Reguleringsplan E39 - Romsdalsfjorden - delstrekning Vik - Julbøen Vurdering av merknader ved 1.gongs offentleg ettersyn

Transkript

1 VESTNES KOMMUNE Saksframlegg Arkiv: L12 Arkivsaksnr.: 2014/1255 Saksbehandlar: Jan Rune Jacobsen Dato: Reguleringsplan E39 - Romsdalsfjorden - delstrekning Vik - Julbøen Vurdering av merknader ved 1.gongs offentleg ettersyn Utval Møtedato Utvalssak Planutvalet /2016 Saksprotokoll i Planutvalet Vedtak: 1. Planutvalet ber om at areal til permanent kai og næringsområde på Kjellneset blir tatt ut av planforslaget og vil eventuelt kome tilbake til vurdering av dette ved seinare høve. 2. Planutvalet ber om at det blir innarbeidd ei rekkefølgjeføresegn i samsvar med faglege råd frå Møre og Romsdal fylkeskommune, med krav om at tilstrekkeleg kollektivtilbod inkl. buss, hurtigbåt og frekvens er etablert før nytt tunnelsamband blir opna for trafikk. 3. Planutvalet ber om at revidert planforslag så langt som råd tek omsyn til bumiljøet ved Kjellneset m.a. med tanke på støy og støv frå anleggstrafikk og produksjon av asfalt, pukk, betong etc. Behandling: Medlemmane fekk utdelt referat frå gjennomgang av Møre og Romsdal fylkeskommune sine merknader i arbeidsmøte med vedlegg datert og skriv frå Fylkesmannen datert vedk. rekkefølgjefråsegn. Avrøysting: Innstillinga frå administrasjonssjefen vart samrøysta vedteke.

2 Administrasjonssjefen si innstilling 1. Planutvalet ber om at areal til permanent kai og næringsområde på Kjellneset blir tatt ut av planforslaget og vil eventuelt kome tilbake til vurdering av dette ved seinare høve. 2. Planutvalet ber om at det blir innarbeidd ei rekkefølgjeføresegn i samsvar med faglege råd frå Møre og Romsdal fylkeskommune, med krav om at tilstrekkeleg kollektivtilbod inkl. buss, hurtigbåt og frekvens er etablert før nytt tunnelsamband blir opna for trafikk. 3. Planutvalet ber om at revidert planforslag så langt som råd tek omsyn til bumiljøet ved Kjellneset m.a. med tanke på støy og støv frå anleggstrafikk og produksjon av asfalt, pukk, betong etc. SAKSUTGREIING: Bakgrunn: Statens vegvesen har i samarbeid med Vestnes, Midsund og Molde kommunar utarbeidd forslag til reguleringsplan for ny E39 med kryssing av Romsdalsfjorden frå Vik i Vestnes kommune, via Nautneset i Midsund kommune til Julbøen i Molde kommune. Forslaget har vore utlagt til offentleg ettersyn, med 25.juni som frist for merknader. Det er mottatt 20 merknader, mellom anna motsegn frå Fylkesmannen i Møre og Romsdal. Merknadane følgjer som vedlegg. I administrativt møte den 16.august gikk Statens vegvesen og Vestnes kommune gjennom merknadane. For å halde framdrifta i planarbeidet bad vegvesenet spesielt om at Vestnes kommune gjorde politisk vedtak så snart som råd om å ta ut forslaget til permanent kai og næringsområde på Kjellneset. Fylkesmannen får då grunnlag for formell trekking av si motsegn. Dersom Vestnes kommune fortsatt ønsker permanent kai og næringsområde på Kjellneset, kan dette takast opp i eigne prosessar på seinare tidspunkt, utan at det skaper heft i planarbeidet for ny E39. Under er det gjort greie for dei etter administrasjonssjefen si vurdering viktigaste momenta i merknadane, med aktuelle kommentarar. Vurdering: Fylkesmannen i Møre og Romsdal (FM) reiser motsegn mot permanent næringsområde og kai på Kjellneset av omsyn til landbruksinteresser, nasjonalt strandsonevern og potensielt stor negativ landskapsverknad. Behov er ikkje godt nok dokumentert og konsekvensar er for svakt utgreidd, ifølgje FM. Det er også reist motsegn pga. støy i anleggsperioden ikkje er tilstrekkeleg vurdert. FM ber om at potensielt berørte husstandar gjennom føresegnene blir sikra at støy i anleggsperioden ligg under gjeldande grenseverdiar. Når det gjeld landbruk viser FM til forsterka styringssignal frå regjeringa med auka fokus på jordvern, større matproduksjon og sjølvforsyningsgrad. FM ber såleis om at dyrka mark som går tapt i anlegget må erstattast med tilsvarande nydyrking. Vidare ber FM om ein massehandteringsplan for matjord. Også for strandsona viser FM til forsterka styringssignal frå regjeringa med meir langsiktig strandsoneforvaltning og strengare behandling av tiltak i 100-metersbeltet. FM peikar på at Kjellneset er eit viktig landskapsmoment og at heile strekninga Vik Nerås er utan større inngrep i strandsona. Adm.sjefen vi rå til at permanent kai og næringsareal på Kjellneset blir tatt ut av planforslaget, slik at ikkje desse momenta fører til unødig seinking av planarbeidet. Når storsamfunnet legg store ressursar i eit midlertidig kaianlegg, er det likevel ein naturleg tanke å vurdere om dette kan kome lokalsamfunnet til nytte i ettertid. Industriområdet på Vik i nærleiken og mål om meir transport på kjøl understøttar desse tankane. Det er eit faktum at slike tiltak vil vise i landskapet, særleg med plassering på eit nes. Om dette er negativt, er avhengig av auget som ser, men det må ikkje gløymast at nettopp tiltak i strandsona har vore føresetnaden for liv (busetting og næringsliv) i distrikt som våre i alle tider. Likevel meiner adm.sjefen det er rett å kome tilbake til eventuell slik arealbruk og konsekvensar seinare og ikkje skiple muleg framdrift av ny E39 no. Når det gjeld ivaretaking av matjorda og nydyrking til erstatning for tap av dyrka mark, meiner adm.sjefen dette er gode faglege råd og legg til grunn at vegvesenet vurderer dette undervegs.

3 Møre og Romsdal fylkeskommune (MRF) reiser ikkje motsegner, men gir klare faglege råd om kollektivtrafikk. MRF peikar på at om ein skal oppretthalde dagens kollektivdel av persontransporten og ta eventuell auke med kollektive transportmiddel, er det vesentleg at planen føresett nødvendige tiltak gjennom rekkefølgjeføresegner. Dei viser til at pendlarar og skuleelevar i dag brukar ferje og hurtigbåt mellom Molde og Vestnes. Om dette tilbodet fell bort, kan ein sjå ei orientering vekk frå Molderegionen og endre bu- og arbeidsmarknadsmønsteret i Romsdalsregionen. MRF tilrår å innarbeide tiltak som kan sikre at dagens høge kollektivdel blir oppretthalden. Fjordkryssing via veg/tunnel gjer dette krevjande og føresett at kollektivtilbodet vert utvida både i forhold til buss og hurtigbåt. Rekkefølgjeføresegn med krav om tilstrekkeleg kollektivtilbod (buss, hurtigbåt, frekvens, parkeringsrestriksjonar m.m.) før nytt tunnelsamband blir opna for trafikk, vil kunne bidra til å sikre høg kollektivdel og ta eventuell auke med kollektive transportmiddel, meiner MRF. MRF presiserer at hurtigbåten er eit kollektivtilbod som slår bilen på reisetid over fjorden, som i tillegg kan gi eit godt tilbod til syklande. Å sikre kollektivtilbodet, med frekvens og opningstider som kan måle seg med dagens ferjetilbod over fjorden, vil krevje eit kraftig løft og det er eit ope spørsmål korleis fylkeskommunen skal kunne tilførast midlar til eit slikt løft. MRF etterlyser ei utgreiing av korleis eit utvida hurtigbåttilbod kan finansierast. MRF peikar vidare på at redusert reisetid bygger på at også kringliggande prosjekt blir bygde. (Julbøen Bolsønes og Vik Digernes). Hovudmengda av pendlarar på strekninga pendlar i dag mellom Vestnes og Molde. For desse synes reisetida å bli lite påverka av ny veg. Når det gjeld trafikktrygging skriv MRF at auka trafikk med høg grad av køyring i tunnel truleg ikkje vil bidra til å trygge ferdsla. MRF kan ikkje ta ansvar for massiv gjennomgangstrafikk på Fv 662. Nytt trafikksystem for strekninga Julbøen Bolsønes må derfor vere på plass før det blir sett trafikk på strekninga Vik Julbøen og dette må vere sikra med rekkefølgjefråsegn. MRF har elles søkt Riksantikvaren om dispensasjon frå kulturminnelova med vilkår om utgravingar av nærare angitte lokalitetar. Endeleg godkjenning av planforslaget kan ikkje gjerast før det ligg føre formelt løyve til inngrep frå Riksantikvaren. Adm.sjefen viser til at MRF sine vurderingar om hurtigbåten og reisetid er samanfallande med adm.sjefen sine vurderingar. Hurtigbåten er vital for samkvemmet med Molde også i ei framtid med ny E39 i tunnel under Romsdalsfjorden. Det er viktig å vere tydelege på dette og derfor relevant å følgje opp rådet om å legge inn rekkefølgjeføresegner som sikrar hurtigbåten som ein del av kollektiv-konseptet i framtida. Når det gjeld trafikktrygging krev både Molde kommune og MRF ei rekkefølgjeføresegn som sikrar at E39 strekninga Julbøen Bolsønes er på plass før det blir sett trafikk på strekninga Vik Julbøen. MRF krev ikkje tilsvarande for strekninga Vik Digernes, sjølv om dette både påverkar trafikktrygging og reisetid. Dersom fjordkryssinga blir bygd først og Fv 661 mellom Vik og Vestnes må nyttast ein periode, må det gjennomførast trafikktryggingstiltak både på Fv 661 mellom Vestnes og Tomrefjord og Fv 147 over Nakkedalen. Adm.sjefen viser til at det alt er gjennomført ein trafikkryggingsinspeksjon på strekninga Vik Vestnes. Tiltak på denne strekninga er sikra gjennom rekkefølgjeføresegn. Adm.sjefen er trygg på at vegvesenet vil følgje opp dette arbeidet med nødvendige tiltak også på andre aktuelle strekningane. Bustadmiljøet ved Kjellneset (innspel frå fleire grunneigarar) er uroa over mulege støy og støvulemper frå anlegget i samband med riggområda og produksjon av pukk, asfalt osv. Dei ønsker slik aktivitet lengst muleg unna sine bustader. Vidare ønsker dei ikkje permanent kai og næringsområde på Kjellneset, av omsyn til bumiljøet. Adm.sjefen har forståing for innspela og meiner det må takast omsyn så langt som råd, ved at aktivitetar som genererer støy og støv blir plassert gunstigast muleg med tanke på å unngå

4 ulemper for nærmiljøet. Når det gjeld kai og næringsområde tilrår adm.sjefen at dette blir tatt ut av reguleringsforslaget og at kommunen eventuelt kjem attende til dette ved eit seinare høve. Lone, Lisbeth og Alf Domaas er primært imot ein vegtrase som gjer det nødvendig å løyse inn eigedomen deira. Dei etterlyser at heile vegstrekninga med vidareføring mot Tresfjordbrua og Sunnmøre blir planlagt i samanheng. Vidare meiner dei det ikkje er teke nok miljøomsyn og viser til gassferjer over fjorden som ei meir miljøvenleg løysing enn undersjøiske tunnelar. Adm.sjefen har både forståing og respekt for synspunkta, men viser til at konsept for framtidig kryssing av Romsdalsfjorden er bestemt i Samferdselsdepartementet i Det hadde vore ideelt om planlegginga også omfatta parsellane mot Tresfjordbrua og mot Sunnmøre, men realisering av desse parsellane ligg truleg lenger fram i tid og kan uansett tilpassast planane for Vik-Julbøen. Miljøvernmyndigheitene har ikkje motsegn til planen og adm.sjefen viser her til referat frå møtet mellom Fylkesmannen og Statens vegvesen den 11.august. Solfrid og Dagfinn Voldsund ønsker heller ikkje å måtte flytte frå heimen og foreslår traseen flytta inntil 250 meter nordover. Også dei reiser tvil om fornufta i prosjektet og viser til at utviklinga går framover mot andre og betre løysingar for bruer og tunnelar. Adm.sjefen viser til utgreiinga ved førre behandling av plansaka og held fast på at det er betre at husa blir rivne og erstatta, enn at fleire hus blir ståande nær europavegen i støyutsett sone. Når det gjeld sjølve konseptet, viser adm.sjefen til andre kommentarar ovanfor. Øystein Rødstøl ønsker også ein trase lenger nord og åtvarar mot driftsmessige ulemper som følgje av ising. Adm.sjefen viser til kommentarane ovanfor og reknar med vegesenet har nødvendig beredskap og driftsrutiner for å takle problem med ising på ein rasjonell måte. Hanne M. Salthammer meiner at konsekvensar for Vestnes-samfunnet ikkje er tilstrekkeleg utgreidd og foreslår at ordførar og vegvesen tek initiativ til nytt folkemøte om konsekvensane, der også strekninga Vik-Digernes blir tema. Ho opplever sterk folkeleg motstand mot Møreaksen og at prosjektet blir utfordra av ei rekkje teknologiske og samfunnsmessige utviklingstrekk. Salthammer poengterer det ulogiske i at ny E39 strekninga Vik-Julbøen faktisk ikkje gir innspart reisetid, men at det derimot er utbygging av parsellen Digernes Vik som gir slik effekt. Adm.sjefen er kjend med argumenta for ei alternativ fjordkryssing, med trase lenger inne i fjordsystemet og utan lang undersjøisk tunnel. Sjølv om mange meiner dette er eit betre val, legg adm.sjefen til grunn at konseptvalet er gjort og arbeider for best muleg løysingar for Vestnes på dette grunnlaget. Adm.sjefen er eining i at strekninga Vik-Digernes ideelt sett burde byggast samtidig som Vik Julbøen, men dette er eit spørsmål om økonomi og politiske prioriteringar. Det same gjeld sambandet Vik Tresfjordbrua. Om ordføraren vil ta initiativ til nye folkemøte, er også ei politisk utfordring. Organisasjonen Jordvern Møre og Romsdal saknar generelt vurdering av landbruksverdiar og forslag til avbøtande tiltak. Adm.sjefen viser til kommentaren under FM sin merknad vedkomande jordvern m.v.

5 Willy Rekdal ønsker m.a. å behalde anleggsveg som framtidig driftsveg og at både kai og veg til kai ikkje blir fjerna, men bli permanent privat anlegg. Adm.sjefen viser til kommentaren under FM sin merknad vedkomande kai og næringsområde. For å kome vidare med reguleringsplanen må ideane om permanent kai og næringsområde trekkast ut av denne planen. Asbjørn Næss er opptatt av naust og naustveg og eventuell erstatningstomt, dersom hans interesser må vike for anleggsområdet. Adm.sjefen reknar med at SVV tek omsyn til dette innspelet så langt som råd i anleggsfasen. Særutskrift til: Etter adresseliste Vedlegg: 1 E39 Romsdalfjorden - Vik-Julbøen - Varsel om reguleringsplan til offentleg høyring 2 Særutskrift - Reguleringsplan E39 Romsdalsfjorden - Parsell Vik - Julbøen 3 Vestnes_nivå 2 4 Reguleringsføresegner_E39 Vik-Julbøen-Vestnes kommune 02_05_ Reg.plan E39 Romsdalsfjorden Vik Julbøen - Fråsegn frå Fylkesmannen 6 Reg.plan E39 Romsdalsfjorden - Fråsegn frå Møre og Romsdal fylkeskommune 7 Reg.plan E39 Romsdalsfjorden (Vik-Julbøen) - Uttale frå Avinor 8 Reg.plan E39 Romsdalsfjorden. Uttale frå Direktoratet for mineralforvalting 9 Reg.plan E39 Romsdalsfjorden - Vik-Julbøen - uttale frå Kystverket Midt-Norge 10 Reg.plan E39 Romsdalsfjorden. Uttale frå Jordvern Møre og Romsdal 11 Merknad til reguleringsplan Vik-Nerås/ Møreaksen frå Hanne M. Salthammer 12 Merknad til reguleringsplanforslag for riggområde og deponi - frå Willy Rekdal 14 Privat eigedom som berøres av anleggsaktivitet for nye E39 15 Kart 15 Merknad til reguleringsplan E39 Vik-Julbøen frå Asbjørn Næss 16 Merknad til reguleringsplan E39 Vik-Julbøen frå Arnfinn Blø 17 Merknad til reguleringsplan E39 Vik-Julbøen frå Siw Pedersen og Kurt Tomren 18 Merknad til reguleringsplan E39 Vik-Julbøen frå Stig Brastad og Laila Blø 19 Merknad til reguleringsplan E39 frå Tor Magne Midtflø - Vik-Julbøen 20 Merknad til reguleringsplan E39 frå Yngve Solevågseide - Vik-Julbøen 21 Merknad til reguleringsplan E39 frå Lone Øverås Domaas - Vik-Julbøen 22 Merknad til reguleringsplan E39 frå Solfrid Voldsund - Vik-Julbøen 23 Merknad til reguleringsplan E39 frå Øystein Rødstøl - Vik-Julbøen 24 Merknad til reguleringsplan E39 frå Statens vegvesen, plan- og trafikkseksjonen 25 Merknad til reguleringsplan E39 frå NVE - Vik-Julbøen 26 Merknad til reguleringsplan E39 frå Statsbygg - Vik-Julbøen 27 Merknad til reguleringsplan E39 frå Mattilsynet - Vik-Julbøen 28 Møtereferat mellom Statens vegvesen og FM - Gjennomgang av Fylkesmannens motsegner og merknader til planen