1. GANGSBEHANDLING AV REGULERINGSPLAN FOR HESTESPORTANLEGG PÅ SKEISEID

Transkript

1 TYSVÆR KOMMUNE Saksframlegg Dato: Saksnr.: 2015/1630 Løpenr.: 8384/2017 Arkiv: L12 Sakshandsamar: Linda Dehlin Fluvåg 1. GANGSBEHANDLING AV REGULERINGSPLAN FOR HESTESPORTANLEGG PÅ SKEISEID Saksnr Utval Møtedato 50/17 Teknisk utval RÅDMANNEN SITT FRAMLEGG TIL VEDTAK: Teknisk utval vedtar med dette detaljreguleringsplan for Hestesportanlegg på Skeiseid lagt ut til offentlig ettersyn i 45 dagar, i samsvar med plan- og bygningslova Arvid S. Vallestad rådmann Bjørn Bruaset teknisk sjef BEHANDLING I TEKNISK UTVAL Rådmannen sitt framlegg til vedtak vart samrøystes vedteke. VEDTAK I TEKNISK UTVAL Teknisk utval vedtar med dette detaljreguleringsplan for Hestesportanlegg på Skeiseid lagt ut til offentlig ettersyn i 45 dagar, i samsvar med plan- og bygningslova

2 SAKSUTGREIING: 1. Bakgrunn for planen Tysvær kommune har på vegne av Haugaland Hestesport Arena AS utarbeidd forslag til detaljreguleringsplan for hestesport anlegg på Skeiseid. 2. Plantype og planstatus Gjeldande kommuneplan for Tysvær blei vedteken i september 2015, og i det aktuelle området er det sett av areal med føremålet idrettsanlegg. Det fins ingen godkjente reguleringsplaner i området, eller som grenser til det aktuelle planområdet per i dag. I den sist vedtekne kommuneplanen, i 2015, er det sett av store bustadområder rett vest for hestesportanlegg-området. Områda er skilt av fylkesveg 771. For Skeiseid-bustadområda pågår det for tida område- og detaljregulering. 3. Varsling av planarbeidet og innkomne innspill til oppstart Oppstartsmøte for hestesportanlegget blei avholdt den For igangsetting av planarbeidet med detaljreguleringsplanen blei det sendt ut eit oppstartsvarsel ultimo april Alle kjente grunneigarar og naboar til planområdet blei varsla i eige brev, og aktuelle offentlege instansar, lag og interesseorganisasjonar blei varsla. Det blei også annonsert om det kommande planarbeidet i Tysvær Bygdablad, Haugesund Avis og på Tysvær kommune sine heimesider. Frist for uttale ble sett til Etter noko arbeid med reguleringsplanen for hestesportanlegget, viste det seg at varselet som blei sendt ut i april 2016 viste eit for snevert område, ved at ein del av fylkesveg 771 ikkje var tatt med i planområdet. Det blei med det sendt ut eit nytt og avgrensa oppstartsvarsel for planarbeidet med hestesportanlegget. Ny frist for uttale blei sett til Til nytt oppstartsvarsel sendte Statens vegvesen inn ei uttale, men kommunen fekk ingen andre merknadar/uttalar. Til varselet kom det inn totalt seks merknadar, to frå private grunneigarar og fire frå offentlege instansar (to frå Statens vegvesen). Desse er kommentert i planomtala. 4. Planområdet (eksisterande) Her blir det gjort ei kort oppsummering av den eksisterande situasjonen i planområdet. Sjølve planområdet ligg på Skeiseid på austre side av Fv. 771 (Høieveien). Det samla arealet er om lag 83 daa. Planarbeidet er delvis i samsvar med overordna kommuneplan. Det aktuelle området blei tatt inn i kommuneplanen i 2012, og ein hadde då berre ei grov skisse som utgangspunkt for det kommande planarbeidet. Etter kvart som ein har arbeidd med planen, har det blitt lagt meir detaljerte planar for kva som bør vere ein del av idrettsanlegget, og då har også planområdet blitt utvida til å inkludere ein del landbruk, natur- og friluftsområder rundt området som er avsett i kommuneplanen. Ved realiseringa av eit hestesportanlegget er det viktig at ein sett av tilstrekkeleg areal, slik at planområdet kan omfatte alt av tiltak som er tenkt i planområdet og vere eit godt fungerande anlegg. Sjå opplistinga under punkt 5. Planområdet (planlagd). Det er gjort ei konsekvensvurdering i samband med at området ikkje er heilt i samsvar med overordna kommuneplan, sjå vedlegg til planarbeidet.

3 Nærmiljø: Det aktuelle planområdet er i dag helt ubebygd, forutan at det er opparbeidd ein grusa parkeringsplass ved starten av turvegen som går rundt Aksdalsvatnet. Parkeringsplassen ligg i planområdet og grensar til fylkesvegen i vest. Elles er området rundt noko spreidd utbygd, med nokre få bustadeigedomar mot nord og et gardsbruk mot sør. Topografi og landskap: Planområdet er for det meste beståande av kupert terreng med nokre høge toppar, med unntak av området som ligg parallelt ved fylkesvegen som i dag blir nytta som parkeringsplass for turvegen som går rundt Aksdalsvatnet. Dette er ein opparbeidd grusplass. Det er også eit relativt flatt terreng eit stykke inne på planområdet, men dette er i stor grad beståande av myr. Natur- og artsmangfold: Ein har i planarbeidet sjekka Miljødirektoratet sin naturdatabase og artsdatabankens artsdatabase, og det er ingen registeringer for natur- eller artsmangfold i området Friluftsområder: Det er ingen spesielt tilrettelagde friluftsområder i direkte konflikt med planområdet. Det går ein turveg rundt Aksdalsvatnet, rett nord for planområdet, og det er lagt opp til at ein kan gå rundt turvegen frå den grusa parkeringsplassen rett ved Høievegen. Badeplassen Dragavika ligg også rett vest for planområdet. Badeplassen har i dei siste par åra fått ei solid opprusting. Det er no etablert ein universelt utforma veg og det er laga ein grusa scene nede ved badeplassen. Badeplassen er den mest brukte offentlege badeplassen i kommunen. Kulturminner: Etter søk i Temakart Rogaland kan ein ikkje sjå at det eksisterer verneverdige kulturminner på det arealet kor det er planlagd etablert hestesportanlegg. Ras- og skredfare: I kommuneplanen er det ikkje merka omsynssoner i planområdet. Det er også gjort søk i Temakart Rogaland sine databaser, og ein finn ikkje at det akutelle området for hestesportanlegget ligg i faresonen for ras- og skredfare. Forurensning og støy: Området er eit naturområde og er med det ikkje prega av støy og forureining. Trafikk og tilkomst: Tilkomst til området skjer via eksisterande Fv Høieveien. Vegen går ifrå Førrestjørna i nord til Høie i sør. I dag ligg det eit naturleg avkøyringspunkt for parkeringsplassen tilknytt turveg rundt Aksdalsvatnet. Næraste kryss er avkøyrsel til Dragavika. I området rundt er det to busstopp, det er eitt ved Fv. 771, ca. 550 meter sør for området, og eitt stopp nord for området, som ligg ved Frakkagjerd ungdomsskule og er ca. 1,4 km i avstand frå planområdet. Parkering og veg: Det fins allereie ein parkeringsplass i planområdet, liggjande rett ved fylkesvegen. Denne parkeringsplassen blir nytta som parkeringsplass i samband med turvegen som går rundt Aksdalsvatnet. Teknisk infrastruktur: Langs Høievegen sør for krysset med vegen til Dragavika ligg det til rette for god kapasitet på vatn og spillvatn. Det er i tillegg tilstrekkelig med brannvatn i området.

4 Tilkomst for myke trafikanter: Mjuke trafikantar (syklistar, barn, unge og eldre) har moglegheit til å nytte seg av den eksisterande turvegen som går rundt Aksdalsvatnet for å ta seg til området slik det er i dag. 5. Planforslaget (planlagd) Generelt og om innhald i planområdet: Detaljreguleringsplanen er utarbeidd som ein rein flateregulering, og anlegget skal hovudsakeleg vere i bruk for hestesport, men med opning for hundesport (sambruk). Det er opplyst av Haugaland Hestesport at det planlagde anlegget tilfredsstiller krava frå Rogaland Fylkeskommune når det gjeld regionale idrettsanlegg. Anlegget skal innehalde: - Ovalbane Islandshest 250 meter - Passbane Islandshest 350 meter - Ridehall 30 x 70 meter - Ridehall 20 x 40 meter - Ridehall 20 x 40 meter - Feltrittløype og treningsløype både for fart og variert trening - Garderobeanlegg - Klubbhus - Rideskolestallar - Lager for vedlikehalds- og driftsmateriell - Uteområde, parkering og liknande Hovudføremålet for detaljreguleringsplanen er idrettsanlegg. Det skal også etablerast avkøyring inn til planområdet, som er vist på plankartet, sjå vedlagte plandokument. Ein har i planarbeidet ikkje sett behov for å regulere interne vegar, då reguleringsplanen er tenkt som ein ren flateregulering. Det skal i tillegg settast av eit område til renovasjon, utan at det blir vist i plankartet. Det same gjeld for parkeringsplassen. Dette er ei løysing som vil gje Haugaland Hestesport Arena meir fleksibilitet i realiseringa av hestesportanlegget. Dei aktuelle føremåla for anlegget er likevel omtala i føresegna, som også vil gje ei nærare avklaring av dei føremåla som ikkje er vist i plankartet. Turløyper: Det går i dag ei eksisterande turløype rundt Aksdalsvatnet. Løypa er lett tilgjengeleg ifrå planområdet, då det i dag er ein grusa parkeringsplass som del av planområdet som markerar eit startspunkt for løypa. Ein ynskjer at flest mogleg av dei som blir besøkande til hestesportanlegget skal ha moglegheit til å nytte denne turløypa som tilkomst til planområdet. Kryssløysning / tilkomst: Ein skal utarbeide eit nytt T-kryss ifrå fylkesveg 771 og inn til planområdet som del av planarbeidet. Det er omtala i planføresegna at krysset må utformast i samsvar med Statens vegvesen si handbok, og at teknisk plan for krysset må godkjennast av Statens vegvesen før byggjestart, sjå føresegna punkt 2.2 og 7.3. Parkering: Hestesportanlegget er tenkt for nasjonale og internasjonale stevner, i tillegg til den daglige drifta. Ein må med det leggje opp til parkering for større køyretøy, da hestetransport er særlig plasskrevande. I reguleringsføresegna punkt 3.6 er det stilt krav om minimum 2-4 parkeringsplassar per 10 tribuneplasser. I tillegg er det eit krav om tilstrekkelig parkeringsareal i samband med store køyretøy for nasjonale/internasjonale stevner. Det skal også settast av areal til sykkelparkering, både for tilsette og besøkande. Helse/barn- og unge: Hestesportanlegget kan bli ein aktuell møteplass for born, unge, vaksne og eldre. Det skal tilretteleggjast for ulike aktivitetar innanføre heste- og hundesporten. Anlegget vil med det vere eit

5 positivt tilskot for området rundt, då det inneber eit nytt fritidstilbod. Tilbodet vil også ha gunstig innverknad på born og unges helse. Omsynssoner: Omsynssonar i plankartet gjeld sikring av frisikt. Teknisk plan og utbygging av området: Det går fram av reguleringsføresegna at før utbygging av område for hestesportanlegget er det krav om utarbeiding av ein teknisk plan for utforming av krysset/tilkomsten. Planen skal godkjennast av Statens vegvesen før byggestart. Før det kan gis igangsettingsløyve til etablering av hestesportanlegget i planområdet, må kommunen godkjenne ein plan for etappevis utbygging, som viser korleis heile området skal utnyttast og utbyggast. Denne planen skal også omfatte veg, vatn og avløp i planområdet. Det må utarbeidas situasjonsplanar i samband med søknad om rammeløyve. Situasjonsplanen skal vise plassering og ytre dimenasjonar av det som er tenkt oppført. Krav om situasjonsplan gjeld også for uteområde, tilkomst og andre interne veger, terrengarbeid og anna. Dette er nærare omtala i føresegna. Samfunnstryggleik/ ROS: ROS-analyse er gjennomført i samsvar med krava i plan- og bygningslova 4-3. Sjå eige vedlegg som visar ROS-analysa. Merknadar til oppstart av planarbeid: Det har kome inn innspel frå Rogaland Fylkeskommune, Haugaland Kraft, Statens Vegvesen, Fylkesmannen i Rogaland og to nærliggjande grunneigarar. Dei innkomne merknadane er kommentert i planomtala. 6. Rådmannen sin kommentar Planane for realisering av eit hestesportanlegg på Skeiseid har lenge vore under utarbeiding. I 2016 blei Haugaland Hestesport Arena AS stifta. Her inngår fleire av hesteklubbane på Haugalandet. Saman skal dei drive hestesportanlegget på Skeiseid, og det er lagt planar for både nasjonale og internasjonale stevner, i tillegg til den daglege drifta. Rådmannen trur eit nytt hestesportanlegg på Skeiseid vil bli ein attraksjon for heile kommunen, og kunne blir ein samlande arena for hesteporten på Haugalandet. Hestesporten gir trygge og stabile omgjevnader for born og unge, og hestesporten er ein særleg positiv fritidsaktivitet for born og unge i alle aldrar og med alle typar utfordringar. Her vil det kunna tilretteleggast for eit miljø kor deltakarane kan utvikle seg, gjennom mestring og eigenutvikling. Realiseringa av eit nytt hestesportsenter på Skeiseid vil føre til at ressursar og kompetanse innanføre hestesporten vert samla. Det vil med det kunne skape eit positivt og attraktivt miljø for hestesporten. Med dei planlagde bustadområda på Skeiseid ligg alt til rette for at hestesportanlegget vil få mange nye besøkande og medlemmer etter kvart som det kjem nye tilflyttarar. Hestesportanlegget vil såleis vere ein del av det fritidstilbodet som kommunen ynskjer å legge til rette for i Frakkagjerd-området. Hestesportanlegget vil også bidra til arbeidsplassar i kommunen, og det kan også vere aktuelt med praksisplassar eller lærlingeplassar på anlegget. Alt i alt vil anlegget kunne vere eit positiv bidrag i kommunen, i eit av områda kor det er eit sterkt fokus på utvikling. Rådmannen ser med dette positivt på planarbeidet. Vedlegg: - Planomtale - Plankart - Føresegner - Konsekvensvurdering og ROS-analyse