Barnehagen sitt samfunnsmandat

Transkript

1

2 Barnehagen sitt samfunnsmandat «Barnehagen skal i samarbeid og forståelse med hjemmet ivareta barnas behov for omsorg og lek, og fremme læring og danning som grunnlag for allsidig utvikling.» (Lov om barnehager) Barnehagen sitt samfunnsmandat er, i samarbeid og forståing med heimen, å ivareta barnas behov for omsorg og leik og fremme læring og danning som grunnlag for allsidig utvikling. Leik, omsorg, læring og danning skal ein sjå i samanheng. Formål med barnehagens årsplan «Barnehagen skal vere ei pedagogisk verksemd som skal planleggjast og vurderast.( ) Årsplanen er ein arbeidsreiskap for barnehagepersonalet og dokumenterer vala og grunngivingane til barnehagen.» Rammeplanen kap.7 Barnehagen sitt pedagogiske arbeid skal vera forankra i barnehageloven og rammeplanen. Med utgangspunkt i rammeplanen skal samarbeidsutvalet i barnehagen fastsette ein årsplan for den pedagogiske verksemda. Årsplanens funksjon Årsplanen skal synleggjera korleis barnehagen omset rammeplan i praksis, og arbeider målretta for å sikre det pedagogiske arbeidet. I fylgje rammeplanen har planlegging av barnehagens innhald og pedagogiske arbeid fleire funksjonar: - Personalet får grunnlag til å tenkje og handle systematisk i det pedagogiske arbeidet - Det gjev kontinuitet og progresjon for enkeltbarn og barnegruppa - Synleggjer barnehagen si tolking og realisering av rammeplanen - Gjev utgangspunkt for refleksjon og utvikling av verksemda - Barnehagens årsplan er også eit viktig dokument for eigar og myndigheita si oppfylging og tilsyn med barnehagen.

3 1. Presentasjon av barnehagane I Lom har vi to kommunale barnehagar. Den eine er Loar barnehage, som ligg i Lom sentrum, rett ved barneskulen og Presthaugen. Loar barnehage har fem avdelingar og ligg i naturskjønne omgjevnader med naturen tett på. Her er det mange moglegheiter, også utanfor barnehagen sitt område. Garmo barnehage ligg 15 km aust for Lom sentrum. Barnehagen held til i lokala der Garmo skule var tidlegare. Garmo barnehage har 4 avdelingar og ligg rett ved skogen. Her er det fine turmoglegheiter og eit fint naturområde rundt barnehagen. Ei avdeling er utegruppe med fokus på natur, fysisk aktivitet og uteleik. Dei har base inne, samt at dei har lavvo etablert i nærleiken av barnehagen som dei er i kvar dag. Barnehagane samarbeider tett og har felles visjon, mål og pedagogisk plattform.

4 2. Fokusområdet Barnehagen arbeider kontinuerleg med kvalitetsutvikling etter ein systematisk metode. Kvart år vert det vald eit fokusområde for barnehagen. Deretter set pedagogiske leiarar standardar for kva som er god kvalitet i arbeidet med vald fokusområde. Kvar avdeling utarbeider sin «beste praksis» som viser korleis dei konkret vil arbeide for å innfri standardane. For 2017 er fokusområdet: RELASJONAR I LEIK Det er god kvalitet på relasjonar i leik når den vaksne: Gjev rom for barns medverknad Legg til rette for kreativ leik Er tett på barna På barnehagen si heimeside finn de detaljert informasjon frå kvar avdeling om korleis dei skal arbeide med dette i år. Det er beskrive som «beste praksis». 3. Progresjon Progresjon betyr framsteg. Det du ikkje får til i dag, får du til i morgon eller til neste år. Vi presenterer forslag til løysingar, introduserer moglegheiter og ulike teknikkar frå barna byrjar i barnehagen til det byrjar på skolen. Alle barn er aktive deltakarar, medspelarar og utforskarar i eigne liv. Dei vert påverka av omgjevnadane sine, og påverkar sjølv. Utvikling og progresjon i småbarnsalder er ein samanheng mellom å tileigne seg kunnskap og ferdigheter. Det er viktig å påpeike at progresjon er ein prosess. Resultat målast ikkje. Det er store individuelle forskjellar på kva tid barn når milepælar og når dei er klare til ny læring. For oss er det viktig å motivere, lære og inspirere barna til å få nye erfaringar, ny kunnskap og få mestringsfølelse. Arbeidet vårt vil, så langt det let seg gjere, tilpassast det enkelte barn. Progresjonen skal fylgje barnet.

5 4. Barnehagens innhald og oppgåver Demokrati Alt arbeid i barnehagen, inkludert «Lov om barnehagar» og «Rammeplan for barnehagen» er underlagt FN sin barnekonvensjon. Artikkel 12 fortel mellom anna at «Barnet har rett til å seie meininga si i alt som kjem det ved, og barnet sine meiningar skal det leggjast vekt på» For oss betyr dette at medverknad er ein viktig metode for å arbeide med demokrati i barnehagen. Barna skal bli sett, høyrt og forstått. Vi skal sjå og nyttiggjera oss av enkeltbarnet sine sterke sider, samstundes som det blir inkludert som ein viktig del av ei gruppe. Vi ynskjer å byggje sterke relasjonar og ha eit spesielt fokus på å trekkje fram dei som ikkje krev så mykje merksemd. Mangfald og gjensidig respekt Alle må få vera som ein er og ingen dag er lik i barnehagen! «Barna skal få oppleve at det finst mange måtar å tenkje, handle og leve på.» Rammeplanen. I dette legg vi at vi må møte barna der dei er i utviklinga, vise ein grunnleggjande respekt for kvarandre og sette pris på mangfald i gruppa. Mangfald oppstår når menneske får realisere seg sjølv som medskapar i eige liv. Vi ynskjer å vera ekte, oppriktige og gode med kvarandre med likskap og ulikskap, som individ og i gruppe. Vi vil utfordre barna sine tankesett ved å sette ord på og forklare likskap eller ulikskap. Vi meiner dette er å ta barn på alvor! Vi ynskjer at det kulturelle mangfaldet skal vera synleg når du kjem inn i vår barnehage. Likestilling og likeverd For å fremje likestilling og likeverd i barnehagen skal vi sjå kvart enkelt individ ut frå deira bakgrunn og føresetnader. Alle skal ha like moglegheiter til å bli sett og høyrt. Personalet skal jobbe med eigne haldningar for å profesjonelt kunne formidle og fremje likestilling og likeverd, ved at vi vaksne er bevisst på kva vi seier og gjer. Barna skal gjennom relasjonar i leik lære å delta i eit fellesskap og utvikle nestekjærleik og empati. Vi skal vera gode mot kvarandre. Barnehagen er ein institusjon som ikkje skal byggje opp under materialisme som kan vere med å synleggjera forskjellar. Vi skal vera beviste på å utlikne sosiale forskjellar.

6 Berekraftig utvikling «Berekraftig utvikling omfattar natur, økonomi og sosiale forhold og er ein føresetnad for å ta vare på livet på jorda slik vi kjenner det.( ) Barnehagen skal bidra til at barna kan forstå at handlingar i dag har konsekvensar for framtida» Rammeplanen Respekten for liv er grunnleggjande. Dei vaksne må vera bevisste sine haldningar. Dei må vera gode rollemodellar for å bevare naturen og menneska for ettertida. Ved å vera gode rollemodellar ynskjer vi å gje barna gode haldningar til å ta vare på naturen og det rundt seg. Blant anna vil vi la barna delta i gjenvinning. Livsmestring og helse Vi skal legge til rette for at ungane skal meistre kvardagen sin på best mogleg måte. Barn treng stadfesting på kven dei er og ikkje berre på kva dei er gode til. I denne samanhengen ser vi på dei to omgrepa sjølvfølelse og sjølvtillit som ein viktig føresetnad innan livsmestring og helse. Sjølvfølelse er ei vurdering av seg sjølv i forhold til det ein føler, med omsyn til kven ein er, sjølvfølesen er den indre kjerne i deg. Stole på eigne følelsar. Sjølvtillit er kva verdi vi tillegger oss sjølv og kva slags tru vi har på oss sjølv i forhold til det vi gjer og får til. Vi skal legge til rette for at barna skal meistre kvardagen sin på best mogleg måte. - Likeverd: Ungane skal lære å akseptere at alle er forskjellige. Dei skal få støtte i å meistre motgang, handtere utfordringar, å bli kjent med egne og andre sine følelsar - Rørsle gjev livskvalitet: Ungane har frå starten av ei indre drivkraft til å bevege seg. Det er viktig at vi bygger vidare på dette. Det er da viktig at vi brukar ulike element og miljø, slik kan ungane skal få kunnskap om eigen kropp, og å utvikle god og fin motorikk. - Kosthold : Heim og familie har det grunnleggjande ansvaret for barnet sitt kosthald. Men fordi så mange måltider blir ete i barnehagen har barnehagen stor innflytelse på barnas kosthald og helse. Barnehagen har eit meiransvar for at barna får i seg sunn, variert og næringsrik mat. Vi skal leggje til rette for eit godt fungerande og triveleg spisemiljø og god hygiene.

7 Barns medverknad «Barnehagen skal sikre barna sin rett til medverknad ved å leggje til rette for og oppmuntre til at barna kan få gitt uttrykk for kva dei synest om den daglege verksemda i barnehagen, jf. barnehagelova 1 og 3, Grunnlova 104 og FNs barnekonvensjon art. 12 nr. 1.» Rammeplanen Rammeplanen seier at barn skal få uttrykke seg om den daglege verksemda. Å medverke er ikkje det same som å bestemme. Dei skal få anledning til å delta aktivt i planlegging og vurdering og påverke og erfare det som skjer i barnehagen. Vi vaksne skal tilpasse medverknad ut frå alder og erfaring og individuelle føresetnader og behov til barna. Ved å ha planar som gjev rom og tid til å gripe barna sine innspel og forslag kan barna vere deltagande. Fylkesmannen i Oppland har i 2017 ei satsing på «barns medverknad i barnehagen» med Berit Bae for å gje tilsette kompetanse på området. Her vil det bli ulike kurs og konferansar for styrarar og pedagogiske leiarar. Omsorg «Omsorg er ein føresetnad for at barna skal vere trygge og trivast, og for at dei skal utvikle empati og nestekjærleik. Barnehagen skal gi barna høve til å utvikle tillit til seg sjølve og andre.» Rammeplanen Alle barn har rett til omsorg og bli sett og hørt. Dei treng vaksne som rettleiar dei og jobbar med å skape gode relasjonar. For å nå dette må vi ha trygge vaksne med felles mål og grenser.

8 Leik og læring Vi meiner leiken er det viktigaste som skjer i barnehagen, og vi skal derfor setja leiken høgt. Læring og mestring skjer gjennom leik, og barn utviklar seg på alle områder når dei leikar. Vårt læringssyn er definert ved at barn lærer gjennom å bruke kroppen sin, og i leik. Vi må derfor sjå på kroppen som ein heilskap. For å setja leiken høgt ynskjer vi ikkje å ha for fastlagte planar. Vi må skape rom for at barna får medverke både i organisert og spontan leik. Vi skal vere vaksne som viser interesse, og vere tilgjengelege for barna i leiken. Det er viktig for oss å bruke naturen og nærmiljøet som leikeplass. Danning «Barnehagen skal oppmuntre barna til å vere prøvande til og nysgjerrige på omverda og bidra til å leggje grunnlaget for modig, sjølvstendig og ansvarleg deltaking i demokratiske fellesskap.» Rammeplan Danning handlar om våre menneskelege krefter, om forming av hovud, hand og hjarte ( Klafkis, 2001) Danning skjer i mennesket i møte med andre og samspel med omgjevnadene og er ein føresetnad for meiningsdanning, kritikk og demokrati. Dette er en livslang prosess. Vi ynskjer at barnehagen skal vere ein stimulerande stad for barn, der dei blir møtt av tilstadeverande vaksne som ser barnets ibuande moglegheiter, behov og utvikling, samt evner å setje ord på det som skjer i relasjonen. Kvardagen skal bære preg av anerkjenning og gje rom for barna si utøving av empati og omsorg. Vi ynskjer å ta barna si utforskartrong på alvor, der leiken står i fokus som eit hjelpemiddel for god læring. Barn lærer gjennom å utfordre seg sjølv i leiken, og den opnar for initiativ, fantasi og sosialisering. Vi vaksne skal være gode samtalepartnare og utfordre barna i deira refleksjonar.

9 Vennskap og fellesskap «Sosial kompetanse er ein føresetnad for å fungere godt saman med andre og omfattar ferdigheiter, kunnskapar og haldningar som blir utvikla gjennom sosialt samspel.» Rammeplanen I barnehagen skal dei vaksne vere gode rollemodellar ved å vise omsorg, empati, inkludere og hjelpe kvarandre. Vi skal styrke og rettleie barna i samspel. For eksempel ved å hjelpe kvarandre, løyse konfliktar, gje barna opplevingar i å meistre positive former for samhandling. Vi skal jobbe mot at barna opplev vennskap og lærer å halde på venner. Barnehagen skal og førebyggje, stoppe og følgje opp diskriminering, utestenging, mobbing, krenkingar og uheldige samspelsmønster. Barnehagen har og eigen handlingsplan mot mobbing og krenkjande adferd som skal implementerast dette barnehageåret.

10 5. Overgangar Overgang heim barnehage I vår barnehage ser vi det som viktig å få til ein god start for barnet, der tryggheit og tillit står i fokus. Ved oppstart vil barnet bli møtt av ein vaksen som har ansvar for å gje informasjon om barnehagen vår, og ta imot informasjon om barnet og vidareformidle dette til dei andre på avdelinga. God dialog mellom foreldre og barnehagetilsette skaper tillit og eit godt samarbeid, dette er grunnlaget for at barn skal trivast og utvikle seg. Overgangar i barnehagen Vi ynskjer å få til ein god overgang for barnet når dei skal skifte avdeling i barnehagen. Det blir derfor lagt vekt på å bruke tid til å bli kjend med lokalet, personalet og andre barn på den nye avdelinga. Overgang barnehage skule For å få til ein trygg og god overgang mellom barnehage og skule har Lom kommune utarbeidd ein eigen plan som barnehagen og skulen samarbeider om. Her blir det lagt vekt på at barna skal bli kjend med barn, vaksne og området på skulen. Kvar skulestartar får ein fadder som skal ha i oppgåve å bidra til ein trygg skulestart. I planen ligg rutinar for informasjonsoverføring om kunnskap, erfaringar og ferdigheter barnet har med seg over til skulen. Barnehagen må ha samtykke frå foreldre for å dele opplysningar om enkeltbarn.

11 6. Planlegging, dokumentasjon og vurderingsarbeid Planlegging, dokumentasjon og evalueringsarbeid er viktig for å utvikle kvalitet i ei bevisst retning. Hensikta med planlegging og dokumentasjon er å væra bevisste på dei vala ein tek i det pedagogiske arbeidet. Vi skal synleggjera det pedagogiske arbeidet vårt, samtidig som evaluering skal gi grunnlag for refleksjon og læring for dei tilsette. Figuren under illustrerar kva slags planar vi har og korleis vi skal arbeidet for å skape ein raud tråd frå dei overordna planane og ned til avdelingsvis arbeid. E v a l u e r i n g Vår pedagogiske plan er vår overordna felles plan for Barnehagane i Lom. Denne er ikkje tidsfesta. Den beskriv vår visjon, felles målsetjingar, samt felles pedagogiske plattform. Den har til hensikt å sikre kvalitet og innhald i våre barnehagar. Kvar barnehage utarbeidar seg lokal årsplan ut frå ein felles mal, og med utgangspunkt i vår pedagogiske plan. Årsplanen gir informasjon om årsbasserte mål og fokusområdar, samt korleis barnehagane skal arbeide for å nå krava i Rammeplanen. ÅrsplanÅrsplan Ein periodeplan / månadsplan blir utarbeid på kvar avdeling for å sikre konkrete tiltak og alderstilpassa mål, aktivitetar og arbeidsmåtar. Den skal og seia noko om korleis vi konkret skal arbeide med fokusområdet på den einskilde avdelinga. Planen kjem ut til ulike tider på kvar avdeling. Frå ein til tre månadar. I tillegg lager kvar avdeling ein månadskalender eller info på heimesida med viktige datoar. eriodeplan / månedsplan

12 7. Trafikksikkerheit På foreldremøte avdelingsvis rett etter oppstart av nytt barnehageår, blir følgjande teke opp: Generelt om trafikksituasjonen kring barnehageområdet Parkering. Det blir oppmoda om å rygge inn. Henting og levering. Ha strengt tilsyn med barn utanfor barnehageporten. Slå av motoren, og ta med bilnøkkelen. Bruk refleks på barna om haust og vinter. Vi oppmodar om å gå å lever barna i barnehagen