BJÅNES KOMMUNEDELPLAN FØRESEGN OG RETNINGSLINER. Os kommune. Generelle føresegn og retningsliner

Transkript

1 BJÅNES KOMMUNEDELPLAN FØRESEGN OG RETNINGSLINER Revidert og sist oppdatert: Os kommune Med heimel i Plan- og bygningslova (Pbl) 11-8 til vert det fastsett føresegn til kommunedelplanen. Juridisk bindande føresegn står i kursiv. Øvrig tekst, vist i vanlig tekst, er retningsliner. Tiltak som ikkje er i samsvar med dei juridisk bindande føresegna i kursiv må handsamast som dispensasjon eller plansak. Retningslinene er rettleiande for kommunen si sakshandsaming og kan ikkje brukast som sjølvstendig grunngjeving for vedtak. Generelle føresegn og retningsliner 1. Plankrav 2. Utbyggingsavtalar 3. Estetikk 4. Fareområde for masseutglidningar 5. Avgrensing av utbyggingsområde 6. Forbodsgrense mot vassdrag 7. Krav til leike- og uteopphaldsareal 8. Parkering 9. Universell utforming 10. Handtering av vatn, avlaup og overvatn Geografiske føresegn og retningsliner 11. Bygg- og anleggsområde - Generelle bygg- og anleggsområde (BA) - Bustadområde (B) - Tenesteområde (T) - Kombinert byggje- og anleggsføremål 12. Samferdselsanlegg og teknisk infrastruktur 13. Grønstruktur 14. Landbruk-, natur- og friluftsområde 15. Bruk og vern av sjø og vassdrag 16. Samferdsle 17. Omsynssonar Rekkjefølgekrav 18. Generelle krav før bygg og anlegg kan takast i bruk 19. Gang-/ sykkelveg Hatvikvegen 20. Tiltak på vegnettet 21. Støytiltak 22. Strandvegen 23. Teknisk infrastruktur tilbakeføring til LNF-område. 24. Småbåthamn SBH2 Bjånes kommunedelplan, føresegn og retningslinjer, s. 1/10

2 Generelle føresegner og retningsliner 1. Plankrav (jfr. Pbl 11-9 nr. 1) I utbyggingsområde, avsett til bygg- og anleggsføremål, hamneareal, småbåthamn, og samlevegar innanfor planområdet (pbl 11-7 nr 1, 2 og 6), kan det ikkje setjast i verk tiltak som nemnt i PBL 20-1 før det er utarbeida reguleringsplan for området etter reglane i 12-3, om detaljregulering. Det skal utarbeidast områdeplan for Fv 552 Hatvikvegen som viser utforming av vegsystemet. Innanfor føremålet grøntstruktur er det krav om reguleringsplan for område som enten skal opparbeidast til offentleg areal eller fellesareal for eitt eller fleire bustadfelt på Bjånes. Reguleringsplan for småbåthamn i fjellhall skal utarbeidast etter forskrift om konsekvensutgreiingar. Undersøkingsplikta etter 9 i kulturminnelova skal oppfyllast på reguleringsplannivå. Dette gjeld også i sjø. Tiltak i sjø, som brygge, utlegg av leidningar, utfyllingar m.m. krev særskilt løyve etter havne- og farvannslova 27. Unntak frå plankrav: Bygging av turvegar eller fysiske tiltak for å fremja friluftslivet kan utførast på grunnlag av godkjent byggesøknad innanfor område vist som omsynssone friluftsliv og LNF-område. Mindre utbyggingstiltak som omtalt i SAK på bygd bustadeigedom krev ikkje ytterlegare plan, der høve til transportnett og lovverk er ivareteke, jf pbl nr 1. Den nye bygnaden må kunne innpassast i og underordne seg eksisterande struktur når det gjeld bygningshøgd, uteareal, volum, grad av utnytting mv. Grensejusteringar, jf matrikkelloven 16, kan tillatast utan ytterlegare arealplanlegging. Det same gjeld arealoverføring på maks 5 % av minste eigedom og maks 500m2 til allereie utbygd bustadeigedom for å legge til rette for mindre utbyggingstiltak. Retningsline: Reguleringsplanleggjing skal følgje prinsippa vist i vedlagt illustrasjonsplan, når det gjeld tilkomstvegar, VA-anlegg og tunvegar og tunplassar for kontakt med turveg- og turstisystemet. 2. Utbyggingsavtalar (jfr. Pbl 11-9 nr 2) Det kan vera aktuelt å inngå utbyggingsavtale mellom utbyggar og kommunen for tiltak nemnde i rekkefølgekrava, i desse føresegnene. Ein ev avtale må vera i samsvar 17.4 i planog bygningslova av Bjånes kommunedelplan, føresegn og retningslinjer, s. 2/10

3 3. Estetikk (jfr. Pbl 11-9 nr 6) Kvart bustadfelt skal ha eit heilskapleg uttrykk, men det kan vere variasjon i uttrykk og form mellom felta. Inngrep i naturen skal avgrensast mest mogleg. Bygg skal utformast og i høgde plasserast slik at dei i størst mogleg grad følgjer terrengforma, tek opp naturlege høgdeskilnader og gjev minst mogleg endring i eksisterande terreng. Terrenghandsaming skal dokumenterast i reguleringsplan med snitt som viser plassering i terreng og inngrepet i terreng før og etter tiltaket. Det skal gjerast greie for visuelle verknader for omgivnadene for tiltak og bygg som: 1. bryt silhuetten frå Moldaneset til Moldaåsen og på Gråberget 2. bygg over 3 etasjar 3. bygg og tiltak som er visuelt eksponert i høve til busetnad eller sårbare miljø. Som del av reguleringsplanen skal det leverast dokumentasjon i form av snitt og illustrasjonar (fotomontasje, perspektivteikning eller 3D modell) som viser fjernverknaden, visuell dominans og skuggeverknad bygningsforma(ne) vil ha på omgivnadene. Ved utbygging skal det takast vare på mest mogleg av eksisterande vegetasjon og vegetasjonslag. Terrenginngrep skal som hovudregel revegeterast med naturleg vegetasjon ved bruk av innblanding av eksisterande vegetasjonsdekke i vekstlaget. Ved lokalisering og utforming av tiltak på det enkelte felt, skal det takast omsyn til naturelement som for eksempel naturleg vegetasjon, kollar, bekkedrag og spesielt stuva eik- og asketre. Særleg viktige stuva eik og asketre skal innmålast i samband med reguleringsplanarbeidet. Retningsline: Ved alle reguleringsplanforslag og byggjeprosjekt skal det gjerast greie for dei gjeldande kvalitetane i området og kva nye bruksmessige og visuelle kvalitetar som prosjektet tilfører omgjevnad. 4. Fareområde for masseutglidingar (jfr. Pbl 11-9 nr 8) Ved utarbeiding av reguleringsplanar og ved søknader om byggjetiltak etter plan- og bygningslova må det dokumenterast tilfredsstillande tryggleik i høve til fare for masseutgliding. Dette gjeld og i nærleiken av område merka med marine strandavsetningar i Temakart lausmasser under kapittel Grunnforhold i planskildringa og gjeld desse delane av utbyggingsområde i plan: Deler av samleveg 1, 2 og 3 Deler av utbyggingsfelt nr B1, B2, BA1 og BA2 5. Avgrensing av utbyggingsområde (jfr. Pbl 11-9 nr 5) Endeleg grense for byggeområde vert fastlagd i reguleringsplan. Avgrensinga vist i plankartet kan justerast for å oppnå ein betre arealarrondering, men ikkje med store avvik frå viste føremålgrenser. Ved slik arealarrondering skal ein søkje å få tilsvarande arealfordeling. Bjånes kommunedelplan, føresegn og retningslinjer, s. 3/10

4 6. Forbodsgrense mot vassdrag (jfr. Pbl 11-11) Forbodsgrensa mot vassdrag er 20 meter, og gjeld langs Lonevassdraget. Unntak kan gjerast for infrastrukturanlegg. Permanente konstruksjonar kan likevel ikkje stå nærare enn 5 meter frå Lonevassdraget. Vassdraget skal tilbakeførast til opphavleg tilstand dersom det må gjennomførast tiltak som krev mellombels inngrep i vassdraget. 7. Krav til leike- og uteopphaldsareal (jfr. Pbl 11-9 nr 5) Uteopphaldsareala skal ha gode solforhold, og som hovudregel skal det ikkje vere brattare enn 1:3. Støynivå må ikkje overstige 55 dba på uteopphaldsareala. Privat uteareal: Alle einebustadar i felt B1, B2, B7 og B8 skal ha minimum 150 m2 privat uteopphaldsareal per bueining. For alle bueiningar i bustadområde B3, B4, B5 og B6 skal minste private uteopphaldsareal vere minst 8 m2. Felles leikeplassar og uteopphaldsareal skal vere hensiktsmessig utforma og lokalisert for ulik bruk for alle grupper. Områda skal opparbeidast for rekreasjon og leik. Dei skal opparbeidast med nødvendig utstyr for leik, spel for barn og unge, sittegrupper, plantingar og liknande. Det må også sikrast tilkomst til områda frå alle bustadane. Minimum 40 % av areal sett av i felt B3, B4, B5 og B6 skal vere fellesområde som skal vere naturområde og ubebygd. Desse områda må også sikrast gangtilkomst frå alle bustadane. Felles uteareal: Ved utarbeiding av reguleringsplanar for bustadområda B3, B4, B5 og B6 gjeld følgjande krav til felles opparbeida leike- og uteopphaldsareal: Sandleikeplass i tunet (tunplass) Det skal settast av minimum 15 m2 per bueining til felles uteopphaldsareal. Det skal etablerast sandlekeplass i tunet for kvar bueining. Felles uteopphaldsareal skal vere teneleg utforma, ha god tilgang frå bustadane og skal plasserast i tunplassane. Kvalitetskrav: Areala plasserast og opparbeidast med sikte på best mulig utnytting av solforhold og lokalklima. Det skal skjermast mot vanlig vindretning og området skal ha sol på minst halvparten av arealet kl. 15 vårjamdøgn. Nærleikeplass. I bustadområda B3, B4, B5 og B6 skal det settast av minimum 1500 m2 felles leikeplass i kvart felt. Leikeplassen kal vere tenleg utforma og vera lett tilgjengelege frå bustadene. Det kan enkelte stader vera aktuelt å dele feltet i to av omsyn til utbyggingstakt mv. Større leikeområde Det skal settast av minimum 6000 m2 felles større leikeområde. Det kan delast i ein offentleg leikeplass på minimum 3000 m2 innanfor felt BA1 eller i område til grønstruktur og minimum 3000 m2 til ei offentleg ballbane, skatebane el. innanfor felt BA1 eller felt BA2. Område skal ha tilgjenge for ålmenta. Bjånes kommunedelplan, føresegn og retningslinjer, s. 4/10

5 8. Parkering (jfr. Pbl 11-9 nr 5) Parkeringsdekning må dokumenterast ved alle søknader om løyve til tiltak etter pbl 20-1 bokstav a, b, d, e, g, j og l. Alle omsøkte tiltak skal ha parkeringsdekning som er i samsvar med parkeringsnorm for Os kommune. Ved bygging av felles parkeringsanlegg i felt B3, B4, B5, B6 og BA1 og BA2, kan krav i parkeringstabellen nedanfor nyttast. Minimumskrav bilplassar Minimumskrav sykkelplassar: Bustad 1,0 plassar / 50 m2 BRA 1) 2) 1,0 plass / 50 m2 Forretning 3,0 plassar / 100 m2 3,0 plassar / 100 m2 Tenestetilbod / barnehage 0,3 plassar / barn Hotell 0,6 plassar / gjesterom Småbåthamn 0,5 plassar / båtplass 3) Smievågen - friområde 20 plassar i BA1 Natur- og kulturpark 30 plassar derav 50 % med UU-utforming Tillegg: 30 plasser i BA1 el BA2 pluss 30 sambruksplasser i BA2 30 plassar 1) 2) 3) Her er det bruksarealet per bygning som skal brukast som grunnlag for utrekning av krav til tal på plassar, ikkje bruksarealet samla på tomta. Dvs at ein ikkje inkluderar parkeringa i bruksarealet mtp denne utrekninga. Ref. rettleiar Grad av utnytting (MD, 2007) Kravet er glidande, det vil seie at til dømes ei leilegheit på 70m2 får eit krav på 1,4 plassar. Gjesteplassar for båt inngår ikkje i grunnlaget for utrekning av parkeringsplassar for båthamn. I reguleringsplan skal det dokumenterast korleis parkeringa vert løyst. Minst 5 % av biloppstillingsplassane skal ha ei utforming som er i tråd med krava stilt i TEK 10 om utforming av biloppstillingsplassar for rørslehemma. 9. Universell utforming (jfr. Pbl 11-9 nr 5) Tunveg/tunplass (mellom parkeringsanlegg og fram til bustad) skal vera universelt utforma. Dette gjeld og for hotellet og deler av stinettet i natur- og kulturparken. Turvegane i sentrale delar av parken, samt opp til høgdepunktet på Moldåsen og ned til sjøen ved Salbuvika, skal tilretteleggast for universell utforming Retningsline: For stisystemet bør det vere universell utforming frå innfallsporten ved felt BA1 til Moldaneset. Dagbåthamna i Ådnavika er tenkt tilrettelagt for universell utforming med tilkomst frå sjøsida. 10. Handtering av vatn, avlaup og overvatn (jfr. Pbl 11-9 nr 3) Retningsline: Bekkedrag i utbyggingsområde bør ikkje leggjast i røyr, men haldast opne. Sjå og rekkjefølgjekrav i føresegna 18. Bjånes kommunedelplan, føresegn og retningslinjer, s. 5/10

6 Geografiske føresegn 11. Bygg- og anleggsområde (jfr. Pbl 11-9 nr 5) Generelle bygge- og anleggsføremål (BA1 og BA2) Innanfor felt BA1 er maks %BRA 3 = 100%. Maks grad av utnytting gjeld for feltet vist i kommunedelplanen. Innanfor felt BA1 vert det tillete bustad, offentleg eller privat tenesteyting (t.d. barnehage, daglegvarehandel som betjener Bjåneshalvøya), kontorverksemd og helserelatert verksemder relatert til utvikling av Bjåneshalvøya etter friluftskonseptet. I området skal det opparbeidast 20 parkeringsplassar som kan nyttast av turgåarar til Moldaneset og Bjåneshalvøya. I felt BA1 skal det byggjast snuplass og haldeplass for buss. Innanfor felt BA2 er maks %BRA = 60%. Maks grad av utnytting gjeld for heile feltet. Området kan nyttast til offentleg eller privat tenesteyting (t.d. skule, sjukeheim, barnehage, frisklivssenter, fleirbrukshall), kontorverksemd, helserelatert verksemder og idrettsføremål som er relatert til utvikling av Bjåneshalvøya etter friluftskonseptet. Parkeringsplassar til natur- og kulturparken i området for grøntstruktur skal etablerast med 30 plassar enten i felt BA1 eller BA2. I tillegg skal 30 parkeringsplassar for offentleg eller privat tenesteyting i felt BA2 fungere som sambruksplassar med natur- og kulturparken. I felt BA1 og BA2 kan bygg førast opp i inntil 5 etasjar. For bygningar over 3 etasjar sjå 3 Estetikk. Retningsline: Reguleringsplanlegging bør følgje prinsippa vist i vedlagt illustrasjonsplan, når det gjeld tilkomstvegar, VA-anlegg, tunvegar og tunplassar for kontakt med stisystemet. Parkeringsplass til området for båttunnel kan etablerast i dette området, det skal visast som del av reguleringsplanen for båthamn i fjell. Bustadområde (merka B på plankartet) Tomteutnytting i alle bustadområda (merka B på plankartet) skal maksimalt vera %BRA = 60%. Maks grad av utnytting gjeld for feltet vist i kommundelplanen. I felt B1 kan bygg førast opp i inntil 2 etasjar. I felt B2 og felt B8 kan bygg førast opp i inntil 3 etasjar. I felt B7 kan det førast opp bygg i inntil 1 etasje med moglegheit for ein underetasje. Bygg skal førast opp innanfor byggegrenser og utan å medføre skade på tilgrensande steingardar og trær. Området skal ha tilkomst frå Bjånesvegen. I felt B3, B4, B5 og B6 kan bygg førast opp i inntil 5 etasjar. For bygningar over 3 etasjar sjå 3 Estetikk. Minimum 20% av bustadane skal leggast til rette for livslaupsstandard. 3 %BRA = Bruksarealet på feltet (inkl parkering) / arealet på feltavgrensinga. Ref. rettleiar Grad av utnytting (MD, 2007) Bjånes kommunedelplan, føresegn og retningslinjer, s. 6/10

7 Det skal gjerast miljøtekniske undersøkingar i samband med detaljregulering av B1 og B2. Dersom det vert utarbeida reguleringsplan for felt B4 før området for resorthotel er regulert, skal reguleringsplanen vise tilkomstveg til området for hotell. Bustadfelt B4: Mot eksisterande bustadar på Bjånes skal det i utforming av bygningstype takast omsyn til bygningsmiljøet og bygningstypologien i eksisterande bustadfelt. Bustadfelt B5: Sjå 17 (omsynssoner) Retningsline: Reguleringsplanlegging skal følgje prinsippa vist i vedlagt illustrasjonsplan, når det gjeld tilkomstvegar, VA-anlegg, tunvegar og tunplassar for kontakt med stisystemet. Tenesteområde (T1) Innanfor T1 skal det byggast barnehage. Maks %BRA = 50%. Det skal gjerast miljøtekniske undersøkingar i samband med detaljreguleringa. Bygg kan førast opp i inntil 2 etasjar. Kombinerte føremål hotell/bustad Innanfor kombinert føremål hotell/bustad skal tomteutnytting maksimalt vera %BRA=100%. Bygg kan førast opp i inntil 5 etasjar. For bygningar over 3 etasjar sjå 3 Estetikk. Det skal takast særleg omsyn til friområdet Smievågen ved utforming av hotellet. Branntryggleik skal vere sikra rundt heile området med tanke på mogleg skogbrann. Veg 12. Samferdselsanlegg og teknisk infrastruktur (jfr. Pbl nr 2) I området skal det byggjast offentleg veg med gang- og sykkelveg. Leidningsanlegg for infrastruktur i grunnen kan leggjast i vegen. Hamn areal på land Hamneområdet kan nyttast til anlegg, bygg og parkering for småbåthamna. Teknisk infrastruktur Området kan nyttast til kloakkreinseanlegg. Anlegget skal skjermast mot friluftsområdet. 13. Grønstruktur (jfr. Pbl nr 3) Grønstruktur (natur- og kulturpark) Innanfor området med føremål grønstruktur skal det etablerast natur- og kulturpark med turvegar og turstiar som skal kunne nyttast av innbyggjarane på Bjåneshalvøya. Område som skal nyttast til bygging av anlegg som skal vera offentlege eller vera fellesareal for bustadområda på Bjåneshalvøya krev reguleringsplan. Andre tiltak som fremjar friluftsliv og tar Bjånes kommunedelplan, føresegn og retningslinjer, s. 7/10

8 omsyn til naturmiljøet og grunneigarintessene i området kan setjast i verk på grunnlag av godkjent byggjeløyve. Det skal utarbeidast ein skjøtselsplan som viser viktige naturtypar, leveområde og artar og som viser ei arealinndeling som vert grunnlag for inndeling i forvaltningsprinsipp og i ansvarsdeling. Turvegtraseer, merka på plankartet, skal sikre fri ferdsel i området. Kalkskogen som ligg sør vest (H560_18) i området skal bevarast. Friområde Friområdet Smievågen skal brukast til friluftsføremål og vere offentleg tilgjengelege. Retningsliner. Innanfor friområdet kan det gjennomførast tiltak for å leggje til rette for auka bruk til friluftsliv. 14. Landbruk-, natur- og friluftsområde (jfr. Pbl nr 4) LNF(R) Innanfor LNF(R)-områda er det berre lov å føre opp bygg eller setje i verk anlegg eller andre tiltak som er naudsynt for næringsdrifta i landbruket, som og omfattar gardstilknytta næringsverksemd, basert på ressursgrunnlaget på garden. Retningsline: Områda langs Loneelva er tenkt som buffersone mellom utbyggingsområda og landbruket. Det bør utarbeidast ein tiltaksplan og skjøtselsplan for dette området som både tek omsyn til at elva skal vera tilgjengeleg som et positivt estetisk element for dei nye innbyggjarane på Bjånes og at det vert definert ei avgrensing for landbruksverksemda med naudsynt inngjerding. Driftsvegane i område avsett til LNF(R) skal fungere for landbruket og i framtida. Dagens Bjånesveg vert gjort om til delparsell av Strandvegen, som vert offentleg turveg. Turvegane skal skiltast og det skal setjast opp informasjonstavler for å styre gangtrafikken til turvegnettet, for å unngå konflikt med landbruket. Ridevegar skal leggjast til landbruksområdet (LNFR). Der byggeområde grensar inn mot landbruksområde, bør naudsynt buffersone settast av innanfor det arealet som er sett av til byggeføremål. Storleiken kan fastsettast i den enkelte reguleringsplan. Retningsline: Departementet si forklaring på landbruk-, natur og friluftsområde (jf pbl nr 4): «gjelder spesielt for strandsonen langs sjøen, og må ses på bakgrunn av det alminnelige forbudet mot bygging i 100 metersbeltet langs sjøen, jf Her framgår at kommunen i arealdelen kan gi nærmere bestemmelser om oppføring av nødvendige bygninger og mindre anlegg, og opplag, for landbruk, reindrift, fiske, akvakultur, og anlegg for sjøverts ferdsel, i 100 metersbeltet. Dette omfatter også miljøvennlige anlegg og innretninger for atkomst, bruk og drift av offentlige friluftslivsområder og naturvernområder, men ikke private brygger. Det er denne bestemmelsen 1 8 fjerde ledd viser til. Rammen for hvilke tiltak som kan avklares og hjemles gjennom slike bestemmelser, er de unntak som til nå har vært angitt i 17 2 tredje ledd nr. 2 i PBL Det legges til grunn at slike bestemmelser ikke skal være til hinder for at det kan foretas ombygging av eksisterende driftsbygninger på gårdstun i strandsonen eller at de gjenoppføres etter brann eller ulykke. Med ferdsel til sjøs siktes det til vanlig transport av folk og varer på sjøen, herunder transport til helårsbolig. Friluftsmessig ferdsel, herunder båttrafikk i Bjånes kommunedelplan, føresegn og retningslinjer, s. 8/10

9 forbindelse med fritidsbolig langs sjøen, faller derimot utenfor. Bestemmelsen åpner altså ikke generelt for bygging av anlegg for fritidsbåter, eller for brygger i tilknytning til fritidsbolig. Større kaianlegg og lignende vil alltid kreve reguleringsplan». 15. Bruk og vern av sjø og vassdrag (jfr. Pbl nr 4) Ferdselsområde i sjø Ferdselsområde i sjø vist i planen er manøvreringsareal for ferja. Småbåthamn - sjøareal I området kan det leggjast til rette for småbåthamn. Det skal gjerast minst mogeleg inngrep i strandsona ved bygging av anlegget for den delen av båthamna som ikkje grensar til hamneareal på land. Småbåthamn i fjell Området kan nyttast til småbåthamn i fjell. I konsekvensutgreiinga for anlegget (planen) må det gjerast greie for verknadene fjellhallen vil ha for areal, bygg og anlegg som ligg over tunnelen. Det gjeld bygningar, anlegg, vegar, vassforsyning (borebrønnar) mm. Friluftsområde / Dagbåthamn - sjøareal Området skal ikkje ha permanente anlegg som medfører varige inngrep i strandsona eller sjøområdet. Det er lov med midlertidig anlegg som flytebrygger og enkelt i land stigningspunkt som legg til rette for at strandområdet vert tilgjengeleg frå sjøsida. Kalkskogen som ligg nord aust for dagbåthamna skal bevarast. 16. Samferdsle (jfr. Pbl 11-10) Det skal gjerast miljøtekniske undersøkingar i samband med detaljregulering av samleveg 1 og den delen av samleveg 2 som går i BA1. I overgangen mellom samleveg 1 og 2 skal det etablerast snuplass og haldeplass for buss. Samleveg 1 skal byggjast som ny hovudtilkomst til Bjånes. Samleveg 3 er ein reserveveg som kan byggjast dersom det i framtida viser seg å vera behov for å avlaste samleveg 1 som tilkomstveg til området. Turveg frå Bjånes retning Moldaneset skal utformast med vegbredde som gjer det mogeleg å få fram brannbil til vestre ende av feltet med hotell/ bustad. Bjånes kommunedelplan, føresegn og retningslinjer, s. 9/10

10 17. Omsynssonar (jfr. Pbl 11-8) H190_1 Sikringssone: I samband med mogleg utbygging av båttunnel vert alle tiltak i grunnen (td borring) forbode i ei sone som vist på plankartet. H730_2 og H730_3 Bandlegging etter lov om kulturminne: Områda i umiddelbar nærleik til freda kulturminne (som vist på plankart) er bandlagt. Retningsliner: H510 - omsyn landbruk, sone nr 11, 12 og 14: I Moldadalen, på Hatvik og Bjånes ligg ein del høgverdi jordbruksjord. Det bør innanfor desse områda utøvast ein forvaltningspraksis der omsynet til landbruksverdiane er tungtvegande. H530 - omsyn friluftsliv, sone nr 19, 20 og 21: Rundt natur- og kulturpark er det sett av eit område der det kan leggast til rette for friluftsliv. Tiltak for å fremje friluftsliv kan setjast i verk på ein slik måte at det vert teke omsyn til naturverdiar og landbruksdrift. Turstiar og turvegar kan opparbeidast for å sikre ferdsel. Der stiar går langs kulturmark, som er beiteområde for husdyr, kan det setjast opp gjerde mellom tursti og beite. H550 - omsyn landskap, sone nr 15, 16 og 17: I byggjeområde B5 er det identifisert to skrentar som er godt synlege frå friluftsområde i sjø og har høg verdi for landskapsrommet. I strandsona vert dei bratte skrentane mot fjorden definert som særeigne og visuelt viktig for landskapsopplevinga frå sjøsida. Desse områda bør forvaltast som område der eksisterande vegetasjon er viktig. H560 omsyn naturmiljø, sone nr 18: I Salbuvika er det identifisert verdifull kalkskog. Denne er merka av på kartet og det bør innanfor dette området utøvast ein forvaltningspraksis der omsynet til naturmiljøet er tungtvegande. H570 omsyn kulturlandskap, sone nr 10 og 13: På Moldegård og Hatvik er det særprega kulturlandskap. Det bør innanfor desse områda utøvast ein forvaltningspraksis der omsynet til kulturlandskapsverdiane er tungtvegande. Rekkjefølgekrav (jfr. Pbl 11-9 nr 4) 18. Generelle krav før bygg og anlegg kan takast i bruk Utbygging skal på førehand godkjennast av kommunal planmynde. Om ein ønskjer å byggje ut deler av eit felt krev det godkjenning frå kommunen. Nye bygg og anlegg kan ikkje takast i bruk før: - Trafikksikker tilkomst for gåande, syklande og køyrande er etablert. Dette inkluderer ferdig opparbeiding og asfaltering av vegar med veglys, fortau, skilting, eventuelle fartsreduserande tiltak og felles parkeringsareal. - At vassforsyningsanlegg, avlaupsanlegg, overvassanlegg er ferdig opparbeidde. Samt at krav til brannvatn, bosshandtering og energiforsyning er sikra etablert og følgjer kommunen sine kvalitetskrav. - Uteopphaldsareal, inkludert leikeareal er ferdig opparbeida. - Samfunnstryggleik er sikra gjennom at: o eventuell forureining i grunn er undersøkt, avdekka og fjerna. o fare for masseutgliding er undersøkt og eventuelle sikringstiltak er gjennomført. Bjånes kommunedelplan, føresegn og retningslinjer, s. 10/10

11 19. Gang- og sykkelveg - Gang- og sykkelveg langsmed FV 552 Hatvikvegen frå Hegglandsdalskrysset til krysset ved Bjånes vest (ved Klyva) inkludert planskilt fotgjengarkryssing av Fv552, skal vere opparbeida seinast før den 1. bustaden er innflyttingsklar (bruksløyve). - Gang- og sykkelveg frå krysset ved Bjånes vest (ved Klyva) til krysset ved Bjånes aust (Steglet) skal vere etablert før Samleveg 3, på strekninga frå felt BA2 til kryss med Hatvikvegen, kan takast i bruk. - Gang- og sykkelveg frå krysset ved Bjånes aust (Steglet) til Hatvik ferjekai skal vere regulert før Samleveg 3, på strekninga frå felt BA2 til kryss med Hatvikvegen, kan takast i bruk. - Bygg i felt B2 kan ikkje få ferdigattest før ny tilkomstveg til Hatvikvegen og gang- og sykkelveg langs Hatvikvegen til Osøyro er ferdig utbygd. 20. Tiltak på vegnettet - Eksisterande kryss ved Bjånes vest kan nyttast slik det ligg i dag ved ubygging av dei første 500 bustadane. - Bygg i felt B2 kan få ferdigattest når gang- og sykkelveg langs Hatvikvegen og ny tilkomstveg er ferdig utbygd. Detaljutforming av ny tilkomstveg for felt B2 og eigedomane gnr 64 bnr 3, 14, 16, 17, 18, 25, 37, 38, 39 og 43, skal avklarast i områdeplan for Hatvikvegen. - Bygg i felt B1 skal ha tilkomstveg frå samleveg 1. - Ved samleveg 3 kan det etablerast parkeringsplass for innfallsport til Bjånesparken (området vist som grøntstruktur i planen) utan at det vert bygd gang- og sykkelveg mellom avkjørsel ved Bjånes vest fram til Samleveg 3, Bjånes aust. 21. Støytiltak Før anleggstart av første område på Bjånes skal det gjennomførast eigne støyvurderingar for å sikre at støynivå for eksisterande bustader langs Hatvikvegen held seg innanfor fastsette grenseverdiar i retningsline T Trafikktelling på Hatvikvegen og Bjånesvegen skal gjennomførast for utrekning av støynivå. Retningslinene T-1442 gjeld og for nybygging innanfor støysonen langs Hatvikvegen. 22. Strandvegen - Eksisterande turvegar og turstiar i området skal heile tida vere open for ålmenn ferdsel. - Strandvegen, unnateke traseen over Moldegård, skal byggjast i samsvar med den viste trasen og skal rustast opp samstundes med opparbeiding av tilstøtande felt. - Strandvegen over Moldegård kan byggjast i samsvar med den viste trasen, når resten av Strandvegtraseen til Osøyro er avklara. 23. Teknisk infrastruktur tilbakeføring til LNF-område. Dersom område IN (teknisk infrastruktur) ikkje vert nytta for lokalt reinseanlegg, så skal arealet gå tilbake som LNF- område. 24. Småbåthamn SBH2 Plassering av ytterlinje for flytebryggjer i SBH2 skal godkjennast av Kystverket på grunnlag av erfaringar frå utbygging av SBH1. Os kommune, Bjånes kommunedelplan, føresegn og retningslinjer, s. 11/10