RALLARVEGRÅD - UTNEMNING AV REPRESENTANT

Transkript

1 HORDALAND FYLKESKOMMUNE Regionalavdelinga Planseksjonen Arkivsak Arkivnr. 715 Saksh. Hage, Torild Saksgang Kultur- og ressursutvalet Fylkesutvalet Møtedato RALLARVEGRÅD - UTNEMNING AV REPRESENTANT SAMANDRAG Rallarvegen er anleggsvegen over høgfjellet bygd i samband med framføring av Bergensbanen for meir enn 100 år sidan. Jernbaneverket eig og driftar vegen. Rallarvegen er landets mest populære sykkelveg i fjellet og vert nytta av syklistar i sommarsesongen. Vegen er viktig for reiselivsnæringa og næringsdrivande i området, men det er og andre brukarinteresser knytte til vegen. Etter initiativ frå Ulvik herad i 2010 har ei arbeidsgruppe lagt fram ein handlingsplan med sikte på å få til ei heilskapeleg og føreseieleg forvaltning av Rallarvegen. Planen peikar mellom anna på trongen for eit meir permanent samarbeid om Rallarvegen mellom offentlege og private partar. Eit fast møtepunkt der sentrale aktørar møtast, vil vere eit gode. Eit Rallarvegråd som møtast to gonger i året kan vere svaret på dette. Det er utarbeidd skisse til mandat som er lagt ved saka. I fylkesbudsjettet for 2011 vart det løyvd kr ,- til Rallarvegen. Fordeling av midlar vart teke opp i sak til Fylkesutvalet 20.06/ I samband med budsjetthandsaminga var Fylkesutvalet positiv til at det vert skipa eit Rallarvegråd. Fylkesrådmannen ber fylkesutvalet oppnemne ein representant samt varamedlem til Rallarvegrådet. FORSLAG TIL INNSTILLING 1 Fylkesutvalet er positiv til at det blir etablert eit Rallarvegråd for å samordne ulike interesser i og omkring Rallarvegen. 2 Fylkesutvalet er positiv til at Hordaland fylkeskommune tek på seg sekretariatsansvaret i Rallarvegrådet.

2 3 Fylkesutvalet oppnemner fylgjande som medlem og varamedlem av Rallarvegrådet. Medlem.. Varamedlem.. Paul M. Nilsen Fylkesrådmann Jan Per Styve Regionaldirektør 2

3 FYLKESRÅDMANNEN, : Bakgrunn: Rallarvegen, er den mest populære sykkelvegen i landet. I løpet av sommarsesongen vert vegen nytta av opp mot syklistar. Jernbaneverket eig vegen og set vilkår for bruken, men det er også mange andre aktørar som har eit eigar/ interessetilhøve til vegen. Rallarvegen er eit kulturminne men også eit unikt frilufts- og folkehelsetilbod som har store ringverknader for næringsdrivande i området. Bruken har innverknad på villreinstamma i området og på natugrunnlaget langs vegen. Omfattande bruk i nokre hektiske veker og mange brukarinteresser bidrar til interessemotsetnader. Samla sett gir dette regionale og lokale styres makter store utfordringar. Ulvik herad inviterte i januar 2010 til samling for å drøfte utfordringar knytte til bruken av Rallarvegen. Etter møtet vart det oppretta ei mindre arbeidsgruppe med representantar frå kommunane Ulvik, Aurland og Hol samt sentrale brukarinteresser. Hordaland fylkeskommune har hatt sekretæransvar for utgreiingsarbeidet som resulterte i rapporten; Handlingsplan (strategi) for bruk og drift av Rallarvegen. Arbeidet med handlingsplanen har vist at det er naudsynt med meir permanent samarbeid om Rallarvegen, i første rekke både av omsyn til drift, men og for å bidra til at Rallarvegen står fram som ein av Nord-Europas beste høgfjellsopplevingar i sykkelsamanheng. Hordaland fylkeskommune kan spele ei rolle som pådrivar i dette arbeidet samtidig som dei andre fylkeskommunane, Sogn- og Fjordane og Buskerud, må trekkast med i arbeidet vidare. På oppmoding frå Hordaland fylkesting er Sogn- og Fjordane fylkeskommune bedt om å ta del i opprusting av Rallarvegen I fylkesbudsjettet for 2011 vart det løyvd kr ,- til Rallarvegen. Fordeling av midlar vart teke opp i sak til Fylkesutvalet 20.06/ For å stø opp om eit naudsynt behov, vart midlar avsett til ei prøveordning med servicepatrulje langs Rallarvegen. Næringsaktørane samarbeida om dette tiltaket som dei fekk særs gode erfaringar med i sommar. Eit større informasjonsprosjekt er og under arbeid. I samband med budsjetthandsaminga var Fylkesutvalet positiv til at det vert skipa eit Rallarvegråd. I september i år arrangerte Hordaland fylkeskommune eit større møte der Jernbaneverket, Norsk Jernbanemuseum, Norsk Kulturråd, Ulvik herad og Visitrallavegen(felles organisasjon for reiselivsaktørane) møtte. Det vart semje om å følgje opp samarbeidet mellom anna oppretting av eit Rallarvegråd. Rallarvegråd Mange ulike aktørar arbeider på ulikt vis med Rallarvegen. Ved å sjå nærare på forvaltningsutfordringane, har ein sett kor viktig det vil vere å følgje opp samarbeidet mellom ulike sentrale brukargrupper og etatar som har ansvar knytt til Rallarvegen. Eit fast møtepunkt der sentrale aktørar langs Rallarvegen møtast for å diskutere drift og eventuelle nye utfordringar vil vere eit gode. Føremålet med eit Rallarvegråd er å få til dialog og kunnskapsutveksling mellom dei ulike interessentane. Det vil og vere viktig å sikre dialog for framtida og moglegheiter til å finne løysingar og naudsynte innformasjonstiltak. Rallarvegrådet bør vurdere oppfølging og tiltak for bruk og drift av vegen som servicepatrulje etc. Rådet bør møtast minimum to gonger i året, om våren og om hausten. Rapporten foreslår at ulike brukargrupper er representert i rådet: Jernbaneverket, NSB, Ulvik herad, Hol kommune, Aurland kommune, næringsinteressene, villreininteressene og friluftsinteressene (DNT) med ein representant kvar. Ordførarane har hittil stilt i arbeidsgruppemøta og er innstilt på å vere med vidare i Rallarvegrådet. Voss kommune fell i ein eigen kategori, då den del av Rallarvegen som går gjennom kommunen er kommunal veg. Fylkeskommunane Hordaland, Sogn- og Fjordane og Buskerud bør stille med ein representant kvar. Frå arbeidsgruppa som har utarbeidd Handlingsplan for bruk og drift av Rallarvegen er det ønskjeleg at Hordaland fylkeskommune tek sekretæransvaret. Politiet og SNO bør og bli trekt med i det vidare arbeidet. 3

4 Hordaland fylkeskommune vil ta sekretariatsansvar for Rallarvegrådet. Fylkeskommunen har mange interesser i rådet; som kulturminne, reiseliv, friluftsliv, villrein, jakt og fiske. Det er difor naturlig å ta på seg eit koordineringsansvar. Skisse til mandat for Rallarvegrådet Det er utarbeidd skisse til mandat som er lagt ved saka. Føremål Føremålet med eit Rallarvegråd er å få til dialog og kunnskapsutveksling mellom dei ulike interessentane. Det skal vere ein møteplass for å drøfte felles innsats og satsingar, og ein stad for utveksling av idear og erfaringar. Det skal medverke til synergieffektar på tvers av kommunegrenser og forvaltingsnivå for å sikre berekraftig bruk og drift av Rallarvegen. Oppgåver Rallarvegrådet skal ta opp saker som gjeld Rallarvegen som er av interesse for kommunane og andre involverte aktørar. Det skal ta opp tiltak i forvaltningsarbeidet der politisk initiativ kan medverke til betre måloppnåing og resultat. Rådet vil og vere viktig for å sikre dialog for framtida og moglegheiter til å finne løysingar og naudsynte informasjonstiltak. Samansetting Rallarvegrådet er sett saman av representantar frå desse organa: Jernbaneverket NSB Ulvik herad Hol kommune Aurland kommune næringsinteressene villreininteressene(villreinnemnda) friluftsinteressene(dnt) Hordaland fylkeskommune Sogn og Fjordane fylkeskommune Buskerud fylkeskommune Politiet og SNO bør og bli trekt med i det vidare arbeidet. Andre regionale og interkommunale organ kan bli invitert til å delta fast eller som observatør. Arbeidsform Rallarvegrådet bør vurdere oppfølging og tiltak for bruk og drift av vegen som servicepatrulje etc. Rådet bør møtast minimum to gonger i året, om våren og om hausten. Drift av Rallervagrådet Hordaland fylkeskommune har sekretariat og ansvar for møteinnkalling og referat. Hordaland fylkeskommune dekker utgifter til ordinære møte. Reiseutgifter og andre større utgifter vert dekt av deltakarane. Samandrag Rallarvegen er landets mest populære sykkelveg med opp mot syklistar i ein kort sommar - sesong. Jernbaneverket er eigar og driftar av Rallarvegen. Samstundes er det svært mange andre interessentar knytt til vegen. Vegen er av stor betyding for næringsdrivande i området. Rallarvegråd er foreslått mellom anna på bakgrunn av ei utgreiing utforma av ei arbeidsgruppe som Ulvik herad har teke initiativ til. Dette arbeidet viste at det kan vere naudsynt med meir permanent samarbeid om Rallarvegen. Det er utarbeidd skisse til mandat. Hordaland fylkeskommune bør ha ei 4

5 rolle som koordinator i eit framtidig Rallarvegråd. Fylkesrådmannen ber fylkesutvalet oppnemne ein representant samt varamedlem til Rallarvegrådet. 5