Årsmelding Materialforvaltar: Kenneth F. Eide. Dagleg leiar: Stillinga som dagleg leiar vart avvikla ved utgangen av 2009.

Transkript

1 Årsmelding 2010 Styre for IL Trio fotball Jan Ove Haugland, leiar Arild Sundsteigen, kasserar Terje Bru Markhus, senior, barn/ungdom Jarle Saghaug, sportsleg (gjekk ut av styret då han flytta til Trondheim august-10) Materialforvaltar: Kenneth F. Eide Dagleg leiar: Stillinga som dagleg leiar vart avvikla ved utgangen av Gruppe for senior Terje Bru Markhus, leiar Håvard Solheim Morten Vevatne Norvald Hauge Leif Ove Mikkelsen Gruppe for barn/ungdom (7-16 år), leiar Anita Åkre Hauge Mona Røstbø Ann Helen Myster Olsen Sportsleg gruppe Jarle Saghaug, leiar Terje Bru Markhus Bjarte Solheim Arrangementsgruppe Anita Åkre Hauge, leiar Mona Eikemo Røstbø Leif Ove Mikkelsen Ann Helen Myster Olsen Anleggskomité Svein Røyrvik, leiar Oddmund Røssland Otto Kolaas Valkomitè Det vart ikkje vald valkomite på årsmøtet i desmeber 2009.

2 Styret sitt arbeid Fotballgruppa har gjennomgått store endringar det siste året. Etter nokre år med dagleg leiar i 100 % stilling, vart dette avslutta. Mange nye personar vart vald inn på årsmøtet, men ingen leiar i fotballgruppa. Dei innvalde fekk i oppgåve å organisere seg i etterkant. Etter ei tid med leiting etter kandidat til leiarvervet, tok Jan Ove Haugland på seg dette. Arild Sundsteigen vart kasserar, medan Jarle Saghaug (sportsleg), (barn/ungdom) og Terje Bru Markhus (senior) også var med i styret. Dei øvrige var med i ulike undergrupper. Dette har fungert høveleg godt gjennom året, sjølv om ikkje alle gruppene vart sjølvgåande. Arrangementsgruppa fungerte veldig godt, leia av Anita Åkre Hauge. Husnes Cup vart gjennomført til toppkarakter og øvrige arrangement har gått veldig bra. Seniorgruppa var meint å ta hand om organisering av A-kampar. Her har vi forbetringspotensiale. Oppfølging av situasjon på A-lag har vore fotballstyret sitt bord. Barn/ungdomsgruppa har ikkje hatt eigne møter, men teke hand om oppgåvene undervegs på ein god måte. Kan bli betre mhp strategi og struktur på oppfølging. Sportsleg har vi hatt ein del jern i ilden, men vart litt reduserte då leiar flytta vekk på skule i sommar. Det er mykje å ta tak i her, og vi skundar oss langsamt. Det er her vi bør setje inn mest ressursar i tida som kjem. Det er halde om lag eitt styremøte pr månad gjennom året. I tillegg har mykje vore løyst pr e-post innimellom møta. Framleis kan mykje bli betre, men sakte og sikkert har vi innarbeidd ein ny kvardag. Dugnadsarbeid Husnes Cup er eit stort dugnadsløft. Over 100 frivillige trør til for å dra cupen vel i hamn. Cupen feira 10-årsjubileum i år og vart utvida med ein klasse, noko som gav rekordhøgt deltakarantal. Nær 50 lag var med, oppimot 500 spelarar og totalt var truleg oppimot 1000 menneskje deltakande på cupen. Med ein del grep fekk vi betydeleg betre inntening på cupen enn vi har hatt dei siste åra. Kapasiteten for cupen begrensar seg i dag til rundt 55 lag, dette gjeld både bane- og overnattingskapasitet. Det er gjort eit stort arbeid av Jan Ove og Arild mhp nye sponsorkontrakter. Alle gamle sponsoravtalar gjekk ut ved nyttår. Trioen Harald Larsen, John Andreas Røssland og Aslak Mikkelsen har stått for montering av nye skilt rundt banane. Sidan hausten 2009 har fotballgruppa også, saman med volleyballgruppa, hatt avtale med Kvinnherad Kommune og Husneshallen om tilsynsvakter på våre eigne og andre sine arrangement og treningar i hallen. Dette gjev ei god inntekt til fotballgruppa, og vi prøvar å fordele arbeidet slik at det blir minst mogleg ekstraarbeid og tidsforbruk. Elles er omfanget av dugnadsarbeidet betydeleg redusert i år, som følge av at vi ikkje lenger har nokon i fulltidsstilling i klubben. Ung suksess på A-laget Også i senioravdelinga var det endringar på gong. A-laget hadde rykka ned frå 3.divisjon i 2009 og fleire sentrale spelarar hadde igjen takka for seg. Frå laget som vann 3.divisjon i

3 2007 var endringa i stallen enorm. Og dette før ein sesong der 3.divisjon skulle omarbeidast til nasjonalt nivå og avdelingane halverast. Det betydde at halvparten av laga også i 4.divisjon skulle rykke ned. Fjorårets G16-trenar Håkon Ekeland tok over A-laget, vel vitande om at fleire av hans disiplar frå gutelaget kunne få sin elddåp på seniornivå. I kva omfang, hadde han nok ikkje tenkt seg. Heile 5 av spelarane frå G16 elite i fjor endte opp som sentrale støttespelarar på A-laget og gjennom sesongen har faktisk totalt 10 av dei fått A-kampar på baken. Ein veldig svingande sesong endte heldigvis med ein sterk sluttspurt og at plassen i 4.divisjon vart redda. Så tett var det at med sigrar i dei to siste kampane endte vi opp på 4.plass, og som beste Sunnhordlandslag i divisjonen. Samarbeid på juniorsida Det er ein årviss kamp å halde i gong eit juniorlag. Klubbane i Kvinnherad har innsett at det trengst samarbeid for å kunne ha eit slagkraftig tilbod til spelarar frå år. I år prøvde Rosendal å få til eit lag på eiga hand, medan Trio/Halsnøy stilte samarbeidslag i 2.divisjon. Det endte med opprykk i vårsesongen, medan Rosendal la inn årene og gjekk inn i samarbeidslaget i haustsesongen. Ein god prestasjon i haustsesongen endte med plassering midt på tabellen, og vi er allereie i samtalar om samarbeidslag for neste sesong. Utfordringa er størst med å få ei tilstrekkjeleg treningsgruppe, då mange spelarar også er aktuelle for sine respektive A-lag. Juniorlaget tok også ein sterk 2.plass i eliteklassen i juniorturneringa Haugar Cup i Haugesund før seriestart. Første sesong med junior damelag Det gror godt på jentesida og i år hadde vi for første gong eit jentelag i juniorklassen. Målet var 11arlag, men det endte med 7arfotball. Likevel noko å bygge på for vidare satsing og laget tok ein flott sølvplass i B-sluttspelet i Norway Cup. Juniordamene gjorde unna ein solid haustsesong og endte berre poenget bakom laget på andreplass. Historisk småjentefinale! Vi har aldri hatt større breidde i jentefotballen og stilte i år både J15-, J14- og J13-lag i serien. Suksessen var størst for det midterste. Trio J14 vann serien sin overlegent. Det same gjorde Rosendal og etter sigrar i semifinalane i sluttspelet, var det duka for rein Kvinnheradsfinale på Kvednabekkjen. Det vart ein forrykande spanande kamp som bølga att og fram og var så jamn som det går an. Etter full tid sto det også 1-1 i målprotokollen, men Triojentene kunne jubla etter å ha vunne 5-4 i antal corner! Breidde også på gutesida Også i guteklassen er det mange aktive. I år hadde vi eit godt gutelag, som tok ein framifrå bronsemedalje i Plussbankcup i Kristiansand i sommar. I 14-årsklassen hadde vi to lag, og begge gjekk til topps i Ål Cup i august. I tillegg har vi eit framgangsrikt 13-årslag, og til neste år vil vi kunne stille to 11arlag i 13-årsklassen! Vekst i barnefotballen Blant dei yngste er det også enorm vekst om dagen. Trio hadde i 2010 heile 11 treningsgrupper og i serie-/cupspel totalt 22 lag med i år. Altså godt over 30 lag totalt i klubben, og det er det lenge sidan vi har hatt. Dei aller yngste, opp til 9 år, spelar cupar i Kvinnherad i staden for seriekampar. Desse turneringane er blitt formidabelt store og krevjande arrangement med oppimot 45 deltakande lag. Ei fantastisk glede å sjå hjå dei unge, håpefulle, og mykje fotballtalent.

4 Arrangement Gjennom sesongen arrangerer Trio Fotball 4-5 inneturneringar i Husneshallen vinterstid, samt den over nemnte årlege miniputt-turneringa på Kvednabekkjen. Men det aller største løftet er Husnes Cup, som vart arrangert for 10.gong i år. Vi synest vi lukkast veldig bra med organiseringa i år, leia av Anita Åkre Hauge. Over 100 Trio-menneskje er involvert på dugnadssida. Vi utvida med ein ekstra klasse i år og hadde tett oppunder 50 deltakande lag. Om lag 450 spelarar og truleg over 1000 tilreisande krydde rundt i idrettsparken ei triveleg helg midt i august. Vi har allereie evaluert korleis vi kan gjere cupen like god og enda betre til neste år. Det har og vorte arrangert TINE fotballskule tidleg i skuleferien og det har vore gjennomført fleire tiltak for utvikling av einskildspelarar, både organisert og uorganisert. Det har vore fleire spelarar som har delteke på HFK sine sonesamlingar og kretssamlingar. Dommaråret 2010 God aktivitet også på dommarsida. Heile 24 ferskingar fekk si første fløyte i april etter klubbdommarkurs halde av Oddvar Eikenes på Triohuset. Vi har også fleire unge, lovande dommarar i 11arfotball, sjølv om det i vår har vore begrensa tilgong på dommarar grunna skader og studiar utabygdes. Situasjonen på dommarsida må likevel seiast å vera god. Totalt har 27 Triodommarar dømt på ulike nivå i år. I mars deltok Jon Einar, Vegard, Per Jarle og Oddvar på vårsamling for dommarane i Hordaland fotballkrets på Thon Hotel på Kokstad. Desse samlingane har fokus på å vidareutvikle dommarane. Her blir det teke opp ulike tema og gjennomgått regelnytt og presiseringar for sesongen. Alle som skal dømme må ta ein teoretisk test. 3. og 4. divdommarane må også gjennomføra fysisk test. Den består i 20 intervallar på 150m på 30 sek med 35 sek pause mellom (går 50m). Trio har i sesongen 2010 delteke med fem autoriserte dommarar. Det er Magnus i tillegg til alle som deltok på vårsamlinga. Vegard har teke pause frå dømminga denne hausten medan han går på folkehøgskule. Jon Einar har flytta til Oslo for å studera. Han har teke kontakt med Oslo Fotballkrets og har denne hausten dømt der. Han deltek også på OFK sin haustsamling. Oddvar har delteke på utviklingstur for dommerinstruktørane i HFK turen gjekk til Berlin. På denne turen var ein visitt til Olympiastadion obligatorisk. Der såg me Herta Berlin - SpVgg Greuther Fürth, 2-0. Toppoppgjeret i oktober. To unge tyske dommarar held foredrag om korleis ein utdanna og rekrutterte dommarar i det tyske systemet, kva dei såg etter hos unge dommartalent osb. Sesongen 2010 vert avslutta med Haustsamling for dommarane i HFK på Voss helga des. Der skal Per Jarle, Magnus og Oddvar. Særlege utmerkingar For fjerde året på rad delte vi ut "Tullen-prisen". Siw Seljeset har oppretta eit motivasjonsstipend for den mest framgangsrike 13 åringen i klubben, gut eller jente. I år får Sunniva Ljone Solfjell denne utmerkinga.

5 Nettsida For sjette året har vi hatt ei særs oppegåande nettside i IL Trio. I år har vi også fått gjort ei oppgradering på sida, utført av idrift. Ikkje den store revolusjonen, men ein del forbetringar vonleg til det betre for både lesar og administrator. Moralen er at det enkle ofte er det beste og på sida vår er det nyhende som står i sentrum. Jamnlege oppdateringar med nytt stoff er det essensielle. I tillegg har ein del teke sida i bruk til intern informasjon. Lesartala viser også at sida er populær. Om lag besøk i året, eit snitt på i månaden. Ved spesielle høve er vi oppe i 730 besøk på ein dag og i snitt er det 1-2 nyhendeoppdateringar dagleg. Det er kjekt at særleg volleyballen, men også andre grupper, brukar sida, men det er utan tvil fotballgruppa som står for mesteparten. Vi satsar på å vera raskt ute med nyhende og har referat frå alle A-kampane på plass kort etter kampslutt, same om det går bra eller dårleg. Det gjeld også alle lag i Ungdomsavdelinga. Her har alle laga si eiga underside, der referat etter kampar samlast. Her legg ein også inn informasjon til laga etter kvart. Totalt har vi om lag 160 oppdateringar om dei 9 laga frå år. Ein stor takk til alle trenarar og lagleiarar i U- avdelinga for at dei har gjort ein stor innsats her! Både ungdomane og andre lesarar set stor pris på det. Ein stor takk også til alle som har bidrege til at nettsida er blitt veldig rik på bileter i år. Ikkje minst hoff-fotografane Even Røen og Helge Sunde. har, i år som tidlegare år, vore administrator for heimesida vår. Samarbeid med andre klubbar Vi ser at det er naudsynt å samarbeide med naboklubbane for å få eit stabilt juniorlag i seriespel. Vi har forsøkt ulike variantar dei siste åra, med vekslande hell. I år var det samarbeidslag Trio/Halsnøy i vårsesongen, medan Rosendal kom med i haustsesongen. Juniorlaget fullførte sesongen med stil, men vi skulle framleis hatt enno større deltaking frå naboklubbane. Også for neste sesong går det mot samarbeidslag i G19-klassen. Økonomi Ok likviditet gjennom heile året. Vart ein dyr vinter med store utgifter til snørydding. Har investert i ein snøfres i haust, og vonleg slepp vi vidare utgifter denne vinteren. Det aller meste av samarbeidsavtalar var gått ut etter 2009-sesongen og Jan Ove og Arild har gjort ein stor jobb med å få på plass nye, og å få opp skilt rundt banane. Det vert jobba kontinuerleg med nye avtalar. Sparebanken Vest og Husnes Storsenter har vore hovudsponsorar for fotballgruppa i år. Mange andre støttespelarar har vist oss stor velvilje i mange samanhangar. Husnes Cup er ein stor dugnad og ei viktig inntektskjelde. Med ein del grep i forkant, har vi fått auka innteninga ein del samanlikna med dei siste åra. Av øvrige gode inntektskjelder kan nemnast Aprillotteriet til fotballgruppa, inntekter frå Grasrotandelen og inntekt frå tilsynsvakter vi utfører under arrangement i Husneshallen. Sjå årsrekneskap for fleire detaljar.

6 Anlegg Grasbanen har vore i god stand gjennom sesongen. Han har vorte moderat brukt, men både A-lag og juniorlaga har nytta den fast til trening og kamp så lenge verforholda har tillete det. I tillegg har også einskilde lag frå barneavd brukt banen til trening i tilfeller der Kvednabekkjen har vore oppteken til kampar. Det vart mykje snørydding på Kvednabekkjen i vinter. Straks delar av banen var rydda, kom det nye snøfall. I periodar klarte vi å halde ¼ bane fri for snø, men dette gjekk ut over treningsmoglegheitene og oppkøyringa til sesongen for dei fleste lag. Kunstgrasbanen er fullt belagt med treningar og kampar dei fleste dagane i veka. Det har vorte laga nye innbyttarbuer til Kvednabekkjen. Dette arbeidet sto Rikard Pedersen og John Kvarme for. Aslak Mikkelsen, John Andreas Røssland og Harald Larsen var med og sette dei opp. Ny kunstgrasbane Grunna auka sportsleg aktivitet både til trening og kampavvikling er kapasiteten på Kvednabekkjen sprengd i store periodar av sesongen. Av den grunn har fotballstyret gjort vedtak om å søkja Kvinnherad kommune om å få byggja nytt treningsfelt med kunstgras på halve grusbanen i Husnes idrettspark. Dette er ei fornying av fjorårets vedtak og skal opp til godkjenning på årsmøtet, og årsmøtet i hovudlaget. Målsetjinga og forutsetnaden er å byggja den nye banen som oppgradering av kommunalt anlegg i regi av Kvinnherad kommune, slik at det blir gitt momsrefusjon. Målsetjinga er at den nye banen skal ferdigstillast i løpet av våren Viser elles til detaljar i framlegget til årsmøtet. Kurs/opplæring Oddvar Eikenes har heldt klubbdommarkurs for åringar før sesongstart Kjell Magnar Eide har gjennomført trenar II-kurs. Elles har det ikkje vore anna utdanning av trenarar i året som går mot slutten, men vi legg opp til å gjennomføre Aktivitetsleiarkurs på nyåret. Representasjon 2010 Møter og kurs HFK Organisering minifotball Kvinnherad HFK samarbeidsmøte Kvinnherad/Odda (Triohuset) HFK opplæring FIKS klubben (IT-verktøy) HFK leiarmøte/sesongevaluering på Vikahaugane, Stord Trio/Rosendal/Halsnøy diskusjonsmøte om felles juniorlag (Triohuset) Representant/deltakar og lagleiarar for 2000-laga Svein Jarle Mo, samt heile fotballstyret.

7 Talentsamlingar HFK Sonesamlingar (95-96) HFK fotballskule (97) HFK kretssamling HTF team Team SR Bank talentsamlingar (Haugesund) vinter og haust 2010 Representant/deltakar Samlingar vinteren 2010: Helga L. Grønstøl, Lars Bernhard Heggøy, Emilie Kaldestad Ersland. Samlingar haust 2010: Andreas Thorkildsen, Lars Bernhard Heggøy, Emilie Kaldestad Ersland, Thea Vaage, Tina Abdulla, Sunniva Ljone Solfjell, Eivind Tufta Saghaug, Vemund L. Grønstøl. Tina Abdulla, Sunniva Ljone Solfjell, Eivind Tufta Saghaug, Vemund L. Grønstøl, André Thoresen Saghaug. Av desse gjekk dei 4 førstnemnte vidare til kretssamlingar i Bergen, med uttak til kretslag/sonelag (alle 4 kom på Sone Sunnh.). Tina Abdulla, Sunniva Ljone Solfjell, Eivind Tufta Saghaug, Vemund L. Grønstøl (97), Rune Mo og Endre Eide (94). Simen Røssland, Endre Eide, Rune Mo, Roger Ekeland, Allkan Abdulla. Amalie Djuvstad, Emilie K. Ersland, Tina Abdulla, Thea Vaage, Maja Sætre Sollien, Maria Skarveland, Hannah Yu. Dommarar Dommarkontakt/- instruktør HFK Autoriserte dommarar Representant/deltakar Oddvar Eikenes Rekrutteringsdommarar Ingen i Aktive klubbdommarar 2010 (5ar og 7ar fotball) Lars Røyrvik, Jon Einar Øvstebø, Vegard Bremerthun Svarstad, Magnus L. Magnusson, Per Jarle Haugland og Oddvar Eikenes Seyed Sadat, Gaute Pal Holm, Eirik Fykse, Geir Pal Holm, Sverre Vik, Lars Bernhard Heggøy, Nils Olav Hauge, Vegard Johnsen, Egil Olsen, Daniel Solberg, Anders Saghaug, André Thoresen Saghaug, Eivind Tufta Saghaug, Nasibullah Shariati, Åsmund Herskedal, Martin Hope, Tina Abdulla, Amalie Djuvstad, Thea Vaage, Emilie Kaldestad Ersland, Malin Enes Brix. Deltakarar klubbdommarkurs april 2010: Håvard Voster Bakke, André Thoresen Saghaug, Vegard Johnsen, Eivind Tufta Saghaug, Vidar Kaldestad Buhl, Egil Olsen, Daniel Solberg, Nils Olav Hauge, Nasibullah Shariati, Mohammed Hassan Abtidon, Espen Bakke Handend, Siwa Ousamran, Åsmund Herskedal, Martin Hope, Daniel Øvstebø, Brynjar H. Tømmervik, Tina Abdulla, Amalie Djuvstad, Sunniva Solfjell, Thea Vaage, Emilie Kaldestad Ersland, Mette Solheim Totland, Susann Johnsen, Malin Enes Brix.

8 Spelarovergangar til Trio Simen André Fjellandsbø (fødd 1996, frå IL Solid) Marie Bauge (fødd 1995, frå Rosendal TL) Vemund L.Grønstøl (fødd 1997, frå Rosendal TL, retur etter deltaking i Norway Cup), Mats Ekeland (fødd 1995, frå Halsnøy IL, retur etter deltaking i Norway Cup) Åsmund Voster (fødd 1994, frå Halsnøy IL, retur etter deltaking i Norway Cup) Susann Johnsen (fødd 1996, frå IL Solid) Silje Anita Staff (fødd 1993, frå Halsnøy IL) Renate Engelsen (fødd 1992, frå Halsnøy IL) Rebecca Stokka (fødd 1993, frå Halsnøy IL) Silje Hoff (fødd 1993, frå Halsnøy IL) Stein Yngve Sommer (fødd 1993, frå Hesseng IL) Christian Sundsteigen (fødd 1983, frå Hafslo IL) Spelarovergangar frå Trio: Vemund L.Grønstøl (fødd 1997, til Rosendal TL, deltaking i Norway Cup), Mats Ekeland (fødd 1995, til Halsnøy IL, deltaking i Norway Cup) Åsmund Voster (fødd 1994, til Halsnøy IL, deltaking i Norway Cup) Erlend Abelsen (fødd 1984, til Stryn T&IL) Espen Tufta Saghaug (fødd 1993, til FK Haugesund) Frode Havnerås (fødd 1984, til Rosendal TK) Ronny Hamre (fødd 1980, til Stord IL) Trond-Inge Haugland (fødd 1976, til Rosendal TL) Henrik Røssland (fødd 1984, retur etter lån frå SK Baune) Mats Paulsen (fødd 1989, retur etter lån frå Stord IL) Jan Karsten Sjo (fødd 1987, retur etter lån frå Askøy FK) Vedlegg: Årsrekneskap For årsrapportar frå dei ulike laga viser vi til avisa Kontakt og nettsida. Valen/Sunde/Husnes, den 1. desember 2010 Jan Ove Haugland Arild Sundsteigen Terje Bru Markhus (leiar) (kasserar) (seniorleiar) (leiar barn-/ungdom)