Transkript

1 Arkiv: Saksmappe: Sakshandsamar: Dato: L /316 Aslaug Aalen Utvalssak nr. Utval Møtedato 86/10 Kommunestyret Kommunedelplan for Lindåsneset med Mongstad Vedtak av plan Saksdokument vedlagt: Plankart, Føresegner Planskildring Brev frå Fylkesmannen, Saksdokument ikkje vedlagt: Merknader til planforslaget Vurdering av innspel til planprogrammet Arealanalyse Behovsanalyse næringsareal Konsekvensutgreiing Risiko- og sårbaranalyse Saksutgreiing: Kommundelplan for Lindåsneset med Mongstad er klar for endeleg vedtak i kommunestyret i samsvar med plan- og bygningslova Saka var til andre gongs handsaming i plan- og miljøutvalet Etter vedtak i plan- og miljøutvalet har Fylkesmannen i Hordaland trekt motsegnene til planen i brev , og kommunestyret kan såleis no vedta planen. Etter at planen er vedteken skal den kunngjerast og gjerast tilgjengeleg gjennom elektroniske mediar, vedtak av kommunedelplan kan ikkje påklagast, jamfør plan- og bygningslova Handsaming i plan- og miljøutvalet : Kommunedelplan Lindåsneset med Mongstad Andre gongs handsaming Saksdokument vedlagt: Merknader oppsummering, Revidert KU område C og MM Reviderte føresegner med speil, Kart SF-1, SB-3 og B-2 Saksdokument ikkje vedlagt: Merknader til planforslaget Saksutgreiing:

2 Kommunedelplan (KDP) Lindåsneset med Mongstad har vore på høyring i perioden 20.januar- 20.mars Det vart arrangert folkemøte i høyringsperioden med godt oppmøte og det har komme inn til saman 39 merknader til planframlegget. Merknadane er oppsummerte i vedlagde notat. Fylkesmannen i Hordaland hadde motsegn til planen av omsyn til strandsona og landbruksverdiar. Planen kjem no opp til andre gongs handsaming i plan- og miljøutvalet, dersom motsegnene frå Fylkesmannen etter dette vert trekte kan planen gå vidare til kommunestyret for endeleg godkjenning Handsaming i plan- og miljøutvalet : Kommunedelplan for Lindåsneset med Mongstad Høyring av planforslag Saksdokument vedlagt: Planforslag, Vedlegg: a. Plankart b. Føresegner c. Vurdering av innspel til planprogrammet d. Arealanalyse e. Behovsanalyse næringsareal f. Konsekvensutgreiing g. Risiko- og sårbaranalyse Saksutgreiing: Forslag til kommunedelplan for Lindåsneset med Mongstad er no utarbeidd, og plan- og miljøutvalet skal ta stilling til om planforslaget skal leggjast ut til høyring og offentleg ettersyn i samsvar med plan- og bygningslova Kommunestyret vedtok å setje i gang arbeidet med kommunedelplan for Lindåsneset med Mongstad. Plan- og miljøutvalet vedtok å sende framlegg til planprogram på høyring i perioden Samstundes vart det meldt oppstart av planarbeidet. Planprogrammet vart fastsett av kommunestyret Planprosessen Plan- og miljøutvalet er styringsgruppe for planarbeidet. Det har vore 3 møte i styringsgruppa i løpet av hausten 2009, eit av desse var med synfaring. Ei arbeidsgruppe med representantar for relevante fagområde i administrasjonen og ein frå Austrheim kommune, har fungert som kvalitetssikrarar av planarbeidet. Referansegruppa er sett saman av representantar frå bygdelag og næringsliv. Det har vore eitt møte i gruppa i haust, i tillegg til at representantar frå referansegruppa informerte styringsgruppa under synfaringa. Planforslaget har også vore oppe i regionalt planforum. Norconsult har vore konsulent for arbeidet. Det er utarbeidd arealanalyse, behovsanalyse, konsekvensutgreiing (KU), risiko og sårbaranalyse (ROS), planomtale, plankart og føresegner. Konsulenten har følgt tett med i prosessen og delteke på fleire av møta i styringsgruppa og arbeidsgruppa. Planforslaget som no ligg føre er eit resultat av utgreiingar, innspel, og politiske og faglege vurderingar. Arealanalyse (vedlegg d) Det er utarbeidd ein arealanalyse for å dokumentere verdiane knytt til areala i planområdet. I analysen er tema biologisk mangfald, kulturminne, landbruk, landskap og friluftsliv vurdert. I tillegg er den funksjonelle strandsona kartlagt. Analysen er lagt til grunn for å fastsetje dei langsiktige grensene for framtidig arealbruk. Behovsanalyse (vedlegg e) Det er utarbeidd behovsanalyse for å kartlegge langsiktige behov for næringsareal på Mongstad. Analysen er basert på ei spørjeundersøking retta mot næringsverksemder i Nordhordland og på samtalar med to av dei sentrale aktørane på Mongstad, Statoil og Mongstad Vekst.

3 Behovsanalysen konkluderer med at det er vanskeleg å kartleggje arealbehov på grunnlag av spørjeundersøkinga og tilrår at ei strategisk vurdering vert lagt til grunn for å komme fram til kva arealreserve kommunen bør sikre i kommunedelplanen. Konsekvensutgreiing (vedlegg f) For kommuneplanar som set rammer for framtidig utbygging skal det i samsvar med plan- og bygningslova 4-2, utarbeidast ei særskilt vurdering og skildring av planen sine verknader for natur og samfunn, dette vert kalla konsekvensutreiing (KU). KU er sett saman av vurderingar av verdi, omfang og konsekvens. Desse vurderingane er gjort for alle innspela til endra arealbruk, som er komme fram i planprosessen, også kommunen sine eigne forslag. Konsekvensane er oppsummerte til slutt og det er gitt tilråding om kva innspel som bør takast inn i planen og foreslått avbøtande tiltak der det er aktuelt for det vidare planarbeidet. ROS-analyse (vedlegg g) Ved utarbeiding av planar for utbygging skal det utarbeidast risiko- og sårbaranalyse i samsvar med plan- og bygningslova 4-3. Målet med ROS-analyse er å etablere ei systematisk tilnærming til fare og framtidige uønska hendingar, slik at nødvendige risikoreduserande tiltak kan identifiserast og takast omsyn til. I ROS-analysen skal ein fastsetje akseptkriteria for risiko. Grunnlaget for dette er vurdering av sannsyn kombinert med vurdering av konsekvens. Sett ein desse opp mot kvarande i ei matrise kan ein finne fram til kva som er akseptabel risiko og kva som krev risikoreduserande tiltak. Sjå meir om dette i kap 3 i ROS-analysen. Frå Fylkesmannen går det klart fram fastsetjing av akseptkriteria skal forankrast politisk i kommunen, dette er difor med som ein del av framlegget til vedtak i saka. Planskildring (planforslag) I planskildringa går det fram korleis kommunen har arbeidd fram dei juridisk bindande plandokumenta (plankart og føresegner). Her kan ein lese om bakgrunnen for planarbeidet, planprosessen og utfordringar slik dei er definerte i planprogrammet. Vidare er innspela, dei ulike analysane og utgreiingane gjengjevne. Mål for arbeidet er presentert og dei tilrådde endringane i arealbruk er omtalt. Mål for kommunedelplanen har komme fram gjennom ein prosess med utgangspunkt i planprogrammet, innspel og analysar. Det er sett følgjande mål for kommunedelplanen: Hovudmål: Sikre arealreservar for lokal, regional og nasjonal næringsutvikling på Mongstad og Lindåsneset. Etablere langsiktige arealgrenser for å sikre viktige natur- og miljøverdiar, samt å verne etablerte bustadmiljø. Delmål: Sikre effektiv utnytting av eksisterande næringsområde og legge til rette for transformering til nye næringar Sikre lokalisering av verksemder slik at dei gjev minst mogleg negative konsekvensar for natur- og bustadmiljø Sikre grunnlag for ny hovudtilkomst til eksisterande industriområde og eit godt internt transportnett mellom dei ulike næringsareala i heile området. Sikre grunnlag for god infrastruktur når det gjeld fjernvarme, industrivatn og reinsetiltak. Sikre gode bustadmiljø i område med etablert busetnad og legge til rette for ei forsiktig utbygging som fortetting Koordinere arealbruken med Austrheim kommune Kart (vedlegg a) Plankartet er eit juridisk bindande dokument som skal fastsetje den framtidige arealbruken saman med føresegnene. Dette er den første planen som Lindås kommune har utarbeidd etter den nye plan- og bygningslova, det har difor vore ekstra mykje arbeid med å få på plass kartet. I den nye plan- og bygningslova er det mange endringar i høve tidlegare lov. Framtidig arealbruk er vist med

4 sterkare farge enn eksisterande arealbruk (motsett frå tidlegare). Det er lagt på omsynssoner med skravur over område der særskilde omsyn må takast i samband med arealbruken. Heilt fram til ferdigstilling av kartet har det vore usikkert korleis naust skal visast etter den nye lova. Naust er i planforlaget vist dels som anna byggjeområde (der det er plankrav) og dels som ein del av føremålet bruk og vern av sjø og vassdrag med tilhøyrande strandsone. Det er verdt å merke seg at etter den nye lova er føresegnene langt viktigare enn før, og det er nødvendig å lese føresegnene grundig for å forstå kartet i sin heilskap. Føresegner (vedlegg b) Å utarbeide føresegner etter den nye lova, verkar i utgangspunktet enklare etter den nye lova, då lova gjev ein god struktur for kva ein kan ta med i føresegnene. Det vil alltid vere ein vanskeleg balansegang mellom kor detaljerte føresegnene skal vere og kor fleksibel planen skal verte. Det har vore viktig å gjennom planprosessen få fram kva føresegnene skal løyse, slik som god og heilskapleg arealutnytting og rekkefølgje i utbygginga. Dette har så vorte sett inn i det juridiske rammeverket. Det er eit mål at føresegnene skal vere presise og lette å finne fram i. Ny arealbruk Næring Det vert sett av 2105 da til nye næringsareal. Dette er den maksimale utbygginga ein kan tenke seg, når omsyn til miljø og busetnad er ivareteke. Eit lite område N-2, er avsett på nordaustsida av Litlåsåsen noko høgare oppe enn hovudplatået på eksisterande industriområde. Eit område N-3, er sett av på grensa til Austrheim på Hope, som ei forlenging av arealdisponeringa i Austrheim. N- 4, N-5 og N-6 er nye område frå Hope og sørover mot Risa. Føresegnene fastsett utbyggingsrekkefølgje av dei nye næringsområda. Bustader og fritidsbustader Planprogrammet legg ikkje opp til store nye busetnadskonsentrasjonar i planområdet, men ei viss utvikling i bygdene gjennom fortetting. Det er lagt inn eit nytt byggjeområde for bustader B-1 på Keilen, og det er opna for spreidd bustadbygging i landbruks- natur- og friluftsområde (LNF) på Keilen (aust) SB-1, Hope SB-2 og Knarvik nord SB-3. I Keilegavlen er det opna for spreidd fritidsbusetnad i LNF-område SF-1. Spreidd busetnad og fritidsbusetnad i LNF- område er avgrensa på kartet (vist som mørk grøn) og det er oppgjeve i føresegnene kor mange einingar som kan byggjast i kvart område over ein fireårsperiode. Naust Det er opna for eit nytt naustområde vest på Keilen NA-1, og fortetting i to område som frå tidlegare er utbygd med naust (ved Keilesundet NA-2 og på Hope NA-3). Området som er sett av til naustområde vest på Keilen er i dag næringsområde, og ein tenker seg ein transformasjon gjennom reguleringsplan. Dette område er vist som bygg og anlegg, 11-7 nr 1, underføremål anna byggeområde. Dei to andre er vist som føremålet bruk og vern av sjø og vassdrag med tilhøyrande strandsone, 11-7 nr 6, underføremål friluftsområde, her er det oppgitt i føresegnene kor mange naust det kan byggjast. Det er utarbeidd føresegner om mellom anna utforming av naust. Samferdsleanlegg og teknisk infrastruktur Det er lagt opp til ny tilkomst til eksisterande næringsområde ved ny veg V-2(delvis tunnel) gjennom Litlåsåsen. Denne vegen vil også binde saman nye og eksisterande næringsareal. Det er vist gang- og sykkelveg langs rv 57, V-4, og det er lagt inn trase for teknisk infrastruktur langs eksisterande industrivassforsyning V-3, der det er aktuelt å bygge ein serviceveg for vedlikehald av vassleidningane. Det er lagt inn hamneområde på sjø og dels på land langs heile industriområde mot Fensfjorden. Sjø og strandsona Den funksjonelle strandsona er kartlagt gjennom arealanalysen. Denne er brukt til å avgrense nye byggeområde mot sjø. Den er også vist i kartet som retningsline i LNF-områda, slik at den kan nyttast som grunnlag i eventuelle enkeltsaker. I LNF-spreidd områda og byggjeområda er funksjonell strandsone lagt som juridisk bindande byggjegrense i staden for 100-metersbeltet, jf plan- og bygningslova 1-8, 3.ledd.

5 Ved naustområde NA-1 vest på Keilen, er det opna for eit lite område med småbåthamn SBH-1. Det er sett av badeplass ved Keilesundet FB-1. Elles er ankringsområdet på Fonnesflaket og farleier vist i kartet. Ventebøye på Fonnesflaket er ikkje vurdert innanfor rammene av denne planen, det bør takast opp i ein større samanheng der Fensfjorden vert sett i ein heilskap. Vidare arbeid med arealbruk og beredskap i Fensfjorden er tenkt som ein interkommunal plan for kommunane rundt fjorden. Dette er eit prosjekt som er heilt i startfasen, men som vil kunne ta opp i seg problemstillingar som denne planen ikkje har format til å løyse. Omsynssoner Det er i nødvendig utstrekning lagt inn omsynssoner for landskap, naturmiljø og friluftsliv på Litlåsåsen, ved Hopevatnet og i Knarvik nord. Det er lagt inn faresoner rundt verksemdene som er omfatta av storulykkeforskrifta. Gjennomføringssone for felles planlegging er lagt inn på dei nye delområda som er sett av til næring, dette er nærare fastsett i føresegnene. Det er også lagt inn soner for reguleringsplanar som framleis skal gjelde og bandleggingssoner for område kring automatisk freda kulturminne, naturvernområde og nedslagsfelt for drikkevatn. Vonleg er bruken av omsynssoner så moderat at kartet framstår som oversiktleg. Ein kan lese meir om den nye arealbruken i kap 7 i planforslaget, og sjå KU- og ROSvurderingane for kvart enkelt område i kap 5 og 6. For meir utfyllande informasjon viser vi til vedlegga til planforslaget. Vurdering: Planprosessen Planarbeidet har hatt ein stram tidsplan. Medverknad frå innbyggjarar og næringsliv, samt politisk forankring har likevel hatt høg prioritet. Heile planarbeidet starta med eit folkemøte i januar 09 med svært godt oppmøte. Dette møtet la grunnlaget for arbeidet med planprogrammet. Vi opplever at samarbeidet med bygdene og næringslivet har vore konstruktivt og med høgt engasjement, dette er svært positivt for planprosessen. Administrasjonen opplever at planforslaget som no vert lagt fram har vore gjennom både fagleg kvalitetssikring og politiske vurderingar. Arbeidet med mål har vore viktig for å ha eit utgangspunkt for tilrådingane i planen. Høyringa vil vise korleis planarbeidet har treft på dei ulike utfordringane som planen har tatt mål av seg til å løyse. Mål og strategiar To spørsmål har vore avgjerande for tilnærminga til nye næringsområde. Kor mykje areal skal leggjast ut, og i kvar ende skal utviklinga starte. Utgreiingane og analysane har gitt svar på kva område som ikkje kan byggjast ut til industri, og kva omsyn som må takast i høve miljø og busetnad. Etter dette sit vi att med eit areal som kan byggjast ut, men som nødvendigvis ikkje treng setjast av i denne planomgangen. Behovet for nye næringsareal er ikkje ein eksakt storleik, tilrådinga frå behovsanalysen er at ein bør nytte ei strategisk tilnærming til kor store areal som kan setjast av. Kommunen har komme fram til at alt næringsareal som kan byggjast ut vert sett av i denne omgangen, men at rekkjefølgje og utbygging vert tydeleg regulert i føresegnene gjennom plankrav og rekkjefølgjekrav. Slik vil arealbruken vere føreseieleg både for innbyggjarar og næringsinteresser eit godt stykke inn i framtida. Vi veit lite om framtida, men det er lagt opp til stor aktivitet på Mongstad i åra som kjem i samband med utviklinga av teknologi for CO2 fangst og lagring. Det er då viktig for kommunen at større verksemder kan finne plass til å etablere seg på Mongstad og slik vidareutvikle clusteret som alt eksisterer i Mongstadområdet. Eigedomsstrukturen i dei eksisterande næringsområda på Mongstad har vore slik at ein grunneigar (Norsk Hydro) har eigd mykje areal, men ikkje utvikla desse. Det har då vore mykje areal som har lagt ubrukt, samstundes som tilgjengeleg areal har vore avgrensa. Denne situasjonen har vore uheldig og kommunen ønskjer å hindre at dette skjer igjen. No er det slik at kommunen har avgrensa høve til å påverke eigedomsstrukturen så lenge kommunen ikkje sjølv går inn som eigar av areal. Kva strategi kommunen vel i høve å tileigne seg areal, fell utanfor

6 rammene for arealplanlegginga og vi må difor i denne samanheng sjå på kva muligheiter som fins i plan- og bygningslova. Grepet vi har teke i kommunedelplanen er altså å ha klare rekkjefølgjekrav og plankrav til dei nye utbyggingsområda. Vi har delt areala inn i delområde, der det skal utarbeidast samla reguleringsplan for kvart delområde. Det vil og verte fastsett i kva rekkjefølgje delområda skal byggjast ut. Det vil då ikkje vere mogleg å dele frå areal innanfor delområdet før det er utarbeidd reguleringsplan for heile delområdet. Slik kan ein kanskje unngå at delar av eigedommane vert selde ut til aktørar før heile området er planlagt. Utarbeiding av eit tydeleg sett med føresegner for å sikre ei heilskapleg utvikling av næringsområda, er eit første skritt på vegen for ei meir heilskapleg utvikling. Dersom intensjonane i kommunedelplanen skal realiserast er det ein føresetnad at kommunen følgjer opp med å utarbeide områdeplanar og at planen vert følgt i møte med aktuelle etablerarar. Det er viktig at rammene for utbygginga som vert sett i kommunedelplanen ikkje vert for stramme slik at aktuelle etablerarar finn det vanskeleg å slå seg til på Mongstad. Samstundes vil ein tydeleg kommunedelplan føre til at situasjonen vert føreseieleg for både kommunen og næringslivet. Det at planverket er føreseieleg og tydeleg vert ofte halde fram som viktig i dialogen med næringslivet. Ny arealbruk Det er sett av relativt store areal til nye næringsområde. Dette må også sjåast i samanheng med nye næringsareal lagt ut i kommunedelplan for Litlås, Leirvåg, Kaland, Fonnes. I eit nasjonalt viktig industriområde som Mongstad kan det verre akseptabelt å setje av så store areal så lenge omsynet til miljøverdiar og busetnad er ivareteke. Ein føresetnad for at kommunen kan forsvare så store areal til industri er at det vert sett tydelige krav til arealøkonomisering og rekkjefølgje i utbygginga. ROS- analyse og KU set også rammer for kva type verksemd det kan opnast for i dei nye områda. Ettersom kommunen no har utført eit grundig planarbeid, har vi konkludert med at det er riktig å leggje ut maksimal arealreserve for næringsområde. Når det gjeld areala som er sette av til bustader, naust, spreidd bustadbygging og fritidsbustadbygging, er dei fleste basert på innspel til planarbeidet. Alle innspela som har komme inn er konsekvensutgreidd, og på bakgrunn av dette har ikkje alle innspela komme med i planen. Det har vore viktig å nå målsetnaden om at bygdene skal ha ei viss utvikling samstundes som det ikkje er opna for store nye bustadområde. Kommunen har sjølv komme med forslag til LNFspreidd området på Hope. Dette med bakgrunn i at vi ikkje har lagt inn innspelet om eit stort utbyggingsområdet frå Risa og nordover. Det er berre ein liten del av Risa- bygda som kjem innanfor planområdet, og utviklinga i denne bygda vil vi kunne sjå nærare på i kommunedelplan for Lindåsosane, Lygra og Lurefjorden. Omsynssonene tek i vare omsyn som er kjend frå tidlegare, andre lovverk og tilhøve som har vorte avdekka i planprosessen. Vonleg fangar bruken av omsynssoner opp det nødvendige av omsyn og restriksjonar som har verknad for bruken av areal. ROS-analysen Det er viktig med politisk forankring av akseptkriteria i ROS-analysen. Utarbeidinga av ROSanalysen er gjort etter gjeldande metodar mellom anna nytta i FylkesROS Administrasjonen tilrår at akseptkriteria vert godkjende slik dei ligg føre. Administrasjonen viser elles til plandokumenta og rår til at planforslaget vert lagt ut til høyring og offentleg ettersyn slik som det ligg føre. Rådmannen gjer slikt framlegg til vedtak: 1. Kommunedelplan for Lindåsneset med Mongstad ( ) planforslag med vedlegg, vert med heimel i plan- og bygningslova 11-14, lagt ut til høyring og offentleg ettersyn.

7 2. Akseptkriteria for risiko vert godkjende slik som dei framgår i risiko- og sårbaranlaysen (ROS), Handsaming i Plan- og miljøutvalet Rådmannen sitt framlegg pkt. 1 og 2. vart samrøystes vedteke Framlegg frå S.Hauge-Ap: 3. Område MM i innspill 7 på gbnr 123/2 tas inn i plan. Framlegget vart samrøystes vedteke 4. Området RR i planframlegg kommunedelplan Lindåsneset med Mongstad må innehalda parkeringsareal for å åpne badeplassen for bruk av ålmenta. Framlegget vart samrøystes vedteke Framlegg frå K.Melvær-Frp: 5. Flytte linje for funksjonell strandsone til å følge linjen som foreslått i arealanalyse s 33 for strandlinjen fra området MM til reguleringsplan for Utgjerdet. Framlegget vart vedteke med 6 røyster ( mot Hauge-Ap, Bognøy-Ap og Svendsen-Sv) Vedtak i Plan- og miljøutvalet Kommunedelplan for Lindåsneset med Mongstad ( ) planforslag med vedlegg, vert med heimel i plan- og bygningslova 11-14, lagt ut til høyring og offentleg ettersyn. 4. Akseptkriteria for risiko vert godkjende slik som dei framgår i risiko- og sårbaranlaysen (ROS), Område MM i innspill 7 på gbnr 123/2 tas inn i plan. 6. Området RR i planframlegg kommunedelplan Lindåsneset med Mongstad må innehalda parkeringsareal for å åpne badeplassen for bruk av ålmenta. 7. Flytte linje for funksjonell strandsone til å følge linjen som foreslått i arealanalyse s 33 for strandlinjen fra området MM til reguleringsplan for Utgjerdet. Andre gongs handsaming Planprosessen I høyringsperioden vart det arrangert folkemøte på Lindås ungdomsskule. På møtet vart planforslaget presentert og innbyggjarane kom med spørsmål og la fram sine synspunkt. Sakshandsamar har og vore tilgjengeleg med ope kontor ein dag i veka og elles etter behov i høyringsperioden. Styringsgruppa (plan- og miljøutvalet) har hatt to møte etter høyringa med gjennomgang av merknader og forslag til endringar i planen. Administrativt har det vore møte i arbeidsgruppa, og dialog med andre fagområde i kommunen, samt med fylkesmannen. Endringar i planen etter høyringa Føresegnene Kommunedelplanen er ein av dei første i fylket som vert utarbeidd etter ny plan- og bygningslov. Ein kan rekne med at denne planen vert brukt som eit døme for andre planarbeid framover. Fylkesmannen har i sin høyringsuttale difor gått grundig inn i det planjuridiske og komme med mange råd om kva heimel som vert brukt i føresegnene. Dette har liten betyding for innhaldet i planen, men gjer at føresegnene vert juridisk haldbare. I LNF-område der spreidd bustad- eller fritidsbustadbygging er tillate, kan det ikkje byggjast på dyrka mark. Dette går fram av føresegn 6.8 og I tillegg ønskjer landbruksavdelinga hjå fylkesmannen at det vert tatt med at avstand til driftsbygning i tradisjonell drift må vere minst 100 meter og at bygging ikkje må føre til auka trafikk gjennom gardstun. Dette er no teke med i føresegn 6.8 og Alle endringar som er gjort i føresegnene etter høyringa er merka med gult i speilet som ligg ved.

8 SF-1 LNF-område med spreidd fritidsbustadbygging på Keilegavlen. Fylkesmannen har motsegn grunna strandsona. Området bør trekkast opp frå strandsona og avgrensast ved vegen, dette fører til at arealet på i alt 27 daa vert redusert med 1,5 daa. Området slik det så ligg vil for det meste bestå av dyrka mark eller beite, men unntak av nokre frådelte, ubebygde tomtar. Ettersom den dyrka marka ikkje kan byggjast ut, grunna føresegnene, er det lite hensiktsmessig at området omfattar så mykje dyrka mark. Arealet bør difor avgrensast noko. Nytt forslag til areal er 17,5 daa, sjå kartvedlegg. I tillegg har vi fått merknad (p-7) frå Hans Keilegavlen, som ønskjer fleire hytter i området. Ei utviding her vil vere i konflikt med landbruksverdiar, og lar seg difor ikkje gjere. Avgrensing mellom NA-2 og FB-1 ved Keilesundet Fylkesmannen har motsegn fordi det ikkje kan lesast av kartet at desse to områda er avgrensa mot kvarandre. Naustområdet NA-2 skal visast som KpBestemmelsesOmråde. Produktspesifikasjonen for denne arealtypen er ikkje klar frå SOSI-sekretariatet enno, men når den kjem på plass vil avgrensinga verte tydeleg i kartet. B-2 bustadområde på Risa Fylkesmannen har motsegn grunna landbruksomsyn. Konsekvensutgreiinga (KU) for dette området (området MM i KU) viser seg å ha fleire feil i høyringsutkastet. Desse er no retta opp og ligg ved. Arealet for MM var oppgitt til å vere 100 da, men er berre 38 daa. Markslaget er oppgitt feil, det er noko dyrka mark og beite i område, men ikkje lynghei, området ligg altså for det meste på innmark. På grunnlag av dei nye opplysningane i KU så kan det frå landbruksavdelinga vere aktuelt å trekkje motsegna på område B-2. Ein føresetnad for at motsegna skal kunne trekkast er at gardstunet som ligg innanfor området framleis vert liggande att som LNF-område, eller at det vert sett som krav til reguleringsplanen for området at gardstunet med høveleg areal rundt vert regulert til landbruk. Det verkar mest hensiktsmessig på grunn av tunet sin plassering i planområdet at tunet vert regulert som landbruksområde i reguleringsplan. Føresegnene er endra (punkt 4.22), slik at dette vert i vareteke. I tillegg har Harald Risa (p-8) ønskje om at eit lite område vert sett av til bustader, dette ligg i tilknyting til B-2. Arealet ligg mellom B-2 og veg mot aust. Arealet er ikkje dyrka mark eller beite. Det er ein gammal driftsbygning i området, men denne skal vere til nedfalls og har ingen landbruksmessig funksjon i dag. Det er også noko spreidd utbygging langs vegen. Det vil vere hensiktsmessig å innlemme denne i byggjeområdet, særleg med tanke på at det ikkje kan utførast mindre tiltak på bebygd eigedom i LNF utan dispensasjon. Dersom B-2 omfattar tilliggande eksisterande bustader vil vidare planlegging av området verte meir heilskapleg. Administrasjonen foreslår på dette grunnlaget at arealet vert innlemma i B-2. B-2 vert etter dette 64 daa. Sjå kartvedlegg. Område C i KU (ligg i planen som næring N-4) I området N-4 som er sett av til næring ligg det i dag ein skytebane. Denne vart ved ein feil ikkje teke med i KU for området. KU er no endra ved at skytebanen er nemnd, sjå vedlegg. Konklusjonen om å setje av området N-4 til næring vert likevel ikkje endra. SB-3 LNF-område med spreidd bustadbygging i Knarvik (nord) I gjeldande kommuneplan ligg det eit område for spreidd bustadbygging som er mykje større enn det SB-3 er. Planforslaget legg altså opp til å redusere området for spreidd utbygging. Vi har fått to merknader til dette frå grunneigarar i området. Helge Rambjør ønskjer å utvide området slik at det også vert høve til spreidd bustadbygging på hans eigedom. Ove og Odd Knarvik ønskjer å endre avgrensinga då dei nyttar noko av arealet til beite. Dei vil ha utvida arealet til vestsida av vegen. Dette er lite aktuelt, då det er stor høgdeforskjell, og ein må inn med ny vegtilkomst til dette området. Dette området ligg heller ikkje inne i gjeldande kommuneplan. Administrasjonen har foreslått ei ny avgrensing av SB-3, slik at det omfattar noko areal på naboeigedomen, og at noko beiteareal går ut, sjå kartvedlegg. Talet på bustader i planperioden var sett til 3 og vert ikkje endra. NA-1 naustområde vest på Keilen

9 Dette arealet låg som næring i gjeldande kommuneplan, men var lagt ut til naust i høyringsforslaget. Eigar av arealet er imot dette og viser til at han vil halde fram med næring her. Han driv med lagring av fritidsbåtar og planlegg å utvide verksemda til også vedlikehald og reperasjon av fritidsbåtar. Administrasjonen foreslår difor at det vert lagt eit kombinert føremål (naust/næring) på dette området, slik at grunneigar si verksemd vil vere i samsvar med føremålet samstundes som det vert opna for naust. Ein framtidig reguleringsplan vil kunne avklare desse tilhøva. Parkbelte i industriområde I den gamle kommunedelplanen ligg det eit såkalla parkbelte i industriområde mellom området til Statoil og Mongstad vekst. Området er vist som anna areal med ein lilla/grøn skravur. Parkbeltet ligg omkring plangrensa mellom reguleringsplan Mongstad industriområde nordre del (Statoil) og Mongstad industriområde, delar av (Mongstad vekst). I Statoil - planen er området vist som spesialområde, parkbelte i industriområde. Dette var eit eige føremål etter den gamle plan- og bygningslova 25 nr 6. I Mongstad vekst-planen ligg den som kombinert føremål parkbelte og industri. Området vert i dag nytta til mellom anna massedeponi og ligg som ein buffer mellom Statoil si verksemd og Mongstad vekst-området, dette er begge deler i samsvar med føresegnene til reguleringsplanane. I høyringsframlegget til ny kommunedelplan er området vist som LNF-område. Dette samsvarar dårleg med dagens bruk og gjeldande reguleringsplanar. Etter den nye plan- og bygningslova er det ikkje mogleg å kombinere LNF og næringsføremål, slik som det var gjort i den gamle planen. Spesialområde i den gamle lova, som formuleringa parkbelte i industriområde stammar frå, er utgått i ny lov. Administrasjonen har i staden sett på om det er aktuelle arealføremål i ny pbl 11-7 nr 1 som kan nyttast. Det er eit underføremål som heiter andre typar anlegg, som vert vist med oransje farge. Dette føremålet vert føreslått nytta og gitt nemninga A-1, samstundes som det vert knytt føresegner til. Ny føresegn 4.21: A-1, omfattar eit areal mellom to ulike næringsverksemder. Arealet kan nyttast til massetak, massedeponi, særlege konstruksjonar og tekniske installasjonar som er naudsynt for industriområdet, og som ikkje kan plasserast i anna byggjeområde. Etter bruk skal massetak og massedeponi få ei fullgod terrengmessig handsaming. ~x~x~ Det har komme mange merknader til planforslaget som ikkje er foreslått tatt til følgje. Fleire av desse er gjentaking av det som kom inn som innspel til planarbeidet, men som ikkje er teke med i planen. Vurderinga av desse innspela er å finne i konsekvensutgreiinga og dette er ikkje teke opp att no. Dei fleste merknadene som har nye moment er kommentert under. Elles er alle merknadene oppsummert i vedlegg. NVE/BKK meiner at kommunen må vise omsøkte trasear for 420 kv Mongstad-Kollsnes i plankartet. Kommunen meiner at trasear som ikkje har fått konsesjon ikkje skal visast i plankartet, og har fått støtte for dette synspunktet frå juridisk hald hjå Fylkesmannen i Hordaland. N-3 næringsområde på Hope Både Mongstad vekst og Kjetil Areklett har ønska at dette arealet vert utvida. Ei utviding her vil få negative konsekvensar for lokalsamfunn og landskapsverdiar, og vert ikkje tilrådd. Det er elles sett av rikeleg med næringsområde i planen. Krav til rekkefølgje i utbygginga, 70% (føresegn 4.5 og 4.6) Både Mongstad vekst og Nordhordland handverk- og industrilag meiner at føresegna om 70 % utbygging av næringsområda før neste kan byggjast ut, må takast vekk. Dette er frå kommunen sitt synspunkt eit viktig styringsverktøy for arealbruken i området og vert tilrådd oppretthalde. Føresegna er presisert til å gjelde igangsettingsløyve, slik at den vert lettare å handheve. I føresegn 4.7 går det fram at arealkrevjande industri likevel kan byggjast på nytt område, dersom det ikkje er plass for det i påbegynte område. Dette opnar for ein viss fleksibilitet samstundes som føresegna om 70 % utbygging vil føre til god arealutnytting. SBH-1 småbåthamn vest på Keilen

10 Keilen vel meiner at området som er sett av til småbåthamn er lite eigna til dette, og at heller andre område som dei har foreslått bør setjast av til småbåthamn. Dei andre områda som er foreslått er konfliktfulle og vart difor ikkje tatt med i høyringa. Administrasjonen meiner at spørsmålet om korleis SBH-1 er eigna kan utgreiast nærare i reguleringsplan og tilrår at området ikkje vert endra. N-6 næringsområde Hope-Risa Fleire lag, organisasjonar og privatpersonar ønskjer at N-6 vert teke ut av planen eller redusert. Dette er i hovudsak grunngjeve med at arealet er ein viktig jordressurs som har potensiale for oppdyrking. N-6 er ikkje endra etter høyringa då dette vil stride med eit av hovudmåla i planen som er å leggje til rette for industri. Området er ikkje oppdyrka i dag. Skytebana på Hope Det frivillige skyttervesen og Lindåsneset skyttarlag er sterkt i mot at område for skytebanen vert lagt ut til næring. I ei avveging av samfunninteresser vil i dette tilfellet omsynet til industriføremål vege tyngre enn omsynet til skytebana. Området er difor ikkje endra etter høyringa. Konklusjon Framlegg til kommunedelplan for Lindåsneset med Mongstad er foreslått endra på fleire punkt etter høyringa. Endringane er gjort for å imøtekomme merknader i høyringa som ikkje strid mot hovudmåla i planen. Plankartet vil verte oppdatert på grunnlag av vedtaket som vert gjort av planog miljøutvalet. På dette grunnlaget vil fylkesmannen kunne trekke sine motsegner. Når motsegnene formelt er trekte kan planen gå vidare til endeleg godkjenning i kommunestyret. Vurdering: Framlegg til kommunedelplan for Lindåsneset med Mongstad er no klar til slutthandsaming. Endringane i planen etter høyringa er foreslått i samsvar med drøftingar i styringsgruppa og dialog med fylkesmannen etter dette. Administrasjonen rår til at framlegget til endringar kommunedelplanen vert godkjent, slik at fylkesmannen formelt kan trekke sine motsegner. Vidare går saka til kommunestyret. Rådmannen gjer slikt framlegg til vedtak: Framlegg til kommunedelplan Lindåsneset med Mongstad vert godkjent med desse endringane: 1. Justeringar i føresegnene som i vedlegg datert SF-1 vert trekt opp frå strandsona til veg. Areal med dyrka mark og beite vert redusert. 3. Avgrensing mellom NA-2 og FB-1 vil komme på plass ved bruk av oppdaterte teiknereglar. 4. Konsekvensutgreiing (KU) for MM (tilsvarar B2) er endra, føresegnene er endra slik at gardstunet med høveleg areal rundt skal regulerast til landbruk. 5. B-2 vert utvida slik at tilliggande eksisterande bustader vert inkludert. 6. SB-3 vert utvida mot aust og redusert i sør. 7. NA1 vert endra frå naust til kombinert naust/næring. 8. LNF-område mellom reguleringsplanane og vert endra til andre typar anlegg A-1 med tilhøyrande føresegn Handsaming i Plan- og miljøutvalet Framlegg frå T.Svendsen-Sv: Deler av N6 vert teken ut av planframlegget slik at det vert ei buffersone mot Fv 57 naturlig i terrenget. Framlegget fekk 3 røyster og fall (Svendsen- Sv, Vassdal-Sp og Bognøy-Ap) Rådmannen sitt framlegg vart vedteke mot 1 røyst (J.Vassdal-Sp) Vedtak i Plan- og miljøutvalet Rådmannen sitt framlegg er vedteke.

11 Kommunedelplan for Lindåsneset med Mongstad er ein av dei første planane i fylket etter ny plan- og bygningslov, og det har vore behov for ein del planjuridiske avklaringar i løpet av planprosessen. Fylkesmannen peikar i sitt brev der motsegnene vert trekt, på eit par detaljar som står att. Dette er retta opp i kartet og føresegnene som no ligg ved saka. Endringane gjeld ei presisering av føresegnene om naust, og for område NA-1 som etter høyringa vart endra til kombinert føremål naust/næring. Det viser seg at det ikkje er høve til å kombinere hovudføremål på kommuneplannivå. Arealet er difor no sett av til anna byggjeområde (A2), og av føresegnene går det fram at området er tenkt til naust og næring. I praksis har ikkje dette nokon betyding, men det sikrar at planen er juridisk sett gyldig. Vurdering: Med bakgrunn i tidlegare handsaming i plan- og miljøutvalet og brev frå Fylkesmannen , er kommunedelplan for Lindåsneset med Mongstad klar for vedtak i kommunestyret. Administrasjonen viser til saksutgreiinga og vedlagte dokument og rår til at planen vert vedteken slik den no ligg føre. Rådmannen gjer slikt framlegg til vedtak: Med heimel i plan- og bygningslova vert kommundelplan for Lindåsneset med Mongstad, med plankart datert og føresegner datert vedteken. Handsaming i Kommunestyret Framlegg frå A, Valle Sp: Næringsområdet N6 vert å trekkja ut av planen slik at arealet framleis har status som LNF-område. Framlegget fekk 12 røyster og fall. Framlegg frå A. Valle SP: Område FB-1 vert å ta ut av planen som friområde, slik at det framleis har status som LNF-område Framlegget fekk 9 røyster og fall. Kartet vart oppdatert Rådmannen sitt framlegg vert vedteken mot 5 røyster. Vedtak i Kommunestyret Med heimel i plan- og bygningslova vert kommunedelplan for Lindåsneset med Mongstad, med plankart datert og føresegner datert vedteken.

12