Planomtale pr Planomtale TIL DETALJPLAN FOR DEL AV FINNØY SMÅBÅTHAMN PÅ FINNØY I SANDØY KOMMUNE

Transkript

1 Planomtale TIL DETALJPLAN FOR DEL AV FINNØY SMÅBÅTHAMN PÅ FINNØY I SANDØY KOMMUNE Side 1 av 18

2 INNHALD: 1 Bakrunn og samandrag 2 2 Tilhøve til andre planar 4 3 Beskrivelse av planområdet 6 4 Vurdering av risiko og sårbarheit 11 5 Beskrivelse av reguleringsføremåla 12 6 Gjennomføring 13 7 Merknader i samband med varsling av planoppstart 14 8 Verknader for miljø og samfunn 16 9 Avsluttande kommentar Vedlegg 18 1 Bakgrunn og samandrag Grunnlag for reguleringa: Området som blir søkt omregulert ligg i sørvestre del av småbåthamna på Finnøya. Grunnlaget for reguleringsendringa er at småbåtlaget ynskjer å bytte om regulert areal til parkering og friområde slik at det blir enklare å nytte hamna. Dette samsvarar også med bruken av områda i dag. Sandøy kommune ynskjer samstundes rette opp vegkrysset mot fylkesvegen. Tiltakshavar: Tiltakshavar for reguleringa er Finnøy Småbåtlag v/ John Andreas Eivindsen. Grunneigarar: Reguleringa omfattar (utanom offentlege vegar) gbnr. 3/40 som er eigd av Vigdis Rønnaug Krogsæter og gbnr. 3/65 som er eigd av Aud Marie Skinlo Orten og Steinar Orten. Småbåtlaget leiger arealet dei nyttar frå desse grunneigarane. Side 2 av 18

3 Planleggaren har ikkje vurdert juridiske tilhøve vedr. desse avtalane. Tilkomst: Det er planlagt å opparbeide tilkomst til parkeringsplassen frå kommunal veg (Kråkhaugvegen) langs sørsida av hamneområdet. Krysset ved fylkesvegen er planlagt retta opp og utvida slik at det blir enkel tilkomst også for store bilar. Planlagt regulering. Regulert parkeringsplass ligg på «feil» side av kanal gjennom området. Brukarane av denne delen av småbåthamna må no bere vegn og anna utstyr over gangbrua i nedre del av kanalen dersom dei parkerer på regulert parkeringsplass. I praksis blir derfor vestsida av kanalen som er regulert til friområde allereie brukt til parkeringsformål. Småbåtlaget ynskjer derfor å omregulere området slik at reguleringsplanen samsvarer med dagens bruk. Kommunen ynskjer samstundes å regulere krysset ved fylkesvegen slik at det kan ombyggast i samsvar med vegnormalane, samt breiddeutvide vegen. Kontakt mot kommunen: Gjeldande reguleringsplan er frå I 2012 søkte småbåtlaget om løyve til oppstart av omregulering av heile hamneområdet men dette vart avslått i F-sak 12/47. No har småbåtlaget på nytt søkt om løyve til å starte omregulering av den vestre delen av hamneområdet. Dette har formannskapet i Sandøy gitt løyve til i møte , sak 15/17. Dette vedtaket og ei skisse som følgde dette vedtaket ligg til grunn for omreguleringa. Framdrift: Finnøy småbåtlag vil truleg starte med opparbeiding av parkeringsplassen så snart reguleringsplanen er godkjent. Planleggar: Planarbeidet vert utført av HA-PLAN AS v/ siv.ing Hallgeir Wuttudal. Varsling av planoppstart: Oppstart av planlegginga er varsla skriftleg til offentlege organ og naboar. Den er også annonsert i Romsdals Budstikke, samt på heimesida til Sandøy kommune. Omsyn til merknader i samband med varsel om planoppstart: Innkomne merknader frå offentlege organ er teke til følgje. Merknadane frå ein grunneigar og ein representant for ein annan grunneigar vedr. leigeavtalen med småbåtlaget er ikkje vurdert i reguleringssamanheng. Slike tvistar må eventuelt avklarast av andre organ. Side 3 av 18

4 2 Tilhøve til andre planar Gjeldande reguleringsplan: Området er regulert. Den sørvestre delen av hamneområdet er planlagt omregulert slik at parkeringsplassen blir flytta frå austsida til vestsida av kanalen. På gjeldande regulering er ikkje denne opne kanalen medteke. Gjeldande regulering i dette området. Side 4 av 18

5 Arealdelen av kommuneplanen: Kommuneplanen samsvarer med gjeldande regulering for området. Utsnitt av arealdelen av kommuneplanen for planområdet. Konklusjon: Ettersom ønska planlegging endrar føremåla innafor planområdet må det gjennomførast ein standard reguleringsprosess med denne endringa. Side 5 av 18

6 3 Beskrivelse av planområdet Planområdet ligg ved småbåthamna på Finnøy i Sandøy kommune. Innafor planområdet ligg køyrevegar, fortau, brygge og friområde. Det er etablert ein kanal i området der det er regulert friområde og ein parkeringsplass. Områda på nordsida av kommunal veg er utfylte eller bearbeidde område. På sørsida er ligg naturområde og eit bustadhus. Frisiktsona på sørsida av kommunal veg ligg som naturområde og er foreslått regulert til friluftsområde. Nokre bilete frå planområdet: Kanalen gjennom området. Side 6 av 18

7 Planomtale pr Gangbrua over kanalen nede ved sjøkanten. Området som er planlagt regulert til parkeringsplass. Side 7 av 18

8 Planomtale pr Utsikt frå planområdet mot hamna. Utsikt nordover langs fylkesveg og fortau. Side 8 av 18

9 Planomtale pr Utsikt mot planområdet frå motsatt side av hamna. Gangareal/ brygger framfor nausta. Side 9 av 18

10 Gangareal/ brygge og naust sett frå anna vinkel. Oversiktsbilde sett mot planlagt parkeringsplass. Side 10 av 18

11 4 Vurdering av risiko og sårbarheit Vi har gått igjennom Sjekkliste for vurdering av risiko og sårbarheit i samfunnsplanlegginga frå Fylkesmannen i Møre og Romsdal, sjå vedlegg. Vi kan ikkje sjå at det finst vesentlege faremoment i området, men har nokre kommentarar til eit par punkt. Sløkkevassforsyning: Heile kommunen lir av ustabilt trykk for sløkkevatn, men dette vil bli retta opp når eit nytt høgdebasseng som er under planlegging blir etablert. Denne planen omfattar ingen bygningar. Uansett ligg det likevel godt til rette for brannsløkking ettersom tilkomsten til hamna er godt køyrbar for brannbil, og det er godt tilgjengeleg med sløkkevatn i hamnebassenget. Verknad av stormflo: Områda for vegar, gangvegar og parkeringsplassar må plasserast på så høgt nivå og elles skjermast slik at ein unngår skader ved stormflo. Side 11 av 18

12 5 Beskrivelse av reguleringsføremåla Forslag til reguleringskart. Vegformål: Den kommunale vegen KV-1 er regulert med vegbreidde inkl. skulder på 5,0 m, og krysset ved fylkesvegen er planlagt utvida slik at den kommunale vegen blir meir tilgjengeleg for større køyretøy. Fylkesvegen er regulert med 4,5 m breidde som er om lag dagens breidde. Fortauet nordover frå krysset er regulert med 3,0 m breidde som er litt breiare enn det er bygt i dag. Side 12 av 18

13 Trebrygga som er oppsett framfor nausta er regulert til gangareal som på gjeldande plan. Gangarealet er forlenga austover langs strandsona til plangrensa slik det også er på gjeldande plan. Parkeringsplassen, P-1, er flytta litt vestover slik at den ikkje blir liggande i kanalen. Det er også mest hensiktsmessig å ha parkeringsplassen på vestsida av kanalen slik at ein slepp å bere fiskeutstyr og anna over gangbrua. Langs vegane er det regulert anna vegareal i ei breidde på 2,0 m som kan nyttast til veggrøfter, lysmaster m.m. Friområde: Dette området er planlagt nytta til sosiale aktivitetar av båtfolket og andre brukarar av området. Området kan beplantast og opparbeidast slik at det blir ein triveleg sosial møteplass. Her kan det leggast til rette for uteopphaldsareal med benkar, grillplass, leikeareal og liknande aktivitetar. Naturområde: Den opparbeidde kanalen er regulert til naturområde. Den skal primært ligge urøyrd, men det kan utførast vedlikehald eller forsterkningar når det vert naudsynt. Grønstruktur: Dette er buffersone langs veg- og parkeringsareal som skal vere planert og tilsådd. Det kan også eventuelt plasserast hekk eller stabbesteinar litt innpå dette området. Friluftsformål: Dette gjeld eit område på sørsida av vegkrysset som ligg innanfor frisiktsona til krysset. Dette området skal ligge som naturområde. Busker og anna som er sikthindrande skal fjernast frå området. 6 Gjennomføring Parkeringsplassen og avkøyrsla til denne vil truleg bli opparbeidd snart etter at planen blir godkjent. Tiltaka på den kommunale vegen og utbetring av krysset må vente på kommunal prioritering av dette arbeidet. 7 Merknader i samband med varsling av oppstart Side 13 av 18

14 1. Brev frå Møre og Romsdal fylkeskommune, datert : Samferdsel. Det synest å vere etablert ein uregulert tilkomst frå kryss fv. 207 x Drågane. Dei forventar at desse tilhøva blir avklart i planarbeidet. Kommentar: Småbåtlaget har lagt ned betongblokker som hindrer direkte køyring til og frå fylkesvegen slik at avkøyrselen blir via kommunal veg før ein kan køyre inn på hamneområdet. Innafor planområdet blir vegar, kryss og avkøyrsler regulert iht. vegnormalane. Barn og unge. Det må framstillast eit arealrekneskap for areal avsett til friområde før og etter reguleringsendring, og vurdere kvaliteten på areala. Reduksjon av totalareal til friområde kan kompenserast med at det blir stilt krav om opparbeiding av friområdet og utstyring med leikeapparat, benkar m.v. Eit alternativ kan vere at det blir medteke eit avsnitt om at det skal utarbeidast detaljregulering for eit friområde i eit nærare angitt anna område. Kommentarar: Dette er omtala i eit punkt nedanfor i kapittel 8 Verknader av planen. 2. Brev frå Fylkesmannen i Møre og Romsdal, datert : Barn og unge. Planen må klargjere om alternativt areal til friområde utgjer fullverdig erstatningsareal. Kommentar: Dette er vurdert nedanfor i kapittel 8 Verknader av planen. Samfunnstryggleik. Det må utførast ei risiko- og sårbarheitsanalyse for planområdet. Kommentar: Dette er utfylt sjekkliste for ROS som følgjer planen. Aktuelle faremoment er kommentert under punkt 4 framføre. 3. Brev frå Statens vegvesen, datert : Parkeringsarealet må ikkje kome nærare enn 10 meter frå senterlinja til fylkesveg 207 og må ikkje kome i konflikt med frisiktsona i krysset. Arealet mellom parkeringsplassen og fylkesvegen/ fortauet må avsettast til anna veggrunn. Krysset må regulerast iht. krava i handbok N100 og avkøyrselen til parkeringsplassen bør trekkast minimum så langt frå krysset at ein oppnår minimum ein avstand på 8 meter kant i kant med fylkesvegen. Kommentar: Alle krava og anbefalingane frå Statens vegvesen er teke til følgje i planen. Side 14 av 18

15 4. Epost frå Johan Krogsæter m/ div. vedlegg, datert 1. september Dette er son til eigar av gbnr. 3/40. Han omtalar merknadar dei hadde i samband med utbygginga av hamna. Han rekner med at kommunen sjekker opp om tiltakshavar har naudsynte leigeavtalar med grunneigarane før evt. IG blir gitt. Kommentar: Sjå kommentarar under neste punkt. 5. Epost frå Johan Krogsæter, datert 9. september Han har nokre spørsmål: Kva tyder det at småbåtlaget ynskjer å bytte areal til parkering og friområde. Kommentar: Regulert parkeringsplass blir flytta til friområdet og tidlegare regulert område til parkering blir regulert til friområde. Fylkeskulturstyret er ikkje varsla. Kommentar: Møre og Romsdal fylkeskommune er varsla slik at kulturavdelinga blir informert. Kystverket er ikkje varsla. Kommentar: Regulert område gjeld stort sett areal på land. Er hensikta med søknaden å oppgradere Kråkhaugvegen for å ta den over som kommunal veg? Kommentar: Kommunen har opplyst at denne vegen er kommunal veg. Kommunen og småbåtlaget tek seg til rette på annan manns grunn. Leigeavtalen med småbåtlaget har etter hans opplysningar ikkje heimel til eigedomen fordi avtalen ikkje vart fornya etter 25 år. Kommentar: Småbåtlaget opplyser at avtalen gjeld, og er stadfesta ved rettskraftig dom datert der retten seier at: «Ved avtalen oppnådde Finnøy Småbåtlag disposisjonsrett over areal på Kråkhaugleira». Partane må ordne opp i dei privatrettslege tilhøva viss noko er uklart. 6. Brev frå Steinar Orten, udatert: Han er grunneigar på største delen av området som er omfatta av denne omreguleringa. Han protesterer på at Finnøy småbåtlag får omregulere deira eigedom, og ber om at gjeldande reguleringsplan blir ståande. Han går også imot utviding av Kråkhaugvegen sørover. Side 15 av 18

16 Småbåtlaget har etablert ulovleg parkeringsplass på friområdet skriv han. I tilfelle det blir regulert parkering her må det i tilfelle bli ein liten fin parkeringsplass som er avsperra slik at det ikkje blir råd å køyre ned på trekaia, bak nausta og ut på fylkesvegen over fortauet. Han spør også om trekaia er lovleg og forsvarleg bygt. Kommentar: Når det gjeld råderett over grunnen i dette området er det omtala under punkt 8 Verknader av planen. Det må vere køyretilkomst til vestsida av nausta. Køyring til trekai og over fortauet til fylkesvegen kan avsperrast. Hovudføremålet med denne reguleringa er å tilpasse eksisterande plan til gode løysingar i dette området. 7. Brev frå AS Nils N. Finnøy Motorfabrikk, datert 15. september 2015: Dei skriv at det burde vore teke kontakt med berørte grunneigarar før det blir søkt om omregulering. Det trengst ikkje omregulering hevder dei. Dei skriv også at det er etablert ei avkøyrsle over deira eigedom frå naustområdet i retning nordover inn i krysset på fylkesvegen. Kommentar: Planen er varsla iht. krava i Plan- og bygningslova. Småbåtlaget er av ei anna oppfatning når det gjeld behovet for omregulering. Avkøyrsla som er nemnt i brevet ligg utanfor planområdet. 8 Verknader av planen. Planområdet ligg ved den etablerte småbåthamna på Finnøya. Omreguleringa blir utført for å tilpasse reguleringsplanen til bruken i dag. Det er i gjeldande plan regulert ein parkeringsplass på austsida av og delvis på området der det er ein etablert kanal. På grunn av at det er tungvindt å parkere der og bere med seg utstyr har det blitt etablert parkering på vestsida av kanalen. Småbåtlaget ynskjer derfor å regulere parkeringsplass på området som i praksis allereie blir nytta til dette, og omregulere området som på gjeldande plan er regulert til parkering til friområde. Eventuell konsekvensutgreiing: Kommunen vurderer at dette tiltaket ikkje utløyser krav om konsekvensutgreiing. Eigedomstilhøve og leigeavtalar: Det har kome merknader frå grunneigarane som sår tvil om gyldigheita av leigeavtalane med småbåtlaget, samt om Kråkhaugvegen er kommunal veg. Side 16 av 18

17 Småbåtlaget hevder at det føreligg ein rettskraftig dom frå 2009 som stadfester at deira leigeavtale med grunneigarane gjeld. Desse privatrettslege tilhøva må avklarast før det blir iverksett tiltak i området. Tilgrensande område: Mot nord grenser planområdet mot eit utbygt naustområde og Finnøy småbåthamn. Det er regulert gangareal langs strandsona gjennom heile området som også inkluderer ei etablert brygge framfor nausta. Mot vest ligg fylkesveg 207 som er medteke i planområdet, og mot sør er Kråkhaugvegen medteke i planområdet. Frisiktsona på sørsida av Kråkhaugvegkrysset er regulert til friluftsformål. Mot aust ligg småbåthamna og Kråkhaugvegen. Eksisterande naturformer og strandsone: Planen medfører ikkje store naturinngrep utover det som allereie er utført eller medteke i gjeldande plan. Naturmangfald: Størstedelen av områda som blir berørt av utbygginga er allereie bearbeidde område og planlagte tiltak utgjer derfor ingen skade på naturmangfaldet i området. Kulturminne: Det er ingen kjende automatisk freda kulturminne eller kulturminne frå nyare tid i området. ROS-analyse: ROS-analyse er utført. Det er ikkje funne spesielle faremoment i området. Sjå kommentarane under punkt 4 ang. sløkkevatn og stormflo. Endring av områder for parkering og friområde: Ein del av planområdet har blitt opparbeidd til ein nokså brei kanal gjennom områda som på gjeldande plan er regulert til friområde og parkering. Dette elementet ynskjer ein å ivareta, og ser på det som eit positivt trivselselement i området, men det medfører at arealet til friområde blir redusert. Dette vil ein kompensere ved å legge til rette for å opparbeide området på austsida av kanalen til opphaldsareal for leik og sosiale treff. Det kan t.d. tilretteleggast med benkar, grillplass, sandkasse, leikeapparat og liknande. Dette vil vere ei stor oppgradering i høve til at det ligg som eit ubrukt restareal i dag. At områda for parkering og uteopphald blir plassert på kvar si side av kanalen og lenger frå fylkesvegen og vegkrysset gjer også at friområdet blir tryggare å opphalde seg på. Småbåtlaget er likevel skeptisk til tryggleiken ved å innby til leik heilt inntil hamneområdet. Friluftsinteresser og tilgjenge for allmenta: Området blir meir tilgjengeleg ved at det blir etablert ein ordna parkeringsplass i området, og at friområdet blir opparbeidd slik at det innbyr til rast og andre aktivitetar. Det er regulert gangareal langs heile strandsona i planområdet som også innbyr til at dette området kan vere ein triveleg stad å besøke. Tilkomstveg: Side 17 av 18

18 Planen regulerer krysset ved fylkesvegen, breidde på Kråkhaugvegen og utforming av avkøyrsla til parkeringsplassen slik at dette blir iht. vegnormalane. Tekniske anlegg: Det er ikkje planlagt å opparbeide tekniske anlegg for vatn, avløp, straum og liknande i området. Avfallshandtering: Det er ikkje lagt opp til at det skal utførast tiltak i planområdet som produserer avfall som er skadelege for miljøet. Kråkhaugvegen og krysset ved fylkesvegen blir regulert iht. tekniske krav i vegnormalane frå Statens vegvesen slik vegen blir godt tilgjengeleg for Årim sine bilar i dette området. 9 Avsluttande kommentar. Denne reguleringa blir utført for å tilpasse planen til dagens bruk. Dette gjeld spesielt parkering og opparbeiding av friområde. Planen legg også til rette for utbetring av vegkrysset fv- 207xKråkhaugvegen og breiddeutviding av Kråkhaugvegen. 10 Vedlegg 1. Plankart, teikn. nr Reguleringsføresegner. 3. Sjekkliste ROS-analyse. 4. Merknader i samband med varsling av planoppstart. Side 18 av 18