DETALJREGULERING GNR. 43 BNR. 1 M.FL. LANGELANDSSTØLEN PLANID: STORD KOMMUNE PLANPROGRAM FOR KONSEKVENSUTGREIING

Transkript

1 DETALJREGULERING GNR. 43 BNR. 1 M.FL. LANGELANDSSTØLEN PLANID: STORD KOMMUNE PLANPROGRAM FOR KONSEKVENSUTGREIING November 2015

2 Innhold 1.0 BAKGRUNN/ INNLEIING Bakgrunn DAGENS SITUASJON Planområdet Gjeldande plansituasjon Kort skildring av planområdet OVERORDNA RAMMER OG PREMISSAR FOR PLANARBEIDET PLANPROGRAM FOR KONSEKVENSUTGREIING Kort om planprogrammet Utfordringar og viktige problemstillingar for utgreiing i plan og konsekvensutgreiing Utgreiings- og kunnskapsbehov Framdrift Informasjon og medverknad...13 Side 2

3 1.0 BAKGRUNN/ INNLEIING 1.1 Bakgrunn Forslagsstillar: Utarbeidd av: Valvatne Bygg AS v/ Dag Kjetil Lægreid Ringvegen 12, 5412 Stord Tlf.: e-post: Gøtz AS v/ Vidar Vedå og Kari Hilde Rommetveit Kunnskapshuset, Sæ 132, 5417 Stord Tlf.: e-post: Tlf.: I 2009 hadde Valvatne Bygg AS og Gøtz AS eit møte med Stord kommune for å sjå på moglegheitene for å regulere eit område på Langelandsstølen til bustadområde. Området ligg i gjeldande kommuneplan som LNRF- område, og delar av området er omfatta av gul og raud støysone pga. nærleiken til E39. På dette tidspunktet var det stor usikkerheit kring E39 og kvar den nye traseen ville koma. Ein fekk difor beskjed frå kommunen at ein måtte vente med å starte opp arbeidet til dette var klart og heller levere innspel til kommuneplanen. Det vart levert innspel til kommuneplanen og framleis var svaret at ein var usikker på om ny E39 kunne krevje areal også her. Utover det så såg ein positivt på ei eventuell utbygging her, då området allereie ligg i tilknyting til eksisterande bustadområde samt at denne delen av gardseigedommen ligg avskore frå resten av garden. I mars 2015 tok Valvatne Bygg AS kontakt med Gøtz AS igjen. Det hadde no gått nokre år, og politikarane hadde så og seie konkludert med at den nye traseen for E39 vil kome på nordsida av eksisterande E39. Valvatna Bygg AS ynskte difor å starte opp med reguleringsarbeidet, og den hadde ein oppstartsmøte med kommunen. I oppstartsmøtet viste ein mellom anna til at det i nyare tid er gjeve løyve til oppstart av planarbeid for liknande område på sørsida av E39. Ein fekk beskjed om at ein kunne sende inn prinsippsøknad for å melde oppstart av reguleringsplanen, og det vart avklara at arbeidet ville utløyse krav om planprogram og konsekvensutgreiing. Melding om oppstart kunne ikkje skje før saka hadde vore på høyring og lagt fram for politisk handsaming. Frist for uttale vart sett til Det kom inn tre merknader til prinsippsøknaden vart saka lagt fram for Forvaltningsstyret, og det vart der gjort vedtak om at ein kunne starte opp arbeidet med reguleringsplanen hadde ein undervegsmøte med kommunen. Statens vegvesen var også til stades på møtet. Hovudtema for møtet var kva tema som skulle vere med i konsekvensutgreiinga. Valvatne Bygg AS har engasjert Gøtz AS til å hjelpe til med planprogram, konsekvensutgreiing og reguleringsplan. Reguleringsplanen for bustadområde på Langelandsstølen skal vere ein overordna plan med plankart, føresegner og utgreiing. Planprogrammet vert utarbeidd på vegne av tiltakshavar og skal handsamast av Stord kommune. Planprogrammet skal til offentleg ettersyn og på høyring, før det (eventuelt etter justeringar) vert vedteke og skal leggjast til grunn for vidare planarbeid og kosekvensutgreiing. Føreliggjande planprogram er det formelle programmet for arbeidet med reguleringsplanen og konsekvensutgreiinga, noko som etter lova skal gå føre seg parallelt med planarbeidet. Side 3

4 Føremål Ein ynskjer med reguleringsplanen å setje rammer for framtidig arealbruk innanfor planområdet. Føremålet med reguleringsplanen er å regulere til bustader (frittliggjande og konsentrert) med tilhøyrande trafikk- og leikeareal. Ein ser føre seg å regulere inn ca bustadeiningar. Valvatne Bygg AS er også opptekne av å kartleggje eksisterande barnetrakk i området og at ein skal leggje til rette for å oppretthalde gjennomgangsmoglegheita gjennom området i ny plan. Ein skal så langt det er mogleg ha universell utforming ( tilgjengeleg for alle) og vere energiog ressursbevisst. Planframlegget skal ha fokus på lokale og regionale føresetnader i Stord kommune. Planarbeidet vil spesielt leggje vekt på konsekvensar av endra arealbruk, born og unge sine interesser, støy og betring av dagens veg- og trafikksituasjon. 2.0 DAGENS SITUASJON 2.1 Planområdet Planområdet ligg på Langeland, aust for Heiane næringsområde i Stord kommune, og omfattar eigedomane gnr. 43 bnr. 1, 17, 18, 19, 21, 22, 94 og 136. Området ligg i tilknyting til eksisterande bustadfelt og i umiddelbar nærleik til Langeland skule, handlesenteret på Heiane og tur- områda kring Skiphaugen og Landåsen. Avstanden til skuleområdet på Vabakkjen med ungdomsskulen og vidaregåande skule er 1,5 km og til Leirvik sentrum 2,0 km. Det samla området som skal inngå i reguleringsplanen er vist på kartet nedanfor med avgrensing. Ein gjer merksam på at grensa i nord mot noverande E39 ikkje er heilt avklara, då det føregår planarbeid for sykkelveg Heiane - Vabakkjen og rundkøyring Tveitakrysset Side 4

5 Planprogram - Detaljreguleringsplan Langelandsstølen (planid: ) parallelt. På undervegsmøtet med kommunen , vart ein einig om at plangrensa mellom dei to planane må samordnast. Denne grensa vil såleis kunna "leva" litt i planprosessen. Planområdet utgjer totalt ca. 36,9 daa. Kart som viser plangrensa. Side 5

6 2.2 Gjeldande plansituasjon Planprogram - Detaljreguleringsplan Langelandsstølen Området er ikkje regulert frå før, og er i kommuneplanen for Stord kommune vist som LNF- område. Eksisterande bustader innanfor planområdet er vist som bustader. Delar av området ligg også innanfor gul og raud omsynssone for støy. Utsnitt frå gjeldande kommuneplan for Stord kommune I aust grensar planen til R , Langeland skule. Området er der regulert til offentlege bygningar. Det er opparbeidd ein fotballbane i grensa mot eigedomen gnr/bnr. 43/1. I sør grensar området til R , Langelandsvegen. I vest grensar arealet inn mot vegen til turområdet Skiphaugen og i nord grensar området til E39. Det er nyleg meld oppstart av planarbeid for sykkelveg Heiane - Vabakkjen og rundkøyring Tveitakrysset (planid: ). 2.3 Kort skildring av planområdet Grunnforhold Arealis viser at lausmassane består av forvitringsmateriale, som er lausmassar danna på staden ved fysisk eller kjemisk nedbryting av berggrunnen. Gradvis overgang til underliggjande fast fjell. Hovudbergarten i området er fyllitt, glimmerskifer. Bergarten er fyllitt, svart (karbonførande) til grå, og grå til kvit sandstein, antatt turbidittavsetningar. Det er ikkje registrert radon i grunnen, og aktsemdgraden er sett til moderat til låg. Terrengforhold Terrenget er kuppert og stadvis relativt bratt, særskild i området ned mot Langelandsvegen. Det er også nokre flatare parti i nordvest og sør for fotballbana. Området stig frå ca. kote +45 ved Langelandsvegen opp til ca. kote +65 i nordaust. Det går nokre stiar gjennom området, men elles er det skogkledd. Side 6

7 Biletet viser terrenget innanfor planområdet. Naturressursar og -verdiar Området består stort sett av barskog med særs høg bonitet. Det vert teke ut noko skog i området, men det er bygd skule/ fotballbane, infrastruktur og bustader på alle kantar, slik at denne delen av LNF- området på ein måte vert liggjande som ei "øy" i den opphavelege landbrukseigedomen. Området er såleis ikkje godt eigna som landbruksareal. Det er ikkje registrert verneverdige naturområde innanfor planområdet. Planområdet omfattar ingen dammar eller tjern, og det er ikkje registrert raudelista artar eller vilt i området. Planområdet er ikkje nytta til friluftsliv, men det går eit barnetrakk gjennom området og det kan fungere som naturleikeplass for elevar ved Langeland skule og tilgrensande bustadområde. Kulturminne og kulturmiljø Det er ikkje registrert automatisk freda kulturminne innanfor plangrensa. Det går ein gamal steingard gjennom området. Spesielle miljøforhold, støy og luftforureining Det er ingen kjende problem knytt til luftforureining, støv eller lukt i området. Når det gjeld støy, så ligg delar av området innanfor gul og raud omsynssone for støy frå noverande E39. Dagens ÅDT på E39 er ca kjt. Det er venta at ÅDT vert redusert ved etablering av ny trasé for E39, men vegen vil framleis vera den viktige samlevegen mellom Side 7

8 Leirvik-Vabakkjen-Heiane og framleis ha mykje trafikk. Det er også venta at det er noko støy i samband med fotballbanen og skule- området. Trafikktilhøve, tilkomst Tilkomst til planområdet er via Langelandsvegen. Det er ikkje vegtilkomst inn i området i dag. Teknisk infrastruktur Ein har vore i kontakt med SVA, og dei har i ein førehandsuttale sendt oss eit kart med to alternative påkoplingspunkt for vatn, spillvatn og overvatn. Dei har vurdert vatn og avlaup til å ha kapasitet til bustader som skissert. Førehandsuttale frå SVA - Alternative påkoplingspunkt for vatn, spillvatn og overvatn. Når det gjeld overvatn, så må ein gjere berekningar av overvassmengdene for det framtidige bustadfeltet i samsvar med VA- norma for Bømlo, Fitjar, Stord og Tysnes samt vedlegg B4 til VA- norma, "Overvasshandtering". SVA vil då kunna gjera ei vurdering på om eksisterande overvassnett nedstrøms har stor nok dimensjon til at ein kan få sleppe alt overvatnet til offentleg nett eller om ein også må vurdere lokal overvasshandsaming. Nærmiljø, sosial infrastruktur Planområdet ligg ca. 400 m frå Frien familiebarnehage og Trodlahaugen barnehage (0-6 år). Langeland skule ligg ca. 200 m unna. Like sør for planområdet er tilknyting til turområda kring Skiphaugen og Landåsen. Heiane handlesenter ligg omlag 400m vest for planområdet. Side 8

9 3.0 OVERORDNA RAMMER OG PREMISSAR FOR PLANARBEIDET Reguleringsplanen må forholda seg til dei lover, forskrifter, føresegner og retningslinjer som gjeld for kommunal planlegging og verksemd. Ulike forvaltningsnivå og ulike planreiskapar skal samspela i ein heilskap. Dei utgjer rammer og premissar for kommunen som lokal planstyremakt. Dersom kommunen ikkje føl opp overordna styringsareal i fysisk planlegging, kan dette føre til motsegner til planen. Nedanfor følgjer ei liste over dei nasjonale, regionale og lokale planane og retningslinene som kan få innverknad for planforslaget. Stortingsmeldingar - St. meld. nr 26 ( ), Regjeringens miljøpolitikk og rikets miljøtilstand. - St. meld. nr 16 ( ), Leve med kulturminner. - St. meld. nr 40 ( ), Nedbygging av funksjonshemmedes barrierer. - St. meld. nr 42 ( ), Biologisk mangfold - St. meld. nr 58 ( ), Miljøvernpolitikk for en Bærekraftig utvikling. - St. meld. nr 29 ( ), Regional planlegging og arealpolitikk. Rikspolitiske retningsliner, rundskriv og forskrifter - Miljøverndepartementet sitt rundskriv T-2/98B. Nasjonale mål og interesser i fylkesog kommuneplanlegging. - Forskrift om konsekvensutgreiingar for planar etter plan og bygningslova, Rikspolitisk retningslinje - Kommunal- og moderniseringsdepartementet, Samordnet bolig-, areal- og transportplanlegging, fastsett ved kgl.res av Rundskriv, T-2/08 - Miljøverndepartementet, Om barn og planlegging. - Rikspolitisk retningslinje T Miljøverndepartementet, Retningslinjer for behandling av støy i arealplanleggingen. - Regjeringa sin handlingsplan for universell utforming og økt tilgjengelighet Andre aktuelle retningsliner Relevante planar - Fylkesplan for Hordaland Kommuneplan for Stord kommune Kommunedelplan for E39 Heiane - Ådland - Nordre Tveita. - Detaljreguleringsplan for sykkelveg Heiane - Vabakkjen og rundkøyring Tveitakrysset. - Kommunedelplan for fysisk aktivitet, idrett og friluftsliv i Stord Landbruksplan for Stord og Fitjar Naturmangfald - kartlegging - Trafikksikringsplan Skulebruksplanen PLANPROGRAM FOR KONSEKVENSUTGREIING 4.1 Kort om planprogrammet I samsvar med plan- og bygningslova 4-1 skal reguleringsplanar som kan ha vesentlege verknader for miljø, naturressursar eller samfunn utgreiast nærare. Reguleringsplanen legg opp til arealbruk som avviker frå kommuneplanen. Etter plan- og bygningslova 4-2 og 2 d i forskrift om konsekvensutgreiing, skal planen difor konsekvensutgreiast. Eit planprogram er Side 9

10 eit verktøy for tidleg medverknad og avklaringar av viktige omsyn i planarbeidet. Planprogrammet skal fortelje om føremålet med planarbeidet, avklare viktige problemstillingar, avklare utredningsbehov og seie korleis planlegginga skal gjennomførast. Planprogrammet gir alle interesserte moglegheita til å kome med innspel og synspunkt tidleg i prosessen, før det er trekt nokon konklusjonar. Forslag til planprogram vert utarbeidd som eit ledd i varsel og kunngjering om oppstart av planarbeidet. Dette betyr at alle interesserte kan kome med innspel og synspunkt på korleis planarbeidet er tenkt, før det vert endeleg fastsett. Etter ein slik forprosess vert det utarbeidd eit planforslag på bakgrunn av eit fastsett planprogram. Planprogrammet har sitt opphav i Forskrift om konsekvensutgreiingar for planar etter planog bygningslova av Føremålet med konsekvensutgreiingar er at omsyn til miljø, naturressursar og samfunn vert teke omsyn til under førebuinga av planar og tiltak. Planprogrammet skal utformast slik at det i etterkant kan takast stilling til om planframlegget med konsekvensutgreiing er utforma i tråd med planprogrammet. Målsetting med planprogrammet Gjennom planprogrammet skal ein: - Avklare premissar og føremål med planarbeidet - drøfte problemstillingar i planarbeidet - samanfatte noverande status - vise korleis medverknad og framdrift i planarbeidet skal gå føre seg - fastleggje kva utgreiingar som skal gjennomførast - vise organisering og framdrift Det viktigaste med planprogrammet er å fastsetje kva alternativ som skal utgreiast, og kva konsekvensar som skal utgreiast. Ein skal konsekvensutgreie eit "0- alternativ" saman med eitt eller fleire andre alternativ. 0- alternativet For å kunne samanlikne og vurdere konsekvensar av aktuelle løysingar og forslag som planarbeidet kan dra opp, bør ein samanlikne dei med eit 0- alternativ. 0- alternativet er dagens situasjon der ein ikkje legg til rette for bygging av bustader, med dei konsekvensar dette medfører. 4.2 Utfordringar og viktige problemstillingar for utgreiing i plan og konsekvensutgreiing Etter forskrift om konsekvensutgreiing vert det stilt krav til at planforslag som kan ha vesentlege verknader skal utreiast. Konsekvensutgreiinga skal byggje på faglege vurderingar. Ein skal konsekvensutgreie eit 0- alternativ saman med eitt eller fleire andre alternativ. Konsekvensutgreiinga sitt arbeid skal byggje på kjent metodikk. Ein nyttar mellom anna Miljøverndepartementet si brosjyre T-1177 som retningsgjevar. Ein vil her kort drøfte dei viktigaste tema som skal skildrast i reguleringsplanen, og som såleis vil vere tilhøve som det må leggjast vekt på i konsekvensutgreiinga. Tema for utgreiinga er valt i høve til forskrift om konsekvensutgreiingar, med lokale tilpassingar. Side 10

11 4.3 Utgreiings- og kunnskapsbehov Planprogram - Detaljreguleringsplan Langelandsstølen Nedanfor har ein lista opp viktige utgreiings- og kunnskapsbehov som må avdekkjast og gjennomførast som følgje av ei etablering av bustader på Langelandsstølen innanfor dei rammene som vert sett i reguleringsplanen. I undervegsmøte med Stord kommune , vart ein einige om at følgjande tema må konsekvensutgreiast: Tema for utgreiing Born og unge sine interesser Skule og barnehage Endra arealbruk frå LNF- til bustadområde Kulturminne og Kulturmiljø Forureining, støy Infrastruktur: Veg/- trafikksituasjon Skildring/metodikk Ein må sikre at born og unge sine interesser vert ivareteke i planarbeidet. Ein må kartleggje eksisterande barnetrakk og stiar i området, samt sikre gjennomgangsmoglegheit gjennom feltet. Det må også sikrast tilgjenge til den framtidige gang-/sykkelvegen langs eksisterande E39 samt turområda kring Skiphaugen og Landåsen. Kapasiteten ved skule og barnehage må kartleggjast. Størstedelen av planområdet er regulert til LNF- område i gjeldande kommuneplan. Ein må vurdere verdien av dette LNF- arealet og sjå på konsekvensane av endra arealbruk. Vidare må ein sjå planforslaget i høve til framtidig utbyggingsstrategi og arealstrategi i aksen Heiane - Vabakkjen- Leirvik. Ein må sjå på kor eigna området er for bustadbygging og kva kvalitetar området har som gjer det attraktivt for nettopp denne typen utbygging. Ein skal også vurdere kva utnyttingsgrad og type bustader som eignar seg for dette området. Det må klarleggjast om og i tilfelle korleis tiltak får konsekvensar for kulturminne eller kulturmiljø. For generell kartlegging av kjende kulturminne eller kulturmiljø vil ein nytte kjende opplysningar om planområdet som ein finn ved hjelp av informasjonssider på internett (AREALIS, Kilden- kart, Askeladden osv.) Det må som ein del av planarbeidet gjerast vurderingar i høve til trafikkstøy frå noverande E39. Delar av området ligg innanfor raud og gul omsynssone for støy i kommuneplanen. Ein må ta kontakt med Statens vegvesen for å få klårskap i framtidig ÅDT og fartsgrense på denne strekninga etter utbygging av ny trasé for E39. Det må også gjennomførast ei kartlegging av støy kring Langeland skule og fotballbana. Ein må vurdere om det er naudsynt å gjennomføre støyreduserande tiltak for å oppnå tilfredsstillande støynivå for planlagde bustader innanfor planområdet. Grenseverdiar fastsett i forureiningslova og tilhøyrande forskrifter skal nyttast i vurderingane. Gøtz AS vil føreta støyberekningane. Ein må vurdere om det er naudsynt å innhente ekstern kompetanse for å kartleggje støy i samband med fotballbana. Veg/ trafikksituasjon: Det er fire farlege avkøyrsler med svært dårleg sikt til eksisterande bustader langs Langelandsvegen i dag. Ein må sjå på moglege løysingar for at desse bustadane kan få vegtilkomst gjennom det nye feltet i staden. Side 11

12 Nærmiljø, friluftsliv og grøne interesser Naturmangfald Overvasshandsaming Konsekvensane for kvart av desse temaa skal omtalast i konsekvensutgreiinga, med utgangspunkt i opplysningar om planområdet som ein finn ved hjelp av informasjonssider på internett (AREALIS, Kilden- kart, Askeladden osv.) samt eksisterande kunnskap elles. Konsekvensane for naturmangfaldet skal omtalast i konsekvensutgreiinga. Utgreiinga skal baserast på eksisterande informasjon, og mål og prinsipp i naturmangfaldslova skal leggjast til grunn for vurderingane. Det må gjerast berekningar av forventa overvassmengder frå det planlagde bustadfeltet i samsvar med VA- norma og vedlegg B4 til denne. SVA kan såleis kunna gjera vurderingar som t.d. om eksisterande overvassnett nedstrøms har stor nok dimensjon til at ein kan få sleppe alt overvatnet til offentleg nett. Dersom ein ikkje kan det, lyt ein også vurdere lokal overvasshandsaming i form av mindre tette flater/ meir grøntstruktur, fordrøying m.m.. Utgreiings- og kunnskapsbehov. I tillegg til dei tema som er lista opp i tabellen over vil mellom anna følgjande tema bli drøfta i planomtalen: - Naturgjevne tilhøve - Naturmiljø (biologisk mangfald m.m.) - Energi - Transportbehov - Eksisterande busetnad - Senterutvikling og utbyggingsmønster - Folkehelse - Universell utforming - Samfunnsverknader (lokalt og kommunalt) - ROS- analyse 4.4 Framdrift Planprogrammet si oversikt over planprosessen, aktuelle fristar og framdrift fram til endeleg fullført konsekvensutreiing er gjeve i prosjektplanen nedanfor. FASE MEDVERKNAD POLITISK HANDSAMING FRAMDRIFT Førehandskonferanse/ oppstartsmøte / Utarbeiding av planprogram Okt - Nov 2015 Kunngjering av oppstart 6 veker høyringsfrist November 2015 Offentleg ettersyn av planprogram 6 veker høyringsfrist November 2015 Side 12

13 Fastsetjing av planprogram Utarbeiding av konsekvensutgreiing, planforslag og føresegner Undervegsmøte med kommunen 1. gangshandsaming av planforslag Justere etter evt. merknader Vedtak i forvaltningsstyret Vedtak i forvaltningsstyret Januar 2016 Des April 2016 Mars 2016 April 2016 April 2016 Offentleg ettersyn av planforslag Handsaming av merknader/revisjon av planforslag (min) 6 veker høyringsfrist Gøtz AS, prosjektgruppe/ Stord kommune April Mai 2016 Juni August 2016 (sommarferie) 2. gangshandsaming av planforslag Vedtak i kommunestyret. Kunngjering av stadfesting Evt. klager vert først lagt fram for forvaltningsstyret og deretter sendt til Fylkesmannen i Hordaland for avgjerd Vedtak i forvaltningsstyret 3 veker klagefrist Vedtak i kommunestyret Vedtak i forvaltningsstyret August 2016 August 2016 September 2016 Arkivering av vedteken plan Prosjektplan med framdriftsplan. September Informasjon og medverknad Gøtz AS står for den praktiske utarbeidinga av framlegg til planprogram og konsekvensutgreiing. Der det er trong for utgreiingar som krev spesialkompetanse, vil ein hente inn naudsynt fagleg kompetanse. Planprogrammet skal sendast ut på høyring samstundes med at det vert meld oppstart av planarbeidet. Oppstart av planarbeidet skal varslast i avisa "Sunnhordland". I tillegg skal det varslast på kommunen sine nettsider. Naboar og dei partane som saka gjeld, samt offentlege og private høyringsinstansar vil bli informert om planprosessen etter krava i lova. Side 13

14 I den vidare planutgreiinga vil det leggjast til rette for høyringar med tidsfristar som vist i framdriftsplanen. Dato: Side 14