Reguleringsplan. Fv 7 Kvamskogen. Parsell: Ungdomsheimen NAF-kiosken. OKTOBER Foto: Kvam herad

Transkript

1 Reguleringsplan Fv 7 Kvamskogen. Parsell: Ungdomsheimen NAF-kiosken. Foto: Kvam herad OKTOBER 2012.

2 2 Fv 7 Gang og sykkelveg over Kvamskogen

3 FØREORD Kvamskogen er fjellplatået mellom Samnanger og Kvam. Høgste punktet er Fuglafjellet med 1336 m.o.h.. Staden er ynda utfartsstad for folk i Bergens-regionen, særleg om vinteren. Kvamskogen har ein stor hytteby med rundt 1500 hytter. Dei fleste av desse hyttene er lokalisert langs fv 7. Reguleringsplanen gjeld gang og sykkelveg på Kvamskogen frå Ungdomsheimen til NAFkiosken i Kvam herad. Planframlegget er utarbeidd av Plan Vest og Statens vegvesen i samarbeid med Kvam herad. I samband med utarbeiding av kommunedelplan for Kvamskogen for Kvam herad har Sweco Norge AS utarbeidd ei trafikkanalyse. Vegstrekninga er vurdert med omsyn til følgjande hovudpunkt: Prinsippløysing for tilkomst til fv 7, avkøyrslesanering og eventuelt behov for nye tilkomstar. Vurdere skilta fart. Prinsippløysing for gang og sykkelvegnett som fungerer både vinter og sommar. Plassere planfrie kryssingar. Vurdere busslommer. Prinsippløysinga for mjuke trafikantar som er skissert i denne trafikkanalysa er eit samanhengande gang og sykkelvegnett. I tillegg til å sikre trygg ferdsel langs vegen for dei mjuke trafikantane er det lagt opp til at det skal vere mogeleg å nytte gang og sykkelvegnettet til å sanere ein stor del av dei mindre avkøyrslene. I tillegg er det anbefalt fire stader for planfri kryssing av fv 7 for mjuke trafikantar. To av desse kryssingspunkta fell innafor denne parsellen. For kollektivtrafikken er tilhøva for av- og påstiging ikkje tilfredstillande. Ingen av busstoppa tilfredsstiller dagens krav til utforming og det er stort potensiale for at trafikkfarlege situasjonar kan oppstå ved forbikøyring, ved venting på buss i vegbana og ved utkøyring frå haldeplass. Utbygging av gang og sykkelveg mellom Ungdomsheimen og NAF-kiosken vert rekna som eit trafikktryggingsprosjekt. Hovudregelen for slike miljø- og trafikktryggingstiltak, som ikkje endrar støysituasjonen merkbart, er at tiltaket kan gjennomførast utan samtidig utbetring av støyforholda. Men der støynivåa er høgare enn dei tilrådde grensene bør det likevel gjerast ei vurdering om det er rimeleg å gjennomføra avbøtande tiltak. Det er ikkje utarbeidd støyberekningar då det er lite busetnad tett inn på fv 7 på denne strekninga slik at støybelastninga ligg godt under dei krav støyforskrifta T-1442 set før det skal vurderast støyskjermande tiltak. Planmaterialet omfattar dette planhefte med reguleringsføresegner, nedfotografert plankart, saman med reguleringsplan i målestokk 1:1000 3

4 Vedtatt kommunedelplan for Kvamskogen 4

5 INNHALD Forord.. side Samandrag. side Føremål med planen. side Tilhøvet til andre planar side Fylkesdelplan/kommuneplan/kommunedelplan.. side Andre planar.. side Tekniske planføresetnader side Trafikktilhøve og trafikkmengder.. side Massehandtering side Kostnader og tidsplan side Planområdet, arealbruk.. side Planinnhald side Reguleringsføremål side Vegstandard.. side Skildring av planen. side Handsaming av sideareal og massedeponi side Riggområde side Flaum. side Konsekvensar av planforslaget side Landbruk side Friluftsinteresser side Kulturminne og kulturmiljø.. side Dyre- og fugleliv side Landskap og terrengforming... side Støy ved bustader og fritidsbustader.. side Barriereverknad side Private og offentlege leidningar side Grunnerverv.. side 27 VEDLEGG: 1. Reguleringsføresegner datert september side Plankart nedfotografert.. side Innspel til melding om oppstart av reguleringsplan... Side 37 5

7 1.0 SAMANDRAG Reguleringsplanen gjeld gang og sykkelveg over Kvamskogen i Kvam herad frå Ungdomsheimen til NAF-kiosken og er i samsvar med kommunedelplan for Kvamskogen. Gang og sykkelvegen er lagt på sørsida av fylkesvegen og skilt frå fylkesvegen med 3,0 meter rabatt. Gang og sykkelvegen vert og nytta for å sanera dei minst viktige avkøyrslene på den sida gang og sykkelvegen ligg. I tillegg er det tatt med to planfrie kryssingar av fylkesvegen for viktige skiløyper ei kryssing like vest for Ungdomsheimen og ei kryssing aust for NAF-kiosken. Og desse planfrie kryssingane er i samsvar med kommuneplanen. Fv 7 over Kvamskogen er på dei lågaste punkta flomutsett. Derfor er det tatt med ei mindre justering av linjepålegget for fv 7 aust for avkøyringa til Mødalen. Busslommer er tatt med i planforslaget der det er busstopp i dag. Busskur vert plassert på utsida av gang og sykkelvegen for ikkje å vera sikthindrande for trafikk på gang og sykkeltrafikken. Dei samla konsekvensane av planforslaget er gjennomgåande vurdert som positive i høve til noverande trafikkløysing. Hovudmålet med prosjektet er å få ei sikrare avvikling av gang og sykkeltrafikken både sommar og vinter, busslommer for kollektivtrafikken og planfri kryssing av fv 7 for viktige skiløyper. Ved plassering av gang og sykkelvegen har ein lagt vekt på å oppnå trafikksikre løysingar, samstundes som ein har hatt som mål å få best mogleg tilpassing til terrenget og landskap. Ved avkøyringa til Mødalen er fv 7 flytta inn for å unngå at gang og sykkelvegen får konflikt med elva. Støybelastninga på nærområdet er så liten at den ligg under dei støygrenser som støyforskrifta T-1442 set som støygrense for å utløysa støyskjermande tiltak. Dessutan er dette eit trafikksikringsprosjekt som Statens vegvesen vurderer som fritatt for støytiltak dersom tiltaket ikkje aukar støybelastninga over 3dBA. 7

9 2.0 FØREMÅL MED PLANEN Kvamskogen er eit regionalt friluftsområde og etter SSB sine normer i 2002 karakterisert som Noregs 3. største hytteområde. Kvamskogen er eit viktig rekreasjons- og hytteområde med 4 alpinanlegg. Området er styrka med godt utbygd infrastruktur og fritidsbusetnaden har ein struktur som ligg tett langs fylkesvegen og dermed legg til rette for nær kontakt med offentleg areal og kort veg til villmark. Dette gjeld heile Kvamskogen. Gang og sykkelvegen skal gje tryggare trafikkløysing for mjuke trafikantar både sommar og vinter. I dag er det ikkje eige tilbod til mjuke trafikantar og dei må ferdast i køyrevegen i konkurranse med køyrande trafikk. Gang og sykkelvegen vert lagt i 3,0 meter avstand frå fylkesvegen slik at ein unngår bruk av rekkverk mellom hovudvegen og gang og sykkelvegen. Rekkverk på slike snørike plassar fører ofte til skade på rekkverket ved vintervedlikehald. Innafor denne parsellen kryssar to viktige skiløyper fv 7. Dette er vest for Ungdomsheimen og aust for NAF-kiosken. Ved begge desse kryssingspunkta er det tatt med planfri kryssing over fv 7 for å få ei trygg kryssing av fylkesvegen. Det vert bygd busslommer der det i dag er busstopp slik at bussane ikkje treng å stoppa i køyrevegen med dei trafikkfarlege situasjonar som då kan oppstå. Reguleringsplanen er i samsvar med kommunedelplan for Kvamskogen vedtatt av Kvam heradstyre Planarbeidet er utført av Plan Vest og Statens vegvesen i samarbeid med Kvam herad. Planmaterialet omfattar dette planheftet med reguleringsføresegner, nedfotografert plankart, saman med reguleringsplan i målestokk 1:1000. Gjennom vedteken reguleringsplan vert dimensjonering, plassering og utforming av sjølve gang og sykkelvegen fastsett. Reguleringsplanen gjev heimel for den endra arealbruk vegprosjektet medfører, og planen gjev og heimel til å gjennomføre grunnerverv. 9

11 3.0 TILHØVE TIL ANDRE PLANAR 3.1 Fylkesdelplan/kommuneplan/kommunedelplan Det er utarbeidd kommunedelplan for Kvamskogen der dette tiltaket inngår. Kommunedelplanen vart vedtatt av Kvam heradstyre I kommunedelplanen er det foreslått 3 kanaliserte T-kryss innafor planområdet. Dette gjeld: Innkøyring campingplass vis a vis Kvamskogen Aktiv Innkøyring Kvinnhovden Innkøyring Furedalen I føresegnene til kommunedelplanen er det tatt med følgjande: Byggegrense langs med fv 7 er 50 meter frå midtlinje om ikkje anna er vedtatt i godkjent reguleringsplan eller disposisjonsplan vedteken før For framtidige byggeområde kan det vedtakast byggegrense under 50 meter frå midtlinje på fv 7, jf. motsegn frå Statens vegvesen. Ved regulering av nye byggeområde for fritidsbustadar skal det gjennomførast grundige vurderingar av nye og gamle avkøyrsler basert på løysingane skissert i trafikkanalysen for Kvamskogen, dagsett den På strekkja mellom NAF en og Ungdomsheimen skal det gjennomførast ny regulering og opparbeiding av gang- og sykkelveg og planfri kryssing av fv 7 for mjuke trafikantar før det kan gjennomførast vidare utbygging. Utarbeiding av reguleringsplan og gjennomføring av tiltak skal uansett gjennomførast innan år På strekkja mellom NAF en og Eikedalen og på strekkja mellom Ungdomsheimen og Tokagjelet skal det gjennomførast reguleringsplan med omsyn til gang- og sykkelveg, planfrie løysingar for skiløyper/mjuke trafikantar, avkøyrsler, busslommer og andre nødvendige tiltak for trafikksikring. Arbeidet med regulering skal vera gjennomført innan utgangen av Tidspunkt for gjennomføring av tiltak vert fastsett i reguleringsplan. Arealdisponeringa i denne planen er i samsvar med arealdelen i kommunedelplanen for Kvamskogen. 11

12 Utsnitt av vedtatt kommunedelplan for Kvamskogen. 12

13 3.2. Andre planar Ved Alhovden pågår det reguleringsplanarbeid. Arbeidet vart starta opp Gjeldande reguleringsplanar i området: Godkjent kommunedelplan frå Gjeldande reguleringsplanar innafor området: Alhovden, reguleringsplan frå 1993 Kvinhovden, reguleringsplan frå 1998 Kvinhovden, reguleringsplan frå 1996 Kvinhovden, reguleringsplan frå 2006 Kvam fjellheisar, reguleringsplan frå 1998 Røyro, reguleringsplan frå 1987 E-68, reguleringsplan frå

15 4.0 TEKNISKE PLANFØRESETNADER Fv 7 Gang og sykkelveg over Kvamskogen 4.1. Trafikktilhøve og trafikkmengder Trafikkdata frå registreringspunkt på fv 7 på Kvamskogen: Det er ikkje utarbeidd trafikkprognoser då det meste av denne reguleringsplanen omhandlar gang og sykkelveg mellom Ungdomsheimen og NAF-kiosken, to planfrie kryssingar over fylkesvegen, kanalisering av 3 vegkryss og busslommer langs fylkesvegen der det i dag er busstopp. 4.2 Massehandtering Tiltaket treng stort massetilskot som må tilførast frå andre prosjekt i området. Prosjektet treng om lag pfm 3 steinmassar. 15

17 5.0 KOSTNADER OG TIDSPLAN Gang og sykkelveg på Kvamskogen i Kvam herad frå Ungdomsheimen til NAF-kiosken er kostnadsrekna til 103,8 mill. kroner (2012-kr) inkludert to planfrie kryssingar av fv 7. I St.prp. nr. 77 om Kvammapakken er prosjektet Rv 7 Kvamskogen avsett med 10 mill. kroner (2008-kr). Prosjektet er planlagt finansiert som del av Kvammapakken. Denne har, etter ei justering, ei investeringsramme på 423 mill. kroner (2008-kr) og forutset 10 % (43 mill. kr.) statlege midlar fordelt over perioden innafor den fylkesfordelte fylkesvegramma. Resten, 90% eller om lag 380 mill. kr., vert tatt inn med bompengeavgift på to bompengestasjonar. Bomstasjonane er føreslått plassert øverst i Steinsdalen i vest og på kommunegrensa mellom Kvam og Granvin i aust. Gjennomgangstrafikk betaler berre ein gong (timesregel). Grunna kostnadsauke i pakka frå 2006 til 2008 er innkrevjingsperioden i søknaden sett med parsellinnkrevjing i anleggsperioden på 4 år frå 2010 og 15 års ned betaling f.o.m Dette betyr at den samla perioden med bompengar aukar frå vanleg bompengeperiode på 15 år til 19 år (4 års byggetid + 15 års nedbetaling av bompengelån). 17

19 6.0 PLANOMRÅDET, AREALBRUK Fv 7 Gang og sykkelveg over Kvamskogen Reguleringsplanen omfattar eit totalareal på 254,9 daa. Til nytt vegføremål skal det ervervast ca. 30 daa. 19

21 7.0 PLANINNHALD Her følgjer omtale av hovudinnhaldet i planen Reguleringsføremål Areala innan planområdet er i samsvar med reglane i Plan- og bygningslova føreslege regulert til (Plan og bygningslova gjeldande frå 1. juli 2009): PBL 12-5, ledd nr. 1 Bygningar og anlegg. Herunder frittliggjande fritidsbusetnad og skiløypetrase. PBL 12-5, ledd nr. 2 Samferdsleanlegg og teknisk infrastruktur. Herunder areal for køyreveg, fortau, gang-/sykkelveg, anna veggrunn grøntareal og parkeringsplassar. PBL 12-5, ledd nr. 5 Landbruks-, natur- og friluftsformål og reindrift. LNFR-areal for B/F/N. PBL 12-5, ledd nr. 6 Bruk og vern av sjø og vassdrag, med tilhøyrande strandsone. Naturområde i sjø og vassdrag. PBL 12-6 PBL 12-7 Omsynssoner. Sikrings-, støy, faresoner og høgspenningsanlegg. Bestemmelseområder Anlegg og riggområde. Reguleringsføremåla er nærmare detaljert i reguleringsføresegnene. 7.2 Vegstandard Vegbreidda for gang og sykkelvegen er 3,5 meter inklusiv 0,25 meter bankett på kvar side som vist i HB 017 pkt. C I tillegg kjem areal til grøft, rekkverk, skjeringar og fyllingar. For fv 7 er det tatt med kanalisert T-kryss for 3 kryss som kryss til campingplass vis a vis Kvamskogen Aktiv, kryss til Furedalen og kryss til Kvinnhovden. 21

22 7.3 Skildring av planen Gang og sykkelvegen startar ved kryss for lokalveg til Kvernaskogen og ligg på nordsida av fv 7 med 3,0 meter grønt areal mellom hovudvegen og gang og sykkelvegen fram til Ungdomsheimen. Gang-/sykkelvegen kryssar ei elv på denne strekninga der det er prosjektert ny bru. Ved Ungdomsheimen kryssar gang-/sykkelvegen fv. 7 med bru og fortsett på sørsida av fv. 7 med 3,0 meter rabatt imellom fram til NAF-kiosken. Rett før NAF-kiosken kryssar gang-/sykkelvegen ei elv og det er prosjektert ny bru her. På vestsida av Ungdomsheimen er det tatt med ei planfri kryssing over fv 7 slik at mjuke trafikantar kan kryss fylkesvegen planfritt frå Alhovden og til området nord for fylkesvegen. Vest for avkøyrsla til Mødalen har fylkesvegen eit område som ligg lågt og er utsett for flaum ved mykje nedbør. Planframlegget har tatt med ei heving av profillinja her. Ved avkøyrsel til Mødalen vert fv 7 flytt litt nordover slik at det vert plass til gang og sykkelvegen mellom fylkesvegen og elva utan å koma i konflikt med elva. Ved avkøyringa til Kvinnhovden er det tatt med ei planfri kryssing over fv 7 for skiløype frå Røyrli/Kvinshovden og til skitrekk i Furedalen og skiløype opp Mødalen. Gang og sykkelvegen stoppar ved NAF-kiosken og får ny bru over elv aust for NAF-kiosken. I tillegg er det tatt med kanaliserte T-kryss ved innkøyring til Kvinnhovden, innkøyring til Furedalen og innkøyring til campingplass vis a vis Kvamskogen Aktiv. 7.4 Handsaming av sideareal og massedeponi. Sideareala, d.v.s. grøfter, rabattar, fyllingar og skjeringar langs vegen er i utgangspunktet føreslege regulert til anna trafikkområde. Der kurver vert retta ut skal det ikkje liggja att restar av gamal veg dersom den ikkje inngår i eit lokalt vegnett. Asfaltdekke og steinmassar skal fjernast og arealet tilpassast terrengformene på staden. I kryss og avkøyrsler er det vist særskilde frisiktsoner for å sikre tilfredstillande sikt. I frisiktsonene skal vegetasjon eller andre sikthindrande element ikkje bli høgare enn 0,5 meter over vegplanet. Det vil seie at eventuelle rekkverk, støyskjermar eller støyvollar må trekkast bakanfor siktsonene. Alle grøfter og vegskråningar, sideareal, rabatt og eventuelle massedepot, skal ved anleggslutt formgjevast med naturlege overgangar til terrenget omkring og tilsåast. Endeleg utforming og tiltak for revegerering skal planleggjast som ein del av byggeplanen. 7.5 Riggområde 22

23 Hovudriggområdet vert ved utfylt areal ved Alhovden/Ungdomsheimen eller på parkeringsareal ved Furedalen. 7.6 Flaum Deler av fv 7 innan planområdet er utsett for flaum. Dei lågaste punkta som er mest flaumutsett, vert heva ved denne reguleringsplanen. Dette gjeld eit område aust for avkøyrsla til Mødalen og området ved parkeringsplassen ved Furedalstrekket ved at avkøyrsla til Kvinnhovden og parkeringsplassen vert heva og omarbeidd til kanaliserte T-kryss. 23

25 8.0. KONSEKVENSAR AV PLANFORLAGET Fv 7 Gang og sykkelveg over Kvamskogen I den konsekvensanalysen som her følgjer har ein vurdert tilhøvet mellom noverande situasjon og situasjonen etter at planen er gjennomført for dei ulike tema/interesser som er aktuelle. Vurderingane er gjort på bakgrunn av kjent kunnskap og nye registreringar i samband med reguleringsarbeidet Landbruk Planen vil ikkje råka dyrka mark. Areal som medgår er stort sett utmark og beiteområde Friluftsliv Kvamskogen har store friluftinteresser og gang og sykkeltrafikken skal vera med på å gje mjuke trafikantar tryggare forhold langs fv 7 både sommar og vinter. I kommunedelplanen for Kvamskogen er utbygging av gang og sykkelvegnettet ein føresetnad for å byggja ut nye områder med fritidsbustader. 8.3 Kulturminne og kulturmiljø Den historiske bruken av utmarksressursane på Kvamskogen går langt tilbake. Støling og utmarksbeite var den tradisjonelle bruken gjennom mange hundre år inntil dei første bureisingane starta i Eikedalen på slutten av 1700-talet. På sjølve Kvamskogen finns ein gard, Røyrli, som vart rydda tidleg på talet, eit område der tidlegare bakkemyrar la grunnlaget for ein daa dyrka mark og beiteland. 8.4 Dyre- og fugleliv Vi er ikkje kjent med at der er viktig dyre- eller fugleliv innafor planområdet Landskap og terrengutforming Eit særtrekk ved Kvamskogen er eit omfattande system av myrar knytt både til vatn og vassdrag, men og til eit kompleks av bakkemyrar både med og utan tresetting. Utforming av landskapet og eit spesielt nedbørsrikt klima har lagt til grunn for utvikling av slike myrsystem. Landskapsregionen Kvamskogen ligg i region 15 lågfjell i Sør-Noreg og underregion Kvitingane/gråsido (Beskrivelse for underregion er ikkje gjort frå NIJOS side). Utdrag av omtala av landskapsregion 15 som er relevant for Kvamskogen: 25

26 Denne regionen er en stor samlegruppe for de deler av fjellet som har lav- og mellomalpine plantesamfunn. I regionene kan forekomme områder med høyfjell og fjellskog. Naturforhold. Grunnfjellsområde; den vestnorske gneisregionen. Kupert, også noe avrundet, dels med skarpskårnen topografi med botner og tinder. Moreneavsetninger forekommer oftere enn andre deler av regionen, og fjellet virker grønnere. Regionen er den mest vannrike av samtlige regioner med titusenvis av store og små innsjøer. Klima er oseanisk; fjellområdene er fuktige med blåbærheier og snøleiesamfunn, på toppene høgalpine grasheier. Bakkemyr er vanlige. Arealbruk. Fjelltraktene har vært brukt til jakt, fangst og fiske og annen utmarksbruk som går tilbake til tidligere steinalder. Seterbruk har gått sterkt tilbake, men fjellområdene er generelt sterkt påvirket av husdyrbeiting. De er også tilholdssted for Europas største villreinstammer. Fotturister benytter et nettverk av hytter og anlagte stier. Mange av vassdragene er bygget ut til kraftformål. Vannene er regulerte og elvestrekninger er helt eller delvis tørrlagt. Bebyggelse og andre kulturspor. Spor av gamle ferdselsveger finnes. Steinsel er karakteristisk for enkelte seterområder. Reguleringsdammer, anleggsveier og kraftlinjer preger i mer eller mindre grad de vestre deler av regionen. 8.6 Støy ved bustader og fritidsbustader Miljøverndepartementet vedtok nye retningslinjer for behandling av støy i arealplanlegging. Den nye planretningslina, MD T-1442, tilrår omtrent like strenge støygrenser utafor bustader som det dei gamle retningslinjene gjorde. Statens forurensingstilsyn har på oppdrag frå Fylkesmannen i Hordaland sett nærare på korleis støyretningslinjene og vegleiar skal tolkast i reguleringsplanar der føremålet er trafikksikringstiltak og utbetring av noverande veg. Hovudregelen vil vera at miljø- og tryggingstiltak som ikkje endrar støysituasjonen vesentleg, kan verta gjennomført utan samtidig utbetring av støyforholda. Der støynivået er høgare enn dei tilrådde grensene bør det likevel gjennomførast ei vurdering om det er rimeleg å gjennomføra avbøtande tiltak. Det må i ei slik vurdering leggjast vekt på om støydempande tiltak vil vera rimeleg sett i forhold til omfanget av tiltaket. Dette tiltaket er eit trafikksikringsprosjekt og det skal derfor ikkje gjerast støytiltak. 8.7 Barriereverknad Barriereverknad som i dag, men med to planfrie overgangar over fylkesvegen. 26

27 8.8. Private og offentlege leidningar Det er både private og offentlege leidningar innan planområdet. Desse vert registrert i samband med utarbeiding av byggeplan då ingen av desse leidningane er i konflikt med dette tiltaket Grunnerverv Eigedomsgrenser og gards- og bruksnummer er vist på reguleringsplankartet. Generelt vil det bli erverva grunn til omlag 1 meter utafor skjeringstopp/fyllingsfot eller minst 3 meter frå vegkant. Når veganlegget er ferdig opparbeidd vil det bli utført nøyaktig arealoppmåling. Arealoppmålinga vil vere grunnlag for endeleg erstatningsoppgjer. 27

29 VEDLEGG NR. 1 Reguleringsføresegner 29

31 Fv 7 KVAMSKOGEN Fv 7 Gang og sykkelveg over Kvamskogen Parsell: Ungdomsheimen NAF-kiosken REGULERINGSFØRESEGNER 1. GENERELT 1.1 Desse reguleringsføresegnene gjeld for det området som på plankartet er markert med plangrense (Sjå teikning i M 1:1000, datert ). I samsvar med 12-5 i Plan- og bygningslova er areala regulert til følgjande formål: BYGNINGAR OG ANLEGG, Pbl. 12-5, ledd nr. 1. Fritidsbusetnad frittliggjande Skiløypetrase SAMFERDSLEANLEGG OG TEKNISK INFRASTRUKTUR, Pbl. 12-5, ledd nr. 2 Køyreveg. Fortau Gang-/sykkelveg Anna veggrunn - grøntareal Parkeringsplassar LANDBRUKS-, NATUR- OG FRILUFTSFORMÅL OG REINDRIFT. PBL 12-5, ledd nr. 5 LNFR-areal for B/F/N. 31

32 BRUK OG VERN AV SJØ OG VASSDRAG, MED TILHØYRANDE STRANDSONE. PBL 12-5, ledd nr. 6 Naturområde i sjø og vassdrag. OMSYNSONER, Pbl. 12-6, jf. 11-8a. Frisikt Høgspenningsanlegg BESTEMMELSEOMRÅDER, PBL 12-7 Anlegg og riggområde. 2. FELLESFØRESEGNER 2.1 Desse fellesføresegnene gjeld innafor ramma av Plan- og bygningslova med tilhøyrande vedtekter for Kvam herad. 2.2 Kommunen kan, når særlege grunnar talar for det, tillate mindre vesentlege endringar i reguleringsplanen og/eller desse reguleringsføresegnene. 2.3 Byggegrenser fastsett i Veglova gjeld der anna ikkje er fastlagt i annan reguleringsplan. 2.3 Etter at reguleringsplanen med tilhøyrande reguleringsføresegner er stadfesta, er det ikkje høve til å inngå privatrettslege avtaler som er i strid med reguleringsplanen og reguleringsføresegnene. 2.4 Omsynet til landskapet skal sikrast gjennom utarbeiding av byggeplanar og gjennom vidare arbeid i anleggsfasen. Prinsipp for utforming av nytt terreng, krav til utforming av tekniske anlegg og revegetering, skal framgå av planane. Alle inngrep som vert gjort i samband med veganlegget skal utførast mest mogeleg forsiktig og med omtanke for terreng og utsjånad. Noverande vegetasjon skal takast vare på i størst mogeleg utstrekning. Terrenghandsaming, planting og tilsåing skal gjerast ferdig samtidig med resten av veganlegget. Toppen av dei høge skjeringane skal avrundast. 2.5 Riggareal for veganlegget kan opparbeidast i anleggstida innafor regulert areal. Etter bruk skal området som blir nytta til riggområde opparbeidast og setjast i stand i samsvar med føresegnene i reguleringsplanen. 32

33 2.6 Dersom det i samband med gravearbeid kjem fram funn eller konstruksjonar, må arbeidet straks stansast og fylkeskonservatoren få melding for ei nærare gransking på staden, jamfør Kulturminnelova 8, 2-ledd. 2.7 Støy som følgje av anleggsverksemd i byggeperioden skal avgrensast i samsvar med gjeldande retningslinjer for handsaming av støy i arealplanlegging. 2.8 Gang og sykkelveg på Kvamskogen vert vurdert som eit trafikktryggingstiltak. Hovudregelen er at slike miljø- og tryggingstiltak som ikkje endrar støysituasjonen merkbart, kan gjennomførast utan samtidig utbetring av støyforholda. Der støynivåa er høgare enn dei tilrådde grensene skal det likevel gjennomførast ei vurdering om det er rimeleg å gjennomføra avbøtande tiltak. Det må i ei slik vurdering bli lagt vekt på om støydempande tiltak vil vera rimeleg sett i forhold til omfanget av tiltaket. 2.9 Det vert ikkje tillete at eventuelt forureina vatn vert slept ut i grunnen for landbruk eller i nedslagsfelt for elv. Byggeplan skal sikre ein heilskapeleg overvasshandsaming i anleggsfasen og driftsfasen Eventuelle forureina massar frå veganlegget skal leverast til godkjent mottak. 3. SAMFERDSLEANLEGG OG TEKNISK INFRASTRUKTUR. 3.1 Trafikkområdet kan nyttast til: Køyreveg. Fortau Gang-/sykkelveg Anna veggrunn - grøntareal Parkeringsplassar 3.2 Vegen og fortau skal opparbeidast med den linjeføring og inndeling av dei respektive føremål som er vist i planen. 3.3 Det er ikkje høve til å opparbeide andre avkøyrsler enn dei som er viste på planteikningane. Avkøyrslene skal utformast og vedlikehaldas i samsvar med Statens vegvesen sine normalar og føresegner til Veglova 43. Frisiktsoner er regulert til omsynsoner (sjå 4). 4. LANDBRUKS-, NATUR- OG FRILUFTSFORMÅL OG REINDRIFT. 33

34 5. BRUK OG VERN AV SJØ OG VASSDRAG, MED TILHØYRANDE STRANDSONE. 5.1 Langs elva skal det vera minimum eit 2 meter breitt vegetasjonsbelte 6. OMSYNSONER 6.1 Siktsone ved veg. I område mellom siktsone og veg skal det til ei kvar tid vere fri sikt i ei høgd 0,5 meter over tilstøytande veg sitt plan. 7. BESTEMMELSEOMRÅDER. 7.1 Arealet kan nyttast til anlegg eller riggområde i anleggstida Norheimsund oktober Kvam herad Administrasjonssjefen 34

35 VEDLEGG NR. 2 Reguleringsplankart 35

37 VEDLEGG NR. 3 Innspel til melding om oppstart av reguleringsplan. 37

39 Notat Til: Fra: Kopi: Kvam herad Statens vegvesen Region vest Saksbehandler/innvalgsnr: Roald Sletten / Vår dato: Vår referanse: Fv. 7 Kvamskogen. Innspel til melding om oppstart av reguleringsplan Ungdomsheimen NAF-kiosken. Kvam herad gjorde på møte i Nærings-, plan og bygningsutvalet den vedtak om oppstart av reguleringsplan for fv. 7 frå Ungdomsheimen til NAF-kiosken. Det vert ikkje utarbeidd planprogram grunna at reguleringsplanen skal fylgja vedtatt kommunedelplan med KU for Kvamskogen vedtatt av Kvam heradstyre Frist for å koma med merknader til oppstart av reguleringsplanarbeide vart sett til 3. april Det er kome inn totalt 10 innspel, 2 innspel frå offentlege instansar og 8 skriftelege innspel frå private. I samband med oppstartmeldinga vart det halde møte med dei 3 grunneigarane som vert mest berørt av reguleringsplanen på rådhuset til Kvam herad 23. februar I tillegg vart det halde ope informasjonsmøte i kafeen til Furedalen alpinanlegg den 7. mars INNHALD 1 Oppsummering av innkomne innspel..... side 40 2 Offentlege instansar.... side Fylkesmannen i Hordaland side NVE side 41 3 Private merknader. side Kvamskogen næringslag..... side Gunn Karin Øvrevik og Kåre Lofthus, gnr. 19 bnr. 315 side Norheimsund Røde Kors Hjelpekorps side Cafe Flåten AS, gnr. 22 bnr. 23Kvernavollen hytte. side Henrik Steine side Nils Bjarte Rosseland, gnr. 22 bnr. 9 side Ingrid Løvberg, gnr. 22 bnr. 11 side Sverre Riise, gnr. 19 bnr side 48 39

40 1. Oppsummering av innspel. Fleire av merknadene ynskjer gang-/sykkelvegen på nordsida av fylkesvegen frå Ungdomsheimen og austover mot Tokagjelet. Statens vegvesen meiner dette er riktig plassering då dei fleste hyttene ligg på nordsida av fylkesvegen. Derfor er gang-/sykkelvegen plassert på nordsida av fylkesvegen frå Ungdomsheimen og fram til kryss til Kvednaskogen. Noverande bru over elva aust for Ungdomsheimen vert sett på som eit svært trafikkfarleg punkt, spesielt for mjuke trafikkantar grunna at brua er smalare enn vegen elles. Statens vegvesen er klar over problemet og har derfor tatt med denne strekninga frå Ungdomsheimen fram til avkøyrsla til Kvednaskogen i denne reguleringsplanen. Og plasseringa av gangbrua ved Furedalen er det fleire innspel til. Gangbrua er no flytta til avkøyrsla til Kvinnhovden og med to rampar langs fv 7 på vestsida av fylkesvegen. Statens vegvesen trur denne plasseringa er god og vil bli nytta av mange brukarar. Skiløypa på nordaustsida av brua vert lagt om slik vist på reguleringsplanforslaget. Fv 7 må flyttast inn i terrenget ved Mødalskrysset for ikkje å få konflikt med elva for gang- /sykkelvegen. Vi viser her til NVE sitt innspel til planforslaget vedrørande elva og vegetasjonsbeltet langs elva. Dette medfører at ein tilkomstveg på austsida av fylkesvegen og må flyttast austover. Denne justeringa er tatt med i reguleringsplanforslaget. Elles vert planforslaget med gang-/sykkelveg positivt mottatt av alle med innspel til oppstartmeldinga. 40

41 2. Offentlege instansar: 2.1 Fylkesmannen i Hordaland. Fylkesmannen legg til grunn at planarbeidet er i samsvar med overordna plan og at det ikkje er i strid med nasjonale føringar for arealpolitikken. Fylkesmannen viser til temasider på sine internettsider og ventar at desse signala vert lagt til grunn for det vidare planarbeidet. Fylkesmannen tek atterhald om å koma med merknader når reguleringsplanen vert lagt ut til offentleg ettersyn. Kommentar. Reguleringsplanen legg vedtatt kommunedelplan til grunn for planlegginga. 2.2 NVE. NVE meiner det ikkje går klart fram av oppstartvarselet om gang- og sykkelvegen skal leggjast mot elva. Dei oppmodar om uansett å leggja vekt på å oppretthalda størst mogeleg avstand og unngå inngrep i vassdragsnaturen. NVE rår til at ein nyttar arealbrukskategorien «Bruk og vern av sjø og vassdrag», jf. PBL 12-5 nr. 6 til å merke vasstrengen og kantsoner. Elv med kantsoner kan regulerast til «Natur og friluftsliv» der dei syner til vassressurslova 11 om kantvegetasjon. NVE meiner kommunen kan fastsetja bredda på vegetasjonsbeltet i reguleringsplanen. NVE meiner flaum og erosjon er relevante tema i ROS-analyse og viser til NVE sine retningslinje 2/2011 «Flaum og skredfare i reguleringsplanar» korleis flaum og erosjon kan vurderast på reguleringsplannivå. Retningslinjene kan lastast ned frå NVE sine nettsider Dersom det vert planlagt inngrep i elva må det gjerast greie for kva ålmenne interesser som er knytt til vassressursen og kva konsekvensar inngrepa får for desse ålmenne interessene. Som døme på ålmenne interesser kan nemnast fiskens frie gong, ålmenn ferdsel, naturvern, biologisk mangfald, vitskapleg interesse, kultur og landskapomsyn, jordvern, omsyn til flaum og skred osb.. Kommentar. For å unngå konflikt og minst muleg nærføring med elva, er fv 7 flytta litt inn i terrenget ved Mødalkrysset. Langs elva vert det regulert ei kantsone på 10 meter der det er plass til det. Der avstanden til elvekanten er mindre enn 10 meter vert det arealet som er at mellom gang- og sykkelvegen og elva regulert til «Natur og friluftsliv». 41

42 3. Private: 3.1 Kvamskogen Næringslag. Kvamskogen Næringslag ser positivt på at det vert utarbeidd reguleringsplan for gang- og sykkelveg mellom Ungdomsheimen og NAF-kiosken, men er samtidig bekymra for at det vert ein plan som berre delvis kan gjennomførast då finansieringa er 10 mill. kroner frå Kvammapakken. Omfanget av planen ert dei sikker på at kostnaden med å gjennomføra planen er mykje større enn finansieringa. Næringslaget fryktar derfor at ein for ambisiøs plan som ikkje vert fullført, kan medføra stopp i utbygging av private prosjekt. Grunnen for dette er dei rekkjefølgekrav Statens vegvesen har sett i kommunedelplanen og som private ikkje greier finansiera. Dette vil då medføra at det vert lagt ei klam hand over området utan at det skjer noko utvikling. Etter Næringsrådet si meining må det derfor søkjast etter rimelegare og enklare løysingar m.a. utnytting av eksisterande infrastruktur for å nå målet med ferdig utbygd gang- og sykkelveg. Med den lokalkunnskapen og erfaring som medlemene i Næringslaget har set dei fram følgjande konkrete forslag til rimelegare og enklare løysingar: Generelt: Gang- og sykkelvegen må leggjast minst meter frå fv 7. 3 meter buffer mellom fylkesvegen og gang- sykkelvegen er for lite, vil medføra høge brøytekantar, folk vil gå i tunnel og vera usynlege for brøytebilsjåfør. Preparert skiløype langs gang- og sykkelvegen. Gatelys. Strekninga frå Ungdomsheimen til NAF spesielt: Frå NAF gang- og sykkelbru over Røyro på sida av brua for preparert skiløype. Gang- og sykkelvegen over parkeringsplassane til Furedalen. Gangbru over fv 7 vert flytta nærare Kvinnhovden, gå over fv 7 frå gnr. 19 bnr. 310 til parkeringsplassen til Furedalen Alpint. Gnr. 19 bnr. 310 ligg ved sida av vegen til Kvinnhøgda med ca. 160 campingvogner og 100 hytter og Jarleseter. Ei plassering ved sida av vegen vil truleg medføra meir bruk av gangbrua. I søre enden av parkeringsplassane i Furedalen byggjer ein bru over Røyro og ca. 30 meter veg til gamle Mødalsvegen. Kommentar. Når Statens vegvesen skal planleggja veganlegg eller gang- og sykkelanlegg, har dei standardar og retningslinjer som set føringar korleis anlegget skal utformast. Ei vanleg løysing der det er plass til det, er å leggja gang- og sykkelveg med 3,0 meter bankett mellom 42

43 hovudvegen og gang-/sykkelvegen. Denne avstanden kunne gjerne vore større, men avstanden til elva Røyro set begrensingar. For ikkje å få konflikt med elva har vi måtte flytta fv 7 litt inn i terrenget ved Mødalskrysset, sjå elles kva krav til avstand frå elva NVE set i sine merknader. Når Kvammapakken skal regulera gang-/sykkelveg mellom Ungdomsheimen og NAFkiosken kan ein ikkje sjå bort frå andre krav og berre regulera gang-/sykkelvegen. Ein må planleggja strekninga til den standard strekninga skal ha i framtida og så får ein byggja ut etter kvart som elementa vert finansiert. Framtidig standard er nedfelt i vedtatt kommunedelplan og med dei rekkjefølgekrav som er sett der. 3.2 Gunn Karin Øvrevik og Kåre Lofthus, gnr. 19 bnr Hytta ligg mellom fylkesvegen og elva og er etter grunneigaren sitt syn skjerma mot støy, støv og innsyn av store grantre langs fylkesvegen. Grunneigaren hevdar at grantrea har beskytta dei mot innbrot sidan hytta er vanskeleg å få auge på frå fylkesvegen. Dei likar sjølvsakt ikkje at grantrea no må fellast, men håpar Statens vegvesen plantar nye slik at dei med tida kan bli skjerma igjen. Dei hevdar det er ei fylling på deira eigedom og vil erstatta denne fyllinga med mur. Sonen har bygd hytte nærare fylkesvegen og dei hevdar denne må flyttast og dei håpar Statens vegvesen tek flyttinga av hytta. Grunneigaren ynskjer veden i dei trea som må fellast. Ut frå planforslaget skal grunneigaren nytta gang-/sykkelvegen som tilkomst til hytta og dei er bekymra for at gang-/sykkelvegen ikkje vert brøyta like bra som hovudvegen. Dei føreset at Vegvesenet gjer vegen frå gang-/sykkelvegen og ned til hytta god. Kommentar. Nye grantre kan sjølvsagt plantast, men dei må liggja utafor nødvendige sikttrekantar. Denne delen av merknaden går ikkje på sjølve reguleringsplanen. Dette er ei sak som vert tatt opp under grunnforhandlingane. Planforslaget viser ei lita fyllingskråning på eigedommen. Skråninga vert ikkje erstatta med mur, men skråninga kan slakast ut og dette gjev ofte det beste resultatet. Dette kan og avtalast under grunnforhandlingane. Dersom hytta ligg innafor tiltaksområdet vil hytta bli innløyst. Eventuell ved kan avtalast under grunnforhandlingane. Gangvegen vil verta brøyta som hovudvegen, men truleg vert hovudvegen brøyta først og deretter gang-/sykkelvegen fordi snøen må brøytast vidare ut frå hovudvegen. 43

44 3.3 Norheimsund Røde Kors Hjelpekorps. Fv 7 Gang og sykkelveg over Kvamskogen Norheimsund Røde Kors Hjelpekorps har følgjande merknader til oppstartmeldinga: 1. Dei må ha avkøyrsle i begge retningar frå fv 7 som vist på planforslaget. Dei understrekar viktigheita av at siktsonene vert ivaretatt om vinteren med avkøyringa til området på sørsida av fv 7 i innerkurve og med opptil 2,5 meter høge brøytekantar. 2. Dei krev at dei må kunne køyra under skibrua på nordsida av fv 7 med snøscooter for tilgang til løypenettet med t.d. skadde pasientar. Her kan det ikkje vera store høgdeskilnader og løypa må kunne følgja snønivået gjennom sesongen. 3. Dei hevdar det må vera muleg å kryssa fv 7 med snøscooter med slede dersom ikkje / fram til brua vert bygd. Dvs. at det ikkje vert hindringar som vegrekkverk, kantar og liknande som gjer at dei ikkje kan kryssa vegen på bakkenivå. Det er ikkje ideelt for dei å kryssa vegen midt i avkøyrsla mot sør, fordi då blandar dei seg med trafikkbildet i krysset. Dei ynskjer muligheit for kryssing på ei/begge sidene av avkøyrsla frå fv 7 mot sør. 4. Dei hevdar skibrua er teikna med bærande konstruksjon i senter av fv 7, noko som kan gje siktsoneproblem vinterstid. 5. Dei hevdar det mest trafikkfarlege område for gåande på heile Kvamskogen er brua over elva aust for Ungdomsheimen. Brua er smal og har stor trafikk av gåande og hjelpekorpset brukar brua for å koma på austsida av elva. Dei hevdar det oppstår mange farlege trafikksituasjonar i løpet av eit år. 6. Hjelpekorpset meiner det er viktig at gang-/sykkelvegen vert bygd ferdig frå Ungdomsheimen med ny bru over elva fram til kryss til Kvednaskogen. Dette fordi dei fryktar Statens vegvesen hoppar over dette partiet og startar bygginga vest for elva for å spara brukostnaden. Får ein gang-/sykkelveg fram til kryss til Kvednaskogen, har ein muligheit å bruka løypenettet utafor fv 7 igjen. Kommentar. 1. Funksjonskontraktene set krav til korleis vegen med siktsoner skal brøytast. 2. Planforslaget viser gangveg under brua på denne plassen. 3. Reguleringsplanen legg opp til at dei skal nytta skibrua når dei skal over på andre sida av fylkesvegen. Det er denne løysinga som gjev best trafikktryggleik. 4. Skibrua er ikkje detaljprosjektert, men vil bli planlagt slik at fundament og bærande konstruksjonar ikkje kjem i konflikt med siktsoner. 5. Statens vegvesen er klar over problemet og har derfor utvida reguleringsplanen slik at den går fram mot kryss på austsida av elva. Kvammapakken si oppgåve er trafikksikring på Kvamskogen innafor ei prisramme på 10 mill. kroner og er tenkt investert på strekninga frå Ungdomsheimen til NAF-kiosken. 6. Trafikksikringstiltaket som ligg innafor Kvammapakken er strekninga frå Ungdomsheimen til NAF-kiosken. Statens vegvesen er klar over problema frå Ungdomsheimen og austover til kryss mot Kvednaskogen og har derfor tatt strekninga med i reguleringsplanen. Så får ein sjå om strekninga inkludert gangbru over elva let seg finansiera. 44

45 3.4 Cafe Flåten AS, gnr. 19 bnr. 315, Kvernavollen hytte. Hytteeigaren ser positivt på at det vert etablert gang-/sykkelveg på Kvamskogen, men har følgjande merknader til gang-/sykkelveg frå Ungdomsheimen mot Tokagjelet: Gang-/sykkelveg frå Ungdomsheimen mot Tokagjelet bør liggja på nordsida av fylkesvegen, eventuelt utvida vegen på den sida. Argumenta for dette er: Hytta deira og Kvernavollen Camping må då ikkje rivast. Ved å sprengje fjell på nordsida får ein fyllmassar. Det er fleire brukarar på nordsida av fylkesvegen. Framlagt alternativ medfører ei trafikkfarleg utkøyrsle frå Kvednaskogen. Kommentar. Statens vegvesen meiner gang-/sykkelveg frå Ungdomsheimen mot Tokagjelet må liggja på nordsida av fylkesvegen. Det meste av hyttene ligg på denne sida og det er derfor naturleg at gang-/sykkelvegen ligg på denne sida. Det medfører vidare små inngrep på gnr. 19 bnr Henrik Steine. Grunneigaren reagerer på at detaljeringa av planen er kome så langt før dei får gje innspel til planarbeidet. Han meiner innspela skulle vore tatt omsyn til på eit tidlegare tidspunkt i planarbeidet og at det er vanskelegare å få til endringar når planen blir framlagt som «låst» og viser til plan og bygningslova. Frå profil er det ein ferdigbygd tilkomstveg på austsida av fylkesvegen for hyttene som ligg frå profil Denne tilkomstvegen er ikkje tatt med i planforslaget og kjem i konflikt med planforslaget. Grunneigaren reagerer på det store inngrepet på austsida av fylkesvegen mellom profil Han reagerer på grøftebredda som er valt på denne strekninga og meiner planforslaget er lite tenleg for dei slik at dei ikkje kan vera positiv til denne delen av planen. Skibrua burde etter grunneigaren si meining kryssa fv 7 der folk vanlegvis kryssar vegen; i profil 370. Gangbrua bør og vera i samband med busslommene dersom ein vil unngå at folk kryssar fylkesvegen i plan. Grunneigaren spør om årsaka til endringa av kryss i profil 670 for tilkomst til Mødalen. Kommentar. 45

46 Innspela til planforslaget kjem tidleg i planfasen, men for å få ein god dialog er det viktig å har ei løysing å diskutera ut frå. Derfor vart grunneigarane presentert eit forslag til planløysing på første kontaktmøte. Men løysinga har ikkje vore «låst» og det er gjort store endringar på planforslaget frå dette første kontaktmøte. Ny tilkomstveg på austsida av fylkesvegen mellom profil ca er tatt med i planforslaget. Tilkomstvegen må flyttast austover grunna at fylkesvegen vert flytta lengre inn i terrenget for ikkje å få konflikt med elva. Grøftebredda er dimensjonert i tråd med grøftenormalen og at ein skal ha tilstrekkeleg sikt i innerkurve. Skibrua er plassert i samsvar med ynskje frå Kvamskogen Næringslag og er plassert slik at den skal vera til nytte for dei fleste brukarane. Krysset og tilkomsvegen til Mødalen er flytta for å få ei meir direkte veglinje i samsvar med vegnormalen, handbok Nils Bjarte Rosseland, gnr. 22 bnr. 9. Grunneigaren har merknader til traseval frå Ungdomsheimen mot Tokagjelet. Gang- /sykkelvegen bør liggja på nordsida av vegen, same sida som Ungdomskeimen, av følgjande grunnar: Det er fleire brukarar på nordsida av fylkesvegen. Betre sikt med tanke på brøytekantar om vinteren. Blir gang-/sykkelvegen etablert på sørsida av fylkesvegen og berre gå til utkøyrsla frå Kvednaskogen, vil det verta svært trafikkfarleg å krysse fylkesvegen i ein skarp og uoversiktlege kurve. Det har alt vore to dødsulykker på denne strekninga. Ved å sprengja bort fjell på nordsida får ein fyllmassar mot NAF-kiosken. Ein øydelegg ikkje området utafor hytta som ligg på sørsida like aust for brua. Utkøyringa frå Kvernavollen Camping vert tryggare med tanke på frisiktsone. Vegetasjon planta langs vegen for å skjerma mot hytta og campingplassen vil bli øydelagt, det vert svært opent og meir støy mot campingplassen. Grunneigaren kommenterar fartsgrensa og meiner den er uforsvarleg.. Brua på denne strekninga er og farleg fordi den er smalare enn vegen elles. Kommentar. 46

47 Statens vegvesen meiner gang-/sykkelveg frå Ungdomsheimen mot Tokagjelet må liggja på nordsida av fylkesvegen. Det meste av hyttene ligg på denne sida og det er derfor naturleg at gang-/sykkelvegen ligg på denne sida. Fartsgrensa er ikkje ein del av reguleringsplanen og vert vurdert i eigne fora 3.7 Ingrid Løvberg, bnr. 22 bnr. 11. Ingrid Løvberg klargjer eigedomsforholdet på gnr. 22 bnr. 11. Ho er og informert kva som kom fram på informasjonsmøte i Furudalen 7. mars 2012 og ho har og hatt ein samtale med Leiv Ingmar Kaale hos Kvam herad. Ho meiner at det er lite presist som kan seiast om utbygginga og konsekvensar for deira eigedom. Dei har fått opplyst at gang-/sykkelvegen kan bli lagt på nordsida av fylkesvegen frå Ungdomsheimen og austover. Dette kan berøra deira eigedom og dei kjem derfor med følgjande merknader: Hyttetomta er i utgangspunktet liten og ein ytterlegare reduksjon av storleiken vil forringa gleda av staden som rekresajonsområdet for eigar. I forhold til eit eventuelt sal av eigedomen vil ein redusert storleik verta lite attraktiv i marknaden. Hytta har i snart 90 år hatt direkte avkøyrsel frå fylkesvegen og har hatt parkeringsplass for 4 5 bilar sommartid. Blir dette endra vil det bety mykje for bruken av hytta då eigaren ikkje har alternativ parkeringsplass. Grunneigaren ynskjer å bli oppdatert i utbyggingssaka og ber om at informasjon vert send til hennar adresse: Ingrid Løvberg, Rugdeveien 44, 5097 BERGEN. Kommentar. Statens vegvesen meiner gang-/sykkelveg frå Ungdomsheimen mot Tokagjelet må liggja på nordsida av fylkesvegen. Det meste av hyttene ligg på denne sida og det er derfor naturleg at gang-/sykkelvegen ligg på denne sida. Dette vil berøra gnr. 22 bnr. 11 som får inngrep på sin eigedom og i tillegg får eigedomen avkøyrsle via gang-/sykkelvegen fram til Kvednaskogen. 47

48 3.8 Sverre Riise, gnr. 19 bnr Gnr. 19 bnr. 119 blir sterkt berørt med ei planfri kryssing av fylkesvegemn like ved NAFkiosken. Denne framlagte løysinga vil medføra stor verdiforringing av deira tomteområdet. Dei har planar om å byggja 3 hytter på tomta, noko grunneigaren ser som muleg ut frå gjeldande reguleringsplan med tilknyting av vatn og avlaup. Dei ynskjer at gangbrua vert flytta til sør for avkøyringa til Kvinhovden der størstedelen av folk vil finne det naturleg å krysse fylkesvegen for å gå til Furedalen eller til tur opp Mødalsvegen. Skulle det visa seg at noverande forslag vert gjennomført vil dei be om å få utløyst deira tomt ut frå reell verdi/tap av nemnde muligheiter for deira familie. Kommentar. Gangbrua er flytta til avkøyringa til Kvinnhovden og merknaden er imøtekomen. 48