Årsmelding For Hardanger og Voss Museum 2010
Hardanger og Voss museum Hardanger og Voss museum er eit konsolidert museum som består av institusjonane Agatunet, Hardanger fartøyvernsenter, Hardanger folkemuseum, Kvam bygdemuseum, Ingebrigt Vik museum, Granvin bygdemuseum, Voss folkemuseum og Kunsthuset Kabuso. Hardanger og Voss museum har stor geografisk spreiing og stor tematisk breidd. I tillegg til kulturhistoriske museum omfattar Hardanger og Voss museum eit av dei få reine skulpturmusea i landet, eit kunst- og kultursenter, eit freda mellomaldertun av nasjonal verdi og eit nasjonalt fartøyvernsenter som også driv ein barnevernsinstitusjon. Museet er regionsmuseum for Hardangerkommunane og Voss kommune. Folgefonn rykker fra kai i Ulvik en gang på 1960- tallet. Foto: Viggo Nonås samling Føremål Bilde til venstre vann Norsk foreining for fartøyvern sin fotokonkurranse i 2010. Foto: Signe Holst-Larsen Museet skal driva innsamling, bevaring, forsking og formidling tufta på kulturuttrykk frå fortid og samtid. Gjennom dokumentasjon av variasjon og fellestrekk, skal museet vera med å synleggjera Hardanger og Voss lokalt, nasjonalt og internasjonalt. Med utgangspunkt i rolla som samfunnsminne skal museet vera ein open møtestad der publikum kan studera, oppleva og finna utfordringar. Museet yt fagleg hjelp i museums- og kulturminnespørsmål til kommunar og frivillige i regionen. Hardanger og Voss museum skal driva eit nasjonalt senter for fartøyvern, og ein barnevernsinstitusjon. Folgefonn i Sandvikvåg på 1970- tallet. Foto: Ivar Eikehaug.
Fartøyvernavdelinga var på studietur til Karlskrona i Sverige. Teknisk rom i Agatunet blir inspisert av styrar Agnete Sivertsen. Personale I 2010 har det vore utført 65 årsverk totalt. 144 personar mottok løn frå Hardanger og Voss museum i 2010, 77 av desse er tilsett i faste stillingar. Det er ei jamn fordeling mellom kvinner og menn, men dei er ulikt fordelt mellom yrkesgruppene. Kvinnene i museet er tilsett i akademiske og merkantile stillingar, medan det berre er tilsett ein kvinneleg handverkar. Direktøren og fire av i alt åtte avdelingsleiarar er kvinner, medan det berre er tre kvinner i styret. Helse, miljø og tryggleik Sagmeister Johan Haugen i arbeid ved Herand Aktiesagbrug. Foto: HVM Hardanger og Voss museum er ei IA-verksemd, og er medlem av Ytre Hardanger bedriftshelseteneste (f.o.m. 2011, Hardanger og Voss bedriftshelseteneste). Verksemda har fire verneombod, der eit av desse er hovudverneombod. Arbeidsmiljøutvalet har hatt fire møte der dei mellom anna handsama ulike HMT-planar og avviksmeldingar. Det har ikkje vore større ulukker eller andre alvorlege hendingar. Sjukefråveret har i 2010 vore på 7,2 % som er ei auke på 1,2 % frå 2009. Hardanger og Voss museum har ikkje skadd eller påverka negativt det ytre miljøet i 2010. Alle tiltak og planar blir vurdert ut frå prinsippet om universell utforming.
Organisasjon Økonomi Styret Lars R. Djupevåg, styreleiar Torunn L. Ringheim Knut Nes Toralv Mikkelsen Jan Gunnar Strand Torbjørn Kaarbø Torleiv Ljones Anders Geertsen Anne Lise B. Eriksen Birgit Eiken Heidi Richardson Oddvar Soldal rådet Rådsmøtet for 2010 vart halde 9. januar 2011 i høve opning av 100-årsjubileet til Hardanger folkemuseum. Rådsmedlem Rigmor Skeie Petersen Astrid Soldal Lirhus Erling Aga Lars Brekke Sjur K. Jaastad Martha Rykkje Martin Vik, rådsleiar Dagfinn Vik John Opdal Ågot Valle Arne Julsrud Berg Johan Anved Tveit Jan Ivar Rødland Jon Larsgard Astrid Farestveit Selsvold Gard Folkvord Solfrid Borge Mona Haugland Hellesnes Gunn Berit Lunde Aarvik Hardanger og Voss museum har ein samla resultatrekneskap og balanse, men fører avdelingsvise rekneskap til intern bruk. Avdelingane må til ein viss grad dekke opp eventuelle underskot på avdelinga. Hardanger og Voss museum har store inntekter frå andre sektorar enn museum. Me sel mellom anna tenester til Barne-, ungdoms- og familiedirektoratet for over 12 millionar kroner i året, til eigarar av verneverdige fartøy for over 12 millionar og me får 2 millionar kroner i året til fellestenester på fartøyvernfeltet frå Riksantikvaren. Desse midlane må me kunne syna blir nytta til føremålet, og me er derfor avhengig av å ha eit økonomisystem der avdelingane er åtskilde i budsjett og rekneskap. Hardanger og Voss museum hadde i 2010 ein omsetnadsauke frå 2009 på kr 2,56 millionar (4,87 %). Dei offentlege ordinære driftstilskota som utgjer 49,45 % av omsetnaden, auka ikkje i denne perioden, men ein har mottatt store tilskot til ulike prosjekt ved fleire av avdelingane. Hovudgrunnen til dei auka inntektene er auka omsetnad på fartøyvernavdelinga, og auka aktivitet og noko auka priser på barnevernsavdelinga. Innteninga på fartøyvernavdelinga er avhengig av at kundane våre får støtte frå Riksantikvaren til sine prosjekt, og av velvillige sponsorar. Sommaren 2010 kom etterverknadane av finanskrisa samstundes som våre prosjekt ikkje fekk tilslag på søknader frå Riksantikvaren. Dette medførte at me 1. august 2010 stod i fare for å måtte permittera 12 båtbyggjarar. Hordaland fylkeskommune løyste situasjonen for oss ved å forskottera til saman kr. 2.5 millionar kroner av fylkestilskotet for 2011 og 2012. 2010 var elles eit år med god drift og god økonomi. På grunn av forskotsbetalte tilskot har me også hatt god likviditet gjennom året. Løn og personalkostnader utgjer til saman 60,29 % av omsetnaden. Pensjonskostnadene er framleis ei utfordring og desse slår ulikt ut i dei ulike avdelingane. Likevel viser rekneskapen for 2010 eit samla overskot på kr 726 000,-. Overskotet går til å styrka eigenkapitalen.
Fornying Hardanger og Voss museum er lokalisert i ein region med store utfordringar knytt til nedgang i folketalet. Museet er ein aktiv aktør og viktig ressurs som samfunnsutviklar særleg knytt til kulturnæringar og kulturbasert reiseliv. Døme på dette er deltaking i Reisemål Hardangerfjord, Hardanger trebåtfestival, deltaking i utvikling av Hesthamar skrivargard i Ullensvang, samarbeid med Vikebygd landskapspark, etablering av innfallsport til Folgefonna nasjonalpark i Agatunet og medverknad i bygdeutviklingsprosjektet på Bu, knytt til ny infrastruktur som fylgje av Hardangerbrua. Hardanger og Voss museum har utarbeidd planar på fleire område i organisasjonen. Me har ein strategisk plan og ein 3-årig økonomiplan med fokus på prosjekt og investeringar. Det er også utarbeidd plan for marknadsføring, plan for helse, miljø og tryggleik, seniorpolitisk plan og lønspolitisk plan. Når det gjeld dei fagorienterte planane har me hatt fokus på samlingsforvalting og forsking. Museet har funne si form og har etablert ein velfungerande organisasjon der dei åtte avdelingane skal framstå med sin eigenart og som spydspissar i Hardanger og Voss museum. Både på det administrative og det faglege feltet blir det likevel jobba kontinuerleg for å optimalisera og effektivisera organisasjonen. Frå Open dag på Hardanger folkemuseum, Foto:HVM Frå Open dag på Hardanger folkemuseum, Foto:HVM Frå aktivitetsveka i samarbeid med Voss husflidslag.
Museumsfagleg Forvalting Hardanger og Voss museum har ei svært variert museumssamling som består av alt frå små heklenåler til store skip. Museet har i alt 47 000 kulturhistoriske gjenstandar, 2600 kunsthistoriske gjenstandar og 34 600 fotografi. Det er utarbeidd ein plan for samlingsarbeidet som set mål for analyse, evaluering og digitalisering. Me samarbeider med Museumssenteret i Hordaland for magasinering av dei mest utsette samlingane våre. For Hardanger og Voss museum er immateriell kulturarv/ handlingsboren kunnskap ein viktig del av samlingsforvaltinga. Gjennom å leggja til rette for ei levande praktisering av tradisjonelle handverk, driv me samlingsforvalting av immateriell kulturarv. Det formaliserte samarbeidet med fylkesmusikarane i Hordaland er ein viktig del av forvaltinga av folkemusikk. I tillegg til administrasjons- og formidlingsbygg, har museet ansvar for 135 kulturhistoriske bygningar. Nokre av desse er eigd av kommunar som har vedlikehaldsansvar i samarbeid med Hardanger og Voss museum. Vedlikehaldet av bygningane er ei stor utfordring og museet er på etterskot ved fleire anlegg. Styret meiner likevel det er utført eit forsvarleg vedlikehald på bygg og anlegg med utgangspunkt i dei midlane ein har til rådvelde. Vedlikehald av dei 5 museumsfartøya våre er ei større utfordring. Flytande fartøy forfell raskare enn bygningar, og me må også oppfylle krava frå Sjøfartsdirektoratet for å kunne segla. Museum stiller på lik linje med andre eigarar i høve istandsettingsmidlar frå Riksantikvaren til verneverdige fartøy, men må likevel leggja inn ein betydeleg eigendel for å halda fartøya flytande. Hardangersaum, eit av dei verneverdige handverksfaga. Foto: Emmerhoff I tillegg til det omfattande arbeidet med digitalisering på Primus, har det vore jobba med tilrettelegging for publisering av samlingane våre på Digitalt museum. Det blei også utarbeidd ein tilstandsrapport av Bevaringstenestene i Hordaland over samlingane ved Bu museum. Denne syner at det ikkje står bra til med delar av samlinga og at tiltak må settast inn. Frå felemakarverkstaden. Foto: Elisabeth Emmerhoff Klargjering for slippsetting av SJ Mathilde. Frå forskingsprosjektet om selskinnsrep. Foto: HVM
Museumsfagleg Forsking Hardanger og Voss museum hadde i 2010 ein brei prosess kring utarbeiding av plan for forsking og kunnskapsutvikling i museet. Arbeidet har munna ut i ein plan som diskuterer omgrep, mål, strategiar og konkrete prosjekt. Museet deltek i forskingsarbeid særleg gjennom dei nasjonale nettverka, men me har også eigne forskingsprosjekt og planlegg styrking på dette området. I 2010 er det særleg prosjektet Hardangerbrua - allereie på museum og Fartøyvern på museum det er jobba med. Eit forskingsarbeid om boksamlingar på Voss er også i gang. Forskingsarbeidet om jordskifte i Hardanger er avslutta, og rapporten er tilrettelagt for publisering. Forskinga er gjort av historikar Mads Langnes og er ein del av prosjektet Norsk jordskiftesenter. Voss folkemuseum er redaktør av årboka Gamalt frå Voss. På kunstfeltet er me opptatt av kunnskapsproduksjon i utstillingsarbeidet. Ny samansetting av kunst og kontekstualisering av utstillingane gjennom utstillingskatalogane, skapar nye opplevingar og ny kunnskap. Det blei laga katalog til Thomas Hestvold si utstilling, til sommarutstillinga Sublime landskap på Kabuso, og til utstillinga om jaktemåleri på Hardanger fartøyvernsenter. Det vart også utarbeidd eit hefte om Lars Osa og kunsten hans til utstillinga på Voss folkemuseum. Kurs i legging av helletak i Agatunet. Foto: HVM Me driv vidare kunnskapsutvikling på feltet handlingsboren kunnskap. Dette blir gjort både som reine kunnskapsproduserande prosjekt der handverkarar fylgjer eldre tradisjonsberarar, og i form av seminar og kurs. Me gjev ut det årlege magasinet Fartøyvern som er det einaste i sitt slag i landet, der både handverkarar og akademikarar bidreg med refleksjonar på feltet, og me har skrive artiklar til fleire bøker og magasin knytt til våre fagområde. Hardanger og Voss museum har stor tematisk breidd og er derfor med i fleire nasjonale museumsnettverk, og er aktive i fylgjande: Handverksnettverket, Kystkulturnettverket, Nettverk for musikk og musikkinstrument, og Nasjonalt nettverk for drakt og tekstil. Kurs i nevertekking i Agatunet. Formidling Hardanger og Voss museum driv ei omfattande formidling som skal vera nyskapande, aktivitets- og opplevingsorientert på alle fagområda. I 2010 hadde me 40 600 besøkjande. Me hadde ei omfattande utstillingsverksemd i 2010, og opna i tillegg til 15 sesongutstillingar også to nye, faste utstillingar. Den eine er ei utstilling om hardangersaum kalla Verdssaum frå Hardanger, som viser både tekstil og handverkshistorie og den internasjonale interessa for hardangersaum. I samband med denne utstillinga er det halde fleire føredrag om utfordringane knytt til utflagging av handverksproduksjon til utviklingsland. Den andre utstillinga var av Bernhard Greve sin kunst på Skredhaugen. Frå Morten Viskum si utstilling på Kabuso. Foto: HVM
Museumsfagleg Kunst Det har vore arrangert ei mengd ulike samkomer og konsertar gjennom året. Dei tradisjonelle juleverkstadene på Voss folkemuseum og Hardanger fartøyvernsenteret og Open dag på Hardanger folkemuseum er døme på slike. Hardanger folkemuseum har jobba systematisk for å etablera museet som ei regional folkemusikkscene og har gjennom året arrangert 15 konsertar. I høve digital formidling er det gjort nokre satsingar i 2010. I prosjektet Fartøyvern på museum er eit av delprosjekta ei digital oppfølging av restaureringsprosessen av agentbåten Arnafjord. I tillegg er det lagt ut fleire filmar av aktivitet og ulike restaureringsprosessar på YouTube. Det har gjennom året vore jobba med nye nettsider som skulle vore publisert mot slutten av 2010. Det blei eit svært omfattande arbeid å skriva nye tekstar, så me valde å utsetja publiseringa til våren 2011. Dei fleste avdelingane er no på Facebook og det er oppretta to nye bloggar. Mykje av verksemda vår ligg i skjeringspunktet mellom museum og kulturminnevern, og levande kulturminne i bruk er ein viktig del av formidlinga ved museet. Dette gjeld både fartøya ved Hardanger fartøyvernsenter og dei gamle stovene i Agatunet. Det å få servert eit festmåltid eller nysteikte vafler i Agatunet er ein viktig del av opplevinga av det historiske bygningsmiljøet. Og det å visa S/J Mathilde for fulle segl er i seg sjølv viktig formidling av kysthistoria. I 2010 segla Mathilde mellom anna leirskule i 12 veker og hadde 8 vekers museumstokt i Sunnhordland, Midt- og Nordhordland med Fylkemusikarane (FYHND). Ved fartøyvernsenteret er alle verkstadene opne for publikum, og i Agatunet blir det utført restaurering av bygg også i turistsesongen. På denne måten får dei besøkjande eit unikt innblikk i det handverket som blir utført ved museet. Frå Jaktemåleriutstilling på Hardanger fartøyvernsenter 2010. Hardanger og Voss museum har fleire kunstscener. I 2010 gjennomførte Kabuso fem større utstillingar. Den første var Hands-on med maleri av Thomas Hestvold. Den neste var Norwegian Wood eit laboratorium som kom frå Nasjonalmuseet for kunst arkitektur og design og omhandla miljøvenleg trearkitektur. I april/ mai var Kabuso visningsstaden i Hordaland for Vestlandsutstillinga. Sommarutstillinga Sublime Landskap var med verk av Peder Balke, Thomas Fearnley, Thomas Pihl og Fiona Tan. Den siste utstillinga var i samarbeid med Sørlandets Kunstmuseum med verk av Morten Viskum. I tillegg til desse hovudutstillingane har Kabuso hatt foajéutstillingar gjennom heile året. Kunsthuset Kabuso har også ei god kammermusikkscene der det gjennom året har vore arrangert 29 konsertar. Ved Hardanger folkemuseum har det vore ei fotoutstilling av Silje Solvi, ei utstilling av designkleda til Bine Melby og ei større salsutstilling med biletkunstnaren Els Geelen. I Agatunet arrangerte kunstgruppa ei kollektivutstilling med kunstnarar med ulike kunstformr. Voss folkemuseum laga ei jubileumsutstilling til kunstnaren Lars Osa og hadde to andre kunstutstillingar i løpet av sesongen. Fra opning av utstillinga Jonsokbryllaup. Foto: HVM Frå utstillinga Sublime landskap. Foto: HVM I 2010 blei det halde to handverkskurs i nevertekking og takvøle i Agatunet og kurs i maritime verktøy og kurs i planmessig vedlikehald for fartøyeigarar på Hardanger fartøyvernsenter. Desse kursa som er opne for eit ålment publikum, er ein viktig del av formidlingsverksemda og av vår interne kompetansebygging. Den kulturelle skulesekken Hardanger og Voss museum har eit breitt tilbod til skulane i regionen. Me har faste undervisningsopplegg til dei fleste klassetrinna og skulane er gode til å nytta tilbodet. Undervisningsopplegga er knytt til satsingar på museet, og til einskilde utstillingar. Voss folkemuseum har i tillegg hatt eit opplegg med Den kulturelle spaserstokken.
Særlege prosjekt Over bekken Kvam herad har regulert den 4500 m2 store nabotomta (ICA-tomta) til framtidig utviklingsareal for HFS. For å planleggja framtidig bruk av arealet blei utviklingsprosjektet Over bekken sett i gang i 2007. Andre planperiode blei avslutta 2010, og konsulenten vår konkluderte med at utviklinga av HFS må spissast som ei forretningsmessig attraksjonsutvikling i tre stadium. Gjennom 2010 har me gjennomført arbeid med store bygningsmessige tiltak relatert til fyrste stadium. Neste steg, som er å arbeida med realisering av ferjestø og strandveg, er under planlegging/ prosjektering. Arbeid i høve tredje stadium er førebels relatert til Kvam herad si innløysing av tomta. MF Folgefonn Me har gjennom fleire år samarbeidd med Riksantikvaren, Hordaland fylke og Kvam herad om heimføring og vern av bilferja Folgefonn. Juni 2010 kom ferja endeleg som dekkslast til Noreg og den første store milepålen i vernearbeidet var eit faktum. Etter dette blei ferja taua til Dåfjorden slipp på Stord for tetting og utbetring av skroget. Det er kjøpt inn ein brukt motor av same type som stod om bord (Wickmann 4ACA). MF Folgefonn på slipp ved Dåfjorden verft. Riksantikvaren ynskjer å freda ferja i løpet av 2011 og er den viktigaste finansieringskjelda til vernearbeidet, men også fylkeskommune, kommune og private sponsorar har så langt bidrege med midlar. Det er etablert eit interimstyre for eit venelag (Folgefonn fartøylag). Hardingfelesenter Etter å ha vore ei sovande satsing i fleire år, blei prosjektet Hardingfelesenter igjen løfta fram i 2010. Arbeidet starta med eit møte der aktuelle lokale partar vart invitert for å drøfta satsinga. Det blei også halden ein stor open idedugnad som var leia av Kaospilotane. Her møtte mellom anna representantar frå organisasjonar og utøvarar i Hardanger. På bakgrunn av denne blei det skrive ein søknad om prosjektmidlar til Kulturelt utviklingsprogram. Me fekk dessverre ikkje utteljing denne gongen, men signala i etterkant er gode og me ventar å få fylkeskommunale midlar i 2011. Hardangerrådet har heile vegen vore ein viktig støttespelar og samarbeidspartnar i arbeidet. Brannsprinkling i Agatunet Brannsprinkling av dei 30 freda bygga i Agatunet har vore ei prioritert satsing frå museet, Riksantikvaren, Hordaland fylkeskommune og Kulturrådet. I 2010 fekk me gjennomført alle grunninvesteringar slik at størstedelen av arbeidet med tekniske installasjonar og grunnstrukturar i anlegget no er på plass. I tillegg blei fire hus sprinkla. Frå feleutstillinga ved Hardanger Folkemuseum
Sjøsetting av MK Arnafjord. Barnevern Hardanger fartøyvernsenter har eit fulltids barnevernstilbod for sju ungdomar. Opplegget er tredelt. På dagtid går ungdomane anten på skule, er i arbeidstrening eller er i aktivitet på sentret. På ettermiddagen er det fritidstilbod, og på kveld/ natt er dei hjå bufamiliar. Bufamiliane er som fosterheimar, men det er fartøyvernsenteret som har ansvaret for ungdomane og har vakttelefon knytt til seg. Det har stort sett vore fullt belegg på avdelinga heile året. To ungdomar slutta til sommaren og to andre kom inn i tidleg på hausten. Ungdomane har vore på seks turar i 2010. Sommarturane gjekk til Oslomarka i kano, og ei veke på tokt med Mathilde. Haustturen var jakttur på Hardangervidda. Dei fleste ungdomane deltek på desse turane, og det er stort sett positive opplevingar. Fartøyvern Hardanger fartøyvernsenter utfører restaurering av verneverdige fartøy. I 2010 er det utført større og mindre oppdrag på i alt 14 fartøy. Dei største prosjekta var knytt til D/S Stord, M/K Arnafjord og S/J Mathilde. Dei to fartøyvernkonsulentstillingane er finansiert av Riksantikvaren til utøving av fellestenester ved fartøyvernsentra. Konsulentane arbeider med oppfølging av istandsettingsprosjekta på verftet, førebuing av komande prosjekt, og med avslutting av oppdrag i form av sluttrapportar for ferdige oppdrag. I tillegg driv dei generell rådgjevingsverksemd og tilstandsvurderingar av fartøy. I 2010 fekk dei tre fartøyvernsentra i oppdrag frå Riksantikvaren å utarbeida faktaark om ulike sider ved antikvarisk restaurering. Ni faktaarka blei utarbeidd, og dei blei fortløpande publisert på nettstaden vår. Det andre oppdraget var utarbeiding av vedlikehaldsplan for fartøy. Dette arbeidet vart avslutta med eit seminar i november. Eit tredje samarbeidsprosjekt er ein sentral for gjenbruk av delar frå fartøy. Prosjektet vart koordinert av Nordnorsk Fartøyvernsenter (sjå www.delebanken.no). Ei stor satsing har vore eit etter- og videreutdanningskurs i samarbeid med Høgskolen i Sør-Trøndelag (HIST). Tema på dette kurset var høvlar og høvelteknikk. Kurset var både praktisk og teoretisk orientert, og gav poeng ved HIST (5 studiepoeng) for dei som utførte ei oppgåve i etterkant av kurset. Frå istandsetting av MK Arnafjord. Ungdomane våre skal ha eit meiningsfylt dagtilbod, og me freistar tilretteleggja dette individuelt. Me arbeider målretta for at ungdomane våre skal ta utdanning. Fleire av ungdomane byrja på skule i 2010, men nokre avslutta etter kort tid. Ein elev går framleis på yrkesskulen, ein har praksis i lærebedrift, og ein tredje har eit opplegg med alternativ utdanning i praksis. Dei som ikkje tek utdanning får tilbod i Elevopplæringa (ELO) ved fartøyvernsenteret. Her har ein hatt ulike prosjekt. Ungdomane deltok mellom anna i eit kunstprosjekt der dei assisterte ein engelsk kunstnar med ulike kunstinstallasjonar på Hatlestrand. På ELO blei det bygd eit lydstudio for innspeling av musikk og songar. Ungdomane var med i planlegginga og bygde sjølve lydstudioet. Arbeidet blei gjort under rettleiing av ein profesjonell musikar. Det blei spela inn CD ar og laga ein film til avdelinga. Særleg ein ungdom har brukt lydstudioet flittig og jobba her ganske jamt. Me har samarbeidd med Kvam herad og Ungdomsrådet om eit arrangement for ungdomar i Kvam. Me tok initiativet til dette og fekk kultursjefen og ordføraren til å fatta interesse og støtta arrangementet. Me hausta mange lovord for vårt initiativ til dette arrangementet, som blei positivt mottatt også av ungdomane våre. Frå kanoturen i Oslomarka. Alle ungdommane fekk jaktutbytte under haustturen. Frå ungdomsavdelinga sin sommartur med SJ Mathilde Det vart halde fleire interne kompetansehevande kurs gjennom året, m.a. eit halvdags seminar om festemidlar ved HFS og eit seminar om bygging av ein seglbåt, H 28. Rapportar etter prosjekt og månadsrapportar som vert skrivne undervegs legg me ut på nettstaden.
Resultatrekneskap STIFTINGA HARDANGER OG VOSS MUSEUM note 2010 2009 Driftsinntekter og driftskostnadar Eigeninntekter 27 941 612 27 915 541 Offentlege tilskot 27 329 881 24 790 965 55 271 493 52 706 506 Varekostnad 2 2 417 064 3 177 603 Lønskostnad 2 33 321 618 30 693 100 Avskrivingar 3 111 072 133 157 Andre driftskostnadar 2 18 696 981 17 305 851 54 546 735 51 309 711 Driftsresultat 724 758 1 396 795 Finansinntekter og finanskostnadar Andre finansinntekter 218 341 185 519 Andre finanskostnadar -216 656-279 325 Resultat av finanspostar 1 685-93 806 Årsresultat 726 443 1 302 989 Frå istandsetting av MS Stangfjord.
Balanse Balanse STIFTINGA HARDANGER OG VOSS MUSEUM STIFTINGA HARDANGER OG VOSS MUSEUM eigendeler note 2010 2009 Anleggsmidlar Eigedom 808 034 0 Inventar, maskiner, utstyr 402 282 464 662 Transportmidlar 482 584 252 456 Sum varige anleggsmidlar 3 1 692 900 717 118 Premiefond pensjon 3 013 090 2 791 594 Sum finansielle anleggsmidlar 3 013 090 2 791 594 Sum anleggsmidlar 4 705 990 3 508 712 Omløpsmidlar Varer 1 1 542 590 1 502 834 Kundefordringar 5 569 152 3 104 056 Andre fordringar 876 541 210 411 Langsiktig gjeld note 2010 2009 Lån tak/påbygg HFU 349 578 374 958 Lån bil HFU 27 063 78 820 7 376 641 453 778 Kortsiktig gjeld Kassakreditt (limit 1.500.000) 0 0 Leverandørgjeld 1 661 774 1 956 825 Skattetrekk, arb.gj.avgift 2 390 219 2 480 773 Skuldige feriepengar 2 767 879 2 657 414 Skuldig løn 51 964 0 Forskotsbetalte tilskot/kundar 6 4 170 805 4 018 520 Anna kortsiktig gjeld 163 310 251 163 11 205 951 11 364 695 Sum gjeld 11 582 592 11 818 473 Sum eigenkapital og gjeld 16 242 740 15 752 277 Bankinnskot, kontantar 4 3 548 468 7 426 264 Sum omløpsmidlar 11 536 750 12 243 565 Sum eigendelar 16 242 740 15 752 277 Lars R.Djupevåg, Styreleiar Torunn L. Ringheim Toralv Mikkelsen EIGENKAPITAL OG GJELD Innskutt eigenkapital: Grunnkapital 228 600 228 600 Torleiv L. Ljones Jan Gunnar Strand Torbjørn Kaarbø Opptent eigenkapital: Annan eigenkapital 5 4 431 548 3 705 204 Udekka tap 0 0 Knut J. Nes Anders Geertsen Heidi Richardson Sum eigenkapital 4 660 148 3 933 804 Anne Lise B. Eriksen Trude H. Letnes, Direktør
Notar Notar STIFTINGA HARDANGER OG VOSS MUSEUM STIFTINGA HARDANGER OG VOSS MUSEUM Note 1. Rekneskapsprinsipp Årsrekneskapet er sett opp i samsvar med rekneskapslova og god rekneskapsskikk i Norge for små føretak, og forutset vidare drift. Inntekter Inntektene er resultatført når dei er opptent, det vil sei på leveringstidspunktet. Eventuelle rabattar er trekt frå. Klassifisering Eigendelar til varig eige eller bruk og krav med forfall seinare enn eit år frå utgang av rekneskapsåret er oppført som anleggsmidlar. Andre eigendelar er klassifisert som omløpsmidlar, vurdert til det lågaste av kostpris og verkeleg verdi. Gjeld som forfell til betaling seinare enn eit år etter balansedagen er klassifisert som langsiktig gjeld. Anna gjeld er klassifisert som kortsiktig. Neste års avdrag er likevel bokført som langsiktig gjeld. Varige driftsmidlar Varige driftsmidlar er ført opp i balansen til historisk anskaffelseskost fråtrekt lineære avskrivingar basert på ei bedriftsøkonomisk vurdering av driftsmidlane si økonomiske og tekniske levetid. Det vert føreteke nedskriving til verkeleg verdi dersom eit eventuelt verdifall ikkje forventas å vera forbigåande. Det er brukt følgjande avskrivingssatsar: Maskiner og inventar 15 20 % Datautstyr 25 % Bilar 20 % Varelager Varelager er vurdert til det lågaste av anskaffelseskost og antatt salspris etter frådrag for salskostnadar. Eigenproduserte varer er verdsett til full tilvirkingskost. Det er gjort frådrag for eventuell ukurans. Fordringar Kundefordringar og andre fordringar er oppført i balansen til pålydande etter frådrag for avsetning til forventa tap. Avsetning til tap vert gjort på grunnlag av individuelle vurderingar av dei enkelte fordringane. I tillegg vert det gjort uspesifiert avsetning for å dekka antatt tap på kundefordringar. Pensjonar Pensjonskostnader er bokført i samsvar med betalt premie og til gode på premiefond. Skattar Føretaket er ikkje skattepliktig for si verksemd. Offentlege tilskot Føretaket mottek driftstilskot frå det offentlege. Tilskota vert inntektsført i samsvar med løyvingane. Mottekne tilskot som ikkje er brukt ved årsskiftet vert avsett på konto for forskotsbetalte tilskot. Einingar Pr. 31. desember 2010 er Hardanger og Voss museum samansett av følgjande avdelingar i tillegg til fellesavdelinga: Hardanger Fartøyvernsenter, Hardanger folkemuseum, Agatunet, Voss Folkemuseum og Kunsthuset Kabuso. I avdelinga Kunsthuset Kabuso inngår drift av Ingebrigt Vik Museet og Kvam Bygdetun. Tilskot frå Kulturdepartementet og Hordaland fylkeskommune til Granvin Bygdemuseum, har også gått gjennom Hardanger og Voss museum i 2010. Note 2. Lønskostnadar Note 3. Varige driftsmidlar inventar/mask. Bilar Eigedom Sum Kostpris pr 1.1.10 744.792 408.148 2.031.689 2.822.661 Investeringstilskot -2.031.689-1.669.721 Ak.avskrivingar - 280.130-155.692-435.822 Bokført verdi 1.1. 464.662 252.456 0 717.118 Investering 2010 278.820 3.241.338 3.520.158 Invest.tilskot 2010-2.433.303-2.433.303 Avskriving 2010-62.380-48.692-111.072 Bokført verdi 31.12 402.282 482.584 808.034 1.692.900 Tilbygg/nytt tak på Hardanger folkemuseum er framleis under arbeid. Bokført verdi pr. 31.12.10 er kr 732.390 Tilbygg Vikinghallen på Hardanger Fartøyvernsenter er ferdigstilt. Bokført verdi pr 31.12.10 er kr 75.645 2010 2009 2008 Løn og honorar 28 370 472 26.237.745 24.473.478 Arbeidsgjevaravgift 3 335 971 3.133.191 2.987.439 Pensjonskostnader 2 875 678 2.135.190 2.565.621 Refusjonar løn - 1 260 503-813.026-1.541.380 33 321 618 30.693.100 28.485.158 Tal på tilsette gjennom året har vore om lag 90 personar, og dette utgjer om lag 65 årsverk. Godtgjersle dagleg leiar styret Lønn 617.602 182.430 Hardanger og Voss Museum har kollektiv pensjonsavtale for alle tilsette. Årleg pensjonspremie vert rekna som årets pensjonskostnad. Honorar til revisor Kostnadsført honorar til revisor er fordelt på følgjande tenester: Lovpålagt revisjon kr 112.037 Andre tenester kr 36.118 Samla honorar kr 149.055 Summane er inkl. revisjon av eigarselskapa Stiftinga Hardanger Fartøyvernsenter, Stiftinga Agatunet og Voss folkemuseum. Kr 1.806.507 er omklassifisert frå Andre driftskostnadar til Varekostnad.
Notar Revisors beretning STIFTINGA HARDANGER OG VOSS MUSEUM STIFTINGA HARDANGER OG VOSS MUSEUM Note 4. Bundne midlar I posten inngår bundne skattetrekksmidlar med kr 1.228.719. Note 5. Eigenkapital fordelt på avdelingane pr 31.12.2010 Konto 2060 Hardanger Fartøyvernsenter kr 1.104.381 Konto 2061 Hardanger folkemuseum kr 423.415 Konto 2062 Agatunet kr 164.643 Konto 2063 Kabuso kr 227.078 Konto 2064 Voss folkemuseum kr 2.222.534 Konto 2065 Felles kr 289.497 Opptent eigenkapital totalt kr 4.431.548 Note 7. Langsiktig gjeld/pantstillingar og garantiar Av selskapet si gjeld er kr. 349.578 sikra med pant/realkausjon i eigedom tilhøyrande eigarselskapet Hardanger Folkemuseum. Selskapet si gjeld som forfell meir enn fem år etter rekneskapsåret sin slutt, er kr. 215.000,-. Kassakreditt pålydande kr. 1.200.000,- er sikra med pant i eigedom tilhøyrande eigarselskapet Hardanger Fartøyvernsenter.
Ved Hardanger folkemuseum kan ein oppleva hardangerkulturen i eit naturskjønt kulturlandskap. Museet har temautstillingar knytta til folkemusikk, drakt og hardangersaum, samt skiftande utstillingar heile året. I museumstunet finn ein bygningar frå perioden 1200-1900 talet. Kafe og servering. Agatunet er eit freda vestlanske klyngetun. Den unike Lagmannsstova frå 1250 er ein av dei eldste og best bevarte profande trebygningane i Norge. Agatunet har utstillingar, omvisingar og konsertar heile sommaren. Kafe og servering. Ingebrigt Vik Museum inneheld mest alle arbeida etter bilethoggaren Vik (1867-1927). Han er rekna som ein av dei største bilethoggarane i norsk historie. Samlinga etter Vik er utstilt i ein særmerkt og intim bygning, samt i parken utanfor. Visning av filmen og Ingebrigt Vik i Kabuso Voss folkemuseum, Mølstertunet, ligg høgt og fritt på ei slette hundreogsytti meter over Vossevangen. Mølstertunet er eit autentisk tun, der ingen av husa er flytta til eller frå. Museet har også rike samlingar av eldre bruksting og prynadsting. På Hardanger fartøyvernsenter kan du sjå båtbyggjarar, skipssmed og reipslagar utføra gamalt handverk. Du kan og ro ein tur på fjorden, slå ditt eige tau, og byggja ein leikebåt. I aktivitets løypa kan du utfordra og utvida dei maritime kunnskapane dine. Kafeen, biletspela og utstillingane er ope dagleg i sesongen. Kabuso byd på skiftande kunstutstillingar innanfor eit vidt spekter av sjangrar. Konsertar og andre arrangement gjennom heile året, loklisert i ein vakker kammermusikksal med framifrå akustikk. Kafeen har enkel servering og flott utstikt mot fjorden. Ein vakker park bind Kabuso saman med Ingebrigt Vik Museum. Granvin bygdetun omfattar 6 bygningar; m.a. Hovenstova og ei særprega årestove. Ved badeplassen på Eide ligg eit gamalt naust som og høyrer til tunet. Her finn ein m.a ei omfattande museumssamling med gjenstander samla inn lokalt, mellom anna samlinga etter botanikaren Johan Havaas. I Løflotstova er premiesamlinga etter spelemannen Anders Kjerland utstillt. Kvam bygdemuseum ligg på Lundanes i Øystese, og er ein idyllisk stad med gamle klyngetun, smale vegar og nydeleg utsyn over fjorden og Folgefonna. Borgstova i Vikøy prestegard er ei omlag 400 år gamal røykstove med interiør frå 1800-talet. Postadresse: 5778 Utne, Telefon: 53 67 00 40 E-post: mail@hardanger.museum.no www.hardangerogvossmuseum.no