FUSA KOMMUNE REGULERINGSFØRESEGNER DETALJREGULERING STRANDVIK BYGDAPARK Del av gnr. 85, bnr. 2 m.fl. Datert : 26.04.2018 Revidert: xx.xx.xxxx Føresegnene er utarbeida i samsvar med plan- og bygningslova 12, og er saman med plankartet juridisk bindande for framtidig arealbruk. Reguleringsplanen omfattar areal som vist på plankart i målestokk 1 : 1000 datert 26.04.2018. Planen sitt formål er å legge til rette for park og miljøgate i Strandvik sentrum. Området er regulert til følgjande føremål: BYGNINGAR OG ANLEGG - Fritidsbusetnad - Bensinstasjon/vegserviceanlegg - Uthus/naust/badehus - Forretning/kontor/tenesteyting SAMFERDSELSANLEGG OG TEKNISK INFRASTRUKTUR - Offentleg Veg - Privat køyreveg - Offentleg fortau - Anna veggrunn - teknisk anlegg - Anna veggrunn - grøntareal - Offentleg kai - Privat parkering GRØNNSTRUKTUR - Friområde - Park LANDBRUKS-, NATUR- OG FRILUFTSFORMÅL OG REINDRIFT - Landbruksformål BRUK OG VERN AV SJØ OG VASSDRAG, MED TILHØYRANDE STRANDSONE - Friluftsområde i sjø og vassdrag - Friluftsområde i sjø og vassdrag med tilhøyrande strandsone - Badeområde
1. FELLESFØRESEGNER (PBL 12-7) 1.1. Krav til søknad om tiltak i GP. 1.1.1 Ved søknad om tiltak skal det leggjast fram detaljert situasjonsplan og -snitt av tiltak med kotehøgder i min. målestokk 1:500. 1.1.2 Situasjonsplan og -snitt skal syna plassering av uteplassar, treplattinger, terrenghandsaming, flaumsikring, leplantning og elles det som er av nye tiltak innanfor området GP. 1.1.3 Søknaden skal omtale tilhøvet til byggeskikk og estetisk tilpassing til landskap og miljø. 1.1.4 Det skal leggjast stor vekt på høg kvalitet i den arkitektoniske utforminga og materialbruk. 1.2. Presisering av kulturminnelova 1.2.1 Kjem det fram automatisk freda kulturminne under gravearbeid, pliktar den som grev å stanse arbeidet og melde frå til fylkeskonservatoren, jf. kulturminnelova 8. 1.4 Utfyllande planer 1.4.1 Før igangsetjingsløyve vert gitt for miljøgate og nytt fortau langs Fylkesveg 122, skal tekniske planar vera godkjent av Statens Vegvesen. 1.4.2 Før igangsetjingsløyve vert gitt for tiltak langs og i Vikaelva kan skal det verknadene av tiltaka dokumenterast og godkjennast av NVE og Fusa kommune. 1.5 Handsaming av masser 1.5.1 Det er langs Vikaelva registrert planta Parkslirekne, som er uønska i norsk fauna. Dersom ein skal transportere masse bort frå område med parkslirekne skal det lagast ein særskild plan for handsaming av massane som skal godkjennast av Kommunen. 2. BYGNINGAR OG ANLEGG (pbl 12-5 nr 1) 2.1. Fritidsbusetnad (BFR) 2.1.1 Formålet gjeld areal for bygg nytta som fritidsbusetnad BRF1 og BRF2. 2.1.2 Byggegrense er i formålsgrensa. 2.1.2 %BYA og max kote for mønehøgd for formåla er: BFR1 = 100% Mønehøgd max kote = 8.5 m BFR2 = 100% Mønehøgd max kote = 6.3 m 2.2 Bensinstasjon (BV) 2.2.1 Formålet gjeld eksisterande drivstoffanlegg. 2.2.2 Byggegrense er i formålsgrense. 2.2.3 Tillat grad av utnytting er % BYA =100% 2.3 Naust (BUN) 2.3.1 Formålet gjeld areal for eksisterande naust BUN1 og BUN2. 2.3.2 Byggjegrense er i formålsgrense. 2.3.3 Det skal vera mogeleg for ålmenta å ferdast framfor nausta. 2.3.4 Ved nyoppføring av eksisterande naust, kan nausta førast opp på nytt med dagens storleik. % BYA = 100%. Ved nyoppføring skal retningslinjer i Kommuneplan for utforming av naust leggjast til grunn.
2.5 Forretning/kontor/tenesteyting (BKB) 2.5.1 Formålet gjeld eksisterande tomt til forretning/kontor/tenesteyting. 2.5.2 Byggjegrense er jf plankartet.. 2.5.3 Max mønehøgde er 9.5 meter. 2.5.4 Tillat grad av utnytting % BYA = 70 % 3. SAMFERDSEL OG TEKNISK INFRASTRUKTUR (PBL 12-5 NR 2) 3.1 Veg ( SV, SKV) 3.1.1 Arealformål o_sv er Fylkesveg 122. 3.1.2 Arealformål o_sv skal utformast som miljøgate med bredde 6 meter fram til brua og er regulert til 5 m mellom brua og kommunal kai. 3.1.3 Arealformål SKV5 og SKV6 er avkøyring til eksisterande forretning/kontor/tenesteyting og drivstoffanlegg. 3.1.4 Arealformål o_skv1, o_skv2 og o_skv3 er eksisterande kommunale vegar. 3.1.5 Arealformål SKV7 er privat veg tilkomst for varelevering til BKB, parkering SPP2, bustader, fritidsbusetnad og naustrekkja. 3.1.6 Arealformål SKV8 er privat veg. 3.1.7 Arealformål o_skv4 er kommunal veg til teknisk anlegg. 3.2 Fortau ( SF) 3.2.1 Arealformål o_sf1 til o_sf9 er offentleg fortau. SF9 er privat fortau. 3.2.2 o_sf1, o_sf2, o_sf3 og o_sf5 er regulert med breidde 2,5 meter. 3.2.3 o_sf7, o_sf8 og o_sf9 gjeld eksisterande fortau. Desse fortaua skal gjenoppbyggast til eksisterande form og breidde om det under anleggsfasen vert naudsynt å gjera tiltak i fortaua. 3.2.4 0_SF6 er offentleg fortau regulert med breidde 4,0 meter. Det er tillat med møblering med lys, benkar, planter av inntil 2 meter av breidda. 3.2.5 Langs o_sf4 skal det etablerast kantstopp for buss. 3.2.6 Langs o_sf8 er det kantstopp for buss. 3.2 Anna veggrunn teknisk anlegg (SVT) 3.2.1 Arealformål o_svt anna veggrunn teknisk anlegg, er område for teknisk infrastruktur. Det kan innanfor arealet plasserast veglys, rekkverk, og annan infrastruktur som er ein naturleg del av veganlegget. 3.3 Anna veggrunn grøntareal (SVG) 3.3.1 Arealformåla SVG og o_svg anna veggrunn grøntareal, skal nyttast til grøntareal mellom eksisterande Fylkesveg 122 og eigedommar langs denne vegen. 3.3.2 Det kan plantast i areala. Vegetasjon i areala skal ikkje vera høgare enn 0.5 meter dersom areala også har sikringssone H140 frisikt. 3.3.3 Det kan plasserast veglys, rekkverk og anna infrastruktur som er naturleg del av veganlegget. 3.3.4 På SVG8 er det tillat avkøyring frå eigedom 88/1. 3.3.5 Ingen byggetiltak er tillat innan formålsgrensa. 3.3.6 o_svg9 har breidde 1m. o_svg 10_11_12_13_14_15 langs FV122 har breidde 1.5m 3.4 Kai ( SK) 3.4.1 Arealformål o_sk gjeld eksisterande kommunal kai. 3.4.2 Alle tiltak i og ved sjø er søknadspliktige. 3.4.3 Byggegrense for tiltak på kai er i formålsgrensa.
3.5 Parkering (SPP) 3.4.1 Arealformål SPP gjeld eksisterande parkering for kundar og tilsette til BKB og skal minimum ha 22 plasser for personbilar og 2 plasser for rørslehemma. 3.4.2 Arealformål SPP2 har 6 parkeringsplassar og gjeld eksisterande parkering for tilsette til verksemder til BKB. Innkøyring til SPP2 skal også nyttast som snuhammar for lastebil ved varelevering. 4. GRØNTSTRUKTUR (PBL 12-5 NR 3) 3.1 Friområde (GF) 3.1.1 Arealformål GF er areal avsett til Friområde. 3.1.2 Tiltak i samband med flaumsikring kan tillatast. Tiltaka skal godkjennast av NVE og Fusa kommune. 3.1.3 I friområde kan det opparbeidast stiar,utsiktspunkt, grillplass, benker og bord. 3.1 Park ( GP) 3.2.1 Arealformål GP er avsett til gangvegar, uteopphaldsstader, leikeareal, tilplanta areal, skulptur, paviljongar og liknande. 3.2.2 Tilkomst til parken skal vera tilrettelagt for rørslehemma. Gjennomgåande stiar og uteopphaldsstader skal òg vera tilrettelagt for rørslehemma. 3.2.3 Vegetasjon skal ikkje framstå som tett slik at siktelinjene gjennom GP og GF vert øydelagt. 3.2.4 Det skal ikkje etablerast vegetasjon eller andre installasjonar som i vesentleg grad hindrar utsikt frå bustader som grensar til planområdet og Bjørnafjorden. 3.2.5 Paviljongar, skulpturar, leikeapparat og liknande skal framstå med eit heilskapleg preg. 3.2.6 Før utbygging skal det utarbeidast illustrasjonsplan for området som viser materialbruk, høgder på terreng, overvasshandtering, planting, lyssetjing, og møblering. 3.2.7 Tiltak i samband med flaumsikring kan tillatast. 3.2.8 Parken og tiltak i parken skal utformast eller sikrast slik at anlegg ikkje tek skade av høg vasstand eller flaum. 3.2.9 Byggegrense er i formålsgrense. 3.2.10 Bryggjeanlegg langs del av elva kan byggast utover byggegrensa og formålsgrensa. Eit slikt anlegg må ikkje ha negativ verknad av flaumforhald i elva. 4. LANDBRUKS-, NATUR-, OG FRILUFTSFORMÅL (PBL 12-5 NR 5) 4.1 Landbruk (LL) 4.1.1 Arealformål LL er eksisterande landbruksformål. 5. BRUK OG VERN AV SJØ OG VASSDRAG, MED TILHØYRANDE STRANDSONE (PBL 12-5 NR 6) 5.1 Friluftsområde i sjø og vassdrag ( VFL) 5.1.1 Arealformål VFV gjeld areal i Vikaelva. 5.1.2 Tiltak i samband med flaumsikring kan tillatast. Tiltaka skal godkjennast av NVE og Fusa kommune. 5.1.3 Tiltak i samband med flaumsikring skal ikkje endre vasstrengen til elva. 5.1.4 I samband med flaumsikring skal det setjast av områder for vegetasjon med tanke på å betra levetilhøva for fisk. Desse områda skal ikkje vera samanhengande. 5.1.5 I del av område grensande til GP kan det etablerast mindre bryggjeanlegg jf. punkt 3.2.10. Tiltaket må utformast på ein slik måte at det ikkje er til hinder for flaumforholda i Vikaelva.
5.2 Friluftsområde i sjø og vassdrag med tilhøyrande strandsone (VFS) 5.2.1 Arealformål o_vfs gjeld areal i sjø med tilhøyrande strandsone. 5.2.2 I strandsona er det ikkje tillate å setje opp bygningsmessige tiltak/konstruksjonar. 5.2.3 I strandsona er det tillate å gjera naudsynte tiltak som sikrar tilgrensande areal mot flaum og springflo. 5.2.4 Det skal kunne takast ut sand i elveosen med tanke på å auke farten på vatnet slik at sand som elva tek med seg vert ført lengre ut i fjorden. 5.3 Badeområde (VB) 2.3.1 I badeområde er det ikkje tillate å setje opp bygningsmessige tiltak/konstruksjonar eller hindre allmenn tilgang. 5.3.2 I badeområde er det tillate å gjera naudsynte tiltak som sikrar tilgrensande areal mot flaum og springflo. 6. OMSYNSSONER (PBL 12-6) 6.1 Frisikt (H140) 6.1.1 I områder H140_for frisiktsoner skal det vera frisikt i ei høgde av 0.5 meter over tilgrensande veg sitt plan. Ingen tiltak kan oppførast i sona. 6.1.2 Enkeltståande trær, stolper og liknande, som ikkje er sikthindrende, kan stå i siktsona. 6.2 Bandlegging etter lov om kulturminne (H730) 6.2.1 Område H730 for bandlegging etter lov om kulturminne gjeld kyrkje med tilhøyrande kyrkjegard. Byggadministrasjon Harald Bjørndal AS Eikelandsosen 26.04.2018