REFERAT FRÅ OPPSTARTSMØTE I PLANSAKER 29.3.2017 Område TB/L01 Maurvangen (Lager/garasje med tenestebustad) Formålet med oppstartsmøtet er å avklare offentlege føresetnader for at planforslaget skal kunne realiserast, og skal danne grunnlaget for ein god planprosess. Referat vert sendt ut til partane i etterkant av møtet og det blir sett ein frist for merknader til referatet. Om det ikkje kjem inn merknader til referatet er dette å sjå på som godkjend av partane. Saksnamn: Detaljreguleringsplan Plan-ID: 05152017001 Saksbehandlar: Ingunn Moen Helland Møtestad: Vågå kommune, Formannskapssalen Møtedato: 29.03.2017 Til stades frå forslagsstillar: - Nordplan v. Øyvind Sødal - Harald Rune Øvstedal Til stades frå kommunen: - Pål Inge Sanden (kommunalsjef) - Martin Sletten (tenesteleiar - vatn, avlaup, renovasjon) - Ingunn Moen Helland (plan- og miljørådgjevar) 1. Bakgrunnen for å setja i gang planarbeidet Skildring av føreslege tiltak: Gjendebåten har behov for garasje/lager samt tenestebustad for å huse tilsette i sesong i samband med drifta av Gjendebåten. Det er ønskje frå Harald Rune Øvstedal om å legge til rette for dette på eit areal aust for Fv 51 og sør for Hoskelivegen. Kartutsnitt: 52-012 oppdatert 27.11.09 Side 1 av 8
Flyfoto viser at det berre delvis er vasspeil aust for området, og at dette er eit myrområde. Flyfoto: Flyfoto med kartobjekt vassflater og elv. Myra framstår i kartet som eit vatn, noko som ikkje stemmer. 52-012 oppdatert 27.11.09 Side 2 av 8
2. Planføresetnader Reguleringsplanform jf. PBL kapittel 12: Detaljregulering. Overordna plan (kommuneplan) Området er omfatta av følgjande gjeldande overordna plan: Kommuneplanens arealdel for Sjodalen, Randsverk og Lemonsjøområdet (vedteken av kommunestyret 24.06.2003). Arealdelen er framleis under revisjon. Planområdet det er ønskje om å varsle planoppstart for, ligg inne i forslag til kommuneplanens arealdel som har vore på 2. gongs høyring. Området vart etter innspel frå H.R.Øvstedal lagt inn som framtidig byggjeområde TB/L01 Maurvangen med arealbruksformål Lager/garasje med tenestebustad. Området vart spelt inn til kommuneplanens arealdel etter 1. gongs høyring og teken inn i landskapsanalysen på overordna plannivå. Del av arealet ligg innafor reguleringsplan for Maurvangen der det er regulert til formål landbruk og reindrift. Eit reguleringsplanforslag vil måtte forhalde seg til dei føresegner og retningsliner som følgjer av forslag til kommuneplanens arealdel. Ein gjer merksam på at med bakgrunn i at overordna plan enda ikkje er vedteken, og at det har kome inn merknader til det aktuelle området som førebels ikkje er lagt fram for formannskap og kommunestyre, vil dette kunne gje usikkerheit i planprosessen. Administrasjonen har ikkje gjort samla vurdering for dette området etter 2. gongs høyring av kommuneplanen og tek atterhald. Dette vart understreka i møtet. Utsnitt av plankart til kommuneplanens arealdel (2.gongs høyring): 52-012 oppdatert 27.11.09 Side 3 av 8
Kartutsnittet under viser flyfoto med kommuneplanområda oppå (dvs. planen er dels «gjennomsiktig») Ny plan vil delvis erstatte følgjande reguleringsplan: PlanID Godkjent Plannamn Formål (som blir berørt) 05152009001 02.07.2009 Maurvangen Landbruk og reindrift Utsnitt av reguleringsplansituasjonen i området. Pågår det anna planarbeid i nærområdet? Nei 52-012 oppdatert 27.11.09 Side 4 av 8
Er planforslaget i samsvar med overordna plan? Planområdet det er ønskje om å varsle planoppstart for, er ikkje i samsvar med gjeldande overordna plan. Planområdet ligg inne i forslag til kommuneplanens arealdel som var på 2. gongs høyring. I høyringa kom det merknader til dette området. I uttalen frå fylkesmannen blir kommunen oppmoda til å leggje til rette for behovet innanfor areal som allereie er avsett til fritids-/turistføremål og næring på Maurvangen slik at arealbehov blir dekka gjennom fortetting, og ikkje ved å ta i bruk nye og urørte areal som fører til ytterlegare spreiing av arealbeslag i dette sårbare fjellområdet. Administrasjonen må gjere ei vurdering av dette. Administrasjonen viste i møtet til at det på møtetidspunktet ikkje er gjort ei samla vurdering av kommuneplanforslaget etter avslutta høyring. Administrasjonen må ta atterhald om samsvar med forslaget til arealdel da denne framleis er i prosess og det generelt har kome mange innspel som rådmannen må vurdere. Vil planforslaget utløyse krav om konsekvensutgreiing / planprogram? (Jf. Forskrift om konsekvensutredninger for planer etter plan- og bygningsloven) Ja. Planen vil kome inn under forskrifta 2d) for planar som alltid skal konsekvensutgreiast (jf. forslagsstillar si skisse til avgrensing av planområde på 20 daa). 2d) fangar opp detaljreguleringar som er over 15 dekar og omfattar nye område til utbyggingsformål. Dette punktet i KU-forskrifta inneber at planar der planområdet er 15 dekar eller meir utløyser KU-krav sjølv om arealet som vil bli regulert til utbyggingsformål er langt mindre enn 15 dekar (dersom planen er ikkje er samsvar med gjeldande kommuneplan). Dersom planområdet er mindre enn 15 dekar, må det gjerast ei vurdering etter vedlegg III i forskrifta, jf. 3b). I ei slik vurdering, meiner rådmannen at Vedlegg III pkt e (naturområde som kan vere særleg viktig for friluftsliv) og pkt q (rikspolitiske retningsliner for verna vassdrag) vil kunne utløyse KU. Før det er gjennomført kulturminneregistrering er det vanskeleg å utelukke b) (kulturminner). Ein KU skal ikkje vere meir omfattande enn det som er beslutningsrelevant i forhold til den aktuelle planen. Vil ny plan utløyse behov for utbyggingsavtale? Jfr. PBL kapittel 17 Nei Har kommunen tilfredsstillande kartgrunnlag for området? Ja Planforslaget må innordne seg etter rikspolitiske/statlege retningslinjer og føresegner Må vurdere i forhold til Rikspolitiske retningsliner for verna vassdrag. 3. Kommunale vedtekter og retningsliner som gjeld for planområdet Kommuneplanen 4. Krav til varsel om oppstart av planarbeidet Kopi av referatet frå oppstartsmøtet bør sendast regionale styresmakter ved varsling om oppstart av planarbeidet. Forslagsstillar skal varsle oppstart av planarbeidet ihht. krava i pbl. Før planarbeidet kan varslast oppstarta vert det tilrådd at varslingsmaterialet vert sendt kommunen for gjennomsyn. 52-012 oppdatert 27.11.09 Side 5 av 8
Varselet skal innehalde: 4.1 Oversiktskart der planområdet er avmerka 4.2 Kart i eigna målestokk med avmerka planavgrensing (jf. planavgrensing lagt fram på oppstartmøtet) 4.3 Brev som orienterer om formål med planarbeidet, dagens arealbruk, gjeldande Planstatus, ønskt reguleringsformål, vurdering etter KU-forskrifta. 4.4. Forslag til planprogram 5. Viktige utreiingsbehov for planarbeidet førebels vurdering Hovudtema som må utgreiast i samband med planarbeidet 5.1 Planfaglege vurderingar o Forholdet til overordna plan 5.2 Jordvern og landbruksfaglege vurderingar o Forhold til landbruksinteresser i området må vurderast. Forholdet til tamreininteresser i området (Vågå tamreinlag er høyringspart) 5.3 Miljøfaglege vurderingar o Forholdet til vassdrag, - Sjoavassdraget er varig verna vassdrag. RPR for verna vassdrag. o Forholdet til friluftsliv Området er del av eit stort treningsfelt for fuglehundar. (Gudbrandsdal fuglehundklubb bør høyrast) o Vurdering i forhold til naturmangfaldlova 8-12. Ev. registreringar i www.naturbase.no og www.artskart.no skal kommenterast. o Forholdet til støy må avklarast. Støyberekning må inngå i planmaterialet da det blir lagt opp til tenestebustad. Jf. støyretningsline T-1442. o Konsekvensar for landskap vil vere eit viktig tema i planen.. Landskapsanalyse er utarbeidd er på eit overordna nivå, men det er ikkje gjort analysearbeid for prosjektet konkret og det er ikkje gjort vurdering vedr. avbøtande tiltak som bør leggast til grunn. Byggjehøgd, materialval, fargeval vil vere sentralt. Krav til uteområdet i forhold til innsyn og nær-/ fjernverknad. 5.4 Kulturlandskap og kulturminne o Området er ikkje synfara i forhold til kulturminne. Dette må forslagsstillar avklare med fylkeskommunen. 5.5 Samfunnssikkerheit og beredskap o ROS-analyse skal følgje planforslaget. 5.6 Folkehelse, barn og unge, funksjonshemma og eldre sine interesser o Det skal gjerast vurderingar ang. forholdet til barn og unge, eldre og menneske med funksjonsnedsettingar og universell utforming skal kommenterast. 5.7 Veg- og vegtekniske forhold / trafikksikkerheit o Byggjegrense mot fylkesvegen må avklarast med vegvesenet. o Vegstyre for Hoskelivegen vil vere høyringspart. 5.8 Vatn og avlaup o I forslaget til revidert kommuneplan er det i plankravet for området sett følgjande krav: Bygningane må knyte seg på privat vatn- og avlaupsnett hjå Besseggen Fjellpark Maurvangen. 5.9 Andre kommentarar: o Arealrekneskap skal gå fram av planmaterialet i tråd med opplysningar som skal rapporterast i planskjema til regionale styresmakter (inkl. sjekkliste for planlegging). o Før det blir varsla oppstart må forslagsstillar ha avklaring med Statskog vedr. framtidig arealbruk. o Føresegner og retningsliner i forslaget til kommuneplanens arealdel skal leggast til grunn og innarbeidast i planarbeidet. 52-012 oppdatert 27.11.09 Side 6 av 8
6. Krav til planforslaget innhald og materiale Forslagsstiller er gjort kjent med sjekkliste for planlegging, og krav til planforslaget. Lista nedanfor viser kva forventningar kommunen har til komplett materiale på bakgrunn av det vi er kjent med på oppstartsmøtet. Kommunen viser elles til reguleringsplanrettleiaren (utarbeidd av Kommunal- og moderniseringsdepartementet). Forslagsstiller er ansvarleg for å vurdere behov for vidare dokumentasjon, som eit resultat av dei tilbakemeldingane ein får ved varsel om oppstart og eventuelt seinare i prosessen. x Plankart - digitalt (i samsvar med gjeldande SOSI-standard) x Målestokkriktig plankart i fargar Dokumentasjon på at vegens senterlinje er riktig geometrisk bygget opp x Reguleringsføresegner * x Planskildring (planbeskrivelse) * x Varslingsbrev m/ adresseliste x Avisannonse x Innkomne merknader x Utfylt sjekkliste (Planskjema) x Illustrasjonsplan - Fargar - Svart/kvitt Fotomontasjar Perspektivteikningar x Byggjeteikningar x 3D-Modell Analyser Anna (spesifiser) 7. Kommunaltekniske anlegg Merknader: Veg Vatn Avløp Renovasjon Anna 52-012 oppdatert 27.11.09 Side 7 av 8
8. Kommunens førebelse råd og vurderingar Ein viser til orientering om forholdet til overordna plan i møtet. Det har ved høyring av kommuneplanens arealdel kome uttale frå fylkesmannen der det blir stilt spørsmål ved arealbruken TB/L01. Det har òg kome uttale med innvending frå hyttenabo til området. Desse uttalene må vurderast av rådmannen i samband med vidare behandling av kommuneplanen og sjåast i samanheng også med øvrige innspel i området. Kommunen må gjere ei samla vurdering av dette området, og ei konkret vurdering av innspelet om ikkje å ta i bruk nye og urørte areal som fører til ytterlegare spreiing av arealbeslag i dette sårbare fjellområdet. Administrasjonen må ta atterhald om samsvar med forslaget til arealdel da denne framleis er i prosess. Administrasjonen vil frårå å starte ein reguleringsplanprosess i dette området før arealet er formelt forankra i overordna plan. 9. Framdrift Planlagt dato for varsel om oppstart (frå forslagsstiller): Forslagsstillar ønskjer i utgangspunktet å starte opp så snart som mogleg. Planlagt dato for oversending av forslag til kommunen (frå forslagsstiller): Forslagsstillar har ønskje om rask prosess for å kome i gang så tidleg som mogleg. Utlegging til offentlig ettersyn skal skje seinast 12 veker etter at komplett materiale er sendt kommunen. I møtet gav administrasjonen attendemelding om usikkerheit vedr. kommuneplan og framdrift. Det er ikkje oppsette møte i formannskapet i perioden juni-august. I løpet av hausten 2017 er difor det tidlegaste ein tidsmessig kan få fram ein godkjent plan dersom andre forhold ligg til rette. 10. Stadfesting Prioriterte utgreiingsbehov for planarbeidet er oppgjeve så langt det er mogleg på grunnlag av tilgjengelige opplysningar under oppstartmøtet. Verken oppstartsmøtet eller referatet gjev rettar i den seinare saksbehandlinga. Naboprotestar, protestar frå organisasjonar, krav frå offentlege styresmakter mv. vil kunne føre til krav om endring av planforslaget, evt. endring av framdrifta på behandlingsprosessen. Behandlingsgebyr: Jf. gjeldande gebyrregulativ vedteke av kommunestyret er behandlingsgebyret kr 55 730,- for 2017. Ein gjer merksam på at det i hht. gebyrregulativet er behandlingsgebyret som gjeld ved det tidspunkt planen blir vedteken som skal leggast til grunn. 11. Materiale utdelt på oppstartsmøtet eller som direkte oppfølging av møtet Forslagsstillar sendte kommunen i forkant av møtet ei førebels planavgrensing samt ei vurdering etter konsekvensutgreiingsforskrifta for planar etter pbl. Administrasjonen hadde ikkje merknader til planavgrensinga. Administrasjonen viser til si vurdering etter KU-forskrifta (under pkt 2 i referatet) som ikkje samsvarer med forslagstillar si vurdering etter KU-forskrifta. Vågå kommune, den 3.4.2017 Referent : Ingunn Moen Helland 52-012 oppdatert 27.11.09 Side 8 av 8