2. RESTRIKSJONAR, RETTAR OG PLIKTAR LANGS KRAFTLEIDNINGEN

Transkript

1

2 2 Du får dette brevet fordi eitt eller fleire av dei nye trasé-alternativa råkar din eigedom. Dei traséane som me no søkjer om konsesjon på, er synte på vedlagte oversiktskart. BKK søkjer om følgjande nye alternativ: Ny trasé Modalen-Steinsland-Haugsværdalen, vert omtala alt Ny trasé med flytting av fjordspenn Haugsvær, vert omtala alt Ny trasé ved Solheim i Masfjorden, vert omtala alt Ny trasé på Eikemo i Masfjorden, vert omtala alt. 2.4a. Ny trasé ved Solhaug og vidare sør for Vardefjellet ved Kvamsdalen, vert omtala alt. 2.4b. Ny trasé ved Sleirsvatnet, vert omtala alt Ny trasé Frøyset-Iledalsvågen, vert omtala alt Justering av tidlegare omsøkt trasé 1.6 gjennom Iledalen, Masfjorden. Justering av tidlegare omsøkt trasé 1 frå landtak Mongstad og fram til transformatorstasjon. 132 kv kraftleidning Matre-Haugsværdalen. BKK presiserer at dei nye alternativa som no vert søkte på, kjem i tillegg til tidlegare omsøkte trasear. BKK har valt å oppretthalda tidlegare omsøkte alternativ. Me sender dette varselet til alle grunneigarane som ein eller fleire av dei alternative traséane kan få konsekvensar for. BKK skal berre byggja eitt av alternativa. Når konsesjonsvedtaket er endeleg, vil me orientera deg om resultatet. Eventuelle avtalar som er inngått langs dei traséane me ikkje får konsesjon på, fell deretter vekk. Det gjeld óg avtalar som er inngått for dei alternativa som me søkte om i 2010, så langt det ikkje vert gjeve konsesjon på dei. 2. RESTRIKSJONAR, RETTAR OG PLIKTAR LANGS KRAFTLEIDNINGEN Langs 300 (420) kv kraftleidningen vil det verta eit 42 meter breitt klausuleringsbelte, 21 meter målt horisontalt til kvar side frå senterlinja. Innafor klausuleringsbeltet vert det byggjerestriksjonar. Du kan mellom anna berre få løyve til å setja opp mindre viktige bygningar (maks 50 m 2 ), bygningar der folk berre skal opphalda seg i korte periodar. Regelen er nedfelt i Forskrift om elektriske forsyningsanlegg 6-4. På nokre strekningar kan klausuleringsbeltet vera breiare, til dømes der det er ekstra lange spenn og fjordkryssingar. På strekninga frå Fensfjorden og ca. 1,4 kilometer i sørvestleg retning på Mongstad søkjer BKK om å byggja leidningen med master med vertikaloppheng. Med slike master vil klausuleringsbeltet verta 20 meter på den omhandla strekninga. Med tradisjonelle master vert klausuleringsbeltet 42 meter her óg. Langs den omsøkte 132 kv leidningen frå Matre til Haugsværdalen vil klausuleringsbeltet vera 20 meter breitt på strekninga frå Matre til Matresvatnet, og 30 meter på strekninga frå Matresvatnet til Haugsværdalen. Det vert også eit skogryddingsbelte langs kraftleidningane. Dette er normalt samanfallande med klausuleringsbeltet. Innafor skogryddingsbeltet vil me fjerna tre der det er naudsynt. Nokre tre som står utanfor skogryddingsbeltet, kan óg verta fjerna dersom dei er så høge eller står slik til i terrenget at dei kan vera til fare for kraftleidningen. Les meir om dei praktiske sidene ved skogrydding til slutt i brevet. Løypestrengar og taubanar kan kryssa under kraftleidningen, men dei krev naudsynte tryggleikstiltak og særskilt løyve frå Produkt- og Elektrisitetstilsynet. Med dei avgrensingane som er nemnde ovanfor, kan du fritt nytta grunnen under kraftleidningen til opplagsplass, garasjar, små uthus, veksthus o.l., oppdyrking, beite, produksjon av mindre tre osb., såframt bruken ikkje er i strid med dei forskriftene som til ei kvar tid er gjeldande for elektriske forsyningsanlegg.

3 3 Med unnatak for områda der det skal byggjast transformatorstasjonar, ønskjer ikkje BKK å løysa inn grunn. Me vil berre skaffa oss rettar til å byggja, driva, vedlikehalda og fornya (byggja om) kraftleidningen. For anleggstida og seinare ved vedlikehalds- og fornyingsarbeid vil me óg tinga oss rett til å koma til og transportera materiell fram til kraftleidningen over dei eigedomane det gjeld. Grunneigaren sit framleis med eigedomsretten til grunnen. 3. NÆRARE OM VEGAR, RIGGPLASSAR, TROMMELPLASSAR OG VINSJEPLASSAR Til bygginga av kraftleidningen vil BKK ha behov for å etablera riggplassar, trommelplassar og vinsjeplassar, i tillegg til at det kan verta aktuelt å utvida og oppgradera eksisterande vegar. BKK har føreteke ei førebels vurdering og funne ein del område som det kan vera aktuelt å nytta til riggplassar, trommelplassar og vinsjeplassar. Så langt som råd er vil me nytta areal som allereie er planerte, for å gjera minst mogeleg terrenginngrep. Me gjer merksam på at vurderingane er førebelse og at det ikkje ligg nokon detaljert plan til grunn for plassering av kvar einskilde plass. Me vil vera opne for å drøfta lokasjonane med dykk som grunneigarar. Kor mange slike areal me vil trenga og kvar me vil måtta ha dei, vil sjølvsagt óg vera avhengig av kva traséalternativ me eventuelt får konsesjon på. Me har no vurdert plassar for alle dei omsøkte traséalternativa. Vinsjeplassar er stader der det er aktuelt å plassera vinsjen som skal trekkja ut linene til kraftleidningen. Ein vinsjeplass vil typisk vera ca. 100 m 2. Det vil ikkje vera naudsynt å planera vinsjeplassane, og boltame som vert slegne ned her, vil verta kappa når anlegget er ferdigstilt. Tilkomsten til vinsjeplassene vil normalt skje med helikopter, det trengst difor normalt ikkje byggjast vegar fram til dei. Trommelplassane vil typisk vera på ca m 2. Desse plassane må vera planerte. Her plasserer me kabeltromlar og bremsemaskinar under uttrekkinga av linene til kraftleidningen. Til trommelplassane vil det vera naudsynt med tilkomstveg for lastebil som skal transportera vekter på opptil 12 tonn. Riggplassar kan vera 3 5 mål store. Riggplassane må vera planerte. Riggplassane vert nytta som lagerplassar for stål, isolatorar, kabeltromlar og annet materiell til kraftledningen, i tillegg til utstyr som vert nytta i anleggsarbeidet. I tillegg vil det meste av premontering av mastene skje på riggplassane. Det vil til og frå riggplassane vera mykje helikoptertrafikk. Riggplassane bør som minstekrav ha tilkomstveg for lastebilar med 12 tonn last. BKK etablerer trommel- og riggplassene for bygginga av den omsøkte kraftleidningen, og vil ikkje ha behov for plassane når anleggsarbeidet er ferdigstilt. Det må påreknast ein byggjeperiode på tre år. Trommel- og riggplassar kan i utgangspunktet vera mellombelse, men dei kan óg etablerast for permanent basis. Her vil me gå i dialog med grunneigarane for å finna ei best mogeleg løysing i kvart einskilde tilfelle. BKK varslar om at det kan verta naudsynt å byggja kortare vegar frå eksisterande vegar og fram til rigg- og trommeplassar, eventuelt oppgradera eksisterande vegar. 4. FØRESPURNAD OM IGANGSETJING Det primære målet for BKK er å få til ein minneleg avtale med kvar einskilde grunneigar. I prosjekt med mange grunneigarar vil me alltid søkja om løyve til oreigning og førhandstiltreding. Dette må me gjera for at ikkje eventuelle usemjer med grunneigarar skal forseinka bygginga. Ein vanleg måte å gå fram på ved kraftleidningsprosjekt er å nytta såkalla avtaleskjøn. Det inneber at grunneigaren gir utbyggjaren ei førehandstiltreding eller eit samtykke til å setja i gang arbeidet, på vilkår om at erstatninga skal fastsetjast i ettertid. Grunneigaren gir løyve til oppstart, men kan seinare be om ei rettsleg prøving av erstatningsbeløpet dersom han/ho meiner at beløpet som BKK tilbyr er feil. I denne saka vil alle grunneigarar som kjem i kontakt med utbygginga, verta kontakta direkte. Me vil, når ein rettskraftig konsesjon ligg føre og detaljprosjektering av anlegget har starta, koma med eit framlegg om erstatningssum som byggjer på gjeldande regelverk og rettspraksis. Dersom me kjem

4 4 fram til ein avtale med deg, vert erstatninga utbetalt etter kort tid. Me i BKK er opptekne av at ein minneleg avtale skal gi grunneigaren minst like god erstatning som ved ei rettsleg avgjerd. Meir informasjon om grunn- og rettstileigning finst på våre nettsider under menyen Om Oss > Anlegg og utbygging > Strømnett > Modalen Mongstad. Dersom me ikkje kjem fram til semje om ein avtale, vil det verta halde rettsleg skjøn etter at kraftleidningen er bygt, det vil seia at erstatninga vert fastsett ved dom. Skjønsretten vert sett saman på same måten som ved oreigning. Det inneber at vurderinga vert den same anten erstatninga vert fastsett ved avtaleskjøn eller som ein del av ei oreigningssak. Dersom du vil gi BKK samtykke til å setja i gang arbeidet på dei vilkåra som er nemnde ovanfor, ber me deg skriva under avtaleskjemaet som er vedlagt. Skjemaet sender du til BKK samstundes med ein eventuell uttale til søknaden, og innafor den høyringsfristen som NVE fastset når søknaden skal på høyring. BKK søkjer om løyve til å oreigna grunn for dei eigedomane der grunneigarane ikkje vil inngå minneleg avtale. 5. UTTALE TIL SØKNAD OM OREIGNING (EKSPROPRIASJON) BKK søkjer om ekspropriasjon for dei eigedomane der grunneigar ikkje vil tillata at eigedomen vert teken i bruk til det omsøkte føremålet. Du har rett til å gi ein uttale om det planlagde oreigningsinngrepet som gjeld eigedomen din, jf i oreigningslova. Uttalen sender du til NVE innafor den høyringsfristen som dei fastset når søknad om konsesjon og oreigning skal på høyring. Samstundes må me gjera merksam på at du frå no av ikkje kan råda rettsleg over den delen av eigedomen din som vert råka, jf. 28 i oreigningslova. Du kan ikkje gjera noko som kan hindra, skapa vanskar for eller fordyra det omsøkte tiltaket utan at det er avtala med BKK i forkant. 7. UTTALE TIL SØKNAD OM FØREHANDSTILTREDING Det tek lang tid å gjennomføra ei oreigningssak. BKK søkjer difor om å få ta i bruk grunnen før det ligg føre eit rettskraftig skjøn. Det vil seia at me søkjer om å få starta anleggsarbeidet før me formelt har fått heimel til dei naudsynte rettane. For dei av grunneigedomane som me eventuelt må søkja om løyve til oreigning for (dei som ikkje inngår avtale om førehandstiltreding), vil me samstundes søkja NVE om førehandstiltreding av rettar før det er halde skjøn. Me vil óg be om at eventuelle klagar på førehandstiltredinga ikkje må få oppsetjande verknad (dvs. at arbeidet må utsetjast). Dersom du har innvendingar til framgangsmåten, kan du kommentera det i samband med uttalen om oreigningsinngrepet. 8. PRAKTISK INFORMASJON Registrering av tilstand på eigedomane Før arbeidet vert sett i verk skal me registrera tilstanden på eigedomen slik han framstår i dag. Opplysningane vil verta nytta som utgangspunkt når erstatninga skal fastsetjast. Juridisk bistand Dersom du ønskjer juridisk bistand, har du som mottakar av dette brevet full rett til å få dekt utlegg til juridisk bistand. Retten er fastsett i oreigningslova 15 og i skjønsprosesslova 54.

5