posten Vår 2012 Nr. 1 - Årgang 18 Tu d d a l påske

Transkript

1 posten Vår 2012 Nr. 1 - Årgang 18 Tu d d a l God påske

2 Frå prosjektet Frå bygd til landsby Troll i Tuddal i sommar I samband med Trollteiknekonkurransen, Tuddalstrolla og nøkken som tema for Folkestigen, blir det arbeidd med planar for Troll som gjennomgangstema i Tuddal i sommar. Foreløpig er det på tankestadiet og om det er nokon som har kreative innspel så ta kontakt med Anne-Bjørg Haugan, prosjektleiar Frå bygd til landsby. Når planane er meir konkrete, kan du lese om dei på Trollteiknekonkurransen Det har i skrivande stund kome inn 97 teikningar, eit oljemaleri og eit tova troll til konkurransen. Dette var over all forventning og veldig moro. Deltakarane er i alle aldrar frå 6 år og til pensjonistar, frå Tuddal, Hjartdal, Sauland, Notodden, Oslo, Drammen og Vestfold. Det viser at det mytiske engasjerar! Utruleg mange flotte innspel så juryen (Lisbeth Forslung, Geirmund Rui, Sven Tore Løkslid, Helena Hafthorsdottir og Anne-Bjørg Haugan) får ein kjempevanskeleg jobb. Målet er å ha kåra vinnar(ar) til påske. Troll på Bygdetunet i sommar Museumslaget registrerar med interesse den store aktiviteten som er lagt for dagen når det gjeld framstilling/dokumentasjon av dei 5 (6) trolla i Tuddal. Alle bør få mulegheiten til å sjå desse arbeida. Derfor ønskjer vi å vere med å lage noko kring dette i sesongen Vi kan mellom anna tenkje oss utstilling på bygdetunet av det som har kome inn. Dersom nokon har fleire innspel til eit slikt tema er vi opne for det. Turstiggruppa har organisert seg under Hjartdal historielag Turstiggruppa som blei etablera i forbindelse med prosjektet, er nå blitt ei fast gruppe i Hjartdal Historielag. Hjartdal Historielag har jobba med gamle turstigar i mange år og det var derfor naturleg at denne gruppa blei medlem her. I Turstiggruppa frå Tuddal er Gunda Rinde, Torkjell Tjønn, Bård Kjetil Venhaug og Håvard Kaasa. Gruppa har prioritera 8 turstigar som dei vil jobbe med vedlikehald (rydding og merking) av; Sveigen - Fossehalli over Kyrkjefjellet, Runehellhovet, Gamle Bondalsveg, Kovstulvatnet rundt, Stuvrudlia - Lomtjønn, Sveigstjønn - Ostetjønn, Njuke og Prestevegen. Dei har og etablera samarbeid med Notodden Turlag (som er direkte undergruppe av den Norske Turistforening) og Notodden Turlag har teke på seg ansvaret for turstigane Stavsro - Huldrehola og Skitnetjønn - Kåloset. Dei skal og samarbeide om merking og rydding, slik at dette blir gjort etter nasjonal standard. Dugnad i forbindelse med rydding av turstigane; Ynskjer du å bidra her, så meld di interesse til Anne-Bjørg Haugan eller ein av medlemmane i Turstiggruppa. Datoar for dugnadane er ikkje satt ennå. 2

3 Opplevingar i Tuddal/Hjartdal Som ein del av prosjektet Frå bygd til landsby kartlegg vi nå behovet for utvida tilbod innanfor opplevingar, med håp om å kunne tilby både gjester og fastbuande eit enda betre og variera opplevingstilbod i framtida. Til å gjere denne jobben har vi vore så heldige og fått ein stipendiat frå Høgskulen i Bø; Helena Hafthorsdottir, som har bachelorgrad i reisleiv. Ho kjem frå Island, skal vere her i 10 månader og har flytta til Tuddal med sambuar. Ho har laga ei spørjeundersøking, som har blitt distribuera til fleire ulike overnattingsstadar i kommunen. Denne finn du og på og Har du innspel, tankar og idear til opplevingar i Hjartdal så tek ho gjerne imot dette. Sende dei i så fall til Helena Hafthorsdottir; helena.hafthorsdottir@hjartdal. kommune.no Sentrumsplanen Sentrumsgruppa, som blei etablera etter siste folkemøte om Tuddal i framtida, jobbar med forslag til ein plan for fortetting av sentrum. Denne planen byggjer på alle innspela som har kome både på verkstadene på folkemøta, frå skule, barnehage og andre innspel. Alle aktuelle grunneigarar blir og involvera i prosessen. Hovudmålet med" Frå bygd til landsby" er å utarbide ein plan/modell, som skal vere eit forslag til framtidige Tuddal sentrum (landsbyen Tuddal). Prøvebustader Kommunal- og Regionaldepartementet har lyst ut 20 mill. kr. til boligbyggeprosjekt i kommunar som har utfordringar knytt til fråflytting. Dei vil velje ut kommunar, som skal delta i dette triårige prosjektet. Hjartdal kommune har sendt søknad og prøvebustadane er ein del av dette. Kontakt for "Frå bygd til landsby"; Anne-Bjørg Haugan, annebjorg.haugan@hjartdal.kommune.no, tlf Yoga i Tuddal Torsdag 15. mars kl. 19:30 arrangerte Tuddal IL yogatime for fyrste gong på Tuddal skule. Viss det blir nok interesse, kan vi eventuelt bestemme fleire enn ein time pr. veke, men i fyrste omgang blir det kvar torsdag kl. 19:30 20:30. Yogainstruktør: Helena Hafthorsdottir. Viss nokon har matte som de gjerne vil bruke, kan de så klart ta den med, men elles finst det fleire matter i gymsalen som vi kan bruke. Ha på behagelege klede som tåler bøying og strekking, og ta gjerne med eit par varme sokkar og ein genser. Sko treng de ikkje i sjølve timen. Påmelding er ikkje nødvendig for desse timane, bare møt opp! Sjå for meir info. 3

4 Nytt frå Hjartdal Røde Kors Hjartdal Røde Kors blei stifta i 1986 av Audun Darrud, som nesten heilt sidan starten har vore leiar for hjelpekorpset i Hjartdal. Han går av som korpsleiar i 2012, og går nå inn som nestleiar. Vi takkar han for flott engasjement og leiarskap gjennom 25 år. Ny leiar er Torhild Bakka, opprinneleg fra Suldal, og bur nå på Tveiten i Tuddal med sambuar og barn. Ei dame med stor stå på vilje og interesse for Røde Kors. Vi ønskjer henne velkommen som ny leiar i Hjartdal Røde Kors. Hjartdal Røde Kors har stabile, kompetente og aktive medlemmer. Vi har møte kvar 14. dag med aktuelle tema og praktiske øvingar, for heile tida å være oppdatert på det som krevst av oss som fyrstehjelparar. Medlemmane våre blir også kursa på haust- og vinterkurs, alt frå kart/gps, skredkurs, vatnredning, ettersøk barmark, psykisk fyrstehjelp m.m. Lyst til å bli aktiv medlem i Hjartdal Røde Kors? Du må ha fylt 18 år og fullføre eit obligatorisk fyrstehjelpkurs på 30 timar i regi av Røde Kors. Ei teoretisk og praktisk prøve må vere bestått. Du blir da registrert som medlem av hjelpekorpset. Lyst til å bli frivillig i Hjartdal Røde Kors? Frå tid til annan hender det at vi har leiteaksjonar i Hjartdal kommune, og nokre gonger kan desse gå over fleire dagar. I samband med det ønskjer vi å kome i kontakt med personar, som kan tenkje seg å stille opp på frivillig basis til div. gjeremål, som inngår i desse aksjonane. Ofte må vi bruke av eigne mannskap til dette, noko som gjer at vi har mindre ressursar å setje inn der det trengs ute i felten. Oppgaver som dei frivillige kan utføre: Utkøyring av mat, mannskap og utstyr, matlaging og bevertning på Røde Kors huset, for å nemne noko. Dette krev ingenting av deg, anna enn at du har lyst til å gje litt av tida di til det frivillige arbeidet vi gjer. Trur du at dette kunne vere noko for deg, vil vi gjerne at du tek kontakt med oss. Ellers finn du info om oss på heimesida vår: Vi ønskjer å takke alle som støttar oss økonomisk. Dette er til uvurderleg hjelp for oss, slik at vi kan sitte inne med nødvendig utstyr, som vi er avhengig av å bruke ute i felten. Hugs grasrotandelen. Vakttelefon Hjartdal Røde Kors: tlf Korpsleiar Torhild Bakka: tlf VI ØNSKJER ALLE I HYTTER OG HUS EI RIKTIG GOD PÅSKE 4

5 Tuddal Bygdekvinnelag I Treskoposten som kom ut før jul, blei det skrivi litt om "Ganglag". Det er bygdekvinnelaget, i samarbeid med helselaget, som legg opp til desse gåturane. Nokon møttest nokre gonger før snøen kom. Det er alltid tyngre å kome seg ut vinterstid. Vi vil prøve likevel, og nå går det mot vår. Det er ikkje nokon organisert tur, det vil si at det ikkje er nokon turleiar. Den som har lyst til å kome seg ut ein tur, svingar bortom Fossehalli kl 11:00 på onsdagar, og ser om det er fleire som er klare for tur. Kvar turen skal gå blir bestemt der og da, og vær og føre avgjer. Det treng ikkje vere ein lang tur, det viktigaste er at ein kjem seg ut. Så da er det bare å møte opp ved Fossehalli og ta del i "Ganglaget". Ta med deg stavar dersom du synest det er greiare å gå med det. Tuddal Helselag Nå er det ny bok i kassa langs Folkestigen. Frå til har 1484 personer skrive navnet sitt. Det er fint at folk nyttar seg av stigen rundt Bjårvatnet, som er ein fin rundtur, og litt trist at den ikkje kan nyttast til fots på vinteren. I veke 19, 7. til 13.mai har Nasjonalforeningen for folkehelsa hjarteveke. Helselaga, som er del av denne foreninga, markerar hjarteveka på ulike måtar. Denne veka blir det lagt ekstra stor vekt på informasjon om forebygging av hjarte- og karsjukdommar. Tuddal Helselag vil også markere hjarteveka. Det skal vi gjere 12. mai. Pr. i dag er det ikkje heilt bestemt korleis denne markeringa skal gå føre seg. Vi bed folk om å følgje med på plakatar og i Telen. Dei siste åra har Helselaget hatt stand ved Joker, og fått inn ein god del pengar til saka. Lenger ut på vår og sommer har helselaget planar om å arrangere gåturar att. Sist sommar regna turane bort. Håpar været tillet meir turverksemd komande sommar. Vi kjem tilbake til det seinare. Helselaget har møta sine siste måndagen i månaden kl 19:00 på Helsehuset. Berekraftig hyttebygging - seminarrekkje Fyrste seminaret i ei seminarrekkje i regi av Kongsbergregionen er gjennomført, Det kjem fleire seminar i rekka, og dette er brennaktuelt for tuddølar, anten dei har grunneigedom eller hytte. Følg med på for dato for neste seminar. Dato blir også annonsert på nettsidene til Tuddal, 5

6 på sporet ti l lokalbanken Kjære hytteeier! Vi finansierer og forsikrer din hytte og bolig. Ta m e d d e g Hjar tdalbanken hjem! Stolt sponsor av: Kontakt: Ingebjørg Darrud Tlf ingebjorg.darrud@hjartdalbanken.no Hjartdal og Gransherad sparebank er en lokal støttespiller, med god kjennskap til bygda og dens utvikling, og gir mye tilbake til lag og foreninger. 6

7 BØEN KIOSK OG KAFE 3697 Tuddal Tlf / Vi har kioskvarer, kart, fiskekort, souvenirer. A la carte/take away meny og vi serverer dagens hver dag. Fredag: flesk og duppe Hver 1. søndag i månedene: Tuddalssuppe og klubb. Vi har åpent alle dager i påsken og sommersesong fra Fra kl Turistinformasjonen er åpen i kafeens åpningstider. Utenom åpningstid blir alle henvendelser besvart på tlf eller pr. e-post: post@visittuddal.no Din lokale elektriker! Elektrikertjenester Varmepumper Sunwind forhandler Ring hytta varm Du finner oss på Saulandstunet 3692 SAULAND Tlf: Vi er en elektroinstallasjonsbedrift med avdelinger i Hjartdal, Tuddal og Notodden. Vi leverer nyinstallasjoner, service og vedlikehold av hus, hytter og næringsbygg. 7

8 Reisjå/Bondal Utmarkslag Reisjå/Bondal utmarkslag har hausten 2011 sett opp ein flott gapahuk ved Våtjønntoppen. For å kome dit, må ein følgje løypa som blir køyrt opp med tråkkemaskin inn Vindsjåvegen. Dette er ein tur på 8 km ein veg. Løypa startar ved parkeringa på Reisjåbrekka. I gapahuken er det både grill og kokemulegheiter, det er sett inn ei stor bålpanne. Vi håpar den vil bli til glede for alle. Utmarkslaget har også på dugnad jobba med å rydde og merke gamle buferdsvegar og turløyper. Dette og meir til kan du lese om på heimesida: Tuddal Husflidslag Tuddal Husflidslag har nettopp avslutta eit lærerikt og inspirerande kurs i smøyg. Kan hende vi får sjå nye og sjølvbroderte skjortekvardar til 17. mai i år? Strikkekafeen i Tuddal er blitt ein populær møteplass for håndarbeidsglade damer i bygda. Torsdag 26. april samlast vi att på Bøen kiosk og kafé. Møta i laget vil bli gjort kjent med oppslag på butikken, kaféen og heimesidene til Tuddal, mai på Gaustatoppen Telemark Turistforening arrangerer også i år topptur 17. mai. Bygdedag Datoen for årets bygdedag er søndag 22. juli. Det vil si at det i år bare blir ei veke mellom bygdedagen og triathlonarrangementet. Organisering og program blir lagt ut på heimesidene til Tuddal, når det er klart. Gaustadagane Ifølgje arrangementskalenderen til Telemark Turistforening blir Gaustadagane arrangert august i år. Arrangementet var ein suksess i fjor, med flott kulturprogram på toppen. Telemark Turistforening er hovudansvarleg. Program blir lagt ut på når det er klart. 17. mai i Tuddal 17. mai blir arrangert med 17. mai tog, leikar for barna og arrangement på Fossehalli. Bli med på dette populære arrangementet, som samlar dei fleste bygdefolk og mange hyttefolk. Tradisjonsrikt og sosialt. 8

9 Sondagsgreie, mondags ugreie helgedagsfred, kva er det? Gamal skikk frå Tuddal, fortald av tuddølar: Det som blei gjort på ein heilagdag blei ofte ikkje vellykka, meinte dei, derav uttrykket sondagsgreie, mondags ugreie. Sondagen, slik eg hugsar det, så var det helgedagsfred. Da gjorde dei berre det som måtte gjerast, for da skulle dei slappe av. Eg hugsar når eg var unge, at når dei var ferdige i fjoset, så kledde dei seg om til helgedagsklær. Denne dagen kunne dei ikkje gjørå noko anna enn å stelle dyra og lage mat. Håndarbeid var heilt bannlyst. På sondags fyrimeddag kom det jemt følk innom og ein kaffikopp måtte te. Og fall det seg slik at det var meddagstid, så åt dei meddag med kån, men ikkje noko ekstra forbereiding til det. Det vart alltid lågå nok mat, fordi det kunne kome nokon. Me fekk ikkje lov til å ta i sjæren (saksa), det skulle ikkje klyppast i noko på ein heilagdag. Ikkje fekk me lov å klyppe neglane ein gong. Fordi om det var meldt regn på ein sondag, så kunne dei ikkje taka inn høyet før etter klokka tolv natt til mondag. Dei var redde for at høyet skulle bli øydelagd om dei høya på sondag. Langfredag er meir heilag enn Skjærtorsdag og Påskedagen er tviheilag fordi, den er på ein sondag. Dette gjeld og juledagen og pinsedagen. Fyrste dag jul, då skulle me halde kån heime. Ongane fekk ikkje vere saman heller, me kunne stå i kvart kåns tun og glo på kvarandre. Nyttårsdagen måtte kvinnfølka halde seg heime. Om det kom eit kvinnfølk på besøk, så lika følk det dårleg, for då kom det til å bli eit dårleg år. Det skulle vere kar på nyåret, dvs den fyrste som kom inn i dynne skulle vere kar (gut eller vaksen), da blei det eit godt år. Viss det kom eit kvinnfølk på besøk nyttårsdagen, så blei det sagt (av mannfølka); Hmm - håtte flyg ho ette da? Tørtekveld (5.januar tolvte dag jul) va den gamle juleftan som blei feira som juleftan. Når dette slutta veit me ikkje, men fram til midten av søttiåra så bruka fleire i Tuddal same maten denne kvelden som på juleftan. Viss det fell seg slik at tørtekveld er på ein ludag eller sondag, så har me fremdeles følk. Enkelte plassar i Spania feirar dei juleftan på Tørtekvelden. Dette var ikkje berre religiøst - men skikken. Fins det att noko av dette i dag? Kanskje tema for ein kveld på Bygdetunet til sommaren?? Har du problem på vinterstid med kome deg opp til hytta og må forlate bilen i Tuddal sentrum? Bruk parkeringsplassen ved Tuddal skule, der det er god plass til mange bilar. Om du set bilen din andre stader i Tuddal sentrum utan å avtale med grunneigar så kan det hende at den står i vegen for brøytebil eller andre. Nå er det snart Påske og sommar og vi vil oppmode alle til å ta omsyn til beitedyr, turgåarar og ville dyr i fjell og mark. Mange er redde bikkjer, så ver venlege å hald bikkja di i band. Ver og venleg å ta med deg søpla di heim når du er på ski- og fottur i fjell og mark. Husdyrdrift på veg og kryssing av veg I Tuddal er det heldigvis ennå nokre som driv med husdyr, og då vesentleg kyr og sau. Når desse er på beite, så må dei ofte krysse veg og også gå på veg. Når du ser husdyr på eller ved bilveg eller at vegen midlertidig er stengd p.g.a. drift over veg, ver då venleg å respekter dette. 9

10 Tuddal TRIATHLON To års suksess har gjort at Triathlonforbundet i år har innlemma Tuddal Triathlon i Triathlon serien (Norges Cup). Dette er ei fjær i hatten for oss, og arrangementet går av stabelen laurdag 28. juli. For meir informasjon og påmelding, gå inn på Vi har behov for mange frivillige, så har du tid og lyst til å vere med i dugnadsgjengen, kontakt Triathlongruppa på e-post: tohkaasa@online.no eller på sms , så tek vi kontakt med deg. Tuddal Triathlon er et veldig koselig og sjarmende arrangement, med en litt uhøytidelig profil. (sitat frå deltakar Knut Ole Thoreplass, nr 5 i 2011), og slik ønskjer vi det skal vere. Tuddal Høyfjellshotell Følgende program for påsken: Bakeriet: Bakeriet er åpent morgenen den 31. mars, torsdag 5. april, fredag 6. april og lørdag 7. april. Restauranten: Restauranten på hotellet har åpent hver dag. Lunsj fra kl retter kr 320,- og 3-retter kr 400,-. Middag fra kl retter kr 520,-. Bordbestilling, tlf Gildehallen: Gildehallen har åpent alle dager i påsken fra kl (torsdag, fredag og lørdag til kl 01.00). Enkle lunsjretter. Skjærtorsdag: Quiz kl Langfredag: Barnekonsert kl 13.00: Oppmøte for barn som vil være med på barnekonsert. Kl 15.00: Barna holder konsert i Gildehallen. CC: kr 50,- for voksne (barna får boller og brus). Langfredag kveld: Åpen jam fra Påskeaften: Live musikk. CC: 150,- 10

11 PåskeQUIZ for heile familien Svara sendast innan 16. april på e-post til hotmail.no eller i brev til Treskoposten, Hjartdal kommune, 3692 Sauland 1. Kva heiter dei fem trølla i Tuddal og kvar bur dei? 2. Kva er høgaste fjellet i Tuddal og kor høgt er det? 3. Kor mange hytter er det i Tuddal? 4. Kva heiter landskapsvernområdet i Hjartdal kommune? 5. Kva betyr desse dialektorda frå Tuddal? (skriv tydinga på enten nynorsk eller bokmål) Håkken Håtte Hårre Kån Dykkån Dynné Vi trekker ut tre vinnarar med rett svar som får; 1. premie gåvekort på kr 400,- frå Tuddal Høyfjellshotell, 2. premie gåvekort på kr 300,- frå Bøen Kiosk og kafé og 3.premie er gåvekort på kr. 200,- frå Joker Tuddal Handelslag. Kjæringkveldane Presentasjon av vår- og sommarmotar frå Huset Vera, Joy, Pent og Pyntelig, To søstre og Spotlight på Fossehalli tysdag 27.3., kl Servering og utlodding. Inngang kr. 100,-. Vi håpar å få til ein teatertur til hausten. Tomannsbustad på Gvålefeltet til salg og leie Til salg; Leilighet 902 i Tuddal til salgs: Størrelse 68 m2. Ant. rom. 3. Husleie kr. 3720,-. Byggeår Pris kr ,- Leiligheten er nyoppusset innvendig. Leiligheten er en del av en tomannsbolig og har en flott beliggenhet ved siden av skolen på Gvålefeltet. Kontakt; Notodden Boligbyggelag v/ Olav Seland tlf , Til leie; Leiligheten ved siden av (901) er til leie. kr. 3380,- per mnd. Kontakt NAV Hjartdal for mer info. 11

12 B Annonsere i Treskoposten Treskoposten blir nå finansiera gjennom annonser. Ønskjer du å annonsere her, ta kontakt på treskoposten@hotmail.no. Du når då både fastbuande og camping-/ hyttefolk i Tuddal. Neste Treskopost kjem til sommaren. Ynskjer du å få informasjon om Tuddal på e-post, sender du e-post adressa di til anne.bjorg.haugan@hjartdal.kommune.no. Andre innspel og idear sender de til post@tuddalutvikling.no eller anne.bjorg.haugan@ hjartdal.kommune.no Rektig god Påske! Stoff til heimesida sendast til Torunn på post@tuddalutvikling.no Hyttetjenester i Tuddal Snørydding Ved Hytteutleie Trefelling Gras- og kantklipping Maling/beising (maks 5 m) Rengjøring Annet forefallende/ sjauearbeid Kontakt: Andreas Nørstrud Tlf: anorstrud@yahoo.no Ragnar Nørstrud Tlf: ragnarnorstrud@msn.com Nyttige telefonnummer: Hjartdal kommune, servicekontoret: Bøen kiosk og kafé: / Turistinformasjon: Joker Tuddal: Bygger`n Tuddal: Garn og husflidsbutikken: Bondal Snikkarverkstad: Tuddal Høyfjellshotell: Legevakt, Notodden: Tuddal Taxi: Flugonfjell Skisenter: Hjartdal Røde Kors: Grafisk produksjon: Telemark Trykk AS, Notodden har vakt i påska, Vakttlf: , Korpsleiar: Torhild Bakka, , torhild.bakka@hotmail.com 12