ÅRSPLAN FOR FURULI BARNEHAGE

Transkript

1 ÅRSPLAN FOR FURULI BARNEHAGE 2018/2019 KARIUS BAKTUS BRUMLEMANN KLATREMUS -ME SER DEG- Opningstid : Tlf styrar Karius: Baktus: Brumlemann: Klatremus: heimeside: furuli bhg.no facebookside for foreldre og tilsette(lukka gruppe) 1

2 Innhald: Føreord...3 Organisering og innhald i barnehagen 4 Korleis vil me jobba med dette i vår barnehage?...5 Rammeplan.6-7 Furuli barnehage sitt mål for borna 8 Medverknad...9 Leik 10 Faste aktivitetar 11 Ulike opplegg og aktivitetar i kvardagen 12 Overgangar 13 IKT..14 Samarbeid 15 Fagnettverk i region..16 Oversikt over planleggingsdagar 2018/

3 Føreord Kvar barnehage lagar ein årsplan, der ein informerer foreldra om det konkrete arbeidet i barnehagen. Årsplan byggjer på rammeplan, felles kommunale satsingsområder, oppvekstplan og satsingsområde i eigen barnehage. Den omfattar såleis det gjennomgåande innhaldet i barnehagen, korleis kvardagen er organisert, oversikt og mål for temaarbeid m.m. Årsplan skal : For personalet: vera eit utgangspunkt for pedagogisk diskusjon og refleksjon sikra planlegging, evaluering og progresjon vera eit arbeidsreiskap For foreldra: gje eit oversyn over mål og metodar i det daglege arbeidet gje eit innblikk i ulike aktivitetar vera eit utgangspunkt for diskusjon og samarbeid for foreldra Informasjon om Furuli barnehage Furuli barnehage er ein kommunal heildagsbarnehage. Me har to avdelingar for barn i alder 2 5 år, Karius og Baktus, og to småbarnsavdelingar for barn i alder 1 3 år/2 4 år, avhengig av samansetjinga i alder på borna. I år har me 74 barn og 21 tilsette. Barnehagen vår ligg flott til i i eit av byggjefelta på Kaupanger, med flott utsikt over Amlabukta. Området er solrikt og barnevenleg, med både ballbinge, skog og turområde lett tilgjengeleg. 3

4 Organisering og innhald i barnehagane Sogndal kommune eig og driv 4 kommunale barnehagar, 2 oppvekstsenter og har samarbeidsavtale med dei 3 private barnehagane i kommunen. Visjon for barnehagane i Sogndal kommune: «1,2 3 alle med» Barnehagane i Sogndal skal: vera prega av tryggleik og tillit fremja demokrati gjennom respekt og toleranse ha barneperspektiv gje barna høve til å utvikla evne og talent individuelt og i samarbeid med andre ha eit læringsmiljø som fremjar undring og kreativitet ha plass til alle ha ei personalgruppe som jobbar for ein barnehage i utvikling Satsingsområde for Sogndal kommune Alle barnehagane har hatt psykisk helse som tema dei to siste åra. Dette blir og tema i år. I tillegg skal Furuli barnehage,vera pilotbarnehage for BTI-betre tverrfagleg innsats, meir informasjon om dette på Heimesida og på foreldremøte. Barnehagen er ein viktig arena for sosial utvikling, læring og etablering av venskap. Å utvikla barn sin sosiale kompetanse er godt førebyggjande arbeid for barn si psykiske helse. Sosial kompetanse handlar m.a om å kunne samarbeida positivt med andre i ulike situasjonar, kunne dela, venta på tur, visa empati, ta omsyn. 4

5 Korleis vil me jobba med dette i vår barnehage? ha fokus på psykisk helse i alt me gjer i det daglege bruka ulike pedagogiske materiell ; «Psykologisk førstehjelp for barn»; eit opplegg som skal fremja barnet si evne til eigen omsorg og prososial åtferd «Du og eg og vi to», eit opplegg om korleis ein jobbar med sosial kompetanse Tryggleiksirkelen, der ein set fokus på barna sine grunnleggjande behov. (denne heng inne på alle avdelingane.) jobba med tema vennskap Sentrale føringar Alle barnehagane driv verksemda si etter Lov om barnehagar med forskrift om rammeplan. Lov om barnehagar og rammeplan 1. Formål «Barnehagen skal i samarbeid og forståing med heimen ta vare på barna sine behov for omsorg og leik, og fremja læring og danning som grunnlag for allsidig utvikling. Barnehagen skal byggja på grunnleggjande verdiar i kristen og humanistisk arv og tradisjon, slik som respekt for menneskeverdet og naturen, på åndsfridom, nestekjærleik, tilgivelse, likeverd og solidaritet, verdiar som kjem til uttrykk i ulike religionar og livssyn og som er forankra i menneskerettane. Barna skal få utfalda skaparglede og undring og utforskartrong. Dei skal læra å ta vare på seg sjølv, kvarandre og naturen. Barna skal få utvikla grunnleggjande kunnskap og ferdigheitar. Dei skal ha rett til medverknad tilpassa alder og føresetnader. 5

6 Barnehagen skal møta barna med tillit og respekt, og anerkjenna barndomen sin eigenverdi. Den skal bidra til trivsel og glede i leik og i læring, og vera ein utfordrande og trygg stad for fellesskap og vennskap. Barnehagen skal fremja demokrati og likestilling og motarbeida alle former for diskriminering.» Rammeplan , vart ny Rammeplan innført. Denne skal vera ei forskrift til lov om barnehage og vera retningsgivande og forpliktande for alle som jobbar i barnehage,jf. 2 i Barnehagelova. Den nye rammplan er mykje strammare og tydlegare i forma m.a med mange skal der det tidlegare stod bør. Dette er med på sikra kvalitet i alle barnehagar, uavhengig av eigar. I den nye planen har overgangar fått eit eige kapittel. Barnehagen skal i samarbeid med foreldre leggja til rette for ein god barnehagestart, noko me har gode rutinar og opplegg på. Innad i barnehagen er det og overgangar; overgangen til andre avdelingar og etablering av nye grupper. Då legg me til rette for det og samarbeider på tvers. Me brukar dei siste vekene før sommarferien og i vekene før dei nye borna byrjar, er dei eldste på småbarn mykje på besøk på den avdelinga dei skal byrja på til hausten. Dette har vist seg å vera ei god ordning og vore med på å gjera overgangen til stor avdeling lettare. Siste året har me eit eige opplegg for dei eldste, Kompisklubben, for å sikra dei ein best mogleg skulestart og overgang til skulen.(sjå lenger bak i plan). Den nye rammeplanen har og eit eige punkt om venskap og fellesskap, der sosial kompetanse blir framheva som avgjerande for å kunne fungera i lag med andre. Dette er noko me prøver å jobba med heile tida og i alle moglege situasjonar. Dei sju fagområda skal framleis vera ein gjennomgåande del av innhaldet i barnehagen: Kommunikasjon, språk og tekst Kropp, rørsle, mat og helse Kunst, kultur og kreativitet 6

7 Natur, miljø og teknologi Mengd, rom og form Etikk, religion og filosofi Nærmiljø og samfunn Nokre døme på korleis me jobbar med dei ulike fagområda i Furuli barnehage: Kommunikasjon, språk og tekst -rim, reglar, samtalar, dramatisering Kropp, rørsle, mat og helse -turar i nærmiljøet, bruk av lavvo, sangleikar, leik inne/ute, god hygiene og eit sunt og variert kosthald, minirøris, kvilestund Kunst, kultur og kreativitet -teikna, klippa, dramatisering, kulturarv, leik i naturen, bruka dei kreative sidene, humor og glede Natur, miljø og teknologi -turar i skogen, gardsbesøk, sjå etter endringar i naturen, årstider, dyr/fuglar og spor Mengd, rom og form -bruk av tal, teljing, dag, dato og månad. Leita etter former i kvardagen, bruk av spel, omgrepslæring. Etikk, religion og filosofi -oppleva fellesskapet i barnehagen, læra å dela, empati, tid til samtalar, undra oss saman med borna om spørsmål dei er opptekne av, religiøse markeringar Nærmiljø og samfunn -bruk av nærmiljøet, uteområdet vårt på bøen, bedriftsbesøk og besøk til skulen 7

8 Visjon for Furuli barnehage er: -ME SER DEG- -ME SER DEG» Denne har me jobba mykje med i personalgruppa og definert i høve dei ulike gruppene; Borna: sjå kvart enkelt born kvar dag og leggja til rette for individuelle behov ta borna på alvor ta oss tid og lytta til dei Foreldre: møta/helsa ved levering og henting samarbeida og vera imøtekomande på det me kan vera løysningsorienterte og sjå moglegheitar når det er naudsynt Samarbeidspartnerar: vera positiv og imøtekomande visa at me verdset dei gje tilbakemelding 8

9 Furuli barnehage sitt mål for borna: barneperspektivet skal vera til stade i all planlegging i barnehagen borna skal trivast og kjenna seg trygge i barnehagen borna skal få utvikla seg og tileigna seg ny læring jobba med sosial kompetanse og tilknyting leggja til rette for utvikling av venskap og sosialt fellesskap Trygge: at dei har lyst å koma i barnehagen at dei viser glede at dei torer å ta kontakt med andre at dei kan sei i frå både til vaksne og andre born torer å ta ordet og snakka i ei gruppe Omsorg: gje og utvikla empati gje dei kos og trøyst støtta og oppmuntra ha opplegg som er tilpassa alder Opplevingar: gå på turar ha varierte opplegg og aktivitetar vera spontane 9

10 Medverknad: la borna får vera med og bestemma og lytta til dei gje dei ulike arbeidsoppgåver som dei kan meistra ta borna med i all matlaging ta borna på alvor Barnehagelova 3: Barn sin rett til medverknad; «Barn i barnehagen har rett til å gi uttrykk for sitt syn på barnehagens daglige virksomhet. Barn skal jevnlig få mulighet til aktiv deltakelse i planlegging og vurdering av barnehagens virksomhet. Barnets synspunkter skal tillegges vekt i samsvar med dets alder og modenhet». Den gode vaksne i Furuli barnehage: 10 anerkjenner positive sosiale handlingar styrkar barna si læring i formelle og uformelle læringssituasjonar gjev utfordringar med utgangspunkt i barna sine interesser, kunnskap og dugleikar støttar barnet sin nysgjerrigheit, kreativitet og vitebegjær har respekt for ulikskapar er villig til å gje av seg sjølv i høve ressursar og interesser er medviten på korleis ein møter/behandlar ulike foreldre ser seg sjølv som ein del av heilskapen i barnehagen har interesse for jobben og viser glede og godt humør gir borna tryggleik i kvardagen viser merksemd og tek seg tid til det enkelte barnet i kvardagen ser det spesielle i kvart enkelt barn sin situasjon og stadfestar barnet sine opplevingar er positiv engasjert i arbeidet med kvart einskild barn og gruppa tek initiativ og legg til rette for leik er der for borna

11 Leik: «Barnehagen skal gi barn muligheter for lek, livsutfoldelse og meningsfylte opplevelser og aktiviteter». 2,Barnehagelova I Furuli barnehage vil me at mykje av barnehagedagen, skal vera prega av tid til leik, både inne og ute. Leiken er ein av dei viktigaste aktivitetane i barnehagen og «jobben» til borna. Gjennom leiken overfører dei eldste borna særeigne trekk i barnekulturen til dei yngste. Leiken er borna si viktigaste utrykksform. Allsidig leik er eit vilkår for at borna skal få utvikla eigne krefter, evner og anlegg. Dei prøver ut røynsler, bearbeider opplevingar og utviklar tankane sine. Leiken fremjar borna sin fantasi, nysgjerrigheit og skapartrong. Å leika er noko av det viktigaste borna gjer i vaken tilstand. Mykje av leiken er sosial leik, ikkje minst rolleleiken. I rolleleiken må borna læra seg: å samarbeida ta ulike rollar i leiken sjå andre enn seg sjølv ta omsyn og tilpassa seg kommunisera med andre born Korleis kan me vaksne utvikla og stimulera leiken: dela inn i leikegrupper leggja tilhøva til rette slik at borna får tid til å leika dei vaksne må ha respekt for leiken til borna og til den fridomen som ligg i leiken ha dagar utan tilgang til leiker oppmuntra til å bruka fantasien (me har siste fredagen i månaden,fram til frukt. Gjeld stor avd.). gje borna næring til leiken i form av ulike opplevingar, inntrykk og røynsle vera aktive vaksne og ta del i leiken, på borna sine premissar og vere med å vidareutvikla leiken ved å vera aktiv og deltakande ligg og tilhøva til rette for observasjon og til å bli kjend med borna vera tilgjengeleg sitja på golvet, vera der borna er 11

12 Faste aktivitetar gjennom heile året: HAUST VINTER oppstart/tilvenjing bli kjend, venner årstid haustaktivitetar tur i nærmiljøet brannvern, veke 38. markera FN dagen mi bok venskap(småbarn) teater(stor avd.) årstid- vinteraktivitear jul og juleførebuing adventfrukost (småbarn) besteforeldrebaking (stor avd.) aktivitetsdag på bøen VÅR årstid-våraktivitetar påske-nytt liv påskefrukost- alle avdelingane solfest (småbarn) 17.mai Aktivitetsdag i barnehagen SOMMAR årstid sommaraktivitetar gardsbesøk sommarfest for heile barnehagen I 2018 blir det sommarbarnehage i v28,29 og 30 i Kyrkjebakken barnehage. 12

13 Ved å ha ulike opplegg og tema i kvardagen ynskjer me at borna skal få: varierte røynsle med samspel og gode kjenslemessige opplevingar glede, humor og estetiske opplevingar omsorg, leik og læring læra borna gode haldingar og få kunnskap om kost, hygiene, aktivitet og kvile leggja til rette for allsidig og mangfaldig aktivitet, der borna er fysisk aktive kvar dag ha progresjon og variasjon i opplegg og aktivitetar, slik at ein sikrar utvikling Feiring av gebursdag i Furuli barnehage: me lagar krone i lag med barnet, i forkant. heng opp flagg, ballongar og plakat på døra bursdagsbarnet blir gjort stas på i samling, sit på eigen bursdagsstol får velja varm mat og frukt den dagen det er feiring Mange lagar til selskap heime og ynskjer å leggja ut invitasjonane i korgene til borna. Me vil at de legg desse i postkassane heime. 13

14 Overgang barnehage skule Ein dag i veka samlar me alle dei eldste borna til eit felles opplegg i barnehagen. Denne gruppa kallar me KOMPISKLUBBEN. Hovudmålet for Kompisklubben er å skapa eit godt og inkluderande miljø for borna som skal byrja på skulen. Då legg me opp til aktivitetar og oppgåver som er tråd med retningslinjer for plan for overgangen barnehage skule i Sogndal kommune. -Sjå Heimesida for å lesa plan.- IKT «Den digitale praksisen i barnehagen skal bidra til leik, kreativitet og læring. Bruk av digitale verktøy i det pedagogiske arbeidet skal støtte opp om barna sine læreprosessar og bidra til å oppfylle rammeplanen sine føringar for eit rikt og allsidig læringsmiljø for barn.» (RP,s.44) I barnehagen har me nettbrett, pc, digitale fotorammer, og digitale kamera lett tilgjengeleg for alle avdelingane. Desse brukar me dagleg. Borna får prøva seg på ulike teikne og skriveprogram, dei får ta bilde, me finn faktakunnskap i høve ulike tema som me jobbar med, me lastar ned sangar, og ulike filmsnuttar.tenkjer og at det er viktig å læra borna nettvett, og kritisk bruk av kjelder. Bruken av digitale verktøy er ein av fleire arbeidsmåtar som me nyttar oss av i barnehagen og som det er viktig at alle barn får høve til å gjera seg kjend med. 14

15 Samarbeid og samarbeidsspartnerar Foreldreråd og samarbeidsutval «For å sikra samarbeidet med barnet sin heim, skal kvar barnehage ha eit foreldreråd og eit samarbeidsutval», Lov om barnehage 4. Foreldrerådet er alle foreldra/føresette til alle barna og skal fremja deira fellesinteresser og bidra til at samarbeidet mellom barnehagen og foreldregruppa skapar eit godt barnehagemiljø. Samarbeidsutvalet skal vera eit rådgivande, kontaktskapande og samordna organ. Samarbeidsutvalet er alle foreldre/føresette og tilsette i barnehagen. Barnehageeigar kan delta etter eige ynskje, men ikkje med fleire representantar enn kvar av dei andre gruppene. I vår barnehage har me to representantar frå dei tilsette, to frå foreldre og ein frå eigar, kommunen. Samarbeid med andre instansar I samsvar med «Rettleiar for barn og unge i fokus» har me samarbeid med: Helsestasjon Fysioterapeut PPT Barnevern BUP Politi HVL (høgskulen på Vestlandet) Kaupanger skule Sogndal vidaregåande skule (barne og ungdomsarbeidar) 15

16 Fagnettverk i region I 2013 vart det utarbeida ein Utvikling og kompetanseplan for alle barnehagane i Region Sogn. Alle tilsette fekk høve til å melda seg på i ulike fagnettverk, inndelt etter fagområda i Rammeplan. Desse nettverka møtest 2 gonger i året. Innhaldet varierer, men målsetjinga er å få meir kunnskap, vidareutvikla og utveksla erfaringar innan sitt fagområde. I tillegg har me brukt ein planleggingsdag i året til nettverksarbeid. Vurdering/evaluering For at planar og opplegg som me har i barnehagen skal bli best mogleg, må me heile tida evaluera og gje kvarandre tilbakemeldingar på kva som fungerer eller ikkje fungerer. Personalet må vera medviten på rolla si som førebilde for borna, og visa det i praksis. Får å få til dette er me avhengig av å skapa eit godt miljø i barnehagen, der det er rom for refleksjon, evaluering, tilbakemelding og utvikling. I kvardagen har me laga oss nokre arbeidsmåtar for å prøva å oppnå dette: foreldresamtalar 1 2 gonger i året foreldremøte, haust og vår dagleg kontakt med foreldre brukarundersøkingar barnesamtalar i kompisklubben ulike observasjonsmetodar bruk av praksisforteljingar avdelingsmøte,ped.leiarmøte,pedagogmøte, personalmøte, styrarmøte kurs og fagleg oppdatering Ved å bruka desse møteplassane og opplegga medvite og målretta vonar me at me kan laga ein best mogleg barnehagekvardag for både barn og vaksne. 16

17 Oversikt over planleggingsdagar, 2018/ og 16.august 8.oktober 30.januar (tilsettedag, felles kommunal dag) 31.mai Desse dagane er barnehagen stengt. 17