Versjon 1.0. Styret si årsmelding 2011 Helse Fonna HF

Transkript

1 Versjon 1.0 Styret si årsmelding 2011 Helse Fonna HF

2 Innleiing Helse Fonna HF er ein del av spesialisthelsetenesta i Helse Vest RHF og skal dekkje befolkninga sitt behov for spesialisthelsetenester innan somatikk og psykisk helsevern. Helseføretaket har sjukehus i Odda, på Stord, på Valen og i Haugesund. Valen sjukehus tar seg av pasientar med behov for psykisk helsevern. I tillegg har Helse Fonna fire distriktspsykiatriske senter i dekningsområdet. Helse Fonna HF yter spesialisthelsetenester til innbuarane i 19 kommunar. Helse Fonna HF sin visjon er å fremje helse og livskvalitet. Helse Fonna HF sine overordna mål er: - Trygge og nære sjukehustenester - Heilskapleg behandling og effektiv ressursbruk - Ein framtidsretta kompetanseorganisasjon Helse Fonna har på bakgrunn av målformuleringene i Helse 2020 vedteke ein overordna strategi for perioden Strategien er førande for kva helseføretaket skal prioritere. Det er peika ut fire område med særskilt fokus: - Psykisk sjuke og rusmiddelavhengige - Spesialisthelsetenester til eldre - Habilitering og rehabilitering - Prehospitale tenester Helse Fonna HF har som formål å yte gode og likeverdige spesialisthelsetenester til alle som treng det, når dei treng det, uavhengig av alder, kjønn, bustad, økonomi og etnisk bakgrunn. Føretaket utdannar helsepersonell, driv forsking og undervisning, og yter opplæring til pasientar og pårørande. Selskapsstruktur og eigarforhold Helse- og omsorgsdepartementet har eit overordna ansvar for alle sjukehus i Noreg, og staten eig dei offentlege sjukehusa. Sjukehusa er organiserte i fire regionale helseføretak. Dei fire regionale føretaka er organiserte i helseføretak. Helse Fonna HF er eitt av seks datterføretak i Helse Vest. Helse Fonna HF org. nr er eigd av Helse Vest RHF.

3 Verksemda si art og tilhaldstad Helse Fonna HF sin hovudadministrasjon er lokalisert til Haugesund. Føretaket har verksemd i Rogaland og Hordaland fylkeskommune. Hovudoppgåva for helseføretaket er spesialisert pasientbehandling, forsking, utdanning og opplæring av pasientar og pårørande. Tenestene som helseføretaket utfører, er nedfelte i mellom anna helseføretakloven 1, spesialisthelsetenesteloven 1-1, psykisk helsevernlov 1, lov om pasientrettar 1-1 og elles i helselovgjeving og anna lovgjeving som rettar seg mot føretaket si verksemd. Resultat og måloppnåing 2011 Føretaket har eit negativt driftsresultat på kr av ei totalomsetning på kr Resultat etter finans viser eit underskot på kr og eit underskot i forhold til resultatkrav frå eigar på kr Helse Fonna har arbeidd systematisk for å nå målsetjinga som er gjeven i styringsdokument Framleis er ikkje føretaket i mål når det gjeld kvalitetsmåla epikrisetid, fristbrot og ventetid. Utfordingane har vore, og er størst i barne- og ungdomspsykiatrien i Helse Fonna HF. Innan psykisk helsevern for born og unge er gjennomsnittleg ventetid høgare i Helse Fonna HF enn i dei andre føretaka i regionen, og dette gjev Helse Fonna særlege utfordringar. Behandlingsaktiviteten totalt sett i Helse Fonna har vore noko lågare enn planlagt. Styret og sjukehusleiinga har hatt stor merksemd mot styring, kontroll og leiing i Styret og sjukehusleiinga saman med dei tilsette har lagt ned ein betydeleg innsats for å møte eigar sine krav til resultat og måloppnåing for Plan for somatiske spesialisthelsetenester i Helse Fonna vart vedteken av styret i september 2010 i sak 66/10. Målet er å sikre trygge og nære helsetenester for alle som bur i regionen. Endringane på sjukehusa i Helse Fonna skal gå føre seg innanfor dei økonomiske rammene som til kvar tid er tilgjengelege. Føretaket har god framdrift på sentrale element i planen og har ferdigstilt ein del av tiltaka. Styret vert gjennom rapportar jamleg orientert om status. På bakgrunn av ei helsetilsynssak innan klinikk for psykisk helsevern vart det gjennomført revisjon av klinikken utført av konsulentfirma PricewaterhouseCoopers (PwC). Som følgje av denne gjennomgangen vedtok styret i sak 92/10 Tiltak for klinikk for psykisk helsevern. (Forbetringsprogram klinikk for psykisk helsevern.) Styret fekk heile tida orientering om status og framdrift i programmet til det vart sluttført september Implementering og oppfølging av tilrådingane vert følgde opp internt med målsetjing om å oppnå kvalitetsforbetring også i andre klinikkar og einigar i føretaket. I styremøtet sak B gjorde styret i Helse Fonna følgjande vedtak: 1. Styret ber administrerande direktør setje i verk arbeidet med å utarbeide ein samla og heilskapleg plan for det psykiske helsevernet i Helse Fonna. Arbeidet skal også omfatte tilbodet for pasientar som er rusmiddelavhengige. 2

4 2. Arbeidet skal sikrast god medverknad både internt og eksternt. Dette må reflekterast i organiseringa. Målet for prosjektet er å levere plan for psykisk helsevern i Helse Fonna i juni Prosjektet er avslutta når styret har vedteke plan for psykisk helsevern. Forsking Forsking er ei lovpålagd oppgåve definert i lov om spesialisthelseteneste. Helse Fonna HF har prioritert oppbygging av forskingskompetanse innan somatikk og psykisk helsevern. Det er oppretta eit forskingsutval med fem medlemmer som handterer og fordeler tilgjengelege budsjettmidlar til dei som ikkje får støtte frå Helse Vest, og dei som får delvis støtte frå Helse Vest eller andre ressursar. Forskingsutvalet har òg ein rådgjevande og rettleiande funksjon. Forskingsutvalet Doris Gundersen, PhD 1990 Sigbjørn Berentsen, PhD 2004 Bjørn Gunnar Nedrebø, PhD 2006 Oddbjørn Hove, PhD 2009 Signe Berit Bentsen, PhD 2010 I klinikk for psykisk helsevern er det eigen forskingsseksjon. Det er fire postdokstillingar og fire PhD-stipendiatar med forskingsmidlar frå Helse Vest, RBUP og Helse Fonna. Innan somatikk disputerte éin logoped frå medisinsk klinikk i Éin lege på kirurgisk klinikk held fram med doktorgradsstipend frå Noregs Forskingsråd. Helse Fonna forventar at to legar til frå kirurgisk klinikk skal starte med doktorgradsstipend frå Forskingsproduksjonen aukar i føretaket. Medisinsk klinikk har i dag ein professor IIlegestilling og ein førsteamanuensisstilling. Vi forventar tre doktorgrad-disputasar i årsskiftet 2011/2012. Éin frå medisinsk klinikk, éin frå BUP og éin frå psykiatrisk klinikk. Helse- og omsorgsdepartementet innførte i 2003 registrering av forskingsresultat i helseføretaka basert på publiseringsanalyse. Målesystemet er basert på ekstern innhenting av data og lokal kvalitetssikring av desse. I tillegg har Helse Vest eit system for å måle ressursbruk av forsking. Helse Fonna har hatt ein auke i forskingsproduksjon dei siste fem åra. Helseføretaket har dei siste åra auka ressursane innan forsking i tråd med gjeldande strategi, nasjonale krav og føringar. 3

5 «Nettverk for forsking på behandlingsliner og samhandling» har mandat og delvis finansiering frå Samarbeidsorganet i Helse Vest via tematiske, strategiske forskingsmidlar til mindre helseføretak. Formålet med nettverkssatsinga er å stimulere til forsking i Helse Fonna og å produsere forsking av høg kvalitet på koordinering og samhandling i helsetenesta. Prosjektperioden er ( 14). Nettverket har seks tilsette (der tre er på PhD- eller postdoktornivå) og elleve forskingsprosjekt i porteføljen. Nettverket har tilknyting til internasjonale og nasjonale samarbeidspartnarar og har i 2011 gjennomført ei rekkje forskingsstimulerande tiltak, mellom anna forskingsseminar med internasjonale bidragsytarar, workshops og eit kurs i planlegging og implementering av standardiserte behandlingsliner i samarbeid med European Pathway Association (E-P-A). Tre vitskaplege artiklar og fem mindre forskingspublikasjonar utgjekk frå nettverket i

6 I 2010 vart det oppretta ei felles forskings- og utviklingseining (FOU) mellom Høgskulen Stord/Haugesund, Helse Fonna og kommunane som ein del av Helsetorgmodellen. Eininga har særleg fokus på: o Helsetenester til eldre, kronisk eller uhelbredeleg sjuke, personar som treng rehabilitering og personar i desse gruppene som treng hjelp til læring/meistring o Heilskaplege pasientforløp, tverrfagleg samhandling og verktøy/modellar for samhandling o Prosjekt med direkte tilknyting til tiltak i helsetorgmodellen For å lykkast med innføring av nye samhandlingstiltak ønskjer dei tre partane å skape ei felles FOU-eining. Denne etableringa er den viktigaste hovudstrategien i samhandlingsprosjektet. Formål med eininga er å: 1. skape felles kultur, språk og verdigrunnlag 2. styrkje kompetanseheving og utvikling av tenestetilboda i Helse Fonna-regionen 3. sikre systematisk dokumentasjon og evalueringar av nye tiltak i Helsetorgmodellen 4. stimulere til forskning og utvikling/innovasjon 5

7 Utdanning Utdanning er ei av sjukehuset sine fire hovudoppgåver og er ein integrert del av den daglege drifta. Om lag 600 studentar frå universitet og høgskular har hatt praksisstudiar ved Helse Fonna i Praksisopplæringa er for ein stor del avtalefesta med dei ulike utdanningsinstitusjonane via samarbeidsavtalar. Det skjer kontinuerleg arbeid med å organisere praksis på ein formålstenleg og god måte, både når det gjeld ressursbruk og metode. Evalueringa føregår gjennom årlege møte med universitet og høgskule. Helse Fonna Aktivitet 2011 leger i spesialisering 97 Psykologer i spesialisering 5 Turnusleger 36 Sykepleier i videreutdanning (spes. Spl) 14 Sykepleier i annen videreutdanning 10 Turnus fysioterapi 3 Hjelpepleiere i sykepleierutdanning 2 Paramedic 4 Master 25 Lærlinger 19 Ph D 5 Sykepleiestudenter 300 Medisinerstudenter 100 Lærlinger i helsearbeiderfaget (praksisopplæring) 16 Radiografstudenter 12 Ergo og fysioterapistudenter 2 Jordmorstudenter 8 Andre 10 Sum 668 Styret vedtok i august at Helse Fonna skal ta inn eigne lærlingar innan helsefagarbeidarfaget. Føretaket legg til rette for dette gjennom våren 2012, og gjer opptak av 7 lærlingar årleg frå og med hausten I samband med dette har Helse Fonna i 2011 sagt opp eksisterande samarbeidsavtale føretaket har hatt med åtte kommunar om praksisopplæring av hesefaglærlingar totalt 45 lærlingar. 6

8 Innan ambulansefaget har Helse Fonna eigne lærlingar totalt 17 lærlingar. Helse Fonna samarbeider nært med Sauda vidaregåande skule om ambulansefagutdanninga der. Føretaket har til kvar tid tilsette i ulike etter- og vidareutdanningsløp og i spesialisering, og fleire av desse tek imot løn eller stipend under utdanninga. I 2011 har det vore sjukepleiarar i vidareutdanning innan psykisk helsearbeid, anestesi, operasjon, intensiv, rus, nyfødt, diabetes, cardiologi, akuttmottak og jordmor. Innan ambulansetenesta satsar føretaket på vidareutdanning for ambulansearbeidarar i paramedic. Det er òg tilsette i ulike masterprogram. Kontinuerleg er det legar og psykologar i spesialisering. Helse Fonna har fokus på leiaropplæring. På slutten av året vart program for leiaropplæring introdusert i organisasjonen. Dette strekkjer seg over heile året Programmet inkluderer også opplæring av leiarar i IT-verktøya som nyttast til rapportering og styring i utøving av leiarrolla. Det same gjeld opplæring innan arbeidstidsplanlegging. Det føregår fagretta kompetansehevande tiltak for tilsette ute i dei enkelte klinikkane. Frå sentralt hald vert det arrangert opplæringstiltak innan tema som er lovpålagde. I samarbeid med dei andre føretaka i Helse Vest er det utvikla eit kompetansesystem som legg til rette for betre kompetansestyring og oppfølging av den einskilde medarbeidaren. Implementeringa har gått føre seg gjennom heile Hovudfokus dette året har vore på å få medarbeidarar til å registrere CV-en sin, og å nytta verktøy for medarbeidarsamtale. Det vart gjennomført ein CV-kampanje i november, som resulterte i ein relativt stor auke i tal på reistrerte CV-ar ca. 30 % som har lagt inn element om utdanning/arbeidserfaring. Fleire einingar har også teke i bruk funksjonen kompetanseplanleggjing i dette verktøyet. Dette vert vidare eit hovudfokus i Det har vore ein auke i bruk av kompetanseportalen til medarbeidarsamtale frå 7,48 % i 2010 til 23,71 % i Det er etablert eit godt regionalt samarbeid relatert til utvikling av felles e-læringskurs i Helse Vest, og det vert lagt til rette for at tilsette i større grad kan ta e-læringskurs når dette er tenleg. Helse Fonna bidrar i det regionale samarbeidet, både på systemsida og med faglege ressursar i kursutvikling. E-læring er eit godt verkemiddel for opplæring av tilsette. Rapport for 2011 viser at det har vore gjennomførte e-læringskurs, og at har delteke på klasseromskurs. Mengda kurs i 2011 har også samanheng med innføring av DIPS (elektronisk pasientjournal) i Helse Fonna. Med bakgrunn i arbeidet med Kompetanseportalen er føretaket også involvert i KLEMprosjektet (Kompetane leiing endring og medarbeidarskap), der to leiarar har teke vidareutdanning innan Strategisk HR-leiing / HR-prosesssar. Dette er eit samarbeid mellom Helse Vest og NTNU. Vidare har føretaket vore involvert i innovasjonsprosjektet TOLK (Teknologi organisasjon leiing og kompetanse), som er eit samarbeid mellom Helse Vest, leverandørbedrift og NTNU. Formålet er at Kompetanseportalen etter kvart skal gje systemstøtte til alle utdannings- og spesialiseringsløp. Helse Fonna har representant i prosjektgruppa i TOLK. 7

9 Helse Fonna innførte elektronisk pasientjournal Felles EPJ mai Prosjektet har hatt stor opplæringsaktivitet, og prosjektet har ført til generelt auka kompetanse innan IKT. Kompetanseutvikling Simulerings- og ferdigheitstrening er ein av metodane for kompetanseutvikling i føretaket. Særleg vert dette nytta i trening innan traumebehandling og avansert hjarte lungeredning. Formålet er å trene prosedyrar, men også å trene teamet i kommunikasjon, samarbeid og leiing i stressituasjonar. Nytt i 2011 var innføring av teamtrening for dei som tek imot sjuke nyfødde born. Dette er utvikla mellom anna på bakgrunn av dei krav og føringar som ligg i nasjonale kvalitetskriterium for fødetilbod. Simulerings- og ferdigheitstreninga vert drifta i regi av anestesieininga ved Haugesund sjukehus, men instruktørane reiser også til dei andre sjukehusa i føretaket og arrangerer trening innan ønskte emne. Totalt har 578 medarbeidarar delteke på ulike simulerings- og treningsøvingar i Samhandling Helse Fonna har førebudd seg på samhandlingsreforma, og det er gjennomført fleire samarbeidsprosjekt med kommunane. Fleire av desse er samla i den såkalla «Helsetorgmodellen», og koordinerte pasientforløp med dokumentert kvalitet på behandlinga har vore førande i alle prosessar. I juni 2011 vedtok Stortinget ny lov om folkehelsearbeid og lov om kommunale helse- og omsorgstenester. Desse lovane er sentrale element i gjennomføringa av samhandlingsreforma. Som oppfølging av dei nye lovane vart det utarbeidd fleire nye forskrifter; mellom anna ny forskrift om kommunal betaling for utskrivingsklare pasientar og ny forskrift om kommunal medfinansiering. Sentralt i nytt lovverk er at helseføretak og kommunar er forplikta til å inngå nye samarbeidsavtalar som skal sikre god samhandling om pasientbehandlinga. I denne samanhengen har Helse- og omsorgsdepartementet utarbeidd ein nasjonal rettleiar. Rettleiaren, som vart gjort tilgjengeleg i midten av november, inneheld mellom anna fristar for kva tid ein overordna avtale og diverse delavtalar skal vere inngått. Innan skulle ein del av dei lovpålagde elementa vere på plass, medan dei lovpålagde avtalane i sin heilskap skal vere klare innan Helse Fonna og kommunane i opptaksområdet oppnemnde eit forhandlingsutval med representasjon frå begge partar og starta i oktober 2011 arbeidet med å få på plass nye avtalar i tråd med føringane. Samarbeidsklimaet mellom føretaket og kommunane har vore godt trass i krevjande prosessar, og det er lagt eit godt grunnlag for det vidare samarbeidet. 8

10 Opplæring av pasientar og pårørande Føretaket har fire LMS-senter/-område (lærings- og meistringssenter). Desse er LMS somatikk Haugesund sjukehus (oppretta i 2002), LMS Odda sjukehus, LMS Stord sjukehus og LMS Klinikk for Psykisk helsevern (oppretta i 2005). Innan somatikken er tilboda for det meste ein integrert del av pasientforløpa til pasientar som vert følgde opp av sjukehusa; berre nokre få tilbod er til no utarbeidde i samarbeid med kommunar. Alle LMS-a i Helse Fonna tek vare på dialogen med brukarorganisasjonar og utvikler i samarbeid med brukarutvalet i Helse Fonna tilbod om kurs. LMS Odda sjukehus er organisert i medisinsk klinikk. Ein har kontinuerlege kurstilbod til fleire grupper og eit tett samarbeid med LMS Psykisk helsevern kring felles kurs. Det vert òg arrangert temakveldar, samt at ein underviser helsearbeidarar. Det er oppretta ei rådgjevingsgruppe som er samansett av representantar frå kommunehelsetenesta og brukarorganisasjonar i aktuelle samarbeidskommunar. Fagpersonar frå sjukehuset og LMS Psykisk helsevern er og representert i gruppa. LMS Stord sjukehus er ikkje oppretta som ei formell eining, men har gruppetilbod til ulike pasientgrupper (hjarte, diabetes). Seksjon fysikalsk medisin og rehabilitering har ryggpoliklinikk, der tilbodet er både individuelt og gruppebasert. LMS Psykisk helsevern er organisert i klinikk for psykisk helsevern. I 2010 vart det tilsett erfaringsmedarbeidar i 20 % stilling, som tek seg av utviklingsarbeid i klinikken i samarbeid med LMS. LMS har definerte oppgåver på systemnivå knytte til opplæring og støtte/rettleiing av brukarråd ved tre DPS. Arbeidsmiljø Inkluderande arbeidsliv (IA) Det vert drive systematisk oppfølging av sjukemelde i tett samarbeid mellom leiar, tilsett, fastlege, attføringskonsulent og NAV-kontakt. Helse Fonna resignerte IA-avtalen juni 2011, og føretaket har utarbeidd handlingsplan i samsvar med målsetjing/intensjon for ny IA-avtale Føretaket har gjeve informasjon og opplæring til leiarar, tilsette, verneombod og tillitsvalde om rutinar for oppfølging av sjukefråvær. Bedriftshelsetenesta har gjennomført 40 arbeidsplassvurderingar for tilrettelegging for sjukemelde / arbeidstakarar med nedsett arbeidsevne. Bedriftshelsetenesta har delteke i 90 dialogmøte i Gjennomsnittleg sjukefråvær 2011 er 7,49 % (2010: 6,86 %). Eigemeldt fråvær er 1,00 % (2010: 0,98 %). Legemeldt fråvær er 6,48 % (5,88 %). 9

11 Det legemelde sjukefråværet for 2011 er noko auka, mens korttidsfråværet er tilnærma det same som for Systematisk HMS-arbeid Leiarar på alle nivå har kartlagt arbeidsmiljøet gjennom vernerundar. Utarbeiding av handlingsplanar skjer i tett samarbeid mellom leiar og verneombod. Det er i 2011 gjennomført evaluering av den regelmessige vernerunden (om lag kvar veke). 47 % gjennomfører jamleg vernerunde. Helse Fonna gjennomfører årleg obligatoriske kurs i HMS-opplæring. 57 deltakarar har fullført 40 timars HMS-grunnkurs i 2011: 25 leiarar og 32 verneombod. Dei siste 3 åra har 155 leiarar/ verneombod gjennomført 40 timars HMS-opplæring. Ergonomi Ryggombodsordninga i Helse Fonna Det har vore arrangert tre dagars utdanning av forflytningsrettleiarar i Ti forflytningsrettleiarar vart utdanna innan somatikken og ti i ambulansetenesta. Det vert årleg gjennomført temadagar for forflytningsrettleiarane for påfyll og oppdatering. I 2011 vart det tilsett fysioterapeut i bedriftshelsetenetsa. Skadar på tilsette og HMS-avvik I 2011 vart det i avikssystemet registrert 102 skadar på tilsette. Dei hyppigaste årsakene var: vald 20 og stikkskader 135. Det vart rapportert 93 HMS-avvik. Dei hyppigaste årsakene var: valdsskade 20, organisatorisk arbeidsmiljø 16, inneklima/støy/belysning 12 og brannvern 10. Avvikhandteringssystemet Synergi krev grunnleggjande opplæring for korleis ein handsamar eit avvik eller ei hending. Det er eit stort kompetansebehov i forhold til kva som bør meldast og korleis ein skal få forbetringsgevinst av meldingar. Føretaket vil i 2012 ha auka fokus på å forbetre meldekulturen og forståinga av forbetringsarbeid/læring av hendingar og avvik. Inneklima Bedriftshelsetenesta bistår med å vurdere helserisiko og rådgjeving i høve til forbetringstiltak, Sommaren/hausten 2011 var dei spesielt involverte i høve til støyproblem og påvising av asbest i samband med ombygginga av tredje etasje på Stord sjukehus. Psykososialt arbeidmiljø Bedriftshelsetenesta hjelper einingar i føretaket både med råd om val av kartleggingsmetodar, vurdering av resultat etter kartlegging og framlegg om forbetringstiltak og i nokre høve også med å gjennomføre kartlegging av psykososiale arbeidsmiljøtilhøve. Temaet vert prioritert på føretaket sitt årlege HMS-grunnkurs. Bedriftshelsetenesta stod også for undervisningssamlingar for reinhaldarane ved alle sjukehusa i føretaket i 2011, der tema var både psykososialt arbeidsmiljø og ergonomi. Rusførebyggjande arbeid Helse Fonna sine retningslinjer vart omfattande reviderte i Det vart spesielt lagt vekt på betre informasjon og støtte i det førebyggjande arbeidet, samt tydelegare skildring av leiar si handtering av tilfelle med arbeidsrelatert rusbruk. Temaet er fast del av føretaket sitt årlege HMS-grunnkurs for nye verneombod, AMU-medlemmer og leiarar, og vert i tillegg teke inn i leiaropplæringsprogrammet

12 Overvaking av risikogrupper, jf. krav i lov og forskrift Bedriftshelsetenesta (BHT) har tidlegare utarbeidd oversikt over arbeidsmiljøfaktorar og risikotilhøve som medfører trong for helsekontroll og/eller samtale. Dette omfattar m.a. målretta undersøkingar av tilsette som er utsette for støy, fysiske/kjemiske eksponeringar som m.a. asbest, cytostatika eller røntgenstråling, samt nattarbeid (jf. arbeidmiljøloven 3). BHT gjennomfører vaksinering mot Hepatitt B, sesonginfluensa og eventuell annan arbeidsrelatert smitterisiko i tråd med forskrift og regionale retningslinjer i Helse Vest. BHT kontrollerer også dokumentasjon i høve til førehandsundersøking av nye medarbeidarar for antibiotikaresistente bakteriar (MRSA) og tuberkulose og gjennomfører undersøkingar av tilsette som har vore utsette for desse typane smitte gjennom arbeidet sitt. Oppfølging etter Arbeidstilsynet sin «God Vakt-kampanje» Med bakgrunn i Arbeidstilsynet sitt vedtak om pålegg Forholdet mellom oppgåver og ressursar datert , vart det oppretta eit prosjekt i Helse Fonna for å arbeide med å rette opp ubalanse. Status for prosjektarbeidet har vore fast orienteringssak i AMU i Det vart utarbeidd handlingsplan som vert følgd opp i klinikkane. Avviket vart lukka august Vernetenesta Føretaket har eit overordna arbeidsmiljøutval (AMU) med lik representasjon frå arbeidstakarog arbeidgjevarsida. AMU har hatt 9 møte i 2011, og 111 saker er handsama. Det finst ulike møteplasssar for drøfting av tema og problemstillingar knytte til arbeidmiljø på alle leiarnivå i organisasjonen. I tillegg til føretakshovudverneombod er det klinikkverneombod i alle klinikkar og verneombod fordelte i oversiktlege område i alle klinikkar/område i alt 74 verneombod. Omstilling HMS-tenesta har saman med personalkonsulent delteke i ulike omstillingsprosessar i føretaket. Hausten 2011 starta ein prosess med evaluering av rutinar og prosedyrar knytte til endring og utvikling / omstillingsprosesssar. Likestilling, integrering og mangfald I arbeidet med å fremje likestilling og hindre diskriminering er det personalpolitiske målet for Helse Fonna å ha ei balansert samansetjing av alder og kjønn på alle nivå i organisasjonen, arbeide for likeløn og redusert deltid, ein livsfaseorientert personalpolitikk, leggje til rette for mangfald og integrering, rekruttere kvalifiserte personar med innvandrarbakgrunn og leggje til rette for at medarbeidarar med nedsett funksjonsevne kan arbeide i føretaket. Stillingsannonsane har ein standartekst om at føretaket skal så langt som råd avspegle mangfaldet i befolkninga. Dette vert vektlagt i føretaket si opplæring knytt til rekrutteringsprosessar. Helse Fonna er ein kvinnedominert arbeidsplass. Forholdet kvinner/menn er om lag 80/20. Det er ei overordna målsetjing at Helse Fonna skal leggje tilhøva til rette for at flest mogleg som ønskjer det, får tilbod om tilsetjing i heil stilling. Uønskt deltid har stort fokus i samband med arbeidstidsplanlegging og når stillingar vert ledige. Deltid vert minna særskilt om når stillingar vert handsama i stillingsutvalet. Det er utarbeidd ein rettleiar om uønskt deltid og 11

13 fortrinnsrett for deltidstilsette. Rettleiaren skal sikre at deltidstilsette sin fortrinnsrett til utvida stilling vert handtert på ein god måte og i samsvar med krav i arbeidsmiljøloven. Føretaket etablerte våren 2011 eit bemanningssenter (internt vikarsenter), som har gjeve høve til auka stilling gjennom tilsetjing i bemanningssenteret. På denne måten har tilsette fått eit samla stillingsforhold i føretaket på tilnærma 100 %. Føretaket gjennomfører deltidskartlegging, der medarbeidarane kontinuerleg registrerer ønske om stillingsstorleik på kort og på lang sikt. Pr. desember er det registrert tilsette i deltidsstillingar. Av desse har 329 tilsette registrert profilen sin, og 197 av desse ønskjer høgare stillingsprosent. Det er eit mål at gjennomsnittleg stillingsprosent er 87,7 %. Pr. desember er gjennomsnittleg stillingsprosent i føretaket 83,9 %. Det vert vidare arbeidd med å finne gode løysingar for å redusere uønskt deltid. Føretaket har ein kjønnsnøytral lønspolitikk. Likeløn er tema i samband med lønsforhandlingar. Helse Fonna har som mål å ha mellom 6 og 10 % tilsette med ikkje-vestleg innvandrarbakgrunn. Siste SSB-rapport 4. kvartal 2010 viser totalt 8,1 % tilsette med innvandrarbakgrunn, av desse er 3,9 % ikkje-vestlege. Siste kvartal i 2008 var tala høvesvis 6,9 % og 3,2 %. I samband med rekruttering vert personar med innvandrarbakgrunn oppmoda om å søkje. Miljørapportering Føretaket definerte våren 2011 ei førebels miljøerklæring som grunnlag for arbeidet med miljøstyringssystemet. Prosjektet har direktørmøtet som styringsgruppe og er forankra hos administrerande direktør. Ansvar og oppgåver er definerte for leiarlinja og ulike funksjonar i arbeidet. Det er vidare etablert ei arbeidsgruppe med inngåande kjennskap til drifta av føretaket. Dei har kartlagt miljøaspekta på føretaksnivå. Tre hovudområde er kartlagde: 1) utslepp til jord 2) utslepp til vatn 3) utslepp til luft Ei rekkje underområde er vekta med tanke på effekt, miljøkriterium, hyppigheit, mengd. Vidare informasjon og opplæring i nye rutinar vil skje etter at mål og tiltak er vedtekne. Retningslinjer om miljøsystemet vert kommunisert til føretaket gjennom HMS-handboka. Føretaket har gjennom 2011 også vore representert i det regionale miljø- og klimaforumet for spesialisthelsetenesta og hatt som mål å vere ein arbeidsplass som ikkje forureinar vatn, luft eller miljø. Resultat, investeringar, finansiering og likviditet Generelt om rekneskapen 12

14 Rekneskapen for 2011 er sett opp i samsvar med rekneskapsloven av 1998 og god rekneskapsskikk. Rekneskapen for året består av resultatrekneskap, balanse, kontantstraumoppstilling og noteopplysningar. Rekneskapen er bygd på grunnleggjande prinsipp for rekneskap i samsvar med god norsk rekneskapsskikk; transaksjonsprinsippet, oppteningsprinsippet, samanstillingsprinsippet, varsemdprinsippet, kongruensprinsippet, sikring, beste estimat, konsistent bruk av prinsipp og føresetnad om fortsett drift. Ved utarbeidinga av rekneskapen må leiinga byggje på føresetnader og estimat som vil påverke rekneskapsførte verdiar av eigedelar, gjeld, inntekter og kostnader, samt noteopplysningar vedrørande forpliktingar med vilkår. Faktiske tal kan avvike frå dei opphavlege estimata. Pensjonsordninga tilfredsstiller krava i lov om obligatorisk tenestepensjon. Resultat Føretaket har eit negativt driftsresultat på kr av ei totalomsetning på kr Resultat etter finans viser eit underskot på kr og eit underskot i forhold til resultatkrav frå eigar på kr Investeringar Føretaket har gjennomført investeringar for kr Av investeringane var millionar kroner knytte til byggjeprosjekt. Medisinteknisk utstyr, inventar, kommunikasjon (IKT) og transportmiddel står for resterande investeringar. Kapital Føretaket sin totalkapital (eigenkapital og gjeld) var pr kr Sum eigenkapital var pr kr Likviditet Føretaket sine likvide midlar pr var på kr Disponering av årsresultatet Føretaket sitt årsresultat gav eit underskot på kr , og styret foreslår for føretaksmøtet at dette vert overført mot annan eigenkapital. Uvisse og ekstraordinære forhold i rekneskapen Det er ikkje registrert uvisse eller ekstraordinære forhold i rekneskapen i Vi har heller ingen søksmål eller rettstvistar i Økonomisk utvikling Styret ser det som eit hovudmål at føretaket for 2012 når eigar sitt resultatkrav som er sett til 0 kroner. Styret ser at 2012 vert eit utfordrande år som vil krevje betydeleg innsats frå alle delar av føretaket. Helseføretaka må som hovudregel styre og prioritere investeringane sine innanfor tilgjengeleg likviditet. Endringar i retningsliner for investeringsrammer gjer det naudsynt med driftsresultat framover som er i tråd med tildelte midlar. Føretaket har i 2012 vidareført prinsippet om aktivitetsbasert budsjettering. 13

15 Vidare drift Etterspørselen etter helsetenester aukar, både som resultat av etterspurnad, demografiske forhold teknologisk utvikling og nye behandlingstilbod. Føretaket har såleis eit godt fundament for framtidig aktivitet. I samsvar med rekneskapsloven vert det stadfesta at føresetnad om vidare drift er lagd til grunn då årsrekneskapen vart avslutta. Staten gjev driftsgaranti, og føretaket kan ikkje gå konkurs. Oppfatninga til styret er at det ikkje er forhold som kan føre til anna enn vidare drift. Haugesund den Styremedlemmer Kjell Arvid Svendsen Inge Reidar Kallevåg Harry Herstad styreleiar nestleiar styremedlem Hilde Brit Christiansen Hege Haukeland Liadal Lilliann Høyvang Andreassen styremedlem styremedlem styremedlem Lasse Malvin Lesto Pål Midbøe Anna Rød Nyland styremedlem styremedlem styremedlem Geir William Birkeland Tove Martha Hovda Callaghan Olav Klausen styremedlem styremedlem Konstituert administrerande direktør 14