PLANSKILDRING KLIMAPARK 2469 I LOM KOMMUNE.

Transkript

1 PLANSKILDRING FOR REGULERINGSPLAN KLIMAPARK 2469 I LOM KOMMUNE. Utarbeidet av Solvang og Fredheim Gudbrandsdalen AS August/september 2010 Revidert Avdeling Os: Brutippen 13, 2550 Os i Østerdalen Tlf: / Fax: sfas@sfas.no Org.nr: MVA Avdeling Otta: Storrustv. 11, 2670 Otta Tlf: gudbrandsdalen@sfas.no Org.nr: MVA

2 Bakgrunn Denne reguleringsplanen er fremma av Solvang og Fredheim Gudbrandsdalen AS. på vegne av styringsgruppa for Klimapark2469 og Lom kommune. Planen er utarbeidet i samsvar med plan- og bygningsloven gjeldande frå 1. juli Formålet med planarbeidet er å legge til rette for gjennomføring av Klimapark2469, eit område for formidling og forsking omkring globale klimautfordringar sett i samanheng med lokal avsmelting og funn av kulturminne. Planforslaget skal samtidig ivareta aktuelle miljøomsyn i eit sårbart og eksponert høgfjellsområde med store kvartærgeologiske verneverdiar og mange automatisk freda kulturminne. Reguleringsplanområdet ligg på Juvflye i området ved Juvasshytta turisthytte. Planen omfatter høgfjellsområda nordvest, nord og nordaust for Juvvatnet - frå Kjelen i vest, over Juvfonna og Juvassosen, til Juvasshø og Juvasshytta i aust (sjå kartskisse 1). Totalt omfattar reguleringsplanen om lag 1774 dekar. Kartskisse 1: Avgrensing av planområdet. Aktuelle tiltak ein ønskjer å gjennomføre eller få utgreidd i samband med reguleringsplanarbeidet for Klimapark2469, går fram av ei konseptskisse som vart utarbeidd for styringsgruppa i regi av firmaet Expology under forprosjektet ( ). Hovudpunkt i denne skissa er (jf. også kartskisse 2) : - Opparbeidd gangveg (gangbaner med universell utforming) frå parkeringsområde ved Juvasshytta til Juvfonna - Portal/ bygning for informasjon, utstilling, billettsal osv. kombinert med ein mindre feltstasjon for forskingsaktivitet ved starten av gangvegen ( Basecamp ). 2 av 21

3 - Formidlingsstasjonar/ observasjonspunkt langs gangvegen (permanente telt som vern mot ver og vind) - Istunnel med utstillingar/ installasjonar og eit mindre auditorium inne i Juvfonna - Opparbeidd gangsti frå Juvfonna til utsiktspunkt mot Kjelen. Kartskisse 2: Mogelege tiltak i samband med Klimapark2469, slik desse er skissert på kart i konseptskissa ved forprosjektet. Med bakgrunn i plan- og bygningsloven og 4 i "Forskrift om konsekvensutredninger" av , skal det gjennomførast konsekvensutgreiing (KU) av planlagde tiltak innan planområdet. Dette er nedfelt i planprogram utarbeidd av Lom kommune, vedteke av Lom kommune etter offentleg høyring og ettersyn. For følgjande tema er det utarbeidd KU, og som leggast til grunn for planarbeidet: Konsekvensanalyse biologisk mangfald/ botanikk. Konsekvensanalyse kvartærgeologi Konsekvensanalyse kulturminne Konsekvensar av aktuell utbyggingstiltak for Juvvatnet som drikkevasskjelde og Bøvre sin status som varig verna vassdrag Konsekvensar av aktuelle utbyggingstiltak for landskapsbilete Konsekvensar for sikkerheit og beredskap under drift installasjonane 3 av 21

4 Dagens situasjon og arealbruk i planområdet. Planområdet ligg mellom cirka 1800 til 2200 meter over havet og nær opp til grensa for Jotunheimen nasjonalpark. Vegtilkomsten til området skjer via Galdhøpiggvegen som er Noregs høgastliggande bilveg, og som endar opp ved Galdhøpiggen Sommerskisenter (1850 m.o.h). Vegen og Juvasshytta, er den viktigaste innfallsporten til turar mot Galdhøpiggen. Vegen går gjennom planområdet. Planområdet ligg i Leir- og Bøverdal statsallmenning (gnr. 155/1), og omfattar elles tomtefeste til Juvasshytta turisthytte (gnr. 155/1/56 og 155/1/334) Juvasshytta turisthytte har om lag 75 sengeplassar, og er i privat drift. Ut frå hytta er det føring i taulag til Galdhøpiggen, og hytta er elles knytt til DNTs turløypenett og utgangspunkt for turar til andre toppar på Galdhøpiggmassivet. Det er etablert parkeringsplass nord for turisthytta. Juvvatnet er drikkevasskjelde for bedriftene på Juvassplatået. Som sidevassdrag til elva Bøvre, er det varig verna mot kraftutbygging. Vatnet har ein aurebestand, og er omfatta av fiskekortordninga i statsallmenninga. På Juvvasshøe er det etablert målestasjon for permafrost- og meteorologi, som blir drivi av Universitetet i Oslo/Meteorologisk institutt. Det er bora hull djupt ned i bakken for målingar av permafrosten. Måledata blir sendt via ein 10 m høg mast på toppen av Juvasshøe. Stasjonen inngår i eit nett for å kartlegge klimaendringar i Europas fjellområde, og inngår også som stasjon for den daglege vervarslinga. Det er registrert eit stort tal kulturminne i samband med arkeologiske registreringar i planområdet i perioden frå 2006 til i dag. Funna er knytt til den gamle fangstkulturen på villrein, og er især konsentrert kring Juvfonna. Det er registrert og kartfesta faste innretningar som bogestillingar, stolpefeste og restar av leiegjerde og samla inn funn av gjenstandar på markoverflata især skremmepinnar i tre, men også enkelte funn av piler og pilspissar. i området ved Juvfonna, og det er samla inn ei rekke funn av kulturminne i det same området. Dateringa er tilbake til år e.kr. Det skal framleis vere potensiale for funn av nye kulturminne. I 2009 vart eit område kring Juvfonna på om lag 415 dekar (grått område på kartskisse 1), registrert i Askeladden det nasjonale register for kulturminne med grunnlag av dei arkeologiske funna som er gjort i området. For oppstart og utprøving av klimaprosjektet, har prosjektleiinga fått mellombels dispensasjon frå gjeldande reguleringsplan for gjennomføring av ein del tiltak knytt til bruk i forsking og formidling. Mellom anna er det i Juvfonna hogd ut ein om lag 30 meter lang tunnel inn i isen, der Norsk Fjellmuseum tilbyr omvising for grupper og skuleklassar. Lom tamreinlag nyttar Juvassområdet som beiteområde for reinsflokken sin delar av året især i vintersesongen. Flokken er på om lag 2400, og blir gjeta. Også i sommarsesongen går det mindre reinsflokkar i området. Galdhøpiggen Sommerskisenter, som ligg sør for planområdet har etablert alpinanlegg med skiheis på Vesljuvbreen og tilbyr skikøyring i vår, sommar og haust. 4 av 21

5 Naturkvalitetar. Når det gjeld naturmiljø er det utført registreringar og konsekvensvurderingar på følgjande område: Naturmiljø/ biologisk mangfald ( ). Analysen er utført av biolog Reidar Haugan. Kvartærgeologi ( ). Analysen er utført av Rune Strand Ødegård, Høgskolen i Gjøvik. Analysen er utført av Lars Pilø, Fageining for kulturvern, Oppland fylkeskommune. Ein viser til desse, men har tek inn ein kort gjennomgang av naturverdiane i området under. Planområdet er prega av høgalpint klima og permafrost. Markoverflata er i hovudsak dekt av lausmassar, enten av forvitringsmateriale eller tjukke morenemassar. Kvartærgeologisk er området kjent på grunn av godt utvikla frostjordsformer, og er tidlegare føreslege verna. Gjennom gjeldande reguleringsplan er størstedelen av området regulert som spesialområde naturvern. I planføresegnene søkjer ein å sikre dei kvartærgeologiske verdiane i planområdet: Innafor område skal ein ta vare på kvartærgeologiske hovudformer og enkeltelement. Særleg verdifull er førekomsten av frostpolygonar. Innafor størstedelen av planområdet er det derfor forbod mot byggje- og anleggstiltak, medrekna bygging av vardar og anna flytting av lausmateriale. Avdekka bart fjell har ein hovudsakeleg i den høgste delen av planområdet. Den dominerande bergarten i området, er gabbro som ofte er skifrig. I tillegg har ein rauberg eller dunitt m.a. mot toppen av Galdehøe som er kjenneteikna av at den forvitrar Brunleg/raudleg. Rauberg er elles eksponert ved nordenden av Juvvatnet, på nordvestsida av Juvasshøe og som innslag i lausmassane i området. Planområdet har ein godt utvikla høgfjellsvegetasjon. I samband med det biologiske registreringsarbeidet i samband med konsekvensutgreiinga er det rapportert registrert 62 karplanteartar, 9 moseartar, og 133 lavartar (rapport Reidar Haugan 2010). Talet på moseartar og lav, er rapportert å vere betraktelig høgare, men ikkje alt er registrert, medan karplantefloraen reknast som godt kjent. 9 raudlisteartar er registrert i området og fleire av desse er truga av klimaendringar. Frå registreringsarbeidet rapporterast det om 5 pattedyrartar i området: lemen, hare, røyskatt, raudrev og elg. Dei to sistnemnte må reknast som streifdyr. Av fuglar rapporterast det om ramn, fjellrype, snøspurv, steinskvett, linerle og heilo som sannsynligvis bufaste fuglearter i området. I tillegg er det observert overflygande artar og arter med meir eller mindre fast tilhald i området, men som lite truleg hekkar der. Teknisk infrastruktur: Hovudvegtilkomsten til området skjer altså via Galdhøpiggvegen, som med unntak av nedre delen nærast Galdesand er privat bomveg. Galdhøpiggvegen tek av frå Fylkesveg 55 ved Galdesand. Juvasshytta og sommarskisenteret har drikkevassforsyning si frå Juvvatnet. På grunn av permafrosten i området ligg vassleidningane oppe på bakken, delvis nedrøysa. 5 av 21

6 Juvasshytta har privat avlaupsanlegg. Avlaupet går til slamavskiljar og gråvatnet bli ført ut av planområdet til utslepp i Visdalen. Også kloakkleidninga ligg oppe på bakken, delvis nedrøysa. AS Eidefoss har låg- og høgspentspentnett innan planområdet som forsyner området med straum. Dette går dels i luftspenn og dels på/i bakken. Konsekvensanalysane oppsummeringar og tilrådingar. Konsekvensanalyse biologisk mangfald/ botanikk. Det er utført botaniske/faunistiske undersøkingar i samband med konsekvensanalysen som er gjennomført av Reidar Haugan I rapporten konkluderar ein med at dei mest artsrike og også de mest sårbare vegetasjonstypane i planområdet, er fuktig, noko snøleigeprega polygonmark. Desse typane finnast spreidd i lia på nordaustsida av Juvvatnet, i hellingane opp mot Juvasshøe og i hellinga aust for Juvasshytta. Ved inngrep i planområdet, rår Haugan i konsekvensanalysen til å unngå slike fuktige område. Ved anlegg av nye stigar og andre inngrep i området mellom vegen og Juvfonna, tilrår ein i rapporten i størst mulig grad unngå å røyre ved dei fuktige, hellande, steinlause områda i tilknyting til Juvvatnet, spesielt ved utløpet av vatnet og sørover på begge sider, samt helt inntil bekken. Inngrep her vil kunne føre til skade på voksestadene til fleire raudlisteartar. Desse areala har liten utstrekking, og Haugan meiner det derfor ikkje bør være til hinder for anlegg av stigar. Blokkmark, steinete område og fast, tørr frytlemark vert vurderte som lite sårbare. Mye av areala opp mot Juvfonna, er av en slik type at dei er uproblematiske i forhold til moderat ferdsel. Konsekvensanalysen tilrår at det ved anleggsarbeid i området, ikkje vert flytta større jordmassar frå lågareliggjande strøk for oppfylling/plastring, da dette fort tek med seg nye planteartar til området. Ein tilrår heller ikkje tilsåing av blottlagt jord eller skråningar, da slike areal i staden kan bli voksestad for lokale sjeldne og konkurransesvake høgfjellsartar. Konsekvensanalyse kvartærgeologi. Sårbarheitsvurdering er utført i av Rune Strand Ødegård, Høgskolen i Gjøvik. Rapporten konkluderar med at området med frostjordsformer på Juvplatået er et unikt område på grunn av storleik og variasjon i klassiske sorterte former. Ødegård vurderer dagens infrastruktur og aktivitet til representerer ikkje å representere nokon vesentlig fare for ytterligare slitasje og skade på dei kvartærgeologiske formene. I rapporten blir det vist til at dei nordlege delane av Juvplatået allereie er påverka av inngrep pga. av vegen, Juvvasshytta og skisenteret. Vegbygging endrar dei hydrologiske forhold nedstrøms for vegen, fordi overflateavrenninga kanaliserast gjennom stikkrenner. Dette har verknadar for sedimenttransport og vasstilgang. 6 av 21

7 Ut frå ønskje om å bevare eit samanhengande område med sorterte frostjordsformer utan fysiske inngrep, tilrår ein i rapporten at området sør for Juvvasshytta bevarast mest mulig intakt. Dei flate områda på Juvplatået, vurderast som lite sårbare i forhold til ferdsel til fots. I rapporten trekk ein fram områda med sorterte striper i hellende terreng mellom Juvvasshytta og Styggbreen, som dei mest sårbare formene i forhold til ferdsel og fysiske inngrep. Areala som er planlagt brukt til Klimapark2469, ligg i utkanten av området med sorterte frostjordsformer, og i et område som allereie har en del fysiske inngrep. I rapporten konkluderar ein med at ferdsel eller moderate fysiske inngrep i samband med Klimapark2469, ikkje representerer ein fare for slitasje eller skader på unike kvartærgeologiske former. Særlig området mellom Juvvfonna og elva frå Juvvatnet, vurderast av Ødegård som lite sårbart for ferdsel og fysiske inngrep som fører til endring i snøforhold eller masseflyttingar. Ved eventuell opparbeiding og steinsetting av stigar i området ved Kjelen, skriv Ødegård at dersom morenane ved Juvvatnet har ein kjerne av is (iskjernemorene), vil dei være sårbare dersom iskjernen blir eksponert ved ras eller fysiske inngrep. Konsekvensanalyse kulturminne. Rapporten er skrive av Lars Pilø, ved Fageining for Kulturvern i Oppland fylkeskommune. Av rapporten går det fram at det i 2009 vart det gjort eit omfattande feltarbeid ved Juvfonna, som eit samarbeid mellom Oppland fylkeskommune og Kulturhistorisk Museum. Dette vart gjort etter at det var gjort funn av faste og lause kulturminne i området i 2007 (Jan Stokstad). Føremålet var å sikre gjenstandsmaterialet innan det gikk tapt, samt å samle inn data for sårbarheitsanalysen. Det vart da gjort meir enn 400 gjenstandsfunn, hovudsakleg skremmepinnar. Det ble også funnet 45 bogestillingar og rester av eit 180 meter langt ledegjerde for reinen. Funna er daterte til folkevandringstid ( e.kr.) og vikingtid ( e.kr.), og viser at det gikk føre seg ein godt organisert reinsjakt på Juvflya. Konklusjonane i rapporten i forhold til sårbarheit med omsyn verknadar dei tiltaka som er foreslege i konseptskissa kan ha i forhold til kulturminna, blir oppsummerte slik: Bygging av ein istunnel i Juvfonna vil sannsynligvis ikkje vil ha nokon konsekvensar for kulturminne. Skulle det bli gjort gjenstandsfunn, vil eventuell skade på funna oppvegast av verdien av å gjere funn i isen under kontrollerte forhold. Bygging av gangveg med forskingsstasjonar frå bilvegen til Juvfonna, vil ikkje ha konsekvensar for kulturminne, om ein sørgjer for å halde god avstand til bogestillingane. Ved bygging av en informasjonspost ved ein av bogestillingane, vil inngrepet i terrenget vegast opp av verdien ved formidlinga, slik at konsekvensen blir nøytral. Bygging av parkeringsplass i tilknyting til nåverande parkeringsplass ved Juvasshytta, vil ikkje ha nokon konsekvensar, da det ikkje er kulturminne i området. Bygging av en stig frå Juvfonna og inn til Kjelen må ta omsyn til bogestillingar, men om ein gjer det, vil stigen ikkje ha negative konsekvensar. Det er allereie i dag en del ferdsel til fots i og rundt Klimaparken, noko som fører til skader på kulturminne. Aukande ferdsel til fots i og rundt Klimaparken, kan akselerere denne prosessen. Gjenstandsmateriale nord for Klimaparken kan bli samla inn av ikkje-arkeologar og gå tapt som kjeldemateriale. Bogestillingar og stolpefeste for ledegjerder kan bli skada av tråkking. På bakgrunn av at området er godt kartlagt arkeologisk vurderast dette samla sett å ha liten til middels negativ konsekvens. Tydelig informasjon til publikum om korleis ein unngår å skade kulturminna, vil vere 7 av 21

8 eit viktig avbøtande tiltak. Det vil også ha verknad å legge gangveg og stig i god avstand til sårbare kulturminne. Juvfonna og deler av Klimapark2469, ligg inne i Askeladden det nasjonale register for kulturminne. Om Klimaparken skal realiserast må tiltaka avklarast i forholdet til kulturminnelova. Konsekvensar av aktuell utbyggingstiltak for Juvvatnet som drikkevasskjelde og Bøvre sin status som varig verna vassdrag Konsekvensutgreiinga er utført av Lom kommune, tenesteområde miljø, teknisk og næring. Det er anlegg av informasjons- og forskingssenter ( Basecamp ) som har størst potensiale for negativ påverking av drikkevasskvaliteten i Juvvatnet. Det er derfor heilt nødvendig at eit avløpsanlegg her blir utførd som varig vasstett system, dvs. med strekkfaste, heilsveisa avløpsledningar som tålar dei påkjenningar dei kan bli utsatt for i permafrosten. Den sikraste avløpsløysinga for eit informasjons- og forskingssenter vil sannsynlegvis vere utslepp av avløpsvatn utanfor nedslagsfeltet til Juvvatnet gjennom ei felles løysing med Juvasshytta. Alternativt avløp til tett tank, eventuelt i kombinasjon med vakum-anlegg. Ei plassering av bygningen på austsida av vegen vil gje enklare og meir driftsikker tilknyting til Juvasshytta sitt avløpsanlegg, og samtidig gje noko større avstand til Juvvatnet. Det er nødvendig å etablere tilfredstillande toalettilbod for dei besøkande i tilknyting til parkeringsplassen eller basecamp. Det same gjeld avfallsbøtter/ renovasjon, det må vurderast om det er nødvendig med avfallsbøtter på fleire punkt langs Klimaløypa. Ut over dette vil dei andre planlagde tiltaka i liten grad medføre risiko for redusert vasskvalitet i Juvvatnet. Der klimaløypa kryssar Vesljuva bør det vurderast ei løysing med gangbane/ bru som kan takast bort utanom sesongen, slik at det ikkje er risiko for oppstuving av is og vatn om våren. Restriksjonsområdet i nedslagsfelt for Juvvatnet må vidareførast i ny reguleringsplan som Omsynssone etter 12-6 i PBL: Sikringssone: Nedslagsfelt for drikkevatn. Føresegner med forbod mot telting eller annan overnatting i bubil, campingvogn eller liknande bør vidareførast innanfor omsynssona, og det bør gjevast føresegner med restriksjonar for lagring av drivstoff m.m innanfor omsynssona. Konsekvensar av aktuelle utbyggingstiltak for landskapsbilete Konsekvensvurderinga er utført av Solvang og Fredheim Gudbrandsdalen AS. Dei tiltaka og tekniske inngrepa som er føreslegne i prosjektet Klimapark2469, synast alt i alt å ha forholdsvis små verknadar for landskapsbiletet i større skala. Blir tiltaka gjorde på ein skånsam og god måte slik som det er lagt opp til i forprosjektrapporten, og ein vel lokaliseringar av dei ulike anlegga ut frå kva som vil gi minst skadeverknader for landskapet (jf. det som er skrivi over), blir det først når ein kjem nært innpå at ein kan sjå særlege verknader på landskapet av dei tekniske inngrepa. Det føreset at anlegg blir terrengtilpassa når det gjeld t.d. fargebruk. Den største verknaden vil ein oppleve når ein er ute i terrenget, ved at naturlandskapet vil miste det urørte preget det har i dag især i områda på vestsida av vegen. 8 av 21

9 Det mest kritiske, og det tiltaket det er knytt mest usikkerheit til, er anlegget av gangbanar spesielt i forhold til at desse er tenkt å ha universell utforming. Det er i forprosjektet lagt opp til at desse skal ligge over sjølve terrenget, men det knyt seg stor uvisse til korleis dette kan la seg gjennomføre reint teknisk med dei grunnforholda og hellingsforhold ein har i området. Både det forhold at ein har permafrost og dels har storsteina og ustabil ur, vil skape store utfordringar med omsyn til universell tilrettelegging. Det er derfor viktig at ein får til den utprøvinga av tekniske løysingar som er skisserte i forprosjektet, slik at ein ikkje set i gang med utbyggingstiltak som ikkje vert vellukka med omsyn til framkomme og sikkerheit, og som da i siste instans kan krevje så store terrengtilpassingar for å fungere at en får utilsikta skadeverknadar på natur og landskap. Konsekvensar for sikkerheit og beredskap under drift installasjonane Konsekvensvurderinga er utført av Rune Strand Ødegård, Høgskolen i Gjøvik, og Dag Inge Bakke i prosjektgruppa for Klimapark2469. Fall og skliskadar: Uhell som følgje av fall kan oppstå overalt, men med bevisst styring av trafikk utanom dei mest utsette områda, åtvaringar og konkrete sikringstiltak kan risikoen reduserast vesentleg. Ferdsel på Juvfonne utanfor sikra stig til inngangen av istunnelen, og ferdsel på andre fonner i området bør unngåast. Gangbaner må utformast slik at dei er mest mogeleg sklisikre. Snøskred, steinras og lause blokker: Konsekvensane av skred og steinsprang kan være fatale og risikoen for dette varierer etter tilhøva. Området som er avsett til sti og istunnel er ikkje så bratt, og grensar heller ikkje til område der terrenghelling er så stor at naturlig utløyste snøskred normalt kan oppstå. Ved spesielle tilhøve (stor snøsmelting/nedbør) kan skred likevel oppstå. Det er ikkje observert steinsprang/ras på Juvfonne, men ved stor nedsmelting og eventuelle topografiske endringar i framtida kan en likevel ikkje sjå heilt bort frå denne faren. På grunn av permafrost og issmelting kan det oppstå lause blokker i overflata, desse kan medføre risiko for klemskader. Vurderingar om risiko må tas kontinuerleg av ansvarleg guide. Istunnel: Isen i Juvfonne er stabil og av god kvalitet. Risikoen for samanrasing under bruk av istunnelen er ikkje til stades. Tiltak ved eventuell framtidig nedsmelting må likevel vurderast. Lufttilgang inne i tunellen er god, volumet er stort og større grupper kan opphalde seg inne i tunellen utan at risiko for forgifting pga. karbondioksyd kan oppstå. Målingar av luftkvalitet skal likevel gjerast med jamne mellomrom. Dørar vender utover, og ytterdør er konstruert slik at den kan hektast av med tanke på eventuell nedføyking eller blokkering av snø/ras. Nødutstyr skal alltid være på plass og tilgjengeleg inne i tunellen. Sikkerheitsrutinar: Det er utarbeidd eigne sikkerheitsrutinar for guiding/bruk og byggeverksemd i klimaparken. Alle guidar og anna personell i arbeid for Klimapark2469 skal vera informert om risikomoment og kjenne til gjeldande prosedyrar og sikkerheitsrutinar. Det er eit klart mål for Klimapark2469 å så langt som mogeleg eliminere alle relevante farar i byggeperiode og under bruk av anlegget, da drift av eit publikumsbasert besøkssenter ikkje kan foreinast med risiko for skader på personell eller besøkjande. 9 av 21

10 Dagens planstatus. Gjeldande planstatus for det aktuelle planområdet er Reguleringsplan for området Juvasshø Juvasshytta Galdhøpiggen Sommerskisenter, vedteken av Lom kommune Planen fekk si endeleg godkjenning av Miljøverndepartementet etter behandling av motsegn frå Fylkesmannen i Oppland. Det aller meste av planområdet er regulert til spesialområde naturvern unntaka er byggeområde ved Juvasshytta turisthytte, spesialområde privat veg, spesialområde parkeringsplass og spesialområde vassanlegg og avlaupsanlegg. I arealdelen til kommuneplan for Lom ligg planområdet innanfor område der reguleringsplan skal gjelde framfor den samla arealdelen. Kartskisse 2: Utsnitt av Reguleringsplan for området Juvasshø- Juvasshytta- Galdhøpiggen Sommerskisenter. Planprosess og medverknad Varsel om oppstart av reguleringsarbeid Lom kommune varsla oppstart av planarbeidet og høyring av planprogram med brev datert Det vart også kunngjort oppstart med annonse i GD og Fjuken Frist for innspel/merknader var sett til Møte med fylkeskommunen og fylkesmannen Representantar for styringsgruppa for Klimapark2469 og Lom kommune, har hatt drøftingsmøte med representantar for Oppland fylkeskommune og Fylkesmannen i Oppland i samband med oppstart av planarbeidet. 10 av 21

11 Oppstartsmøte Solvang og Fredheim Gudbrandsdalen AS hadde oppstartsmøte med representantar for styringsgruppa og Lom kommune På møtet diskuterte ein gjennomføringa av planarbeidet og mogelege planløysingar ut frå konseptskissa som er utarbeidd i samband med prosjektet (Expology ). Presentasjon i regionalt planforum Framlegget til reguleringsplan vart presentert på regionalt planforum , der representantar for Fylkesmannen i Oppland, miljøvernavdelinga, og Hedmark Fylkeskommune, seksjon for samferdsel, miljø og plan, deltok. Alternative løysingar når det gjeld reguleringsføremål og reguleringsføresegner vart drøfta, og innspela som kom fram er innarbeidd i planframlegget. Innspel/uttaler til planarbeidet. Det kom inn 10 skriftlege innspel/uttaler i forbindelse med oppstartvarselet, og i tillegg brev frå Oppland Fylkeskommune om at Hedmark Fylkeskommune er kulturminnemynde for denne sak (sjå nedanfor). Hovudinnhaldet i uttalene vert attgjeve her. Kopi av brev frå Oppland fylkeskommune Kulturvern til Hedmark fylkeskommune, datert Oppland fylkeskommune Kulturvern skriv at prosjektet Klimapark2469 er tiltakshavar for denne reguleringsplanen. Dei skriv at Klimapark2469 får økonomisk støtte frå Oppland fylkeskommune og har prosjektleiing/prosjektmedarbeidarar som er knytt til Fageining for kulturvern i Oppland fylkeskommune. Dei vurderer derfor interessenærleiken å være av en slik karakter at fageining for kulturvern er inhabile etter forvaltningslova 6, anna ledd. Dei viser til avtalen mellom Hedmark og Oppland fylkeskommunar om utveksling av saker, og ber med dette Hedmark fylkeskommune behandle reguleringsplan for Klimapark2469 som kulturminnemynde. Statskog, brev datert Statskog skriv at dei som grunneigar i området, har vore helde løypande orientert om planane for området og dei tiltak som her blir beskrivi. Prosjekt Klimapark 2469 vil kunne bli en eineståande arena for forsking, formidling og opplevingar - både for skoleklasser, forskingsgrupper, turistar og andre grupper. Statskog skriv at dei så langt ikkje har spesielle merknader til planprogrammet og det vidare planarbeidet. Ved endelig godkjenning av planframlegget vil dei på vanlig måte krevje oppretting av festeavtale for det aktuelle arealet. Lom Fjellstyre, brev datert Fjellstyret skriv at området er eit sårbart og eksponert høgfjellsområde med store verneverdiar, mange kulturminne og stor trafikk. Området utanfor vegen er urørt utanom den nyetablerte istunnelen på Juvfonna. Fjellstyret har ikkje merknadar til framlagt plan- og konsekvensutgreiingsprogram. 11 av 21

12 Juvasshytta v/per Vole og Anne Wangen, brev datert Juvasshytta skriv at dei ikkje har merknadar i forhold til formålet med planarbeidet. Slik dei ser det, vil klimaparken være et interessant produkt i forhold til reiseliv, utvikling av næringa, og ikkje minst nye kundegrupper. Juvasshytta har merknadar til den skisserte opparbeidinga av gangveg frå parkeringsområdet ved Juvasshytta til Juvfonna. I staden for den aktuelle utforminga foreslått som rister i terrenget, tilrår dei ein asfaltert gangveg langs allereie etablert bilveg. Denne kan avløysast av rister siste del mot Juva og fonna. Også på denne strekninga vil formidlingsstasjonane vere like aktuelle og enklare tilgjengelig i forhold til drifta vår og haust. Juvasshytta skriv dei er redd for at eventuelle rister vil skjemme terrenget mellom vegen og vatnet. Dette er eit område utan inngrep. Ein veg av metallrister meiner dei vil passe dårlig inn i det opne landskapet. Dei skriv vidare at konseptskissa viser ein plan for Basecamp vest for kryss Juvasshytta- Galdhøpiggen sommerskisenter, relativt nær Juvasshytta. Det viser til at det ikkje sagt noe om storleik på bygget og at innhaldet er vagt formulert ved at det ikkje er opplyst om det er planlagt matservering, kiosksal eller anna type guiding enn klimaparken. Dei peiker på at Juvvatnet er drikkevasskjelde for Galdhøpiggen sommerskisenter og Juvasshytta, og at denne kjelda er svært sårbar. Det finnes ikkje andre moglegheiter for drikkevatn i området. Ved eventuell etablering av toalett etc. får man en ny mulig forureiningskjelde. Juvasshytta ønskjer ikkje at det blir reist et nytt bygg i forbindelse med Basecamp. Dei viser til at har Juvasshytta sidan 2006, stadig har vore under utbetring og utbygging. Siste byggeprosjekt er et bygg på 400m2 med ca 60 sengeplassar. Med dette dannar bygningane til Juvasshytta eit tun. Ut frå deira ståstad er det uheldig med et nytt bygg som vist på kart i forhold til tenkt servicehus for klimaparken. Dei skriv vidare at Juvasshytta ved hjelp av arkitekt, etter beste evne har forsøkt å konsentrere bygningar, service og trafikk etter en struktur som tar omsyn til vær og vind, og tilrettelagt for at det skal være enkelt å orientere seg for gjestene. Dei meiner toalett og servicebygg bør ikkje vere spreidd på fleire område av omsyn til dette. Dei skriv at Juvasshytta vil få frigjort areal i 2.etg der dei kan tilby Klimaparken kontor og rom for forelesingar, og at dei som allereie avtalt med yter tenester i samband med sal og informasjon om Klimaparken. Når det gjeld planane om å opparbeide gangsti frå Juvfonna til utsikten mot Kjelen, tykkjer Juvasshytta dette verkar spanande, men dei observerer stadig steinras der. Dei viser til at grunnen er ustabil, og går ut frå at området vert sikra godt da dei vil tru at det også vil ferdast folk der utanom de guida turane. Fylkesmannen i Oppland, brev datert Fylkesmannen skriv ar det tidlegare i 2010 vart gjeve ein tidsavgrensa dispensasjon for uttesting av tiltak, opplevingar, formidlings- og forskingsaktivitet i Klimapark2469. Dei viser til deira innspel ved behandlinga av denne dispensasjonen (brev 11. mars 2010), særleg i høve til overvaking av effektane av tiltaka. Fylkesmannen skriv vidare at det er positivt at det er lagt opp til konsekvensutgreiing m.a. i høve til landskapsbilete. Som nemnt frå kommunen er dette eit sårbart og eksponert 12 av 21

13 høgfjellsområde, i tillegg til at tiltaka vil bli liggjande nær nasjonalparkgrensa. Det er difor særs viktig at det blir lagt vekt på god landskapstilpassing av aktuelle tiltak. Fylkesmannen har ut over dette ikkje vesentlege merknader til oppstartmeldinga med planprogram. Lom tamreinlag, brev datert Lom tamreinlag skriv at dei er positive til planane på Juvflye i forbinding med Klimapark For næringa er det positivt at det blir fokusert på utnyttinga av fjellet gjennom tidane, og at det meiner det er særs interessant med funna og fangstområdet som er avdekka. Tamreinlaget skriv at Juvflye er framleis eit viktig beiteområde for tamreinen i Lom både sumar og vinter. Under aktuelle tiltak innanfor området, meiner tamreinlaget ein opparbeidd gangbane frå parkeringsområdet ved Juvasshytta til Juvfonna med universell utforming slik som foreslått, vil skapa problem for tamreinflokken. Tamreinlaget er redde for at dyra kan skade seg på dei planlagde installasjonane. Dei ber difor om at andre alternativ vert utreda. Tamreinlaget meiner ein veg/stig nær eksisterande bilveg vil vera eit betre alternativ. Jotunheimen Reiseliv e-post datert Jotunheimen Reiseliv AS har ingen merknader til oppstart av arbeidet med reguleringsplan for Klimapark2469. Dei støtter prosjektet som et reiselivsprodukt, og ser ein unik mogelegheit til å sjå forsking, tilrettelegging og verdiskaping i det lokale næringsliv i samanheng. Reiselivslaget meiner det likevel er viktig å analysere og sjå på eventuelle konsekvensar for bruken av området, og at kulturminne og miljø må ivaretakast. Naturvernforbundet i Nord-Gudbrandsdal e-post datert Naturvernforbundet skriv at Klimapark 2469 er eit flott tiltak som har mange gode intensjonar. Naturvernforbundet set stor pris på ideane i prosjektet, sjølv om det kan være grunnlag ein del merknadar. Dei viser til at det i Juvfonnområdet berre i 2009 er gjort hundrevis med arkeologiske funn. Dette er gjenstandar som har vore i breen i hundrevis av år og som har blitt synlege no pga bresmelting. Dei viser til at så seint som i mai 2010, ila riksantikvaren eit firma bot for ulovleg graving i eit kulturminnefreda område i Bergen. Dei er redd signaleffekten av at fylkesarkeologane startar graving i en snøfonn som har produsert så enormt mye kulturminne. Dei meiner gravinga også burde finne stad på ein meir skånsam måte, med grundig tining/siling av massane. Dei meiner det er ein fare for at respekten for kulturminneloven svekkast når ein kan gjere slike inngrep, samtidig som det er strengt elles med automatisk freda kulturminne. At Riksantikvaren har godkjent prosjektet utan strengare krav er overraskande for Naturvernforbundet. Når det gjeld planane om ein gangveg/gangbane frå P-plass Juvasshytta til Juvfonna, meiner Naturvernforbundet denne må anleggast på spesielt skånsam måte sidan dette er områder med sårbar natur, sjeldan polygonmark og kulturminne i store mengder. I planprosessen må ein setje søkjelys på plan for korleis prosjektet skal drives framover, med detaljer om økonomi, vedlikehald, søppelfjerning, oppsyn, og kven som står ansvarlig for eventuelt å fjerne installasjonane i tilfelle klimapark 2469 leggjast ned. 13 av 21

14 Naturvernforbundet skriv at Klimapark 2469 har kunngjort at istunnelen i Juvfonna opnar 22.juni Dette skjer før reguleringsplan og konsekvensanalysar er ferdig. Nyleg vart eit firma ilagt bot fordi dei starta bygging før alt var i formell orden i Lom. Sett i lys av dette skulle istunnelen ikkje vore påbegynt før all konsekvensutgreiing og alt planarbeid var ferdig. Naturvernforbundet viser til at ein klimapark burde vere klimanøytral. Dei meiner derfor det er bra at lys i istunnelen er basert på solceller. Likevel bør det settes noen "klima" mål frå start og en plan for å bli betre. Dei spør om det til dømes er mogeleg å starte turen frå Lom/Galdesand med busser, og om parkeringsavgift og/eller auka bomavgift ved parken kan subsidiere miljøvennlig, rimelig buss med guide. Naturvernforbundet i Nord-Gudbrandsdal skriv at sjølv om dei kjem med ein del kritikk av detaljar, er dei i hovudsak veldig glade for tiltaka i Klimapark sidan det på ein fin måte set fokus på globale, viktige problem og har ein stor verdi i arbeidet med å formidle dette til folk i alle aldersklasser. Dei skriv til slutt at Naturvernforbundet i Oppland støtter uttala. NVE, brev datert NVE skriv ar det i følgje planprogrammet og konsekvensutgreiingsprogrammet skal vurderast fare i forbindelse med ras og flom, samt omsynet til drikkevasskjelda i Juvvatnet. Det bør også gå fram av vurderingane om omsynet til Bøvra (varig verna vassdrag) og vassdraget sitt verneformål er tilstrekkelig ivareteke. Sjølv om ein finn at det ikkje ligg føre fare eller at verneformålet ikkje vert skadelidande, så skal det gå fram av planen at dette er vurdert. NVE føreset at det gjerast tilstrekkelege vurderingar i det vidare arbeidet med planen, og kan ikkje sjå at tiltaket kommer i konflikt med noen av deira andre ansvarsfelt. NVE viser for elles til deira retningslinjer Planlegging og utbygging i fareområde langs vassdrag (1/2008). Lom kommune sin representant for barn- og unge, e-post datert Skriv at han som barnerepresentant ynskjer dette arbeidet velkome. Ut frå det han kan sjå, ser det ut som dei omsyna som bør takast, er tekne. Han har såleis ingen merknader til plan- og konsekvensutgreiingsprogrammet. Hedmark fylkeskommune Fylkesdirektøren, brev datert (avtalt utsett uttalefrist). Hedmark fylkeskommunen skriv at dei ser svært positivt på prosjektet si kopling mellom klimautfordringar og kulturminne. Dei viser til at det er gjort ei rekke arkeologiske funn i samband med registrering innafor planområdet. Dei fleste av disse er gjenstandsfunn gjort på markoverflaten, der majoriteten er skremmepinnar av tre. I tillegg er det påvist faste anlegg som bogestillingar, stolpefeste og rester av eit ledegjerde. Det samla funnområdet utgjør en fangstinnretning for villrein med dateringar helt tilbake til e. Kr. Fylkeskommunen meiner funna er ei viktig kjelde for ny kulturhistorisk og klimahistorisk kunnskap og er såleis av stor betyding i forhold til dagens klimautfordringar. Det nyoppdaga kulturmiljøet er svært sårbart. Dei viser til at Oppland fylkeskommune i sitt oversendingsbrev til dei, tilrår at det haldast eit møte kor arkeologane i Klimaparkprosjektet gjer reie for prosjektet i full breidde. På grunn av kapasitetsproblem hjå dei og ferieavvikling, har ein dessverre ikkje fått hatt noko slik møte. 14 av 21

15 Hedmark fylkeskommune viser til at det i samsvar med planprogrammet, er det utarbeidd ein sårbarheitsanalyse av klimaparkområdet når det gjeld kulturminne. I samsvar med denne dekkjer den planlagde klimaparken et stort tal funn. Dei viser til at det ikkje skal vere gjort funn utafor området inntil Juvfonna, men at det er opplyst at det framleis ligg noko materiale ute nord for klimaparken. Hedmark fylkeskommune kan ikkje sjå at det går fram klart kor langt nord for dette området dette gjeld, eller kva for areal som er definert som klimapark. I både sårbarheitsanalysen og den foreløpige rapporten, ser det ut til at det berre er kart som viser funnområde, og ikkje nødvendigvis det totale registrerte området. Ut frå de dokumenta Hedmark fylkeskommune har fått tilsendt, oppfattast kart vedlagt den foreløpige rapporten frå registreringa som det området som er arkeologisk registrert. Planområdet utgjør eit betydelig større areal, og dei kan ikkje sjå å ha motteke dokumentasjon på at heile planområdet er registrert. Hedmark fylkeskommune finn det derfor nødvendig å stille spørsmål om undersøkingsplikta etter kulturminneloven 9 er oppfylt. Dette må avklarast før eit eventuelt planforslag leggast ut til offentlig ettersyn. Dei viser vidare til at sårbarheitsanalysen konkluder med at anlegg av gangveg frå bilvegen til Juvfonna, ikkje vil ha noen konsekvens for faste kulturminne fordi traseen skal gå utafor bogestillingane og medføre færrast mulig terrenginngrep. I analysen konkluderast det vidare med at anlegg av stig frå Juvfonna til Kjelen kan vere problematisk for den første delen, da det finnes bogestillingar og stolpefester, men at dette likevel ikkje vil få noen direkte negativ konsekvensar for desse. Hedmark fylkeskommune er ikkje utan vidare samd i ei slik vurdering i forhold til om disse tiltaka vil framstå som utilbørlig skjemmande, jf. kulturminneloven 3. Hedmark fylkeskommune visar til at det innafor planområdet ligg et unikt og sårbart kulturmiljø. Dei skriv at sjølv mindre tiltak i området, også reversible, derfor må vurderast nøye i forhold til inngrep og utilbørlig skjemming. Sidan planen legg opp til gjennomføring av nokon tiltak som røyrer ved dette kulturmiljøet, vurderast det som nødvendig at det søkes om dispensasjon frå kulturminneloven 8, fjerde ledd i samband med den vidare planprosessen. Sidan Hedmark fylkeskommune er å sjå på som regional kulturminnemynde i denne saka, må dei foreta en synfaring av området i samband med vurdering av dispensasjonsspørsmålet i forhold til planlagde tiltak. Vurdering innkomne merknader frå plankonsulent. Ut frå dei innkomne merknadane, er det først og fremst diskusjon og mogelege konfliktar knytt til plasseringa av forskings- og informasjonssenter (basecamp) og dei universelt utforma gangbanane som er skissert i form av gitterrister som skal ligge over terrenget. Plankonsulent har saman med oppdragsgjevar sett nærare på plasseringa av desse anlegga i terrenget. Forskings- og informasjonssenteret (basecamp) slik den er plassert i konseptskissa frå Expology, vil ligge på vestsida av vegen rett i utsikta frå Juvasshytta mot Juvvatnet og Kjelen i eit område som er utan inngrep i dag. Eigarane av Juvasshytta peiker på at plasseringa er uheldig ut frå deira interesser, og også kan utgjere ei potensiell fare for forureining av Juvvatnet som er einaste drikkevasskjelde i området. 15 av 21

16 For Klimapark2469 kan ei plassering av basecamp på nedsida av vegen vere teneleg, da ein ikkje vil få kryssing av veg for å kome ut på gangbanar og formidlingsstasjonar. Men både eksisterande og planlagde parkeringsplassar, er lokalisert på øvre sida av vegen, slik at ein likevel ikkje heilt unngår kryssing av vegen. Som bakgrunn for ei nærare vurdering av plasseringa av basecamp, har ein gjort ei enkel konfliktvurdering som følgjar av vedlegg nr.1. Ut frå ei samla vurdering har ein enda opp med å lokalisere basecamp på austsida av vegen nord for Juvasshytta i reguleringsplanforslaget. Arealet her synast godt eigna med godt utsyn mot Juvvatnet, Kjelen og fjell rundt i fleire retningar. Det vil vere enklare og kople seg på og samordne avlaup, straum og anna infrastruktur med Juvasshytta. Vegen vil også tene som ei barriere mot forureining av drikkevasskjelda, som i alle fall vil forsinke og gjere det lettare å samle opp eventuelle uønska utslepp. Det er stilt spørsmål om behovet for å bygge ein basecamp. Ei slik vurdering må gjerast av tiltakshavar/oppdragsgjevar. Planforslaget slik det ligg, opnar for at det kan byggast forskings- og informasjonssenter (basecamp). Men det utelukkar ikkje at ein eventuelt kan finne andre løysingar i samarbeid med Juvasshytta i den første tida, eller eventuelt som ei varig løysing. Når det gjeld plasseringa av gangbanen med formidlingsstasjonar i terrenget, er desse i konseptskissa frå Expology plassert forholdsvis nær Juvvatnet. På lange strekningar går traseen over storsteina ur med polygonmark. Traseen ligg ganske lågt plassert i terrenget, slik at snøen ligg forholdsvis lenge. Ved synfaring i juni 2009 låg det store mengder snø her i juni. Som bakgrunn for ei nærare vurdering av plasseringa av gangbanen, er det også for denne gjort ei enkel konfliktvurdering som følgjar av vedlegg nr.1. Både det forhold at lokalisering av universelt utforma gangbanar i samsvar med konseptskissa, vil vere vanskeleg i forhold til den storsteina ura, det forhold at snøen ligg lenge og dei vurderingane ein har gjort i forhold til mogelege konfliktar, gjer at ein i reguleringsplanforslaget har enda opp med ein lokalisering av område for anlegg av gangbanar nærare vegen på den første strekninga. Terrenget ligg høgare og det er mindre snø, samstundes som at grunnforholda her er enklare. Lokaliseringa nærare vegen, gjev også ein mogelegheit for at bygginga av dei universelt utforma av gangbanane kan skje etappevis, ved at ein bygger ut strekninga frå vegen ned mot osen av Juvvatnet først. Ein kan da mellombels nytte vegen som universell tilkomst den første strekninga frå basecamp/juvasshytta til ein får bygd ut heile strekninga. Stigningsforholda er en større utfordring her enn for den opphavlege plasseringa lengre nede, men skal kunne la seg løyse. Når det gjeld utforminga av gangbanane, er det skissert ei mogeleg løysing med gitterrister for mest mogeleg å skåne terrenget under. Tamreinlaget er redd at reinen kan skade seg på desse. Ein går ut frå at ein tek omsyn til dette ved av anlegg av gangbanane, og reguleringsføresegnene legg opp til at ein står fritt når det gjeld materialval og utforming. Flytting av traseen lenger opp mot vegen, vil også truleg redusere konflikten med tamreindrifta noko. Det er nokre merknader om anlegg av stig frå Juvfonne/Juvvassosen til Kjelen både i forhold til kulturminne og sikkerheit. Ein slik stig er tenkt å vere heilt enkelt tilrettelagt ved hjelp av handreiskap, og er ikkje planlagd med universell utforming. I planforslaget er det avsett eit større område der en opparbeid stig kan lokaliserast. Ein føreset at ein finn ein lokalisering 16 av 21

17 som der sikkerheita kan bli godt ivareteke samstundes med at ein unngår skade på kulturminne og anlegg som vil verke skjemmande i forhold til desse. Ein merkar seg elles at det vurderast det som nødvendig at det søkes om dispensasjon frå kulturminneloven 8, i samband med den vidare planlegging av og utføring av tiltak i området som er registrert i registrert i Askeladden det nasjonale register for kulturminne. Etter at uttalefristen for oppstartsvarslet var ute, har det vore gjennomført møte og synfaring med mellom andre Hedmark Fylkeskommune og Riksantikvaren. Dette har ført til at dei spørsmål som er nemnt ovanfor i høve til Kulturminnelova er avklart og innarbeidd i framlegget. Tiltak innanfor bandleggingssona rundt funnområdet ved Jufonne skal tillatast berre i samband med naudsynt skjøtsel og tilrettelegging i regi av kulturminnestyresmaktene i Oppland fylkeskommune, jamfør kulturminnelova 11a). Tiltaka skal gjennomførast i medhald av skjøtselplan utarbeidd av Oppland fylkeskommune. Planforslaget Hovedgrep Formålet med planarbeidet er å legge til rette for: sikre verneverdiar knytt til kvartærgeologi, kulturminne og biologi og områdets verdi som randsone til Jotunheimen nasjonalpark gjennomføring av Klimapark2469, eit område for formidling og forsking omkring globale klimautfordringar sett i samanheng med lokal avsmelting og funn av kulturminne. tilrettelegging for næringsdrift knytt til Juvasshytta turisthytte tilrettelegging for friluftsliv innafor planområdet Arealbruk Totalt omfattar reguleringsplanen 1774 dekar. Planforslaget omfattar følgjande reguleringsformål: Bygg og anlegg (PBL 12-5, nr. 1): Hotell/overnatting 22,0 dekar Anna offentleg eller privat tenesteyting 54,4 dekar Samferdselsanlegg og teknisk infrastruktur (PBL 12-5, nr. 2): Kjøreveg 5,7 dekar Gangvegareal 0,3 dekar Annen veggrunn tekniske anlegg 6,1 dekar Parkeringsplassar 6,6 dekar Vassforsyningsnett 2,2 dekar Avlaupsnett 5,0 dekar Grønnstruktur (PBL 12-5, nr. 3): Turveg 76,9 dekar Landbruks- natur og friluftsområde samt reindrift LNFR (PBL 12-5, nr. 5): Naturvern 1238,9 dekar Vern av kulturmiljø eller kulturminne 356,3 dekar 17 av 21

18 Bygg og anlegg Område rundt Juvasshytta er lagt ut med reguleringsføremål Hotell/overnatting (22,0 dekar). Det er same reguleringsføremål som i nåverande regulering, men med den forskjell at areal som nyttast til parkering utafor inntunet er regulert som parkeringsplass. Dette er i tråd med at den nye reguleringsplanen er ei detaljregulering etter nytt lovverk, og at parkeringsplassen er bygd og skal nyttast for allmenta. Områda som skal nyttast for forsking og formidling i samband med Klimapark2469 og areal der det går føre seg klima og verobservasjonar, er lagt ut med reguleringsføremål Anna offentleg eller privat tenesteyting. Dette omfattar 4 område (AT1, AT2, AT3 og AT4). Område for forskings- og informasjonssenter (AT1), også kalla basecamp, omfattar 3,5 dekar og ligg med om lag halve arealet på det som i eksisterande plan er lagt ut som spesialområde parkeringsplass og med resten på spesialområde naturvern (Sn2). Grunnlaget for omreguleringa er ønske om å ha et utgangspunkt og senter for aktivitetane knytt opp mot Klimapark2469 og for å drive informasjon om verneområde, Jotunheimen nasjonalpark m.m. I tråd med konseptet for Klimapark2469, er det i reguleringsføresegnene lagt opp til at ein innafor området kan tillate å oppføre bygg som bryt med den tradisjonelle byggestilen i området. Bygg kan i tråd med dette, få ein arkitektonisk utforming som signaliserar tankane bak klimaparken som er nedfelt i konseptet for prosjekt Klimapark2469. Men sjølv om bygg kan framstå som tydelige, skal dei likevel vere tilpassa landskap, omgivnad og terrengformasjonar på ein god måte. Det kan diskuterast kva for reguleringsføremål en skal nytte på arealet. Alternativt reguleringsføremål kunne vere Institusjon som i rettleiinga til den nye plan- og bygningslova står kan nyttast for t.d. museer. Klimapark2469 skal etter intensjonane i prosjektet ligge under Norsk Fjellmuseum, og det kunne eventuelt forsvare ei slik regulering (noko som også gjeld område AT2 og AT3). Område for anlegg av forskings- og formidlingsstasjon i Juvfonne (AT2) omfattar areal på fonna der det kan hoggast og anleggast ein istunnel. Anlegga vil ligge inne i isen, og berre inngangspartiet vil vere synleg frå utsida. Arealet omfattar 45,2 dekar av fonna. Juvfonna ligg i eksisterande reguleringsplan som spesialområde naturvern (Sn1). Grunnlaget for omreguleringa er ønske om formidling og forsking knytt opp mot Klimapark2469, og at konsekvensvurderingane konkluderar med at eit slik anlegg ikkje vil skade verneverdiane i området. Område formidlingsstasjon for observasjon mot brefall i Kjelen (AT3) omfattar 2 dekar. Innafor området skal ein i tilknyting til Klimapark2469, kunne leggje tilrette for forsking og formidling knytt til brefallet i Kjelen og landskapet rundt m.a. ved anlegg av sitteplassar for grupper i eit amfi eller liknande, utsiktspunkt med kikkert og liknande. Arealet ligg i eksisterande reguleringsplan i område regulert som spesialområde naturvern (Sn1). Grunnlaget for omreguleringa er ønske om formidling og forsking knytt opp mot Klimapark2469 og geologi, og at konsekvensvurderingane konkluderar med at eit slik anlegg ikkje vil skade verneverdiane i området. Område observasjonar av ver, klima og permafrost på Juvvasshø (AT4). Innafor området, som er på 3,7 dekar, er det tillete med anlegg og drift av forskingsstasjonar og målestasjonar 18 av 21

19 for målingar av permafrost, klima og ver, samt anlegg for å sende observasjonsdata via telenettet - i samsvar med tidlegare gjevne dispensasjonar. Arealet ligg i eksisterande reguleringsplan i område regulert som spesialområde naturvern (Sn2), der det i reguleringsføresegnene var opna for slike anlegg. Grunnlaget for omreguleringa er eit ønske om at tidlegare gjevne dispensasjonar vert formalisert og at det nå blir regulert etter nytt lovverk. Turveg Reguleringsføremålet omfattar turistløyper og stig/gangvegnett knytt til formidling og forsking i samband med Klimapark2469. Reguleringsføremålet omfattar m.a. ein 50 m brei trase rundt starten på turistløypa ned mot Visdalen som i eksisterande plan er lagt ut som spesialområde friluftsområde. Grunnlaget for omreguleringa er tilpassing til nytt lovverk. Reguleringsføremålet omfattar likeeins areal for anlegg av stig/gangvegnett og formidlingsstasjonar knytt til Klimapark2469 (klimaløype). Arealet er delt i tre område med ulike reguleringsføresegner og omfattar til saman 69,3 dekar, men berre mindre areal av dette vil bli omfatta av inngrep og anlegg. Grunnlaget for at arealføremålet er lagt ut så stort, er at det knyter seg usikkerheit om utforminga av universelt tilrettelagte gangbanar og traséval/ lineføring med omsyn til krav om stigningsforhold med vidare. Arealet ligg i eksisterande reguleringsplan i område regulert som spesialområde naturvern (Sn1 og Sn2 ). Grunnlaget for omreguleringa er ønske om å ta i bruk området for formidling og forsking knytt opp mot Klimapark2469, og at konsekvensvurderingane konkluderar med at eit slike anlegg ikkje vil vere vesentleg til skade verneverdiane i området. Trafikk/parkering Vegtilkomsten skjer etter den privateigde Galdhøpiggvegen som er bomveg, og som i reguleringsplanen er lagt ut med reguleringsføremålet Køyreveg. Det er ingen endring av vegen i forhold til eksisterande regulering, men det er lagt ut ei sone langs vegen med Anna veggrunn tekniske anlegg som omfattar grøfteareal, vegskjeringar og fyllingar m.m. Parkeringsplassar er lagt ut ved Juvasshytta. Dette omfattar allereie opparbeida parkeringsplassar (3,9 dekar) og areal for utviding av denne (2,7 dekar). Arealet ligg i hovudsak innafor areal regulert som hotell i eksisterande reguleringsplan, men strekk seg også inn under kraftlina og inn på areal regulert som spesialområde naturvern (Sn2 ). I gjeldande plan er nye parkeringsplassar lagt ut langs vegen nord for bedriftsområdet for Juvasshytta, medan planen også opna for parkering innan bedriftsområdet til Juvasshytta. Da det vart etablert ein større parkeringsplass for allmenta innan bedriftsområdet, finn ein det meir teneleg å opne for utvidingar av parkering i tilknyting til denne i staden for å opne nye område. Det nye parkeringsarealet vil ligge inntil allereie utbygd areal og kraftline og kunne gi parkeringsplass for om lag 80 personbilar. Anlegg her vil ikkje vere vesentleg til skade verneverdiane i området. LNFR (landbruks-, natur- og friluftsområde og reindrift). LNFR med underformål Vern av kulturmiljø eller kulturminne omfattar størsteparten av området ved Juvfonne som er registrert i den nasjonale basen for kulturminne Askeladden. 19 av 21

20 Innafor område for LNFR Vern av kulturmiljø eller kulturminne skal ein i første rekkje ta vare på kulturminne knytt til den gamle fangskulturen på villrein med faste innretninger som bågåstelle, og lausfunn som piler, pilspissar, skremmepinnar og liknande. Desse kulturminna er automatisk freda etter kulturminnelova..innafor området er det forbod mot byggje- og anleggstiltak og flytting av lausmassar. Området omfattar dekar. LNFR med underformål Naturvern omfattar størstedelen av planområdet (1239 dekar). Dette omfattar område som i gjeldande reguleringsplan er regulert som Spesialområde naturvern (Sn1 og Sn2 ). Innafor område for LNFR Naturvern skal ein ta vare på kvartærgeologiske hovudformer og enkeltelement og verneverdiar knytt til biologi. Innafor desse områda er det i utgangspunktet forbod mot byggje- og anleggstiltak og flytting av lausmassar. I gjeldande reguleringsplan er spesialområde naturvern delt i Sn1 og Sn2. Desse områda har ulike reglar i reguleringsføresegnene, der skilnaden i hovudsak er at i ein i Sn 2 opnar for tillate å opparbeide og leggje tilrette natur- og kulturstigar. Dei fysiske inngrepa skal da avgrensast til merking av stig, oppsetting av stadtilpassa, mindre informasjonsskilt og enkel tilrettelegging av turstigar. Slik tilrettelegging skal skje ved bruk av handreiskap. Denne delinga er oppretthalden i planforslaget som som LNFR-Naturvern 1 og LNFR- Naturvern 2, der tilrettelegging av stig er tillatt i LNFR-Naturvern 2. Men dette området er redusert i areal og flytta til vestsida av Juvvatnet, der det er planlagt stig til formidlingsstasjon for observasjon mot brefall i Kjelen (AT3). LNFR Naturvern 1 omfattar 1133 dekar medan LNFR Naturvern 2 omfattar 106 dekar. Bandleggingssone: Bandlegging etter lov om kulturminne Bandleggingssona som er innlagt i planen omfattar det området som er registrert i den nasjonale basen for kulturminne (Askeladden) ved Juvfonne. Innafor denne omsynssona skal ein ivareta kulturminne særleg knytt til den gamle fangskulturen på villrein med faste innretningar som bågåstø og leiegjerde, og lausfunn som pilar, pilspissar, skremmepinnar og liknande. Desse kulturminna er automatisk freda etter kulturminnelova. Bandleggingssona er på 430,5 dekar. Sikringssone: Nedslagsfelt for drikkevatn Innafor restriksjonsområdet som omfattar nedslagsfeltet for Juvvatnet som er drikkevasskjelde, er det forbod mot all telting eller anna overnatting i bubil, campingvogn eller liknande og sett restriksjonar for lagring av drivstoff og andre farlige kjemikaliar. Området tilsvarar sikringssona som er lagt ut i gjeldande reguleringsplan. Faresone: høgspenningsanlegg (inkl. høgspentkablar) Faresona tilsvarar faresone som er lagt ut i gjeldande reguleringsplan i området ved Juvasshytta. Universell utforming Klimapark2469 legg opp til universell utforming av sine anlegg og bygg så langt det let seg gjere. Greier ein å gjennomføre dette etter intensjonane, vil dette bli heilt unikt for høgfjellsområde som elles er vanskeleg tilgjengeleg for funksjonshemma og andre som har vanskeleg for å bevege seg ut i terrenget. 20 av 21