Høyringar - Utviklingsplanen for Helse Møre og Romsdal HF - Regionale konsekvensar, KU del 2 - Idèfase

Transkript

1 Side1 Saksframlegg Høyringar - Utviklingsplanen for Helse Møre og Romsdal HF - Regionale konsekvensar, KU del 2 - Idèfase Saksnr Utvalsnamn Møtedato 2014/64 Styret for Helse Møre og Romsdal HF Saksbehandlar: Espen Remme Arkivreferanse: 2014/3496 Forslag til vedtak: Styret for Helse Møre og Romsdal HF tek til vitande høyringsuttalane som er kome i samband med høyringsrunde for regionale konsekvensar, KU del 2, og Idèfase. Ålesund, 21.oktober 2014 Astrid J. Eidsvik adm. direktør Vedlegg: 1. Notat utdyping sårbarhet av Freidfjordtunnelen, Norconsult 2. Merknader til høyringsinnspela på helikopterberedskap offshore, Norconsult 3. Høyringsuttalar idefase 4. Høyringsuttalar regional konseksvensutgreiing

2 Side2 Saksutgreiing: I arbeidet med nytt sjukehus i Nordmøre og Romsdal (SNR) er det ei todelt konsekvensutgreiing, kommunal og regional, parallelt med arbeidet med sjukehusplanlegginga (idéfasen). Det er høyringar i samband med alle tre prosessane. Figuren over illustrerer prosessane fram til endeleg idéfaserapport som skal danne grunnlaget for styrevedtaka i desember. Helse Møre og Romsdal (HMR) har vore tiltakshavar for den regionale konsekvensutgreiinga (KU), og idéfasen, medan dei tre potensielle vertskommunane for SNR (Molde, Kristiansund og Gjemnes) har hatt hand om den lokale konsekvensutgreiinga for aktuell(e) tomt(er) sjølv. Det er Norconsult som har hatt ansvaret for utgreiinga i regional KU. Det har vore eigne folkemøte under høyringsperioden for regional KU i dei tre aktuelle vertskommunane. Det var særs godt oppmøte og med brei dekning i media. Dette er uttrykk for det engasjementet som er rundt lokaliseringsspørsmålet. Fokuset i denne høyringa var å setje lys på om utgreiingane er gjort i tråd med det vedtekne planprogrammet. KU ane skal saman med idéfasedokumentet danne grunnlaget for avgjerda i desember. Høyringsrapporten for idéfasen omtalar dei aspekta som er relevante for avgjerd kring idéfasen for nytt sjukehus i Nordmøre og Romsdal (SNR). Prosjektet skal vere forankra i dei strategiske planane for utviklinga av spesialisthelsetenestetilboda både i Helse Midt-Norge RHF og Helse Møre og Romsdal HF. Det er ikkje til å kome utanom at dei to ulike høyringane HMR er tiltakshavar for på ulike vis grip inn i kvarandre, og at delar av svara inneheld element som er aktuelt for begge. M.a. er det i høyringssvara til idéfasehøyringa fleire indikasjonar på det ein ser som best eigna lokalisering,

3 Side3 noko som også er tema i regional KU. Temaet kring rekruttering er noko som går att i begge høyringane, og som engasjerer dei fleste høyringsinstansane. Det har kome mange gode innspel i begge høyringsfasene som bør verte tatt med vidare inn i ei samla oppsummering. I det følgjande gir ein ei oversikt over svara til begge høyringane, presenterte i kvar sin del, A og B. DEL A: Idéfase høyringsdokument Grunnlag Med grunnlag i Utviklingsplanen, vedtok styret i Helse Møre og Romsdal HF i februar 2013 å starte «tidlegfasen» for nytt akuttsjukehus for Nordmøre og Romsdal. Første prosesstrinn i tidlegfasen er «idéfasen», og i det følgjande vil ein presentere resultatet frå idéfasehøyringa som hadde frist 7.oktober. I tillegg til generelle tilbakemeldingar, har HMR også bede om tilbakemeldingar på følgjande punkt: 1. Føretaksperspektivet. Kan ein slutte seg til beskrivinga av helseføretaket sitt kort- og langsiktige utfordringsbilete slik det framgår av høyringsdokumentet? Har helseføretaket sannsynleggjort at ein vil utvikle sjukehustilbodet i Møre og Romsdal slik at det underbyggjer målet om å skape «pasientenes helsetjenester»? 2. Samhandlingsreforma, grensesnitt mellom sjukehus og kommunehelseteneste. SNR er dimensjonert ut frå demografisk framskriving og dernest ulike venta omstillingar i åra som kjem. Eit av omstillingsområda er justert grensesnitt mellom den kommunale helsetenesta og den spesialiserte helsetenesta i som følgje av samhandlingsreforma. Er det realistisk at helseføretaket i tett samarbeid med kommunane klarer å oppnå dei omstillingseffektane som reforma førespeglar? 3. Desentraliserte spesialisthelsetenester. Ved etablering av eitt nytt felles sjukehus i Nordmøre og Romsdal: a. bør det etablerast eit lokalmedisinsk senter med polikliniske spesialisthelsetenester i motsett by (eller begge byar dersom sjukehuset vert lokalisert «midt imellom»)? b. Eller bør alle tenestene samlast i det nye sjukehuset? 4. Økonomisk berekraft. Nytt sjukehus og økonomisk berekraft. Realiseringa av SNR innebere eit investeringsløft som vert særs krevjande å bere for helseføretaket. Dette gjer det naudsynt å sikre ei samla tilslutning til løysinga som sameinar fagleg kvalitet/ innhald, kapasitet og

4 Side4 økonomi. Dersom slik semje ikkje vert oppnådd kan det vere fare for at ein må drive i noverande bygg langt inn i framtida (0-alt.), og som ein konsekvens av det få eit dårlegare tilbod i området. Helse Møre og Romsdal utfordrar difor høyringspartane til å gje si vurdering av behovet for å få realisert det nye sjukehuset uavhengig av kva alternativ som vert valt. Oversikt over høyringssvara Det har kome inn 60 høyringssvar fordelte slik: 30 frå offentlege organ og organisasjonar 13 frå fag- og interesseorganisasjonar 14 frå interne klinikkar/avdelingar/einingar 3 frå privatpersonar Ei fullstendig oversikt over svara vert lagt ved denne saka. Det har kome inn mange gode og omfattande høyringssvar, og gjennom ei oppsummering freistar ein å gi eit bilete av hovudtrekka i det innkomne og for dei offentlege og interne hovudpoeng pr. instans. Den einaste måten å få full oversikt på er å lese kvart enkelt høyringssvar i sin heilskap. Hovudtrekk i høyringane Ein ser tydeleg at det er ulike preferansar for lokalisering alt etter kvar ein soknar til, Nordmøre eller Romsdal. Det er også ei klar overvekt for å legge sjukehuset bynært enten Kristiansund eller Molde. Argumentasjonen for å legge sjukehuset til Molde kommune samsvarer i stor grad mellom dei ulike høyringsinstansane som meiner dette, medan ein ser ein annan, men samsvarande argumentasjon for å legge sjukehuset til Kristiansund kommune. Dette er ikkje uventa. Dei fire tema som ein har bede dei ulike ta stilling til, er kommenterte av brorparten av instansane. Nokre har valt å plukke seg ut det dei ser som viktigast for seg, medan andre har gitt ei meir generell tilbakemelding utan å svare punkt for punkt. Det er ikkje bede om mange tilleggsutgreiingar, men ein har fått direkte innspel på sensitivitetsanalyse av pasientstraumar innan og ut av fylket og økonomiske konsekvensar av dette. Ein saknar også konkrete planar for korleis ein skal handtere spesialisthelsetenestetilbodet på kort og lang sikt. Mange uttrykkjer uro for interimsfasen, og ber HMR vere særskilt førebudde på dei farane og trugslane denne fasen kan føre med seg om han ikkje vert handtert på ein god måte. Dette gjeld særleg omsynet til ei evt. avskaling av tilsette og høve kring korleis ein skal drive rekruttering i ein slik mellomfase, i tillegg til korleis ein skal drifte eit forsvarleg og kvalitativ tilbod fram til det nye sjukehuset er sett i drift. Det er ei

5 Side5 uro for at ein ikkje tek denne fasen alvorleg nok, og det vert påpeikt kor viktig det er at innspela frå rekrutteringsseminaret i samband med utviklingsplanarbeidet vert følgde opp. På kort sikt tyder det at samarbeidsmodellen for kirurgi og ortopedi i nordfylket vert effektuert. Dette vert vist til som ein god pilot for å fusjonere fagmiljø mot SNR og ta vare på utdanninga av nye spesialistar. Fleire av høyringssvara viser til at innhaldet i det nye sjukehuset slik det står er for diffust, og skaper meir uro enn tryggleik for utforminga av tenestetilbodet i nordfylket. Ein ber om at dette vert klargjort betre fram mot endeleg avgjerd. I fleire av uttalane er det kome konkrete forslag til kva innhald sjukehuset bør ha. Høyringsinstansane presiserer viktigheita av at SNR skal gi eit tilbod som er betre enn det ein får gjennom dagens situasjon med to sjukehus, og meiner at dette kjem for dårleg fram i rapporten. Det er likevel ei monaleg oppslutning om eitt felles sjukehus, men det er viktig at pasientane får reise til noko som er betre enn det ein kan tilby i nordfylket i dag. Mange av instansane viser også til at det er viktig av ein sluttar opp om det endelege vedtaket og unngår tidkrevjande og utarmande omkampar som kan setje heile prosessen vidare i spel. Det vert også minna om arbeida med kommunereform og nasjonal sjukehusplan, som vil kunne få tyding for utforming av tilboda av spesialisthelsetenester i fylket. Dette er særskilt tatt fram som eit argument overfor sjukehusa på Sunnmøre, der det m.a. har vore diskusjonar kring funksjonar ved Volda sjukehus, og føretaksgrenser mot Helse Vest og eit potensielt utvida nedslagsfelt for Volda gjennom pasientar frå Nordre Nordfjord. Offentlege organ og organisasjonar Fylkesmannen i Møre og Romsdal understrekar viktigheita av etableringa av SNR, og viser til at materialet som ligg føre gir eit godt overordna bilete av det faglege grunnlaget for dei vedtak som vidare skal fattast. Fylkesmannen kommenterer ikkje noko kring funksjonsdeling utover det som står skal vere innhaldet i SNR, men merkar seg at dette vil skje etter gode prosessar og naudsynte ROS-vurderingar. Fylkesmannen rår til at det vert lagt eit poliklinisk tilbod der det ikkje vert bynært sjukehus, dette med særskilt omsyn til kronikarar og andre som nyttar tenestene ofte. Særskilt merksemd må rettast mot kreft, born og eldre. Orkidé, ordførar- og rådmannskollegiet for Nordmøre, sluttar seg til det som kjem fram i høyringsdokumentet: Det nye sjukehuset i Nordmøre og Romsdal gir ei unik mogelegheit til å utvikle eit framtidsretta og moderne sjukehustilbod for pasientar, tilsette, føretak og kommunar. Prosjektet legg grunnlaget for å byggje saman, skape eit tilbod til pasientane som er fagleg meir robust og berekraftig for framtida, med moderne IKT- og logistikk-løysingar

6 Side6 Innan føretaksperspektivet viser Orkidé til at det nye sjukehuset må innehalde pasienthotell, då dette vil kunne yte til at behovet for døgntenester vert mindre, og minskar reisebelastninga for pasientar på dagleg basis. I tillegg er dette eit godt tilbod til pårørande. Ein viser til at innhaldet i SNR er kort omtalt, og påpeikar at dette må skildrast grundigare i den endelege rapporten, dette primært for å få innsikt i omfanget av planlagde funksjonar og fagleg djupne. Spesialisthelseteneste tilbodet i SNR må tilpassast behovet i befolkninga. Orkidé saknar ein omtale eller utgreiing av korleis faga er gjensidig avhengige av kvarandre, og ekspansjonsmogelegheiter for å gjere tilbodet robust, fagleg interessant og framtidsretta. Ambisjonane på omfang og djupne må skildrast i ferdig rapport for å tydeleggjere robustheita i SNR. Omfanget bør i utgangspunktet vere på nivå med det dei to sjukehusa i dag har tilsaman. I spørsmålet kring samhandling påpeikar Orkidé at det gjennom overføringa av tenester mellom sjukehus og kommune må gjerast gjennom ei parallell opp- og nedbygging. Dette vil krevje ei utstrekt helseplanlegging i fylket, der ein aktør ikkje kan maksimere eigeninteresse driven fram av økonomi. Overføring av oppgåver må gjerast gjennom utvikling av konkrete pasientforløp som sikrar ei kvalitativt god og standardisert pasientbehandling. Dimensjoneringa av SNR kan ikkje forskuttere nye oppgåver tilført kommunane utan at staten kompenserer dei for dette økonomisk. Ei desentralisering av tenestene må ikkje gå på bekostning av robustheita i SNR mtp. på fagleg djupne og breidde. Det nye sjukehuset må vere fagleg tungt nok til å rekruttere, og då kan ein ikkje spreie funksjonar slik at det verkar fragmenterande. Ein må hindre at det ved desentrale tilbod ikkje vert ein kamp om arbeidskraft og økonomiske ressursar mellom desentraliserte tilbod og sjukehuset. Ein viser til andre forvaltningsreformer der dette ikkje har fungert, og ein har gått attende til ei sentralisering av funksjonane igjen. Om ein vel å plassere polikliniske funksjonar i folketette område bør ein vurdere å organisere dette saman med dei kommunale helsetenestene for å bygge stabile funksjonar og yte til innovasjon i kommunehelsetenesta. Avtalespesialistar er eit godt alternativ til desentrale poliklinikkar. Orkidé viser elles til at høyringsrapporten i større grad burde ta opp i seg velferdsteknologi og telemedisinske mogelegheiter for utvikling av tenestetilboda, ein er opptatt av at ein gjennom IKT kan rajonalisere og heve kvaliteten på tenestene, ikkje minst i samhandling med kommunane. Om økonomisk berekraft seier Orkidé at dagens to sjukehus er ikkje framtidsretta, og treng omfattande rehabilitering. To relativt små sjukehus har dårlegare rekrutteringskraft enn eit nytt felles sjukehus. Dagens funksjonsdeling fører til mykje transport av enkelte pasientgrupper mellom dei to sjukehusa, noko som er ei belastning for pasientane. Ein viser vidare til at dei tre vertskommunane vil kjempe for sine alternativ til lokaliseringa er eit faktum. Når valet er gjort, er det viktig at ein må respektere denne avgjersla om ein skal kunne halde framdrifta i utviklingsplanen. Materialet som ligg føre og prosessen dette vert ført

7 Side7 gjennom ber preg av høg fagleg standard, og alle relevante tema er utgreidde på ein tilfredsstillande måte. Befolkninga i Nordmøre og Romsdal fortener no at det nye sjukehuset vert realisert. Fleire kommunar sluttar seg til Orkidé sin uttale: Averøy, Tingvoll, Sunndal 1, Aure, Kristiansund 2, Gjemnes, Smøla, Surnadal 3 og Aure. Sunndal kommune viser til positive tilbakemeldingar for Sunndal DMS, og ynskjer å utvide dette tilbodet. Polikliniske tilbod i folketette område er særleg positivt i kommunar med lang reiseavstand til næraste sjukehus. Tilboda bør samlokaliserast og organiserast med kommunale tilbod. Ein påpeikar viktigheita av barnemedisinsk døgntilbod både i mellomperioden fram til SNR er driftssett og i planlegging av SNR. Surnadal kommune understrekar viktigheita av ein barnemedisinsk døgntilbod både i mellomperioden fram til SNR er driftssett og i planlegging av SNR. Kristiansund kommune meiner at ei lokalisering på Storbakken vil gi innbyggjarane i Nordmøre og Romsdal mest mogeleg likeverdig tilgang til spesialisthelsetenester. Vidare meiner ein at med denne lokaliseringa vil pasientstraumane i større grad gå innan for helseføretaket sine eigne grenser. Ein viser til at Storbakken er det beste valet i høve til storulukker til havs. Ein ser den samfunnsmessige vinsten som størst ved å leggje sjukehuset i nord, dette vil gi næringslivet meir robuste rekrutteringshøve og større verdiskaping. Innanfor føretaksperspektivet peikar ein på at SNR må innehalde eit barnemedisinsk tilbod på døgnbasis. Det heiter at «Barneperspektivet er forløpig helt fraværende i rapporten, og må derfor innarbeids snarest». Innan samhandling viser Kristiansund kommune til at SNR må planleggast slik at det vert mogeleg å samlokalisere spesialisthelsetenester og kommunale helsetenester, som t.d. legevakt og kommunal augeblikkeleg hjelp. Ei særskilt utfordring som vert nemnd, er samhandling i interimsfasen. Kristiansund og omegn vekst (KOM-vekst) held fram at tilbodet i SNR må verte betre enn dagens to mindre sjukehus. Ein registrerer at helseføretaket er i ein krevjande økonomisk situasjon, og basert på dette er det viktig å sikre best mogeleg pasientgrunnlag og dermed best grunnlag for ein berekraftig økonomi. Såleis meiner KOM-vekst at SNR bør leggast til Storbakken for å avgrense pasientstraumar ut av føretaket. KOM-vekst ber HMR om å utgreie samanhengen mellom pasientstraumar og økonomi. I tillegg peikast det på at ein ved denne lokaliseringa vil få mindre overlapping mellom opptaksområda for Ålesund og SNR. Viktigheita av 1 Nokre tillegg til Orkidé sin uttale, sjå eige punkt 2 Nokre tillegg til Orkidé sin uttale, sjå eige punkt 3 Eit tillegg til Orkidé sin uttale, sjå eige punkt

8 Side8 rekrutteringskraft er nemnd, og ein viser til uttale i samband med regional KU. Ein er ikkje i tvil om at det nye sjukehuset vil verke rekrutterande uavhengig av kvar det plasserast på aksen Hjelset-søre Frei. Det er også interessant å sjå på alderssamansetjinga av legegruppa ved dei to eksisterande sjukehusa. Ein held fram viktigheita av å ha ein strategi for korleis ein skal handtere interimsfasen, ta vare på eksisterande fagmiljø og evne til å rekruttere. Stadige endringar og diskusjonar kring funksjons- og oppgåvedeling og innhald, samt nivå på tilbod, svekkar rekrutteringsevna. Det er derfor viktig at innhaldet er avklart. Bortfall av vaktordningar verkar svekkande for fagmiljøa og påverkar rekrutteringsevna. Særskilt er omgjeringa av tilbodet til born nemnt, også som eit ledd i generell tryggleik for familiar med born som kan tenkje seg å bu i området SNR skal tene. I tillegg vil det nye sjukehuset ha over 1000 fødslar i året, noko som gir grunnlag for ei barneavdeling i nord. Strategi 2020 viser til at to av sjukehusa i fylket skal ha barneavdeling, og ein peikar på at dette vart lagt føringar for når det var fire sjukehus i føretaket. Innanfor føretaksperspektivet vert det peika på at lokaliseringa av sjukehuset må gjerast på ein slik måte at tilboda samla sett gir likeverdig tilgang til heile befolkninga. KOM-vekst finn det difor overraskande at nokre høyringsinstansar talar for ei løysing med to akuttsjukehus i nærleiken av kvarandre slik at ein kan velje sjukehus, heller enn å gå for likast mogeleg tilgang for innbyggjarane i nordfylket. For innhaldet i sjukehuset viser KOM-vekst til uttalen frå tillitsvalde legar ved Molde og Kristiansund sjukehus. Ein viser til styrevedtak i 2012 der det er nemnt at det er liten grunn til å tru at geografisk plassering av alternativa og avstand til høgskulen vil påverke gode samarbeidsrelasjonar i merkbar grad. Ein viser elles til at befolkninga i nokre delar av fylket er avhengige av ambulansebåt i akuttsituasjonar, noko som gjer at ei lokalisering i nord vil redusere reisetida for desse. Det vart også påpeikt at ein må ta omsyn til aktiviteten offshore, der lokalisering på Storbakken er med på å styrke beredskapen. Ein viser til høyringsuttalar for regional KU frå CHC helikopterservice og A/S Norske Shell. Når det gjeld samhandlingsreforma, viser ein til høyringsuttalen frå Kristiansund kommune, Orkidé og legeforeininga sine tillitsvalde i Molde og Kristiansund. Etter KOM-vekst si vurdering bør det vere ei form for lokalmedisinsk tilbod, evt. avtalespesialistar, i den/dei by(ane) som ikkje får bynært sjukehus. Eit slikt tilbod bør lokaliserast saman med tilboda i kommunehelsetenesta. Viser til uttalar frå Kristiansund kommune, Orkidé og legeforeininga sine tillitsvalde i Molde og Kristiansund. KOM-vekst peikar til slutt på at det er heilt sentralt for innbyggjarane i Nordmøre og Romsdal at SNR vert realisert, befolkninga fortenar ei endeleg avklaring kring sjukehustilbodet i området. Romsdal regionråd (ROR) understrekar at vurderingar framover bør gjerast med eit best mogeleg pasienttilbod, i interimsfasen og etter at sjukehuset er ferdigstilt, som hovudfokus. I denne samanhengen ber ein om at storleik og innretning i dagens fagmiljø vert viktige

9 Side9 argument, Molde har 71% av legeheimlane, har tydelegast akuttmedisinsk innretning som eitt av to sjukehus med traumefunksjon i HMR. Dette må vektleggast vidare. Det visast elles til høyringssvar gitt til den regionale konsekvensutgreiinga, der ein legg fram at tomta på Hjelset- Opdøl kjem best ut, grunngjeve med storleiken på pasientgrunnlaget, storleiken på regionen og breidde i arbeidsplassmarknaden mop. rekruttering, kor eigna tomta er og økonomiske omsyn sidan føretaket sjølv eig tomta. Når det gjeld føretaksperspektivet meiner ein at HMR har gitt ei god framstilling av utfordringane framover, men ynskjer at ein også gjer ei sensitivitetsvurdering av pasientstraumar slik at tomtene kan vurderast ut frå forventa pasientgrunnlag. Under samhandling held ein fram at Molde kommune har hatt eit godt samarbeid med Molde sjukehus i dette arbeidet. I det vidare er det viktig med god dialog ved endring av tilbod, og at ein er samde om korleis ein god prosess rundt slike endringar skal vere. Densentralisering synest vanskeleg å svare konkret på. Nokre pasientgrupper er store m.t.p. poliklinikk/dagbehandling, og her kan det vere aktuelt med desentrale tilbod. Men ein må uansett ikkje fragmentere fagleg forankring, dvs. at eit desentralisert tilbod vil måtte forankrast i SNR for å sikre samstemte tilbod. Avgjerande viktig at tilboda høyrer saman med kvarandre, slik at det ikkje vert utvikla to uavhengige miljø. Økonomisk berekraft har etter ROR si oppfatning fått ein kort omtale i rapporten, men ein har forstått at dette er under arbeid framover. Det er viktig at den økonomiske berekrafta vert dokumentert slik at tidsplanen vert halden. ROR har også kommentert kring innhalet i SNR, der ein held fram at det samla tilbodet skal vere betre enn det ein har i dag. Det er store forventningar i befolkninga og kommunane om dette. Ei omgjering av ulike tilbod frå døgn til dag på noverande tidspunkt er med på å svekke føresetnadene om meir robustheit i SNR enn i dagens to sjukehus. Nokre tilbod er ikkje nemnde, og ROR trekk særleg fram kreftkirurgi og patologi. I det vidare ber ein helseføretaket ha fokus på samanheng mellom fagområde, og konsekvensar i endring av tilbod. ROR er opptatt av vidareføring av dagens tilbod, som tilsaman skal gi eit robust tilbod til befolkninga. Molde kommune konstaterer at det framleis skal gjennomførast ei rekkje utgreiingar før den endelege tilrådinga om lokalisering og innhald vert gjort. Ein peikar på Hjelset som den beste plasseringa for SNR basert på robust pasientgrunnlag. I høyringsrapporten meiner Molde kommune at det er sådd tvil om det skal vere fullverdige tilbod innan barnemedisin og nevrologi, dvs. 24/7, noko som vil redusere robustheita i behandlingstilbodet. Det er forventningar til at SNR får vidareført dagens tilbod på minimum same nivå. Kommunen har i høyringssvaret sitt til KU del 2 omtalt rekruttering og at det er uheldig at høvet til Høgskolen i Molde ikkje er betre utgreidd. Kommunen har også stilt spørsmålet om dimensjonering av SNR

10 Side10 er uavhengig av lokalisering. Ein meiner at det finst ei uvisse i dette som kan lesast slik at dimensjoneringa er knytt til organisering, men også slik at dimensjoneringa er knytt til lokalisering. Det er for kommunen openbart at pasientgrunnlaget svekkast dess lenger nord på aksen sjukehuset kjem. Generelt saknar ein ei meir heilheitleg framstilling av tilbod og pasientstraumar i heile føretaket. Ein påpeikar også at vedtaket frå føretaksmøtet der ein har definert Ålesund som nr.1 sjukehuset i føretaket baserer seg på ein situasjon der ein hadde fire sjukehus i fylket, og Ålesund hadde størst nedslagsfelt. Dei same føresetnadene gjeld for Strategi Opplistinga av tilbod må sjåast i lys av at befolkningsgrunnlaget for SNR vil vere på linje med det for Ålesund sjukehus. I føretaksperspektivet er kommunen usikker på om dokumentet underbyggjer målet om å skape pasienten si helseteneste. Dokumentasjonen som ligg føre skaper tryggleik, men kommunen er ikkje sikker på at informasjonen i dokumentet vert «..bearbeidet slik at resultatet blir det absolutt beste for pasientenes helsetjenester». Når det gjeld samhandlingsreforma er ikkje dokumentet like klart på konsekvensane for kommunehelsetenesta, dette er drøfta ut frå konsekvensane for framtidige sjukehustilbod. Det er naturleg at etablert samarbeid vidareutviklast. På bakgrunn av samhandlingsreforma og Strategi 2020 meiner Molde kommune at det bør etablerast lokalmedisinske sentra i motsett by eller begge byane om Gjemnes kommune si tomt vert valt. Molde kommune forventar at HMR underbyggjer si tilråding botna i faglege vurderingar, tilgjenge, pasientgrunnlag, rekruttering og sårbarheit i interimsfasen. Økonomisk bereevne er ein kritisk faktor for realisering, og det er ikkje skissert tiltak i dokumentet for å dekkje inn auka kostnader knytt til prosjektet. Kommunen er redd for at tilpassinga vil gå utover tilbodet i SNR, men også ved dei to andre sjukehusa i fylket. Rauma kommune meiner at høyringsdokumentet ikkje i tilstrekkeleg grad teiknar eit tydeleg bilete av innhald og funksjonar i SNR og korleis ein ser føre seg funksjonsdeling mot Ålesund og St.Olav. Ein er elles uroa for manglande strategi kring vidareføring av samhandlingsreformen i fylket. Det er faglege og økonomiske behov i tillegg til pasientane sitt behov for nærleik som må vere grunnen til utbygging av lokalmedisinske sentra, og dette bør gå inn i ein samla plan med kommunal helseteneste. Kommunen held vidare fram at det hastar å få realisere SNR, og at det er viktigare med ei rask realisering innanfor tilgjengelege økonomiske rammer enn ytterlegare utsetjingar for å få eit størst mogeleg sjukehus. Nesset kommune meiner at omfanget av funksjonane i SNR ikkje er tilstrekkjeleg omtala, funksjonsdelinga mellom SNR og Ålesund og St. Olav er heller ikkje tydeleg. Ein forventar at omfanget skal vere på nivå med dagens tilbod. Overføring av oppgåver mellom sjukehus og

11 Side11 kommune må skje gjennom ein heilskapleg plan for helsetilboda i fylket. Dimensjoneringa av SNR kan vere påverka av dette, men det er viktig at ein ikkje på førehand overfører oppgåver til kommunane utan at dette er kompensert for økonomisk av staten. Tilbod gjennom lokalmedisinske sentra må ikkje gå på bekostning av robuste fagmiljø ved SNR. Det hastar å få realisert SNR, og ein ser med uro på signala om at HMR ikkje har økonomi til å gjennomføre dette. Molde næringsforum påpeikar at det er heilt avgjerande og sentralt at SNR minst skal vere summen av dagens tilbod i Molde og Kristiansund, noko som må tyde at ein opprettheld og vidarefører tilboda på same nivå som i dag. For nokre fagområde er det uavklart om det skal vere døgntilbod som i dag eller dagtilbod. Om ein endar opp med ei tilbod som er «svakare» enn det ein har i dag, vil ikkje dette vere i tråd med målet om likeverdig tilbod til innbyggjarane i Møre og Romsdal. Det er avgjerande at ein har garantiar for realisering av SNR, noko anna vil verte oppfatta som om innbyggjarane har vorte haldne for narr over mange år. Det vert påpeika at Molde sjukehus i dag har dei største og tyngste fagmiljøa og at dette i utgangspunktet i seg sjølv er ein så stor skilnad at det må sterke argument til for å velje ei anna lokalisering enn bynært Molde. Å byggje vidare på det sterkaste og største fagmiljøet vil vere ein klar tyggleik for at ein skal lukkast i heile Nordmøre og Romsdal. Vidare kan ein lese at: «Når tidligere analyser og nylig fremlagt regional KU også viser at bynært Molde er å foretrekke, kan vi ikke se at det finnes faglige argumenter for å velge noe annet enn bynært Molde.» Sunnmøre regionråd (SRR) sitt svar er basert på både idéfasehøyringa og høyringa på regional KU. SRR støttar felles akuttsjukehus. I 2012 gjekk ein inn for bynært Molde som alternativ, og ein har no i tillegg fått ny kunnskap om helseføretaket sin ressurssituasjon. Alle val ein gjer vidare må tene befolkninga i heile fylket best, SRR har heile tida støtta at det skal byggast eitt sjukehus. Føringar for å nå målsetjinga kring tilgang på gode, moderne og effektive spesialisthelsetenester for alle innbyggjarane i fylket er at ein må lokalisere slik at driftsøkonomien vert optimal, dimensjonere slik at volum/areal og kapasitet vert optimal, ta heilskapleg avgjer om funksjonsfordeling og fagleg innhald i sjukehusa samt to omsyn til befolkningskonsentrasjon ved lokalisering. Ein føreset at Ålesund skal vere nr.1 sjukehuset i fylket i uttalen, og registrerer vidare at det ikkje er nokon detaljert gjennomgang av tilboda på Sunnmøre, men at dette vil verte tatt igjen. SRR forventar ein tilsvarande god prosess kring dette arbeidet. Ein registrerer at arbeidsdeling mellom sjukehusa på Sunnmøre kjem som resultat av budsjetthandsaming, noko som SRR finn særs lite tilfredsstillande. Ein minner i denne samanhengen om den venta nasjonale sjukehusplanen som kan innehalde avklaringar som påverkar framtida til Volda sjukehus. I tillegg minner ein om kommunereforma som vil kunne påverke spørsmåla kring sjukehusstruktur. M.a. kan ein tenkje seg at helseføretaksgrensene kan verte vurderte på nytt.

12 Side12 SRR er uroa over den økonomiske situasjonen til HMR både i dag og i framtida når det gjeld realiseringa av SNR og dei store behova for vedlikehald av eksisterande bygningsmasse. Skal Ålesund, som nr.1 sjukehuset i fylket, kunne oppretthaldast, må økonomien innrettast deretter. Ein må i vidare vurderingar ta omsyn til at gitte lokaliseringar kan få konsekvensar for kapasiteten i Ålesund. SRR oppmodar HMR til å sjå drifta under eitt, slik at dei vala ein gjer er optimale for både tilbod og økonomi, dvs. kostnadseffektive løysingar som er innretta slik at økonomisk byrde ved realisering av SNR ikkje utarmar andre tenester i helseføretaket. Det er elles viktig å byggje på allereie eksisterande infrastrukturar og funksjonar, og etter SRR si meining står alternativet bynært Molde framleis sterkast i så måte. Eit sjukehus nært Molde vil ha størst pasientgrunnlag, liggje sentralt, vere attraktivt mop. rekruttering og tilflytting og vil i mange samanhengar profittere på nærleik til ein by med allereie etablerte tenester/funksjonar. Lokalisering nær Molde vil også vere gunstig for innbyggjarane på Sunnmøre i den grad dei ynskjer tenester frå SNR. Argumentet om pasientlekkasje til St.Olav ved sørleg plassering vert sett på som ei udokumentert oppfatning på kva val innbyggjarane i Nordmøre og Romsdal vil ta og dels som ein trugsel om ein reaksjon på eit slikt tomteval. SRR trur eit nytt sjukehus vil appellere til innbyggjarane på ein annan måte enn tilfellet er i dag, og trekkje til seg pasientar frå Nordmøre også. I vidare konseptarbeid ber ein om at det ikkje vert lagt til grunn ei dimensjonering som er større enn det som er optimalt basert på at det er krevjande å byggje for framtida. Kapasiteten til SNR må sjåast i samanheng med heile fylket sitt tilbod og komande endringar i samferdsel og såleis betre tilgjenge. I førre runde støtta SRR at det i motsett by skulle leggjast til rette for enkelte dagtilbod, men når ein no ser kostnadsbiletet kring å spreie tenester og vaktordningar, vil SRR rå HMR frå å opprette «kompenserande tiltak» for motsett by. Då vil ein heller rå til å nytte avtalespesialistar på dei fagområda som må styrkast lokalt. I tillegg spelar SRR inn at det er ynskjeleg med ei klargjering av spørsmålet kring framtidig ambulansekapasitet. Mange kommunar fryktar kutt i desse tenestene som følgje av fusjonen inn i HMR. Volda kommune sluttar seg til uttalen til SRR, men har ikkje sterke meinigar om tomteval, då styret må ha fridom til å avgjere dette ut frå ei samla vurdering. Ørsta kommune har ikkje sterke meiningar om lokalisering, men er uroa over den økonomiske situasjonen i HMR og evt. konsekvensar investeringa i SNR kan få for helsetilbodet i fylket. Kommunen støttar at Ålesund skal vere nr.1 sjukehuset i fylket. Det vert peika på tydinga ambulansetenesta har, og truleg eit aukande behov for denne typen tenester.

13 Side13 Stranda kommune er uroa for HMR sin økonomiske situasjon og konsekvensane investeringa i SNR har for andre helsetilbod i fylket. Det er viktig å sjå heile fylket under eitt. Ålesund sjukehus skal vere nr.1 sjukehuset i fylket. I tillegg peikar kommunen viktigheita av ambulansetenesta. Hareid kommune sluttar seg også til SRR sin uttale. I tillegg er tilstanden og kapasiteten til Ålesund sjukehus problematisert, og at ei nordleg plassering av SNR vil kunne få følgjer for pasientstraumane mot Ålesund. Ein viser til at Nordre Nordfjord har vorte ein naturleg del av nedslagsfeltet til Volda sjukehus. Rolla til Volda sjukehus er også drøfta i samhandlingsperspektivet, der ein på Søre Sunnmøre har eit godt samarbeid mellom kommunane og sjukehuset. Indikasjonar på at tilbodet i Volda skal byggast ned, noko som vil vere skadeleg for pasientane på Søre Sunnmøre og for samarbeidet som er oppretta. Giske kommune stiller seg ikkje bak uttalen frå SRR. Ein viser til at SRR stiller spørsmål kring lekkasjane til nordfylket og at eit sjukehus bynært Molde vil kunne vere positivt for pasientar på Sunnmøre, men etter Giske kommune sitt syn treng ikkje dette naudsynt medføre positive konsekvensar for kvaliteten og utviklinga av helsetenestene i HMR. Lekkasje til St.Olav og bruk av nordfylket sitt sjukehus frå Sunnmøre, tappar Ålesund sjukehus for inntekter, og reduserer mogelegheita til å vidareutvikle helsetenesta. Nytt sjukehus lengst nord vil gi eit meir definerbart pasientgrunnlag for sjukehusa i fylket og sannsynleg mindre konfliktar med tanke på framtidig samarbeid mellom sjukehusa. Haram kommune sluttar seg til uttalen frå Sunnmøre Regionråd. Ålesund kommune har kome fram til ein annan konklusjon enn SRR: "Ålesund formannskap mener at lokalisering av nytt felles sykehus for Nordmøre og Romsdal berører alle innbyggerne i fylket, og vil ha betydning for befolkningens helsetilbud langt inn i fremtiden. Det bør derfor legges vekt på kortest mulig reisevei for alle innbyggerne ved akutt sykdom, samt styrking av foretakets økonomiske grunnlag gjennom mindre pasientstrømmer ut av fylket og trygging av beredskapen i Norskehavet. Sett i et 2030-perspektiv med planlagte fremtidige samferdselsløsninger gjør at SNR bør lokaliseres bynært Kristiansund.» Sula kommune stiller seg bak høyringsuttalen til SRR Sande kommune har ikkje sterke meiningar om lokalisering. Kommunen er uroa for den økonomiske situasjonen i HMR, og konsekvensane dei store investeringane kan ha for dei andre tenestetilboda i fylket. Ein uttrykkjer også uro for ambulansetenesta, og viser til at mange kommunar fryktar kutt i desse tenestene ved fusjonen inn i HMR. Ein stiller seg bak at Ålesund sjukehus skal vere nr. 1 sjukehuset i fylket. Helse Nord Trøndelag har merka seg dei driftsøkonomiske konsekvensane av låneopptaka, som vil innebere monaleg auke i årlege driftsutgifter. Styret i Helse Nord Trøndelag føreset at det

14 Side14 kjem ei nærare avklaring på korleis HMR skal handtere denne meirkostnaden før låneopptak gi byggestart vert vedtatt. Norges Teknisk Naturvitenskaplige Universitet (NTNU) er opptatt av å yte til at vidare arbeid legg til rette for forsking i føretaket. NTNU understrekar viktigheita av HMR som utdanningsinstitusjon, og at dette må takast omsyn til i vidare planlegging både når det gjel praksisplassar, infrastruktur og innhald i utdanninga. Fastlegane i Kristiansund er uroa over at det signaliserast at det ikkje skal vere barneavdeling med døgntilbod i SNR. Ein etterlyser fagleg grunngjeving for dette og talet på personar i alderen 0-18 år som høyrer til opptaksområdet for SNR. Det vert også sakna informasjon kring helgestenging av avdelinga i Kristiansund. Nesset KRF talar for ei lokalisering mot Hjelset grunna allereie eksisterande fagmiljø i Molde, der særskilt psykiatrimiljøet er halde fram, nærleik til Høgskolen i Molde og at denne plasseringa i best mogeleg grad sikrar pasientgrunnlaget for det nye sjukehuset, og dermed størst tryggleik for god utnytting av investeringane. Fag- og interesseorganisasjonar Den norske legeforening, Helse Møre og Romsdal HF opplever at det er sprikande synspunkt gitt av at ulike medlemmar har ulike geografiske utgangspunkt. I det vidare vert det gitt separate høyringsuttalar frå legeforeininga sine tillitsvalde ved dei ulike sjukehusa, der tillitsvalde ved Molde og Kristiansund gjer dette saman. Ein strekar uansett under viktigheita av å gjere ein ROS-analyse av interimsfasen, og at dette vert godt forankra og følgjast opp i etterkant. Uvisse i fagmiljøa i kombinasjon med den økonomiske situasjonen utgjer den største trugselen mot fagmiljøa på kort sikt. I verste fall kan dette røre ved den innbyrdes solidariteten i føretaksgruppa som alle er avhengige av. Den norske legeforening, Kristiansund og Molde sjukehus har gått saman om ein høyringsuttale som er resultat av ei brei høyring i fagmiljøa. Ein held fram at det mest sentrale ved realisering av SNR er å danne eit klart betre spesialisthelsetenestetilbod i Nordmøre og Romsdal enn dagens tilbod i to sjukehus. Det er særs viktig å ha ein god strategi i interimsfasen for å halde på fagfolk som er i miljøa i dag og evne å rekruttere i perioden før sjukehuset kan takast i bruk. Gruppa meiner at det bør etablerast eit lokalmedisinsk senter i byen som får sjukehuset lengst unna seg som kan gjere enklare behandling og kontrollar. Gruppa viser til dei mange mogelegheitene ein har i SNR både innanfor medisinske tenester og innan forsking og utdanning. Gruppa kjem elles med forslag til innhald i sjukehuset med faglege grunngjevingar. Det er peika på at ei klargjering av innhaldet vil kunne skape ro i fagmiljøa. For ei detaljert framstilling av dette, viser ein til sjølve høyringsuttalen, som gjer godt greie for meiningane til gruppa. Elles meiner gruppa at ein i rapporten i for liten grad får fram synergieffektane ein

15 Side15 freistar å oppnå ved å byggje eitt felle sjukehus, og at dette skaper uro i fagmiljøa. SNR er ei stor fagleg mogelegheit til det beste for pasientane. Tilsette og pasientar må aktivt velje det nye sjukehuset og såleis leggje grunnlaget fagleg, rekrutteringsmessig og økonomisk. Samarbeid i heile føretaket gjennom interne fagnettverk er halde fram som eit ledd i å samla styrke fagmiljøa. Den norske legeforening, Ålesund sjukehus held fram at alle sjukehusa i fylket vert organiserte under HMR, og at ein saman står ansvarlege for å gi dei som bur i fylket likeverdige og gode helsetenester. Omsyn til volum og kvalitet må takast, og dette er godt dokumentert. Helseproblem som utgjer eit stort volum skal handterast nær pasienten, medan sjeldnare tilstandar som krev særskilt utstyr og kompetanse, må samlast. Ein ynskjer ein prosess der ein ikkje utarmar det totale tilbodet i fylket når nytt sjukehus står ferdig. Det vert peika på at hovudomsyna i bygging av SNR må vere tilpassing til behovet for helsetenester, befolkningsgrad og kommunikasjon no og fram mot 2030 og behovet for helsetenester sfa. dette, Ålesund si rolle som spesialisert institusjon i fylket, rekruttering av spesialistkompetanse som allereie er pressa i fylket og ein framtidig berekraftig driftssituasjon. Gruppa har ikkje sterke preferanser for lokalisering, men ser det som geografisk mest fornuftig å leggje SNR lengst nord med tanke på reiseavstand for pasientane. Gruppa har også fått avdelingsvise innspel til høyringa, og ein viser til høyringssvaret for desse. Den norske legeforening, Volda sjukehus omtalar naudsynt innhald for å kunne etablere eit akuttsjukehus, der ein viser til at heilskapen er naudsynt i samband med akutt sjukdom. Gruppa peikar også på at sjukehuset må ha eit fagleg innhald som fremjar rekruttering, og det vil verke motsett om ein fjernar særskilde funksjonar. Ein peikar vidare på at sterke fagmiljø veks fram gjennom føreseielegheit og arbeidsro, noko som det ikkje har vore i føretaket på lenge, og som rekrutteringa til fylket avspeglar. Ein må no verte samde om innhaldet i sjukehuset og står for dette, få til ein stabil arbeidssituasjon, og ikkje fjerne funksjonar som fungerer godt og stadig måtte ta denne diskusjonen med administrasjon og leiing. Møre og Romsdal legeforening gir ei detaljert skildring av forventa innhald i sjukehuset, samstemt med tilrådinga frå dei tillitsvalde legane i Molde og Kristiansund. Ein viser til høyringsuttalen for denne samanstillinga. Ein viser elles til mogelegheitene eit nytt sjukehus gir. Det er forventningar til å lukkast både frå inbyggjarar, tilsette og politisk leiing, og for å oppnå dette må komande tilbod verte betre enn dagens tilbod. Innhaldet må vere berekraftig for framtida. Eit vellukka sjukehusprosjekt vil også vere med på å trygge driftsøkonomien i HMR ved reduksjonar i vaktlag, mindre fragmenterte tilbod og ved at fleire pasientar vel å få si behandling i eige føretak. Ein god strategi for handtering av interimsfasen er sett på som naudsynt for å halde på tilsette og også klare å rekruttere nye før driftssetjing av sjukehuset. Ein viser til komande ROS-analyse, og meiner at denne må innehalde høve kring akuttmedisinsk beredskap, rekruttering og ivaretaking av eksisterande fagmiljø, konekvensar for interkomunale legevakter.

16 Side16 Følgjer for randkommunar ved val av sjukehus ved ulike lokaliseringsalternativ. Kan dette utløyse behov for investeringar ved Ålesund sjukehus? Norsk sykepleierforbund, Møre og Romsdal (NSF) er opptatt av at mange av deira medlemmar vil få lenger arbeidsveg ved realisering av SNR, og dei konsekvensane dette vil måtte få for turnusarbeidande. Arbeidsgjevar må leggje til rette for at ein skal kunne utøve arbeidet sitt etter gjeldande lovverk og grunnverdiar. Under føresetnad at SNR gir eit betre tilbod enn det som finst i dag, trur gruppa at dette vil verte «pasientenes helsetjenester». NSF støttar elles legeforeininga sin uttale kring innhald. NSF meiner at det bør etablerast eit spesialisthelsetenestetilbod den staden som ikkje får bynært sjukehus. Ved ein lokalisering midt mellom byane, noko som NSF rådde frå i 2012, meiner ein at tenestene må samlast i sjukehuset, det vert for fragmentert å spreie tilboda over tre stader. Norsk sykepleierforbund, Molde sjukehus Lundavang, Hjelset, Knausen oppfattar delar av høyringsrapporten som utydeleg, ein får ikkje klarheit i kva innhald og organisering SNR skal ha. Ein påpeikar at rapporten opnar for spekulasjonar knytte til framtidig innhald, og avhengigheita mellom fag er underkommunisert. Funksjonane skal avgjerast etter høyringa, og dette sår tvil i organisasjonen om innhaldet i sjukehuset, framtidsutsiktene og uvisse med omsyn til rekruttering. Gruppa argumenterer med at Molde har større fagmiljø, akuttsjukhus med traumefunksjon, sjukehuspsykiatrien er lokalisert til Molde. Interimsperioden er ikkje godt nok omtalt, og ein ser det som uheldig at dette ikkje er med i ein høyringsprosess. Delta, Helse Møre og Romsdal har delte meiningar mellom sine medlemmar og vil ikkje ta stilling til val av tomt, men om sjukehuset vert plassert bynært, bør det etablerast eit lokalt medisinsk tilbod i byen lengst unna. Det er semje om at tilbodet må oppretthaldast og vidareutviklast, der ein byggjer vidare på eksisterande fagmiljø, også i interimsfasen. Norsk Fysioterapeutforbund peikar på at deira faggrupper ikkje er nemnde i høyringsrapporten, men at desse må inkluderast i utforming av nytt sjukehustilbod. I høve den praktiske utforminga av SNR held gruppa fram at det viktig at ulike faggrupper som jobbar med same pasientgruppe er plasserte i nærleiken av kvarandre. Gruppa peikar på at rehabiliteringssengene som er i Molde i dag må vidareførast, og helst utvidast. Fysikalsk medisin er eit viktig område som er vedtatt oppretta i dagens tilbod, men har stått på vent grunna legemangel. Dette må prioriterast inn i SNR. Fagforbundet, Møre og Romsdal godtar ikkje nedbygging i tilboda nord i fylket grunna saldering i budsjetta, dette må løysast i heile føretaket. Felles sjukehus vil bidra positivt til økonomien. Fagforbundet stiller seg undrande til at HMR allereie no svekkar det faglege tilbodet, uheldig at prosessar går parallelt med idéfasen slik at ein får inntrykk av at innhaldet i SNR allereie er avgjort. Fagforbundet er uroa for at private aktørar kan svekke offentleg tilbod. Fagforbundet sluttar seg vidare til høyringsuttalen frå tillitsvalde legar i Molde og Kristiansund.

17 Side17 Pensjonistforbundet understrekar behovet for at samhandlinga mellom kommunane og føretaket vert prioritert ikkje berre for SNR, men for heile fylket. Pensjonistforbundet er uroa over utviklinga ein har sett så langt med vidare nedskjering av kapasiteten i spesialisthelsetenesta, og ein fryktar for om kommunane klarer å handtere denne situasjonen. Ein er også uroa for at nye oppgåver til spesialisthelsetenesta ikkje harmonerer med signala om reduksjon i stillingar, og at det er understreka at ein skal gå over frå døgn- til dagtilbod og poliklinikk. Ein er redd for at dette vil gå utover eldre særskilt. Truleg vil dette kunne avhjelpast ved å etablere tilbod i den byen som ikkje får sjukehuset nær seg. Funksjonshemmedes fellesorganisasjon (FFO), Møre og Romsdal meiner at HMR ikkje godt nok sannsynleggjer at ein vil utvikle sjukehustilbodet i fylket. Gruppa er uroa over akuttfunksjonar, tilbod til born/kronikarar og nærleik til tilbod, personar med samansette lidingar og rus/psykiatri. Nærleik må leggast til grunn for behandling av dei store pasientgruppene. Ein er uroa for omdømmet til føretaket, korleis skal ein klare å halde på og rekruttere gode fagfolk? Ein har ein veg å gå innan samhandling med forbetring av pasientforløp og meir heilskaplege tenester. FFO meiner at det må byggast eit fullverdig akuttsjukehus i Nordmøre og Romsdal som nyttar eksisterande infrastruktur, og at det må byggast eit lokalmedisinsk senter i den byen som ikkje får sjukehuset nær seg. Ein er uros for korleis HMR skal klare det økonomiske kravet til investering utan at det får negative konsekvensar for innbyggjarane i Møre og Romsdal. Brukarutvalet Helse Møre og Romsdal ynskjer ikkje på noverande tidspunkt å peike på noko tomt, og er tydelege på at innhald og kvalitet er viktigare enn nærleiken til sjukehuset. Ein peikar på at ein i interimsfasen både tek omsyn til eksisterande personale og framtidig rekruttering. Vedlikehald av bygg og utstyr må sikrast for å halde kvaliteten oppe. Brukarutvalet meiner at ein for nokre tenester kan opprette desentrale tilbod, t.d. for kronikarar. Det er viktig at ein no får oppslutnad og semje om vedtaket slik at ein slepp omkampar som kan setje sjukehuset på spel. Interne klinikkar, avdelingar, einingar Det er kome 14 høyringssvar frå ulike interne instansar, der nokre er frå føretaksovergripande einingar, andre er knytte til enkeltsjukehus eller felles for sjukehusa i nordfylket. Det er naturleg nok eit tydeleg fokus mot innhaldet i SNR, og behovet for å få ei klargjering av dette. Det er to av instansane som seier noko om lokalisering, og nokre etterlyser samanhengen mot Sunnmøre. Generelt er det lite omtale av økonomi, men det er vist til at samling av tenestene sannsynlegvis vil gi økonomisk gevinst. Kirurgisk klinikk i Molde og avdeling for radiologi i Molde og Kristiansund peikar på at det vil vere mest føremålstenleg å leggje SNR bynært Molde grunngjeve med at Molde i dag har størst og breiast fagmiljø. Slik vil ein ha best føresetnader for å ta vare på den eksisterande faglege breidda og sikre eit godt tilbod også i interimsperioden. Ein argumenterer med at det er uheldig

18 Side18 å plassere nytt sjukehus i randa av fylket, då dette vil kunne vere med på å definere innhaldet i den forstand at sjukehuset vil verte mindre dess lenger nord det vert plassert. På denne måten vert det også mindre sannsynleg at SNR får fylkesdekkande funksjonar. Ein viser også til nærleik til Høgskolen i Molde som argument for å leggje SNR bynært Molde. Det er elles sterkt fokus på at ein må vidareføre og ta vare på eksisterande fagtilbod inn i SNR for byggje eit sjukehus som skal gi eit tilbod til befolkninga som er betre enn det ein har i dag. Breidde i fagtilbod og tilrettelegging for fagleg utvikling er viktige faktorar for rekruttering og attraktivitet, som også er gjennomgåande tema frå dei fleste høyringsinstansane. Nedslagsfeltet til SNR er også vist til i samband med at dette generer behov for døgntilbod innan fleire fagområde. For nokre fagområde eignar det seg å desentralisere, for andre ikkje. Det som vert halde fram er at ei desentralisering ikkje må verke fragmenterande for sjukehustilbodet. Tverrfagleg samarbeid og bygningsmessige løysingar for å optimalisere dette er også noko som er argumentert for. Innan psykiatri viser ein til at ein skal ha sterkare vekst her enn for somatiske tenester. Sjukdomsutviklinga viser også at fleire i framtida vil ha behov for desse tenestene. Samhandling med andre instansar er viktig for vidareutvikling av dagens tenestetilbod. For born og unge har ein lang erfaring med desentraliserte tenester, der det som avgjerande at ein har ei slik organisering for å kunne yte lovpålagde tenester til befolkninga. Privatpersonar Tre av høyringsuttalane er signerte privatpersonar. To av desse taler for lokalisering bynært Molde. Den tredje tar ikkje stilling til lokalisering.

19 Del B: Regional konsekvensutgreiing Side19 Oversikt over høyringssvara Det har kome inn 72 høyringssvar fordelte slik: 7 frå regionale organ og etatar 15 frå kommunar 17 frå næringsliv og næringsorganisasjonar 3 frå forsking og undervisning 11 frå helsevesen, avdelingar, tilsetteorganisasjonar og brukarutval 15 frå privatpersonar 4 frå ulike andre Nokre av høyringssvara tek føre seg både regional KU og idefasen, men i den grad det er relevant, er dei tatt med under oppsummering begge stader. Ei fullstendig oversikt over svara vert lagt ved denne saka. Det har kome inn mange gode og omfattande høyringssvar. Gjennom oppsummeringa nedanfor freistar ein å gi eit bilete av hovudtrekka i høyringssvara. Den einaste måten å få full oversikt på, er likevel å lese kvart enkelt høyringssvar i sin heilskap. Hovudtrekk i høyringane God prosess Fleire av høyringsinnspela gir uttrykk for at prosessen rundt tomtelvalet har vore god. Ein open prosess med mange møte med kommunane, regionale organ og ikkje minst fleire folkemøte både i samband med kommunal KU og tilsvarande møte om regional KU, har medverka til at det har vore godt opplyst om prosessen med gode høve til å kome med innspel. Sjølv om engasjementet og temperaturen på møte og i media har vore høg, har folk sett pris på god informasjon og lett tilgang til dokument. Geografi forklarer alt, - få innspel til manglar og behov for ekstra utgreiingar Det er eit heller eintydig skilje i standpunkt til lokalisering etter geografi. Nordmøre er klar på at det beste alternativ er Storbakken og Romsdal like klar på Hjelset, og dei midt i mellom ser Astad som best. Dette betyr ikkje at argumenta har vore svake, tvert om det er ført mange god grunnar for det valet ein har falle ned på. Mange av desse vil vere vel verdt å ta med seg i vidare prosess. Det er vektlegginga av moment som har vore ulik.