MØTEBOK. Samferdselsutvalet. Dato: 21. august 2013 Kl.: Stad: Fylkeshuset, Agnes Mowinkelsgt.5, møterom 367 Saknr.: 57/13-61/13 MØTELEIAR

Transkript

1 HORDALAND FYLKESKOMMUNE MØTEBOK Samferdselsutvalet Dato: 21. august 2013 Kl.: Stad: Fylkeshuset, Agnes Mowinkelsgt.5, møterom 367 Saknr.: 57/13-61/13 MØTELEIAR Bahus, Gustav (FRP) DESSE MØTTE Kvåle, Atle (A) Innvær, Anne-Line (A) Hansen, Jette Lunemann (A) Nævdal, Helge (A) Ulvund, Inger Signe (FRP) Eidsheim, Torill (H) Lutro, Einar (H) Berland, Eli Årdal (H) Ryssdal, Stein Inge (H) Johansen, Iril Schau (H) Kårbø, Pål (KRF) Ljones, Jostein (SP) Skauge, Tom (SV) Turøy, Tore (V) FORFALL Greaker, Alf Helge (V) DESSUTAN MØTTE Frå Hordaland fylkeskommune Håkon Rasmussen Thorbjørn Aarethun Bjørn Inge Midtgård Målfrid Vik Sønstabø Frå Statens vegvesen Olav Finne Kaisa Tonheim Banne MERKNADER TIL INNKALLINGA Innkallinga vart godkjent utan merknader 1

2 GODKJENNING AV SAKLISTA Saklista vart godkjent med ein merknad frå Tom Skauge (SV). Han meinte at sakslista er for kort og etterlyste sak om reklamefinansiert kollektivtransport og sak om innfartsparkering i Bergensområdet. ORIENTERINGAR Statens vegvesen ved Helge Eidsnes orienterte om ulukka i Gudvangatunnelen og generelt om tunellsikring. YMSE Øivind Støle (KPMG) orienterte om arbeidet med Handlingsplanen for trafikktryggleik Fylkesrådmannen legg opp til at høyringsutkastet til handlingsplan vert handsama i SAMU Endeleg handlingsplan legg ein opp til vert handsama i SAMU jan/feb.2014 og i fylkestinget i mars NSB ved Harald Skaarnes og Henning Lirhus orienterte om planane for ruteutviding på Vossebana frå , der ein legg opp til tilnærma timesfrekvens på bana. Nytt frå Skyss Skyss ved Målfrid Vik Sønstabø orienterte om ruteomleggingar i haust, gjensidig bruk av ungdomsbillettar i Hordaland og Rogaland som ei prøveordning fram til nyttår, planar om periodebillettar for mobil, reisetal, erfaringar med bruk av mobilbillettar, enkelte driftsproblemer på Bybanen dei siste dagane og utttrykte ønske om auka frekvens og tal direkteavgangar frå Sædalen til Bergen sentrum. Torill Eidsheim sette fram følgjande oversendingsframlegg Ferjeberedskap og reserveferjer. Hordaland fylkeskommune ønskjer å ta initiativ til felles samarbeid om reserveferjer og då også betre ferjeberedskapsituasjonen. Hordaland er eit fylke med eit høgt antal ferjesamband og tunnelar eller bruer som fjordkryssingar. Dette gjer at vi har eit svært sårbart kommunikasjonssystem. Samferdsel dannar sjølve livsgrunnlaget for store delar av samfunnet vårt her vest og vi må ha betre løysingar ved vegstenging! Dette har vi har sist sett ved fleire avbrudd i drifta grunna tekniske problem på ulike samband i sommar og sist ved ulykka i Gudvangatunnelen, ras på E16. Her vart det raskt kilometerlange lange køar. Mange av omkjøringsmulighetane ved stans og ulukker på hovudferdselsårene utløyser behov for auka ferjekapasitet og tilgangen på reserve ferjemateriell er ikkje god nok. Mykje av materiellet er eldre og heller små ferjer som ikkje har kapasitet til å ta unna trafikkmengda. Utfordringa er dagens system, der beredskap er ei nasjonal oppgåve medan ferjedrift og anbudsområder er inndelt etter fylka. Hordaland Fylkeskommune ønskjer at beredskap og reserveferjer vert sett i samanheng, slik at vi kan finne ei løysing som vi er tent med nasjonalt. Første steg vil vera å sjå på ferjefylka her vest om vi kan få løyst det som eventuelt ligg til hinder for eit betre samarbeid fylka imellom. Det er ønskjeleg med ein felles ferje-pool, eit samarbeid på tvers av fylkesgrensene, slik at vi kunne betre både reserveferjeutfordringa og sikre ferjeberedskapen. Pål Kårbø sette fram følgjande oversendingsframlegg. Samferdselsutvalet ønskjer ei melding om rekneskap i høve til budsjett for utvalet for 2011 og 2012, samt for første halvår

3 Tom Skauge sette fram følgjande oversendingsframlegg Lærdommar etter ein ulukkessommer Spørsmål A. Kva endringar bør ein gjera i prioritering av vedlikehald for gode bruksvegar? B. Er det naudsynt med ein plan for omkøyring i Hordaland som beredskap ved vegstenging etter ulukker/ras? C. Nullvisjonen for trafikkuhell er ei viktig politisk prioritering for betre politisk styring. Kan administrasjonen leggja fram sak til politisk handsaming utgreiingsprogram? Atle Kvåle sette fram følgjande spørsmål. I samband med nedklassifisering av fylkesveg 314 fra BK8T til BK8 oversender eg fylgjande spørsmål: 1. Er det vanleg at SAMU ikkje får saker om klassifisering til uttale f.eks i samband med rullering av RTP? 2. Blir kommunane bedt om uttale før nedklassifisering trer i kraft? Tom Skauge sette fram følgjande spørsmål. Sanntidsinformasjon om busstider med mobilapp: Sanntidsinformasjon om busstider kjem no på nokre rutar i Bergen med tavle på busstoppa. Spørsmål: Har Skyss utgreidd om det er mogeleg å gje eit tilbod også med enkle program til mobiltelefon? Lyskryssprioritering av buss i Christesgate Busstunnellen i Christesgate er ei viktig prioritering av busstrafikken i Bergen sentrum. Men dei reisande klager over at bussane står lenge på raudt lys for å passere Nygårdsgaten. Spørsmål: Kva kan Statens vegvesen gjere for å gje betre lyskryssprioritet til dei kollektivreisande frå vest? Pål Kårbø stilte spørsmål om praksis rundt deltaking på Logistikkdagen og ein næringskonferanse på Mongstad seinare på året. Kvar og kor mykje skal SAMU medlemmane delta på? Utvalet drøfta praksis rundt omfanget av deltaking og eventuell godtgjersle for tapt arbeidsdag. Administrasjonen vil koma tilbake med ei orientering om gjeldande regelverk i HFK. Anne Line Innvær sette fram følgjande spørsmål. Vintervedlikehald på gang -og sykkelvegar Kvar er grensa mellom kommunen og fylkeskommunen sitt ansvar? Korleis kan ein få til gode løysingar som gjer at ein kan gode overgangar/overlapping i brøytinga og anna vintervedlikehald? Einar Lutro stilte spørsmål om kven som har ansvaret for å informera om omkøyringsvegar - på bakgrunn av nokre uheldige episodar, då det for ei tid sidan var redusert ferjedrift i sambanda Kinsarvik Utne og Bruravik Brimnes. Kva instruksjonar gjev SVV entrepenørane i slike tilfelle? Gustav Bahus viste også til at det i den siste tida hadde vore ein del manglande skilting og informasjon om moglege omkøyringsvegar, mellom anna i Hardanger. Håkon Rasmussen gav ei orientering om arbeidet med plan for ny godshamn i Bergensområdet. Menge er berørte av planane og det er eit stort behov for å få ei føreseieleg framdrift. Det vert arbeidd 3

4 med eit revidert planprogram, som ein legg opp til vil koma til SAMU i oktober for utsending på høyringsrunde. MELDINGAR Periode: 22. mai august 2013 Nr. Arkivsak Referatsakstittel 82/ Voss knutepunkt. Statusmelding 83/ E16 Bergen-Voss-Sogn og Fjordane grense - møte med Vegdirektør Terje Moe Gustavsen 84/ Utløysing av opsjon på forlenging av kontraktsperiode for bussdrift i Sunnhordland. Anne Line Innvær spurde kvifor denne opsjonen vert utløyst så tidleg. Karl Inge Nygård svara at avtalen måtte forlengast allereie no for å sikra føreseieleg bruk av anlegga. 85/ Oversendingsforslag knytt til evt. auka produksjon på Snarveien 86/ Svar på oversendingsforslag knytt til Kollektivmeldinga / Jondalstunnelen og ferjesambandet Jondal - Tørvikbygd - status og trafikkutvikling 88/ KID-midlar for faktagrunnlag og prosess - forslag i fylkesutvalet / Forsøk med sambruksfelt på del av Fjøsangerveien (E 39) i Bergen kommune - ønske om at politiet gjør en fornyet vurdering Tom Skauge sette fram følgjande oversendingsforslag 1. SAMU vert informert straks ny dialog er oppretta. 2. SAMU ber Vegkontoret førebu plan forkollektivfelt på alle 4- felts innfartsårer. 90/ Tidsfrist for innlevering av spørsmål til møte i fylkesutvalet 91/ Prosess for fylkeskommunalt fremsatte forslag til endring i togproduksjonen under Trafikkavtalen Timefrekvens på Vossebanen. Tom Skauge sette fram følgjande oversendingsforslag. SAMU ber administrasjonen legge fram resultat av ny avtale mellom NSB og Flåmsbana AS. Det er særleg av interesse om ein ny avtale kan gje betre materiell på Vossebana. 92/ Krav om assistansetjeneste på Bergen Busstasjon 93/ Møtereferat - Fylkestrafikksikringsrådet / Handlingsprogram endring i tidspunkt for høyring 95/ Handlingsprogram Statsbudsjettet vidare prosess for høyring. Anne Line Innvær ville ha ei orientering om innhaldet i dialogmøtet 13.november. Thorbjørn Aarethun svara at 4

5 samferdselsutvalet får handlingsprogrammet til høyring i oktober. I høyringa får ein høve til å koma med innspel til handlingsprogrammet og innhaldet i møtet. 96/ Frå vondt til verre på E16. Iril Schau Johansen la vekt på at ein må ha eit kontinuerleg fokus på E16. Det må ikkje vera ei sovepute at ein ventar på ein ny trase. Mørklegginga av Dalseidtunellen vart drøfta. Olav Finne viste til at mørklegginga er gjort grunna fordi grunna vedlikehaldsarbeid på EX kablane. Gustav Bahus nemnte at det kan verta aktuelt at styringsgruppa for E16 møter/held ein presentasjon for samferdselsutvalet. 97/ Oppfølging av Utviklingsplan for Skyss - rapportering 2. kvartal / Spørsmål til KS om felles handtering av habilitetssaker i kommunane og fylkeskommunane - Svar på oversendingsforslag frå samferdselsutvalet. Torill Eidsheim meinte at KS sitt svar var for passivt. 99/ Svar på spørsmål om bompengetakstar m.m. Einar Lutro kommenterte at arbeidet med felles rabattstruktur ikkje treng å knytast til arbeidet med eit regionalt bompengeselskap. 100/ Høyring - forslag til nye retningsliner om tekniske føresetnader for omklassifisering/nedlegging av fylkesveg eller riksveg 101/ Melding til samferdselsutvalet - Svar på oversendingsforslag A jour / Skilting om bompengar på ferjekaiene - Svar på oversendingsforslag 103/ Strakstiltak for rassikring av E / Prospekt søknad om statlig støtte og medvirkning 105/ Sambandet Vest AS - Merknad i NTP - Ringveg nord (Tverrsambandet) 106/ Nødnett i tunellar - framdrift og finansiering 107/ Svar på oversendingsforslag - portal for varsling av farlege punkt i trafikken i Hordaland Tom Skauge sette fram følgjande oversendingsframlegg. SAMU ber administrasjonen snarast råd komme med eit framlegg til etablering av ein portal for innmelding av risiko for trafikkuhell. Røysting Oversendingsframlegget fall mot ei røyst (SV). 108/ Orientering om arbeidet med kollektivstrategi for Hordaland 2. kvartal / Fylling av gass på Halhjem ferjekai - Svar på oversendingsforslag 5

6 SAKNR. 57/13 GODKJENNING AV MØTEBOK SAMFERDSELSUTVALET VEDTAK Møteboka frå samferdselsutvalet vert godkjend. 58/13 HALVÅRSRAPPORT FOR FTR Eli Berland og Torill Eidsheim sette fram forslag om tilleggspunkt. «Samferdselsutvalet ber om at rapportering frå FTR vert ein fast post i kvart møte i utvalet.» Røysting Fylkesrådmannen sitt forslag til innstilling vart samrøystes vedteke. Eli Berland og Torill Eidsheim sitt forslag til tilleggspunkt vart samrøystes vedteke. AVGJERD Samferdselsutvalet tek halvårsrapporteringa til orientering. Samferdselsutvalet ber om at rapportering frå FTR vert ein fast post i kvart møte i utvalet. 59/13 REGIONAL AREAL- OG TRANSPORTPLAN FOR BERGENSOMRÅDET - VEDTAK AV PLANPROGRAM Tom Skauge sette fram følgjande forslag til endringar i planprogrammet: «1.Under hovudføremål er fyrste overskrift (s.6): Berekraftig vekst. 2. Ny overskrift (s. 5) Utslepp av klimagassar skal ned og anna forureining skal reduserast 3.Under hovudformål skal inn: Alle større ut byggingstiltak må ha vedlagt utgreiing om konsekvensar for klimautslepp.» Atle Kvåle sette fram forslag til nytt pkt. 2 i innstillinga. «Den geografiske avgrensinga av planområdet omfattar også kommunane Fusa og Kvam. Transportkorridoren Bergen Voss skal vera med som eit plantema.» Stig Inge Ryssdal sette fram forslag til nytt pkt.3a i innstillinga «Fylkesutvalet oppnemner alle gruppeleiarane og utvalsleiarane til medlemmer i styringsgruppa. Atle Kvåle og Stig Inge Ryssdal sett fram følgjande fellesforslag til medlemer i pkt. 3b i innstillinga «Fylkesutvalet oppnemner to medlemar i fylkesutvalet til medlemmar i styringsgruppa, Tom - Christer Nilsen leiar, og Astrid Selsvold» Røysting Tom Skauge sine forslag til endringar i planprogrammet fall med 7 røyster (A,Sp,SV,KRF) for pkt. 1, 7 røyster (A, SP,SV,KRF) for pkt. 2 og 6 røyster (A,SP,SV) for pkt. 3. Fylkesrådmannen si innstilling til punkt 1,3c, 4 og 5 vart vedteke samrøystes. Atle Kvåle sitt forslag til nytt pkt. 2 fekk 7 røyster (A,SP,SV,KRF) og fall. Stig Inge Ryssdal sitt forslag til nytt pkt. 3a vart vedteke samrøystes Fellesforslaget om medlemer i pkt.3b vart vedteke samrøystes. Tom Skauge sette fram følgjande protokollmerknad: «1.Plan for utbygging av trolleybuss vert eit viktig tiltak i tillegg til Bybaneutbygging. 6

7 2.Plan for utgreiing av bybanebyggetrinn 5: Sentrum-Oasen vert lagt fram i SAMU i haust.» INNSTILLING 1. Fylkesutvalet vedtek med heimel i plan- og bygningslova 8-3 planprogram for regional areal- og transportplan for Bergensområdet med fylgjande endringar: a. Tilgjenge blir innarbeidd som ein del av føremålet i kapittel 2 og som ein del av kapittel 5.4 b. Friluftsliv blir innarbeidd som ein del av delføremål grønstruktur i kapittel 2. c. Tillegg i kapittel 3 om rammer og føringar blir endra i tråd med tilrådingane i saksframlegget. d. Premissane som ligg til grunn for val av utviklingsmodell må bli skildra tydelegare i planprogrammets kapittel 4 (Modellar for utvikling). e. Utgreiingar knytt til innfartsparkering, massedeponi og behov for ny infrastruktur for veg blir innarbeidd i endeleg planprogrammets kapittel 5.4 (Transport). f. Medverknad med kommunane må bli utdjupa i planprogrammet. g. Planprogrammet sitt kapittel 8 (Konsekvensutgreiing) må bli tydelegare på at det skal bli utgreidd fleire arealalternativ. h. Tema marint miljø, vassressursar, verna vassdrag, forsvaret sine interesser og energiinfrastruktur blir tatt inn som ein del av konsekvensutgreiinga i kapittel 8 (Konsekvensutgreiing). Fylkesrådmannen får fullmakt til redaksjonell utforming av endringane i punkt a h. 2. Den geografiske avgrensinga av planområdet blir oppretthaldt slik den var føreslått i planprogrammet. Transportkorridoren Bergen Voss skal likevel vere med som eit plantema. 3. Fylkesutvalet oppnemner og inviterer til styringsgruppa a. Fylkesutvalet oppnemner alle gruppeleiarane og utvalsleiarane på fylkestinget til medlemmar i styringsgruppa. b. Fylkesutvalet oppnemner to medlemar i fylkesutvalet til medlemmar i styringsgruppa, Tom Christer Nilsen, leiar, og Astrid Selsvold c. Fylkesutvalet inviterer alle ordførarane/byråden i alle kommunane til medlemmar i styringsgruppa. 4. Fylkesrådmannen får fullmakt til å invitere til deltaking i den administrative koordineringsgruppa og eventuelle temagrupper i samsvar med planprogrammet. 5. Finansiering av planarbeidet blir innarbeidd i sak om fordeling av midlar frå posten regional planstrategi og for budsjettet /13 HØYRINGSUTTALE - REGIONAL TRANSPORTPLAN SOGN OG FJORDANE Tom Skauge sette fram følgjande tilleggspunkt til fylkesrådmannen si innstilling: «Samferdselsutvalet i Hordaland meiner gode bruksvegar bør ha høgare prioritet enn ferjefri E39, til dømes med betre tunnellsikring.» 7

8 Røysting Fylkesrådmannen sitt framlegg vart vedteke mot 1 røyst (SV) for framlegget frå Tom Skauge (fylkesrådmannen si innstilling med tilleggspunktet). INNSTILLING: Fylkesutvalet støttar høyringsframlegget til Regional transportplan Sogn og Fjordane utan vidare merknader. 61/13 BÅTRUTA KLEPPESTØ - STRANDKAIEN Tom Skauge sette fram følgjande framlegg til innstilling. «Samferdselsutvalet ber administrasjonen finne ei løysing som gjer det mogleg å starte opp med miljøbåt mellom Bergen sentrum og Kleppestø.» Tore Turøy sette fram følgjande framlegg til nytt pkt. 1. «Gjennomføring av miljøbåtprosjektet for sambandet Kleppestø - Strandkaien vert tilpassa Askøy kommune sitt arbeid med planlagt utbygging av kollektivområdet i Kleppestø. Prosessen med anbodsgrunnlag med meir, skal vidareførast så langt råd, og anbodet skal lysast ut så raskt det lar seg gjere i høve utbyggingsprosessen. Gustav Bahus og Stig Inge Ryssdal sette fram forslag om nytt pkt. 2. «Det vert utlyst konkurranse om drift på sambandet Kleppestø-Strandkaien for ein mellombels periode frå 1. januar 2015.» Røysting Tom Skauge sitt framlegg til innstilling fekk 7 røyster (A,SV,SP,KRF) og fall, medan Gustav Bahus og Stig Inge Ryssdal sitt forslag til nytt pkt. 2. fekk 8 røyster (H,FRP,V)og vart vedteke. Tore Turøy sitt framlegg til nytt pkt. 1 vart vedteke mot ei røyst (SV). INNSTILLING 1. Gjennomføring av miljøbåtprosjektet for sambandet Kleppestø - Strandkaien vert tilpassa Askøy kommune sitt arbeid med planlagt utbygging av kollektivområdet i Kleppestø. Prosessen med anbodsgrunnlag med meir, skal vidareførast så langt råd, og anbodet skal lysast ut så raskt det lar seg gjere i høve utbyggingsprosessen. 2. Det vert utlyst konkurranse om drift på sambandet Kleppestø-Strandkaien for ein mellombels periode frå 1. januar Bjørn Inge Midtgård sekretær 8