SAKSPAPIR. Styre, komite, utval Møtedato Saknr Saksansvarleg Giske formannskap /14 MHMG

Transkript

1 SAKSPAPIR Styre, komite, utval Møtedato Saknr Saksansvarleg Giske formannskap /14 MHMG Saksbehandlar Elisabeth Romundstad Arkiv: K1-, K2-G00, K3-&13 Arkivsaknr 14/ HØYRINGSFRÅSEGN - SJUKEHUSET I NORDMØRE OG ROMSDAL Vedlegg: Dok.dato Tittel Dok.ID Høyringsbrev.pdf (L)(353108) Høyringsrapport idefase SNR.pdf (L)(353110) Samandrag høyringsrapport idefase SNR - HMR.pdf (L)(353109) Vedlegg 2 til sak Vedtak fylkesutval- høyring Høyringsuttale idèfase nytt sjukehus i Nordmøre og Romsdal Konsekvensutredning - sjukehuset Nordmøre og Romsdal Saksutgreiing: Helse Møre og Romsdal HF (HMR) planlegg etablering av eitt nytt sjukehus i Nordmøre og Romsdal (SNR), som erstatning for lokalsjukehusa i Molde og Kristiansund, lokalisert på aksen mellom Hjelset og søre del av Frei. Grunnlaget for planlegging skriv seg frå handsaminga av utviklingsplanen for HMR som vart vedtatt av styra i HMR HF og Helse Midt- Norge RHF i desember Helse Møre og Romsdal HF skal i styremøte 17. desember 2014 tilrå lokalisering og fagleg innhald i SNR, dokumentere fagleg og økonomisk berekraft for føretaket samla sett, samt plan for vidare prosess. Helse Midt-Norge RHF skal den 18. desember 2014 gjere det endelege vedtaket. Helse Midt- Norge RHF vil vidare som del av den etablerte styringsdialogen, forelegge Helse og omsorgsdepartementet avgjerda i føretaksmøtet i januar Med grunnlag i Utviklingsplanen, vedtok styret i Helse Møre og Romsdal HF i februar 2013 å starte «tidlegfasen» for nytt akuttsjukehus for Nordmøre og Romsdal. Tidlegfasen omhandlar føljande delområder som er ute til høyring hausten Dei tre utgreiingane er: Del Idéfaserapport Høyringsfrist Ansvar 1 Lokal konsekvensutgreiing (KU) for dei tre kommunane 1. september 2014 Vertskommunane; Molde, Gjemnes og Kristiansund 2 Regional KU 15. september 2014 Helse Møre og Romsdal HF 3 Idéfasehøyringsdokument 7. oktober 2014 Helse Møre og Romdal HF

2 Helse Møre og Romsdal HF er tiltakshavar for realiseringa av sjukehuset i Nordmøre og Romsdal (SNR), som skal erstatte lokalsjukehusa i Molde og Kristiansund. Den vedtekne tidsplanen legg opp til byggestart i é2018, med ferdigstilling og driftsstart i Høyringsrapporten omtalar dei aspekta som er relevante for avgjerd kring idéfasen for nytt sjukehus i Nordmøre og Romsdal (SNR). Prosjektet skal vere forankra i dei strategiske planane for utviklinga av spesialisthelsetenestetilboda både i Helse Midt-Norge RHF og Helse Møre og Romsdal HF. Dette høyringsnotatet har både «føretaksperspektivet Helse Møre og Romsdal HF» og «prosjektperspektivet sjukehuset i Nordmøre og Romsdal (SNR)» i seg. Høyringsdokumentet trekker opp dei sentrale elementa som spelar inn på helseføretaket si utvikling og drift av fagleg verksemd generelt og utviklinga av SNR spesielt. Vurderingar Skildringa av helseføretaket sitt kort- og langsiktige utfordringsbilete er godt beskrive, slik det går fram av høyringsdokumentet. Val av lokalisering for SNR vil ha stor konsekvens for utforminga av spesialisthelsetenesta i Møre og Romsdal i tida som kjem. Særs viktig før vedtak om lokalisering fattast, er å vurdere konsekvensane av dei forskjellige alternativa for eit samla Møre og Romsdal HF. Val av lokalisering bør baserast på; best oppnåeleg kvalitet, økonomisk berekraft og rettferdig fordeling av helsetenestene. Kvalitet Strategi 2020, vedteke av Helse Midt-Norge, skal sikre god og effektiv ressursutnytting og kvalitativt gode tenester, dette er også nedfelt i styringsbodskapen. Ei konkretisering av tiltak som både er med på å redusere kostnader og ta vare på god kvalitet, vil omfatte m.a. effektiv fordeling av oppgåver mellom sjukehusa. Å slå saman to mindre lokalsjukehus til eit større felles, vil sannsynleg auke kvaliteten gjennom større og meir robuste fagmiljø. Fagmiljøa er avhengige av rekruttering. Sunnmøre Regionråd (SR) gikk inn for lokalisering av SNR bynært Molde blant anna grunna at dette blei sett på som den lokaliseringa med best potensiale for rekruttering. I følgje Norconsults rapport i forbindelse med utgreiing av regionale konsekvensar vurderast Hjelset og Storbakken som likeverdige i forhold til rekruttering, men med eit mindre potensial for avskaling av eksisterande fagmiljø om SNR blir lagt til Hjelset. Gjennom funksjonsfordeling og sentralisering av vaktfunksjonar må ein vere klar over at attraktiviteten til fagfelt med kunn poliklinisk aktivitet er dårlegare, medfører vanskar med rekruttering og i verste fall øydelegging av etablerte fagmiljø. Vaktfunksjonane bør derfor i lengste grad forsøkast oppretthaldt i SNR, samanlikna med dei tilboda Kristiansund og Molde Sjukehus har i dag. Grunna økonomiske utfordringar i Møre og Romsdal HF, ser ein at funksjonsfordeling sannsynleg blir naudsynt for å oppnå eit økonomisk berekraftig HF. Kva slags funksjonar som bør oppretthaldast i SNR for å få ei rettferdig fordelt helseteneste i fylket, må vurderast nøye. Barn Etter kommuneoverlegen si vurdering vil sentralisering av vaktfunksjonen for barnemedisin frå SNR til Ålesund Sjukehus vere ei feilprioritering i denne diskusjonen. Barn har lik rett på helsetenester som vaksne og vurderast som ikkje rettferdig behandla om ei slik sentralisering gjennomførast. Nye SNR bør ha ei barneavdeling med god kvalitet og vakthavande lege som

3 kan ta hand om dei akutt sjuke barna med vanlege lidingar som til dømes akutte infeksjonar. Situasjonen for ein familie som får eit akutt sjukt barn, bør ikkje gjerast vanskelegare enn den allereie er, med at avstanden til sjukehuset blir forlenga grunna økonomiske omprioriteringar. Ved Molde Sjukehus er det vakthavande anestesilege som har hatt ansvar for dei dårlege nyfødde barna. Ved «krise-keisersnitt», dvs. tilfelle kor barnet har blitt forløst ved keisersnitt innan få minutt grunna akuttsituasjon med fare for liv, har anestesilegen både ansvar for det nyfødde barnet og mor som er under operativ behandling. Dette er ein sårbar situasjon. Heimeværande bakvakt blir i slike tilfelle som regel innkalla frå sin heim med det same alarmen går. Situasjonen bør likevel vurderast som sårbar med potensiell risiko for fatale føljer. Ein tilstadeværande barnelege i vakt som tek hand om det nyfødde barnet, vil klart kunne auke pasientsikkerheita. Økonomisk berekraft God kvalitet i helsetenesta som ytes, sett krav til eit økonomisk berekraftig Møre og Romsdal HF. I åra framover skal det sparast kr. 335 mill. kr. I dagens drift for å møte krav til eigenfinansiering av SNR, og etter at bygget er ferdig skal føretaket sitt driftsbudsjett dekke auka finanskostnader. Det nye sjukehuset skal koste mellom 4 og 5 mrd. kr, og eit krav om 30% eigenkapitaltilskot medfører at helseføretaket skal skyte inn mellom 1,2 og 1,5 mrd. kr. I fylgje idéfaserapporten gir dette kapitalkostnader på mellom 182 og 265 mill. kr. Fyrste året, mot dagens kapitalkostnad på ca. 46 mill.kr. Ei stor økonomisk utfordring. Som avgjerdsgrunnlag for lokalisering av SNR, må ein vurdere kva for sjukehus struktur og lokalisering som medfører best oppnåeleg økonomisk bærekraft og kvalitet. Konsekvensar av pasientbevegelse innafor, pasientlekkasje ut av, samt eventuell pasientbevegelse inn til Møre og Romsdal HF må takast med i vurderinga. Pasientlekkasje ut av Møre og Romsdal HF For å sikre økonomisk bærekraft, bør pasientlekkasje ut av Møre og Romsdal HF, med der igjennom tap av inntektsgrunnlag, unngåast. Ved å velje Hjelset bynært Molde som lokalisering, vil avstanden frå dei nordlegaste kommunane sannsynleg medføre ein pasientlekkasje ut av Møre og Romsdal HF til St. Olavs Hospital. Dette er ikkje ønskeleg for å oppretthalde kvaliteten på spesialisthelsetenesta og den økonomiske berekrafta i Møre og Romsdal HF som ei heilheit. I følgje høringsuttale frå SR (vedlagt) stillast det spørsmål ved lekkasjen frå Nordmøre til St. Olavs Hospital. Samstundes påpeikar dei ei eventuell bruk av SNR frå Sunnmøre, ved val av den sørlegaste lokaliseringa bynært Molde. Begge desse argumenta for å velje bynært Molde som val av lokalisasjon treng ikkje medføre positive konsekvensar for kvaliteten og utviklinga av helsetenestene i Møre og Romsdal HF. Ein eventuell lekkasje til St. Olavs Hospital og pasientflyt frå Sunnmøre nordover, medfører minka inntekt for Ålesund Sjukehus og redusert moglegheit for å vidareutvikle helsetenesta. «Samarbeid» er eit viktig stikkord for utviklinga av tenestene i Møre og Romsdal HF i tida som kjem. Eit av argumenta til SR for å gå inn for bynært Molde som val av lokalisasjon, er at dette alternativet har størst pasientgrunnlag. Samstundes påpekar dei at SNR ikkje må byggast større enn det som er optimalt. Pasientgrunnlag vil ha konsekvens for størrelsen på SNR, jo større pasientgrunnlag, jo større og meir kostbart sjukehus. Framtidig kvalitetsutvikling, størrelse, funksjonsfordelingar, pasientgrunnlag og økonomi må vurderast som ei heilheit for Møre og Romsdal HF, før val av lokalisering kan vedtakast. Den best

4 produktive samarbeidsstrukturen bør vektleggast i val av lokalisering. Å byggje nytt sjukehus ved det nordlegaste alternativet vil gi eit meir definerbart pasientgrunnlag for sjukehusa i fylket og sannsynleg mindre konfliktar med tanke på framtidig samarbeid mellom sjukehusa. Pasientbevegelse innafor Møre og Romsdal HF Ved lokalisering av SNR ved det nordlegaste alternativet, vil ein ikkje oppleve tilsvarande pasientlekkasjen ut av HF, men sannsynlig oppleve bevegelse av pasientgrunnlaget mot Ålesund Sjukehus. Dette treng ikkje være negativt for kvaliteten til helsetenesta i den nordlige delen av fylket. Auka pasientgrunnlag for Ålesund Sjukehus vil medføre muligheit til å utvikle meir spesialiserte former for behandling til nytte for heile Møre og Romsdal. Samstundes vil SNR ha eit større pasientgrunnlag samanlikna med det dei to lokale sjukehusa i utgangspunktet hadde kvar for seg, med potensiale for styrking av tenesta som ytast også der. Eit døme på styrking av Ålesund Sjukehus til gagn for heile fylket, er behandling av akutt gjennomgåande hjerteinfarkt. Den beste behandlinga for denne lidinga er såkalla perkutan coronar intervensjon (PCI). I Helse Midt-Norge er det kunn St. Olavs Hospital som tilbyr denne forma for behandling og kompetansen har blitt heldt sentralisert der. Behandlinga må gis innan 90 minuttar frå symptomdebut. Grunna lang transportveg til St. Olavs Hospital, er hovudprosedyren i Helse Møre og Romsdal, at denne behandlinga ikkje gis primært. Som konsekvens får folket i Møre og Romsdal ei dårlegare behandling for akutt gjennomgåande hjerteinfarkt. Hjertemedisinsk avdeling ved Ålesund Sjukehus har i lengre tid ønska å utvikle kompetanse for PCI. Avdelinga er robust med 6 spesialistar. Eit auka pasientgrunnlag vil styrke Ålesund sjukehus i å få utvikla PCI og bli eit naturleg midtpunkt som einaste sjukehus mellom Haukeland og St. Olavs Hospital som kan tilby denne behandlinga, til nytte for alle innbyggarar i Møre og Romsdal. Eit viktig poeng i denne saka er vurdering av kapasiteten til Ålesund Sjukehus, og eventuelle meirkostnader ei utviding av tilbode her kan medføre. Dette leggast vekt på i høyringsuttalen frå SR. Pasientbevegelse inn til Møre og Romsdal HF Pasientbevegelse mot Ålesund Sjukehus, med eit styrka tilbod som konsekvens, vil kanskje auka tilstrømming av pasientar frå tilgrensande HF i sør. Dette kan auke inntektsgrunnlaget for Møre og Romsdal HF og gi grunnlag for vidare utvikling av helsetenesta. Kapasiteten og meirkostnadane ved behov for ei eventuell utviding av Ålesund sjukehus må takast med i reknestykket. Konklusjon Val av lokalisering for nytt felles sjukehus for Nordmøre og Romsdal, vil ha stor konsekvens for kva slags tenestetilbod Møre og Romsdal HF kan tilby i framtida. I prosessen med å effektivisere og kutte kostnader, vil sannsynleg sentralisering av vaktfunksjonar bli naudsynt. Barn bør ikkje bli lidande part i denne sentraliseringsprosessen. Lokalisering som gir minst pasientlekkasje ut av HF, vil minske økonomisk tap og støtte opp om eit økonomisk berekraftig HF med godt tenestetilbod. Pasientbevegelse som medfører eit auka pasientgrunnlag for Ålesund sjukehus, vil kunne føre potensiale for eit meir spesialisert tenestetilbod, til gagn for heile Møre og Romsdal, samt påverke størrelsen på SNR. Gevinst må her vurderast opp i mot meirkostnad ved eventuelt behov for utviding av Ålesund sjukehus. Ut i frå desse vurderingane vil Giske kommune ikkje stille seg bak konklusjonen frå SR om at bynært Molde går fram som det beste alternativet.

5 Rådmannen sine merknader: Viser til saksutgreiing og vedlagt vedtak frå Fylkesutvalet og uttale vedteken av representantskapet i SR INNSTILLING: Giske formannskap går inn for ei lokalisering av nytt felles sjukehus for Nordmøre og Romsdal ved det nordlegaste alternativet på søre del av Frei, da dette sannsynleg blir eit meir berekraftig økonomisk alternativ med potensiale for auka kvalitet på spesialisthelsetenesta i Møre og Romsdal HF sett som ei heilheit GISKE FORMANNSKAP Olav Sindre Roald (H) fremma forslag om tilrådinga frå Sunnmøre Regionråd. F-108/14 VEDTAK: Ved alternativ votering vart innstillinga vedtatt med 5 mot 2 røyster. Mindretalet røysta for Olav Sindre Roald sitt forslag.