VINDAFJORD KOMMUNE SAKSPAPIR

Transkript

1 VINDAFJORD KOMMUNE SAKSPAPIR Saksnummer Utval Vedtaksdato 030/17 Formannskapet /17 Kommunestyret Saksbehandlar: Johannessen, Ingrid Sak - journalpost: 15/ Andre gangs handsaming av Detaljregulering for Ølen kyrkjegard med tilkomst og parkering Rådmannen sitt framlegg til vedtak Detaljregulering for Ølen kyrkjegard med tilkomst og parkering vert godkjent slik planen ligg føre med plankart og føresegner datert Kommunestyret Formannskapet si tilråding vart samrøystes vedtatt. KS-026/17 Vedtak: Detaljregulering for Ølen kyrkjegard med tilkomst og parkering vert godkjent slik planen ligg føre med plankart og føresegner datert Formannskapet Rådmannen sitt framlegg til vedtak vart samrøystes tilrådd. FS-030/17 Vedtak: Tilråding frå Formannskapet: Detaljregulering for Ølen kyrkjegard med tilkomst og parkering vert godkjent slik planen ligg føre med plankart og føresegner datert

2 Aktuelle lover, forskrifter, avtalar, reglement m.m.: Plan- og bygningslova og naturmangfaldlova. Saka gjeld: Andre gangs handsaming av Detaljregulering for Ølen kyrkjegard med tilkomst og parkering. Saksopplysningar: Planforslaget omhandlar delar av eldre reguleringsplan for «Nerheimsfeltet». Den delen som nå blir endra, får eige plankart og føresegner, og blir å rekne som ein eigen plan; «Detaljregulering for Ølen kyrkjegard med tilkomst og parkering.» Saka er handsama gjennom ordinær planprosess, jf Pbl Omega Areal as har på vegne av Vindafjord kommune utarbeidd forslag til detaljregulering. Planområdet er lokalisert like utanfor sentrum av tettstaden Ølen, sør for E134 og vest for fv Tilkomst til planområdet med bil er frå fv. 514 via Heiabøvegen. Tilkomst til planområdet for gåande vil i hovudsak vere ifrå nord via Kyrkjehumpen og Nerheimsvegen. Hovudformålet med planarbeidet er å få på plass tilfredsstillande parkeringstilhøve og tilkomst for gåande og køyrande til Ølen kyrkjegard. Kyrkjegarden med tilkomst og parkering er regulert i reguleringsplan for Nerheimsfeltet, vedteken av kommunestyret Gjennom mange år har det vore eit problem med manglande parkering ved kyrkjegarden i Ølen og tilfredsstillande tilkomst. Tilkomst og parkering slik det går fram av eldre reguleringsplan, er ikkje opparbeidd. Planforslaget er på om lag 19 daa og det er regulert til hovudformåla: - Grav- og urnelund. Arealet sett av til kyrkjegard er litt redusert i høve til eldre reguleringsplan. Tilkomsten blir via parkeringsplassen på sørsida av kyrkjegarden. Det går ikkje fram av reguleringsplanen korleis kyrkjegarden skal opparbeidast, men dette må detaljplanleggast i byggeplanfasen. - Kulturinstitusjon. I eldre reguleringsplan er eit areal nord for Nerheimstunet sett av til kulturminne/fortidsminne. Dette arealet inngår i planforslaget og er i sin heilskap regulert til formålet kulturinstitusjon. Det er samstundes lagt omsynssone bevaring av kulturmiljø på arealet og i føresegnene stilt krav om tilpassing til antikvariske verdiar og miljø. - Parkering. Parkeringsplassen er utvida noko i høve til gjeldande plan. Det er sett av 1,2 daa som vil gi plass for tosidig parkering og minimum 40 parkeringsplassar. Parkeringsarealet kan også nyttast for besøkande til Nerheimstunet. - Tilkomst (veg og gang- og sykkelveg). Køyrande skal komme til gravplassen frå fv. 514 via Heiabøvegen. Tilkomstvegen SV1 er regulert frå krysset ml. Nerheimsvegen og Løkjelsmyrvegen, slik tilkomsten også var tenkt i eldre reguleringsplan som aldri er opparbeidd. Vegbreidda er regulert til 5,5 m med 0,25 m skulder på begge sider. Veg og vegkryss er planlagt i samsvar med Statens vegvesen si handbok N100. SV1 er regulert som offentleg veg. Gang- og sykkelvegen er planlagt frå Nerheimsvegen i vest og fram til parkeringsplassen i nordaustleg retning. G/s-vegen er planlagt med breidde 3,0 meter og vil bli universelt utforma. Det vil vere naudsynt å markere gangfelt over parkeringsplassen for å gjere trafikktryggleiken betre for mjuke trafikantar. Det blir også tilrettelagt for sykkelparkering. Nerheimsvegen vil fortsett vere tilkomstveg for bustadar og gardsbruk knytt til denne vegen. Vegen, SV2, er regulert med breidde 4,0 meter og er regulert til å vere privat veg som tidlegare. Planforslaget vart første gang handsama i formannskapet , sak 007/17. Planen

3 har vore til offentleg ettersyn/høyring i perioden Følgande merknader er komme inn: Mattilsynet Etter Mattilsynet si vurdering er ikkje detaljreguleringa i konflikt med regelverket Mattilsynet forvaltar. Dei konkluderer med at det ikkje kjem fram tilhøve som krev sakshandsaming frå Mattilsynet si side. Statens vegvesen Planområdet har tilkomst via kryss mot fv Statens vegvesen sine interesser i området er knytt til dette krysset. Dei uttalar seg på vegne av Rogaland fylkeskommune som vegeigar, og som sektormynde innan vegtransport. I uttalen til oppstart skreiv vegvesenet at utforminga av krysset mot fv. 514 måtte bli vurdert i planarbeidet. I planskildringa er dette kommentert, og det står at krysset mot fylkesvegen inngår i reguleringsplanen for Nerheim næringsområde som er under arbeid. Statens vegvesen har god dialog med kommunen om planarbeidet på Nerheim, og har ikkje merknader til at krysset blir vurdert i samband med dette planarbeidet. Fylkesmannen i Rogaland Fylkesmannen har ingen vesentlege merknader til saka. Fortidsminneforeningen Dei skriv at det går fram av saksdokumenta at arealet nord for Nerheimstunet er vidareført med formålet «kulturinstitusjon» med tilhøyrande «omsynssone (H570) bevaring kulturmiljø». I følge føresegnene 6.2 skal ev. nye tiltak innanfor området sendast kulturmyndigheitene til uttale. Fortidsminneforeningen Haugland lokallag støttar derfor opp under planforslaget, så lenge nemnte føresegner og formål blir vidareført i planen. Rogaland Fylkeskommune/Riksantikvaren Fylkesrådmannen har vurdert saka som sektormyndigheit innanfor kulturminnevern, med fokus på automatisk freda kulturminne. Saka er også sendt Riksantikvaren då planområdet grenser mot Ølen middelalderkyrkjegard, Askeladden id Riksantikvaren vurderer det slik at tiltaka ikkje vil ha direkte innverknad på middelalderkyrkjegarden, men at opparbeiding av tilkomst og parkering bør ta tilstrekkeleg omsyn til Ølen middelalderkyrkjestad, og dei omgivnadene som inngår i kyrkjestaden sitt nærområde. Elles går det fram av tidlegare skriv frå Rogaland fylkeskommune at planområdet ikkje kjem i konflikt med automatisk freda kulturminne og at dei dermed ikkje har merknader til tiltaket. Ved gjennomføring av planen med opparbeiding av tilkomst og parkering vil kommunen vise omsyn til omgivnadene og nærmiljø med særskilt vekt på Ølen kyrkjegard og Ølen middelalderkyrkjestad, jf. føresegnene 2. Ølen og Bjoa Sokneråd Dei skriv i sin uttale at det er viktig å framleis ha gangveg opp Kyrkjehumpen for å komme til kyrkjegarden frå Ølen kyrkje. I referat frå møte i Ølen og Bjoa sokneråd går det fram av sak 23/17 at trappa frå Kyrkjehumpen opp til gravplassen var tema. Soknerådet har følgande uttale til dette: «Ny trapp i Kyrkjehumpen Soknerådet i Ølen og Bjoa bed om at det må gjerast noko med trappa som går opp til gravplassen frå kyrkja i Kyrkjehumpen. Denne trappa blir brukt som ein snarveg til gravplassen når det er gravferder. Det har blitt påpeika i mange år at denne trappa er farleg. Ho er glatt når det regnar, og når det er snø og kaldt. Kyrkjetenaren har også kome med

4 innspel til soknerådet vedk.trappa. Ho må nytte trappa for å nå opp til kyrkjegarde i tide for å ringe med klokka. Ho kjenner seg ikkje trygg når ho må gå i trappa. Soknerådet bed om at det må avklarast kven som har ansvar/vil ta på seg ansvar for trapp. Og få ho ordna. Det finnest å få kjøpt vedlikehaldsfri, galvanisert, sklisikker trapp som kan monterast.» Dårleg tilkomst, særskilt for mjuke trafikantar, er ein av årsakene til reguleringsendringa. Tilkomst via trappa i Kyrkjehumpen gir ikkje sikker tilkomst og heller ikkje tilkomst for menneske med nedsett funksjonevne. Slik planforslaget ligg føre, vil ein gi gåande og syklande tilkomst opp Nerheimsvegen, vidare på gang-/sykkelveg inn til parkeringsplassen. G/s-vegen vil bli universelt utforma. Rådmannen legg til grunn at når planen er gjennomført med ny tilfredsstillande tilkomst for mjuke trafikantar, vil trappa via Kyrkjehumpen bli overflødig. Kommunen kan ikkje samstundes oppretthalde ein tilkomst som ikkje er tilfredsstillande. Dersom soknerådet likevel ønsker trappa tilgjengeleg, må dei bere ansvar for tilkomst og vedlikehald. Ølen Grendeutval Ølen Grendeutval hadde reguleringsplanen til handsaming i møte og er positive til at det gjennom regulering og opparbeiding vert betre og utvida forhold for parkering og tilkomst til Ølen kyrkjegard. Grendeutvalet vurderer framlegget til regulering som godt, men vil på eitt punkt komme med merknader: Det er lite tilfredsstillande for ei framtidsretta løysing at bårebil med gravferdsfølge som nyttar eigen bil frå kyrkja til kyrkjegarden framleis skal køyra ut på E134 og vidare på fv E134 har stor og aukande trafikkbelastning. Denne køyreruta er på 1,4 km. Dersom ein tek omsyn til at eit gravferdsfølge held ein fart på km/t, gir dette dårleg trafikkmessig løysing. Grendeutvalet ber om at det vert vurdert ei løysing der bårebil og gravferdsfølge frå kyrkja til kyrkjegarden kan nytta vegen opp frå kyrkja til Nerheimsvegen og svinga inn til venstre «på toppen», inn på SV1 og SV2 i planforslaget. Ei slik løysing vil fjerne konflikt med stor trafikk på E134 og fv. 514 og redusere køyreruta til 0,6 km. Grendeutvalet er klar over at stigningsforholda på deler av denne traseen kan vere utfordrande, men ikkje slik at det bør hindre ei slik løysing. Elles gjeld framlegget frå Grendeutvalet berre for bårebil med gravferdsfølge frå kyrkja til kyrkjegarde. Tydeleg skilting bør hindre at ein opnar for anna biltrafikk til og frå kyrkje og kyrkjegard denne vegen. Det bør også vere mogleg på denne korte strekninga (ca 200 m) å finne ei løysing som skil mjuke trafikantar frå bilane i gravferdsfølge. Tilkomst til kyrkjegarden via Nerheimsvegen er som Grendeutvalet peikar på, ei utfordring med tanke på stigningsforhold. Vegen tilfredsstillar ikkje kommunen sine krav til stigning. Ei utbetring av stigningsforholda i Nerheimsvegen krev store endringar og inngrep i dyrka mark. Vegen er dessutan privat. At bårebil med gravferdsfølge må ut på trafikkert veg er ikkje noko optimal løysing, men ei slik løysinga sikrar tilfredsstillande tilkomst og gir samstundes ei trafikksikker løysing for mjuke trafikantar. Det er ikkje ønskeleg å blande biltrafikken og mjuke trafikantar i gravferdsfølge. Rådmannen kan ikkje legge til rette for ei løysing som ikkje er i tråd med eigne krav. Bebuarar i Løkjelsmyrvegen Den nye kyrkjegardsvegen vil berøre oss som bur her opp på mange måtar, men særleg i Løkjelsmyrvegen 1 der vegen i følgje planen skal gå rett forbi huset. Ny kyrkjegardsveg vil vere til stor sjenanse og i tillegg vere svært øydeleggande for trivselen. I Løkjelsmyrvegen bur det for tida fem familiar, og fleire kan det bli. Både Løkjelsmyrvegen og Nerheimsvegen

5 blir derfor nytta av både barn og vaksne, samt av grunneigarane som bur lenger nede på Nerheim. Det er allereie stor trafikk på ein elles smal og svingete grusveg. Med auka trafikkbelastning aukar faren for både små og store. Løkjelsmyrvegen har allereie stor trafikkbelastning heile døgnet då han er nytta til og frå næringsområdet på Nerheim. Mange held svært høg fart og det er til tider mykje støy og støv. Kommunen meiner det er lite trafikk til ein kyrkjegard, men dette stemmer ikkje i det heile. Det vil venteleg vere trafikk til kyrkjegarden dagleg, også utanom gravferder, både seint og tidleg, samt i helgar og høgtider. Frå før har ungane utrygg skuleveg, og han vil ikkje bli mindre utrygg med ny kyrkjegardsveg forbi. Ny veg rett forbi bustadhusa vil føre til verdiforringing, samt at me mistar retten til eit privatliv utan innsyn og biltrafikk frå alle kantar.frå før er tomtene små med lite grøntareal rundt. Det er vanskeleg å forstå at ikkje vegen til kyrkjegarden framleis kan gå via Heiabøvegen over Ebne sin eigedom slik han går i dag. Der kjem ikkje vegen i konflikt med bustadhus eller mjuke trafikantar. Bent Ove Ebne nyttar heller ikkje jorda si i like stor grad som før. Kommunen må derfor ta saka opp til ny vurdering. Tilkomsten til kyrkjegarden er også i eldre regulering planlagt frå Nerheimsvegen. Endringane som er planlagt, er i hovudsak knytt til parkeringstilhøva og tilkomst for mjuke trafikantar. Nerheimsvegen tar av frå Løkjelsmyrvegen der eksisterande vegkryss er i dag. Nerheimsvegen vil bli utbetra innanfor planområde; utretting av kurvatur og ei utviding til 5,5 m breidde. Krysset blir opparbeidd i samsvar med vegvesenet sin vegnormal. Dette vil auke trafikktryggleiken. Ungar som går til skulen vil følgje Heiabøvegen ned til «den gamle postvegen», på denne strekninga er det tilrettelagt fortau. Nerheimsvegen tar av frå Løkjelsmyrvegen berre 25 meter etter kryss med Heiabøvegen. Desse 25 metrane er ei oversiktleg strekning, og gjennomføringa av planen vil gjere krysset enda meir oversiktleg. Personbiltrafikken til og frå kyrkjegarden vil ikkje auke støybelastninga monaleg. Nerheimsvegen som i dag er privat veg, vil etter gjennomføringa av planen bli kommunal på den strekninga som går frå Løkjelsmyrvegen og inn til kyrkjegarden. Denne vegstrekninga vil bli asfaltert og vegstøv vil ikkje lenger bli eit problem. Det er trafikk til eksisterande eigedomar i Nerheimsvegen i dag. Trafikken til og frå kyrkjegarden blir av kommunen vurdert som liten og sporadisk. Denne trafikken er vurdert å bli mindre enn trafikken som allereie går på Løkjelsmyrvegen til næringsområde. Trafikken i Nerheimsvegen vil vere med personbil, medan trafikken til næringsområde kan vere meir støyande pga. tunge køyretøy. Tilkomsten som har vore nytta til kyrkjegarden frå Heiabøvegen via Ebnes plantesal har aldri vore tilfredsstillande. Det er heller ikkje regulert tilkomst i eldre reguleringsplan denne vegen. Planforslaget held fast på tidlegare regulert tilkomst via Løkjelsmyrvegen og Nerheimsvegen, då denne løysinga gir ei trafikksikker tilkomst. Kjersti og Henrik Nerheim Nesten heile planlagt vegtrase ligg på deira eigedom og vil medføre store ulemper. Dei bur i Nerheimsvegen og driv jordbruksverksemd her, auka trafikk vil vere svært belastande. Næringsmessig betyr planforslaget at dei må avstå dyrka mark til vegtraseen, men det vil også bli eit marginalt areal att som ikkje kan reknast som slåttemark lenger. Den foreslåtte vegtraseen går også over eit areal som i dag vert nytta til lager for rundballar. Dei er undrande til motivet for å flytte vegen frå eksisterande trase til ny trase. Den nye traseen blir lagt til eit område med etter måten tett busetnad, medan den eksisterande tilkomsten ligg i «bakgården» til Ebnes plantesal. Ein flyttar trafikkbelastninga frå eit næringsområde til eit område med bustadar.

6 Ved varsel om oppstart av planarbeid, sendte Nerheim inn sine merknader, men desse er berre flyktig kommentert og i det store og heile ignorert i planforslaget som ligg føre, meiner Nerheim. Dei har i punkt 1-8 følgande krav til gjennomføringa av tiltaket: 1. Utarbeiding/plassering av trase må skje i nær dialog med underteikna for å unngå det som dei oppfattar som personlege og driftsmessige ulemper. Dei påpeikar at det ikkje har vore nokon formell kontakt mellom administrasjonen eller underteikna gjennom planprosessen, så langt, utanom når det skulle gjennomførast arkeologiske registreringar. Plankartet ligg til grunn for gjennomføringa av planen. I byggeplanfasen vil detaljar i utforming og tilpassing til areala som grensar opp til planområdet, avtalast med grunneigaren. Rådmannen vil understreka at planen har følgt vanleg planprosess med varsling om oppstart av planarbeid der grunneigarar og naboar blir tilskrivne. Etter første gangs handsaming er planforslaget sendt på høyring til offentlege instansar, grunneigarar og naboar. 2. All grunn som inngår i planen må løysast inn av kommunen. Dette inkluderar også restareal som blir liggande til ingen nytte pga. vegen, t.d. areal mellom g/s-vegen og eigedom 290/191 (Eirik Ebne). Rådmannen har sjølvsagt lagt til grunn at planen krev innløysing av naudsynt areal for å gjennomføre planen. Dette blir eit arbeid kommunen startar på etter at planen er vedteken. 3. Vegane må asfalterast for å unngå problem med vegstøv som somrane. Vegar som er planlagt å vere offentlege, vil bli asfaltert. 4. Så langt det er råd må traseen følge eksisterande vegar. SV1 er planlagt med større breidde enn dagens vegtrase, dette for å betre tryggleik og framkommelegheit. Planlagt trase har ein slakare kurvatur og grip inn på bustadeigedom 291/82. Vidare nordover følger vegen eksisterande trase langs eigedom 291/119, men all utviding av breidde berører dyrka mark hos grunneigar på vestre side av vegen, dvs eigedom 291/2. Frå krysset med SV2 er SV1 planlagt å svinge utanom ballelager og inn til grensa med Nerheimstunet. 5. Det må opparbeidast eit nytt areal for ballelager for utbyggar si rekning dersom vegen følger planlagt trase. Rådmannen sin kommentar: Planlagt vegtrase er lagt utanom eksisterande ballelager, slik at grunneigar kan oppretthalde bruken av dette arealet som tidlegare. 6. I aust går traseen etter det Nerheim forstår, på deira side av steingarden som er grensa mellom dei og Nerheimstunet. Dei har vanskeleg for å forstå kvifor ikkje vegen kan gå på austsida av steingarden, altså over grunnen til Nerheimstunet. Ei slik løysing vil minimere nedbygging av dyrka mark i drift. Aktiviteten ved Nerheimstunet er og har vore det ein kan kalle beskjeden. Rådmannen sin kommentar:

7 Nerheimstunet er eit museumsområde med omsynssone bevaring i gjeldande regulering. Det vil ikkje vere rett å legge vegen på austsida av steingarden som er grensa mellom eigedomane. 7. Overskotsmassar frå prosjektet må leggast i ein voll langs vegen i aust. Denne må plantast til med hekk for å skjerme tunet mot støy og innsyn. I saka til første gangs hansaming vurderte kommunen at det ikkje vil bli så mykje trafikk på vegen at dette er naudsynt, skriv Nerheim. Han meiner at det er lite samfunnstenleg å køyre overskotsmassar til deponi. Det er ikkje rekna på kor vidt ein får store mengder overskotsmassar. Dette vil bli gjort i byggeplanfasen. Matjord som blir fjerna, skal fortrinnsvis nyttast vidare til matproduksjon. Ei tilrettelegging i området må ta omsyn til omgivnader og korleis dette blir løyst, blir å ta opp i byggeplanfasen. Rådmannen held fast på si tidlegare vurdering av trafikkmengde til kyrkjegarden og viser til planskildringa der innkomne merknader til oppstartsvarsel blei kommentert. På dette punkt står følgande skrive: «Trafikk til kyrkjegarden vert vurdert som avgrensa, utanom ved gravferder vil trafikkmengda vere liten, og det vert derfor vurdert at etablering av støyvoll ikkje er naudsynt.» 8. Det er planlagt ein g/s-veg frå Nerheimsvegen til parkeringsplassen. Grunneigar vil at denne traseen vert dimensjonert og utforma slik at også biltrafikken som kjem frå vestre deler av Nerheim, kan nytte denne vegen inn til kyrkjegardsvegen og køyre langs steingarden sørover mot Løkjelsmyrvegen. Med ei slik løysing blir gardstunet skjerma for gjennomgangstrafikk. Grunneigar tok dette opp også i sine merknader til oppstartsvarselet. Det blei kommentert i planskildringa at det er teknisk mogleg å legge Nerheimsvegen parallelt med g/s-vegen opp til ny vegtrase til kyrkjegarden, men sidan oppsitjarane langs vegen ikkje er varsla om ei slik endring, må endra tilkomst for brukarane løysast ved eit seinare høve og ikkje som del av dette planarbeidet. På bakgrunn av innkommen merknad frå grunneigar om dette i oppstartsvarselet, blei moglegheita for å legge Nerheimsvegen utanom tunet vurdert. Det viste at terrengforholda på staden gjer det teknisk mogleg. Formålet med reguleringsendringa er å gi kyrkjegarden betre tilkomst og parkering, ikkje flytting av Nerheimsvegen. Brukarane av Nerheimsvegen er ikkje varsla om planarbeidet derfor må ei endring av tilkomsten for brukarane av Nerheimsvegen løysast ved eit seinare høve og ikkje som ein del av dette planarbeidet. Dersom grunneigar og/eller andre med rettar i Nerheimsvegen tar inintiativ til ei endring av vegtraseen, vil kommunen ta dette opp til vurdering/handsaming. Rådmannen sine avsluttande kommentarar til grunneigaren: Rådmannen vil vise til gjeldande (eldre) reguleringsplan der også vegen til kyrkjegarden er planlagt via Nerheimsvegen. Eksisterande tilkomst via Ebnes plantesal har aldri vore planlagt som tilkomst, men har vore ei midlertidig løysing nytta altfor lenge. Endringa av planen gjeld i hovudsak endra parkering og tilkomst for mjuke trafikantar, samt å få planen i samsvar med dagens krav til vegstandard og universell tilkomst. Merknadene frå grunneigar Nerheim er i grove trekk dei same som ved oppstartsvarselet. Naturmangfaldlova I planskildringa til første gangs handsaming blei planen vurdert etter dei miljørettslege prinsippa i Naturmangfaldlova 8-12, jf 7.

8 ROS-analyse Det er gjennomført ROS-vurderingar, sjå vedlegg. Den har avdekka låg risiko for uønska hendingar. I dei tilfelle der det er funne sannsynlegheit for uønska hending samstundes med at konsekvensane av denne hendinga er meir enn ubetydelege, har planforslaget lagt opp til førebyggande tiltak. Trafikkulukke i møte ml gåande og køyrande på parkeringsområdet skal førebyggast med god oppmerking av gangfelt på parkeringsplassen. Skader som følgje av ekstrem nedbør skal førebyggast ved å dimensjonere tilstrekkeleg for handtering av overvatn. Finansiering/gjennomføring Utbygginga er finansiert i økonomiplanen for Ei utbygging vil og krevje erverv av grunn. Krav og arkeologiske undersøkingar har utsett opphaveleg plan om grunninnløysing i 2015 og bygging i Det er sett av 7,5 mill. kr til planlegging og gjennomføring av tiltaket. Oppsummering Planområdet grensar til eit mindre bustadfelt med 9 einebustadar i sør, til eit litt større bustadområde i nord (Kyrkjehumpen) og elles til LNF-område med spreidd busetnad. Bustadområdet i sør har sin tilkomst via Løkjelsmyrvegen. Trafikken til kyrkjegarden vil gå på Nerheimsvegen som to av tomtene grensar til. Nerheimsvegen er elles tilkomstveg for 5 gardsbruk og 11 bustadhus pr. dags dato. Store deler av landbruksareala som ligg rundt planområdet, er i aktiv drift. Trafikken til og frå kyrkjegarden er vurdert å ikkje vere av slikt omfang at det skapar trafikkfarlege situasjonar. Til vanleg vil besøkande komme sporadisk, men ved gravferder vil trafikken komme på tilnærma same tidspunkt og med relativt låg fart. Stor trafikk vil ikkje førekomme. Tilkomst og parkering kjem frå sør. Første del av tilkomstvegen vil følgje eksisterande vegtrase for Nerheimsvegen. Etter om lag 135 meter vil ny vegtrase ta til høgre for Nerheimsvegen og halde fram i om lag 150 meter fram til planlagt parkering. Vegen vil ligge langs eigedomsgrensa med Nerheimstunet og blir liggande i kanten av dyrka mark. Steingarden som går i eigedomsgrensa skal ikkje rørast. Tilkomstvegen er regulert med 5,5 m breidde og 0,25 m vegskulder på begge sider. Vegens kurvatur ved avkøyringa til 291/119 vil bli retta noko ut. Vegen har ei god landskapstilpassing. Trafikkauken er ikkje vurdert å vere av storleik som skapar trafikkfarlege situasjonar på sjølve vegen. Planforslaget opnar for bygging av ny tilkomstveg og parkering til Ølen kyrkjegard. Det er sett av areal til g/s-veg for gåande som kjem frå kyrkja via Kyrkjehumpen og opp til kyrkjegarden. Utforminga av g/s-veg, parkering og kyrkjegard skal vere universell. Dei positive verknadene av planen er at ein får på plass ei tilfredsstillande løysing for tilkomst både for gåande og køyrande til kyrkjegarden og at det blir tilrettelagt for parkering. Dei negative verknadene av planforslaget er at nokre grunneigarar blir berørt og må avstå grunn. Vedlegg: Plankart Føresegner Planskildring

9