Statens vegvesen. Fjell kommune Postboks STRAUME. Att: Willy Sørensen

Transkript

1 Statens vegvesen Fjell kommune Postboks STRAUME Att: Willy Sørensen Behandlende enhet: Saksbehandler/telefon: Vår referanse: Deres referanse: Vår dato: Region vest Lilli Mjelde / / Rv 555 Sotrasambandet. Parsell Kolltveit - Bergen kommunegrense. Oversending av forslag til reguleringsplan, planid RP for slutthandsaming og vedtak. Statens vegvesen sender med dette over forslag til reguleringsplan for rv 555 Sotrasambandet, parsell Kolltveit Bergen kommune, planid RP, til slutthandsaming og vedtak i Fjell kommune. Forslag til reguleringsplan låg ute til høyring/offentleg ettersyn i perioden I utleggingsperioden vart det i samarbeid mellom Statens vegvesen og Fjell kommune arrangert eit ope informasjonsmøte 22. september 2015 og ein kontordag 29. september Her kunne alle som ønskte det, få informasjon om kva planframlegget ville ha å seie for eigen situasjon. I høyringsperioden kom det inn 11 uttalar frå offentlege etatar og organisasjonar, og 48 merknader frå private grunneigarar, utbyggjarar og andre. Alle merknader og uttalar til planframlegget er handsama og vurdert i samarbeid med Fjell kommune. Det er gjort mindre justeringar i plandokumenta, både på plankarta og i føresegnene, som følgje av dei uttalane og merknadene som kom inn. Dette er omtalt i eige punkt i planskildringa, kapittel 4. Som følgje av evaluering av dei totale kostnadene knytt til Sotrasambandet og ønskje om å redusere noko av anleggskostnadene, har Statens vegvesen i samråd med Fjell kommune utarbeidd framlegg til endring av løysing for ny rv. 555 over Arefjordpollen. Løysinga går ut på å fylle ut for vegen i Arefjordpollen og ha ei kort bru slik som på dagens rv. 555, i staden for ei lang bru over sjøen som opphaveleg planlagt. Samstundes kan ein få nytta noko av overskotsmassane i prosjektet og ha kort transportavstand for massane. Til samanlikning Postadresse Telefon: Kontoradresse Fakturaadresse Statens vegvesen Nygårdsgaten 112 Statens vegvesen firmapost@vegvesen.no 5008 BERGEN Landsdekkende regnskap Org.nr: Vadsø

2 2 med bruløysing, gir den alternative løysinga med fylling over større delar av pollen kostnadsreduksjonar på om lag mill. kr. Fjell kommune sende ut planmaterialet for den alternative løysinga på avgrensa høyring i slutten av januar 2016 med høyringsfrist Det kom inn 7 uttalar frå offentlege etatar og 1 merknad frå privat grunneigar. Ingen av desse hadde vesentlege merknader mot den alternative løysinga. Statens vegvesen har gått gjennom alle merknader og uttalar som har kome inn til reguleringsframlegget, både i hovudhøyringa for heile parsellen og i tilleggshøyringa for alternativ løysing i Arefjordpollen. Dei generelle kommentarane i vegvesenet sitt hovudnotat omtaler dei største endringane som er gjort i høve til vedteken kommunedelplan for Rv 555 Sotrasambandet og endring i Arefjordpollen utført som del av planprosessen for reguleringsplanen. I fleire av uttalane frå dei offentlege høyringspartane og i mange av dei private merknadene, er det tema som går att. Det gjeld spørsmål om auka vegkapasitet kontra ønskje om å avgrense biltrafikken og ta all transportauke med kollektiv eller gang/sykkel. Det er og stilt spørsmål om løysingar for prioritering av kollektivtransporten framfor biltransport, mellom anna korleis Fjell kommune sitt vedtak til kommunedelplanen om kollektivfelt på ny hovudveg (pkt. 3 og 4 i vedtaket) er handsama. Dette er viktige og sentrale tema som det har vore arbeidd mykje med i planprosessen, og som Statens vegvesen har valt å omtale i generelle kommentarar. Det gjeld og tilhøve til utgreiing av bybane på ny Sotrabru, pkt 5 i vedtaket. Statens vegvesen har omtalt hovudendringane og tema som går på vegkapasitet, kollektivfelt, bybane på ny bru, støy og støyskjerming, i vedlagte notat med generelle kommentarar, datert , kapittel 2. Statens vegvesen sine kommentarar til den einskilde uttale og merknad er teke inn i vedlegg 1 3 med same dato. Oppfølging av Fjell kommune sitt vedtak til kommunedelplanen for rv 555 Sotrasambandet. Varsel om motsegn til pkt. 5 og 6. I Fjell kommunestyre sitt vedtak i møtet , sak 90_12 er det 6 punkt (pkt. 2-7 i vedtaket) som skal følgjast opp i reguleringsprosessen, sitat: «2. Strekninga frå Kolltveit til kryss på Bildøy vert bygd ut i samsvar med konsept J, alternativ J101. Konseptet inneber/inkluderer at noverande veg frå Kolltveit over Bildøybakken med bru over Bildøysundet og veg fram til området for nytt kryss på Bildøy vert framtidig sekundærveg på strekninga. Der ny veg krysser Bildøymarka, skal det sikrast tenleg undergang for landbruksinteressene i området. Gjennomgåande gang- og sykkelveg skal sikrast i planføresegnene og gjennom det vidare reguleringsplanarbeidet. Gjennom reguleringsplanarbeidet må ein også sikra at framtidig kryssløysing på Bildøy

3 3 vert minst mogleg arealkrevjande, og at ein i dette arbeidet også tek særleg omsyn til funksjonalitet for framtidig utbygging på nordre Bildøy. Konsept J101 inneber at den nye vegen i utgangspunktet skal vere open for allmen trafikk. Om trafikkutviklinga over tid tilseier særleg prioritering av kollektivtrafikken, vert dette å kome attende til som eiga sak for kommunestyret. 3. Strekninga frå kryss på Bildøy til kryss i Arefjord vert bygd ut i samsvar med konsept F, alternativ C102. Løysinga inkluderer ny sekundærveg frå kryss på Bildøy over Straumsundet, slik at ein får ein samanhengande sekundærveg mellom kryss Bildøy gjennom Straume til kryss Arefjord (jfr fig 7.7 i kommunedelplanen). Kommunestyret ser i utgangspunktet alternativ 2 for sekundærveg som den mest tenlege løysinga, men føreset at dei mest aktuelle alternativa for nye sekundærvegar over Straume vert nærare utgreidd før ein tek endeleg stilling til dette spørsmålet, jfr rådmannen si vurdering. Dette må skje på ein måte som gjer at det ikkje forseinkar arbeidet med hovudprosjektet. 4. Alternativ C102 inneber miljølokk over hovudvegen gjennom Straumeområdet, og kommunestyret føreset at dette lokket vert mest mogleg i samsvar med Vegvesenet sitt alternativ med lengde minimum 600 m, slik at ein best mogleg skal kunne skjerme planlagt busetnad i Straume sentrum for støy og forureining. Mellom Straume og kryss Arefjord skal 2 av dei 4 felta vere prioritert for kollektivtrafikk. Gjennomgåande gang- og sykkelveg skal sikrast gjennom planføresegnene, og inngå som premiss i det vidare reguleringsplanarbeidet. 5. Strekninga frå kryss Arefjord til kryss Storavatnet vert bygd ut i samsvar med konsept F. Kommunestyret tek ikkje stilling til kva alternativ ein skal velgja for strekninga. Kommunestyret ser det som naturleg at dette vert gjort i samsvar med komande planvedtak i Bergen kommune, men ser det som ønskjeleg at alternativ C7/C9 vert særleg vurdert ut frå omsyn til kostnader og kollektivløysing. Kommunestyret føreset at 2 av felta vert regulert for kollektivtrafikk, og soleis at 2 felt til kollektivtrafikk mellom Straume og kryss Arefjord vert vidareført på strekninga. 6. Ny firefelts bru vert å dimensjonera for bybane dersom dette i det vidare utgreiingsarbeidet viser seg å vere teknisk/økonomisk tenleg og mogleg å gjennomføra. I den samanheng må ein også vurdera bybane på eksisterande bru som eit alternativ. Ein må og sikra ei utforming av terminalområdet på Storavatnet som vil gjere det mogleg i framtida å utvida bybanetraseen vestover mot Sotra om dette skulle vise seg aktuelt. 7. I det komande reguleringsplanarbeidet må ein sikra at det vert lagt vekt på tilkomst til viktige naturområde/kulturområde/strandsone som evt kjem i konflikt med Sotrasambandet.» Til pkt. 2-4 i vedtaket I løpet av planprosessen for reguleringsplanen har Statens vegvesen i samråd med Fjell kommune kome fram til løysingar som totalt sett er betre enn dei som vart vurdert i

4 4 kommunedelplanprosessen. Desse endringane er meir detaljert omtalt i pkt 2.1 i vedlagte notat. Til pkt. 5 i vedtaket del om at 2 av felta vert regulert for kollektivtrafikk. Varsel om motsegn Planforslaget - med bussveg, kollektivfelt, og terminaler - legg til rette for eit attraktivt, effektivt og konkurransedyktig kollektivtilbod med full framkomst på heile strekninga mellom Kolltveit og Storavatnet både på ny rv. 555 og på eksisterande rv. 555 som vert lokalveg. Dette vil vere eit kraftig løft frå dagens situasjon der bussen står i same kø som annan trafikk. Mellom Straume og Arefjord er det planlagt eigen bussveg og det er planlagt kollektivfelt langs dagens veg vidare til Valen. Der bussen må gå saman med annan trafikk, viser trafikkberekningane at det ikkje er problem med framkomst for bussen. Ein viser til vedlagte notat pkt som omtaler planlagt løysing for kollektivtransporten meir detaljert. For å følgje opp vedtak til kommunedelplanen for Sotrasambandet om kollektivfelt langs ny hovudveg, er det søkt om fråvik for fleire alternative prinsippløysingar. Kollektivfelt på ein slik type hovudveg er i utgangspunktet i strid med gjeldande regelverk/praksis, og er utfordrande i høve til trafikktryggleik. Drotningsviktunnelen med maksimal tillaten stigning forsterkar dette. Statens vegvesen har ansvar for at alle samferdselsanlegg vert utforma slik at det gir færrast mogleg drepne og hardt skadde («0-visjonen»), høg brann- og tunneltryggleik, redusert sårbarheit, og auka beredskap/samfunnstryggleik. Dette gjeld for alle trafikantgrupper. Vegdirektoratet har vurdert at løysing med høgrestilte kollektivfelt vil ha akseptabel tryggleik, og har godkjent fråvik for dette i samsvar med søknaden. Den godkjente løysinga med høgrestilt felt er omtalt i kapittel 2.5 i vedlagte notat og illustrert i figur 5 i notatet. Uavhengig av kva for fartsgrense vegen har, er dette den maksimale utstrekninga. Det vert vidare vist til Vegdirektoratet sitt notat av der dei mellom anna skriv: «Vegdirektoratet mener at kjørefelt generelt bør reguleres med reguleringsformål kjøreveg. Om kjørefeltene skal skiltes som kollektivfelt/sambruksfelt e.l. bør behandles etter vegtrafikkloven. Dette gjelder generelt. Hvis ikke det gjøres slik vil enhver større og mindre endring i skiltingen måtte behandles både etter vegtrafikkloven med tilhørende bestemmelser og etter plan og bygningsloven.» Vegdirektoratet sitt vedtak om fråvik og notat av vert lagt til grunn for løysing for kollektivfelt på ny rv. 555 i forslag til reguleringsplan. Statens vegvesen legg til grunn at innføring av kollektivfelt vert handsama etter Vegtrafikklova. Statens vegvesen har difor motsegn dersom det vert vedteke at

5 5 kollektivfelt på ny rv. 555 skal regulerast etter Plan og bygningslova. Til pkt. 6 i vedtaket - Ny firefelts bru vert å dimensjonera for bybane dersom dette i det vidare utgreiingsarbeidet viser seg å vere teknisk/økonomisk tenleg og mogleg å gjennomføra. Varsel om motsegn. Statens vegvesen har gjennomført teknisk/økonomisk forprosjekt om tilrettelegging for bybane på ny Sotrabru. Rapporten og tilrådinga vart sendt til kommunane, Hordaland fylkeskommune og Fylkesmannen i brev av Statens vegvesen tek ikkje stilling til om bybanen bør førast til Sotra eller ikkje. Seinare planprosesser og avklaringar må vise om dette er aktuelt. Tilrettelegging for bybane på ny Sotrabru er i første rekkje eit spørsmål om kostnadar/ investeringstidspunkt, risiko for feilinvestering (teknisk og økonomisk), og mogleg finansiering. Alternativet vil være å bygge ei separat bybanebru på det tidspunktet bane eventuelt skal realiserast. Bybane på eksisterande Sotrabru er lite aktuelt. Utgreiing av dette vart gjort i samband med kommunedelplanarbeidet. Utgreiinga viste at det berre var mogleg å føre fram eit spor over dagens bru og berre eitt bybanesett om gongen på brua. Det var ikkje råd å kombinere felt for bilkøyring på brua og bybanespor. Løysing med samanhengande lokalveg over sundet mellom Sotra og Bergen, og dermed mogleg omkøyring ved stenging av ny hovudveg, ville vere uråd å få til. Sårbarheita i vegsystemet ville auka monaleg. Forprosjektrapporten for bybane på ny Sotrabru viser følgjande: Dersom ny Sotrabru skal dimensjonerast for bybane vil det medføre ein ekstra investeringskostnad i fase1 på minimum 1,3 mrd. kr. Dette er ekstrakostnader som må inngå i finansiering for Sotrasambandet. Investeringsanalysen viser at bybane til Sotra må opnast seinast seks år etter at ny Sotrabru er opna for at det skal være økonomisk lønnsamt å gjøre denne ekstra førehandsinvesteringa. Statens vegvesen meiner at det ikkje er forsvarleg å tilrå at ny Sotrabru vert dimensjonert for bybane. Det er vanskeleg for oss å sjå at staten og trafikantane kan bere så store ekstrakostnadar og ta så stor risiko for eit mogleg framtidig tiltak som er så lite avklart. Det vil også vere ein klar risiko for at ein legg til rette for noko som viser seg å ikkje vere optimalt når banen eventuelt skal planleggjast og byggjast. Statens vegvesen har difor fremja forslag til reguleringsplan der ny Sotrabru ikkje vert dimensjonert for bybane. Både ut frå økonomi og risiko for feilinvestering vil det vere riktig å byggje ei eiga bybanebru om/når banen til Sotra skal byggjast. Statens vegvesen har motsegn dersom det vert vedteke at ny Sotrabru skal dimensjonerast for bybane. Til pkt. 7 i vedtaket

6 6 Statens vegvesen har lagt til rette for etablering av trafikksikker tilkomst til friluftsområder, strandsoner og andre viktige målpunkt i forslag til reguleringsplan for ny rv Det gjeld og sikre driftsvegar i jordbruksområda, sikre skulevegar m.m. Alternativ løysing for ny rv. 555 på fylling/kulvert over Arefjordpollen Alternativ løysing for ny rv. 555 over Arefjordpollen er omtalt i vedlagte notat, pkt Tilleggshøyringa for dette alternativet viste at ingen av høyringspartane hadde vesentlege merknader mot løysinga. Statens vegvesen har difor i samråd med Fjell kommune, innarbeidd løysing med fylling og kort bru for ny rv. 555 over Arefjordpollen i revidert framlegg til reguleringsplan for Sotrasambandet. Planmaterialet Oversendt planmateriale for forslag til reguleringsplan for sluttbehandling og vedtak i Fjell kommune er følgjande: Reviderte reguleringsplankart med revisjonsdato Reviderte reguleringsføresegner med revisjonsdato Revidert planskildring med revisjonsdato Teikningsliste revidert Den viser kva for teikningar som er revidert og kva for teikningar som er uendra sidan 1. gongs handsaming. Reviderte teikningar vert ettersendt. Notat datert : Rv 555 Sambandet Sotra-Bergen, parsell Kolltveit - Bergen kommunegrense. Framlegg til reguleringsplan. PlanID 1201_ , Fjell kommune. Statens vegvesen sine kommentarar til uttale og merknader som har kome inn i høyringsprosessen o VEDLEGG 1_Fjell kommune - innkomne uttale frå offentlege etatar. Statens vegvesen sine kommentarar datert o VEDLEGG 2_Fjell kommune - innkomne private merknader i høyringsperioden. Statens vegvesen sine kommentarar datert o VEDLEGG 3_Alternativ løysing Arefjordpollen. Statens vegvesen sine kommentarar til merknader frå avgrensa tilleggshøyring. Datert , revidert med merknad frå Hordaland fylkeskommune Planmarerialet datert knytt til alternativ løysing for ny rv. 555 med fylling og kort bru over Arefjordpollen 1. Reguleringsplankart 2. Planskildring med forslag til endring av føresegner 3. Teikningshefte med illustrasjonskart YM-plan (FR 22) er revidert med siste revisjonsdato og vert ettersendt. Alle andre fagrapporter, illustrasjonar, video m.m. er uendra sidan 1. gongs handsaming og vert ikkje sendt over på nytt no.

7 7 Statens vegvesen avdeling Hordaland Med helsing Helge Eidsnes Regionvegsjef Magnus Natås Vedlegg: Rv 555 Sambandet Sotra-Bergen, parsell Kolltveit Bergen kommunegrense. Framlegg til reguleringsplan. PlanID RP, Fjell kommune reguleringsplan. Statens vegvesen sine generelle kommentarer til uttalelser og merknader som har kome inn i høyringsprosessen. Notat datert o VEDLEGG 1_Fjell kommune - innkomne uttale frå offentlege etatar. Statens vegvesen sine kommentarar datert o VEDLEGG 2_Fjell kommune - innkomne private merknader i høyringsperioden. Statens vegvesen sine kommentarar datert o VEDLEGG 3_Alternativ løysing Arefjordpollen. Statens vegvesen sine kommentarar til merknader frå avgrensa tilleggshøyring. Datert , revidert med merknad frå Hordaland fylkeskommune Reviderte reguleringsplankart med revisjonsdato Reviderte reguleringsføresegner med revisjonsdato Revidert planskildring med revisjonsdato Teikningsliste revidert Følgjande planmateriale vert ettersendt: 6 stk. hefter med reviderte reguleringsplankart med revisjonsdato stk. reviderte reguleringsføresegner med revisjonsdato stk. revidert planskildring med revisjonsdato Teikningsliste revidert Reviderte illustrasjonsteikningar i samsvar med Teikningsliste. Revidert YM plan, rapport FR 22 Illustrasjonsteikningar og fagrapportar som ikkje er endra sidan høyringa, og planmateriale knytt til alternativ løysing for ny rv. 555 over Arefjordpollen, datert , vert ikkje sendt på nytt no.

8 8 Kopi til: Bergen kommune, Byrådsavdeling Byutvikling, Etat for plan og geodata, Postboks 7700, 5020 Bergen Dokumentet er godkjent elektronisk og har derfor ingen håndskrevne signaturer.