Starting av Seniorlaget i Mjeldalen ungdomslag i 1997

Transkript

1 Starting av Seniorlaget i Mjeldalen ungdomslag i 1997 Margunn Helle, Målfrid Helland og Karen Margrethe Bøe Etter å ha vore på besøk hjå andre pensjonistlag på Osterøy fekk me lyst å prøva noko lignande her i Haus-området. Me samlast seks personar hjå Karen Margrethe Bøe. Det var: Mons R. Mjelde, Knut J. Mjelde, Einar Tennebekk, Margunn Helle, Målfrid Helland og Karen Margrethe Bøe for å diskutera opplegget. Skulle me melda oss inn i Pensjonistforbundet eller vera eit støttelag for Mjeldalen ungdomslag? Det vart kalla inn til eit møte og med hjelp av «jungeltelefon» og plakatar møtte mange opp i ungdomshuset den 6. november Då fleire av dei frammøtte var medlemmer i MUL vart det bestemt at me først skulle ta kontakt med ungdomslaget om eit samarbeid med dei. Styret i MUL tykte dette var ein god ide, og me fekk ein god avtale med dei: Fritt hus og straum ein kveld i veka. Me gjorde og ein avtale om å hjelpa kvarandre med tilstellingar av ymse slag. Dette har fungert godt. Å vera medlemmer i ungdomslaget var ikkje noko krav. Me valgde å kalla laget «Seniorlaget i Mjeldalen ungdomslag», og me skulle ha vårt eige styre og vår eigen økonomi. Dei seks som var samla til det første møtet vart valgt til styre, og Karen Margrethe Bøe vart den første leiaren i laget. Formålet med laget skulle vera å samla dei «godt vaksne» i bygda til sosialt samvær, og me vart samde om å møtast ein gong i månaden. Til å leia møtet skulle det veljast ein komite, som i tillegg til litt underhaldning også skulle syta for ei enkel servering. Dette skulle finansierast med utlodning på kvart møte. Det viste seg at det var mange skjulte talenter i laget og mykje av underhaldninga har såleis medlemmer i laget sytt for. Det må nevnast dei mest brukte: Knut J. Mjelde, Mons R. Mjelde og Olav M. Mjelde. Desse har vore svært flinke til å underhalda med både skjemt og alvor. I tillegg til møter har me dei fleste åra hatt turar rundt i landet på 4-5 dagar pluss ein hausttur på ein dag her på Vestlandet. Me har og hatt ein fest pr. år i den siste tida har dette vore julebord. På veggen i matsalen i ungdomshuset heng ei rekke innramma fotografi frå lokalmiljøet i tidlegare tider, og fleire av desse med tekstar på baksida. Dette var det Seniorlaget v/marit Selvik Kallekleiv som stod for. Seinare har MUL supplert denne samlinga. Målfrid Helland og Johannes Stokke må me ikkje gløyma. Tenk kor mykje fin musikk dei har bidratt med. I 2005 laga Johannes Stokke eige songhefte for laget. Dette har vore flittig i bruk! Lars Johannessen og Leif Mjølkeråen har vore svært flinke turleiarar i desse åra. Desember 2011 Margunn Helle Karen Margrethe Bøe Målfrid Helland Vedlegg 1 - Oversikt over turar og innbedne til underhaldning Vedlegg 2 - Andre aktivitetar - utdrag frå møtebøkene

2 Vedlegg 1 Turar 5 juni 1999: Busstur til Modalen og Nygard. God middag på Mo. Heimturen gjekk om Eksingedalen og Evanger. Arvid Mjelde var sjåfør. 4 juni 2000: Tur til Vossastølen på Oppheim. Denne gongen med to overnattingar. Dans og underholdning, turar til Stalheim og Undredal. Me køyrde med privatbilar og det vart ein flott tur. 28 mai 2001: Tur til Vossastølen i år også og med to overnattingar. Eine dagen var me på tur til Lærdal. Me var på Villaksmuseet og fekk kjøra den flotte Lærdalstunellen. Juni 2002: Tur til Oset Høyfjellshotell. 2 juni 2003: Tur til Morgedal Hotell i Telemark. Telemark-kanalen, Anne Grimdalen-museet, Dalen Hotell, Vest-Telemark-museet og Vemork på Rjukan. 27 mai 2004: Loenfjorden Hotell gjekk turen til denne gongen. Båttur på Loenvatnet guida av ei 83-år gamal dame som hadde opplevd raset i Ravneberget. Deretter Tjendalsbreen og Geiranger. 18 september 2005: Dagstur til Dyrdalen og ho «Magnhild med pølsna», Sølvsmia, Håkonshaugen på Seim, bøkeskogen og rundtur i Knarvik. Fårikål på Lindås Brygge smaka godt, med karamellpudding til dessert. 30 mai 2005: Sumartur til Ryfylkefjordane. Tur til «Flor og Fjære», Israelsneset og Jelsa. 29 mai 2006: Sumartur til Nordvestlandet saman med Eidfjord pensjonistlag. Tur på Nordsjøvegen, Ålesund, Aksla, båttur til Hå og Torseth. 2 november 2006: Dagstur til Nordhordland. Besøk på Manger Fiskemat, Lutefisken på Lindås Brygge smaka godt og desserten var god. 4 juni 2007: Sumartur til Åsgårdstrand. Besøk på Marinemuseet i Horten, Edvard Munch-huset, Verdens Ende, Slottsfjellet i Tønsberg og ein liten tur inn i Sverige. 2007: Dagstur til Bullahuset på Valestrand. Knut Henriksen fortalde om Ole Bull. Det var interessant. Mars 2008: Vårtur til Fabrikkmuseet i Ytre Arna. Historielaget har laga eit flott og interessant «bilete» av fabrikkstaden. 2008: Sumartur til Sognefjord Hotell i Leikanger, Jostedalen, Bremuseet og Lerumfabrikken i Sogndal. Flott ver og fin tur. 2008: Haustur til Modalen. Omvisning på Bryggeslottet ved ordførar Knut Moe. Nydeleg middag på restauranten. 2009: Tur til Hovden Høgfjellshotell. Tur i Setesdalen, Rystadloftet, Sølvsmia, Steinmuseet og Jernvinningsmuseet.

3 2009: Hausttur til Øygarden. Me var på Kollsnes og såg på anlegget der. På Kystmuseet såg me film. Middag på Blomvåg Hotell. Den smaka godt. 2010: Tur til Tyrifjorden Hotell. Me besøkte Hadeland Glassverk, Blaafarveværket, Soria-Moria, Den Norske Opera, Holmenkollen, Vikersund hoppbakke og me hadde båttur på Krøderen. 2010: Dagstur til Skjerjehamn via Sløvågen. Der såg me statua av Kong Olav og Skjerjehamn vertshus frå På Byrknesøy var me på Gulen Fiskarbondemuseum. På Byrknesøy fekk me også god middag. 2011: Sumarturen denne gongen vart avlyst, men me var på ein dagstur til Flåm og Flåmsbyggja Hotell, med eit interessant stopp i Undredal der me fekk smaksprøver av dei sjølproduserte ostane. Innbedne til underhaldning 1997 Musikk: Silje og Terje Solberg Musikk: Magne Brakvatne, Tormod Ingebrigtsen, Terje Solberg og Asbjørn Borlaug som spela munnharpe Foredrag: Asbjørn Solberg om Arna før og no. Bertine Solberg (opplesing).. Musikk og song: Magne Brakvatne, Tormod Ingebrigtsen, Ingvald Kleiveland Vevle, Lene Ingebrigtsen. Jodlekoret til Osterøy pensjonistlag Festtalar: Kjartan Rødland. Foredrag: Signe Mjelde Nordås om bøker. Osterøy Hagelag, Rolf Eide om blomar i hagen. Norvald Halland (lysbilete), Musikk og dans: Terje Solberg og Tormod Ingebrigtsen. Gammaldansgruppe frå Lonevåg Festtalar: Sverre Havre. Foredrag: Leiv Mæhle om Mjedlasmia, Osterøy Hagelag, Rolf Eide, Brita Borge, Bertina Solberg (opplesing), Osvald Kaland. Musikk: Magne Brakvatne Festtalar: Per Øfsthus Foredrag: Wenche Fiskeseth om Frivillighetssentralen Musikk: Terje Solberg, Tormod Ingebrigtse, Magnus Mjelde, Osterøy Munnspelorkester Festtalarar: Margit og Johannes Rydland. Foredrag: Per Øfsthus, Ingunn Rongved, Leif Vatle og Helge Mjelde. Politimann Roar Foss om sikkerheit for eldre og Inger Marie Håven frå Arna Hagelag.. Musikk: Johann Hansen og Trygve Mjelde (9 år).

4 2004 Festtalar: Agnar Hjellvik.. Foredrag: Leiv Vatle, Norvald Halland (lysbilete) Musikk og dans: Wemund Mjøs og Johann Hansen. Seniordansarane frå «Øynæ» Festtalar: Sverre Havre. Foredrag: Johannes Torp og Rune Revheim fortalde frå gamle dagar. 2006: Foredrag: Jonny Selvik om livet som sjømann. Inge Halland og Håvard Hongve Helle om arbeidet i Røde Kors. Leiv Mæhle om Osterøy Museum. Musikk: Johann Hansen. 2007: Festtalar: Kjartan Rødland. Foredrag: Signe Nordås Mjelde og Geir Kleiveland om bøker. Helge Mjelde, Jan Mostrøm om vær og vind. Musikk: Odd Tveiten, Olav Norpoll, Solveig Skjerping og Johann Hansen Foredrag: Kirsten Varden om NAV Osterøy. Johannes Torp og Jan Mostrøm, lysbilete. Berge Litland om blomar. Musikk: Jørgen Varden Foredrag: Kari Åkre om kommuneplan for Osterøy dei næraste åra. Jostein Mjelde og Bjarte Rolland om heimesidene til MUL. Helge Mjelde lysbilete frå Osterøy. Johannes Nævdal om Arne Fabrikker Festtalar: Egil Ytrearne om ungdomsrørsla. Foredrag: Tone Mjelde om eit prosjektopphald i Afrika, Magnus J. Mjelde om Mjelde Skipreide Bygdealmenning. Terje Mjelde frå Valestrand om oppvekst i 50-åra, Foredrag: Jostein Mjelde om byggeplanar for ungdomshuset. Rolf Kalland (opplesing), Signe Mjelde Nordås om bøker. Svein Hatløy om byggeskikkar i Haus-området. Lars Fjelde om «hjorteplaga» i Haus og Mjeldalen.

5 Vedlegg 2 Andre aktivitetar utdrag frå møtebøkene Styret i Seniorlaget i Mjeldalen ungdomslag vedtok i møte 31 januar 2011 å spørja Margunn Helle, Målfrid Helland og Karen Margrethe Bøe om å skriva ned historia til laget frå det vart starta i Dei tre sa seg villige til dette, og har no levert sitt arbeid. I tillegg har gruppa spurt underskrivne om å gjennomgå møtebøkene for å få med andre interessante aktivitetar. Dette er gjort i samarbeid med og godkjent av historiegruppa: Ein gjennomgang av den første referatboka frå 1997 viser eit svært aktivt lag med kreative seniorar. Dei la grunnlaget for trivelege samkomer for bygdefolket, med godt program, kvite dukar på borda, pynting med blomar og ikkje minst både variert og velsmakande servering gjerne heimebakt. Margunn Helle har i alle år vore sjølskreven kjøkkensjef, og alle festmåltid har ho stått for. Det desse første seniorane fekk til står det respekt av! Her er ein del eksempel på den kreativiteten og det talentet som kom fram i lyset: Tradisjonen med spelstykke og teater har alltid vore sterk i Mjeldalen ungdomslag, og veteranane i seniorlaget førte vidare denne interessa. I 1998 øvde dei inn stykket «Kvinnfolk og basunar», med skodespelarane Margunn Helle, Magnhild Havre, Målfrid Helland, Karen Margrethe Bøe og Knut J. Mjelde. Instruktør og sufflør hhv Torbjørn og Gunvor Hetlevik. Jenter frå ungdomslaget hjelpte til med sminke. Stykket vart synt på årsfesten i februar 1999 og seinare på eit søndagstreff i ungdomslaget. Laget hadde eiga teatergruppe i ein periode, og i 2000 vart spelstykket «Mordet på Lunde» øvd inn og synt fram. Det er dei same skodespelarane saman med Leif Mjølkeråen som har vore sjølve drivkrafta både i spelstykke og sketsjar. Mykje lått og løye på øvingane! På årsfesten 2002 synte Karen Margrethe Bøe, Magnhild Havre, Roar Loeshagen, Leif Mjølkeråen og Alfred Stokke fire sketsjar. På septembermøtet 2004 vart sketsjen «Profesjonelt tannpuss» vist fram, og me gløymer aldri «telefonsketsjen» til Magnhild. Storsuksessen «Foryngelsesmaskina» vart synt fram ved fleire høve. Sketsjar vart også framførte på skulen i Haus. Seniorlaget har delteke på mange teaterframsyningar med ungdomslaget si barnegruppe, ungdomsgruppe og vaksengruppe, og i januar 1999 hadde laget eigen buss for å sjå «Spelemann på taket» på Den Nationale Scene.. Mannekengoppvisning på årsfesten i februar 2005 gjorde stor lukke. Her var det mannfolk kledd i dameklær frå gamal og ny tid. Denne oppvisninga vart første gong vist på 100-årsjubileet til Mjeldalen ungdomslag og fleire gonger seinare. Som program på årsfesten i februar 2006 framførte ein heil gjeng frå Seniorlaget ein svært vellukka kabaret, med.song og dans, musikk og sketsjar. Denne framsyninga vart også vist på søndagskafe i ungdomslaget. Seniorlaget var også på «dravlebesøk» hos Karen Margrethe Bøe, men til tross for den planlagte hagefesten som regnet sette ein stoppar for, vart det likevel ein triveleg kveld.

6 Av andre aktivitetar som kan nevnast er eit swingkurs, som til tross for dyktige instruktørar frå ungdomslaget vart meir eller mindre vellukka. Eit anna høgdepunkt er framsyning av Havråfilmen, der menyen var havregraut til kaffien. Samhandlinga med Mjeldalen ungdomslag har alltid vore god. Seniorane har bidrege ved 17- maifrukostane, smalahovefestane og årsfestane til ungdomslaget, og ungdomane har hatt kjøkkenteneste på seniorlaget sine tilstelningar. Margunn Helle har også stått for matlaging til ungdomslaget i spesielle høve, og saman med Karen Margrethe Bøe og Arnhild Løtveit har dei sett over kjøkkenet i ungdomshuset med jevne mellomrom. Seniorlaget sine tradisjonar er ført vidare fram til idag, men det som dei første veteranane fekk til er det ikkje lett å leva opp til. Tusen takk til Margunn, Målfrid og Karen Margrethe for soga om Seniorlaget i Mjeldalen ungdomslag, og takk til alle de som tok initiativet i 1997! Marit Selvik Kallekleiv leiar 2011