Referat frå meklingsmøte

Transkript

1 Side 1 av 6 Referat frå meklingsmøte Herøy kommune Kommuneplanens arealdel Plansak - Partar (FMMR sak 2011/4679) Tid og stad Fylkeshuset Molde rom 102 kl Frå Herøy kommune: Arnulf Goksøyr; ordførar H Ann-Katrin Storøy; formannskapsmedlem H Olaug Andreassen; formannskapsmedlem Ap Jarl Martin Møller; utviklingsleiar Ole Magne Rotevatn; planleggar Til stades Møteleiar Blir også sendt Frå Fylkesmannen i Møre og Romsdal: Lodve Solholm; fylkesmann Linda Aaram ; direktør miljøvernavdelinga Jon Ivar Eikeland; fagsjef miljøvernavdelinga Harald Nymoen, skogbrukssjef landbruksavdelinga Kari Bjørnøy; rådgivar landbruksavdelinga Sveinung Dimmen; samordnar stab Fylkesmann Lodve Solholm Møre og Romsdal fylkeskommune Bakgrunn Spørsmål om mekling Herøy kommune har i brev av sendt førespurnad om mekling knytt til 2. gangs offentleg ettersyn til kommuneplanens arealdel. Utgangspunktet for meklinga er motsegn frå Fylkesmannen i Møre og Romsdal knytt til fem delområde/-tema i planen. Ordninga med mekling i motsegnssaker er lovfesta i plan- og bygningslova 5-6. For meir om motsegn og mekling, jf. rundskriv frå MD nr T-2/13 Planutkast til offentleg ettersyn og høyring Gjeldande arealdel til kommuneplan vart utarbeidd i Arbeidet med revisjon av kommuneplanen har pågått sidan Ny, revidert samfunnsdel vart vedtatt i Kommuneplanens samfunnsdel , saman med Kommunal planstrategi , har drøfta viktige utviklingstrekk og utfordringar for kommunen som samfunn og organisasjon, og på bakgrunn av dette gjort val i forhold til prioriterte satsingsområde og gjennomgåande perspektiv. Dette utgjer eit viktig grunnlag for vidare plan- og utviklingsarbeid i kommunen, og har såleis vore

2 med å legge viktige rammer og føringar for arbeidet med arealdelen. Side 2 av 6 Arealdelen vart sendt på første offentleg høyring Det kom inn ei rekke merknader til planutkastet. Frå Fylkesmannen (jf. høyringsfråsegn av ) og fylkeskommunen (jf. høyringsfråsegn) av ) si side vart det reist motsegn til deler av planframlegget. Kommunen har i etterkant av dette hatt tett kontakt og uformelle drøftingsmøte med Fylkesmannen og fylkeskommunen med søkelys på dei aktuelle konfliktområda. For fleire av områda er det skissert løysingar/avklaringar i høve til motsegnspunkta. Med justeringar og tilleggsutgreiingar på bakgrunn av innspel, merknader og drøftingsmøte med motsegnsinstansane vart planen sendt ut på 2. gangs offentleg ettersyn Høyringa knytt til nytt, revidert planutkast viser at det framleis er nokre konfliktområde som er uløyste. Fylkesmannen har etter dette motsegn til følgjande fem delområde/tema i planen (jf. høyringsfråsegn av ) : Nauststorleik over 40 m² (BRA) AN-D1 Myrvåg B49 Stokksund B1 og FB2 Kvalsund 4.3 LNF- område for spreidd utbygging Dette dannar utgangspunkt for meklingsmøtet. Vi viser elles til kommunen sitt oversendingsbrev av som inneheld ei kortfatta oppsummering av planprosessen, samt ei punktvis oppsummering av Fylkesmannen sine motsegner - og med kommunen sine vurderingar av desse. Drøftingane Fylkesmann Lodve Solholm gjorde innleiingsvis nærare greie for formål og rammer for meklingsmøtet, og det vart vidare vist til ein kort historikk/bakgrunn for saka. Det vart vist til at dette har vore ein lang og omfattande planprosess, der Fylkesmannen og fylkeskommunen har følgd planprosessen tett gjennom møte og synfaringar, og der partane har strekt seg langt for å legge til rette for kompromissløysingar under vegs. Eit viktig mål med meklingsmøtet vil vere å kome fram til eit positivt meklingsresultat. Gjennom dette vil kommunen sjølv kunne vedta ein oppdatert og overordna plan for vidare samfunnsutvikling og arealforvaltning. Frå kommunen si side vart det innleiingsvis retta søkelys både på planprosessen og på innhaldet i planen. Også kommunen understreka at dette har vore ei lang og omfattande plansak med mange merknader, innspel og forhandlingar under vegs. Drøftingane vidare tok utgangspunkt i kvart av dei fem konflikt-/motsegnspunkta. Kommunen gjorde først greie for sine forslag og vurderingar, før representantar for Fylkesmannen sine fagavdelingar (Landbruk og Miljøvern) gjorde nærare greie for dei faglege vurderingane som var lagt til grunn for motsegnene. 1. Nauststorleik over 40 m² (BRA) I utkast til plan er det i føresegna opna for at naust kan førast opp med BRA inntil 60 m². Dette er i strid med råda Fylkesmannen legg til grunn for utforming av naust der maksimal nauststorleik i kommuneplan er sett til 40 m² (BRA).

3 Side 3 av 6 Frå kommunens side vart det peika på at kravet om nauststorleik på inntil 60 m2 BRA var direkte knytt til praktiske og funksjonelle behovsvurderingar. For Herøy som kystkommune står fiske og båtliv sentralt både som næring og som fritidsaktivitet. Det vart også vist til at eit einstemmig kommunestyret hadde slutta seg til kommunens forslag om nauststorleik på 60 m2. Det vart vidare frå kommunen stilt spørsmål om rettsgrunnlaget for motsegn knytt til nauststorleik. Frå Fylkesmannen si side (v/miljøvernavdelinga) vart det vist til at råda er fastsett for å sikre ei langsiktig og berekraftig forvaltning av arealbruken i kystsona med omsyn til strandsoneverdiar knytt til landskap, natur, friluftsliv og allmenn ferdsel. Med referanse til dette vart det vist til det generelle byggeforbodet i plan- og bygningslova 1-8, og vidare utdjuping av dette gjennom dei statlege planretningslinjene for forvaltning av strandsona langs sjøen. Fylkesmannen har på bakgrunn av dette reist motsegn til at det i kommuneplanen er ei generell opning for naust på over 40 m² (BRA). Det vart vidare understreka at naust er å rekne som uthus. For å unngå at naust vert nytta som fritidsbustad/bustad er storleik og utforming avgjerande. Naust som er større enn 40 m2 kan gi ein 2 etasje som er eigna for innreiing til varig opphald. I tillegg vil store og høge naust vere meir konfliktfylt i høve landskapsomsyn. Kommuneplanar med naustområde må innehalde klare føresegner som styrer dette. Det vart elles med referanse til Fylkesmannen i Hordaland og Rogaland vist til korleis dette regelverket blir praktisert. Det vart likevel peika på at nauststorleik på inntil 60 m2 vil kunne vere aktuelle i område nærare avsett til slikt formålet på reguleringsplannivå. Dette kan t.d. vere aktuelt i område som allereie er nedbygde, eler i område med store bygg frå før. Store båtar må anten ligge ute heile året i småbåthamner eller oppbevarast på land i t.d båthotell. Dei vidare drøftingane viste at partane heldt fast på sine standpunkt. Fylkesmann Lodve Solholm opna for at spørsmål om nauststorleik på eit meir prinsipielt grunnlag vil kunne reisast i form av eit eige brev til departementet. Herøy kommune heldt fast på at spørsmålet burde avklarast i forhold til planutkastet. Motsegna står ved lag, og dersom kommunen ikkje tar motsegna til følgje blir planen oversendt departementet. 2. AN-D1 Myrvåg Dette omfattar eit deponiområde som ligg innafor det nasjonalt prioriterte kystkulturlandskapsområde fjordlandskapet i Herøy, Ulstein og Hareid. Skjergarden her med viker og bukter, holmar, små øyer og skjer er eit viktig område for det sjøbaserte friluftslivet. Fylkesmannen har reist motsegn til avgrensinga av området som medfører utfylling i sjø, og elles har negative verknader for friluftsliv, landskap og biologisk mangfald. Frå kommunen si side vart det peika på at Myrvåg er eit viktig område for etablering og vidareutvikling av industri og næring. Myrvåg er eit viktig trafikknutepunkt og ligg sentralt plassert for heile søre Sunnmøre. Behovet for eit deponiområde for mold-, myr- og steinmassar i dette området er stort. Området AN-D1 i planutkastet er etter kommunens vurdering godt eigna for dette formålet. Ingen andre område eller lokalitetar er vurdert som aktuelle alternativ. Frå Fylkesmannens side (v/miljøvernavdelinga ) vart området sine natur- og

4 Side 4 av 6 miljøkvalitetar framheva, med særleg vekt på at sjøområdet er eit beiteområde for sjøfugl og at oteren har fast rute opp og ned bekken som renn ut inst i området som er tenkt fylt ut. Behov for avklaring i forhold til eventuell avrenningsproblematikk mot sjø vart m.a. påpeika. Det vart vidare reist spørsmål rundt sjølve «deponiomgrepet». Det er viktig å få klarlagt kva type deponi det her er snakk om. For eventuell deponering av «ureine» massar vil det t.d. måtte stillast særskilde krav. Kommunen må derfor gjere ei nærare avklaring i forhold til dette. På bakgrunn av dei vidare drøftingane vart det konkludert med at Fylkesmannen vil kunne trekke motsegna dersom det i føresegnene blir klargjort at deponering av masse omfattar «plassering av reine overskotsmassar». Det vart vidare påpeika at planformålet blir endra frå «deponiområde» til «næringsområde». Tilkomst og nærare utvikling av området må seinare avklarast gjennom reguleringsplan. 3. B49 Stokksund Planforslaget opnar for bustadbygging på eit markert høgdedrag og eit bratt berg mot sjøen på sørsida av Storeneset. Motsegna frå Fylkesmannen er knytt til området sine særlege natur- og miljømessige kvalitetear knytt til strand- og kystsone. Topografien i området gjer at bygging nær sjøen vil medføre store negative verkander for landskapet. Det blir også vist til at området er nytta av oter, og at oteren er ein sårbar raudlisteart. På bakgrunn av dette er det reist motsegn til bygging innafor hundremetersbeltet på gnr. 56 bnr. 80 og gnr. 55 bnr. 2. Det er også reist motsegn til at planen opnar for busetnad heilt ned mot sjøen på nordsida av Storeneset. Ny busetnad må her avgrensast til det næraste arealet langs vegen. Frå kommunens side vart det vist til at ein gjennom justering av plangrensene i tråd med merknadene frå Fylkesmannen vil kunne ta motsegna til følgje. Som ledd i dei vidare drøftingane vart eit justert skisseutkast utarbeidd (sjå vedlegg). I tråd med dette vil kommunen i samråd med Fylkesmannens miljøvernavdeling kunne legge fram eit justert planframlegg. På bakgrunn av dette vil Fylkesmannen kunne trekke motsegna. 4. B1 og FB2 Kvalsund Området B1 og FB2 er lagt ut til bustader og fritidsbustader, og ligg like aust for eit allereie regulert område. Frå kommunens side vart det peika på at området er tenkt som ei vidareutvikling av detaljreguleringsplanen for Koparstad, og vil kunne inngå som eit viktig område for fritid, turisme og hytter langs sjøen. Det er viktig å kunne tilby sjønære bustad- og fritidsområde. Satsing på fritidsbustadar med tilknyting til sjøen er ei strategisk satsing som også er nedfelt i kommuneplanen sin samfunnsdel. Ei utbygging i området vil elles vere gunstig med tanke på vidare konsentrasjon av infrastruktur i form av veg, vatn og avløp. Frå Fylkesmannens side (v/landbruksavdelinga) vart det peika på at området har om lag 14 dekar fulldyrka jord og beitemark, og ligg innanfor det som er vurdert som kjerneområde for landbruk. Det vart understreka at det er dårleg arealforvaltning å nytte eit samanhengande jordbruksarealet til utbygging slik det her er lagt opp til. Område nord for vegen som er sett av til spreidd utbygging vil kunne vere eit aktuelt utbyggingsalternativ. I dei vidare drøftingane heldt Fylkesmannen fast på si motsegn. På bakgrunn av dette vil kommunen ta området ut av planen. Kommunen opna elles for ein vidare diskusjon knytt bustadbehov og bustadutbygging i kommuneplanen. I samband

5 Side 5 av 6 med dette kom kommunen med eit konkret framlegg om å ta inn igjen i planen eit justert utkast for bustadområdet B21 i Frøystadvågen. Fylkesmannen v/landbruksavdelinga peika på at ei justert avgrensing av området, i tråd med innspela som kom fram på møtet, her vil kunne danne grunnlag for ei ny vurdering LNF- område for spreidd utbygging Føresegner for LNF-område der spreidd utbygging vert tillate, er etter Fylkesmannen si vurdering for lite spesifikke. Fylkesmannen har motsegn mot føresegnene for LNF-spreidd slik dei er utforma i planutkastet. Kommunen peika på at føresegna, slik som ho er utforma, sikrar at det skal takast omsyn til «verdifull dyrka jord» innanfor LNF-område der spreidd utbygging vert tillate. Omsynet til lokalt sjølvstyre tilseier her at kommunen sjølv står nærast til å ta ansvar for dei samla vurderingane og stå inne for dei vedtak som skal fattast på bakgrunn av dette. Dette vil kunne sikre kommunen både større fleksibilitet og handlingsrom. Det vart m.a. vist til Sykkylven kommune som har ei tilnærma lik føresegn for LNF-område der spreidd utbygging vert tillate. Frå Fylkesmannen (v/landbruksavdelinga) vart det understreka at formuleringar knytt til føresegnene må vere klare og eintydige. Skjønsmessige vurderingar bør unngåast. Bustadtomter skal ikkje plasserast på dyrka jord, og dei skal heller ikkje fragmentere jordbruksareal verken i seg sjølv eller gjennom vegtilknyting. Dersom det ikkje let seg gjere å finne slike tomter innanfor areal sett av til LNF-spreidd, bør ikkje arealet leggast ut som LNF-spreidd. Muligheitene og fleksibiliteten vil her m.a. kunne ivaretakast gjennom dispensasjonssøknader. Dette vil samstundes også kunne medverke til sikre kommunen både større styringsevne og tilstrekkeleg fleksibilitet. I dei vidare drøftingane lykkast det ikkje å kome til semje om kompromiss i forhold til ordlyd. Kommunen uttrykte at dei på dette punktet var ueinig med Fylkesmannen sine vurderingar, men fann likevel ikkje grunnlag for å halde fast på framlegget slik det er utforma i planutkastet. På bakgrunn av dette vil kommunen endre ordlyden i tråd med Fylkesmannen sine krav. Dette opnar for at Fylkesmannen kan trekke motsegna. Konklusjon Meklinga førte delvis fram. Nauststorleik over 40 m² (BRA); motsegna står ved lag AN-D1 Myrvåg; kommunen justerer planen og Fylkesmannen vil på bakgrunn av ny vurdering kunne trekke motsegna B49 Stokksund; kommunen justerer planen og Fylkesmannen vil på bakgrunn av ny vurdering kunne trekke motsegna B1 og FB2 Kvalsund; kommunen tar området ut av planen 4.3 LNF- område for spreidd utbygging; kommunen justerer ordlyden i føresegna og Fylkesmannen vil på bakgrunn av dette kunne trekke motsegna Kommunen vil i samråd med Fylkesmannen kunne justere planen og elles ta ut planområde slik det kom fram under drøftingane. Motsegna frå Fylkesmannen til planen vil etter dette kunne trekkast.

6 Side 6 av 6 Kommunen må i tråd med dette vurdere resultatet av meklinga, og på bakgrunn av dette gjere vedtak i saka. Dersom kommunestyret i sitt i sitt vedtak ikkje tar omsyn til motsegna/ meklingsresultatet, blir saka sendt til Fylkesmannen i Møre og Romsdal for vidare oversending til Kommunal og moderniseringsdepartementet for endeleg vedtak. Departementet sitt vedtak i saka kan ikkje påklagast. Molde Sveinung Dimmen, Samordnar Vedlegg: Revidert kartskisse B49 Stokksund