VIDAREFØRING AV PARTNARSKAPSAVTALE MED NCE TOURISM FJORD NORWAY

Transkript

1 HORDALAND FYLKESKOMMUNE Regionalavdelinga Næringsseksjonen Arkivsak Arkivnr. 370 Saksh. Dixon, Marta Rongved Saksgang Møtedato Fylkesutvalet VIDAREFØRING AV PARTNARSKAPSAVTALE MED NCE TOURISM FJORD NORWAY SAMANDRAG Hordaland fylkeskommune har vore ein av partnarane og støtta NCE Tourism sidan starten i Dei søkjer no om vidareføring av partnarskapen for 2. periode frå 2013 til NCE Tourism (NCET) har etter første periode i 2012 gjennomført ei intern og ekstern evaluering. Resultatet av den eksterne evalueringa slår fast at NCET kan vise til mange gode resultat sett opp mot dei eigenformulerte målsetningane til programmet og prosjektet. NCE programmet har gitt NCET klarsignal for vidareføring av prosjektet i den neste treårsperioden. Evalueringa peiker på nokre utfordringar som må ha særskilt fokus om NCET skal kunne levere tilfredsstillande i løpet av neste periode. Styringsgruppa må endrast frå ei representativ samansetning til å være meir bedriftsretta. Det er utarbeida ein søknad om tilskot til fylkeskommunane i fjord Norgeregionen der fokus på satsinga er spissa i tråd med anbefalingane frå evalueringa. FORSLAG TIL VEDTAK Fylkesutvalet ser positivt på arbeidet i NCE Tourism Fjord Norway og vidarefører partnarskapsavtalen fram til 2016 medrekna ei årleg støtte på kr Midlane blir tatt frå RUP budsjettet. Rune Haugsdal Fylkesrådmann Vedlegg: Søknad om tilskudd 2. kontraktsperiode Bård Sandal Fylkesdirektør for regional utvikling

2 FYLKESRÅDMANNEN, : Bakgrunn og tidlegare handsaming Fjord Norge AS søkte i 2009 om å få tildelt eit NCE prosjekt for fjord-regionen, og fekk tildelt dette. Hordaland fylkeskommune har saman med Rogaland, Sogn og Fjordane og Møre og Romsdal vore partnarar i prosjektet med eit årleg tilskot på kr over Regionalt Utviklingsprogram. Fylkeskommunane har vore representert i styringsgruppa for NCET gjennom Vestlandsrådet. Tilskotet frå Hordaland fylkeskommune har vore handsama administrativt i første periode. I tråd med rammene for det nasjonale NCE-programmet blei det lagt til grunn at NCET skulle drivast i 10 år frå 2010 til Prosjektet skal evaluerast og vurderast for vidareføring kvart tredje år. Første evaluering bestod av ein intern og ein ekstern del og resulterte i at prosjektet fekk klarsignal for vidareføring. NCET har så sendt ein søknad til fylkeskommunen der dei ber om at støtta blir vidareført inn i neste kontraktperiode. Rammevilkår, behov og utfordringar i periode 2 Under nye strategiske føringar inn i neste periode vil NCET sin klyngestrategi få langt sterkare bedriftsfokus med krav til lønsemd, kvalitet, verdiskaping og kommersialisering av tenesteinnovasjon. NCET vil spisse opplevingssatsinga til utvalde tema med betalingspotensiale. NCET vil forsetje satsinga på prosjekt der auka lønsemd for bedriftene står i fokus. Noreg er eit dyrt ferieland samanlikna med utanlandske destinasjonar, og det er særs viktig at kvalitet og totaloppleving står i stil med det prisnivået gjestane opplever. NCET vil utvikle unike og verdsleiande opplevingsbaserte produkt som kan seljast til høgare pris og som kan marknadsførast mot kjøpesterke nisjesegment. Produktutviklinga i NCET vil derfor aktivt jobbe med kvalitetsutvikling på fleire nivå, frå felles vokabular, sjekklister, kvalitetsstandardar til ulike sertifiseringsordningar, gjerne inspirert av andre land sine standardar for god kvalitet. NCET vil styrke si satsing på pakketering og tilrettelegging for sal i samarbeid med opplevingsbedriftene og nasjonale aktørar. NCET skal også ha fokus på å leggje til rette for utviklinga av eit spektrum av opplevingar som gir eit breiare grunnlag for heilårs arbeidsplassar. Samtidig vil ein arbeide for livslange utdannings- og kompetanseløp. NCET har fått finansiert eit prosjekt gjennom Regionalt forskingsfond knytt til elastisitet og kundegrupper innan utvalde opplevingar. Dette til føre til ei sterk auke i fokus på FoU for statistikktenester for Periode 2. Strategival og planar for periode 2 I Periode 2 spissar NCET sin visjon og dermed også valet av opplevings- og tverrgåande tema. Som innovasjonsnettverk vil organisasjonen i neste periode identifisere eit mindre tal forretningsmodellar og fyrtårn for særleg fokus. Verdien av deltaking i prosjektet skal gjerast tydelegare for partnarane og medlemmane i NCET. Ein vil utføre systematiske innovasjonsaktivitetar for å leggje grunnlaget for auka verdiskaping for medlemmene i klynga. NCET vil utarbeide et revidert målhierarkidokument med nullpunktsanalyser tidleg i perioden. Visjon: Fjord Norge-regionen skal bli eitt av verdas leiande reisemål innan aktive, naturbaserte opplevingar. Misjon: Med utgangspunkt i dei fire vestlandsfylka skal NCE Tourism Fjord Norway leggje til rette for innovasjonsarbeidet i reiselivsklynga i samspel med FoU-miljøa og det offentlege verkemiddelapparatet. Hovudmål: NCE Tourism Fjord Norway skal styrke reiselivsklynga og bidra til auka profesjonalitet, miljøfokus og lønsemd. 2

3 Val av opplevings- og tverrgåande tema Seks «verdt ei reise» opplevingstema er valt for periode 2 ei spissing i høve til første periode: Ski, vandring, sykkel, fiske, padling og elvesport og arkitektur. Opplevingsreiser og opplevingsbedrifter står dermed sentralt, men alle aspekt ved ei reise må samverke for at reisa blir eit sterkt minne. Derfor må fjordkulturen koplast opp mot «verdt ei reise»- opplevingstema og involverast i heile infrastrukturen med overnatting, servering og transport. Tverrgåande tema og kompetanse må inngå i alle innovasjonsaktivitetane. Partnarskapsmodell Opplevingsbedriftene innan valde tema skal være i sentrum for alle innovasjonsprosessar. For å sikre lønsame forretningsmodellar på tvers av nettverket, vil NCET samle lokomotiva i reiselivet i fjordregionen til prosjektkonsortia og innovasjonsnettverk. Her blir dei største ferje- og transportselskapa, turoperatørane, hotellkjedene og fjordhotella vesentlege partnarar. NCET vil skape ein partnarskapsmodell som baserer seg på trippel helix-partane næring, det offentlege og FoU. Planar per klyngeaktivitet NCET si verdiskapings- og klyngeaktivitetstrapp viser at klynga skal «klatre» til auka verdiskaping frå samarbeid, arbeidskraft, kapital, kunnskap, innovasjon, distribusjon, marknader og til auka omsetning/lønsemd. Dette skjer gjennom klyngeaktivitetane møteplassar og arenabygging, felles kompetanse og utdanningsløp, felles finansieringsprosjekt, felles FoU prosjekt/institusjonar, felles innovasjonsprosjekt, felles formidling og teknologi, felles profilering og marknadsføring og nye/veksande bedrifter. Organisasjon og leiing Partnarskapen er organisert gjennom eit Prosjektråd, ei Styringsgruppe og ei operativ Prosjektleiing. Organisasjonen byggjer på ein partnarmodell med ulike inngangssummar der også bedrifter og utviklingsaktørar utanfor Fjord Norge-regionen deltar for å hente kunnskap og for å bidra til å initiere felles satsingar med overføringsverdi. Prosjektrådet består av partnarane i prosjektet, kvar partnar har ei stemme. Rådet skal møtast årleg og utnemner medlemmane i Styringsgruppa. Styringsgruppa tar operative og strategiske avgjerder og består av åtte personar pluss observatørar. Medlemmane blir vald for kvar kontraktperiode og skal møte minimum fire gonger per år. Gruppa skal vere satt saman av representantar frå opplevingsbedriftene, transportaktørane, overnattingsbedriftene, formidling, destinasjonsselskapa, FoU, Innovasjon Norge og administrerande direktør frå kontraktpartnar Fjord Norge AS. Det offentlege skal representerast gjennom det fylket som har sekretariat for Vestlandsrådet og skal ha observasjonsstatus. Fjord Norge sitt styre fungerer som valkomité og gjer innstilling til prosjektrådet. Styringsgruppa vel sin leiar blant næringa sine representantar. Prosjektleiinga skal engasjerast av kontraktpartnar Fjord Norge AS (FN), og er styrka i periode 2. Rolla som fasilitator skal i langt større grad gi høve til å følje opp og bidra i innovasjonsarbeide for å sikre gjennomføring, resultat og effekt. Prosjektleiinga skal bestå av ein hovudprosjektleiar og tre seniorkonsulentar. Ytterlegare ressursar blir henta inn ved behov. Kontraktpartnar: Som kontraktpartnar har styret i FN det overordna, formelle juridiske ansvaret. NCET-prosjektet er forankra i FN med ein eigen rekneskap og ein eigen organisasjonsstruktur. Styret i FN har delegert det strategiske, faglege og budsjett-messige ansvaret til NCET si styringsgruppe. Det same gjeld rapporteringa til NCE-programleiinga. Administrerande direktør i FN har det overordna personalansvaret for NCET si prosjektleiing. Advisory board: Eit internasjonalt Advisory Board vil bidra til ein klarare strategi for å posisjonere NCET-prosjektet og Fjord Norge regionen som eit World Class Cluster. 3

4 Referansegrupper: Referansegrupper skal etablerast for opplevingstema og tverrgåande tema. Referansegruppene innstiller operative og strategiske anbefalingar til Styringsgruppa. Internasjonalt samarbeid NCET vil jobbe med å ytterlegare styrke sitt internasjonale samarbeid. Ein har særleg fokus på å knytte tettare koplingar til internasjonale bransjeorganisasjonar, internasjonale reiselivsklynger, International Advisory Board og internasjonale forskingssamarbeid og prosjekt t.d. gjennom EUprosjekt. Budsjett og finansieringsplan Budsjettet og finansieringsplanen er bygd på den nye partnarskapsmodellen. Hovudpartnarar betaler dei høgaste innskota og andre partnarar betaler ulike beløp etter bestemte kriteria. Budsjettet er justert i søknad til i forhold til opprinneleg søknad (vedlagt). Finansiering Sum FoU/Utdanning: eigeninnsats NCE-programmet RUP Hordaland Øvrige offentlege (fjordfylka) Deltakerbedrifter: kontakttilskot Deltakarbedrifter: eigeninnsats Sum Aktivitet Analyse- og strategiprosessar Kommunikasjon og profilering Kompetansetiltak Nettverksbygging og møteplassar Prosessleiing Utviklingsprosjekt /FoU Sum Kritiske suksessfaktorar Faktorane er utarbeida på bakgrunn av erfaringane i NCE-programmet og NCET sentralt, samt innspel frå styringsgruppe og tilbakemeldingar frå partnarskapen. 1) Å definere ei identitet for klynga og halde fast ved denne 2) Å handtere storleiken på klynga 3) Å sikre at næringa og partnarane driv innovasjonsprosjekta 4) Å dokumentere og formidle resultat/effekt av aktivitetane 5) Å ivareta arbeidsfordelinga mellom NCET og kontraktpartnar Fjord Norge AS. Fylkesrådmannen si vurdering NCE-programmet gjev reiselivsnæringa på vestlandet eit viktig løft. Reiseliv er ei av våre prioriterte næringar og er ei næring med særleg stort potensiale for vekst. Samstundes må næringa utvikle seg for å kunne møte marknaden sitt behov for kvalitet, tilgjengelegheit og leveranse/kompetanse. Reiselivsnæringa i Fjord-Norge regionen framkjem som fragmentert med mange små bedrifter spreidd over stor geografisk spreiing. Samstundes er bedriftene ein del av eit felles overordna produkt - Fjord Norge i verdsklasse. Behovet for samarbeid er stort, samstundes som det høge talet på bedrifter av liten storleik gjer det krevjande for bedriftene å bruke ressursar på kompetanseheving, utvikling av felles strategiske føringar og utvikling av gode og samansette bookbare opplevingar på tvers av distrikt og region. Fjord Norge AS handsamar internasjonal marknadsføring på vegne av heile regionen, og er allereie ein samlande faktor for reiselivnæringa i området. Produktutvikling, kompetanseheving og klyngeverksemd er avgjerande for at reiselivsnæringa skal kunne utvikle seg i retning av høgare effektivitet, høgare kvalitet og høgare grad av heilårs arbeidsplassar. Desse områda er ikkje ein del av 4

5 Fjord Norge AS sitt ordinære mandat. NCE-programmet gjev regionen handlingsrom til å fokusere på desse verdiane. Evalueringa etter første periode viser at prosjektet har oppnådd ein positiv effekt av arbeidet som er gjennomført. Dette gjeld særleg innafor feltet FoU. Reiselivsnæringa har tradisjonelt hatt liten kontakt med forskingsmiljøet, og dette er no i ferd med å endre seg. Bedriftene har fått ei auka forståing av verdien av forskingsdriven innovasjon gjennom prosjektet. Ein struktur av gode møteplassar er etablert der ei lang rekkje personar frå bedriftene, FoU og offentlege institusjonar møtes og samarbeider. Evalueringa seier vidare at NCET no er i ferd med å finne ei form som gjev grunn til optimisme for vidare utvikling. Evalueringa peikar også på ein del utfordringar i første periode. Det store geografiske området og det høge talet på små medlemsbedrifter er nettopp ei slik utfordring. Som respons har prosjektleiinga tatt grep for å spisse innsatsområda inn i andre periode for å betre tydeleggjere for medlemsbedriftene kva effekt dei får tilbake for innsats og investering. Samansetninga av styringsgruppa skal endrast slik at den betre skal reflektere medlemsbedriftene, i staden for å ha fokus på brei representasjon som til no. Prosjektet har også hatt personalmessige utfordringar i første periode og administrasjonen er no styrka og har ein betre samansetning i høve til oppgåvene som skal løysast i andre periode. NCET har ikkje i så stor grad som ein kunne ønskt klart å levere i høve til medlemsbedriftene sine forventningar. Betre kommunikasjon mot partnarbedriftene og tydeleggjering av NCET si faktiske rolle er naudsynt. Det må leggjast vekt på å få på plass avtalar med bedrifter som har ei rolle å spele inn i arbeidet NCET står føre inn i andre periode, med ein kombinasjon av dei store motorane både i det private og det offentlege, og dei mindre aktørane som leverer produkta NCET har fokus på å utvikle. Om desse føresetnadane fell på plass, trur eg NCET vil bli ein viktig aktør i utviklinga av reiselivsnæringa på Vestlandet. 5