DETALJREGULERINGSPLAN FOR KNUTEPUNKTET KOLLTVEIT - FJELL KOMMUNE

Transkript

1 HORDALAND FYLKESKOMMUNE Regionalavdelinga Planseksjonen Arkivsak Arkivnr. 714 Saksh. Bjercke, Sigrid Næsheim, Marit Rødseth, Thorbjørn Aarethun, Per Morten Ekerhovd, Handeland, Heidi Saksgang Møtedato Kultur- og ressursutvalet DETALJREGULERINGSPLAN FOR KNUTEPUNKTET KOLLTVEIT - FJELL KOMMUNE SAMANDRAG Fjell kommune har sendt detaljreguleringsplan for Knutepunktet Kolltveit på høyring. Formålet med planen er å regulere til parkeringsanlegg med kollektivtrafikkterminal og service- og næringsfunksjonar i samband med dette. I tillegg er det lagt til rette for parkering for turgåande. Hovudterminalen for kollektivtrafikk i Sotra og Øygarden er i dag på Straume. Nytt Sotrasamband vil legge nye føringar for kollektivtilbodet. Fylkesrådmannen presiserar at eventuelle kollektivtiltak i knutepunktet på Kolltveit vil vere avhengig av dei fylkeskommunale økonomiske rammene og traseeval for fastlandssambandet. Planarbeidet bør ikkje førast vidare før dette er avklart. Planforslaget er ikkje i tråd med kommuneplanens arealdel, er i strid med fylkesdelplan for etablering av senterstruktur og lokalisering av service og handel og konfliktfylt med omsyn til landskap og friluftsverdiar. Fylkesrådmannen tilrår motsegn til planforslaget av desse omsyna.

2 FORSLAG TIL VEDTAK Kultur- og ressursutvalet fremjar motsegn til planforslaget då lokalisering og storleik er i strid med regionale omsyn til samordna areal og transportplanlegging, i motstrid med intensjonane i - Fylkesdelplan for senterstruktur og lokalisering av service og handel- og er konfliktfylt med omsyn til landskap og friluftsverdiar. Tiltaket må vurderast i kommuneplan og avventa vedtatt plan for Sotrasambandet. Paul M. Nilsen Jan Per Styve Vedlegg: Plankart 2

3 FYLKESRÅDMANNEN, : Bakgrunn Høyring Fjell kommune har sendt detaljreguleringsplan for Knutepunktet på Kolltveit, på høyring tida Hovudføremålet er parkeringsanlegg med kollektivtrafikkterminal, service- og handel. Fylkeskommunen har bede om utsett frist for politisk handsaming av planforslaget. Fjell kommune har gitt ny frist til I fråsegn ved oppstart uttala fylkeskommunen seg skeptisk til planlegging av område i strid med overordna plan. Dersom det er motstrid mellom gjeldande arealpolitikk og innhaldet i planen vart utbyggjar ynskt velkomen til nærare samhandling med fylkeskommunen. Det har vore møte med Hordaland Fylkeskommune v/fylkesordførar. I brev dagsett seier fylkesordføraren at det ikkje er funne grunnlag for fylkeskommunal medverknad til realisering av dei aktuelle planane. Dette må vurderast på nytt i samband med realiseringa av det nye Sotrasambandet og eventuelle endringar i kollektivtransport-tilbodet mellom Sotra og Bergen. Fylkeskommunen har sektoransvar for kollektivtrafikk og planforslaget omfattar fylkesveg. Dersom viktige regionale interesser står på spel kan fylkeskommunen vedta motsegn til planforslaget. Kultur- og ressursutvalet har mynde til å vedta motsegn. Innhaldet i planen Formålet med planen er å regulere til parkeringsanlegg med kollektivtrafikkterminal og service- og næringsfunksjonar i samband med dette. I tillegg er det lagt til rette for parkering for turgåande. Intensjonen er at reisande frå Sund, Fjell og Øygarden skal kunne parkere bilen på knutepunktet og så ta bussen vidare. Samstundes skal brukarar av knutepunktet få servicetilbod som daglegvarehandel og bensinstasjon med vidare. Planområdet Området ligg på austsida av FV 561, like nord for rundkøyringa på Kolltveit. Området er eit naturområde i dag, bortsett frå ein parkeringsplass som tilhøyrar Statens vegvesen og som vert brukt til vegkontroll. Området ligg 4 km frå kommunesenteret på Straume. I sør grensar og til dels overlappar planområdet med Kobbeltveit golf- og naturpark. Planområdet grensar også til bustadområder som har tilkomst frå aust og ligg åtskilt frå det planlagde knutepunktet ved eit høgdedrag. På andre sida av FV561 ligg friluftsområdet rundt Storavatn. Nord for planområdet er utmark som er i aktiv bruk. 3

4 Plansituasjon Området er uregulert. I kommuneplanen sin arealdel er planområdet avsett til landbruk, natur- og friluftsliv. Omlag 7 dekar av planområdet avsett til framtidig parkering. Planforslaget er derfor berre delvis i samsvar med kommuneplanen. Planforslaget ligg tett opp til trase for Sotrasambandet og kan kome i konflikt med dette. Området låg tidlegare innafor areal med mellombelse bygge- og deleforbode, men det vart vedteke fjerna av Fjell kommune i tilknyting til handsaming av sak om knutepunktet. Sørlege del av planområdet er regulert som golfområde i gjeldande reguleringsplan, Planforslaget Hovudføremål i planforslaget er kollektivterminal, parkeringsanlegg og forretning, andre føremål er bensinstasjon, kontor/tenesteyting, vegformål med gatetun, gang - og sykkelveg, med meir. Området er om lag 30 dekar og det er planlagt tilkomst frå fylkesvegen der den eksisterande parkeringsplassen ligg i dag, om lag 160 meter nord for rundkøyringa. 4

5 Vurdering av planforslaget Samordna areal og transport Handel og senterutvikling: Det er utarbeidd ein handelsanalyse for å dokumentera verknader for planlagde handelsetableringar på Kolltveit. Analysen konkluderar med at det ikkje er handelsrelaterte problem og at ny handel samsvarer med det lokale handelsomlandet som vil utvikle seg på Kolltveit dersom den sterke befolkningsveksten held fram i tillegg til eit noko vidare, lokalt handelsomland. Dette står i motstrid til intensjonen planforslaget der det vert vist til at reisande frå Sund, Fjell og Øygarden skal kunne parkere bilen på Knutepunktet og så ta bussen vidare. Analysen er ikkje dekkjande for problemstillinga knytt til det konkrete planforslaget. Analysen tar til dømes berre opp omsyn til næring i lokalområde og vurderar ikkje ringverknader for tettstader og senterområder i opplandet som parker og reis tilbodet skal betene. Planområdet er lokalisert ved fylkesveg tidlegare riksveg. For å tene som eit lokalt senterområde må det vere gode vegsamband mellom senteret og brukarane. Det er ikkje etablerte gangvegar, sykkelvegar eller lokale bilvegar mellom kringliggande bustadområder til det føreslegne knutepunktet. Etablering av anlegg for parker og reis, er tufta på behov for transportbyte for dei som reiser langt, ikkje for det lokale handelsomlandet som handelsanalysen viser til. Nytt handelstilbod vil stå i konkurranse med senterområder og næringsverksemd i eit større omland. I gjeldande kommuneplaner er senterområda definert i Fjell, Sund og Øygarden. Fylkesrådmannen ser ingen planfaglege grunnar til å opne for eit nytt senterområde på Kolltveit. Parkeringsdekninga tilsvarar ein dekning på 40 plassar per 1000 m² detaljhandel og 33 plassar per 1000 m² for forretning/kontor samt friluftsportal. Talet på parkeringsplassar er i tråd med Fjell kommune sin parkeringsnorm når det gjeld handel, men det er ikkje lagt opp til sambruk med parker og reis eller for parkering for turgåare. Fylkesrådmannen er kritisk til omfanget av parkeringsplassar. Eit parker og reis anlegg vil i hovudsak vere behov for i samband med arbeidsreisar. Andre parkeringsplassar vil vere mest nytta i helger og fritid. Skal ein opne for handelstilbod i samband med eit slikt anlegg må det vere for å redusere transportreisar. Det bør difor ikkje leggjast opp til at kundar køyrer til knutepunktet berre for å handla. 5

6 Med varehandel og rikeleg parkeringstilbod langs hovudveg legg planforslaget til rette for auka biltrafikk som har negative konsekvensar ved auka co2 utslepp. Dette er i strid med målsetting i Klimaplan for Hordaland om å redusere utslepp frå mobile kjelder i Hordaland med 20 % i 2020 i høve til 1991.Utslepp frå vegtrafikk i Hordaland skal reduserast med 20 % i 2020 i høve til 1991, og 30 % innan Fylkesrådmannen tilrår motsegn på dette punktet då planforslaget er i strid med - Fylkesdelplan for senterstruktur, og lokalisering av service og handel-. Samferdsel Fylkesrådmannen er i utgangspunktet positiv til at det blir fleire plassar med innfartsparkering for kollektivtrafikken i Bergensområdet men finn grunn til å minne om at innfartsparkering åleine som verkemiddel vil ha avgrensa effekt på trafikkavviklinga. For å få effekt av det aktuelle tiltaket bør fleire verkemiddel enn berre innfartsparkering og kollektivtilbod i knutepunktet spele saman og må derfor handsamast gjennom kommuneplan. Val av trase for nytt fastlandssamband er ikkje fastlagt endå og planframlegget ligg tett opp til areal bandlagt til framtidig vegformål. Planframlegget kan kome i konflikt med planlegging og bygging av nytt fastlandssamband. Plassering av krysset er i planframlegget lagt 160 meter nord for rundkøyringa. Jamfør vegnormalane er dette under minsteavstanda for denne krysstypen og foreslått løysing vil vere trafikkfarleg. Hovudterminalen for kollektivtrafikk i Sotra og Øygarden er på Straume. Samferdselsavdelinga vil når evt. nytt Sotrasamband vert realisert kome attende med detaljering av kva kollektivtilbodet vil vere ved knutepunktet som er under planlegging på Kolltveit. Fylkesrådmannen vil presisere at eventuelle kollektivtiltak vil vere avhengig av dei fylkeskommunale økonomiske rammene. Planforslaget sikrar ikkje gode koplingar til lokalvegnettet for gåande og syklande. Dette bidreg til auka bilkjøyring og har negative konsekvensar for klima og folkehelse. Kulturminne Det er ikkje kjennskap til automatisk freda kulturminne innafor planområdet, men det er to SEFRAK- registrerte kulturminne i tilknyting til planområdet. Det er eit utefjøs som er rive og ligg like aust for planområdet og ein eldre skytebane heilt nord i planområdet. Det er elles steingardar og to stemmer innafor planområdet. Natur og landskap Planområdet ligg vestvendt i opent landskap mot Storavatnet. Området er avskjerma i nordaust av ein bratt åsrygg og er elles lett kupert med vekslande bergknausar i dagen og myrlendt terreng. Vegetasjonen i området består av lauvskog og lynghei med blåbærlyng og røsslyng. I tillegg finn ein vassliljer og staudar på lune stader. Det renn to bekkar gjennom planområdet. Like nord for planlagt knutepunkt, finn ein nasjonalt og regionalt viktige naturtypar. Planforslaget viser parkeringsanlegg i tre høgder. Næringsbygga vil også utgjere store volum i tillegg er det lagt opp til store asfalterte flater som vil stå i kontrast til terrenget ikring. Fylkesrådmannen er sterkt kritisk til etablering av urbane strukturar som vil virke framand i dette området med høg verdi som natur og landskap og tilrår motsegn til dette punktet. 6

7 Friluftsliv I vest grenser planområdet til Kolltveitmarka og Storavatnet, som er populære friluftsområde. Tilkomst til dette området er via to undergangar under FV 561. Området vert mykje brukt av lokalbefolkninga og på grunn av mangel på parkering føregår parkering ofte langs riksvegen. Det går ein tursti tvers gjennom planområdet i dag. Fylkesrådmannen er positiv til etablering av betre parkeringstilhøve for turgåare, men meinar at dette kan løysast med langt mindre inngrep i landskapet enn det planforslaget legg opp til. Fjernverknad av dei store bygga og overflateparkering, vil virke dominerande i landskapet og svekka naturopplevinga i dette viktige turområdet. Fylkesrådmannen tilrår motsegn grunna friluftsliv. Prosess Planskildringa konkluderer med at planframlegget ikkje utløyser krav om konsekvensutgreiing fordi det vert lagt opp til mindre enn 3000 m² areal til forretning. Det er ikkje gjort ei ny vurdering opp mot ny plan og bygningslov. Jamfør denne utløyser planforslaget krav om konsekvensutredning då det er eit vesentleg avvik frå kommuneplanens arealdel i 12-3 private planforslag må innholdsmessig følge opp hovedtrekk og rammer i kommuneplanens arealdel Ved vesentlig avvik gjelder kravene i 4-2 andre ledd.. Det må derfor utarbeidast ei konsekvensutgreiing som ivaretek utgreiing på kommuneplannivå. Viktige tema vil vere omsyn til areal og transport, senterstruktur og handel, trafikk, landskap og friluftsliv. Oppsummering I kommuneplaner for Fjell, Sund og Øygarden er senterområda definerte. Planforslaget dokumenterar ikkje planfaglege grunnar for å opne for eit nytt senterområde på Kolltveit. Etablering av knutepunktet vil vere i strid med - Fylkesdelplan for senterstruktur, og lokalisering av service og handel -. 7

8 Planarbeid for Sotrasambandet er ikkje avslutta. Traseeval for nytt fastlandssamband vil leggje premissar for rutetilbod og lokalisering av kollektiv-terminalar. Lokalisering av anlegg for parker og reis må vurderast i overordna plan. Med varehandel og rikeleg parkeringstilbod langs hovudveg legg planforslaget til rette for auka biltrafikk som har negative konsekvensar ved auka co2 utslepp. Dette er i strid med Klimaplan for Hordaland. Forslaget til detaljregulering er ikkje i samsvar med kommuneplanens arealdel der området er sett av til landbruk, natur og friluftsområd, og planforslaget har negative konsekvensar for landskap og friluftsliv. Planmaterialet er ufullstendig då det manglar konsekvensutredning. 8