teater WORKSHOPS Rørsle, dynamikk og rommet Innføring i Maska Storytelling Klovnen

Transkript

1 teater WORKSHOPS Rørsle, dynamikk og rommet Innføring i Maska Storytelling Klovnen

2 om Kompaniet THE KRUMPLE er eit internasjonalt teaterkompani basert i Oslo, danna i Medlemane er samla rundt ein felles visjon om å skape dynamisk og utfordrande scenekunst basert på kroppen si evne til å uttrykke seg. Ein av grunntankane i kompaniet er at alle medlemane er både skapande og utøvande kunstnarar, der ensemblet er kjerna og der skodespelarane kan spele alle roller. Medlemane er alle utdanna ved den anerkjente ÉCOLE INTERNATIONALE DE THÉÂTRE JACQUES LECOQ i Paris, og saman jobbar dei for å vere eit internasjonalt turnerande teaterkompani. Dei har så langt spelt i Oslo, Oppland, DKS i Rogaland, Paris, London og New York med forestillingane Go to Sleep, Goddamnit!, YOKAI og Do Not Feed the Trolls. WORKSHOPANE som kompaniet har utarbeidd har som formål å gi deltakarane NY KUNNSKAP OG EI BREIARE ERFARING som skodespelarar. Det som kjenneteiknar the Krumple sitt arbeid er ei fysisk og visuell tilnærming til scenekunsten, ofte for å formidle historier med ein djup tematikk - ikrydra komiske element. Dette speiler òg workshopane som kompaniet arrangerer, der deltakarane er den KREATIVE KJELDA. Kompaniet har gitt workshopar gjennom den Kulturelle Skolesekken i Rogaland til VG1 - VG3 ved Vågen VGS, Skeisvang VGS og Stavanger Katedralskole. Dei har òg halde workshop i maskearbeid for ensemblet ved Teater Manu i Oslo, dramaelevar ved Conservatoire de Vincennes i Paris, samt skodespelarar ved Garrison Institute i New York. Kompaniet er tidlegare støtta av Kulturrådet, FFUK, UD, Scenekunst Østfold og Stavanger Kommune.

3 "" It s quality physical theatre that reaches true heights... There are magical moments which prove The Krumple has a beautiful understanding of the medium of theatre." Broadway Baby, London on "Go to Sleep, Goddamnit!" Rørsle, dynamikk og rommet I ei forlenging av Jacques Lecoq sin fysiske pedagogikk utfordrar vi deltakarane til NØYE OBSERVASJON av verda og det som omgir oss. Materier, former, fargar og lys blir utgangspunktet for ei utforsking i det fysiske spelet. Gjennom øvingar som byggjer på kvarandre vil vi gjere dei viss på kva ein kan formidle med sitt eige kroppsspråk, både aleine og som gruppe. Vi fokuserer på å gjenskape det verkelege liv, kjensler, veremåtar og interaksjonar, formidla gjennom rørsle og dynamikk. Skodespelarane vil bli trent i å forstørre og tydeleggjere sitt eige kroppsutrykk, med formål om å få ein STERKARE TILSTEDEVÆRELSE i rommet. Arbeid i gruppe vil stå sterkt i workshopen, der vi fokuserer på lytting og gruppedynamikk. Deltakarane vil bli utfordra til å ta og fylle spelerommet, samstundes som dei må tenke på korleis dei kan bevege og utrykke seg som ein organisme. en vil ha eit sterkt fysisk fokus og krev ingen særskilde forkunnskapar.

4 Innføring i Maska I denne workshopen vil vi nytte heilmaska som verkty for å kunne fokusere på kroppsspråket som formidlande stemme. Maska kan, gjennom eit artikulert kroppsspel, formidle kjensler og stemningar på ein særeigen måte. Sjølv om maska er eit gamalt verkty, vil deltakarane oppdage korleis den kan ha ei MODERNE OG RELEVANT STEMME. I denne workshopen vil vi ta for oss ulike nivå av kroppsleg tilstedeværelse, kroppskontroll, artikulasjon av gestar og reaksjonar, samt sjå på korleis vi kan formidle kjensler utan å snakke. en vil òg fokusere på karakterarbeid, og korleis vi gjennom gange og kroppshaldning kan skape ein karakter svært ulik oss sjølve. Avhengig av tidlegere erfaring vil skodespelarane få høve til å prøve ut to ulike sett med masker: Larvermaska er ei arbeidsmaske med nokre enkle, karakteristiske trekk - som passar godt for dei som ikkje har jobba mykje med maske før. Karaktermaska legg sterkare føringar på skodespelaren, men gir STØRRE OG MEIR NYANSERTE SPELMOGLEGHEITER. Med karaktermaska vil gruppene jobbe fram små historier som blir vist ved slutten av workshopen. I den lengre utgåva av denne workshopen vil deltakarane få høve til å lage si eiga maske, og oppdage kva for karakter som kjem ut av maska.

5 Storytelling Med denne workshopen tar vi for oss den kreative prosessen frå idé til ferdig fortelling, i formata BANDE-MIMÉE OG FIGURTEATER. Vi vil sjå på kva som trengs for å lage ei samanhengande historie, med ei hending og ei stigande spaningskurve. en vil ta for seg ensemblet som SKAPANDE GRUPPE, der skodespelarane speler både karakterane og scenografien, samstundes som dei lagar lydbildet. en vil mellom anna nytte teknikkar frå historiefortelling i film, med verkemiddel som zoom, nærbilete, sakte film, hurtige bildesekvensar og stemningsmusikk. Som ein del av øvingane vil deltakarane bli gitt ulike objekt som dei må manipulere og nytte for å utvikle historia. Mot slutten av workshopen vil dei bli delt inn i grupper der dei blir gitt utgangspunktet for ei historie: EIN STAD OG EI HENDING. Saman vil dei få trening i korleis ein kan gå fram ved å utvikle og bygge på andre sine idéar. en avsluttast med ei visning av dei ulike historiene gruppene har laga.

6 Klovnen The clown has great importance as part of the search for what is laughable and ridiculous in man. We should put the emphasis on the rediscovery of our own individual clown, the one that has grownup within us and which society does not allow us to express. - Jacques Lecoq I denne workshopen vil deltakarane prøve VERDAS MINSTE MASKE, og sjå på korleis komikk kan oppstå i relasjonen til publikum. Vi vil fokusere på korleis skodespelaren må bruke seg sjølv som inspirasjonsskjelde, og kva ein må vere viss på når den fjerde veggen er borte. en vil i stor grad fokusere på karakterbygging, og deltakaren blir oppfordra til å FINNE SIN EIGEN KLOVN. Dei vil bli utfordra i å finne ein spelestil som er spontan og ærleg, samstundes som dei må opne seg for sine medspelarar, for publikum - og seg sjølve. Kompaniet ser på denne workshopen som ei felles utforsking med gruppa, då skodespelaren sin klovn kan ha ei særeigen og ærleg stemme som kan seie noko om samfunnet vi lever i.

7 Utval Eksempel på oppsett Rørsle, dynamikk og rommet 3 timar 2x3 timar a 3 dagar Innføring i Maska 3 timar 2x3 timar 6 dagar Storytelling 3 timar 2x3 timar 3 dagar Klovnen 4 timar 3x3 timar 5 dagar KONTAKT OSS for å tilpasse workshopen til dykkar behov. ane Innføring i Maska og Klovnen kan haldast morgon eller ettermidag i løpet av ei veke, der deltakarane får konstruere si eiga maske eller utvikle sin eigen klovn. WORKSHOPLEIARAR: Oda Kirkebø Nyfløtt, Jo Even Bjørke, Vincent Vernerie og Jon Levin. Antal workshopleiarar avheng av størrelsen til gruppa og lengda på workshopen som er ynskja.