HØYRING AV BKK NETT AS SIN TILLEGGSSØKNAD OM 300 (420) KV KRAFTLINE MONGSTAD-KOLLSNES - FRÅSEGN

Transkript

1 HORDALAND FYLKESKOMMUNE Regionalavdelinga Klima- og naturressursseksjonen Arkivsak Arkivnr. 344 Saksh. Lene Omdahl, Øystein Skår Saksgang Kultur- og ressursutvalet Fylkesutvalet Møtedato HØYRING AV BKK NETT AS SIN TILLEGGSSØKNAD OM 300 (420) KV KRAFTLINE MONGSTAD-KOLLSNES - FRÅSEGN SAMANDRAG Grunna trong for å styrkje kraftnettet til Bergensregionen og Kollsnes søkte BKK i oktober 2007 om konsesjon, løyve til oreigning og førehandstiltreding for fleire alternative trasear for ny kraftleidning mellom Mongstad og Kollsnes. Etter høyringsrunde la NVE i januar 2011 fram ei innstilling til konsesjon for Olje- og energidepartementet (OED). Innstillinga vart handsama i fylkesutvalet 19. mai I vedtak om fråsegn peiker fylkesutvalet på at regionen primært ynskjer kabel heile vegen, og at tilrådd løysing frå NVE er den mest konfliktfylte av alternativa. Av omsøkte løysingar er BKK sitt prioriterte alternativ (søre alternativ) minst konfliktfylt. Som eit resultat av høyringsprosessen, synfaringar og diverse møte, har OED bedt BKK vurdera fleire løysingar. Tilleggssøknaden gjeld nye traseval i Radøy, Austrheim og Lindås, samt alternativ plassering av transformatorstasjon på Lindåsneset. OED har bedt NVE sende denne tilleggssøknaden på høyring. Vurderingane kring denne saka er frå Hordaland fylkeskommune si side som då saka var oppe i mai 2011 (jf. fråsegn i saka frå , sak 96/11). Ingen av endringane i tilleggssøknaden har store konsekvensar for kjende automatisk freda kulturminne. Luftlinene inn til ny transformatorstasjon ved Mongstadneset kan kome i konflikt med kjende automatisk freda kulturminne. Ved konflikt må traseen endrast så det vert god klaring til kulturminna. Vidare kan dei nye endringane redusere negative miljømessige verknader i strandsona på Tytebærneset, samt legge til rette for ei meir samla infrastruktur. Med sjøkabel mellom Radøy og Lindås vil ein unngå den konfliktfylte traséen over Rapeneset-Fosenstraumen og øyene på Austrheim. Det er knytt motsegn til traseval som går over Rapeneset og Fosenstraumen grunna konflikt med fleire automatisk freda kulturminne.

2 FORSLAG TIL INNSTILLING 1. Fylkesutvalet ser at det er trong for å styrkje kraftnettet mot Kollsnes og Bergensregionen, og er positiv til etablering av ny kraftline mellom Kollsnes og Mongstad. 2. Fylkesutvalet viser til tidlegare fråsegn i saka ( sak 167/08 og sak 96/11), og meiner kabling primært må vere løysinga i det sårbare kystlandskapet i Nordhordland. Tilrådd løysing frå NVE har store konfliktar med fleire regionale interesser, og vi rår sterkt i frå at dette alternativet vert valt. Det er knytt motsegn til traseval som går over Rapeneset og Fosenstraumen grunna konflikt med fleire automatisk freda kulturminne. 3. Av omsøkte løysingar er søre alternativ å føretrekkje. Fylkesutvalet er positiv til at nye endringar i tilleggssøknaden kan redusere negative miljømessige verknader på Tytebærneset, samt føre til at ein unngår den konfliktfylte traséen over Rapeneset-Fosenstraumen og øyene på Austrheim. 4. Ingen av endringane i tilleggssøknaden har store konsekvensar for kjende automatisk freda kulturminne. Luftlinene inn til ny transformatorstasjon ved Mongstadneset kan kome i konflikt med kjende automatisk freda kulturminne. Ved konflikt må traseen endrast så det vert god klaring til kulturminna. Paul M. Nilsen Fylkesrådmann Jan Per Styve Regionaldirektør Vedlegg: 1. Kart og flyfoto; omsøkte trasear frå BKK tilleggssøknad 2. Faktaark; NVE si tilråding om kraftline Mongstad Kollsnes 3. Tilleggssøknad Figur 1: Foto frå prosjektområdet (Faktaark, NVE) 2

3 FYLKESRÅDMANNEN Innleiing BKK Nett AS søkte i oktober 2007 om konsesjon, løyve til oreigning og førehandstiltreding for fleire alternative trasear for ny kraftleidning mellom Mongstad og Kollsnes. I januar 2011 la NVE fram ei innstilling til konsesjon for Olje- og energidepartmentet (OED). Innstillinga vart handsama i fylkesutvalet 19. mai I vedtak om fråsegn peiker fylkesutvalet på at regionen primært ynskjer kabel heile vegen, og at tilrådd løysing frå NVE er den mest konfliktfylte av alternativa (jf. fråsegn i saka frå sak 96/11). Som eit resultat av høyringsprosessen, synfaringar og diverse møte, har OED bedt BKK vurdera fleire løysingar. BKK har i den nye tilleggsøknaden mellom anna vurdert og søkt om konsesjon for traséendringar i Kuvågen, i Saltvika og mellom Lurefjorden og Mongstad, samt ny transformatorstasjon på Lindåsneset. Endringane vedkjem kommunane Radøy, Lindås og Austrheim. BKK søkjer også om oreigningsløyve (oreigningslova av , 2 punkt 18) og førehandstiltreding (oreigningslova 25). Høyringsfristen er opphavleg satt til 15. november. Fylkeskommunen vil sende innstillinga frå Kultur- og ressursutvalet 22. november som førebels fråsegn, med ettersending av vedtak frå Fylkesutvalet. Parallelt med denne saka har NVE vurdert søknaden frå Statoil om ny kraftforsyning frå Kollsnes til Troll A plattforma i Nordsjøen. OED har også sendt denne innstillinga på høyring. Saka har vore handsama separat, og i tråd med NVE si innstilling ga OED konsesjon til forsyninga 13. september Prosjektet 300(420) kv kraftleidninga mellom Mongstad-Kollsnes er steg 1 av ein planlagd nordre forsyningsline i Bergensregionen, der del 2 Mongstad-Modalen vart omsøkt i Denne konsesjonssøknaden er på noverande tidspunkt under handsaming hos NVE. Nedanfor følgjer hovudelementa frå høyringssakene frå 2008 (BKK sin søknad av 2007 vart handsama i Fylkesutvalet i 2008) og For detaljar i saka sjå FUV-sak 167/08 og 96/11, alternativt NVE sine nettsider ( under konsesjoner nett). 2.1 Høyringssak og 2011 Hovudbilete i høyringssak av 2011 var det same som for 2008 sjølv om BKK i etterkant av høyringssaka i 2008 gjorde mindre justeringar av trasé som tilleggssøknad, samt at lina vart tilrettelagt for 420kV drift etter ynskje frå NVE. Sistnemnde justering endra kostnadsbilete noko. Fylkeskommunen vurderte dei nye trasealternativa som å ligge tett opp til dei allereie omsøkte alternativa, og hadde ingen avgjerande merknader i saka utover dei som alt var oversendt gjennom fylkesutvalet sitt vedtak Begge høyringssakane omhandla søknad om tre hovudalternativ, alle med ein kombinasjon av luftline og kabel. Heil kabel (kombinasjon sjøkabel/jordkabel) vart utgreidd, men ikkje omsøkt grunna kostnader. Også heil sjøkabel vart omtalt, men ikkje nærare utgreidd grunna høge kostnadar. Omsøkte løysingar var kostnadsrekna frå 392 mill kr til 668 mill kr, medan heil kabling ville koste over ein milliard. Alternativ 1 - Søre alternativ Luftline 1,5 km Mongstad Tyttebærneset i Lindås. Sjøkabel til Fesøysund i Radøy. Luftline over Radøy, med jordkabel siste 200m til sjø ved Kuvågen. Sjøkabel over Hjeltefjorden til Ljøsøysundet i Øygarden. Luftline fram til Kollsnes. Total kraftlinelengde er 35 km, der 12 km er luftline, 23 km er sjøkabel og 200m er jordkabel. Investeringskostnad 668 mill kr. Alternativ 1.2 Delalternativ for luftline i Lindås. Linjelengde og kostnad om lag som alt 1. 3

4 Alternativ Midtre alternativ Luftline Mongstad Nautaneset i Austrheim. Sjøkabel til Fesøysund i Radøy. Luftline over Radøy, med jordkabel siste 200m til sjø ved Kuvågen. Sjøkabel over Hjeltefjorden til Krossneset i Øygarden. Luftline sørover til Kollsnes transformatorstasjon. Total kraftlinelengde er 35 km, der 18 km er luftline, 17 km er sjøkabel og 200m er jordkabel. Investeringskostnad 551 mill kr. Alternativ 3 Nordre alternativ Luftline frå Mongstad gjennom Austreheim og vidare kryssing over til Radøy ved Fosnstraumen og til Mjøs. Vidare kryssing av Radøy som i dei andre alternativa. Sjøkabel frå Kuvågen til Ådnaneset i Øygarden. Luftline vidare til Kollsnes. Total kraftlinelengde er 36 km, der 27 km er luftline, 9 km er sjøkabel og 200m er jordkabel. Investeringskostnad 392 mill kr. Alternativ 4 Jord og sjøkabel ikkje omsøkt Jordkabel frå Mongstad til Hopssundet i Lindås. Sjølkabel til Saltvik i Radøy. Kabel i ulike eksisterande vegstrekk over Radøy. Sjøkabel frå Kvalheim til Ljøsøysund i Øygarden. Jordkabel parallelt med gassrøyr mot Kollsnes. Total lengde med jord og sjøkabel er 38 km. Investeringskostnad 1031 mill kr. 2.1 Verknader for regionale interesser Dei ulike alternativa har ulik grad av negative konsekvensar for omgjevande. Kabling har lågast konfliktnivå for dei fleste tema. Av omsøkte trasear er søre alternativ (1) minst konfliktfylt, medan nordre alternativ (3) har størst konfliktnivå. BKK søkte om følgjande trasealternativ, i prioritert rekkefølgje: 1. Alternativ 1 og 1.2 (Søre): Kollsnes-Ljøsøysund-Kuvågen-Fesøysund-Tyttebærneset-Mongstad 2. Alternativ (Midtre): Kollsnes-Krossneset-Kuvågen Fesøysund Naustneset-Mongstad 3. Alternativ 3 (Nordre): Kollsnes-Ådneset-Kuvågen-Fosnstraumen-Mongstad 3 Tidlegare fråsegn i saka frå Hordaland fylkeskommune Fråsegner frå kommunane, Fylkesmannen og andre høyringspartar har i stor grad same tilnærming som fylkesutvalet. Regionen krev i utgangspunktet kabling på heile strekninga, og av omsøkte luftlinetrasear er trasé 1 å føretrekkje. 3.1 Vedtak om fråsegn 2008 Fylkesutvalet i Hordaland handsama i møte sak 167/08 og gjorde følgjande vedtak om fråsegn: 1. Fylkesutvalet ser at det er trong for å styrkje kraftnettet mot Kollsnes og Bergensregionen og er positiv til etablering av ny kraftline mellom Kollsnes og Mongstad. 2. Fylkesutvalet peikar på tidlegare fylkestingsfråsegn om at der det finst gode alternative løysingar bør ein gå bort frå store skjemmande luftspenn og over til kabling. Eksisterande 300kV line i Øygarden er alt kabla av omsyn til landskapet, og fylkeskommunen krev at tilsvarande vert gjort i dette høvet. Av di det er naudsynt med kabling på delar av strekninga mellom Kollsnes Mongstad er meirkostnaden for heil kabling for dette prosjektet mindre enn for andre kraftlineprosjekt. Fylkesutvalet meiner kabling i samband med samlokalisering med ny riksveg over Radøy må utgreiast nærare då dette kan redusere meirkostnadene ved heil kabling ytterlegare. 3. Nordre og midtre alternativ har til dels store konfliktar med fleire regionale interesser, og av omsøkte løysingar er søndre alternativ å føretrekkje. 4. Når det gjeld kulturminne, må det for valt traseløysing gjennomførast kulturminnegranskingar etter 9 i Kulturminnelova på heile traseen, ikkje berre for eventuelle mastepunkt. For sjøkabel har Bergen sjøfartsmuseum eigne krav til gjennomføring av 9 undersøkingar. 4

5 3.2 Vedtak om fråsegn 2011 Innstillinga frå NVE vart i saksutgreiing frå mai 2011 (sak 96/11) vurdert på følgjande måte: I innstillinga til NVE er i hovudsak alternativ (midtre) frå Øygarden til Kuvågen på Radøy og deretter alternativ 3 (nordre) vidare til Mongstad, anbefalt. NVE vektlegg i stor grad kostnadsbiletet i sine val, men har gjort eit unnatak i Øygarden der dei rår til nest rimelegaste løysing. Nærføring med bustadhus er her vektlagd. Sjølv om Øygarden i ein tidlegare kraftlinesak fekk politisk gjennomslag for kabling grunna sårbart landskap, rår NVE ikkje til dette i denne saka. Dei viser til at den delen av kommunen som nå vert omsøkt alt har inngrep med andre kraftliner og industrianlegg. Med unnatak for kryssinga av Radøy som ligg føre med berre eitt alternativ, er ingen av delstrekka i NVE si innstilling lik BKK sine prioriteringar. NVE si innstilling inneber høgt konfliktnivå med fleire interesser. For delstrekk Øygarden Radøy er det middels konflikt med landskap, friluftsliv og biologisk mangfald. Tilråding om nordre trasé (alternativ 3) inneber stor konflikt med landskap og biologisk mangfald, og middels konflikt med kulturminne og landbruk. I tillegg vil lina vere mindre enn 100m frå tre bustadhus og seks hytter. Vurderingane frå Hordaland fylkeskommune mai 2011 var som då saka var oppe i I likskap med konklusjonane i konsekvensutgreiinga, er tilrådd alternativ frå NVE også vurdert som det klart mest konfliktfylte i høve til kulturminne og kulturmiljø. Det er knytt motsegn til traséval som går over Rapeneset og Fosenstraumen. Fylkesutvalet i Hordaland handsama i møte sak 96/11 og gjorde følgjande vedtak om fråsegn: 1. Fylkesutvalet viser til fråsegn i saka frå sak 167/08, og meiner kabling er løysinga i det sårbare kystlandskapet i Nordhordland og Øygarden. 2. For omsøkte alternativ med kombinasjonar av sjøkabel og luftline er konfliktnivået for nordre og midtre alternativ frå Radøy til Mongstad så omfattande at ein sterkt rår frå at desse vert valde. 3. Trasévalet går over Rapeneset og Fosenstraumen der det er påvist rundt 76 automatisk freda kulturminne, i hovudsak steinalderbuplassar som utgjer eit heilskapeleg kulturmiljø av nasjonal verdi. Funna har stor tidsdybde og høg opplevings- og formidlingsverdi. Store delar av Rapeneset er spesialområde, bandlagd etter kulturminnelova, i eksisterande kommuneplan for Radøy. Kraftlinja er i direkte konflikt med fleire av dei automatisk freda kulturminna, med det bandlagde området, samt det heilskaplege kulturmiljøet i Fosenstraumen. Fylkesutvalet fremjar motsegn på innstilling til trasé grunna dei store konfliktane på Rapeneset og Fosenstraumen. 4 Tilleggsøknaden - vurdering BKK vart beden om å vurdere endringar og avbøtande tiltak i høve OED si handsaming av innstillinga til NVE. I den samanheng vart nokre av dei nye løysingane vurdert som så omfattande at ny søknad ville vere påkravd. Søknad om tilleggskonsesjonar, samt vurderingar av avbøtande tiltak er difor sendt på høyring. Nedanfor følgjer hovudelementa frå tilleggssøknaden. BKK søker også om oreigning og førehandstiltreding, men det vert ikkje vurdert her. 4.1 Nye alternativ I tilleggssøknaden søker BKK om konsesjon til ny transformatorstasjon og nye trasear. Desse løysingane kjem i tillegg til dei tidlegare omsøkte alternativa. Alternativ 1.4 og 1.5 nedanfor søkast på uavhengig om det vert gitt konsesjon til ny transformatorstasjon på Lindåsneset. Alternativ plassering av ny transformatorstasjon i Lindås og Austrheim kommune BKK søker om å etablere ein stk. 300(420)kV/132kV transformatorstasjon med tilhøyrande høgspenningsanlegg. Denne stasjonen får namnet Lindåsneset transformatorstasjon og er eit alternativ 5

6 til utviding av eksisterande stasjon på Mongstad. Ny stasjon vil ikkje påverke drift eller behov for stasjonen som allereie er etablerte på Mongstad. BKK oppretthaldar såleis også tidlegare omsøkt utviding av Mongstad transformatorstasjon, og det vil vere trong for reaktor og tilhøyrande bryterfelt uansett kva for eit av desse to alternativa ein velgjer. Statoil arbeider med ein reguleringsplan for området, og planlagt plassering av Lindåsneset transformatorstasjon er i samsvar med Statoil sine planar. BKK legg difor opp til ein samordningsgevinst ved at det vert plass til eit framtidig 132 kv/22 kv transformeringsanlegg på same tomt. BKK er i dialog med Statoil. Tomten er tenkt plassert slik at den i minst mogeleg grad er synleg frå bustader i sør. Lokalisering av ny stasjon gjer at 420 kv leidning mellom Kollsnes og Mongstad vert 2 km kortare. 132 kv Lindåsneset - Mongstad Som ein følgje av ny stasjon søker BKK vidare om å etablere to parallelle 132 kv luftleidningar frå den nye stasjonen til den etablerte stasjonen på Mongstad. Den eine leidninga skal erstatte eksisterande leidning som i dag forsyn Mongstad frå Frøyset. Den andre leidninga er ein oppdatert versjon av 132 kv Seim-Mongstad. Sistnemnde vil ende opp i ny stasjon, og derifrå leidas vidare til Mongstad transformatorstasjon i ny trasé. Planane er presentert for dei kommunane som endringane vedkjem, og ifølgje søknaden er kommunane positive til denne løysinga. Alternativ 1.4 Lindås kommune På Lindåshalvøya søkjer BKK om å få bygge ein lengre sjøkabel for å unngå landtak på Tytebærneset. Dette gjerast for å redusere dei negative miljømessige verknadene i strandsona. BKK søkjer vidare om ein ny 420 kv trasé på land for å tilpasse traseen den nye kommunedelplanen. Traseen startar på Mongstad og fylgjer eksisterande 132 kv leidning til riksvegen og vidare ned mot Lurefjorden. Her går traseen over i sjøen ca. 600 m nord for det tidlegare omsøkte alternativet via Tytebærneset. BKK søkjer også om å legge om eksisterande 132 kv Seim-Mongstad slik at denne vil førast parallelt med 420 kv luftleidningen langs riksvegen. 132 kv leidningen vert ca. 200 m lenger på grunn av parallellføringa. Løysinga vert i søknaden vurdert som å vere betre for friluftsliv og ein får samla infrastrukturen i området i større grad enn dei andre framlagte løysingane legg til rette for. Dette alternativet vert ei dyrare løysing fordi det impliserer meir sjøkabel og eit ekstra tiltak med omlegging av eksisterande 132 kv. Alternativ 1.5 i Radøy kommune BKK søkjer om ny trasé for jord- og sjøkabel i Kuvågenområdet på vestsida av Radøy. Trasealternativet er i hovudsak likt det som vart søkt på i 2007, med unnatak av sjøkabeltraseen heilt ytst i vågen. I opphavleg søknad gjekk traseen på nordsida av den holmen som ligg ved innlaupet til vågen. BKK trakk den opphavlege søknaden for ikkje å gjera det vanskeleg for ei seinare mudring av vågen og utvikling av større båthamn. Alternativt søkte dei om ein trasé på land med bruk av jordkabel. Bebuarar i planområdet har reagert på dette av di dei er engsteleg for verknader for helse, og har ytra ønskje om sjøkabel som fyrst omsøkt. BKK har tilrettelagt for begge alternativa for ilandføring av sjøkabel på sørsida av Radøy. Skilnad i kostnader for dei to løysningane er marginale, og BKK har ingen klare preferansar. Andre avbøtande tiltak BKK har vurdert andre avbøtande tiltak. Då desse er rekna som mindre omfattande har ein vurdert at det ikkje trong for ny søknad om konsesjon. Tiltaka gjeld forskyving av ilandføringspunktet for sjøkabel med ca. 100 m ved Saltvika (søre alternativ), samt kabling av 22 kv leidningsanlegg på Radøy. 6

7 Det fyrste alternativet er vurdert for å få større avstand til Saltvika, samt å få noko meir bakgrunnsdekking av skog. Når det gjeld kabling av 22 kv ledningene er aktuelle strekningar vurdert som dei mest skjemmande, og som samstundes kan erstattast med jordkabelanlegg utan store praktiske problem. Alternativa er merka av på flyfoto som følgjer i vedlegg 1. BKK meiner at dei omsøkte anlegg kan etablerast med PEX kabel, men tek høgde for at oljetrykkabel kan bli aktuelt. Plassering og utforming av tilhøyrande pumpestasjonar er difor omtala i tilleggssøknaden. Vi legg likevel til grunn BKK sine vurderingar om at omsøkte anlegg kan etablerast med PEX kabel. 4.2 Kulturminnefagleg vurdering Hordaland fylkeskommune har vurdert saka som regional sektorstyresmakt innan kulturminnevern. Transformatorstasjon på Lindåsneset Den alternative plasseringa av transformatorstasjonen ligg lengre sør enn den allereie omsøkte. Tomta inngår i ein reguleringsplan for området som er under arbeid. Kulturminneinteressene i høve den alternative plasseringa vert vurdert i samband med reguleringsplanen. I høve trasear for luftline i området ved ny omsøkt transformatorstasjon må desse ha god klaring til dei automatisk freda kulturminna ID og som ligg på Mølefjellet nær trasealternativ 1.2. Rett nordaust for ID er det no også påvist ei ny gravrøys. Ved konflikt må traseen endrast så det vert god klaring til kulturminna. Alternativ 1.4 Lurefjorden til Mongstad BKK har sett på ei løysing som går utanom Tytebærneset. I høve automatisk freda kulturminne synast det nye alternativet til å bli betre. Ved val av eventuell sjøkabel frå Saltviki til området rundt Tytebærneset vil ein kunne omgå og redusere dei store konfliktane med automatisk freda kulturminne ved Fosenstraumen. Forskyving av alternativ 1 ved Saltvika Det er foreslått å flytte trasé 1 ved Saltvika omtrent 100 meter. Dette vil ikkje ha vidare verknad på kulturminne enn vår førre fråsegn. Alternativ 1.5 Kabeltrasé gjennom Kuvågen Dette var den opphavlege traséen som BKK søkte om i Det ligg eit automatisk freda kulturminne på vestsida av Kuvågen, denne vert ikkje råka ved kabling i sjø. Forslag til kabling av eksisterande 22kV-liner Det er foreslått kabling av R3, R4, R6 og R7 på Radøy. Delar av traséane går gjennom område med høgt potensial for funn av automatisk freda kulturminne, og 9 undersøkingar må også påreknast her. 4.3 Samla vurdering BKK har søkt om endringar og tillegg til konsesjonssøknaden av Tilleggssøknaden gjeld nye traseval i Radøy, Austrheim og Lindås, samt alternativ plassering av transformatorstasjon på Lindåsneset. Endringane legg til rette for meir sjøkabel, medan søknaden ikkje omfattar traseløysingar med jordkabel i tiltaksområdet. Vurderingane kring denne saka er frå vår side som då saka var oppe i mai 2011 (jf. fråsegn i saka frå , sak 96/11). Vi peiker på at NVE si innstilling ikkje er prioritert av søkjar, av kommunane, Fylkesmannen eller Fylkeskommunen. Lokalt er det eit sterkt engasjement for å få kabel (jord+sjø) på heile strekninga, og vi rår til at det ikkje er nytte-kostnad som utelukkande vert lagt til grunn for tilråding i saka. Av omsøkte løysingar er BKK sitt prioriterte alternativ (søre alternativ) minst konfliktfylt. Vi er positive til at dei nye endringane kan redusere negative miljømessige verknader i strandsona på 7

8 Tytebærneset, samt at ein med sjøkabel mellom Radøy og Lindås vil unngå den konfliktfylte traséen over Rapeneset-Fosenstraumen og øyene på Austrheim. Det er knytt motsegn til traseval som går over Rapeneset og Fosenstraumen grunna konflikt med fleire automatisk freda kulturminne. Ingen av endringane i tilleggssøknaden har store konsekvensar for kjende automatisk freda kulturminne. Luftlinene inn til ny transformatorstasjon ved Mongstadneset kan kome i konflikt med kjende automatisk freda kulturminne. Ved konflikt må traseen endrast så det vert god klaring til kulturminna. Det er foreslått kabling av R3, R4, R6 og R7 på Radøy. Delar av traséane går gjennom område med høgt potensial for funn av automatisk freda kulturminne, og 9 undersøkingar må også påreknast her. 8