Detaljregulering for Ølen kyrkjegard med tilkomst og parkering.

Transkript

1 Detaljregulering for Ølen kyrkjegard med tilkomst og parkering. Planskildring Vindafjord kommune Planid Dato , rev

2 Versjon Dato Skildring Utarbeidd av Kontrollert av Innsending av planforslag til Vindafjord kommune Planforslag justert av Vindafjord kommune KJS INJ ES - 2 -

3 Innhald Innhald Samandrag Bakgrunn Formål med endringa Eigartilhøve Tidlegare vedtak i saka Gjennomføring/finansiering Krav om konsekvensutgreiing? Planprosessen Varsel om oppstart Planstatus og rammevilkår Gjeldande planar Skildring av planområdet, eksisterande tilhøve... Feil! Bokmerke er ikke definert. 5.1 Lokalisering Arealbruk i dag Landskap og stadkarakter Kulturminner og kulturmiljø Landbruk Trafikktilhøve Universell utforming Teknisk infrastruktur Grunntilhøve Skildring av planforslaget Planlagt arealbruk Gjennomgang av aktuelle reguleringsføremål Kyrkjegard Kulturinstitusjon Parkering Trafikkløysing Landbruk Universell utforming Naturmangfald ROS analyse Verknadar/ konsekvensar av planforslaget Innkomne merknader Norges vassdrags- og energidirektorat, datert Statens vegvesen, datert Feil! Bokmerke er ikke definert. Kjersti og Henrik Nerheim, datert Rogaland fylkeskommune, Kulturavdelingen, datert Rogaland fylkeskommune, Kulturavdelingen, datert Konklusjon Vedlegg

4 1 Samandrag For å få gjennomført ei varig og framtidsretta løysing for tilkomst og parkering til Ølen kyrkjegard er det behov for å endre gjeldande reguleringsplan for Nerheim i Ølen. Det er regulert tilkomst og parkering i gjeldande plan, men dette er ikkje opparbeida og kjem delvis i konflikt med eksisterande busetnad i området. Endringa legg til rette for ny tilkomst for gåande frå kyrkja til gravplassen, samt køyreveg og parkeringsplass. Parkeringsplassen er noko endra i høve til gjeldande plan. I tråd med gjeldande plan er areal tilknytt Nerheimstunet regulert med omsynssone bevaring av kulturmiljø for på best mogleg måte i ivareta den antikvariske verdien av bygningane og miljøet rundt

5 2 Bakgrunn 2.1 Formålet med endringa Omega Areal AS er engasjert av Vindafjord kommune for å utarbeida ei endring av deler av gjeldande regulering for Nerheimsfeltet i Ølen, vedtatt i Bakgrunnen for endringa er behov for betre parkeringstilhøve og tilkomst til kyrkjegarden. I gjeldande regulering er vegar og eit større trafikkområde i forkant av parkeringa delvis i konflikt med ein driftsbygning og to bustadhus. For å få kunne opparbeide tilkomst og parkering, må reguleringsplanen endrast. 2.2 Eigartilhøve Eigedomane innanfor plangrensa er følgjande (jf. mottekne nabolister frå kommunen i samband med varsel om oppstart): Gnr./ bnr. Heimelshavar Dagens høve i område omfatta av planen 290/1 Bent Ove Ebne Vegetasjon langs gravplassens randsone, regulert til gravplass i gjeldande plan 290/89 Vindafjord kommune Nåverande grav- og urnelund 290/152 Bent Ove Ebne Jord- og skogbruksareal del av framtidig tilkomst og parkering til gravplassen. 291/2 Henrik Nerheim Jord- og skogbrukareal del av framtidig tilkomst 291/82 Tor Martin Heggebø Hageareal del av regulert vegareal (i samsvar med gjeldande plan) 291/119 Peder Bellest Nerheim Hageareal - Del av regulert vegareal (i samsvar med gjeldande plan) 2.3 Tidlegare vedtak i saka Politikarane har hatt parkering og tilkomst til kyrkjegarden i Ølen til handsaming (k-sak 075/14). I saka framgår premisser for reguleringsendringa, og ei mogleg skisse til løysing. Den vart fylgjande tilråding vedtatt i Kommunestyret: KS-075/14 VEDTAK SAMRØYSTES: 1. Det blir starta opp ein reguleringsplanprosess som skissert i løysning nr. 2 i saksutgreiinga. 2. Tiltaket blir finansiert i økonomiplanen for med midlar til planlegging og grunninnløysing i 2015, og bygging i Løysning nr. 2 i saka som var oppe til handsaming viser til å gjennomføre ei mindre reguleringsendring i området ved regulert parkeringsplass i gjeldande plan. Det vil gje ei framtidsretta og endeleg parkeringsløysing for kyrkjegarden, og betre tilkomsten for gåande frå kyrkja og opp til kyrkjegarden ved gravferder. 2.4 Gjennomføring/finansiering Tiltaket krev innløysing av noko areal. Det er sett av 7,5 mill. kr til planlegging og gjennomføring av tiltaket. 2.5 Krav om konsekvensutgreiing? Området er av Vindafjord kommune vurdert til å ikkje utløyse krav om konsekvensutgreiing (KU), då tiltaket er i tråd med overordna plan og at det er snakk om ei mindre endring av eksisterande reguleringsplan

6 3 Planprosessen Figur 1 - varslingskart som viser planområdet med svart stipla line. 3.1 Varsel om oppstart Som følge av vedtaket i Kommunestyret i Vindafjord, blei det inngått avtale med Omega Areal AS for utarbeiding av forslag til endring av deler av reguleringsplanen for Nerheim i Ølen. Oppstartsvarsel blei sendt til naboar, grunneigarar, offentlege organ, organisasjonar og andre interesserte. Oppstart av planarbeidet vart også annonsert i Haugesunds avis og i lokalavisa Grannar, samt lagt ut på kommunen sine heimesider Annonse i Haugesund`s Avis Frist for tilbakemelding vart sett til Det kom inn tre innspel frå offentlege organ, og eit frå private i løpet av høyringsperioden. Innspel er kommentert under punkt 10, og ligg i sin heilskap som vedlegg. Etter at merknader var komme inn, blei det halde oppstartsmøte med kommunen 7. desember

7 4 Planstatus og rammevilkår 4.1 Gjeldande planar Kommuneplan (2011) I kommuneplanens arealdel er planområdet sett av til område for grav og urnelund, næringsbusetnad, samt landbruk- natur og friluftsformål. I tillegg er ein liten del av planområdet sett av til framtidig bustadområde. Gjeldande regulering Ølen kyrkjegard er regulert i reguleringsplan for Nerheim, vedteken i Reguleringsplanen omfattar eit større næringsområde i sør, eit mindre bustadområde ved Løkjelsmyrvegen, verneområde for kulturminne/fortidsminne (Nerheimstunet) og Ølen gravplass i nord. I tillegg er deler av 291/2 og 290/1 regulert til jordbruk, inkl. Ebne`s Hagesenter. Tiltak innanfor planområdet er berre delvis opparbeidd, og nokre tiltak er i strid med planen. Både området for kulturminne/fortidsminne (Nerheimstunet), avstanden og stigningsforholda mellom gravplassen og kyrkja, hagesenteret og eit bustadhus har gjort det vanskeleg å finne ei god løysing for parkering og tilkomst til kyrkjegarden etter gjeldande regulering, sjå kartutsnitt nedanfor figur 2. Figur 2 - Utsnitt av gjeldande reguleringsplan for området - 7 -

8 5 Skildring av planområdet, eksisterande tilhøve 5.1 Lokalisering av område Planområdet som er omfatta av endringa, er om lag 19 dekar, og ligg på Nerheim, om lag 600 meter frå Ølen sentrum. Området ligg på eit høgdedrag sør for Haukelivegen (E134), og vest for Sandeidvegen (fv. 514). Ølen kyrkje ligg nede ved E134, og gåande frå kyrkja nyttar vegen via Kyrkjehumpen og derifrå ein enkelt opparbeida grusveg for å komma seg opp til kyrkjegarden. Denne strekninga er om lag 400 meter og har utfordrande stigningsforhold. Planområdet omfattar kyrkjegard, tilkomstveg og parkering. 5.2 Arealbruk i dag Størsteparten av areala innanfor planområdet vert også i dag nytta til kyrkjegard, medan delar vert nytta til jordbruksareal og ein mindre del nytta til veg. Planområdet grensar i hovudsak til LNF-område (inkl. Ebnes Hagesenter), til område sett av til kulturminne/fortidsminne (Nerheimstunet) og eit mindre bustadområde ved tilkomstvegen i sør. 5.3 Landskap og stadkarakter Planområdet ligg i landlege omgivnadar med landbruksareal og Nerheimstunet (Sunnhordland Folkemuseum) som næraste naboar. Frå kyrkjegarden har ein utsikt utover Ølensfjorden, nordover til Sunnhordland. Ølen kyrkje ligg på kote 8 nede ved E134 og fjorden. Kyrkjegarden ligg på eit nokså flatt platå på kote Landskapsrommet er opent i nordleg retning mot fjorden, med dalsider som rammar fjordlandskapet inn i sør, aust og vest. I skråninga ned frå platået/gravplassen er det granskog i aust og naturleg blandingsskog i nord. Elles er landskapet opent og prega av jordbruksareal med spreidd busetnad omkring. Det er gode soltilhøve og dominerande vindretning er frå nord. Figur 3 Nerheimstunet til høgre og gardsbygning til venstre. Kyrkjegarden ligg nord for den dyrka marka og steingarden som så vidt er synleg midt i bildet. Ein kan skimte fjella i Sunnhordland og fjorden i nord. 5.4 Kulturminne og kulturmiljø Frå 1326 til om lag 1860 er Nerheim nemnd som kyrkjestad. Opphavleg låg kyrkja på Nerheim, men etter at den nye kyrkja vart bygd nede ved sjøen i 1874, er det no berre kyrkjegarden (inkl. middelalderkyrkjegarden) - 8 -

9 att oppe på Nerheim. Sør for kyrkjegarden, ligg Nerheimstunet som er eit gardstun frå om lag år 1660 (kjelde: Kommunedelplan for kulturminne og miljø, Vindafjord kommune 2015). Bygningane er restaurerte og på tunet står ei løe, eit fjøs, eit eldhus, eit stabbur og eit bustadhus. Nerheimstunet er i gjeldande plan regulert til kulturminne/fortidsminne. I samband med varsling av planarbeidet, peika Rogaland fylkeskommune, seksjon for kulturarv på at det i området er registrert fleire automatisk freda kulturminne. Dei fann det difor naudsynt å synfara planområde før dei kunne gi endeleg uttale til planarbeidet juni 2016 vart det gjort kulturhistoriske registreringar av området, utan at det blei gjort funn av automatisk freda kulturminne. Med bakgrunn i dette hadde ikkje Rogaland fylkeskommune merknadar til planarbeidet. 5.5 Landbruk Planområdet grensar til større samanhengande landbruksareal med spreidd busetnad i vest. Eit lite landbruksareal mellom Ebne`s Hagesenter, Nerheimstunet og ein bustad, ligg innanfor planområdet. Delar av dette er i gjeldande plan regulert til tilkomstveg og parkering for gravplassen, men er ikkje opparbeidd slik. 5.6 Trafikktilhøve Dagens løysing for køyrande frå kyrkja til gravplassen er via E134 og vidare på fv. 514 fram til tilkomst til Ebne`s Hagesenter (sjå figur 4). Det er ikkje opparbeida parkeringsplass for besøkande til gravplassen her, men folk nyttar areal tilknytt planteutsalet til parkering. Gåande frå kyrkja, nyttar vegen som går opp gjennom Kyrkjehumpen og som til slutt endar i ein bratt sti og ei trapp før ein er oppe på kyrkjegarden. Figur 4 - Tilkomst med bil vist med raud strek, tilkomst for gåande vist med blå strek 5.7 Universell utforming Kyrkjegarden og tilkomst til denne er ikkje universelt utforma i dag. Området der kyrkjegarden ligg, er relativt flatt. Dei som kjem køyrande og set bilen ved Ebne`s Hagesenter, må gå på grusveg vidare inn til kyrkjegarden. Vegen for gåande frå kyrkja, via Kyrkjehumpen, har utfordrande stigningstilhøve og på siste del av denne strekninga må ein opp ei trapp

10 5.8 Teknisk infrastruktur I fylgje Vindafjord kommune har Ølen Vassverk vassleidningar i området, som det er viktig å ha omsyn til under gjennomføring av planen. 5.9 Grunntilhøve Planområdet ligg på ei høgd sør for Ølen sentrum og E134. Storparten av planområdet ligg under marin grense i eit område beståande av lausmassar (breelvavsetning frå siste istid). Dette betyr at det kan vere førekomst av kvikkleire/marin leire i området. Området har vore nytta som kyrkjegard i ei årrekkje. Det er ikkje kjennskap til at området har vore utsett for skred/ras. Grunntilhøva er nærmare vurdert i ROS-analysen. 6 Skildring av planforslaget 6.1 Planlagt arealbruk Formålet med endringa av reguleringsplanen for Nerheimsfeltet i Ølen er å betre tilkomsten til kyrkjegarden for gåande og køyrande, samt tilrettelegge for parkering. Tilkomsten slik det går fram av gjeldande plan( figur 2), er ikkje opparbeidd og kjem i konflikt med ein eksisterande bustad. Det vart derfor behov for ei mindre endring av planen. I planforslaget er det også lagt til rette for noko meir parkeringsareal. Dette arealet er i hovudsak omdisponering av tidlegare trafikkareal, men litt areal er også tatt frå kyrkjegarden. Figur 5 - Utsnitt av planforslaget med tittelfelt

11 6.2 Gjennomgang av aktuelle reguleringsføremål Bygningar og anlegg (Pbl 12-5 nr. 1) Kulturinstitusjon, BIN Grav- og urnelund, BGU1-BGU8 Areal tilknytt Nerheimstunet, museum. kyrkjegard Samferdsle og teknisk infrastruktur (Pbl 12-5 nr. 2) Veg, SV1 SV2 Køyreveg, SKV1-SKV7 Gang- og sykkelveg, SGS Annan veggrunn grøntstruktur, SVG Parkering, SPA Offentleg tilkomstveg Privat tilkomstveg Private avkøyrslar Gang- og sykkelveg, tilkomst for mjuke trafikantar Areal til grøft, fylling og skjering i samband med veganlegga. Offentleg parkering Landbruks,- natur- og friluftsformål (PBL 12-5 nr. 4) Landsbruksformål, LL Nåverande landbruksareal Omsynssoner (PBL 12-6) Frisikt, H140, H140_1, H140_2 Bevaring kulturmiljø, H570 Område for frisikt Areal tilknytt Nerheimstunet er regulert til bevaring, i tråd med gjeldande plan. 6.3 Kyrkjegard I reguleringsplanen er det sett av areal til grav- og urnelund. Føresegnene legg føringar for at tiltaket blir detaljprosjektert i byggeplanfasen. Det går fram av Norges Geologiske Undersøkelse (NGU) at det i området som er sett av til kyrkjegard er lausmassar med god infiltrasjonsevne. Då det er kjent at det til tider kan oppstå problem med drenering på eksisterande kyrkjegard, kan det ved utviding av kyrkjegarden bli behov for utskifting til betre drenerande massar. 6.4 Kulturinstitusjon/museumsområde I gjeldande regulering er Nerheimstunet og eit område nord for dette regulert til kulturminne/fortidsminne. I forslaget til endring av reguleringsplan inngår ikkje sjølve Nerheimstunet, men arealet nord for museumstunet er med og regulert til formål «kulturinstitusjon» med omsynssone bevaring kulturmiljø. Dette arealet ligg tett opp til Nerheimstunet, derfor er det i føresegnene stilt krav om at ev. byggetiltak skal ta omsyn til dei antikvariske verdiar av bygningane og miljøet rundt. 6.5 Parkering I gjeldande reguleringsplan var det sett av 0,7 daa til parkering, men utan å vere opparbeidd. I forslag til endring av reguleringsplan er parkeringsareal utvida til 1,2 daa. Dette gir rom for tosidig parkering og plass til om lag 40 parkeringsplassar. Parkeringsplassen må tilretteleggast slik at bårebil og større køyretøy kan

12 komme fram til inngangen til kyrkjegarden. Han må også vere tilrettelagt slik at gåande kan ta seg trygt fram. Figur 6 viser ein illustrasjon med mogleg parkeringsløysing, der det er gitt plass for to plassar til parkering for rørslehemma. Figur 6 - Utsnitt av illustrasjonsplan som viser parkeringsplassen og tilkomst til denne. 6.6 Trafikkløysing Ny tilkomst for køyrande til gravplassen er vist med blå heiltrekt strek på figur 7. I planforslaget er ny tilkomstveg regulert frå krysset mellom Løkjelsmyrvegen og fram til ny parkeringsplass. Ved gravferder skal mao. bårebil og andre køyrande i gravfølge, køyre frå Ølen kyrkje, via E134 og fv 514 til Løkjelsmyrvegen og derfrå følgje Nerheimsvegen fram til ny parkeringsplass framfor kyrkjegarden. Vegen er regulert til samleveg i samsvar med Statens vegvesen si handbok N100. Vegen har ei breidd på 5,5 meter med 0,25 meter skulder på kvar side. Ny tilkomst for gåande/syklande til gravplassen er vist med blå stipla strek på figur 7. Planlagt ny gang- og sykkelveg er regulert frå Nerheimsvegen, over eksisterande landbruksareal og fram til planlagt parkeringsplass. Gang- og sykkelvegen er regulert med breidde 3,0 meter. Resten av Nerheimsvegen innanfor planen, er planlagt som tilkomstveg til eksisterande gardsbruk og bustadar i området, med breidde 4 meter. Alle veganlegg er regulert offentlege, bortsett frå eksisterande avkøyringar som er privat for bustadane. Figur 7 Dagens tilkomst (raud strek) og framtidig (blå strek) for gåande (stipla) og køyrande (heiltrekt linje)

13 6.7 Landbruk I gjeldande reguleringsplan er det lagt til rette for tilkomst til gravplassen, men desse traseane kjem i konflikt med eksisterande forhold, m.a. ein driftsbygning på 291/2 og bustadhus på 290/191 og 291/119, i området. På grunn av dette er det laga eit planforslag som tek omsyn til eksisterande forhold og som gir betre tilkomst for både gåande og køyrande til gravplassen. Som følge av vegjusteringar vil delar av eit landbruksareal bli omregulert til veganlegg, medan noko av tidlegare regulert vegareal vert ført tilbake til landbruksformål. Det er vurdert at desse justeringane er mindre tilpassingar, men det går også fram av plankartet at dette landbruksarealet ligg «inneklemt» mellom planlagde vegar og blir ein marginal parsell for rasjonell drift. 6.8 Universell utforming Innanfor planområdet er g/s-veg planlagt universelt utforma. Likeeins vil parkeringsområde og kyrkjegarden kunne tilretteleggast universelt. Det er i føresegnene stilt krav om universell utforming. Tilkomstvegen som gåande og syklande skal nytte frå kyrkja, via Kyrkjehumpen, har ikkje tilfredsstillande stigningsforhold. 7 Naturmangfald Planendringa omfattar areal som er relevant å vurdera etter naturmangfald. Det følgjer av naturmangfaldlova 7 at prinsippa i lova 8-12 skal leggjast til grunn som retningsliner for handsaming av saka og at det skal gå fram av avgjerda korleis desse prinsippa er vurderte og vektlagde. Det er ikkje registrert spesielle verdiar i Naturbase og det er heller ikkje lokalt kjende spesielle naturverdiar knytt til området. Kunnskapsgrunnlaget vert vurdert som godt nok ( 8). Som følgje av at naturmangfaldet i liten grad vert berørt av endringa og det ikkje vil påverka trua eller verdifull natur, legg kommunen til grunn at det ikkje er nødvendig å foreta vurderingar etter prinsippa i ROS analyse ROS- analysen konkluderer med at det ikkje er noko som tilseier at det er naudsynt med andre risikoreduserande tiltak i planområdet utover det som er lagt inn i føresegnene til planen. 9 Verknadar/ konsekvensar av planforslaget Detaljregulering for Ølen kyrkjegard med tilkomst og parkering er i tråd med gjeldande plan for området og kommuneplanen. Endringa legg til rette for at ny gang- og sykkelveg ikkje kjem i konflikt med eksisterande busetnad i området. Dette gjer opparbeidinga realiserbar, og vil bidra til å gi ei varig og framtidsretta løysing for tilkomsten til Ølen kyrkjegard. Små deler av eksisterande landbruksareal er omregulert til vegareal som fylgje av justering av vegtraseane. Noko av tidligare regulert vegareal (ikkje opparbeida) vert ført tilbake til landbruksareal, og endringane er vurdert som minimale i høve til gjeldande plan. Areal sett av til kulturminne/fortidsminne i gjeldande plan er i heilskap sett av til formål kulturinstitusjon i forslag til endring av reguleringsplanen. Parkeringsbehov og sambruk Nerheimstunet, som ligg like sør for kyrkjegarden, manglar parkeringstilbod for besøkjande. I fylgje Vindafjord kommune sine nettsider, har museet avgrensa opningstider. Det har ope nokre dagar i sommarsesongen. Elles er det mogleg å leiga stova på Nerheimstunet til mindre tilskipingar (maks 20 personar). Det er ved gravferder at behovet for parkering er størst ved kyrkjegarden. Gravferder skjer ikkje kvar dag, og det er såpass få besøkjande til museet, og parkeringsplassen bør difor vere dekkjande for begge. Selskap og andre tilskipingar

14 ved Nerheimstunet vert gjerne halde på kveldstid, og vil difor ikkje kome i konflikt med gravferder. Sambruk av parkeringsplassen mellom Ølen kyrkjegard og Nerheimstunet er mogleg, og ei god løysing for å nytta areala på ein god måte. Trafikkløysinga Forslag til detaljregulering endrar køyremønsteret frå kyrkja til kyrkjegarden. Vegen via Kyrkjehumpen er planlagt som tilkomst for mjuke trafikantar medan bårebil og følgebilar skal køyre via E134 og FV 514 og komme til parkeringsplassen i frå sør. Trafikken på Nerheimsvegen frå sørleg retning vil auke noko, men det er grunn till å tru at denne trafikken kjem på eit avgrensa tidspunkt og med låg fart som ikkje vil skape trafikkfarlege situasjonar. Den meir sporadiske trafikken som besøkande til gravplassen representerer, vil heller ikkje vere i omfang så stor at trafikksituasjonen på vegen blir endra vesentleg. Ved gjennomføring av planen vil vegen bli utvida til 5,5 meter breidde og kurvatur vil bli noko retta ut. Dette gjer trafikktryggleiken betre. 10. Innkomne merknader Norges vassdrags og energidirektorat (NVE) Region Sør, datert Norges vassdrags- og energidirektorat (NVE) Region Sør, datert NVE vil ikkje behandla detaljreguleringar med mindre det kjem tydleg fram at det er ei konkret problemstilling det ynskjes bistand med. Det må tas omsyn til fare for flom, erosjon og skred og skader som kan fylgje av slike hendingar. På plannivå må det vurderast om det er fare for ras og/eller skred. Områder som er utsatt skal merkast på plankartet, og fylgjast opp i føresegnene. Er det snakk om tiltak i vassdrag skal NVE vurdera tiltaket. Kommentar: I ROS-analysen er fare for ras vurdert. Eit område nord for planområdet er i følgje NVE sine kartdata aktsomhetsområde for snø- og jordskred. Nye tiltak som fylgje av planforslaget ligg lenger inne på skrenten. Statens vegvesen, datert Planområdet har tilkomst via kryss mot fv Staten vegvesen sine interesser i området er knytt til krysset og sektoransvaret for trafikktryggleik. I pågåande planarbeid må det vurderast om eksisterande kryss med fylkesvegen tilfredsstiller krava i vegnormalen til radier, stigning og sikt. Dersom det er behov for å gjere utbetringar i krysset må det vurderast om planområdet skal utvidast slik at krysset blir innarbeidd i planen. Kommentar: Gjeldande plan for krysset med fv. 514 er frå I kommunedelplan for E134 Bakka Solheim går traseen gjennom dette området. Kommunen er i gang med endring av reguleringsplan for Nerheim næringsområde og tilkomst frå fv 514 inngår i dette planområdet. Kjersti og Henrik Nerheim, datert Det vert påpeika at store delar av vegtraseen inn til ny parkeringsplass ligg innanføre deira eigedom (gnr./bnr. 291/2), noko som vil føra til store ulemper både for familielivet og jordbruksverksemda på eigedommen. Ny trase vert oppfatta som belastande for bebuerar i området, særlig med tanke på auka biltrafikk. Vegen vil og føra til dårleg utnytting av landbruksjorda, så den attståande parsellen ikkje vil kunna nyttast til slåttemark lenger. Delar av vegen vil og gå over areal som vert nytta til lagring av rundballar, slik at dette arealet ikkje kan nyttast lenger. Det bes om at plassering av trase vert gjort i dialog med grunneigar, og ein bør leggje vegane i eksisterande trasear så langt som råd. All grunn som inngår i planen må løysast inn av kommunen, og alternativt ballelager må framskaffast på utbyggjar si rekning. Vegane må asfalterast for å unngå svevestøv

15 For å ikkje byggja ned dyrka jordbruksareal i drift bør vegen leggjast over grunnen til Nerheimstunet. Overskotsmassar må leggjast i ein voll langs vegen i aust, og beplantast med hekk for å skjerme mot støy og innsyn. Gangvegen frå kyrkja må ikkje komma i konflikt med eksisterande bruk av Nerheimsvegen. Ny gangveg frå Nerheimsvegen og opp til gravplassen bør dimensjonerast og utformast slik at trafikk som kjem frå vestre deler av Nerheim kan nytte denne og inn på den nye vegen langs Nerheimstunet. Då kan vegen gjennom tunet på gnr./bnr. 291/2 stengjast. Dette vil bøte på dei ulemper som kjem som fylgje av planen. Det bes om at det ikkje vert gjort nokon store inngrep på gnr./bnr. 291/119. Om vegen må utvidast her, er det enklast og best om dette skjer på vestsida. Kommentar: I samband med oppstart vart det sendt ut kart over gjeldande regulering for området, og det er dette kartet det i føreståande merknad er vist til. Det har vist seg at gjeldande plan for området er vanskeleg å realisera på grunn av eksisterande tilhøve, og det vart difor behov for å endra reguleringsplanen. Hensikta med dette planforslaget er å leggja til rette for at det kan etablerast ny tilkomst til gravplassen utan at dette kjem i unødig konflikt med eksisterande tilhøve i området. Nerheimstunet med uteområde er regulert til bevaring av kulturminne, og vegen kan soleis ikkje gå på austsida av muren. Traseen er justert i forhold til gjeldande plan slik at lager for rundballar kan oppretthaldast. Trafikk til kyrkjegarden vert vurdert som avgrensa, utanom ved gravferder vil trafikkmengda vera liten, og det vert difor vurdert at etablering av støyvoll ikkje er naudsynt. Formålet med detaljreguleringa er å leggja til rette for tilkomst for gåande og køyrande til gravplassen, og såleis er det berre naboane som ligg innanfor eller grensar til planområdet som er blitt varsla om planarbeidet. Vest for planområdet, på Øvre del av Nerheim er det ca. 15 bustadar. Desse nyttar truleg Nerheimsvegen frå oppsida (gjennom planområdet) for å koma fram til eigedommane sine. Me er kjende med at det og er mogleg å koma til eigedomane via den nedre delen av Nerheimsvegen, med avkøyrsle frå E134 Haukelivegen. Terrengforholda på staden gjer det teknisk mogleg å legga Nerheimsvegen parallelt med gangvegen opp til ny vegtrase til kyrkjegarden slik at vegen som går inntil gardstunet kan fjernast. Sidan formålet med reguleringsendringa ikkje inneber flytting av Nerheimsvegen, og brukarane av vegen ikkje er varsla om planarbeidet, må endra tilkomst for brukarane av Nerheimsvegen løysast ved eit seinare høve og ikkje som ein del av dette planarbeidet. Vegen er lagt litt vest slik at den ikkje går inn i opparbeidd tomt på 291/119. Rogaland fylkeskommune, Kulturavdelinga, datert Rogaland fylkeskommune, seksjon for kulturarv, finn det naudsynt å synfara området med grunngjeving i at det tidlegare er registrert fleire automatisk freda kulturminne i området. Rogaland fylkeskommune, Kulturavdelinga, datert I perioden vart det gjort kulturhistoriske vurderingar innanfor planområdet. Det vert ikkje gjort funn av automatisk freda kulturminner ved registreringa. Utifrå bakgrunnsdata og på bakgrunn av resultatet av den nemnde registreringa vil tiltaket truleg ikkje komma i konflikt med automatisk freda kulturminner. På dette grunnlag har Rogaland Fylkeskommune, seksjon for kulturarv ingen merknader til tiltaket. Det vert gjort merksemd på at om planområdet vert utvida, må det gis moglegheit for registring også i desse områda. Vert det gjort funn ved gjennomføring av planen må fylkeskommunen varslast omgåande, og alt arbeid må stoggast. Kommentar: Planområdet er ikkje utvida sidan oppstart

16 11 Konklusjon Det er lagt til grunn at planområdet og verknadane av forslaget er tilstrekkeleg vurdert, og på ein slik måte at tiltaka planen omfattar ikkje vil vere til vesentleg ulempe eller fare for nærliggjande busetnad, landbruks- og friluftsinteresser eller naturmangfald. Å få etablert ny tilkomst til gravplassen som lettar tilgjengelegheita for gåande, samt legga til rette for tilkomst og parkering for køyrande, har vore eit behov i mange år. 12 Vedlegg Vedlagte dokument følgjer planskildringa. Dokument Datert Rev. dato Plankart Føresegner ROS- analyse