGAR Gebyra for vatn, avløp og feiing/tilsyn skal dekke dei faktiske kostnadane kommunane har for å utføre desse tenestene. VURDERING Når vassverket no er ferdig vil kapitalkostnadene gjere til at kostnadsgrunnlaget, som er utgangspunktet for gebyrsatsane, vil auke. På den andre sida vil avsette midlar til fond gjere til at kostnadsgrunnlaget vil kunne reduserast slik gebyrsatsane kan haldast jamne i tida framover. Det vert jobba med ein gjennomgang av det samla grunnlaget for sjølvkostberekningar. Dette er eit omfattande arbeid då vi samstundes må kvalitetssikre avskrivingar og avsetningar som er gjort tidlegare år. For å få oversyn over driftskostnadane må ein og ha regnskapstalla for 2011 som er det første heile året med full drift. Inntil dette arbeidet er ferdigstilt vert det lagt opp til ei prisstigning på årsgebyret på vatn på 4% i samsvar med den generell prisstigninga medan tilknytingsgebyret vert uendra. For avløp har kostnadsnivå stort sett vore i balanse med inntektene og det er av den grunn føreslege at det heller ikkje for neste år vert auke av gebyrsatsane. Sogn Brann og Redning IKS jobbar med framlegg til eit felles feie/tilsynsgebyr for regionen. Inntil dette ligg føre er det lagt opp til 30% auke for ikkje å kome skeivt ut. Ei evt. justering vil ein måtte komme tilbake til.

Sak 51/11 Rådmannen si tilråding: VATN: Gebyret vert auka med 4 % frå 2011 til 2012. Tilknyttingsgebyret vert uendra. AVLØP: Gebyret vert ikkje auka frå 2011 til 2012. Tilknyttingsgebyret vert uendra. FEIING / TILSYN: Gebyret vert auka med 30 % frå 2011 til 2012.

Sak 53/11 MØTEBOK Sak nr.: Utval Møtedato 29/11 Utval for plan og utvikling 08.11.2011 52/11 Formannskapet 09.11.2011 / Kommunestyret Sakshandsamar: Åge Skrede Arkiv: 231 Arkivsaknr.: 11/833 GEBYRREGULATIV RENOVASJON OG SLAMTØMMING 2012 Vedlegg: Bakgrunn: Lovheimel: SAKSOPPLYSNINGAR Representantskapet i SIMAS har vedteke å auke renovasjonsgebyret med 4 % og ha slamgebyret uendra for 2012. Balestrand har i dei fem siste åra hatt eit høgare renovasjonsgebyr enn SIMAS for å dekke inn eit negativt fond. Dette fondet var ved utgangen av 2009 på 144.000 og ved utgangen av 2010 på 177.000. Årsaka til at fondet aukar trass i høgare renovasjonsgebyr er at drifta av miljøstasjonen går i minus. Dette vil vere diskusjonstema når det skal forhandlast med SIMAS om ny driftsavtale no i november. VURDERING Balestrand kommune må framleis ha eit noko høgre gebyr for å oppnå balanse i renovasjonsfondet. Ein vi ut i frå dette tilrå same prosentvise auke som for SIMAS generelt. Eit standardabonnement vil med 4% auke stige frå 2 671,- + mva til 2 778,- + mva. Rådmannen si tilråding: Satsane i Kapittel 6 i "Betalingsregulativ for gebyr etter ureiningslova 26 og 34 - renovasjon og kloakkslam" vert auka med 4 % frå 2011 til 2012. Satsane i Kapittel 7 i "Betalingsregulativ for gebyr etter ureiningslova 26 og 34 - renovasjon og kloakkslam" vert uendra frå 2011 til 2012.

Sak 53/11 MØTEBOK Sak nr.: Utval Møtedato 30/11 Utval for plan og utvikling 08.11.2011 53/11 Formannskapet 09.11.2011 / Kommunestyret Sakshandsamar: Åge Skrede Arkiv: 231 Arkivsaknr.: 11/832 GEBYRREGUATIV TIL PLAN OG BYGNINGSLOVA 2012 Vedlegg: Gebyrregulativ til plan og bygningslova for 2012 Bakgrunn: Lovheimel: Plan og bygningslova 33-1 SAKSOPPLYSNINGAR Frå og med 2012 har kommunen inngått avtale om interkommunalt byggetilsyn med Sogn Brann og Redning IKS, kommunestyresak 21/11. Det er føresett at kostnaden med dette skal skje gjennom auka byggesaksgebyr. VURDERING Kostnaden med byggetilsyn er for Balestrand sin del budsjettert med 85 000. Sidan gebyrinntektene dei siste åra har vore mellom 40 000 og 60 000 må ein auke inntektene vesentleg. For ikkje å ta alt på eit år legg ein opp til 50% auke frå 2012. Rådmannen si tilråding: Balestrand kommune vedtek Gebyrregulativ til plan og bygningslova for 2012 i samsvar med vedlagt gebyrregulativ.

Sak 54/11 MØTEBOK Sak nr.: Utval Møtedato 31/11 Utval for plan og utvikling 08.11.2011 54/11 Formannskapet 09.11.2011 / Kommunestyret Sakshandsamar: Arne Abrahamsen Arkivsaknr.: 11/842 Arkiv: 231 P24 REGULATIV FOR BRUK AV KOMMUNAL KAI 2012 Vedlegg: Framlegg til regulativ for bruk av kommunal kai for 2012 Bakgrunn: Lovheimel: SAKSOPPLYSNINGAR Kommunen fastset betalingssatsane for bruk av kommunal kai i samband med budsjettet kvart år. I vedlagd framlegg til satsar er ca 5% prisauke nytta. For nokre punkt er satsane avrunda og dels sett opp mot auken året før. VURDERING Den innlagde auken følgjer i hovudsak kommunen sine generelt auka kostnader til løn, utstyr, materiell og andre driftsmiddel. Det er sjølvsagt mogeleg å fastsetje andre prisar og også prosentvis ulike prisendringar frå sats til sats. Rådmannen si tilråding: Balestrand kommune fastset betalingssatsane bruk av kommunal kai for 2012 i samsvar med vedlagd regulativ for kaileige 2012.

Sak 55/11 MØTEBOK Sak nr.: Utval Møtedato 39/11 Formannskapet 17.10.2011 55/11 Formannskapet 09.11.2011 Sakshandsamar: Svein Feidje Arkiv: 151 Arkivsaknr.: 11/679 BUDSJETT 2012, ØKONOMIPLAN 2012-2015 Vedlegg: Rådmann sitt arbeidsgrunnlag 12.10.11- tekstdel (utsendt tidlegare) Rådmann sitt arbeidsgrunnlag 12.10.10 taldel (utsendt tidlegare) Enring i rådmann sitt budsjettframlegg av 12.10.11 nr. 1 Investerigsprogram 2012 2015 datert 02.11.11 Bakgrunn: Lovheimel: Kommunelova 44og 45 SAKSOPPLYSNINGAR Med dette vert arbeidsgrunnlaget for budsjett for 2012 og økonomiplan for perioden 2012-2015 lagt fram Arbeidsgrunnlaget består av desse delane: - Handlingsprogram og økonomiplan for perioden 2012-2014 - Investeringsprogram 2012-2015 - Samandrag av arbeidsgrunnlaget - Oversyn over økonomiplanperioden - Tiltaksliste over moglege tiltak for auka inntekter/reduserte utgifter og tiltak som bør vurderast inn i budsjettet ved auka ramme er førebels teke med under kvart kap.som er levert ifrå budsjettansvarleg Det vert elles vist til oppsumering ifrå budsjettmøte 19.09.11 (utsendt) Arbeidsgrunnlaget er i samsvar med fastsette rutinar utarbeidd i eit samarbeid der dei budsjettansvarlege har delteke,men dei oppsumeringane og samanfattningane som er gjort er det Rådmann som står ansvarleg for.

Sak 55/11 I arbeidsgrunnlaget er hovudfokus så langt sett på neste års budsjett.endringar er omtalt i den utstrekning ein kjenner til forhold som tilseier vesentlege endringar ihøve til utgifter og inntekter i 2011. Formannskapet har føresett at Rådmann legg fram eit arbeidsgrunnlag i balanse,så langt er ikkje det gjort,då det var store avvik i høve tildelte rammer og innkomne forslag ifrå budsjettansvarlege.det inneber at ein har gjort nokre val i utgangspunktet som skal vere gjenstand for politisk vurdering vidare i prosessen. Av arbeidsgrunnlaget går det fram kva Føresetnader som er lagt inn i budsjettet ifrå administrasjonen si side. Separate tiltakslister er ikkje framlagt no,noko administrasjonen vil kome attende til. Når det gjeld fastsetjing av konkrete og målbare mål for den kommunale verksemda,har det så langt ikkje vore arbeidd så mykje med denne delen ifrå administrasjonen si side. Statsbudsjettet vart lagt fram 06.10.11.Ein har såleis hatt informasjon om forventa rammeoverføring og skatte inntekter i statsbudsjettet før ferdigstilling av arbeidsgrunnlaget. Erfaringsmessig vil det likevel ta noko tid før ein får klarlagt alle konsekvensane for kommunen.det vert elles vist til fastsett plan for det vidare arbeidet med saka. VURDERING Det er viktig å ikkje leggje meir i arbeidsgrunnlaget enn det det er,nemeleg eit utgangspunkt for å arbeide vidare med budsjettet for 2012.og økonomiplanen.administrasjonen har ikkje med dette gjort seg ferdig med sine vurderingar i høve til kva som er realistiske overslag over inntekter og utgifter for neste år og åra vidare framover eller kva tiltak som det kan vere mogeleg å gjennomføre.ein må pårekne behov for vidare utgreiingar og at det kan kome mange nye opplysningar undervegs i budsjettprosessen. Arbeidet med grunnlag for budsjett og handlingsprogram for åra framover har vist at den stramme styringa av den kommunale verksemda må halde fram.det er all grunn til å oppretthalde ei nøktern haldning til nye tiltak som aukar utgiftene.kommunen vil ha utfordringar framover som tilseier at det er naudsynt med eit godt og konstruktivt samarbeid i heile kommuneorganisasjonen kring vidare omstilling av verksemda.samstundes må det tilretteleggjast for å oppnå auka aktivitet i Balestrand samfunnet,og auka inntekter for kommunen kunne ha prioritet. Rådmannen si tilråding: 1. Formannskapet vedtek som eit fyrste høyringsutkast til budsjett 2012 og økonomiplan 2012-2015 arbeidsgrunnlag av 06.10.2011 frå rådmannen med fylgjande endringar: 2. Formannskapet ber utvala vurdere mål,planar og budsjettrammer for 2012 og resten av økonomiplanperioden og prioritere tiltak innanfor sine ansvarsområde. 3. Balestrand kommune legg høyringsutkast til budsjett 2012 og økonomiplan 2012-2015 ut på høyring i tidsrommet 18.10.11-31.10.11 på fylgjande stader:

Sak 55/11 Balestrand Rådhus Balestrand folkebibliotek Nessane sambrukshus Fjordtun oppvekstsenter Framlegget vert sendt fylgjande organ til uttale: Utval for oppvekst og omsorg Utval for plan og utvikling Råd for eldre og menneske med nedsett funksjonsevne Balestrand ungdomsråd Balestrand sokneråd Handsaming: Formannskapet : Formannskapet kom samla fram til følgjande vedtak. Vedtak Formannskapet : Vedtak Formannskapet ber rådmannen legge fram eit saldert budsjett innanfor disponible rammer innan 23.11.2011. Samrøystes.

Sak 56/11 MØTEBOK Sak nr.: Utval Møtedato 56/11 Formannskapet 09.11.2011 Sakshandsamar: Johannes Sjøtun Arkiv: 027 Arkivsaknr.: 10/952 ARBEIDSGRUPPE - FIBERBASERT BREIBAND Vedlegg: Bakgrunn: Lovheimel: Framlegg til strategi for utbygging av fiberbasert breiband SAKSOPPLYSNINGAR Balestrand formannskap gjorde i møte 11.11.2010 følgjande vedtak: «Balestrand kommune har som mål at alle innbyggjarar og verksemder i Balestrand kommune har eit tilfredsstillande fiberbasert breibandtilbod innan utgangen av 2015. Fylgjande arbeidsgruppe vert sett ned for utarbeiding av framlegg til konkret strategi for å nå desse måla. Gabriel Slørdahl, Ken Heine Bakke, Tore Feten. Rådmannen syter for tilfredsstillande støtte til arbeidet frå administrasjonen.» Rådmannen peika ut Åge Skrede og Johannes Sjøtun til å bidra til arbeidet i gruppa. Gruppa har komme fram til vedlagde framlegg for å oppnå målsetjinga i mandatet. Rådmannen si tilråding: Saka vert lagt fram utan tilråding frå administrasjonen.

Sak 57/11 MØTEBOK Sak nr.: Utval Møtedato 57/11 Formannskapet 09.11.2011 / Kommunestyret Sakshandsamar: Ken Heine Bakke Arkiv: 064 Arkivsaknr.: 11/824 ELEKTRONISK LØYSING FOR SAKER TIL POLITISK HANDSAMING Vedlegg: Papirlause møter fylkeskommunen Papirlaust politisk arbeid Sogndal kommune Heinvising til heimesida: Møte i formannskapet 16.06.10 i sak 36/10 Møte i formannskapet 23.09.10 i sak 57/10 Bakgrunn: Lovheimel: SAKSOPPLYSNINGAR Saka har vore oppe til handsaming to gonger tidlegare og sakstilfanget finn ein på heimesida til kommunen under møtekalender og sakspapir. 1. Møte i formannskapet 16.06.10 i sak 36/10 2. Møte i formannskapet 23.09.10 i sak 57/10 I samband med møte i formannskapet den 29.04.10 vart det protokollert slik konklusjon: Elektronisk sakstilfang til politikarane. Det vert bedt om det vert førebudd ei sak om dette til formannskapet. I møte den 16.06.10 gjorde formannskapet slikt vedtak: Balestrand kommune innfører elektronisk løysing for saker til politisk handsaming for formannskapet frå 01.10.10. Den enkelte medlemen held PC sjølv mot ei fastsett godtgjering.

Sak 57/11 Ein tek sikte på innføring av ei frivillig elektronisk løysing for heile kommunestyret frå ny valperiode. Det skal leggjast fram ei eiga sak til formannskapet sitt møte den 23.09.10 med nærare utgreiing av økonomiske og tekniske forhold, godtgjering m.v. I møte den 23.09.10 gjorde formannskapet slikt vedtak: 1. Balestrand kommune innfører elektronisk løysing for saker til politisk handsaming. I fyrste omgang vert dette utprøvd for formannskapet frå 01.10.10. 2. Saker med vedlegg vert gjort tilgjengeleg for medlemar og 1. varamedlemar via internett ved å ta i bruk politikarmodulen i sak-/arkivsystemet. For øvrige aktuelle mottakarar vil innkalling og saksutgreiingar vere tilgjengeleg på kommunen si heimeside på internett. Dersom nokon ynskjer sakstilfang i papirformat, må dette etter avtale hentast på rådhuset. 3. Inntil politikarmodulen i sak-/arkivsystemet kan nyttast, vert sakene sendt ut via e-post. Ikkje offentlege saker vert utdelt i møtet eller kan hentast på rådhuset. 4. Politiske medlemar og varamedlemar held sjølv PC-utstyr og løysing for internett og e- post. Den årlege godtgjeringa som ordninga skal gjelde for vert sett til kr 2.500. Dette vert avgrensa til faste medlemar. 5. Innføring av løysing som skal omfatte heile kommunestyret/alle politiske organ vert utgreidd i god tid før neste valperiode. Mange kommunar har etter kvart teke i bruk elektroniske løysingar. Val av løysing varierer mykje. Nokre kommunar held datautstyr for medlemane og tilpassa programløysingar, medan andre har valt vesentleg enklare modellar. Blant kommunane i sogneregionen har t.d. Sogndal kommune og Leikanger kommune valt høvesvis enkle løysingar. Balestrand kommunen har nytta seg av same løysing som fylkeskommunen og der får alle no sakspapira via dette systemet. Dvs. at ein har ei internettadresse ein loggar seg inn på og finn alle dokument. Behovet her er dokument som er unnateke offentleg sidan alle dokumenta er å finne på heimesida til kommunen. Økonomi: Det er, som tidlegare utgreiingar viser, ein del å spare økonomisk på å nytte seg av elektronisk utsending. I tillegg vil ein ved elektronisk utsending spare ein del arbeid med kopiering og annan handtering av papirutsendingar. Det vert teke sikte på at den enkelte medlemen sjølv held PC-utstyr, internettløysing heime m.v. For dette skal det betalast ei årleg godtgjering. Fleire kommunar har ei slik løysing. I vårt nærområde varierer dette ein del. I Luster kommune var godtgjeringa i 2009 kr 5.825 for medlemar og varamedlemar, i Sogndal kommune er godtgjeringa kr 3.000 for medlemane, kr 1.500 for fyrste varamedlem og kr 100 pr møte for andre varamedlemar, og i Leikanger kommune er godtgjeringa sett til kr 2.500 pr år (berre medlemane). Alle dei tre kommunane har innført elektronisk løysing for alle politiske organ. Når det gjeld utgifter knytt til implementering av løysinga, vil desse vere små. Reint programvaremessig påløper det truleg ingen nye utgifter. Dersom ein vel utsending pr e-post, vert det heller ingen andre nye driftsutgifter. Dersom ein skal nytte politikarmodulen i sak- /arkivsystemet kan det påløpe nokre nye utgifter knytt til omlegging/drift hos fylkeskommunen. Det kan også komme utviklingsutgifter knytt til ny løysig på heimesida.

Sak 57/11 Storleiken på dette har ein ikkje grunnlag for å seie noko om i dag. Ved innføring av elektronisk løysing for kommunestyret, må det ordnast med straumtilkobling for kring 20 personar på salen. Tekniske forhold Som nemnt vil det einaste behovet ved innføring for heile kommunestyret vere å tilrettelegge straumtilkobling for i alt ca 20 personar på kommunestyresalen. I nabokommunane har dette vore relativt enkle løysingar med låge utgifter. Det vil ikkje vere behov for internett-tilgang på kommunestyresalen, fordi saksdokumenta kan lastast ned til eigen PC før møtet. Ein har i dag likevel trådlaust internett på rådhuset, men det kan hende dette må oppgraderast noko. Andre forhold Raskare tilgang til saksdokument Miljøvinst ved at det ikkje vert trykt og frakta saksdokument Høve til å notere direkte i saksdokument på skjerm på PC. Notata vert lagra for seinare bruk. Med PC en har ein alltid tilgang til alle saksdokument, inkludert eigne notat Ein har tilgang til gamle saksprotokollar under møta. Feil som fylgje av utskrift/kopiering vert eliminert Ordningane i Sogndal og Leikanger Sogndal kommune starta med elektronisk utsending av sakspapir til politiske organ sommaren 2010. Reint teknisk skjer dette ved at aktuelle vedlegg vert innskanna og knytt til saksutgreiinga i sak-/arkivsystemet og sendt ut via e-post derfrå. Innkalling og saksutgreiingar vert sendt ut som word-dokument, slik at det er høve til å notere i dokumenta. I tillegg vert saksutgreiingane med alle vedlegg sendt ut i pdf-format. Sakene går ut elektronisk både til faste medlemar og alle varamedlemar. Ikkje offentlege saker vert ikkje sendt ut, men omdelt i møtet. Dei som ynskjer sakene i papirformat, eller som ynskjer å sjå dei ikkje offentlege sakene tidlegare, må sjølve hente desse på kommunehuset. Politiske medlemar held eigen PC. Det vert ikkje sendt ut saker i papirformat til nokon, men det vert tillaga eksemplar til utlegging på kommunehuset og biblioteket. Media og andre må hente saksutgreiingane på heimesida. Leikanger kommune har ei tilsvarande ordning som Sogndal kommune, innført frå januar 2010. Leikanger kommune sender dokumenta berre i pdf-format. Ordninga gjeld alle politiske organ. Ingen mottakarar får tilsendt dokument i papirformat. Aktuelle alternativ i Balestrand kommune Balestrand kommune har valt å ikkje sende ut noko på e-post, men opprette ei nettside som ein loggar seg inn på for å finne dokumenta. Denne løysinga er den beste med tanke på avgrensing i mengde og løysingar som finst på e-post. E-post utsending vil også Sogndal og Leikanger gå vekk frå på sikt av di mengd å sende på e-post fort vert for stor og ein lyt sende fleire gonger.

Sak 57/11 Løysing med eiga side har no Balestrand kommune fått også gjennom heimesida og alle dokument som er offentlege er å finne her. Det står då att til slutt å velje ei løysing for dei saker og dokument som er unnateke offenteleg. Her har ein førebels den løysinga som alt er nytta av formannskapet og som fortsatt er same løysinga som fylkeskommunen nyttar. Det er i tillegg kontakt med leverandør av heimesida for å sjå om dei kan levere ei tilsvarande side for innlogging der ein kan leggje saker unnateke offentleg. Opplæringsbehov Nokre vil kunne ha behov for grunnleggjande IKT-opplæring. Erfaringsmessig har ein sett at opplæringsbehov på internettløysing krev minst av di dei aller fleste no er komne på nett og nyttar dette. Dette seier også Peter Klett som har eit prosjekt med opplæring av kommunalt tilsette i kommunen. Behov for opplæring i dei ulike systema varierer mykje, men når det gjeld å nytte internett er dette noko alle beherska godt seier han. VURDERING Rådmannen vil tilrå at ein går over til elektroniske saks- og møtepapir for alle politiske organ. Når det gjeld godtgjersle, kan det synast rimeleg å sette denne til kr 2.000 pr år. Dersom den vert sett til kr 2.000 pr år, vil utgiftene med dette om lag tilsvare dei årlege kronemessige innsparingane med papir og porto. Omlegginga vil likevel vere ressursmessig gunstig, fordi ein får med seg dei andre føremonene og ikkje minst meir effektive prosessar og spart tid. Rådmannen si tilråding: 1. Balestrand kommune innfører elektronisk løysing for alle saker til politisk handsaming. 2. Alle saker er tilgjengelege på internett via heimesida. 3. Ikkje offentlege saker vert å finne på eiga side med sikker innlogging. 4. Politiske medlemar og varamedlemar held sjølv PC-utstyr og løysing for internett og e- post. Den årlege godtgjeringa som ordninga skal gjelde for vert sett til kr 2.000. Dette vert avgrensa til faste medlemar. 5. Innføring av løysing skal omfatte heile kommunestyret/alle politiske organ og skal gjelde frå vedtaksdato.

Sak 58/11 MØTEBOK Sak nr.: Utval Møtedato 58/11 Formannskapet 09.11.2011 / Kommunestyret Sakshandsamar: Svein Feidje Arkiv: 025 Arkivsaknr.: 11/828 OPPTAK AV STARTLÅN FOR VIDARE UTLÅN Vedlegg: Tilsagn om startlån av 26.08.11 Bakgrunn: Lovheimel: Lov om kommunar og fylkeskommunar 50 nr. 6 SAKSOPPLYSNINGAR Kommunen kan ta opp startlån i Husbanken til vidare utlån til privatpersonar. Startlån er behovsprøvd og kan omfatta blant anna unge i etableringsfssen, flykninar, personar med opphaldstilatelsepå humanitært grunnlag og andre økonomisk vanskelegstilte husstandar. Føremålet er å bidra til å skaffa og sikra eigne bustader for unge og vanskelegstilte. Ved tap på utlån har kommune risiko for dei første 25% av startlånet si restgjeld på tapstidspunktet. Staten har tapsrisko for dei siste 75%. Grunnlaget er heile restgjelda før oppgjer for sal er mottken. Balestrand kommune har tidlegare i år teke opp lån på kr 1,0 mill til vidare utlån. Med bakgrunn i at dette lånet er vidareutlånt og at det er fleire som har rett på startlån, har ein søkt Husbanken om ytterligare låneopptak på kr 0,5 mill som ein har fått tilsagn om. VURDERING Startlån kan vera ei gunstig finansieringshjelp for nokre. Ved at ein får startlån vil private finansinstitusjonar få betre tryggleik for sine lån og kunne tilby betre lånevilår, slik at den samla finasieringspakken for søkkjar kan bli betre. Ein kommune som er i ein fråflyttingssituasjon og som treng vertøy for å stimulera til ny aktivitet og busetjng kan nytta startlån aktivt som ein del av sitt arbeid. Det vert utfrå dette, og ei vurderig av aktuelt behov, tilrådd at kommunen tek opp startlån i Husbanken på kr 0,5 mill i samsvar med tilsagn frå Husbanken av 26.08.2011.

Sak 58/11 Rådmannen si tilråding: Det vert teke opp startlån i Husbanken på inntil 0,5 mill kr til vidareutlån til aktuelle søkjarar. Rådmann får fullmakt til å gjennomføre låneopptak og underskrive låneavtale og gjeldsbrev på vegne av kommune.