Reguleringsføresegne Vossevangen

Transkript

1 Side 1 av 6 Arkivsak: 99/702 Planidentitet: Plannummer: Sakstittel: Reguleringsføresegne Vossevangen REGULERINGSPLAN FOR VOSSEVANGEN Saksbehandlar / planleggjar: Olav Bjørke, Voss kommune Tekniske tenester Saksbehandling: Forslag til reguleringsplan og føresegner utarbeidd av Olav Bjørke, dat Revisjon av planen den Revisjon av føresegnene den og etter kommunestyret sitt vedtak den Vedtak i det faste utvalg for plansaker om utlegging til off. ettersyn den sak 0045/03 Utlegging til offentleg ettersyn fram til den Vedtak i det faste utval for plansaker den sak 0118/03. Vedtak i Voss kommunestyre den sak 0068/03. Kunngjering den Revdert etter vedtak i Kommunestyret den , sak 27/07 Revidert (plankart) etter vedtak i Kommunestyret den , sak 38/08 Revidert etter vedtak i Kommunestyret den , sak 45/08 1. Planavgrensing Det regulerte området er på planen vist med reguleringsgrense. Arealet er også avgrensa mot Vangsvatnet, Vosso og Strandaelva. Innanfor denne grensa skal arealet nyttast som vist på planen. 2. Reguleringsføremål I samsvar med 25 i plan- og bygningslova, er arealet regulert til fylgjande formål: 1. Byggeområde, 25.1 Bustader. Forretning Kontor Industri, lager.

2 Side 2 av 6 Offentlege bygningar. Allmennyttige føremål. Område for turistanlegg 2. Offentlege trafikkområder, Friområder, 25.4 Offentleg køyreveg, parkering Offentleg gangveg, fortau, miljøgate, plass m.v. 4. Spesialområde, 25.6 Verneverdige bygningar eller område med kulturhistorisk verneverdi Friluftsområde i vassdrag 5. Fellesområder, 25.7 Felles avkøyrsel Felles parkeringsplass 5. Områder til fleire føremål, 25.8 Kontor, bustader Forretning, bustader Forretning, kontor, bustader. Forretning/kontor Forretning/kontor/industri Forretning/offentleg 3. Arealbruk til ulike føremål (Bruk av areal) Kommunen kan krevja framlagt samla utbyggingsplan for eit større område dersom kommunen vurderer det som naudsynt for einskilde byggesaker. Eksisterande bygningar inngår i planen, dersom ikkje noko anna er vist. Verneverdien av bygningane i strøket skal vurderast før kommunen gjev løyve til riving eller omfattande ombygging. Fyrste høgda av bygningane skal ikkje lukkast mot gate. Bustader Eksisterande bustader inngår i planen. Open busetnad på tomter skal ha 1,5-2 høgder. Kommunen kan godkjenna fortetting på ledige areal mellom eksisterande bustader, der tilhøva ligg til rette for dette. Kommunen kan krevja at det vert gjort støyreduserande fasadetiltak på nye bustader.

3 Side 3 av 6 Forretning / kontor og forretning/kontor/bustader Første høgda kan innreiast til forretningar, mindre verkstader eller rom for almennyttige føremål dersom aktivitetane etter det faste planutvalet sitt skjønn ikkje er til ulempe for omgjevnadene. Kommune kan etter søknad, også godkjenna bruk av første høgda til kontorfunksjonar. Der første høgda i dag er innreidd til butikk, lager, utstilling, verkstad eller tilsvarande, vert det ikkje tillete omdisponering til reine bustadfunksjonar. Andre høgda kan innreiast til forretning eller kontor. Kommunen kan etter søknad også godkjenna bruk av andre høgda til bustadføremål. Tredje høgda og evt. loft eller inntrekt fjerde høgd skal primært brukast til bustader men kontor kan også godkjennast. Innan området vert det ikkje tillate ført opp reine lagerbygg. Industri, verkstader, lager Eksisterande verksemder inngår i planen. Dersom nye aktivitetar skal etablerast, skal desse godkjennast av kommunen. Almennyttige føremål. Bygningane kan også innehalda ein bustad. Offentlege bygningar Ved vidare utbygging innan områda, kan kommunen krevja framlagt samla plan for utnytting av delar eller heile kvartal. Forretning/offentleg Bygning kan her oppførast under bakkenivå 4. Offentleg køyreveg Parkeringsanlegg kan plasserast under trafikkarealet. Nødvendige støydempingstiltak skal vera ein del av slik plan. Før ombygging eller nybygging av offentlege køyrevegar eller parkeringsplassar, skal detaljert plan leggjast fram for kommunen til godkjenning. 5. Offentleg gangveg, fortau, miljøgate, gang- og sykkelareal og gangfelt for kryssing Parkeringsanlegg kan plasserast under trafikkarealet.

4 Side 4 av 6 Før ombygging av køyregater til miljøgate/gatetun/gågate skal det leggjast fram detaljert byggeplan for kommunen til godkjenning. Fortau, busslomme, gang- og sykkelvegar og gangfelt skal byggjast ut samstundes med utbygging av nye vegføringar. 6. Friområde Før opparbeiding skal detaljerte planar leggjast fram for kommunen til godkjenning. Kulturminnefaglege interesser skal avklarast og planar for opparbeiding av Holbergsplass og friområde inntil Vangskyrkja og Olavskrossen skal godkjennast av kulturminnemynde 7. Verneverdige bygningar Bygningar innanfor verneområdet vert ikkje tillate rivne utan at det er særskilde grunnar til det. Eksisterande bygningar som går inn i verneområda skal haldast i stand og byggearbeid skal utførast slik at bygningane sin målestokk, takform, fasadar, vindusdeling, dør- og vindusutforming og materialval vert oppretthalde eller tilbakeført. Verneverdige bygningar kan moderniserast innvendes. Særeigne detaljar bør ivaretakast. Kommunen kan gje løyve til nybygg og tilbygg under føresetnad at dette vert tilpassa eksisterande bygg med omsyn til materialval, form og farge. Forstøtningsmurar, gjerde, skilt og reklameoppsett, samt utvendig belysning skal utformast med omsyn til karakteren i strøket. Før kommunen handsamar byggesøknad, skal det liggja føre uttale frå antikvarisk styresmakten når området omfattar automatisk freda kulturminne, eller dersom kommunen er i tvil om arbeidet er i strid med verneinteressene. 8. Tilkomst til eigedomane, felles avkøyrsle og plass for biloppstilling Avkøyrsle til riks- eller fylkesveg må godkjennast av Statens vegvesen. Avkøyrsel og plass for oppstilling av bilar skal vera felles for dei eigedomar som grensar til areal som er lagt ut til slikt føremål. 8.1 Fylgjande eigedomar skal ha tilkomst frå Strandavegen: gnr/bnr 47/45, 47/59, 47/182, 47/219, 47/220, 47/225, 44/29 9. Parkeringsordningar Kommunen kan godkjenna fylgjande ordningar for parkeringsdekning: - På eigen grunn. - På eigen grunn, på felles parkeringsplass for fleire eigedomar eller offentleg parkeringsplass etter innbetaling til frikjøpsordning.

5 Side 5 av 6 - I parkeringshus. Parkeringshuset skal vera felles for forretnings- og serviceverksemd i området. Kommunen kan også fastleggja at parkering på terreng ikke skal tillatast, med unntak av parkering for flyttingshemma og korttidsparkering for av- og pålessing av varer. Aktuell parkeringsordning vert fastlagt av kommunen etter at spørsmålet er teke opp i førehandskonferanse om aktuell byggesak. 10. Parkeringsdekning: Bustadbygg skal ha 1,5 parkeringsplass pr. husvære. For bustader til spesielle grupper kan kommunen etter dokumentasjon frå tiltakshavar fastsetja eit anna tal. Forretningsareal skal ha parkeringsdekning på 1 parkeringsplass pr. 50 m2 bruksareal (BRA) Kontorareal skal ha parkeringsdekning på 0,7 parkeringsplass pr. tilsett, og ikkje mindre enn 1 parkeringsplass pr. 50 m2 bruksareal (BRA). Industri- eller lagerareal skal ha parkeringsdekning tilsvarande 1 parkeringsplass pr. 100 m2 bruksareal (BRA). Hotell/pensjonat skal ha 0,5 parkeringsplass pr. gjesterom og i tillegg plassar for tilsette, bilar som inngår i drifta og for besøkjande til kafear, restaurantar m.v. etter dokumentasjon som må framleggjast av tiltakshavar. Kommunen fastset talet på parkeringsplassar. For bygningar til ulike føremål vert parkeringsdekninga fastsatt av kommunen etter framlegging av dokumentasjon frå tiltakshavar. For nybygg som ikkje kan visa til nødvendig parkeringsdekning etter desse føresegnene må det innbetalast til kommunen si frikjøpsordning for det tal parkeringsplassar som manglar. Min 2 % av parkeringsplassane innan planområdet skal vera tilgjengelege for rørslehemma. 11. Biloppstilling for varelevering, avfallshenting, av og pålessing og areal til lagring Varetilkomst skal primært tilretteleggjast frå bakgater/gardsrom. Ved utbygging skal biloppstilling for av- og pålessing, løysing for varelevering, tilkomst for avfallshenting m.v. visast på plan for heile kvartalet, og må om nødvendig løysast på tvers av eigedomsgrenser. Kommunen kan setja nødvendige krav til ei samordna løysing på tvers av eigedomstilhøve. Der planen føreset felles tilkomst / parkering skal arealet disponerast slik at tilfredsstillande løysingar ikkje vert hindra. Areal for lagring skal ha ei klar avgrensing og skjermast mot omgjevnadene 12. Byggegrenser Der byggegrense ikkje er vist på planen gjeld grense for reguleringsformål som byggegrense. Særskilt byggegrense mot veg og jernbane er vist på planen. Frisiktområder i kryss er vist i planen og skal ikkje ha terreng eller vegetasjon over 0,5 m over vegnivået.

6 Side 6 av Byggehøgder og bygningsutforming Nye bygningar skal utformast og tilpassast dei eksisterande med omsyn til takform, høgd, materialval o.l. Mot gatene skal bygningane gjennomgåande ha 3 høgder. Områder der bygningar kan oppførast høgare eller skal vera lågare enn 3 høgder er merka med etasjetal på planen. Ein ekstra inntrekt toppetasje er merka med +1. Ved sanering og nybygging på tomter eller heile kvartal, eller ved fortetting i utbygde område, skal nybygg tilpassast omkringliggjande bygningar. Inn mot bakgardane kan kommunen tillata takopplett som kan gje utnytting med 4 høgder der byggehøgda mot gatene er 3 høgder. Kommunen kan utarbeida formingsrettleiar som skal leggjast til grunn ved utforming og godkjenning av tiltak. Nordaustfløy på Kyrkjebøbygget kan ha 4.etasje som er inntrekt 1,5 m i høve til underliggande bygning. Bygningsdelen skal ha valmtak med same utforming som på bygget elles. Elvegata gnr 47/ bnr 35 -Nybygg/tilbygg kan byggast i 4 høgder med inntrekt 5 etasje rekna frå nedre golvplan cote 51,65 -Eksisterande bygningsmasse kan byggast i 3 høgder med inntrekt 4 etasje rekna frå nedre golvplan cote 51,50 -Inntrekt plan på toppen skal ha tilnærma flate tak slik at byggets totalhøgde ikkje overstig eksisterande mønehøgd vesentleg. Eksisterande mønehøgd er om lag 64,5. Ny mønehøgd skal ikkje overstige 65,2 -Totalhøgde på ny og eksisterande bebyggelse skal vera samanfallande. -Fasade til garasjeanlegg skal tilpassast omgjevnaden, og framstå som ein fasade med opne felt. Bilar på øverste plan skal skjermast noko med tett brystning. -Sikring mot elva skal utførast tilfredstillande og vere på plass før bustadane vert tatt i bruk. -Tilfredstillande leikeareal skal opparbeidast før bustadane vert tatt i bruk. Det er ein føresetnad at gavl på parkeringsanlegget mot parken/voss Mylna vert dempa mest mogeleg. Etter vedtak i Kommunestyret den , sak 0068/03: For Elvegata 12 gjeld eigne føresegner dat utarbeidd av Arkitektbruket. Revidert etter vedtak i Kommunestyret den , sak 27/07 Plankart for Hestavangen garasjeanlegg revidert etter vedtak i Kommunestyret den , sak 38/08 Revidert etter vedtak i Kommunestyret den , sak 45/08