Samlaget hausten 2011 HILDE MYKLEBUST: GLØDEPUNKT. Poetisk industrirealisme

Transkript

1 Samlaget hausten 2011 SKJØNNLITTERATUR: Romanar og noveller HILDE MYKLEBUST: GLØDEPUNKT Poetisk industrirealisme Det ligg ei summing over Steinsetbygda. Ei dirrande summing av røyster og kaos og fektande tankar. Heile bygda gløder mørkt og sugande, som ein nyuttrekt femtoms spikar, varm og brennheit av overført energi frå ein tilstand til ein annan. Guttorm jobbar ved bergverksbedrifta Mineral Vest. Han og kona Margunn prøver å halde liv i ekteskapet sitt, men det er så mykje som gneg: Overtida, det altfortærande brotet som trugar vennskap og barndomsminne, sandstøvet i lungene, barnet dei ikkje får. Når bedrifta får tidenes største ordre på sand til eit belgisk jarnverk, skyt aktivitetsnivået fart, dagbrotet veks og arbeidarane vert drivne til brestepunktet. Hjelpa kjem i form av finske leigearbeidarar, som også er eit kjærkome innslag for unge jenter med lengt bort frå bygda. Ein vert sugd inn i denne forteljinga, der arbeidet byrjar tidleg om morgonen med ein tørr finger mot ein kald brytar, slik det alltid har gjort, men endar tragisk og blodraudt. Forfattaren lar denne vesle bygda med steinbrotet bli eit bilde på korleis storsamfunnet fungerer. Hilde Myklebust tek med dette steget frå poesien til romanen. Ho har med seg det presise og fargerike språket sitt inn i ei forteljing som både er sitrande spennande og rørande. HILDE MYKLEBUST (f. 1979) er frå Syltedalen, i Vanylven på Sunnmøre. Ho debuterte med diktsamlinga Berre dagar seinare i 2005 og etablerte seg for alvor blant dei fremste unge lyrikarane i Noreg med Søkk i I 2009 gav Myklebust ut biletboka Jon og den lange julenatta ei varm, vakker og jordnær forteljing for barn. ROMAN Pris ca. kr 329,- ISBN I sal

2 BRIT BILDØEN: ADAM HIORTHS VEG Ein syklande Don Quijote i sprek miljøroman! Den kjende miljøvernaren Jon Utskott legg ut på sin årlege sykkeltur frå aust til vest, og tek svært motvillig med seg den unge dokumentarfilmskaparen Adam Hiorth. Som vår tids Don Quijote og Sancho Panza legg dei ut i teneste for det gode, men hamnar fort i eit blodig torgslag. På ferda gjennom Noregs indre ventar mange eventyr: Dei badar i ein forheksa sjø, drikk med Døden og hans muntre følgje, og allslags folk kjem til dei med sine historier. Den unge Hiorth har mykje å lære av sin eldre turkamerat, ikkje minst på damefronten. Jon Utskott på si side har begynt å vakle: Han grunnar på kva det er han har fått utretta gjennom sin livslange kamp for miljøet. Vegen er ikkje så bein som han ein gong var. Spørsmåla har ingen enkle svar, og det mørknar i horisonten. Kor mange motbakkar og kor mykje juling vil dei to klare å takle før ferda endar? Brit Bildøen: (f. 1962) er forfattar og forlagskonsulent. Ho har i år tjueårsjubileum som forfattar. Bildøen har gitt ut barnebøker, gjendiktingar, romanar og essay. Mellom anna romanane Landfastlykke og Alt som er og essaysamlinga Litterær salong. ROMAN Pris ca. kr 359,- ISBN: Utg. september

3 MARIT EIKEMO: SAMTALE VENTAR Drivande godt om å falle utanfor Elisabeth Brenner er eksjournalist på attføring. Gjennom NAV får ho ein ny sjanse i arbeidslivet: ho skal samle dialektprøvar på industristaden Einvik. Hit kjem ho ein mørk kveld i november og flyttar inn på arbeidarbrakka. Dei som bur i denne vesle byen er nysgjerrige og ivrige etter å hjelpe, og ho blir snart kjend med mange. Men arbeidet er verken godt eller effektivt. Brenner greier ikkje skilje jobb og privatliv, og får stadig større problem med relasjonane på staden. Folk stiller seg meir og meir tvilande til kven ho er og kva ho driv med. Brenner fattar interesse for den sære, lokale forfattaren Sveinung Sel, og oppsøker han først for eit intervju, seinare av grunnar ho ikkje sjølv heilt forstår. Eikemo fører vidare prosjektet frå dei første to romanane sine, når ho tematiserer einsemd og lengsle etter - og ambivalens til - ein større fellesskap. Marit Eikemo (f. 1971) er frå Odda. Ho gav ut sin første roman, Mellom oss sagt, i Den kritikarroste oppfølgjaren, Arbeid pågår, kom i Marit Eikemo har vore informajonssjef, journalist og redaktør (Syn og Segn). Ho er no leiar for Litteratursymposiet i Odda. ROMAN Pris ca. kr 349,- ISBN: Utg. september

4 JON FOSSE: KORTARE PROSA Jon Fosse har gjennom åra gjeve ut tre kortprosabøker: To forteljingar frå 1993, året etter Prosa frå ein oppvekst og i 1998 Eldre kortare prosa. Desse bøkene er no samla og kan vera ein god veg inn i Fosses forfattarskap. Dei to forteljingane No kan hunden komme og Lines hår frå 1993 rommar både galskap og vemod. Hundehistoria handlar om ein mann som tek livet av ein sambygding etter han har drepe hunden hans, noko hundeelskaren Fosse har sagt at han godt kan forstå. Prosa frå ein oppvekst står heilt for seg sjølv i forfattarskapen til Fosse, det er ei «lykkeleg bok» som ikkje liknar på noko anna han har skrive. Fosse skriv frå eigen oppvekst. Det handlar om fjord og sauer, besteforeldre og raspeballar, danseband og rus. Det handlar om gleda ved å samla på bussbillettar, men òg å oppdaga at døden finst. Eldre kortare prosa opnar med ein heilt sentral Fosse-tekst, nemleg novella Han. Fosse debuterte som forfattar med romanen Raudt, svart i 1983, men sjølv reknar Fosse novella Han fra 1981 som sin eigentlege skjønnlitterære debut. Novella vart trykt første gong i Studvest i 1981 som vinnarbidrag i ein novellekonkurranse. Jon Fosse (f. 1959) blir rekna som ein av vår tids viktigaste norske forfattarar. Tekstane hans er omsette til over 40 språk, og skodespela er sette opp snart 1000 gonger over heile verda. Fosse har motteke ei rekkje prisar både i inn- og utland, og er av kritikarar blitt omtalt som det 21. hundreårets Beckett. PROSA Pris ca kr 299,- ISBN: Utg. september

5 RAGNAR HOVLAND: STILLE NATT Ny, etterlengta roman frå Ragnar Hovland! I Ragnar Hovlands nye roman følgjer vi ein forfattar i trøbbel. Han er ein av til saman fem brør, den eine er advokat og sit i fengsel etter noko advokatjuks, den andre har det skjedd noko mystisk med og sit stort sett berre inne i leilegheita si, mens dei to siste, vel, ingen veit kor det blei av dei. Først og fremst prøver forfattaren å leve eit så skikkeleg liv som mogleg, komme seg opp før halv elleve, drikke eit par koppar kaffi med fløyte før han set seg ved maskina for å arbeide. Men så ein dag blir han oppringd av Tomas D., som vil at han skal komme heim til Vik, heimbygda. Og han kastar seg i bilen og køyrer til Vestlandet. Det er mellom anna her han hentar stoffet til romanane sine, og vi får høyre mykje kjekt om forfattarlivet. Men snart begynner underlege ting å skje. Tilbake i byen blir forfattaren etter kvart heimsøkt av sine eigne karakterar, og han blir dratt meir og meir inn i mysteriet med kva som skjedde broren den gongen. Ragnar Hovland (f. 1952) er forfattar, humorist, skribent og ukulelespelar. Full av spenstige innfall, merkverdige karakterar og populærkulturelle referansar har han i snart 30 år gitt ut meir enn 40 bøker i alle sjangrar. ROMAN Pris ca. kr 359,- ISBN: Utg. oktober

6 METTE KARLSVIK: BLI BJÖRK Sterk roman om Islands største stjerne Denne vidunderleg originale romanen om den mest profilerte familien på Island, startar med far til Björk, som er elektrikarlærling og seinare fagforeiningsmann. Den strekkjer seg fram til Björks ungdomstid og hennar internasjonale gjennombrot. Med stor og begåva innleving skildrar Karlsvik personane og samspelet deira med naturen og kvarandre. I eit elektrisk, musikalsk og humoristisk språk får vi oppleve naturen, kulturen og samfunnet på Island på andre halvdel av talet. Dei små, daglegdagse hendingane i romanen blir fletta inn i dei store internasjonale, og teiknar til saman eit fascinerande portrett av eit geografisk isolert men internasjonalt viktig land. Bli Björk er ein familieroman utanom det vanlege, og i sentrum av alt dette står Björks veg frå barndom til stordom. METTE KARLSVIK (f. 1978) debuterte i 2005 med romanen Vindauga i matsalen vender mot fjorden, som ho fekk Tarjei Vesaas debutantpris for. Ho har sidan skrive både for barn og vaksne. Karlsvik er frå Frei på Nordmøre og bur i Oslo. ROMAN Pris ca. kr 349,- ISBN: Utg. oktober

7 TORE KVÆVEN [DEBUTANT]: HARD ER MITT LANDS LOV Eventyrleg vikingroman Det norske skipet Havjerven ligg til hamn i Roma då høvdingen blir utfordra og drepen i sverdkamp av grønlendingen Ulfr. Ulfr tar høvdingtittelen på skipet og lokkar mannskapet med seg på ei vill havferd nedover kysten av Store Serkland (Afrika), vidare opp Kongo-elva og mot det indre av Afrika. Skildringa av ferda over havet og innover i jungelen har slektskap med klassiske romanar som Moby Dick og Heart of Darkness. Det skal visa seg at Ulfr ikkje er heilt den han har gjeve seg ut for og at mannskapet ikkje anar målet for reisa før det er for seint. Debutanten Tore Kvæven har skrive ein forrykande og spennande historisk roman. Inspirert av islendingssogene og med eit vell av historisk kunnskap tar han lesaren med på eit uforgløymeleg tokt. TORE KVÆVEN (f. 1969) bur i Sirdal i Vest-Agder. Hard er mitt lands lov er debutboka hans. ROMAN Pris ca. kr 379,- ISBN Utg. oktober

8 EDMUND AUSTIGARD: SOLSKINSBUSSEN Eit oppgjer med tyskarane, himagardar og dårleg samvit Det er krig. Løytnant Bønarflott og laget hans blir flydd over Nordsjøen av RAF. Etter 17 år i Chicago svevar han mot gamlelandet i fallskjerm. Landinga blir mjuk, han borar seg ned i svartjordmyr. Blir ståande fast som levande blink langt oppe i ryfylkeheiane. Hans einaste håp er at pøsregnet gjer jordmyra så laus at ho slepp taket. Samtidig spør han seg sjølv kva som verkeleg er verdt å daude for? Konge, fedreland, ei fri verd, ære? Eller er det berre kjærleik? Solskinsbussen er ein frittståande oppfølgjar til Edmund Austigards kritikarroste debutroman, Krinsereglane. Aldri før har vi gjennom ei inngåande skildring av Bønarflåtfamilien frå Årdal i Ryfylke fått ei slik innføring i uskrivne reglar for kva som gjeld og ikkje gjeld i eit bygdesamfunn i endring. Edmund Austigard: (f. 1964) debuterte i 2005 med romanen Krinsereglane og følgde opp med Taxi for B.A. Beckström eller kunsten å danse på furu i Ved sidan av å skrive bøker arbeider Austigard i dag som direktør for Den Norske Bokdatabasen. Austigard voks opp i Årdal i Ryfylke og bur i Oslo. ROMAN Pris ca kr. 349,- ISBN: Utg. august

9 ROLF SAGEN: FAR OG SON (SOGA OM PJAKK) Dette er forteljinga om ei helsing. Pjakk kjøper ein bubil og legg ut ei reise, kanskje mest for å overlevere ei helsing til ein dei kallar Ole Pudder. Men Ole Pudder viser seg vanskeleg å spore opp. Pjakk blir rundlurt av ei kvinne han møter på vegen. Han blir arrestert og kasta i fengsel, mistenkt, men han får ikkje vite for kva. Ein burlesk roman frå Rolf Sagen, som ikkje står tilbake for det beste av det han har skrive, i hans særeigne kombinasjon av det absurde og lyriske. Rolf Sagen (f. 21. desember 1940) har gitt ut ei lang rekkje romanar, noveller, dikt og barnebøker. Han har markert seg sterkt i det norske litterære landskapet frå han i debuterte i Romanen Mørkets gjerninger, fekk Kritikarprisen i I 1986 kom den elleville Springfart ved fjorden, og i 1990 kom Lyden av vatn, som mange reknar som eit høgdepunkt. ROMAN Pris ca kr 329,- ISBN: Utg. september

10 ERLEND FLORNES SKARET [DEBUTANT]: WROCŁAV Stilsikker og spennande debutroman Vi følgjer ein omreisande mann i trettiåra gjennom to døgn i den polske byen Wrocław, der han gradvis blir ført til mentale utpostar og fysiske avkrokar i den elles vakre byen. Han møter personar som utfordrar identiteten og grensene hans, mellom anna nabokvinna på hotellet som på utstudert vis innlemmar han i eit trekantdrama som skal vise seg å bli avgjerande for opphaldet hans. Skaret bygger opp romanen gjennom indre monologar, refleksjonar og minne, mens den ytre handlinga avgrensar seg til scener frå hotellet og området rundt. Wrocław er ein spennande og stilsikker roman som fangar lesaren i byen, hotellet og i hovudet til hovudpersonen, og ikkje slepp taket. Erlend Flornes Skaret (f. 1976) kjem frå Bømlo, og bur no i Oslo, der han arbeider som sivilingeniør. Han har gått på forfattarstudiet i Bø. ROMAN Pris ca. kr 349,- ISBN: Utg. september

11 SIGRUN SLAPGARD: PARADISHAGEN Forboden kjærleik og ukjende historier frå krigen Den norske regissøren Julie Dalgård oppsøkjer Melk kloster i Austerrike for å lage ein dokumentarfilm. Ein avdød familievenn, bibliotekaren Kurt Leonard, har avslørt delar av ei historie ho vil finne ut av. Det viser seg at her er fleire ufortalde historier knytte til krigen. Det at Leonard har ei fortid som Wehrmacht-soldat, er berre starten. Dalgård går på jakt i hans og familiens fortid både i Nord-Noreg og i Austerrike, og nærmar seg etterkvart nye versjonar av livshistorier ho har kjent sidan barndommen. Med kva rett skal ho skape filmen som vil bli ståande som historia om Kurt Leonard? Og kva versjon skal ho fortelje? I denne romanen får vi lese om forteiing i den næraste familie, om kollektiv forteiing og om konsevensane av dette. Vi blir vitne til korleis kjærleik og død kan slå inn i liv og korleis ulike liv og livshistorier flettar seg inn i kvarandre. SIGRUN SLAPGARD (f. 1953) er forfattar og arbeider også i NRKs utanriksredaksjon. Ho blei nominert til Brageprisen og fekk Melsom-prisen for Krigens penn. Ein biografi om Lise Lindbæk (2002), og har også skrive biografien om Sigrid Undset (Dikterdronningen, 2007). Paradishagen er hennar første roman. ROMAN Pris ca. kr 349,- ISBN: Utg. september

12 RUNE TIMBERLID: ST. SVITHUNS GÅTE Knallsterk krim frå det mektige Vestkapp Vår mann i vest, Rolf Randen, er på utlån frå lensmannskontoret i Førde for å patruljere kysten i ein open gummibåt, på jakt etter islamistiske terroristar som trugar nasjonen. Eit meiningslaust oppdrag, tenkjer han og vil heller dykke ned til det gamle hurtigruteskipet Sanct Svithun som blei bomba utanfor Ervika i Under eit dykk finn Randen ein død mann i sjøen ved ei sandstrand nær Vestkapp. Samstundes forsvinn ei kvinne og gamle gullmyntar dukkar opp. Rolf Randen er igjen i sentrum av eit storslagent drama som har forgreiningar til Stalins Gulagleirar, andre verdskrig og den spanske armada og bak ligg den mektige naturen i Selje og spelar med. RUNE TIMBERLID (f. 1950) er journalist og kriminalforfattar. Han har, sidan debuten i 1991, skrive fleire bøker om politibetjent Rolf Randen frå Høyanger, m.a. Deadline (2006) og Operasjon Siskin (2008). Timberlid er busett i Førde og arbeider som informasjonssjef i Lotteri- og stiftelsestilsynet. KRIM Pris ca kr 349,- ISBN: I sal

13 OMSETTE ROMANAR: MARI JUNGSTEDT: DEN MØRKE ENGELEN Ny krim frå Gotland Vårvinden hyler over Gotland når Visbys nya kongresshall skal bli invidd med pomp og prakt og over fem hundre gjester. Festfiksaren Viktor Algård står bak det bokstavelig tala glitrande arrangementet. Det skal bli hans siste fest. Dagen derpå blir han funne myrda i bygningen. Overbetjent Knutas er på saka og spora fører han mot ei mishandlingssak i eit hardt tenåringsmiljø. Etterforskinga stiller han i store dilemma, både som tenåringsfar og politimann. Den mørke engelen er ein skremmande psykologisk thriller og ei djuplodda skildring av kor øydeleggjande foreldre kan vere. Den mörka ängelen har en raffinert avslutning och uppösing som inte hämtar näring i det spekulativa utan står stadig i myllan den gotländska myllan. GOTLANDS TIDNINGAR Det här är perfekt läsning för semestern, SKÅNSKA DAGBLADET KRIM Pris ca kr 349,- ISBN: Utg. november

14 PIA TAFDRUP: STJERNE UTAN LAND Om kærlighed, passion, kunst, selvstændighed, afhængighed, glæde, sorg, liv og død Pernille Lisborg, litteratursiden.dk Den middelaldrande Andreas sit tilfeldigvis ved sidan av den unge Rebecca i flyet til Barcelona. Ho ser han gråte og kjem i snakk med han. Seinare besøker ho han i København der ho kjem i snakk med Sophia, naboen hans. Andreas er fotograf og vil ta bilete av den unge kvinna. Ho liknar den døde kona hans. Dette blir oppstarten på eit stille drama, eit klaustrofobisk mareritt som ender i ein tragedie. Andreas begynner å oppføre sig bisart overfor Rebecca, og Sophia ser at han prøver å få henne til å likne på den første kona si som døde svært ung. Pia Tafdrup (f. 1952) debuterte i 1981 med Når der går hul på en engel og har gitt ut elleve diktsamlingar. For Dronningeporten fekk ho Nordisk Råds Litteraturpris i i 2005 kom hennar første roman, Å gi seg bort, ut på norsk. ROMAN Pris ca kr 349,- ISBN: Utg. oktober

15 WILLY KYRKLUND: POLYFEM FORVANDLA og MEISTEREN MA Svimlande vakker og særprega dobbeltutgiving Polyfem forvandla er ved sida av Solange og Meisteren Ma Willy Kyrklunds mest kjende verk. Romanen er ein montasje av korte prosastykke der både greske mytar, fablar og folkedikting, hinduistisk tradisjon og visepastisjar blir tatt i bruk. Polyfem, som vi møter i bokas første tekst, er kyklopen som hos Homer blir rundlurt av Odyssevs, og som no sit og ventar på at Ingen skal komme attende. Alt får plass mellom første og siste side: Leiken, lengten, mordet og likesæla. Språket er poetisk, sekvensane er både komplekse og djupt humoristiske. Dette er ein svimlande roman, ein av nordisk litteraturs vakraste, som ber om å bli lesen igjen og igjen. Meisteren Ma er ein kinesisk vismann og tidlegare røvar frå eit fortidig dynasti. Sjølv enda han sitt liv på jorda då han lét seg slynge ut i retning månen ved hjelp av ei mengd fyrverkeri. Det som er att, er skriftene hans. Meisterens ytringar blir fortløpande kommenterte av dei to andre karakterane i boka: den jordnære kona Yao og den saklege tørrpinnen Li. Dei tre stemmene flettar saman ei heilt original forteljing. Omsett og med etterord av Gunstein Bakke. ROMAN Pris ca. kr 349,- ISBN: Utg. oktober

16 ROMAN, POCKET: NY POCKETSERIE MED GRYTTENS BØKER Frode Grytten (f. 1960) er frå Odda. Han debuterte i 1983, og har skrive bøker i fleire sjangrar. Grytten er ein av dei mest markante novelleforfattarane i Noreg. Ein fellesnemnar for tekstane til hans er at dei skildrar vanlege folks liv med ein uvanleg energi, både medrivande barndomsskildringar og kompliserte kjærleikshistorier blir fortalde på ein varm måte som gjer det mogleg å følgje karakterane inn i dei mest hudlause situasjonar. Han fekk Brageprisen for Bikubesong i 1999 og blei for same bok nominert til Nordisk Råds litteraturpris. Han blei tildelt Rivertonprisen for kriminalromanen Flytande bjørn i 2005, og for Rom ved havet, rom i byen fekk han Melsomprisen i Teaterversjonen av Bikubesong mottok strålande kritikk og trakk fulle hus både i Oslo og Bergen. FRODE GRYTTEN: BIKUBESONG Eitt år i Murboligen, ein arbeidarbustad i Odda. Noko nytt begynte no. Han kunne gå i kva retning han ville, kva veg han sjølv ville. Han følte seg heilt fin, heilt finfin, som om han endelig va r seg sjølv, som om han hadde vo re ein annan person og no hadde komme til seg sjølv igjen. Han skulle gå langs vegen som ein vanlig mann. Det var eigentlig alt han ønskte. Å gå langs vegen som ein vanlig mann. Bikubesong er ein kollektivroman om det mytologiske Odda, varmt og utleverande skildra, men også med eit skarpt innsyn i det norske sosialdemokratiet anno POCKET Pris ca. kr 129,- ISBN: Utg. september

17 FRODE GRYTTEN: FLYTANDE BJØRN Mørk roman bada i norsk sommarlys Hovudpersonen i Flytande bjørn er journalist på eit stille lokalkontor i ein stille småby. Ei juninatt blir ein gut pressa på elva. Alle trur dei veit kven som står bak. Lukta av sveitt småby. Stanken frå Volvoen min. Det var vittig. No som Odda endelig var kvitt utsleppa frå verket, kjørte eg rundt i ein bil som lukta død og pine. Eg rulla ned vindauget og svinga inn på vegen ved Shell. Det varme rattet var klissete av blod. Flytande bjørn er ein mørk roman bada i norsk sommarlys. POCKET Pris ca. kr 129,- ISBN: Utg. september FRODE GRYTTEN: MEIR ENN REGN Meir enn regn er sterke og intense noveller om vanlege folks kjærleiksliv, kvardagsliv, ungdomsliv. Noveller som skildrar avstanden mellom dei menneska som burde vere nærast. Sjøflyet heng over det kvite landskapet. Morgonsola har nettopp komme opp på ein stålblank himmel. Alt er is og snø. Det er som om frosten held alt oppe. Eg tenker at når regnet kjem, så vil heile verda smelte og rase saman. POCKET Pris ca. kr 129,- ISBN: Utg. september FRODE GRYTTEN: 80º AUST FOR BIRDLAND 80 º aust for Birdland har ein stor himmel over seg, vêr og vind og den blå jazzen, blanda saman med livet i ein norsk småby. Monk spelte ein fantastisk konsert. Men det store, det store skjedde først då han gikk av scena. For tonane slutta ikkje å strømme ut av klave ret. Skjønner de kva eg seier? Monk gikk av scena, bukka og gikk av scena. Men musikken bare kom fossande. Tonane strømte ut av klaveret i fem ti minutt etter at han gikk av scena. Skjønner de? Det var magi. Rein magi. POCKET Pris ca. kr 129,- ISBN: Utg. september

18 LYRIKK OG DRAMA: HELGE TORVUND OG MARIA BØRJA (RED.): DIKTKAMMERET Gjennom ti år har Diktkammeret vore ein klekkje- og boltreplass for ny poesi på nettet. Kvar månad blir det posta 6000 nye dikt på Diktkammeret, og heilt sidan starten har det blitt kåra «Månadens dikt». Helge Torvund har vore med og valt ut desse, og gitt dei entusiastiske og innsiktsfulle kommentarane sine. Både dikta og kommentarane er samla i denne boka. Helge Torvund har vore med sidan starten og skrive leksjonar i diktskriving. Desse er òg samla her, og utgjer ein eigen bolk om diktarkunsten. Boka inneheld også nye intervju med nokre av dei mest aktive forfattarane på Diktkammeret. HELGE TORVUND (f. 1951) er lyrikar, kritikar og psykolog. Han debuterte med Hendene i byen i 1977 og har seinare gitt ut ei lang rekkje diktbøker. Torvund er diktlærar på nettstaden Diktkammeret og var i mange år hovudmeldar av lyrikk i Dagbladet. Han bur på Ogna i Rogaland. MARIA BØRJA (f. 1977) er journalist og forfattar. Ho debuterte med novellesamlinga Voksenting i Børja har vore med i og redaktør for ei rekkje antologiar, og jobba i ti år med Dagbladets litteratursatsing på nettet. Ho bur i Oslo. LYRIKK Pris ca. kr 349,- ISBN: Utg. oktober

19 HILDEGUNN DALE: ARMANE MINE HANDLINGAR Ei reise i grenselandet mellom den indre og ytre verda I denne diktboka blir vi mellom anna tekne med til eit bølgjekraftverk som er øydelagt av ei bølgje og lagt ope for menneskeleg innsyn. Naturen er i ferd med å ta tilbake det menneskeskapte. Kampen mellom språk og natur, mellom tid og minne står sentralt. Gjennom tekst og fotografi gjer Hildegunn Dale forskyvingar i tid, minne og geografi. Stadene tek farge av sinnet, og ein stad lyser sterkare enn dei andre. Industristaden Ågotnes: Enorme stålmaster veks og forsvinn. Eit helikopter bryt gjennom tåka. Ein mur mot havet. Eit flyfoto i svart-kvitt skjelv. Skrape litt i overflata. Nye konturar trer fram. Ein by med høghus, hukommelsestap, trappegang. Eg lyfter blikket over rattet, mister sinnbildet av ein enno ikkje ferdig utgraven stad. Det sklir tilbake til kroppen. Ei hand av sand, den skubbar jord over bilde. Hildegunn Dale (f. 1974) Dale var i fleire år ein markant diktar i Bergens poetiske undergrunn før den etterlengta debuten i Dale er frå Modalen og bur på Sotra utanfor Bergen. Ho har hovudfag i litteraturvitskap frå Universitetet i Bergen og har gått på Skrivekunstakademiet i Hordaland LYRIKK Pris ca. kr 249,- ISBN: Utg. september

20 DANIEL DANIS: TRE STYKKE Stor samtidsdramatikk for første gong på norsk Stykka til Daniel Danis er forteljande og lesbare, men òg underlege med eit draumeprega, brutalt og fantasirikt språk. Danis dreg vekslar på den psykologiske dramatradisjonen så vel som eldre forteljartradisjonar med tydelege spor av kanadisk natur og urfolktradisjon. Dramatikken hans har mellom anna fått merkelappen minneteater. Danis skildrar ofte karakterar plaga av kaos og minne frå tragiske hendingar som prøver å forsone seg med ei samtidig verd som har mista sine symbolske landemerke. Dette er første gongen denne unike dramatikken blir presentert i bokform på norsk, og omsetjar Margunn Vikingstad har samla tre av dei viktigaste stykka til Danis: Tungekyssa til steinhundar, Seie-seiarens song og Oske av stein. Daniel Danis (f. 1962, Canada) har sidan debuten i 1993 stått fram som ein av dei mest særeigne dramatikarrøystene i verda. Stykka hans er mykje spelt og er blitt utmerka med fleire prisar. DRAMATIKK Pris ca kr 249,- ISBN: I sal

21 KRISTINA LEGANGER IVERSEN [DEBUTANT]: HJARTEMEKANIKK Sterke dikt om tap frå debutant I den eine augeblinken er dei på veg til stranda for å bade, i neste augeblink blir dei påkøyrde av ein bil. I denne diktboka flyttar vi oss mellom fire tidsplan: Starten på ein sambuarskap, ulykkesdagen, sjukehusopphaldet og tida etterpå. I varierte tekstar, frå poetiske sekvensar til små forteljingar og dialogar blir vi kasta att og fram mellom kjærleik og sorg, glede og sakn. Hjartemekanikk er ei bok om det som kunne ha vore, og om å vere den som blir åleine med minna. telefonsvarar, det hender eg ringer deg det sprakar håra reiser seg mot trommehinna når du løftar av røyret hallo Kristina Leganger Iversen (f. 1989) er frå Åsane, men bur no i Oslo. Ho studerer litteraturvitskap ved UiO, er redaktør av litteraturtidsskriftet Lasso og sit i bladstyret til Mål og Makt. Hjartemekanikk er den første boka hennar. LYRIKK Pris ca. kr 259,- ISBN: Utg. september

22 JULIANE RUI: DEN HESTEN ER AV SNØ Overbevisande lyrikkdebutant Denne strålande diktboka gir lesaren ei unik kjensle av å vere med inn i det umiddelberre, til ei verd der erfaringar, minne, observasjonar og opplevingar blir sett ord på. Juliane Rui skriv fram ein levande lyrikk, som prøver seg fram, nøler, lyttar, og går vidare, i eit rom som utvidar seg for kvar lesing. For dei flotte, overraskande formuleringane og dei slåande bilda vil garantert få lesaren til å vende tilbake til boka og til å gle seg til resten av denne spennande forfattarskapen. Far. Det var ei bølgje. Far. Eg mista båten. Eg seilte flyet med vinden opp i treet. Eg stod på eplestolen. Eg såg den svake stjerna. Uhørleg som eit fotografi. Bad nokon si sol bli ved. Sol. Eg ser einsfarga ut når eg er stille. Det er min hestestyrke. Juliane Rui (f. 1982) kjem frå Vestfold og Telemark, og bur for tida i Bergen. Den hesten er av snø er den første boka hennar. LYRIKK Pris ca. kr 259,- ISBN: Utg. september

23 FINN ØGLÆND: LIRUM LARUM Utgangspunktet for den nye samlinga til Finn Øglænd er at poeten opplever å runde 50. Vissa om at han no definitivt oppheld seg i middelalderen, medverkar til å kaste både sollys og skugge over diktarens rørsler på jorda. Ei ny og sterk livsbejaing slåst om plassen med gammalmannsfilosofiane. Og som vanleg held diktaren dommedag over seg sjølv, med ironi og sjølvkritikk. Dette er ei ganske typisk Øglænd-samling, med andre ord. Ei plate med mørk kokesjokolade rute for rute med bittersøte dikt om alt forfattaren hatar å elske. I dag klypte eg nokre grå hårstrå vekk frå tinningen. Ansiktet mitt er ikkje lenger ungt. Men dei grøne trea gir både skugge og ly. Eg likar å sjå mi kjære vatne blomane eg ikkje veit namnet på. Håret mitt er ennå ikkje kvitt. I eplehagane skal frukt falle ned til hausten, og under utelampane skal myggen virre rundt som i ein rus. Finn Øglænd (f. 1957) er frå Stavanger. Han debuterte med diktsamlinga Det opplyste landskapet i 1983 og har gitt ut bøker innafor ei rekkje sjangrar. Øglænd er òg aktiv som kritikar og essayist. LYRIKK Pris ca. kr 259,- ISBN: Utg. oktober

24 EINAR ØKLAND: SMIL UTAN SMILAR Ny diktbok frå Einar Økland! Smil utan smilar er ei mangfaldig og overraskande bok, til ettertanke og til å smile av. Geografien i boka strekkjer seg frå Glomma til Sahara, og vi får lese om alt frå alderdom og kjærleik til kamelar og ørkengudar. Bli med gjennom nålauget, til Einar Øklands oasar! TIL ERINDRING Omrisset av eit klungerblad teikna På eine sida av eit lite papir Som har eit klungerblad berre skravert På den andre sida. Omrisset tynt og tydeleg. Skraveringa flat og utflytande. Ein ser ikkje begge samtidig, Men skjønar det må ha vore Den same som stod bak begge. Same Kva som er fram- eller bakside. Kanskje er det difor ein hugsar Begge som vakre. Klungeren og amatøren. Einar Økland (f. 1940) er ein av dei mest allsidige og originale forfattarane i norsk litteratur. Han har sidan debuten i 1963 gitt ut nærmare 80 bøker innafor dei fleste sjangrar og motteke ei lang rekkje prisar, m.a. Doblougprisen i 2000 og Gyldendalprisen i LYRIKK Pris ca. kr 269,- ISBN: Utg. september

25 BØKER FOR BARN OG UNGDOM: Biletbøker 2 6 ÅR: BJÖRK BJARKADOTTIR: KOM, LA OSS LAGE FEST! Engasjerande for dei minste Dyra i Solskinskogen liker å lage fest, og er veldig flinke til å hjelpe kvarandre. Men den dagen dei skal ha vårfest, er det mykje som ikkje går etter planen. Lesaren må rett og slett hjelpe til om det skal bli nokon fest i det heile! Barnet må vekkje dyra som forsøv seg, blåse på snabelen når elefanten slår seg med hammaren, og på rumpa til sebraen som har brent seg på bålet. Til slutt kan frosken spele opp til fest, og barnet får syngje. Dette er ei bok som både aktiviserer og engasjerer, med praktfulle fargesterke illustrasjonar og mange rare og fine dyr. Enkel og kommuniserande tekst i reglestil ei bok med umiddelbar appell! Björk Bjarkadottir (f. 1971) er frå Island, og bur no i Oslo. Ho har tidlegare gitt ut ei rekkje biletbøker på norsk. BILETBOK Pris ca. kr 199,- ISBN: Utg. september

26 CAMILLA LUNDSTEN: VESLEFANTENS REKNEBOK Rekne- og teljebok for dei yngste Peikebøkene om Veslefanten har blitt svært populære, og no følgjer Camilla Lundsten opp med ei teljebok for dei yngste, midt i blinken for aldersgruppa 2 5 år. Dette er ei bok som inspirerer til å drive kvardagsrekning saman med barnet, og gjere talforståing og utforsking til ein leik. Alt som finst i dei nære omgivnadene til barn, kan i prinsippet teljast, målast og samanliknast, og ungar elskar å få oppgåver dei kan løyse! I tillegg til tal og enkel rekning vil dei lære seg om omgrep som størst og minst, ting som er like, ting med same storleik osv. Camilla Lundsten (f. 1972) er illustratør og designar. Nyleg vann ho det svenske designrådets pris for ny design på Brios klassiske leiketøy. BILETBOK Pris ca. kr 159,- ISBN: Utg. september

27 ANNA R. FOLKESTAD: HENRIK AND Humoristisk om å finne seg sjølv Henrik And er ei and. Ei heilt vanleg and, med ein heilt vanleg draum. Han vil vere noko anna. For om han var noko anna, ville han kunne gjere heilt andre ting, og alt ville vore annleis. Men han må tenkje seg nøye om, kva han vil vere Kanskje ein katt? Eller ein sjiraff? Henrik And har ein enkel tekst med regleelement og gjentakingar, slik ungar elskar. Dei vil òg fryde seg over alle dei merkelege dyra i boka, alle saman har nemleg hovudet til Henrik And. Enkle, fargesterke illustrasjonar i collageteknikk. Anna R. Folkestad (f. 1983) er frå Stord. Dette er den første boka hennar. BILETBOK Pris ca. kr 229,- ISBN: Utg. september RUTH LILLEGRAVEN OG INGER LANDSEM (ILL.): MARI OG MAGNUS FLYTTAR INN Ny småbarnserie! Første boka i serien om Mari og Magnus, ein ny småbarnsserie for aldersgruppa 3 6 år. Dette er enkle historier med gjenkjennelege tema og illustrasjonar, eit sjarmerande nynorsk alternativ til seriar som Karsten og Petra. Mari og Magnus er sysken. Mari er fem år, og Magnus er nesten fire. I den første boka har dei nettopp flytta inn i eit nytt hus. Det står kassar overalt, og ingen finn sakene sine. Kor har for eksempel bamsen til Magnus blitt av? Mens dei leitar, kjem ein ny flyttebil til køyrande. Det er dei som skal bu i den andre halvdelen av huset, som har stått tom. Kanskje Mari og Magnus får nokon å leike med? Dei to neste bøkene i serien kjem i Ruth Lillegraven (f. 1978) debuterte med den kritikarroste diktsamlinga Store stygge dikt i Bøkene om Mari og Magnus er dei første barnebøkene hennar. Ruth Lillegraven er frå Hardanger og bur no i Bærum. Inger Landsem (f. 1950) har illustrert ei lang rekkje barnebøker og skulebøker. Ho jobbar òg som biletkunstnar og har mange utstillingar bak seg. BILETBOK Pris ca. kr 159,- ISBN: Utg. november

28 ELISABETH BAGULEY OG MARION LINDSEY (ILL.): KLAR, FERDIG, SPØK! Skummelsøt spøkelseshistorie for dei minste Børre er berre eit bittelite spøkelse. Han vil så gjerne spøke like bra som dei store, men er redd for skumle skogar og skremmande slott. Om han berre kunne finne eit hyggeleg lite hus å spøke i! Børre drar ut for å leite, og på vegen må han gøyme seg for ein ulande ulv, ein kvesande slange og ein brølande drake. Det blir litt huttetu-skrekk-og-gru skummelt, men går heldigvis bra. Og til slutt finn han eit bittelite slott som treng eit bittelite, kongeleg spøkelse. Skumle-meg, skrem-meg, seier Børre, no treng han aldri kjenne seg for liten meir! Ei søt og rygg-sitrande godnatt-historie om å overvinne frykt og finne ein stad å kjenne seg trygg. Frå engelsk ved Ragnar Hovland og Erle Stokke Elizabeth Baguley er lærar og forfattar med ei rekkje populære småbarnsbøker bak seg. Marion Lindsay er utdanna barnebokillustratør frå Cambridge School of Art og har fått mellom anna fått prisen Egmont Best New Talent. Begge bur i Storbritannia. BILETBOK Pris ca kr 159,- ISBN: I sal

29 BARNEBØKER 6 9 ÅR: TERESA GRØTAN: KLARA KAN MYKJE RART OM KLEDE! Sjarmerande og lærerik serie om alt Klara kan Visste du at silke er laga av ormespytt og fleece av resirkulert plast? Eller kor mange sauer ein treng for å få ull nok til eit sofapledd? I denne boka får du vite mykje rart om noko så kvardagsleg som kva klede er laga av. Og det gjer du fordi Klara er ei jente som lurer på mykje rart! Men når Klara fortel om alt det rare klede kan vere lagd av, er det ingen på skulen som trur henne. Då er det godt å ha ei storesøster som hjelper Klara i jakta på bevis Boka er den første i ein planlagt serie som på ein levande og morosam måte formidlar spennande kunnskap om ting som omgir barn i kvardagen. Boka er gjennomillustrert av Ella Okstad, og eignar seg både for høgtlesing og å lese sjølv. Teresa Grøtan (f. 1974) er journalist og har tidlegare gitt ut Globaliseringsboka. Ho er frå Stokmarknes i Vesterålen og bur i Bergen. 6-9 ÅR Pris ca. kr 198,- ISBN: Utg. august

30 LARS MÆHLE: HARRY OG IVARS DETEKTIVBYRÅ Ny, eksplosiv bok om heltane Harry og Ivar Harry og Ivar er to karar i sin beste alder, og no har dei starta detektivbyrå. Når skrinet med Leonardo da Vincis store løyndom blir stole frå bymuseet, får dei ei utfordring dei ikkje kan seie nei til. Godt nytt: Museumsdirektøren har lova finnarlønn til det detektiv-laget som løyser saka. Og Ivar får hjelp av oppfinnaren Toni Invento og dottera Siv. Dårleg nytt: Laget til Harry, HARRYS GRANDIOSA DEKTEKTYVBYRÅ, går for ei anna sak. Dei vil finne travhesten Halte-Blessen, som er kidnappa frå Lady Rosalind Pettersen. Berre éin ting er sikkert: Her er det ugler i termosen! Dette er den fjerde boka i serien om Harry og Ivar, og er illustrert av Per Dybvig. Lars Mæhle (f. 1971) kjem frå Sunndalsøra på Nordmøre. Han har skrive fleire bøker for barn og unge, og fekk sitt store gjennombrot med fantasyromanen Landet under isen i Ungdomsboka Keeperen til Tunisia blei filmatisert med stor suksess i 2010 (Keeperen til Liverpool). 6 9 ÅR Pris ca. kr 199,- ISBN: Utg. november

31 TONE NØRVÅG, ODD HENNING SKYLLINGSTAD (ILL.): POLITIHUNDEN FALK TIL TENESTE! Sjarmerande etterforskarpar i ny politiserie Ei lettlesen og spennande bok om politihunden Falk, som bur saman med politidama si, Hanne, og familien hennar. Etter lang tid med opplæring skal Falk endeleg ha sin aller første dag på jobb, og han får bruk for alt han kan! Dette er den første boka i ein planlagd serie som skal formidle politiets arbeid gjennom etterforskarparet Falk og Hanne og ulike oppdrag dei får. Denne gongen har det vore hærverk på skulen, og nokon har velta gravsteinar på kyrkjegarden. Kven står bak? Tone Nørvåg jobbar som politi på Sunnmøre og kjenner stoffet sitt godt. Ho skildrar både politiarbeidet og livet med hund med innsikt og humor, og det er tydeleg at ho elskar begge delar. Boka er gjennomillustrert av teikneserieskapar og illustratør Odd Henning Skyllingstad, og midt i blinken for både gutar og jenter i alderen 8 10 år ÅR Pris ca. kr 179,- ISBN: Utg. september SIGNE OLAUG PEDERSEN, MONA BREKKE (ILL.): MYSTERIET MED TRENINGSNARKOMANEN Ei lettlesen spenningsbok Herman og Simen tykkjer det å sjå på jentene i garderoben og å stele pærer er mykje meir spennande enn å gjere lekser. Men når Herman blir kjend med Anna, som eig pæretreet, byrjar ting å skje. Nede i kjellaren til Anna driv soneson hennar med mystiske ting. Og ein dag dukkar også Stina frå klassen opp hos Anna. Saman må Stina og Simen finne ut kva som skjer i kjellaren til Anna, og kven det er som bankar henne opp. SIGNE OLAUG PEDERSEN (f. 1959) er frå Aurland. Ho debuterte som barnebokforfattar i 2010 med Sprett i håret sug i magen år Pris ca. kr 179,- ISBN: Utg. oktober

32 MARIA PARR: VAFFELHJARTE (DOBBELTOPPSLAG PÅ DENNE) MED FOTO FRÅ FILMEN, nrk SUPER LOGO OG FOTO AV MARIA EG SENDER Boka som varmar alle små vaffelhjarte! Vaffelhjarte har blitt ein klassikar, og i haust kjem forteljinga om Trille og Lena som tv-serie på NRK BarneTV. «Lena er den beste vennen min, sjølv om ho er jente. Eg har aldri sagt det til henne. Det tør eg ikkje, for eg veit ikkje om eg er beste vennen hennar. Av og til trur eg det, og av og til trur eg det ikkje.» Trille og Lena er to svært oppfinnsame niåringar. Lena er tøff og nesten ikkje redd for nokon ting. Men ho er ikkje spesielt sterk heller, alle slår henne i handbak, og det kan hende at Trille må redde livet hennar. Trille er glad i Lena og ønskjer seg at ho skal seie at han er bestevennen hennar. Men Lena gjer det aldri, og av og til lurer Trille på om ho kanskje har eit hjarte av stein. Det kan iallfall verke slik. I Vaffelhjarte følgjer vi dei to gjennom liv og vaffelrøre i eit heilt år. Morosamt og lett skriv Maria Parr om glede og alvor, venskap og sorg og om lengten etter å vite heilt sikkert at den du er glad i er like glad i deg. Hjartevarmande! Illustrert av Bo Gaustad. Maria Parr (f. 1981) er norsk barnelitteraturs nye superstjerne! Ho debuterte med Vaffelhjarte i 2005, og fekk sitt store gjennombrot med Tonje Glimmerdal i 2009, som ho blei tildelt både Brageprisen, Teskjekjerringprisen og Kritikarprisen for. Bøkene til Parr er omsette til ei rekkje språk, og trass sin unge alder har ho alt vunne fleire litterære prisar enn dei fleste andre forfattarar gjer i løpet av eit heilt liv. Ho har blitt samanlikna med både Johanna Spyris (Heidi) og Astrid Lindgren. Parr er frå Fiskå i Vanylven. Ho har mastergrad i nordisk litteratur frå Universitetet i Bergen og studerer no ved Høgskulen i Volda. 6-9 ÅR Pris ca. kr 179,- ISBN: Utg. september

33 KOMET: SIGRID MERETE HANSSEN: DETEKTIV SMARTBART OG SABOTASJEN PÅ BADET Ein vakker sommardag blir dei tre søskena Korneliussen vekt av eit stort brøl. Faren deira, Kyrre Korneliussen, eller Oberst Dobørst som ungane gjerne kallar han, har sett seg lei på alt rotet som har samla seg i huset. No er det nok! Mens Obersten dreg på kjøpesenter for å handle, skal barna få huset blåst. Alle må hjelpe til, også vesle Hagbart, som alltid søler knekkebrødsmular i sofaen og er redd for støvsugaren. Ikkje alt går som planlagt. Nokon prøver å sabotere Operasjon Husvask, og alle spor peikar i retning av Hagbart. Dette er heilt klart ei sak for Detektiv Smartbart. Ei lettlesen og fantasifull bok som dei fleste barn lett kan kjenne seg igjen i. Sigrid Merethe Hanssen (f. 1966) debuterte i 2007 med novellesamlinga Sprang, ei bok ho fekk Blixprisen for. Etter å ha gitt ut Ingen heime i 2009, fekk ho Sigmund Skard-stipendet for «starten på ein original, solid og spennande forfattarskap». Med historia om den hemmelege Detektiv Smartbart debuterer Hanssen no også som barnebokforfattar. Hanssen bur på Finnsnes. KOMET BARN Pris ca. kr 199,- ISBN: Utg. oktober

34 GRØN KOMET: ATLE BERGE OG HENNING LYSTAD (ILL.): BARCELONAGJENGEN Ny fotballserie! Barcelona-gjengen er ein lettlesen fotballserie som tek fotball på alvor og set spelet i sentrum. Det handlar om gutar som satsar, om sleivspark, magiske pasningar og trenarar som vil vinne for kvar pris. 9-åringane på Komet I.L. speler alltid kamp med Barcelonadrakter under dei kvite Komettrøyene. Og det er det spanske topplaget som er heltane deira, ikkje femtedivisjonsspelarane på Komet sitt A-lag. Atle Berge (f. 1986) er frå Hjelmtveit i Nordhordland. Han debuterte med romanen Muntergang i Bøkene om Barcelonagjengen er dei første barnebøkene hans. BIRK OG BARCELONAGJENGEN I den første boka i serien er Birk ny i byen og på leit etter nokon å spele fotball med. Etter å ha bede helten Messi om hjelp møter han Barcelonagjengen, seks gutar som er minst like glade i fotball og Barcelona som han sjølv. Men har dei plass til ein ny spelar på laget? Birk må verkeleg vise kva han er god for! KOMET Pris ca. kr 149,- ISBN: Utg. september ALLE MANN I FORSVAR Barcelonagjengen skal spele mot Storebø, det einaste laget i byen dei aldri har vunne mot. Men når trenarane bestemmer at dei skal spele alle mann i forsvar, må Leo gjere opprør. Trenarane er nemleg foreldra hans, og han må få dei til å forstå at Barcelonagjengen hatar å spele feigt. KOMET Pris ca. kr 149,- ISBN: Utg. september

35 OPPTRYKK, BARN: RAGNAR HOVLAND OG PETER SHCÖSSOW (ILL.): BJØRNEN ALFRED OG HUNDEN SAMUEL Ein moderne klassikar! Bjørnen Alfred og hunden Samuel vaknar ein morgon og finn seg sjølve attgløymde i ein pappkartong. Dei hugsar Før i Tida, då Ole-Martin tok dei med i senga og ein som heitte Gerhardsen styrte landet. Men kor er dei no? Dei to tøydyra må ut i verda for å leite Ragnar Hovlands prislønte bok om dei to tøydyra som dreg ut i verda, er ein moderne klassikar. No kjem denne flotte fargeillustrerte utgåva endeleg i nytt opplag, etter å vore utseld ei tid. Ragnar Hovland (f. 1952) er ein av våre mest prislønte og produktive forfattarar. Han har skrive 14 bøker for barn og ungdom, og Bjørnen Alfred og hunden Samuel vann Nynorsk barnebokpris Den illustrerte utgåva var nominert til Deutscher Jugendbuchpreis i BILETBOK Pris kr 169,- ISBN: I sal

36 BARBRO LINDGREN: DEN STORE BOKA OM DEN VILLE UNGEN Populær samlebok til glede for nye ville unger! Fan-klubben vil juble, og alle andre har uante lykkestunder i vente når historiene om Den ville ungen kjem på nytt! Dei tre bøkene om den ville ungen gjekk rett til hjartet på store og små biletbok-elskarar då dei kom på norsk på 1980-talet. I Den store boka om den Ville ungen har vi samla historiene Mamma og den ville ungen, Den ville ungen reiser og Den ville ungen får hund. Barbro Lindgrens sprelske tekst på rim og Eva Erikssons skildringar av ungen i dei villaste situasjonar, er no for klassikarar å rekne. Det er på høg tid at ein ny generasjon barn, foreldre og besteforeldre får del i desse bokgledene! Barbro Lindgren (f. 1937) er svensk forfattar kjend for sine populære barne- og ungdomsbøker, mellom anna bøkene om Benny og om den ville ungen. BILETBOK Pris ca. kr 229,- ISBN: I sal

37 UNGDOM: SUNNIVA RELLING BERG [DEBUTANT]: UTFOR Mørk og medrivande roman Saman med foreldra flyttar Lea frå byen til ei lita øy i havgapet, i eit hus for seg sjølv på det høgste punktet på øya. Ho møter naboguten Jonas, og dei utviklar ein vennskap. Men det er noko som ikkje stemmer på den vesle øya. Dei andre ungdommane vil ikkje ha noko med Jonas å gjere, og Lea blir dregen inn i ein konflikt som ho ikkje forstår noko av. Ho må ta eit val. Og ho må finne ut kva det er alle på øya går og teier om. Ei ungdomsbok om ei jente som er flink i matematikk, men dårleg på vennskap, ei bok om å bli tvinga til å ta vanskelege val, om korleis det kjennest å falle utfor eit stup. SUNNIVA RELLING BERG (f. 1988) kjem frå Ålesund og bur i Bergen. Utfor er den første boka hennar. UNGDOM Pris ca. kr 249,- ISBN: Utg. oktober

38 MAGNHILD BRUHEIM: BLOD PÅ HENDENE Brennaktuell og spennande krim for ungdom Kari Marie Eiker (Kami, blant venner) er med i ei aktivistgruppe som nattetid tek seg inn på pelsdyrfarmar, for å avsløre industrien. Kampen mot pelsdyroppdrett får stadig breiare støtte etter kvart som media viser bilete av dyr som lir. Like etter ein aksjon blir Kami kontakta av ein ukjend mann som følgjer godt med på alt ho gjer. For henne blir situasjonen etter kvart meir truande. Samtidig får ei jente frå ein av farmane anonyme meldingar der det står: Du har også blod på hendene! Blod på hendene er den fjerde boka i den populære serien om Kami og Bente. Ei krimbok for ungdom, med spenning frå første til siste side, og med aktuelle tema som kamp mot pelsindustrien og mobbing. MAGNHILD BRUHEIM (f. 1951) debuterte med kriminalromanen Varselet i 1997 og har sidan skrive fleire bøker både for vaksne og ungdom. Bøkene Ny melding (2003), Venneringen (2007), På flukt (2010) og Blod på hendene (2011) utgjer ein populær serie for ungdom, om Bente og Kami som hamnar i farlege situasjonar. Bruheim er frå Skjåk i Gudbrandsdalen og er busett på Lillehammer. UNGDOM Pris ca. kr 249,- ISBN I sal

39 SIGRI SANDBERG MELØY: KLIMABOKA For alle som vil bli nærare kjende med framtida Veit vi det ikkje no? At Nordpolen smeltar, at vêret blir villare og våtare. At fleire millionar menneske treng snorkel når landet deira forsvinn under vatn. Samstundes ser ein i media at det er mindre forureining enn ein hadde trudd. Forskarar finn feil i FNs klimarapportar. Og så kjem ein iskald vinter, og vi står her, som forvirra spørsmålsteikn. For kva er det som skjer? Sigri Sandberg Meløy har skrive ei subjektiv debattbok. Ho tek oss bokstavleg talt med på klimacruise, til nordområda, der klimaspørsmåla spissar seg til. Ho styrer innom alle dei brennaktuelle problemstillingane, og sneiar borti både isbjørn, klimamodellar, satellittar, kinesarar, drivhuseffekten, ny forsking og forhatte journalistar. Skrivinga hennar er både frekk, audmjuk og ærleg. Målet er å bli litt klokare utan å bli klimadeppa. Og heilt til slutt får mellom anna statsminister Jens Stoltenberg, miljø- og utviklingsminister Erik Solheim, FrP-leiar Siv Jensen og ungdomar i Longyearbyen svare på kva som bør gjerast. Sigri Sandberg Meløy er forfattar og journalist. Ho debuterte som barnebokforfattar i 2009 med den eksplosive og fabulerande biletboka Ballongmamma. I 2006 gav ho ut intervjuboka Kjærleikar, der ho lèt 20 vanlege og unike menneske fortelje om draumar, forventningar og erfaringar. Same året kom polfarardokumentaren Cecilie Skog og de tre polene. Meløy bur i Longyearbyen på Svalbard. UNGDOM Pris ca kr. 179,- ISBN Utg. august

40 ROBERT MUCHAMORE: DRAPET Denne serien MÅ lesast! I tre tiår har Leon vore ein småkjeltring som ikkje har stukke seg ut, men plutseleg begynner han å strø om seg med pengar, og politiet lurer veldig på kor dei kjem frå. Dei tilkallar CHERUB, den hemmelege organisasjonen som har ein heilt spesiell fordel: Heller ikkje garva forbrytarar får mistanke om at barn og ungdommar spionerer på dei. Det siste oppdraget til James kan verke rutinemessig: Han skal bli venn med barna til Leon, infiltrere heimen hans og finne nokre leietrådar. Men det James begynner å nyste opp, er noko heilt uventa. Og det verkar som om den einaste som kanskje veit sanninga, er ein einsam atten år gammal gut. Det er berre eitt problem. Guten fall ned frå eit hustak og døydde for eit drygt år sidan. «MI5 for barn i brutal og tøff ny serie * + Den har et driv og ungdommelig humor som gjør at unge lesere fort vil komme inn i handlingen, og glemme sine eventuelle motforestillinger mot nynorsk.» CATHRINE KRØGER, Dagbladet ROBERT MUCHAMORE (f. 1972) er engelsk forfattar. Han arbeidde i tretten år som privatdetektiv før han skreiv bøkene i CHERUB-serien, som omfattar 12 bøker. Omsett til norsk av Øystein Rosse. UNGDOM Pris ca. kr 179,- ISBN: I sal

41 ASBJØRN RYDLAND: MED ELD I HJARTET. DRAKEGUTEN 2 Dramatisk oppfølgjar om Drakeguten I den første boka i fantasyserien Drakeguten blei Koll feira som ein helt. Han nedkjempa den fredlause Olvar Reveskinn og sikra landsbyen tilgang til skatten i drakehola. Men berre Koll sjølv veit den vonde sanninga om kva som skjedde i Søyleskogen, då han drap ein mann, og førte fleire i døden. I den andre boka i serien tek Koll den lange vegen til Vilkafjord for å motta dusøren for Reveskinnet. Her møter han 13 år gamle Eilyn som prøver å finne ut kven som stod bak drapet på bestefar hennar, ein viktig mann i Vilkafjords råd. Koll blir vikla inn i ein maktkamp på liv og død, og opplever på nytt korleis drakeelden han har i seg, fører ulykke med seg. Med ein rasande mobb og ein kaldblodig leigemordar i hælane har han snart ingen annan utveg enn å la flammane blusse opp igjen. Men lèt elden i hjartet seg styre? Asbjørn Rydland (f. 1976) er frå Seim i Hordaland og bur i Oslo. UNGDOM Pris ca. kr 279,- ISBN: Utg. oktober

42 TERJE TORKILDSEN: DYSTOPIA III Ny actionfylt bok i Dystopia-serien I den tredje boka i Dystopia-serien har 17-åringane Scott, Victor, Kristine og Deepika komme til Belgia. Utmatta etter vandringa gjennom det katastroferamma landskapet, finn dei til slutt ly i slottet til markien av Moulindam. Men ikkje før dei har komme seg i hus, begynner dramatiske ting å skje: Kokka blir funnen drepen, og det er uråd å få tak i hjelp ettersom telefonen ikkje verkar. Det blir opptakten til eit klaustrofobisk drama i rein cluedostil, der den eine etter den andre blir mistenkt, og fleire liv går tapt på vegen. Og midt i det hele skjønar Kristine at ho er gravid, og den elles så tøffe jenta balanserer på grensa til kva ho kan tole. Dystopia-serien er ein actionfylt spennande serie for utolmodige lesarar frå ca. 14 år og oppover. Terje Torkildsen (f. 1971) debuterte i 2008 med ungdomsromanen Marki Marco. I 2009 kom den første boka i spenningsserien DYSTOPIA. UNGDOM Pris ca. kr 229,- ISBN: I sal

43 POCKET UNGDOM: TERJE TORKILDSEN: MARKI MARCO Uprisvinnaren frå 2009, no i pocketutgåve! Kjærleik og action er viktige ingrediensar i denne eventyrlege thrilleren om 16-åringen Marco frå byen Moulindam. Ein morgon då han snik seg inn i slottsparken for å studere fuglelivet, oppdagar han ei naken kvinne som står og røykjer. Denne oppdaginga blir starten på den beste og verste sommaren i Marcos liv. Mafiaen, ein galen skogvaktar og Marcos næraste familie gjer situasjonen livsfarleg, og Marco må gå i dekning. Frå ungdomsjuryens grunngiving til Uprisen 2009: «Det vi ungdom ser etter i en god bok er spenning, godt språk, innlevelse, uforutsigbare hendelser, gode spenningskurver, originalitet og at boka omhandler ungdom. Vinnerboka inneholdt alle disse punktene.» «Debut i særklasse» Petra Helgesen, Bergens Tidende Terje Torkildsen (f. 1971) er frå Stavanger. Han debuterte i 2008 med ungdomsromanen Marki Marco. I 2009 kom den første boka i spenningsserien DYSTOPIA, den tredje boka i serien kjem i haust. POCKET Pris kr 129,- ISBN: I sal

44 ASBJØRN RYDLAND: DRAKEGUTEN Ny norsk fantasy - no i pocket! Stallguten Koll drøymer om å bli ein stor krigar og kunne gjere som han sjølv vil. Han må velje kven han skal stole på: den krigarske læraren sin, den gode faren, det griske landsbyrådet eller den underlege stemma han høyrer i nordavinden. Kan ein velje å ta det gode sitt parti, etter å ha vore med på å lage vondskap? Dette er den første boka serien om Drakeguten. Bok nummer 2 kjem ut i haust. «Rydland gjør to løfterike ting i sitt debutarbeid som umiddelbart forteller denne anmelderen at han har noe å fare med. For det første fremviser han en sterk litterær evne; mannen kan skrive. For det andre klarer han å gi det poetiske språket en relevans for oss som leser her og nå.» Marius Fossøy Mohaugen, barnebokkritikk.no Asbjørn Rydland (f. 1976) er frå Seim i Hordaland og bur i Oslo. POCKET Pris ca. kr 179,- ISBN: Utg. oktober

45 SAKPROSA: Historie IDAR LIND: KVINNENE I RINNANBANDEN Ei ukjend kvinnehistorie Sydama Ragnhild Strøm var den første kvinna som vart verva av Henry Rinnan til tysk teneste. Heilt frå Rinnanbanden vart etablert på nyåret 1942, spelte kvinnene ei sentral rolle. Nesten ein fjerdedel av dei drygt 70 medlemmene var kvinner. Fleire av kvinnene som gjekk inn i arbeidet for Rinnan, trudde dei gjorde ein heiderleg innsats for motstandsrørsla. Andre sympatiserte ope med fienden. Idar Lind fortel historia om kvinnene i banden av angivarar, torturistar og drapsmenn, ei historie som ikkje er fortald før. Idar Lind (f. 1954) debuterte som romanforfattar med Stengde dører i Sidan den gongen har han skrive ungdomsbøker, kriminalromanar, historiske romanar, dramatikk og sakprosa, mellom anna Norrøn mytologi. Frå a til å. Lind er busett i Trondheim. HISTORIE Pris ca. kr 349,- ISBN: Utg. september

46 KRISTIN HATLEDAL: KVINNEKAMP. HISTORIA OM NORSKE MOTSTANDSKVINNER Ein livsfarleg kamp Historikaren Kristin Hatledal syner at norsk motstandskamp under krigen også var kvinnene sin kamp. 26 norske kvinner miste livet på grunn av motstandsverksemd, og alt frå husmora med 14 ungar til ungjenta på 15 år kasta seg inn i kampen mot okkupantane. Kristin Hatledal gir oss det breie biletet av norske kvinner sin innsats, samstundes som ho portretterer sentrale motstandskvinner som Anne Marie Breien, Dagmar Lahlum, Ingeborg Refling Hagen og systrene Helga og Aasta Stene. Kristin Hatledal (f. 1983) har mastergrad i historie frå Universitetet i Oslo. Masteroppgåva handla om Dagmar Lahlum. Hatledal kjem frå Stryn, men er busett på Lillestrøm. HISTORIE Pris ca. kr 329,- ISBN: Utg. september

47 SAMTID OG DEBATT: MARCEL ROSENBACH & HOLGER STARK: STATSFIENDE WIKILEAKS. KORLEIS EI GRUPPE HACKARAR UTFORDRAR VERDAS MEKTIGASTE NASJONAR Korleis kunne ei handfull nettaktivistar klare å ramme supermakta USA og andre så hardt? Etter lekkasjar av hemmelege rapportar frå amerikanske ambassadar og dokument om krigen i Afghanistan og Irak har den amerikanske regjeringa erklært WikiLeaks som statsfiende. Under den omstridde frontfiguren Julian Assange har gruppa utfordra USAs sikkerheit og omdøme på det sterkaste. No blir dei forfølgde med alle midlar. Korleis kunne ei handfull nettaktivistar klare å ramme supermakta USA og andre så hardt? Boka tar for seg personen Julian Assange, og kva som har drive han. Forfattarane Holger Stark og Marcel Rosenbach har følgt Assange og andre nettaktivistar i årevis, og også vore sentrale i Der Spiegel med WikiLeaks-avsløringane. Dei gir oss eit første overblikk over fenomenet og utviklinga av WikiLeaks, eit eksklusivt innsyn i hackerverda, og forklarer kvifor statsløyndomar aldri meir er trygge. Boka legg premissane for debatten om det nye mediedemokratiet : Har folk flest rett til å vite statsløyndomar? Er WikiLeaks framtidas undersøkjande journalistikk, eller den farlegaste sida på Internett? Frå tysk ved Guro Sandnes. Marcel Rosenbach(1972) og Holger Stark(1970) er skrivande redaktørar i Spiegel, og har lang røynsle med journalistikk om media, datahacking og hemmeleg tenester. Dei har også jobba med WikiLeaks-avsløringar i Spiegel. DOKUMENTAR Pris ca. kr 299,- ISBN: Utg. oktober

48 SYLFEST LOMHEIM: TALE ER GULL Uventa utspel frå markant språkpolitikar Talen er for oss menneske vår avgjerande reiskap og det mest verdfulle vi har i privatlivet, i samfunnslivet og i yrkeslivet. Mennesket har plassert seg i eit triangel som består av tale, tekst og teknologi. Teknologibasert kommunikasjon er på frammarsj med stormsteg. Talen den fysiske, ansikt til ansikt blir gradvis meir marginalisert. Er vi laga for ei slik utvikling? Toler vi konsekvensane av det som skjer med oss og rundt oss? Aldri før har mennesket stått i ein slik situasjon mellom langsam biologi og eksplosiv teknologi. Sylfest Lomheim (f. 1945), professor i norsk og omsetjing ved Universitetet i Agder. I sju år gav han Språkrådet eit ansikt og ei røyst som uredd, humørfylt og markant direktør og debattant. Har gitt ut fleire bøker, m.a. Språkteigen, Skrifta på skjermen og Språkreisa. DEBATT Pris ca. kr 299,- ISBN: Utg. september BÅRD VEGAR SOLHJELL: SOLIDARITET PÅ NY Kva bekymrar deg mest for dine eigne barn i framtida? Om dei skal få nok pengar? Eller om dei skal ha vener, god helse og bli lukkelege som vaksne? I følgje SSB skal Noreg bli 2-3 gonger så rike dei neste 50 åra. Vår generasjons store utfordring er ikkje lenger å sikre at vi blir så rike som mogeleg. Vi må setje oss andre mål. I staden for at vi skal få meir, må vi sjå kva som kan gjere at vi får det betre. Dette er ei personleg farga historie om venstresidas og det raudgrøne prosjektet si framtid og grunngjeving. SV-nestleiaren skriv ærleg og innsiktsfullt om korleis tvil og dilemma kan og bør prege strategi og avgjerder i store og små saker. Ei modig og perspektivrik debattbok frå ein folkeleg sosialist. Ope og fordomsfritt kjem vi på innsida av det raudgrøne prosjektet; Ikkje i form av sladder, men refleksjonar kring det å regjere. Solhjell peikar ut sin visjon og retning for dette politiske kompromisseksperimentet, men også for sitt eige parti SV. Bård Vegar Solhjell (f 1971) frå Sunnfjord, Sogn og Fjordane, er utdanna statsvitar. Han har vore nestleiar i SV sidan Kunnskapsminister , sidan det parlamentarisk leiar for SV. Han er gift, har tre born og bur i Son i Akershus. DEBATT Pris ca. kr 299,- ISBN: Utg. november

49 ESSAY: JON FOSSE: ESSAY Fosse om teater og litteratur I 1989 gav Jon Fosse ut essaysamlinga Frå telling via showing til writing. Ti år seinare kom Gnostiske essay. Fosse sine essay har det lenge ikkje vore mogleg å få tak i. No er dei alle samla i éi bok, ei rik kjelde for den som vil bli kjend med Fosse sitt syn på mellom anna teater og litteratur, men òg med Fosse sjølv. I forordet til Gnostiske essay skriv Fosse: Eg gir ut mi andre samling essay, og sit og tenkjer at det i framtida nok ikkje burde koma så mykje essayistisk skrift frå meg, det vesle eg veit kan seiast betre i andre språk. Etter to essaysamlingar tok Fosse farvel med teorien. Han valde diktinga, men det hender han skriv noko meir teoretisk. Til slutt i denne boka finn du Skrivingas gnosis, eit Fosse-essay som ikkje tidlegare har vore publisert på norsk. Jon Fosse (f. 1959) blir rekna som ein av dei viktigaste norske forfattarane i vår tid. Tekstane hans er omsette til over 40 språk, og skodespela er sette opp snart 1000 gonger i heile verda. Fosse har motteke ei rekkje prisar i både inn- og utland, og er av kritikarar blitt omtalt som det 21. hundreårets Beckett. ESSAY Pris ca. kr 299,- ISBN: Utg. september

50 GEIR HJORTHOL: TILBAKETREKNINGA. LITTERATURENS POLITIKK I DAG SOLSTADS FORFATTARSKAP Korleis skal vi forstå forholdet mellom litteratur og politikk i dag? Med analysar av bøker frå tre ulike tiår i Dag Solstads særeigne forfattarskap, undersøkjer Hjorthol korleis romanane hans, også etter samanbrotet i den revolusjonære utopien, er ein stad der det politiske kan dukke opp som nye måtar å sjå og skildre røynda på. Boka gjer synleg eit makt- og fridomsproblem som går som ein raud tråd gjennom heile forfattarskapen. Samtidig viser Hjorthol kor tett samanvoven den litterære forma er med den politiske og eksistensielle tematikken hos Solstad. Innleiing ved Tom Egil Hverven. Geir Hjorthol (f. 1952). Førsteamanuensis i nordisk litteratur ved Høgskulen i Volda. Dr. philos ved NTNU på Dag Solstads forfattarskap. Tidlegare utgivingar: Populærlitteratur: Ideologi og forteljing (1995) og Forfattaren i eksil. Kjartan Fløgstad og biografien (1996). ESSAY Pris ca. kr 329,- ISBN: Utg. oktober

51 MARTA NORHEIM: FRIKSJONAR. ESSAY FRÅ KULTURELLE GRENSEOMRÅDE Om kritikk, kunst og litteratur Kritikaren Marta Norheim utforskar dei uklare sonene som dannar seg i skjeringspunkta mellom kunst og samfunn, mellom natur og kultur. Dette fører fram til spørsmal som: Kvifor er det såmange vampyrar i populærkulturen og så mange personlege historier i skjønnlitteraturen? Er den som likar dårlege bøker eit dårleg menneske, eller er det dei som tenkjer slik som er dei dårlege? Kva har skjedd når deltakaren oppfører seg som ein tilskodar, og korleis kan eg vite at ei bok er god? Blir vi overflatiske av å storforbruke sosiale medier eller blir vi berre meir sosiale? Kva er forresten gale med overflata? Og kva er i gjære når det misbrukte ordet natur tek til å dukke opp i samfunnsdebatten? Alle essaya er nyskrivne. Marta Norheim (f. 1955) er journalist og litteraturkritikar. Ho har arbeidd med ulike litteraturprogram i NRK radio, mellom anna Boktilsynet og Kulturnytt. I 2007 gav ho ut essaysamlinga Røff guide til samtidslitteraturen. ESSAY Pris ca. kr 349,- ISBN: Utg. oktober

52 GURI OG SIGRID SØRUMGÅRD BOTHEIM, KJERSTI OG INGRID ROGNES SOLBU (RED.): SØSKEN Ærlege og kjærlege tekstar om søsken Søskenforhold er eit grunnmotiv i litteratur og kunst, eit motiv som er nært knytt til store tema som kjærleik, sjalusi, tilhøyring og identitet. Boka Søsken undersøkjer søskenskapet frå ulike perspektiv: personleg, etymologisk, naturvitskapleg, skjønnlitterært og visuelt. Boka er eit samarbeid mellom Samlaget og tidsskriftet Ratatosk. Med bidrag frå: Gunnhild og Olav Øyehaug, Svein og Egil Nyhus, Vemund og Øyvind Solheim Ådland, Marte og Kirsti Huke, Anja og Mari Ulset, Kjersti Rorgemoen, Tomas Espedal, Juliane Rui, Henning Bergsvåg, Selma Lønning Aarø, Marita Liabø, Ero Karlsen, Vera Kvaal, Frode Grytten, Nina Goga, Hans Sande, Tor Eystein Øverås og mange fleire. Guri (f. 1978) og Sigrid (f. 1985) Sørumgård Botheim kjem frå Lesja og gav i 2009 ut romanen Rammstein pensionat. Dei bur i Trondheim og Oslo. Kjersti Rognes Solbu (f. 1979) bur i Bergen, er lærar og dagleg leiar i Landslaget for norskundervisning. Ingrid Rognes Solbu (f. 1985) bur i Trondheim og er produsent ved Teaterhuset Avant Garden. ESSAY Pris ca. kr 299,- ISBN: Utg. september

53 HUMOR: JON HJØRNEVIK: FLUKTA FRÅ REKKEHUSET Heldigvis er det alltid ein utveg på ting. Heldigvis har også den ofte nokså fengslande kvardagen tusenvis av utvegar. Du kan berre gå frå alt utan å gi beskjed, du kan stikke til fjells, til skogs, eller til havs, du kan rømme inn i ei bok på tusenvis av sider, du kan flukte ned i ei flaske med noko sterkt, du kan forsvinne i ein fotballkamp, du kan drøyme deg vekk i ein pornofilm, du kan ringe til ein gamal slektning og sei at du kjem og blir nokre veker, du kan stele ein bil, du kan forlate verden i eit dikt, du kan gjere noko kriminelt og få politiet til å hente deg, du kan kjøpe deg eit tau, bli sjølvmordsbombar, du kan kle deg ut som julenisse, du kan hoppe av bussen, på eit busstopp eller i fart, du kan reisepå ferie og ikkje komme tilbake, du kan hoppa av karusellen, du kan hoppe av flyet ditt om det mellomlandar i Romania eller gifte deg vekk i Afrika utan å legge att så mykje som ein post-it lapp til næraste familie. Det er eigentleg enkelt å flukte, men ikkje for alle. Jon Hjørnevik har prøvd å flukte frå det meste her i livet, mellom anna overbetalte kjedelege jobbar, fjerne slektningar som vert for nære, snille kjærestar som vert for snille, alt for kåte hundar, illsinte tyskarar og godt isolerte rekkehus. Alt med blanda hell. Det har som regel enda med at han har flukta til eit nytt problem, og dette problemet gjentek seg. No har Jon Hjørnevik for femte gong rota seg vekk i ei diktsamling. JON HJØRNEVIK (f.1970) er frå Voss. Han er komikar og står bak fleire humoristiske diktbøker på Samlaget. HUMOR Pris ca kr 229,- ISBN: Utg. oktober

54 BIOGRAFI: ARNHILD SKRE: HULDA GARBORG NASJONAL STRATEG «Hva ved de om mig alle disse som tror sig berettiget til at holde Tale for mig fordi jeg har danset lidt med nogen Ungdommer og især fordi jeg er Garborgs Kone? Ingenting.» Hulda Garborg ( ) tok oss på kornet i dagboka si. I denne rikt illustrerte biografien fortel historikar og journalist Arnhild Skre også om alt det andre Hulda Garborg var: Populær dramatikar og ein produktiv omsetjar med stor eigen forfattarskap og omfattande journalistisk produksjon. Ho var ungdomsidol og kosthalds- og livsstilsreformator. Dessutan husflidsgründer, grunnleggjar av Det Norske Teatret og ein av dei mest vidreiste og samtidsorienterte kulturarbeidarane landet har sett. Ikkje minst var ho ein utrøytteleg opposisjonell som kunne skjelva for småting i unge år, men som i vaksen alder tolte den beinharde norskdomskampen best av alle. Kanskje hadde ho for lite sjølvkritikk, og kanskje var ho litt for glad i sterke menn? Nært og usminka om Huldas krevjande samliv med Arne Garborg, ein av Noregs mest framståande forfattarar. Arnhild Skre (f. 1952) har solid og mangslungen røynsle som kulturjournalist i fleire år i NRK, Dag og Tid og Aftenposten. Ho er historikar av utdanning, har skrive fleire bøker, sist den kritikarroste biografien om Ragnhild Jølsen. Samtidig som ho har nylese alt Hulda har skrive, har ho reist i fotefara til Hulda, så vel i Noreg som i Tyskland, USA, Frankrike, Italia og på Færøyane. BIOGRAFI Pris ca. kr 399,- ISBN: Utg. september

55 KULTURHISTORIE: OLAV H. HAUGE: DAGBOK I UTVAL Verdslitteratur og fruktdyrking i Hardanger Frå han var 15 år og fram til veka før han døydde, førte Olav H. Hauge ( ) dagbok. Med nær 4000 boksider av høgste litterære kvalitet er denne dagboka eineståande i sin sjanger, og ho har vore eit kult- og referanseverk sidan utgivinga i Det er refleksjonar om litteratur frå heile verda, iblanda tankar og hendingar frå kvardagen og fruktdyrkinga i Ulvik. Her er eit vell av fyndord, ordtak og originale aforismar. Hauge tek også med dei mørkaste stundene som åra då han var innlagd på sinnsjukehus, samtidig som ein får innsyn i kva som er bakgrunnen for mange av dikta hans. Redigert av Sverre Tusvik. Olav H. Hauge ( ). Gartnaren frå Ulvik kalla seg gjerne sjølv «ein vanleg arbeidsmann». I tillegg til eigne dikt gav han ut fleire samlingar med gjendiktingar av engelsk, fransk og tysk lyrikk. Olav H. Hauge var både klassisist og modernist; han kjende og brukte mange strofeformer og poetiske verkemiddel. Dikta hans har ein eineståande appell på tvers av generasjonane og han er omsett til 25 språk. DAGBOK Pris ca. kr 299,- ISBN: Utg. september

56 ERLING LÆGREID: NÆRGÅANDE SKISSER Varmt utleverande om spennande personar Den mildt sarkastiske og slagferdige NRK-medarbeidaren leverer usminka og nærgåande miniportrett av 40 personar i norsk kultur- og samfunnsliv. Med varme og sympati syner desse minneglimta delvis ukjende episodar og sider ved personar som har vore med og prega den nære fortida vår, som Jens Bjørneboe, Karl Evang, Agnar Mykle, Tarjei Vesaas, Olav H. Hauge, Halldis Moren Vesaas, Jakob Sande, Geirr Tveitt, Hartvig Kiran, Einar Gerhardsen, Torolv Elster, Kåre Fostervoll, Harald Sæverud, Marie Takvam, Inger Hagerup, Aslaug Vaa, Ola Raknes, Mosse Jørgensen, Per Aabel, Arnljot Eggen, Erik Bye, Guttorm Hansen, Arthur Klæboe og Einar Førde. Alle er døde, men i sin uvørdne, egosentriske, direkte og særeigne stil evnar Lægreid å vise kor levande dei var. ERLING LÆGREID (f. 1939) er forfattar og journalist og jobba i NRK frå 1970 til Han arbeidde i Barne- og Ungdomsavdelinga og var programleiar i «Ungdommens Radioavis», Flimra og Søndagsavisa. Han var også med på å etablere radiomagasinene Ekko og Dagsnytt 18 og har vore ansvarleg for ei rekkje kulturprogram i P1 og P2. PORTRETT Pris ca. kr 299,- ISBN: I sal

57 HOBBY, MAT OG DRIKKE: KARIN HOLMBERG: STILIGE STING Broderi er ein av dei eldste tradisjonane i Norden, samstundes har det å brodere aldri vore så trendy og moderne som det er no. Stilige sting inneheld kring 40 moderne mønster inspirerte av svenske landskapsbroderi, alt frå broderte hettejakker til dukar. Karin Holmberg lyftar fram mange av dei tradisjonelle svenske broderisaumane og bruker dei i nye og uventa kombinasjonar. Her finn du broderitips til både klede og innreiing. Det einaste du treng, er nål og tråd! Karin Holmberg (f. 1981) er utdanna på Handarbets Vänners Skola i Stockholm. Ho fekk stor merksemd med eksamensutstillinga der ho hadde bordert landskapsbroderi på ferdige klede frå H&M. HOBBY Pris ca. kr 379,- ISBN: I sal GUNDA DJUPVIK: SMALHANS God mat på lågbudsjett Det er viktig å ete god mat i tronge tider då treng ein det mest! Her finn du oppskrifter på sunn og rask mat som ikkje kostar så mykje, både tradisjonsrike norske retter og eksotisk mat som er lett å lage sjølv. Du finn sunne og næringsrike supper, smakfulle middagar for kvardag og fest, gode småretter, søte og herlege dessertar, og sjølvsagt kaker til store og små. Fingermat og smakfulle dippar høyrer òg med. Boka inspirerer til å gå i gang på kjøkkenet med lyst og glede. Her får du også gode råd om korleis handle inn smart og økonomisk, korleis oppbevare maten lengst mogleg og kva du til kvar tid bør ha i skap og skuffer. God appetitt! Gunda Djupvik (f. 1966) er ivrig heimekokk, har fast matspalte i Sunnmørsposten og skriv om mat, parfyme og kjærleik i den populære bloggen altgodt.no. Gunda er frå Leikong på Sunnmøre, er utdanna jurist og bur og arbeider no i Oslo. KOKEBOK Pris ca. kr 299,- ISBN: Utg. august

58 MARTIN JOHANSSON: SURDEIGSBRØD Oppskrifter og tips frå ein heimebakar Eg elskar brød. I fleire år har eg bakt alt brødet vårt sjølv. Oftast med surdeig. Eg bakar klassiske rugbrød, men også lyse brød. Mange trur at surdeigsbrød alltid er mørke, harde og beiske. Slik er det ikkje. Nokre av dei beste brøda mine er høge, luftige brød som eg bakar på surdeig av kveitemjøl. Martin Johansson har skapt bakefeber med denne boka i Sverige, og har også gitt ut boka Enklare brød, om kna- og eltefrie brød. Å bake med surdeig er så enkelt som berre det og samstundes eit mysterium. Surdeigsbrød er ei funksjonell og praktisk kokebok for deg som vil bake ditt eige surdeigsbrød. Ho tek for seg ulike omgrep kring surdeig, oppskrifter på fleire typar deigar, ho viser korleis ein startar og matar ein surdeig, og gir råd om korleis ein bakar for å få best resultat. Her får du gjennomprøvde oppskrifter, underhaldande tekstar og tips, og til slutt ei ordliste over viktige baketermar. KOKEBOK Pris ca. kr 299 ISBN: I sal RUTH HEGE HOLST: I HULDAS KJØKKEN Den allsidige kokken Ruth Hege Holst har late seg inspirere av Hulda Garborg. Forfattaren og kulturformidlaren Hulda Garborg ( ) gav i 1898 ut kokeboka Heimestell. Holst har tatt utgangspunkt i dei beste rettane frå Heimestell og modernisert og tilrettelagt dei for dagens kjøkken. Dessutan har ho sjølv skapt nye rettar og smakskombinasjonar. Holst gjer som Hulda, ho kombinerer det beste frå det tradisjonelle og det moderne kjøkenet. Her finn du oppskrifter på flatbrød med spennande dippar, steikt makrell med sennep, gratinerte pannekaker, salatdressingar, suppekraft, baccalao og mykje, mykje meir. Boka er gjennomillustrert av fotograf Tove Kristin Breistein. Ruth Hege Holst er ein allsidig kokk med lang og brei erfaring, mellom anna som dagleg leiar ved Gastronomisk Institutt. No er ho leiar av Norges Kokkemesteres Landsforening (NKL). KOKEBOK Pris kr 399,- ISBN: Utg. august

59 DET LYSER I STILLE GRENDER Dei kjære julesongane Dette er boka for dei som ikkje kjenner seg heilt støe på alle versa i julesongane. Med denne boka i handa kan du syngja meir enn første verset når du går rundt juletreet eller er samla med familien til juleselskap. Boka inneheld 30 julesongar og salmar, fleire av dei trykte i begge målformer. SONGBOK Pris ca kr 149,- ISBN: Utg. oktober