Kvinnherad kommune - Rådmannen Vår ref: 2014/ Dato:

Transkript

1 Side 1 - Rådmannen Vår ref: 2014/ Dato: Til: Frå: Gunn Tove Petterteig Notat gjeld: ar for ulike strakstiltak i Pleie og omsorg Ordføraren har bedt rådmannen om å utreie Varaldsøy som alternativ til saka om strakstiltak i Pleie og omsorg. Rådmannen føreslo å bruka 2 høgda i Rosendalstunet for 8 pasientar. Desse pasientane ligg i dag på rehabiliteringsavdelinga på Rosendalstunet, og på samhandlingsavdelinga på Husnestunet. Rådmannen vil understreka at det er utgreia i høve eit strakstiltak og ikkje eit permanent tiltak. Eit lanvarig tilbod på Varaldsøy vil krevja mykje meir planlegging både i høve fagleg forsvarleg tilbod, personal/ turnus/ arbeid og rekrutering av rett kompetanse og leiing Eit tilbod om institusjonsopphald er grunngjeve slik i dei fleste tilfeller: Eit langtidsopphald skal sikra brukar med behov for eit heildøgns medisinsk og sjukepleiefagleg tilbod, og som har varige og omfattande pleie og omsorgsbehov. Brukaren kan ikkje lengre ta imot denne tenesta i eigen heim. Behovet for tenester skal vera varig og teneste på eit lågare omsorgsnivå skal vera vurdert og/ eller utprøvd. Under har rådmannen forsøkt å visa ulike konsekvensar for dei to alternativa: Opning av 2. høgda ved Rosendalstunet og opning av Varaldsøy aldersheim. Rosendalstunet Medisinsk fagleg Personalforvaltning God kontroll på det faglege. Kommuniskasjon med pasientar, pårørande og personale er viktig for god sjukepleie forsvarleg pleie og behandling. Medvirkning i behandling og pleie blir sikra på ein betre måte ved god kommuniksasjon. Legeressursen kan bli ivaretatt med få auka timar. Kompetanseutveksling er lett å få til på ein større eining. Innleigt personale vil aldri vera åleine og kan bruka den samla kompetansen til personalet på huset i alle samanhengar. Organisering av personalet på fleire avdelingar slik at ei blanding av fast og innleigt personal kan gjera kommunikasjonen langt betre i strakstiltaket. Det kan vera felles administrativ leiing med ei anna gruppe på Rosendalstunet. Avtale med auka legeressurs må gjerast, men vil krevja lite ekstra ressursar.

2 Side 2 Ein person på nattevakt kan lett få hjelp frå dei andre postane ved hjelp i t.d.stell på natt Pårørande kontakt Pasientgruppa som er tenkt flytta frå Rehabiliteringsavdelinga på Rosendalstunet og Samhandlingsavdelinga på Husenes kjem frå Sunde, Husnes, Halsnøy og Rosendal. Fortsatt kontakt med pårørande vil vera enklare på Rosendalstunet enn på Varaldsøy. Viktig for pasientane og pårørande å halde kontakt den siste tida av livet. Varaldsøy aldersheim Medisinsk fagleg Personal forvaltning Vi må ha sjukepleiefagleg kompetanse på alle vakter for å ivareta forsvarlegheten til sjuke pasientar. Legeressursen må aukast med 10%. Aldersheimen må ha legebesøk kvar veke, noko av ressursen går bort i reising. Kommunikasjon er eit risikoområde. Viktig for god behandling at det er god dialog mellom pleiar, pårørande og brukar. Innleigt arbeidskraft er oftast utlandsk arbeidskraft. Firmaet vi er i dialog med har no flest svenske sjukepleiarar så det er bra. Det er svært viktig å ha godt utgreia stabile pasientar. Dette kan vera ei utfordring. I fleire høve har det vore hevda at vi kan vel bruka Varaldsøy til korttidspasientar. Dette frårådar det medisinske fag miljøet. Her er ofte ikkje problemstillingar avklarte og vi risikerar å ikkje gje eit fullgodt tilbod. Kommunane er pålagte å gje eit forsvarleg tilbod der ein opprettar kommunale tilbod. Vi får ikkje same muligheten for å blanda innleigt personale med fast personale. God kommunikasjon kan vera eit risikoområde for forsvarleg pleie. Vi bør ha ein lokal koordinator for personalgruppa på øya. Det er lagt inn ei nattevakt i rådmannen sitt oppsett. Dersom tiltaket skal vera på Varaldsøy, bør det vera to på natt. Ein vil trenga hjelp i stellsituasjonar for denne gruppa. Det kan oppstå situasjonar der det blir utrygt å kun vera ein som må gjera vurderingane. Vi har ikkje fått gått gjennom kva personal vi kan flytte/ overføra. Dette krev ein prosess. Reknar med at tidsfaktoren i reisetid vil utløyse ekstra økonomiske ressursar. Vi treng tid for å forhandla med lege om utvida besøk/ ressurs.

3 Side 3 Rådmannen vil understreka at den personalressursen (3,9 årsverk) som i dag ligg på Varaldsøy er brukt til open omsorg og kan i liten grad nyttast på aldersheimen. Pårørande kontakt Pasientgruppa som er tenkt flytta frå Rehabiliteringsavdelinga på Rosendalstunet og Samhandlingsavdelinga på Husenes kjem frå Sunde, Husnes, Halsnøy og Rosendal. Besøk på Varaldsøy krev lengre reisetid. Vi har erfaring frå tidlegare om at pårørande vegrar seg for å ha sine på øya fordi det blir for tungvindt. Det er ikkje alltid ein kan rekna med å nå fram til sine når det går mot slutten. Dette er avhengig av ferja. Konklusjon: Eit strakstiltak som skal gjelda frå 1 oktober og ut året må bli på Rosendalstunet. Vi vil trenga lengre tid på å sikra eit fagleg forsvarleg tilbod. Organisering av kompetanse, flytting av personale, og få på plass ekstra legeressursar er nokre områder. Rådmannen ser på Varaldsøy som uaktuelt å starte opp med 1 oktober. Vidare fyljer uttale frå kommunelege og seksjonsleiar ambulanse i Helse Fonna. Uttale frå Kommunelege1: I diskusjonen kring trong for fleire sjukheimeplassar har det kome fram forslag om å plassere sjukeheimspasientar på Varaldsøy i den tidlegare gamleheimen der. Ein kan sjå at det er trong for auka kapasitet og fleire sjukeheimsplassar og bustader med heildøgeromsorg, korttids og rehabiliteringsplassar. Etablering av slike plassar bør skje i nærleiken av og i tilslutning til etablerte sjukeheimar og helsesenter. Det er først og fremst omsyn til å kunne gje kvalifisert medisinsk tilsyn og pleie og rehabilietering, som gjer at ein vil støtte ei auke av sengekapasiteten på Rosendalstunet framfor å opna plasser på Varaldsøy. Ein vil måtte auke bemanninga, men vil ha stor nytte av å kunne knytte nye plassar til etablert kompetanse og personell innan rehabilitering, fysioterapi og sjukepleie. Ein har siste åra auka legebemanninga og etablert gode ordningar med legetilsyn ved sjukeheimen og det er nærleik til helsesenter på dagtid. Ei plassering på Varaldsøy er meir problematisk både av omsyn til tilsyn og legehjelp på dagtid og med omsyn til beredskap på kveld og natt. Ved ei plassering på Varaldsøy vil mange eldre verte plassert enda lenger frå si heimbygd og pårørande vil kunne få enda lenger reiseveg. Mvh Oddvar Larsen kommuneoverlege

4 Side 4 Uttale frå Ambulansetensta i Helse Fonna: Helse Fonna v/ seksjonsleiar Ingvill Hystad Kyvik ved ambulansen skriv til oss: Kostnadane for ein ekstratur med ferja er 4750 kr kvar vei. Det er ikkje mulig å rekka å henta pasient og komma videre med samme ferja; så ein tur t/r med ferja vil i praksis bli 9500 kr. Beredskapsmessig tar eit oppdrag på Varaldsøy frå 3-6 t avhengig av transportmåte og tilgjengelighet. Ambulansebåten går i praksis ikkje på turar utan at det er ambulansepersonell med og at det er forventa innleggelse på pasienten. Personellet kan ikkje huska at det har vore tur til Varaldsøy med legefølge. Ambulansepersonell har henta pasientane inn til legekontor. «Hovudutfordringa sett frå ambulansetenesta si side vil vera at pasientkategorien på denne institusjonen vil ha trong for båretransport som vil leggja beslag på ambulanse frå 3-6 t pr. oppdrag, og dette vil svekka beredskapen i resten av kommunen i dette tidsrommet. Ut frå verksemdstal vist i forrige mail, er det grunn til å tru at antal turar til Varaldsøy vil auka ved oppretting av sjukeheim på Varaldsøy. Erfaringa vår er at dersom ein pasient vert henta i ambulanse frå ein stad med utfordrande logistikk til legevakt/legekontor for tilsyn, fører det oftast til innleggjing i sjukehus for observasjon. Same sjukdomstilstand ein anna stad ville kanskje vore sendt heim for å avvente trongen for innleggjing. Dette gjeld naturleg nok spesielt på kveld/natt/helg då utfordringane med logistikken er størst. I har me lokalisert to ambulansar og ein ambulansebåt. Frå tid til anna er ambulanse ein knapphetsressurs, og det er difor svært viktig for oss å ha kontinuerleg fokus på å sikra rett bruk av ambulanse til rett tid. Det gjer me mellom anna med tett samarbeid med legane i kommunen; og ved å bruka medisinsk indeks på AMK (akuttmedisinsk kommunikasjonssentral) for systematisk kategorisering av kva tilstandar som hastar mest og treng ambulanse raskt. AMK er dei som styrer og prioriterer mellom ressursane som til ei kvar tid er tilgjengeleg i eit område. Dette er umiddelbare tankar frå ambulansetenesta i Helse Fonna på grunn av kort frist; og ikkje eit svar på vegne av Helse Fonna. Ved ynskje om Helse Fonna sitt syn på utfordringane, ber eg om at de sender ein formell forespørsel på det til kst. Klinikkdirektør Anna Marie Tveita.» Venleg helsing Ingvill Hystad Kyvik Seksjonsleiar ambulanse / Helse Fonna HF

5 Side 5