SAKSPAPIR. Styre, komite, utval Møtedato Saknr Komitè for miljø og tekniske /16 DETALJPLAN VEGENDRING ROALD AUST - OFFENTLEG ETTERSYN

Transkript

1 Arkiv: K2 - L12, PlanId JournalpostID: 16/4530 Sakshandsamar: Bjarte Friis Friisvold Dato: SAKSPAPIR Styre, komite, utval Møtedato Saknr Komitè for miljø og tekniske /16 saker DETALJPLAN VEGENDRING ROALD AUST - OFFENTLEG ETTERSYN Innstilling: Komitè for miljø og tekniske saker Innstilling: (mangla i sakspapiret) Framlegg detaljplan Vegendring Roald aust, datert , med planomtale og føresegner datert , kan leggjast ut til offentleg ettersyn i medhald av pbl Innstillinga vart samrøystes vedtatt. KMT- 038/16 Vedtak: Framlegg detaljplan Vegendring Roald aust, datert , med planomtale og føresegner datert , kan leggjast ut til offentleg ettersyn i medhald av pbl Vedlegg: Vegendr Roald FRÅSEGN FRÅ FOLKEHELSEKOORDINATOR - VEGENDRING ROALD AUST FRÅSEGN - MØRE OG ROMSDAL FYLKESKOMMUNE - DETALJPLAN VEGENDRING ROALD AUST FRÅSEGN - FYLKESMANNEN I MØRE OG ROMSDAL - REGULERINGSPLAN ROALD AUST FRÅSEGN - BORGNY ROALD - VEGENDRING - ROALD AUST

2 FRÅSEGN - LINDSET EIENDOM AS - VEGENDRING - ROALD AUST FRÅSEGN - NVE - NORGES VASSDRAGS- OG ENERGIDIREKTORAT - VEGENDRING - ROALD AUST FRÅSEGN - STATENS VEGVESEN FV OPPSTART AV PLANARBEID - DETALJPLAN VEGENDRING - ROALD AUST I GISKE KOMMUNE Framlegg detaljplan Vegendring Rota aust_ Framlegg planomtale og føresegner for detaljplan Vegendring Roald aust_ Saksutgreiing: Oppstart av planarbeid vart handsama i møte , sak KMT-020/16. Varsel vart sendt ut med brev av , med frist for merknad sett til Utdrag av merknadane blir gjengjeve under: Statens vegvesen, datert Har ikkje merknad. NVE, datert Har ikkje merknad. Lindset Eiendom as, datert Sak om endring av veg vart teke opp med Lindseth Eigedom as i møte Det vart klargjort at framlegg som då var fremja ville beskjere to tomter i regulerte område på ein uakseptabel måte med for verdiforringing som konsekvens. Det vart også presisert at alle kostandar knytt til endring av reguleringsplanen, endring av alt prosjekterte tekniske anlegg m.m. må berast av Giske kommune. Dette vart ytterlegare presisert i brev til Giske kommune av Det vart i brevet godtgjort at endra vegføring datert ville vere akseptabel for tomt 2, men uakseptabel for tomt 1. Det vart invitert til innløysing og anslått verdi vart sett til 1,2 mill. kr mottek Lindset Eiendom as epost frå Giske kommune varsel om innstilling til politisk handsaming om oppstart av planarbeid. I eposten blir det også skrive: Alle avklaringar om tomt 1 må skje parallelt med planprosessen. Formelt varsel av om planoppstart blir motteke seinare. Lindset Eiendom as har ikkje vorte invitert til dialog med Giske kommune om avklaring av tomt 1. Lindset Eiendom as har gjeve standpunkt i saka, utan at kommunen har kome med noko tilbakemelding på dette. Det kan oppfattast som om administrasjonen prøver å endre ein nyleg vedteken reguleringsplan for å sleppe kostnadar knytt til endring som man ser kan vere gunstig for kommunen. Å gå til det skritt å få politisk tilslutning til ei endring som ser minimal ut for å sleppe å ta økonomisk ansvar i saka, er i tilfelle ein ikkje reieleg framgangsmåte. Det er ikkje vanleg å endre nyleg vedteken reguleringsplan eller føresegn til desse dersom det ikkje openbart er gjort mindre feil ved utarbeiding. Slike endringar vil kunne bli gjort som ei mindre endring etter pbl ledd 2 og 3. Den endring som det er framlegg om er ikkje ei mindre endring, men utgjer ei vesentleg endring for tomt 1 sitt vedkommande. Dei økonomiske konsekvensane for Lindset Eiendom as er veldig store då tomta sin verdi vil bli vesentleg forringa med den endring som det er framlegg om. Lindset Eiendom as har vore konstruktiv i dialogen med så langt vedkomande administrasjonen sitt ønske om å endre vegføring. Men har likevel måtte stille krav om kompensasjon for verdiforringing av tomt 1 og primært ønska innløysing av tomta. Lindset Eiendom as er klar over at å oppretthalde regulert vegføring vil påføre kommunen meirkostnadar på grunn av

3 omfattande sprengingsarbeid samt at det vil vere utfordringar i høve 100 m beltet i strandsona med vidareføring av vegen enn om vegføring blir endra. Det kan ikkje vere slikt at Lindset Eiendom as skal vere salderingspost i denne saka ved å godta sterkt redusert tomteverdi på tomt 1. Ei reguleringsendring vil også medføre tilleggskostnadar for Lindset Eiendom as som til no ikkje har fått aksept for at kommunen vil dekke. Lindset Eiendom as ser berre to alternative løysingar i denne saka: Alternativ 1 er at nåverande vegføring blir vidareført Alternativ 2 er ny reguleringsplan, tomt 1 blir innløyst og alle ekstra kostnadar som oppstår grunna behov for endring av teknisk plan/utbyggingsavtale til veg, vatn og avløp blir dekt av Giske kommune. Eit vedtak om reguleringsendring utan at det samtidig er kompensert for tapte salsinntekter og tilleggskostnadar for Lindset Eiendom as, vil måtte medføre sak om erstatning overfor Giske kommune. Lindset Eiendom as har ikkje anna val enn å protestere mot framlegg til reguleringsendring. Det blir vist til at gjeldande reguleringsplan nyleg er vedteken, det må forventast føreseielegheit i høve reguleringsplanar og at det ikkje kan aksepterast tap av salsinntekter/påført ekstra kostnadar. Borgny Roald, datert Stiller spørsmål og protesterer på at areal som underteikna eig har vorte med i detaljplanen. Eigedom gnr./bnr. 1/12 har ikkje vore med i gjeldande plan før og det er heller ikkje grunn til å takast med no, sjølv om det er eit lite stykkje. Det blir reagert på at området «Markeskogen», som er delvis disponert av Vigra barnehage er omtalt i planen. Dette legg føringar for området som underteikna ikkje er tent med. Heile arealet må sjåast i samanheng ved eventuell regulering. Slik framlegget ligg føre vil det binde opp delar av arealet for framtidig bruk. Er ikkje motstandar av eventuell veg eller leikeareal i «Markeskogen», men meinar at det ikkje skal leggjast føringar for dette i ein reguleringsplan som ikkje omfattar heile området. Underteikna ser ikkje hindringar for ønska endring av reguleringsplanen i det omtalt område nord for Rota ikkje kan gjennomførast som tenkt, men planen bør stoppe ved eigedomsgrensa og ikkje krysse inn på gnr./bnr. 1/12. Ei eventuell regulering av 1/12 kan ta omsyn til dette på eit seinare tidspunkt, for å sjå heile området under eitt. Fylkesmannen i Møre og Romsdal, (FM) datert Natur og miljøvern Det blir synt til naturmangfaldlova, det må gå fram av planomtalen og saksutgreiing korleis prinsippa i nml 8-12 er teke omsyn til og vektlagt i vurderinga av saka. Landbruk Om lag 0,65 daa av planområdet er LNF, og i markslagskart er delar av arealet synt som fulldyrka jord. Kommunen har vurdert arealet til å vere lite og ikkje av stor tyding som landbruksareal. Området ligg utanfor kjerneområde landbruk. FM vil oppmode om å trekkje veglina så langt ut mot kanten av jordbruksarealet som mogleg. Planavgrensinga mot nord vest endar ute på dyrka areal, det går ikkje klart fram om det er meint å vidareføre vegen mot nord. Vidareføring vil kunne medføre større tap av jordbrukeareal og konsekvensane av dette bør gå fram av planframlegget. Samfunnstryggleik

4 Det må utarbeidast ei ROS-analyse Barn og unge Ein del av hensikta med planarbeidet er å unngå konflikt med ein knaus som er mykje nytta av barn og unge, og det er gjort fleire registrering i samband med barnetrakk. Det er positivt at det vert lagt vekt på barn og unge sine interesser. Sidan vegarealet vil gå tett inntil leikeareal for barn og unge, er det viktig at det også blir lagt vekt på trafikktryggleik i området. Møre og Romsdal fylkeskommune, datert Det er ikkje kjent at det er registert automatisk freda kulturminne i det aktuelle området, og har difor ikkje spesielle merknadar knytt til tiltaket. Ber om at ein er varsam under opparbeiding av området og gjer merksam på at dersom ein under arbeid kjem over noko som kan vere automatisk freda kulturminne, pliktar å stogge arbeidet og ta kontakt med kulturavdelinga hjå fylkeskommunen for avklaring. Folkehelsekoordinatoren, datert Barnetakk Positivt at barnetrakk vert nytta som kunnskapsgrunnlag i arbeidet med å finne vegløysing. Det er gjort registreringar både i Markeskogen og området nordaust for Rota. Sistnemnte vert gjort om til bustadområde og forsvinn som friområde. Markeskogen vert nytta mykje av barnehagen, men også av barn og familiar i fritida. Veg som øydelegg dette området vil vere svært uheldig. Friluftsliv Rota er viktig både i idrett- og friluftssamanheng. Parkeringsplassen ved Rota vert mykje brukt som utgangspunkt for friluftsaktivitet. I kartet kjem sti frå Rota mot Sandvika tydleg fram, dersom ein går vegløysing som skissert i oppstartsvarselet, vil det bryte opp landskapet. Området Rota, Markeskogen, tursti, Hamnebrøtet og strandsona er ei aktivitetsområde i dag, med auka tal innbyggjarar på Roald, desse områda bli endå viktigare. Det er i dag potensial for vidareutvikling. Er det difor rett å leggje ein asfaltert veg inntil skogen og inn i eit so viktig område? Asfaltert flate dimensjonert for buss vil endre området, sjølv om det berre skal nyttast til kollektivtrafikk og mjuke trafikantar. Kollektivtrase Val av kollektivtrase og plassering av vegnett generelt legg store føringar for utvikling på Roald. Skal ein gå for nye vegløysingar eller utbere eksisterande vegnett, det må vere avhengig av kva som er samla sett mest høveleg. Val av trase må vurderast opp mot eksisterande bustadar og ønska framtidig bustadutbygging. Traseen skal bidra til å gjere aktivitets- og friområda tilgjengeleg, men samstundes må desse områda behalde sin attraktivitet. Bør avklaring av so viktige spørsmål skje med medverknadsarbeid utover høyring? Heilskapleg plan for Roald Eit naturleg spørsmål er om konklusjon vegføring bør skje samla sett ved vurdering av utvikling av Roald? Skal vegen i det heile førast vidare eller om det skal vere ein endeveg? Det må drøftast ulike løysingar. Hausten 2016 skal to masterstudentar drive medverknadsarbeid på Roald. Fokus i arbeidet vil vere Roald, revitalisering av Roald sentrum som truleg hovudfokus. Friområde og friluftsliv, bustadutvikling, kollektivtrase og

5 ferdselsårer for mjuke trafikantar vil kunne vere naturlege tema knytt til det. Tal på innbyggjarar på Roald har auke og vil auke framover. Behovet for bustadnære areal til idrett og friluftsliv vil dermed også auke. God tilgang på natur og grøn omgivnad, og gode sosiale møteplassar er, saman med rikt lag- og organisasjonsliv, dei største drivarane av folkehelse i nærmiljøet. Det er difor viktig at konsekvensar av vegløysing vert vurdert i planframlegget, og søkjer den mest optimale løysinga for Roald samla sett. Barn og unge sin representant, datert Vegendringa i framlegget gjev ei betre løysing med omsyn til friområdet kalla Markeskogen. (knausen vegen grensar til) Markeskogen er eit viktig og etablert turområde for barnehagen og for barn og unge i nabolaget, jamfør barnetrakk registreringane. Skjerming av området bør ha høg prioritet. Vegen bør i størst mogleg grad blir lagt utanom knausen ved Markeskogen, til dømes bli lagt lenger inni bustadtomta. For barn og unge vil det truleg vere ein føremon om bustadtomta som inngår i vegendringa blir gjort om til leikeareal. Med dette grepet vil ein oppnå nærleikeplass for området. Gang- og sykkelveg/fortau skjermar mellom ein eventuell nærleikeplass og biltrafikken. Ytterlegare skjerming kan eventuelt gå inn i krav for utbygging. Heimelsgrunnlaget Plan- og bygningslova kap. 12. Økonomiske konsekvensar: Ikkje avklart endå. Vurdering: Det har vore dialog med Lindset Eiendom as og kommunen, det har vore møte og epost kontakt. Det har vore utarbeidd to framlegg til endring, første versjon har vorte endra for å gje mindre ulemper for eigar av BF_1. I framlegg til offentleg ettersyn er det gjort avbøtande tiltak for BF_1, tomta er gjort om lag 200 m² større, arronderinga har vorte betre, husbyggar står friare i korleis ein vil nytte tomta. BF_1 blir større sjølv om det blir lagt inn 2 m med annan veggrunn. Det blir lagt inn byggjegrense på 4 m, i gjeldande plan er det 3 m. Trafikkbelastning vil ikkje bli endra som følgje av planen. Med desse føresetnadane er det vanskeleg å sjå at tomta blir vesentleg verdiforringa, det blir heller vurdert at tomta vil auke i verdi, ikkje minst sidan planen vil vere med å sikre at eit verdifullt friluftslivsområdet vil bestå. Det er ikkje grunngjeve kvifor BF_1 blir vesentleg verdiforringa eller gjeve ei oversikt over kva meirkostnadar planen vil medføre. Dokumenterte og reelle ekstra kostnadar på grunn av reguleringa vil kommunen stå for. Vidareføring av veg frå gjeldande plan vil ikkje nødvendigvis føre til meir kostnad for kommunen, skyte vekk knausen vil gje ein mykje betre massebalanse i området for eventuell utbygging av veg. Reguleringsplan Roald aust har vorte endra før, jamfør mindre endring utført i 2012, der det vart ei endring tomtene, og det er på gang ei mindre endring av føresegnene no, for også å opne for flatt tak. Gjeldane plan vart eigengodkjent i Etter ønskje frå gnr./bnr. 1/12 blir eigedomen teke ut av planområdet. Sjølv om det arealet

6 ikkje er med vil det for framtida vere mogleg å leggje veg vidare mot nord frå planområdet på grunn av endring ved BF_1. Barnetrakk registreringar skal vere kunnskapsgrunnlag i samband med reguleringsplanar. LNF-areal blir teke ut av planområdet, jamfør merknad frå grunneigar. Avklaring om eventuell omdisponering skal skje i samband med rullering av kommuneplanen sin arealdel. I føresegn ligg det inne krav om at dersom ein finn noko som kan vere fornminne må kulturmynde bli kontakta. Målet med planen er å sikre eventuell framtidig vegløysing nordover, utan at det vil vere behov for å øydeleggje eit mykje brukt friluftsområdet. Planen vil medføre at ein har reelle val for kva løysing ein vil gå for når det gjeld vegar. Kva løysing ein ender opp med må avklarast i samband med rullering av kommuneplanen sin arealdel. Vegløysing er tett knytt opp til val av kollektivtrase. Planen legg ikkje føringar kva arealbruken vil bli nord for planområdet. Det arbeidet som truleg skal skje på Roald til hausten med masterstudentande vil forhåpentlegvis gje ein del avklaringar og vil mest sannsynleg bli brukt i samband med arealplanar. Ønske med reguleringa er at det gjev minst mogleg konsekvensar for grunneigar. For ei omregulering av bustadtomt til leikeareal måtte ein ha lagt til grunn eit større planområdet og vurdert det ut frå. For barn og unge ville det klart ha vore føremon at det vart regulert inn fleire leikeplassar. I gjeldande plan er det regulert inn fleire leikeplassar, med strøksleikeplass i andre enden av planområdet. Med dei leikeplassane som er regulert inn og med eit relativt stort friområde nord for planområdet, og Rota stadion, blir det vurdert at det er teke tilstrekkeleg omsyn til barn og unge, slik at det ikkje er behov for å regulere inn meir leikeareal. Framlegg detaljplan Vegendring Roald aust, datert , med planomtale og føresegner datert , kan leggjast ut til offentleg ettersyn i medhald av pbl