PLANPROGRAM FOR REGULERINGSPLAN FOR FYLKESHUSET, WIGANDGÅRDEN OG TOMT I VESTRE STRØMKAI

Transkript

1 HORDALAND FYLKESKOMMUNE Strategi- og næringsavdelinga Seksjon for kommunesamarbeid Arkivsak Arkivnr. 714 Saksh. Rødseth, Marit, Haavardtun, Helge Saksgang Kultur- og ressursutvalet Fylkesutvalet Møtedato PLANPROGRAM FOR REGULERINGSPLAN FOR FYLKESHUSET, WIGANDGÅRDEN OG TOMT I VESTRE STRØMKAI SAMANDRAG I økonomiplanen for Hordaland fylkeskommune er det orientert om planane for eit nytt tilbygg til fylkeshuset. Tilbygget skal kunna nyttast både til eiga verksemd og til utleige. Fylkesrådmannen har teke initiativ til eit reguleringsplanarbeid for fylkeshuset som, etter ynskje frå Bergen kommune, også omfattar naboeigedomar og fylkeskommunen sin eigedom nord for Bergen maritime vidaregåande skule. Konsulentforma Opus er engasjert for å utarbeida planprogram, Programmet har vore på høyring og er no bearbeidd i samsvar med innspel frå eksterne og internt i fylkeskommunen. Fylkesutvalet kan både gje fråsegn til planprogrammet og gje føringar for det vidare arbeid som tiltakshavar. Eg meiner planprogrammet i hovudsak er tilfredsstillande, men vil understreka behov for vektlegging av byform og bymiljø, kulturmiljø, tilkomst og transport, klima og vurdering av ulike arealføremål opp mot generelle mål for senterutvikling og miljø. Eg vil tilrå at det vert arbeidd vidare med reguleringsplanen med sikte på ferdigstilling i Fylkesutvalet vil få saka attende før det vert aktuelt å fremja reguleringsplanforslag på offentleg høyring. FORSLAG TIL INNSTILLING 1 Fylkesutvalet tilrår at arbeidet med regulering av området Fylkeshuset, Wigandgården og ubebygd tomt ved Vestre Strømkai vert vidareført i samsvar med planprogrammet.

2 2 Fylkesutvalet ber om at det særleg vert lagt vekt på å innarbeida klimaomsyn både i planen og konsekvensutgreiinga. 3 Fylkesutvalet føreset at det vert lagt til rette for god tilgjenge gjennom universell utforming, gangog sykkeltransport og samband til kollektivterminalar. Parkering for privatbil må avgrensast i samsvar med klimamål. 4 Tilbygg til fylkeshuset skal tilføra bymiljøet positive arkitektoniske kvalitetar og bidra til å skapa eit levande og tilgjengeleg område. Det skal leggjast til rette for at fylkeshuset skal ha ei utforming som samsvarar med funksjonen som sentralt knutepunkt for regional forvaltning. 5 Planarbeidet må ta omsyn til området sin kulturhistoriske verdi og einskildelementa som har særleg kulturminneverdi. 6 Fylkesutvalet ber om at forslag til plan vert lagt fram for fylkesutvalet før det vert sendt på offentleg høyring. Paul M. Nilsen Jan Per Styve Vedlegg: Uprenta men knytt til politisk sak på nettet: Forslag planprogram Fylkeshuset, Wigandgården og ubebygd tomt i Vestre Strømkai 2

3 FYLKESRÅDMANNEN, : Bakgrunn I økonomiplanen er det orientert om planane for eit nytt tårn på fylkeshuset nord for dagens høghus. Påbygget skal erstatta dagens leigeareal og det kan vera aktuelt med areal for utleige. Området er uregulert og det må utarbeidast reguleringsplan med konsekvensutgreiing for eit eventuelt nytt bygg. Hordaland fylkeskommune har difor tatt initiativ til oppstart av reguleringsplan for utviding av fylkeshuset. Planarbeidet vil etter ynskjer frå Bergen kommune også omfatta Wigandgården og ubebygd tomt i Vestre Strømkai. Fylkeskommunen eig denne tomta som i dag vert nytta til jernbane og parkering nord for Bergen Maritime vidaregåande skule. Tiltakshavar for planarbeidet er Hordaland fylkeskommune og Wigandgården AS. OPUSas er leigd inn som konsulent for arbeidet. Det er halde oppstartmøte med Bergen kommune. OPUSas har bistått med utarbeiding av forslag til planprogram med konsekvensutgreiing. Planprogrammet har vore på høyring, men fylkeskommunen har ikkje uttalt seg i påvente av ei samla vurdering. Fylkesutvalet skal gje fråsegn til program for konsekvensutgreiing etter innstilling frå kultur- og ressursutvalet. Bergen kommune godkjenner programmet etter høyringa. Fylkesutvalet får seinare planforslag med konsekvensutgreiing til fråsegn før denne vert sendt på høyring. Fylkeskommunen skal i si fråsegn vurdera om programmet er tilfredsstillande for dei regionale og nasjonale interesser som fylkeskommunen skal ivareta. Vi skal også seia frå om planen kan koma i konflikt med desse interessene. Fråsegna bør også gje uttrykk for om det vil vera aktuelt å fremja motsegn til bestemte løysingar eller til delar av planområdet. I denne saka er også fylkesutvalet tiltaksrepresentant og kan gje føringar for arbeidet vidare. 3

4 Når det gjeld kulturminnevurderingane vil fylkeskommunen vurdera å oppnemna ein settefylkeskommune for å ta stilling til kulturminnedelen av planen. Dette er aktuelt når planen er i ein høyringsfase. Planprogrammet består av to hovuddelar Del I Føremål, innhald og rammer Del II Program for konsekvensutgreiing I eit vedlegg til planprogrammet er det gjort greie for høyringsfråsegner og merknader til desse. I det vidare vert dei to delane omtalt og kommentert. Planstatus Området er i hovudsak uregulert. I kommunedelplanen er området senterområde ( S2 og S3). I kommunedelplan for sentrum er arealet avsett til blanda sentrumsføremål: Dette vil sei at både innen enkelte bygningar i kvartaler og i området som helhet legges til rette for blanding av funksjoner; handel, service, kontor, boliger etc. Hovudprinsippet for funksjonsblanding er publikumsrettede virksomheter på gateplan, kontorarbeidsplasser i mellometasjene og boliger i de øverste etasjene. Bergen kommune har i forslag til ny kommuneplan lagt føringar også for byggehøyder, kvartaler og parkering. Del I Føremål, innhald og rammeverk Føremålet med planarbeidet er å regulera til næring, kontor, bustad, hotell, forretning, undervisning, parkering og eventuelt skule eller kontor på ubebygd tomt. Det vert vurdert ulike alternativ innafor desse føremåla utan at dette er klårt fastsett. 4

5 Det skal regulerast for påbygg av både nordre del av fylkeshuset og Wigandgården. Utbygginga av fylkeshuset vert på 6000 kvm, medan planlagt bygg på Wigandgården er berekna til kvm. Området er ikkje regulert i dag. Det vert vist til fylkesplanen sine arealmål og spesielt deltaking for alle universell utforming. Av nasjonale mål vert det vist til rikspolitiske retningslinjer for samordna areal- og transportplanlegging og barn og unges interesser. Nasjonale miljømål for arealpolitikken vert også trekt fram. Det er vist til utfordringar som skal belysast i planarbeidet. Organisering og medverknad er kort omtalt. Det er lagt fram ein framdriftsplan som føreset slutthandsaming i Merknader: Byform, bymiljø og byggjehøgder I fylkesplanen er tettstad og senterutvikling eit prioritert satsingsområde. Fylkeskommunen kan med sine eigne bygningar og tenester også bidra til senterutvikling i tråd med desse måla. Fylkeshuset har alt i dag ei gunstig lokalisering sett i forhold til samordna areal- og transportplanlegging og nærleik til regionale kollektivknutepunkt. Utviding av fylkeshuset kan bidra til å styrka fylkessenterfunksjonen ytterlegare gjennom utforming av sjølve bygget. Fylkeshuset ligg på grensa mellom vedtekne soner for byggehøgder der det mot sør kan byggjast høghus, men mot nord lågare hus. Planarbeidt må avklara korleis påbygg kan bidra positivt til byform gjennom god tilpasning til reglane for forming. Det bør leggjast til rette for høg arkitektonisk standard. Fylkeshuset er ein møteplass og eit symbol for regional forvaltning i Hordaland. Det er ynskjeleg at dette kjem til uttrykk i bygningsform og tilrettelegging av tilgjenge til funksjonane i huset. Målsetjinga i kommuneplanen om publikumsretta funksjonar i første etasje bør leggjast til grunn. Reguleringsføremål Planarbeidet opnar for ulike planføremål. Støy og mangel på friområde i nærleiken kan begrensa kva føremål som er aktuelt. Særleg føremål som bustad, skule og undervisning kan vera krevjande. Men prinsippet om funksjonsblanding der ein sikrar at området vert nytta også på kveldstid er positivt og bør leggjast til grunn. Dette kan bety bustader, servering, undervisning og andre føremål. Området ved Bergen maritime skule er i praksis så nært eit trafikkert kryss at det ikkje er eigna som friområde for rekreasjon slik det pr. i dag er lagt opp til. Høgare utnytting av dette området til bygningar kan vera eit betre alternativ. Kulturminne og kulturmiljø Planområdet er del av eit kulturmiljø som omfattar industriaksen på Nedre Nygård anlagt kring 1850 og utover på tidleg 1900-tal. Innafor planområdet er det særleg Wigandgården som merkar seg ut som interessant kulturminne. I nærleiken er det særleg Aasegården og St. Jakobs kyrkje som er interessant. Planlegginga må ta omsyn til både einskildobjekt og kulturmiljø og historia i området. Dette kan vera både som ressurs i planområdet og noko som må tas omsyn til ved val av alternativ. Tilkomst/transport Fylkeshuset skal vera lett tilgjengeleg for ulike grupper. Reguleringsplanen må difor leggja til rette for universell utforming av bygningar og område. Det er vidare eit ynskje om å leggja til rette for gangog sykkeltransport til bygningane inkludert sykkelparkering og samanhangande gangsvegsystem gjennom området. Fylkeskommunen har også eit spesielt ansvar for å leggja til rette for kollektivtransport. Sambandet mellom kollektivterminalar og bygningane må difor vektleggjast. Det vil likevel vera aktuelt å leggja til rette for biltransport for på- og av-stiging, korttidsparkering både for arbeidsreiser og for korte besøk samt varelevering. Langtids arbeidsplassparekring er ikkje ynskjeleg i område med god kollektivdekning. Dette bør likevel vurderast som eit aktuelt tiltak for integrerande arbeidsliv. 5

6 Klima og energi Hordaland fylkeskommune har sett i gong eit arbeid med ein klimaplan. Det er difor viktig at eigne nybygg er i font når det gjeld å ta omsyn til klimautfordringar. Dette kan omfatta både å unngå klimautslepp og å tilpassa bygningane til endra klima. Planarbeidet må ta høgde for klimamåla og gjera reguleringsplanen til ein modell for slike omsyn til planarbeidet. Transport vil her vera sentralt, men også andre forhold som energi, arealutnytting og materialar kan vera aktuelle. Del II Program for konsekvensutgreiing Konsekvensutgreiinga gjer greie for antatte verknader i planområdet, i nærområdet og for byen som heilskap. Hovudpunkta i utgreiinga består av: Landskap, bystruktur, byform og byliv Kulturminne og kulturmiljø Trafikk og parkering Risiko og sårbarheit Næringsliv og sysselsetjing Helsekonsekvensar Merknader: Program for konsekvensutgreiing er stort sett dekkjande for relevante verknader. Eg vil også her peika på klima som eit viktig tema både i utfordringar for planarbeidet og i konsekvensutgreiinga. Dette bør koma tydelegare fram. Oppsummering I økonomiplanen for Hordaland fylkeskommune er det orientert om planane for eit nytt tilbygg til fylkeshuset. Fylkesrådmannen har teke initiativ til eit reguleringsplanarbeid for fylkeshuset som etter ynskje frå Bergen kommune også omfattar naboeigedomar og fylkeskomunen sin eigedom nord for Bergen maritime vidaregåande skule. Konsulentforma Opus er engasjert for å utarbeida planprogram, Programmet har vore på høyring og er no bearbeidd i samsvar med innspel frå ekstert og internt i fylkeskommunen. Fylkesutvalet skal både gje fråsegn til planprogrammet og gje føringar for det vidare arbeid som tiltakshavar. Eg meiner planprogrammet er tilfredsstillande men vil understreka behov for vektlegging av byform og bymiljø, kulturmiljø, tilkomst og transport, klima og vurdeing av ulike arealføremål opp mot generelle mål for senterutvikling og miljø. Eg vil tilrå at det vert arbeidd vidare med reguleringsplanen med sikte på ferdigstilling i Fylkesutvalet vil få plansaka til handsaming før den vert sendt på offentleg høyring. 6