ØRSTA KOMMUNE politisk sekretariat

Transkript

1 ØRSTA KOMMUNE politisk sekretariat Tussa Kraft AS Langemyra ØRSTA Saksnr Løpenr. Saksansvarleg Arkiv Dato 2013/ /2014 WANGEN 112/ MELDING OM VEDTAK I SAMFUNNSUTVALET , SAK PS 14/14: GNR/BNR 112/1, MOLAUPEN - SØKNAD OM DISPENSASJON FRÅ KOMMUNEPLANEN FOR MELLOMBELS ETABLERING AV FLYTEBRYGGE Saksprotokoll tilråding / vedtak i samfunnsutvalet Samfunnsutvalet (SFU) registrerte ved synfaring at tiltaket allereie var utført utan løyve. Etter SFU sitt syn framstår tiltaket som dårleg tilpassa det særeigne og verdfulle kulturmiljøet på Molaupen. SFU finn det beklageleg at tiltaket var utført slik. Etter ei samla vurdering finn SFU likevel at tiltaket får stå, men på følgjande vilkår: Kaia må endrast slik at betongdekket vert istøypt naturstein, både overflate og ytre front må få synleg naturstein i overflata. Plan for korleis dette skal gjennomførast må leggast fram for kommunen. Frist for gjennomføring vert sett til 1. september SFU vil ta ny synfaring etter fristen. 2. Det vert gitt dispensasjon for forankring av flytebrygge på kaia, jf pbl SFU ber rådmannen følgje opp saka som ulovleg arbeid. Handsaminga (9 røysteføre) Samfunnsutvalet var på synfaring i saka. Stein Aam fekk permisjon frå møtet under handsaminga av saka og var ikkje med på røystinga. (8 røysteføre) Samfunnsutalet hadde følgjande fellesframlegg til vedtak: 1. Samfunnsutvalet (SFU) registrerte ved synfaring at tiltaket allereie var utført utan løyve. Etter SFU sitt syn framstår tiltaket som dårleg tilpassa det særeigne og verdfulle kulturmiljøet på Molaupen. SFU finn det beklageleg at tiltaket var utført slik. Etter ei samla vurdering finn SFU likevel at tiltaket får stå, men på følgjande vilkår: Postadresse: postmottak@orsta.kommune.no ØRSTA MVA

2 Kaia må endrast slik at betongdekket vert istøypt naturstein, både overflate og ytre front må få synleg naturstein i overflata. Plan for korleis dette skal gjennomførast må leggast fram for kommunen. Frist for gjennomføring vert sett til 1. september SFU vil ta ny synfaring etter fristen. 2. Det vert gitt dispensasjon for forankring av flytebrygge på kaia, jf pbl SFU ber rådmannen følgje opp saka som ulovleg arbeid. Det vart røysta alternativt mellom tilrådinga og fellesframlegget. Fellesframlegget vart samrøystes vedteke. Rett utskrift av møteprotokollen Toril Langlo Politisk sekretær Kopi til: Fylkesmannen i Møre og Romsdal Fylkeshuset 6404 Molde Møre og Romsdal fylkeskommune Fylkeshuset 6404 Molde Norges Vassdrags- og energidirektorat Postboks FØRDE Kystverket Serviceboks ÅLESUND Hjørundfjord kulturvernlag v/synnøve Hill Landbrukskontoret, her

3 ØRSTA KOMMUNE SAKSFRAMLEGG Sakshandsamar: Gunnar Wangen Arkivsak: 2013/1721 Løpenr.: 8/2014 Utvalsaksnr. Utval Møtedato 14/14 Samfunnsutvalet GNR/BNR 112/1, MOLAUPEN - SØKNAD OM DISPENSASJON FRÅ KOMMUNEPLANEN FOR ETABLERING AV MELLOMBELS FLYTEBRYGGE TILRÅDING TIL VEDTAK: Samfunnsutvalet (SFU) viser til søknaden om dispensasjon frå kommuneplanen sin arealdel og frå plan- og bygningslova (pbl) 1-8 for reparasjon av kai og etablering av mellombels flytebrygge. SFU viser til at området ved Molaupen er svært viktig for nyare tids kulturminne knytt til tidlegare aktivitet med gardsdrift og busetting. Molaupen ligg også i eit storslått fjordlandskap der kulturmiljøet inngår i eit naturlandskap av stor verdi. SFU vurderer området som viktig også for friluftsliv og med potensiale for utnytting i samband med småskala reiseliv. Med heimel i pbl 19-2 gjev SFU dispensasjon frå kommuneplanen sin arealdel og frå pbl 1-8 for reparasjon av kai og utlegging av mellombels flytebrygge fram til og med Det vert sett som vilkår at reparasjon av kaia må skje som ei restaurering i samsvar med slik kaia var opphavleg. Det kan ikkje støypast dekke på kaia. Flytebrygga kan ikkje forankrast til kaia, men til svaberg/land ved sidan av kaia. Under desse føresetnadane finn SFU at plangrunnlaget, strandsoneinteressene eller kulturminneinteressene ikkje vert sett vesentleg til side, og at det er større fordelar enn ulemper med å gje dispensasjon. Dersom det under arbeidet vert oppdaga noko som kan vere maritime kulturminne, må arbeidet stoppast for avklaring, jf. kulturminnelova. Vedtaket om dispensasjon gjeld i tre år. Utskrift til: Tussa Kraft AS, Langemyra 6, 6150 Ørsta Fylkesmannen i Møre og Romsdal, Fylkeshuset, 6404 Molde Møre og Romsdal fylkeskommune, Fylkeshuset, 6404 Molde NVE, Postboks 53, 6801 Førde Kystverket, Serviceboks 2, 6025 Ålesund

4 Landbrukskontoret, her Hjørundfjord kulturvernlag v/synnøve Rekkedal Hill, 6165 Sæbø

5 Saksvedlegg: Søknad frå Tussa, datert , vedlagt situasjonsplan, teikning og foto Notat om Strandabøen og Molaupen av Berit Klepp Notat av om kaia på Molaupen m.v frå Per Morten Tennøy Uprenta saksvedlegg: Innkomne merknader Saksopplysningar: Det ligg føre søknad om dispensasjon frå kommuneplanen for reparasjon av kaia på Molaupen og etablering av mellombels flytebrygge på Molaupen. Området ligg i kommuneplanen sitt LNF- område sone D, der det er fastsett slik føresegn: Innanfor desse områda finn ein særleg viktige frilufts- natur- og viltinteresser. Det vert synt til temakart nr. 2, 5 og 8 frå Fylkesmannen. Byggje og anleggstiltak som ikkje har direkte tilknytning til landbruksverksemd vert ikkje tillate. Oppføring av fritidshus vert ikkje tillate med unnatak av i regulerte felt. Vedkomande kaia er søknaden formulert som ei melding. Ein reparasjon slik den er omsøkt finn ein er så pass omfattande at tiltaket medfører vesentlege endringar av den opphavlege kaia, som må sjåast på som eit nyare tids kulturminne. Også dette tiltaket vil såleis vere avhengig av dispensasjon. Søknaden er sendt på høyring og det ligg føre følgjande fråsegner: Kystverket, Kystverket har vurdert søknaden opp mot formålet i havne og farvannsloven og har på nåværende tidspunkt ikkje vesentleg merknader til tiltaket. Fylkesmannen i Møre og Romsdal, Fylkesmannen har ut frå sine ansvarsområde ingen merknader til søknaden Landbrukskontoret, Viser til Søknad frå Tussa Kraft AS av om reparasjon av kaia på Molaupen og søknad om dispensasjon for mellombels flytebrygge på same stad. I denne omgang vert berre etablering om mellombels flytebrygge handsama. Etter synfaring angåande skogen på Molaupen har landbrukskontoret sjølv erfart at ilandstigning på Molaupen er relativt vanskeleg, ikkje minst om også utstyr skal på land og om det er uroleg sjø. Ut frå landbruksfagleg synsstad har ein ikkje noko å merke til den etableringa av flytebrygge som omsøkt av Tussa Kraft AS. Landbrukskontoret ser det difor som positivt at det vert etablert ei flytebrygge for å gjere ilandstigning på Molaupen langt tryggare og meir praktisk enn tilhøva er i dag. NVE, Tiltaket ligg i Skrednett sine aktsemdskart innanfor potensielt utlaupsområde for skred. Dersom ein vurderar tiltaket til å ligge innanfor sikkerheitsklasse S2 eller høgare for skred i byggteknisk forskrift (TEK10) rår vi til at det blir gjort ei skredfarevurdering av tiltaket.

6 Vår kommentar: Etter kommunen si vurdering vil det vere naturleg å plassere tiltaket i tryggleiksklasse S1, jf. byggteknisk forskrift (TEK 10) 7-3 med vegleiing. Møre og Romsdal fylkeskommune, Automatisk freda kulturminne Saka har vore til vurdering ved Bergens Sjøfartsmuseum med følgjande fråsegn: Museet kjenner ikkje til kulturminne ved Molaupen i Ørsta kommune som kan bli direkte råka av det omsøkte tiltaket. Me har heller ingen indikasjonar på at området har vore nytta som ankringsstad eller hamn i eldre tid. Museet har derfor ingen merknader til det planlagde arealinngrepet. Det er likevel mogleg at det ligg kulturminne i det aktuelle området. Me gjer derfor merksam på at tiltakshavaren pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. Kulturminne frå nyare tid Planen går ut på å støype eit 150 mm betongdekke oppå restane av ei eldre natursteinskai, og foreta innfesting av flytebrygge i denne betongplata. Den gamle kaia skal reparerast før betongplata vert montert. Flytebrygga er tenkt nytta Statsnett i samband med linjebygging. Den aktuelle kaia (kairuinen) ligg i eit sårbart natur- og kulturlandskap. Dei ulike kulturhistoriske elementa i dette landskapet er vist på kartskisse utarbeidd av Per-Martin Tennøy. Forutan nemnte kai finn ein skøyteveite mellom Larsnautet og Eliasnaustet, stø og naustruin (Eliasnaustet og Andersnaustet), Gunna-P steinen, spor etter feste (minebor) i fjellet for løypestreng, mur som danna bakvegg i ein vedsjå. På kaia var det tidlegare in stein med minebor som utgjorde hjørnet på kaia. Mineboret fungerte som fortøyingsstang for båt. På grunn av nemnte kulturminneverdien vil vi rå ifrå at det vert støypt ei betongplate oppå den gamle kairuinen då dette vil øydeleggje kaia som kulturminne og dessutan ver eit uheldig framant element i dette miljøet. Den gamle kairuinen går heilt i eitt med rullesteinsmiljøet som elles pregar landskapet ned mot sjøen. Vi vil difor stø opp om tanken om å restaurere den gamle natursteinskaia med same type stein som det som er her frå før. Målet må vere å gjenskape den gamle kaia, det vil seie legge på plass att stein som har rasa ut etter påkjenning frå sjø, ver og vind. Det er spesielt viktig å leggje på plass att den nemnte steinen med mineboret på opphavleg plass på hjørnet av kaia. Vi ser og positivt på ideen om å setje på plass igjen den gamle motoren som tidlegera var plassert ved sjåa. Vi har ingen særskilte merknader til at ein monterer ei flytebrygge av den storleik som er omsøkt. Vi vil midlertid foreslå at den vert forankra i svaberget ved sidan av natursteinskaia, ikkje i sjølve kaia. Det er dessutan viktig at ein ved Statsnett si linjebygging fer varsamt frem i terrenget, utan å gjere skade eller setje spor. Konklusjon Vi vil ut i frå omsynet til nyare tids kulturminne frarå forslaget om støyping av betongplate oppå den gamle kairuinen for feste av flytebrygge. Vi vil i staden rå til at kaia vert restaurert, rekonstruert slik ho tidlegare var, og at omsøkte flytebrygge vert montert i svaberget ved sidan av kaia.

7 Hjørundfjord kulturvernlag, motteken Hjørundfjord kulturvernlag kan forstå at Tussa går inn for betongdekke på steinbryggja, då ei natursteinskai som vender rett ut mot nordavinden sjølvsagt er utsett. Den tida det budde folk på garden var det nok jamnt tilsyn og skadar vart vølte etter kvart dei kom. Eit betongdekke på natursteinsunderlag er nok heller ikkje evigvarande. Med dei restar av kulturminne som er i området rundt bryggja, vil Hjørundfjord kulturvernlag støtte synet til fylkeskommunen og gå inn for at kaia vert attendeført til opphavleg utsjånad. Konklusjon Vi vil ut i frå omsynet til nyare tids kulturminne frarå forslaget om støyping av betongplate oppå den gamle kairuinen for feste av flytebrygge. Vi vil i staden rå til at kaia vert restaurert, rekonstruert slik ho tidlegare var, og at omsøkte flytebrygge vert montert i svaberget ved sidan av kaia. Vurdering og konklusjon: Søknaden inneheld ei kort omtale og grunngjeving, sjå vedlegg. På den eine sida er det peika på behovet for å ta vare på den kulturarven som framleis er att i Hjørundfjorden, det er peika på utvikling av turismen i området siste åra som referanse for dette. Tussa viser til aktiviteten på Molaupen som følgje av Statnett si bygging av 420 kv-lina som eit høve til å gjennomføre vedlikehald av kulturminne på Molaupen. Det er vist til at det ikkje er godt tilrettelagt for ilandstigning på Molaupen, og Tussa ønskjer difor å reparere den gamle kaia. Søknaden inneheld ei skisse og nokre bilde som illustrerer kva dei ønskjer å gjennomføre. Søknaden inneheld elles lite opplysningar om korleis tiltaket er tenkt gjennomført eller om føremålet og funksjonen med kaia. Det er ikkje opplyst om det skal nyttast same steintype eller byggemåte som på opphavleg kai. Vi oppfattar søknaden slik at det er ønskje om å bygge opp att kaia med naturstein til eit høgare nivå enn opphavleg og med 15 cm betongpåstøyp på toppen. Ut frå samtale forstår vi det slik at det er planlagt å nytte maskin ved muring. Omsøkt flytebrygge er føresett å vere eit mellombels tiltak, medan opprusting av kaia vil vere permanent. I høve kulturminneinteressene kan vi nemne at Strandabøen og Molaupen er to gamle strandgardar som ligg på nordaustsida av og i ytre del av Hjørundfjorden. Dei ligg i eit storslått fjordlandskap der kulturmiljøet inngår i eit naturlandskap av stor verdi. Gardane representerer ein viktig og særmerkt del av historia om busettinga i Hjørundfjorden. Det er i dag ståande hus berre på Strandabøen, men begge gardane representerer ein betydeleg verdi som nyare tids kulturminne. Det har vore busetjing på gardane sidan middelalderen og fram til slutten av 1940-talet og inn på 1950-talet. I annan samanheng har kommunen fått hjelp frå Berit Klepp til å utarbeide ei kortfatta framstilling av historia knytt til desse to strandgardane, dette notatet ligg vedlagt til orientering. Kommunen har også motteke informasjon frå Per Morten Tennøy som har samla namn og anna informasjon knytt til Molaupen. Han har også skissert eit kart med kulturminneelement i området nær den no omsøkte kaia og ein kort omtale. Dette ligg også vedlagt til orientering. Kommunen vurderer Både Strandabøen og Molaupen som område med svært viktige kulturminneinteresser frå nyare tid. Området ved Molaupen utgjer såleis ein viktig ressurs for oppleving i friluftssamanheng for ålmenta og ein viktig ressurs som kan utnyttast i

8 reiselivssamanheng. Begge deler har eit langt større potensiale enn slik det er utnytta i dag. Kommunen ser det såleis slik at ein betra tilkomst vil kunne kome til nytte for desse interessene. Tiltak for betre tilkomst må då sjølvsagt også ta naudsynte omsyn til dei kulturminna som verdiane i området bygg på. I samband med høyringa har Møre og Romsdal fylkeskommune først peika på plikta til å stogge arbeidet og melde frå om det vert oppdaga noko som kan vere maritime kulturminne, dette med bakgrunn i fråsegn frå Bergens Sjøfartsmuseum. Det er vidare gjort ei konkret vurdering med omsyn til reperasjon av kaia og flytebrygge. Av omsyn til kulturminneinteressene vert det rådd frå å støype ei betongplate oppå kaia. Det vert vidare rådd til at kaia vert restaurert, men då må den gjenskapast slik den var. Når det gjeld flytebrygga er det rådd til at flytebrygga kan monterast i svaberget ved sidan av kaia. Hjørundfjord kulturvernlag har også vurdert søknaden i høve kulturverninteressene. Dei støttar fylkeskommunen si vurdering og rår til at kaia vert restaurert og rekonstruert slik ho var tidlegare. Dei frårår støyping av betongplate, vidare at flytebrygga heller vert montert i svaberget ved sidan av kaia. Som det går fram av saksutgreiinga ovanfor, ser rådmannen i utgangspunktet positivt på ei betring av tilkomsten for ålmenta til Molaupen. Molaupen, og også den omsøkte kaia, har stor verdi i kulturminnesamanheng, og dei tiltak som skal gjerast må ta respektfullt omsyn til og ha som siktemål å styrkje og ta vare på kulturminneverdiane på staden. Rådmannen finn såleis å slutte seg til dei råd som har kome fram gjennom høyringa frå Møre og Romsdal fylkeskommune og Hjørundfjord kulturvernlag. Ein ser positivt på ei restaurering av kaia i samsvar med slik den har vore opphaveleg. Dette må då gjennomførast utan at det vert støypt eit betongdekke. Det er ikkje gjennomført synfaring knytt til denne saka for å undersøke korleis det ligg til rette for å etablere feste for flytebrygge ved sidan av kaia, men ein legg til grunn at dette vil vere mogleg å finne løysing for. Det er ikkje registreringar i naturbasen om verdifulle naturtypar eller artar som kan verte påverka av tiltaket. Det er heller ikkje kjent at det kan vere andre artar eller naturtypar i området som ikkje er fanga opp av registreringane i naturbasen. Tiltaket kan ha innverknad på natur- og kulturlandskapet. Dersom det vert utført i samsvar med tilrådinga, vil verknadene ikkje vere vesentlege. Kravet i naturmangfaldlova (nml) 8 om at saka skal basere seg på eksisterande og tilgjengeleg kunnskap er dermed oppfylt. I og med at naturmangfaldet i liten grad vil bli påverka av tiltaket og at det ikkje kan påvisast at tiltaket vil ha effekt på verdifull natur, vert det lagt til grunn at det ikkje er naudsynt å gjere vurderingar etter dei andre miljøprinsippa i nml Etter ei samla vurdering finn rådmannen med vising til føresetnadene som er gjort greie for ovanfor, at omsyna til plangrunnlaget og dei konkrete kulturverninteressene som gjer seg gjeldande ikkje vert sett vesentleg til side. Med vising til at tiltaket vil kunne ha nytte for tilkomst for ålmenta og at ei restaurering vil kunne bidra positivt til å ivareta kulturminneinteressene, finn rådmannen også at det er større fordelar enn ulemper med å gje dispensasjon.

9 Eldar Øye leiar plan- og utviklingsstaben Gunnar Wangen avdelingsleiar plan og miljø